هموم مهاجر

[ايهاب سالم]

موضوع رائع

تسجيل متابعه

[free bird]

موضوع حقيقي مهم ويجب مناقشته.. اشكرك

[مازن أطرش]

أحب أطرح وجهة نظري التي استقيتها من قراءاتي بهذا المنتدى ..ومن الناس اللي اعرفها . :lol: .....أولا أبدأ بطرح السلبيات... :sad: كندا طبعا مش بلد لجني الفلوس .. الشغل فيها مش متوفر بسهولة ...المناخ فيها صعب ..بارد جدا ..مافيش آذان ...في ناس ملحدة ..في حرية للبنات لا تتناسب مع قيمنا اللاسلامية .. :unsure: ولا حتى قيمنا الشرقية ..عشان تلاقي شغلانة جيدة ذات دخل محترم لازم تعادل الشهادة ..والمعادلة مش سهلة ..اتقان احدى اللغتين مش مهم بس ده ضرورة لا بديل عنها ..الواحد مهما كان وضعو ببلده لازم يكون مستعد يشتغل اي شغلانة تتوفر ليه ..عامل بمحطة بنزين ..توصيل بيتزا ..عامل بهايبر ماركت ..الشغل كلو محترم ومفيش شيء اسمو عيب .. :closedeyes: .ممكن كتير تا كل اكل مش حلال ...اغراءات الابتعاد عن الدين كثيرة خصوصا بالنسبة للعلاقات مع الجنس الآخر . :wub: .القابض على دينه كالقابض على جمرة من النار ... العلاقات الاجتماعية ان لم تكن معدومة فهي محدودة ...ماحدش يتوقع مساعدة من ولاد بلده ...حتى ولو حصل فالواحد لازم يحسب انو الاعتماد على النفس هو وسيلته الوحيدة ...ده اللي فاكرو دلوقتي من السلبيات ..نيجي بقا للايجابيات ...كندا بلد الحرية . :rolleyes: .بلد الأمن والأمان الحقيقي ..بلد تقدر تقول فيها اللي انتا عاوزوا ..بلد انت محترم فيها لكونك انسان مش لكونك ابن فلان وعلان ..بلد ماتخافش فيها من العوز او الفقر او انقطاع الكهرباء او زوال الدعم ؟؟؟ بلد تشم فيها ريحة النضافة سواء بالطبيعة او حتى بالتعامل ..بلد الفرص ..اللي عندو طموح ويسعى لتحقيقه...ويشتغل بجد بيوصل ...مش بلد يدرس فيها ويتفوق ويشتغل بجد ..وبالآخر ..محلك سر عشان مافيش واسطة !! بلد السكن فيه مش ازمة ..المواصلات مش ازمة ..بلد الأطفال ..جنة الأطفال ...طفلك يتعلم احسن تعليم ..ويخش احسن جامعات بالعالم ..بدون دروس خصوصية ..ولا واسطة .... wst::

اتمنى من اللي عايش بكندا يصححلي معلوماتي ...وللحديث بقية

[جيمي]

ربنا يهدينا جميعا للخير :lol:

تسجيل متابعه :closedeyes:

[د هشام ابراهيم]

فيه مداخلة حضرتك كنت كتبتها فى موضوع الخناقة الأخيرة...و عجبتنى جدا

مش فاكراها بس مضمونها إن الأول بنشوف الغلط

بعدين نسكت عنه

بعدين نعتبره مسلمات و حاجة عادية و ممكن نشترك فيه كمان

عجبنى جدا الكلام لأنه ينطبق على مواقف شفتها

سأحتفظ بباقى تعليقى...لاحقا

حتى لا أقاطع مسار الحديث

اللي عنده استعداد يتخلي عن مبادئه أو دينه أو يتنازل عن مسلمات حيعمل كده سواء في كندا أو في المريخ ...اذا كانت الهجرة هي المحك اللي حيبيين عيب في الشخصية أو الاخلاق أو الدين فالعيب مش في الهجرة ....فكرة إن احنا محميين من الغلط داخل بلادنا انما لما بنطلع بره الغلط بيبقى اسهل أنا شايفها فكرة في منتهي الخطورة و بتدل علي ضعف واضح في أسس التربية ....اللي سهل ليه الغلط مستني أول اختبار علشان يسقط

متابع باهتمام

[د هشام ابراهيم]

أحب أطرح وجهة نظري التي استقيتها من قراءاتي بهذا المنتدى ..ومن الناس اللي اعرفها . :lol: .....أولا أبدأ بطرح السلبيات... :wub: كندا طبعا مش بلد لجني الفلوس .. الشغل فيها مش متوفر بسهولة ...المناخ فيها صعب ..بارد جدا ..مافيش آذان ...في ناس ملحدة ..في حرية للبنات لا تتناسب مع قيمنا اللاسلامية .. :unsure: ولا حتى قيمنا الشرقية ..عشان تلاقي شغلانة جيدة ذات دخل محترم لازم تعادل الشهادة ..والمعادلة مش سهلة ..اتقان احدى اللغتين مش مهم بس ده ضرورة لا بديل عنها ..الواحد مهما كان وضعو ببلده لازم يكون مستعد يشتغل اي شغلانة تتوفر ليه ..عامل بمحطة بنزين ..توصيل بيتزا ..عامل بهايبر ماركت ..الشغل كلو محترم ومفيش شيء اسمو عيب .. :closedeyes: .ممكن كتير تا كل اكل مش حلال ...اغراءات الابتعاد عن الدين كثيرة خصوصا بالنسبة للعلاقات مع الجنس الآخر . wst:: .القابض على دينه كالقابض على جمرة من النار ... العلاقات الاجتماعية ان لم تكن معدومة فهي محدودة ...ماحدش يتوقع مساعدة من ولاد بلده ...حتى ولو حصل فالواحد لازم يحسب انو الاعتماد على النفس هو وسيلته الوحيدة ...ده اللي فاكرو دلوقتي من السلبيات ..نيجي بقا للايجابيات ...كندا بلد الحرية . :rolleyes: .بلد الأمن والأمان الحقيقي ..بلد تقدر تقول فيها اللي انتا عاوزوا ..بلد انت محترم فيها لكونك انسان مش لكونك ابن فلان وعلان ..بلد ماتخافش فيها من العوز او الفقر او انقطاع الكهرباء او زوال الدعم ؟؟؟ بلد تشم فيها ريحة النضافة سواء بالطبيعة او حتى بالتعامل ..بلد الفرص ..اللي عندو طموح ويسعى لتحقيقه...ويشتغل بجد بيوصل ...مش بلد يدرس فيها ويتفوق ويشتغل بجد ..وبالآخر ..محلك سر عشان مافيش واسطة !! بلد السكن فيه مش ازمة ..المواصلات مش ازمة ..بلد الأطفال ..جنة الأطفال ...طفلك يتعلم احسن تعليم ..ويخش احسن جامعات بالعالم ..بدون دروس خصوصية ..ولا واسطة .... wst::

اتمنى من اللي عايش بكندا يصححلي معلوماتي ...وللحديث بقية

المختصر المفيد :sad:

المشاركة ديه من حلاوتها عدتها زي ما هي ...رغم اختلافي مع بعض النقاط هنا و هناك انما أعتقد انها فوارق شخصية...... انما علي العموم رؤية متوازنة جدا ...... نرفع القبعة يا مازن باشا ... :hi:

[عبدوس الوزير]

أشكر لكم مداخلاتكم وإثرائكم للموضوع وأعتذر عن عدم استطاعتي الرد على كل مداخلة.

ولكن يمكنني أن أرى أن كثيرا من المداخلات تركزت على كون كندا بلد الأمن والحرية وأن الحرية غاية يهون في سبيلها المعاناة، وهو تمهيد لطيف لمداخلتي القادمة إن شاء الله.

[dodietman]

بقالي كتير بفكر في الحاجات دي وكانت مسببالي صراع نفسي كبير على مدي مش قصير .معتقدش أن في ناس بمستوي التفكير اللي موجود في المنتدي هيكون مش

عارف كل الاراء الايجابيه والسلبيه واللي من حين لاخر بيعاد طرحها ومناقشتها بأساليب مختلفه و سجالات أو حتى خناقات حول الهجره احيانا كمبدأ أو الدفاع والهجوم على

نمط الحياه في مصر في اوقات تانيه .لكن بعد تفكير لفتره طويله اكتشفت أن البلد اللي فيها ظلم بحجم اللي موجود في مصر لا يمكن سوي ان تجعلني مجبر على تركها

.عمال أقول ياواد ممكن يتصلح حالها لكن بعد ماقريت رواية مذكرات نائب في الارياف ,لقيت إن الحال هو الحال بقاله 70 سنه المأمور هو المأمور والفساد والوسطه والظلم زي ما

هوا.وبعدين هو احنا ليه الجنسيه الوحيده اللي متبته في تراب بلدها ولا هي ثقافة الفلاح الخنوع للظلم وتربية العيال وجوازهم ؟!!!!

نفسنا نعيش أحرار شويه

[kodo]

:lol:

غادر الصحفي عبدالحليم قنديل مقر عمله الساعة الخامسة مساءً يوم الإثنين 4/1/2010

متجهاً إلى بيته ... وإختفى منذ ذلك الوقت بعد نشر المقال بيومين

في جريدة الكرامة المصرية والتي تُعتَبر من أكبر جرائد المعارضة في مصر

وتدعي الشرطة المصرية أنها لا تعرف عنه شيئاً !!!!

وإلى الآن لم يُعثَر له على أثر ... ولن يُعثَر له على أثر بعد الآن !

وهذه صورة للمقالة وده يدل علي كم الحرية والاحترام اللي بنتمتع بيهم في بلدنا (من الحكومة )

و طبعا ده لوحده سبب كافي يخلي اي حد يشيل فكرة الهجرة ده من دماغه خالص

لله الامر من قبل ومن بعد

في رعاية الله

[عبدوس الوزير]

بس تذكير بسيط معلش. ده موضوع هموم الهجرة إلى كندا أو إلى الغرب بصفة عامة وليس موضوع هموم الوطن. لو سمحتم طلب بسيط للإخوة يا ريت التركيز على أصل الموضوع وعدم قلب الموضوع للمعاناة في مصر منعا للتشتيت.

وشكرا لكم.

[ايهاب سالم]

إذا سمحتم يا جماعه بلاش نشتت الموضوع

لو سمحت يا أ عبدوس تكمل و يا ريت توضح لو عايزنا نعلق مباشرة على ما تكتب أم ننتظر للنهايه

[kodo]

:lol:

ده مش تشتيت ده هو الاساس لو حضرتك وغيرك مرتاح في بلده اي كانت مش هيفكر يسبها ويمشي

و كمان عشان نقدر نحكم اذا كنا هنقدر نستحمل هموم الهجرة ولا نقعد في بلدنا احسن وكفي الله المؤمنين شر القتال

يعني الصورة لازم تكون واضحة من كلا الجانبين بدون تحيز عشان نقدر ناخذ القرار الصحيح بدون ندم ( ونتعلم من اخطاء الاخرين )

في رعاية الله

[magedghonim]

الموضوع انا شايف انه بسيط وبيبدأ من المهنة والحالة المادية:

يعني لو مهنتك ريجوليتيد يبقى سكة معادلة طويلة ومملة

وغالبا لحد كبير شبه مستحيلة

لازم تعمل حسايك على كدة

طب هل عندك استعداد تشتغل الشغل( الكجوال ) هناك للابد

والاحساس بالحرية والكرامة هيغطي تعبك ومرمطتك يبقى شيء رائع وتمام.....

مش اي حد يقدر يستحمل شغل مرمطة 3 او 4 سنين لحد مايعادل شهادته؟؟؟

او حتى يدرس من جديد ....؟؟

كمان الشغل قليل يبقى اعتقد الي يكون رايح هناك لازم يكون معاه قرشين حلويين

والا هيلاقي نفسه رقص على السلم....

فعلا يريت خبراء الهجرة ينصوحونا بخطط بديلة وتكون سهلة وعملية

لان الرؤية مش واضحة ابداااا

واسف على الاطالة.

[arabi]

بعت كل ما املك فى مصر

حجزنا على 22/10/2009

وصلنا كندا

انبسطنا اسبوع

بدات المشاكل و استمرت شهر

استلمنا ال كروت

رجعنا على اول طيارة الى مصر

مفيش بيت

مفيش اسرة

مفيش شغل

نادم على التجربة اللى خربت بيتى

منك لله يا كندا ياللى كنتى السبب فى ضياعى و ضياع اسرة كانت مبسوطة

منك لله يا كندا

منك لله يا كندا

منك لله يا كندا

أنا في غاية الإندهاش؟؟؟!!!

شهر واحـــــــــــــــــد و واحـــــــــــــــــد فقط

من أدخل في روعك أنك ها يستقبلوك و يوفروا لك كل حاجة في أقل من شهر (خصوصا في ظل الأزمة الإقتصادية التي ممكن أنك تكون قد سمعت عنها).

كندا يا فندم للجد و الإجتهاد و السماء لا و لم و لن تمطر ذهباو لا فضة (يمكن بس مطر).

و في الآخر منك لله يا كندا !!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟............ صح معاك حق كندا غلطانه ............غلطانه جدا............غلطانه خالص............... و إن شاء الله كندا مش هاتعمل كده تاني.

تم تعديل 18 فبراير 2010 بواسطة arabi

[astrophy]

تسجيل متابعة

[hamedebrahim]

[size="5"]تسجيل متابعة واعجاب بالموضوع

[عبدوس الوزير]

اسمحوا لي بردود مختصرة قبل المداخلة الثانية:

عزيزي الباشمهندس ايهاب: بالطبع يمكنك التعليق في أي وقت فالهدف هو تبادل وجهات النظر

عزيزي الأستاذ كودو: هل تعتقد حضرتك اني معرفش عبد الحليم قنديل؟ وهل تعتقد إني معرفش ايه اللي بيجرى في مصر؟ يا عزيزي كلنا هنا اتبهدلنا في الكلية والجيش والعمل، واتبهدلنا في الجواز والمصالح الحكومية، وقرأنا الدستور والكرامة والفجر ومن قبلها الوفد والشعب، وشفنا فيديوهات التعذيب وبنتابع الفضائيات. يا عزيزي الغرض من الموضوع كما حاولت التوضيح مرارا وتكرارا هو سرد لوجهة نظر شخصية (يعني أساسا غير موضوعية لأنها رؤيتي أنا) بصفتي عشت هنا فترة مش قليلة، وليس الهدف المقارنة بمصر ولا حتى التأثير على حد في قراره (أنى لي هذا التأثير إذا كنت أنا نفسي مهاجر). أنا فاتح هذا الموضوع للفضفضة وعموم النقاش فأرجوك وأرجو الإخوة التركيز على أصل الموضوع. ولا يعني هذا ألا تقدم وجهة النظر المعارضة كما فعل الدكتور هشام وكما أتوقع أن يفعل الكثيرون، ولكن أن تناقش فيما يطرح للنقاش.

عزيزي الدكتور هشام: المسألة مش بالاستعداد وإنما هي من قبيل "الزن على الودان أمر من السحر". والواحد ممكن يتخلى عن مبادئه من غير أن يشعر. والمبادئ ليست بالضرورة دينية الصبغة (وإنما أوردت مثال الأوتوبيس لكي "أصدم" القارئ) ولكن من ضمن المبادئ مثلا في اعتقادي هي حب الوطن مثلا ـ اللي أنا متأكد إنك هتوافقني إنه أول ما يفقده المهاجر.

عموما كما قلت أرحب بوجهة نظرك ووجهات النظر الأخرى فنحن بصدد تبادل وجهات النظر لا إقناع بعضنا البعض

وشكرا لكم

[عبدوس الوزير]

ـ كندا "أم" الحريات ـ

لكندا تأثير قوي على كل المهاجرين (ما وصفه أحد الأفاضل بحزب فاغري الأفواه) لما يرى فيها المرء من العجائب، وخصوصا في الحريات والمساواة. وشهدنا مواقف متكررة من الإخوة عن أدب وأخلاق الكنديين عموما والبوليس خصوصا، ولكني أتعجب أن أحدا لم يتطرق إلى بعض القصص التي شغلت الرأي العام الكندي وإن لم تذكر في المنتدى، ومنها على سبيل المثال:

قصة ماهر عرار

هي قصة طويلة عن شاب كندي من أصل سوري تم القبض عليه في أمريكا أثناء الترانزيت وتم ترحيله إلى سوريا حيث عانى من التعذيب حوالي سنة تحت ادعاء الإرهاب إلى أن تمت إعادته إلى كندا، حيث أظهرت التحقيقات فيما بعد أن سبب القبض عليه في أمريكا في الأغلب كان بسبب معلومات مغلوطة من البوليس الكندي تم إبلاغها للبوليس الأمريكي اللي مكدبش خبر وقبض عليه وبعته سوريا علشان يتظبط لأنه من غير الممكن محاكمته في كندا أو أمريكا لعدم كفاية الأدلة. ويمكن متابعة تفاصيل القصة في هذا الرابط

http://en.wikipedia.org/wiki/Maher_Arar

ولا يعنيني من هذه القصة في هذا الموضوع ما حدث للرجل (بتحصل في أحسن البوليس يعني) بقدر ما يعنيني رد فعل الكنديين حكومة وشعبا أثناء وبعد محنة ماهر. أولا قامت الحكومة الليبراليه بتسريب معلومات للإعلام اتضح فيما بعد أنها مغلوطه عن أنه تدرب في أفغانستان. يعني شغل تلفيق على أصوله. ثانيا عندما قامت الحكومة على استحياء ببعض الجهود الدبلوماسية لإعادة ماهر قام بعض نواب البرلمان المحافظين (المعارضين حينئذ) لا فضت أفواههم بنعت ماهر بالإرهابي والمطالبة بمساندة الولايات المتحدة ضد الإرهاب. بالمناسبة النواب المذكورون هم رئيس الوزراء الحالي ستيفن هاربر ووزير الخزانة الحالي ستوكويل داي. ثالثا بعد أن قامت لجنة لتقصى الحقائق بإنصاف وتبرئة الرجل تماما وإدانة الحكومة والبوليس قررت الحكومة تعويضه بمبلغ 10 ملايين دولار تجنبا لرفع دعوى قضائية من جانبه (للإنصاف لم يكن هذا ليحدث في مصر). ولم يكن رد فعل الكنديين في التعليقات على الأخبار إلا المزيد من القدح فيه وإلقاء اللوم عليه ولم يعتبر أحد لمعاناته في السجن بسبب التلفيق البوليسي ومحاولة كسب الرضا الأمريكي. وبالمثل كان رد فعل الإعلام الأولى لسجن ماهر منقسما، فبينما قامت أحدى الصحف بالمطالبة بعودته قامت صحف أخرى بنعته بالإرهابي. وهذا تعارض صارخ مع مقولة "برئ حتى تثبت إدانته" خصوصا بالمقارنة بحالات أخرى لمجرمين كنديين مدانين في دول أخرى مثل المكسيك والسعودية، لم تزل الصحافة تطالب بعودتهم وتصف تلك الأنظمة بالجاهلة والمتخلفة

قصة Yao Wei Wu

وهي قصة حديثة لمهاجر صيني طرق البوليس باب بيته استجابة لشكوى، و عندما فتح الباب سحبوه إلى الشارع ونزلو فيه ضرب حتى كادوا يفقؤن عينه، ثم اتضح أنهم طرقوا الباب الخطأ. لحد هنا عادي وبرده بتحصل في أحسن البوليس. الغير عادي هو محاولة البوليس التغطية على الموضوع واتهام الرجل بمقاومة السلطات وأنه هو المتسبب في هذه المعاملة (وسلم لي على الشفافية). والغير عادي أيضا هو تعاطف بعض فئات الكنديين مع البوليس في هذه القصة واقتناعهم بأن الشرطة كانت تؤدي عملها فحسب. للمزيد يمكن مطالعة هذا الرابط

http://www.cbc.ca/canada/british-columbia/...-wu-injury.html

وهذه باقة من القصص القصيرة الأخرى:

من فانكوفر أيضا، البوليس يضرب ويسرق مواطنا

http://www.vancouversun.com/Transcript+Vic...2370/story.html

من فانكوفر أحلى مدينة في العالم، فيديو مثل فيديوهات وائل عباس

http://video.vancouver.24hrs.ca/video/feat...ape/63944763001

من أوتاوا، ضابط بوليس في غير وقت الخدمة يتخانق ويضرب سائق تاكسي

http://www.ottawacitizen.com/news/Taxi+dri...4479/story.html

والطريف في هذه القصة الأخيرة إن جاز استخدام هذا التعبير، أنه بعد الخناقة أتت إلى الموقع سيارة تحمل ضابطين، وما إن عرفوا أن أحد الطرفين رجل شرطة حتى انقلبوا على سائق التاكسي وظبطوا المحضر مع الطرف الآخر

أود هنا أن أتوقف لبرهة لأوضح وأعيد وأزيد في النقاط التالية بقدر استطاعتي استباقا لمعظم الردود وحتى يتضح غرضي من هذه المداخلة

ـ أقر وأعترف أنه في معظم كل هذه الحالات تم كشف وفضح المتآمرين من قبل الصحافة، وهذا يحسب للصحافة الكندية

ـ كما أقر وأعترف أن هذه ليست القاعدة بأي حال وإنما هي الاستثناء

ـ كما أقر وأعترف أنه في بعض هذه الحالات تم تعويض الضحايا تعويضا محترما وفي بعضها اعتذر المسؤولون وتم محاسبة بعضهم

يعني بصراحة أتمنى ألا تكون الردود من نوعية: شفت بقى أهو ممكن التعويضات دي تحصل في مصر؟ يا عيني على قيمة الإنسان المصري!

وإنما يعنيني من هذه القصص الآتي:

ـ أولا في كل هذه الحالات لم تكن لتنكشف إلا بالصدفة البحتة بسبب كاميرا أو شاهد أووثيقة مسربة

ـ ثانيا في كل هذه الحالات كان رد فعل السلطات المبدئي هو التستر على الجريمة ومحاولة تلفيق التهمة للضحية، أو تجريحه والإساءة إلى سمعته

ـ ثالثا في معظم هذه الحالات يكون هناك قطاعا من الشعب ممن يساند السلطات في إجرامها، ولا تجد هذا القطاع إذا كان الضحية أبيض وأشقر

ـ ورابعا وهو الأهم هو تعجبي من إصرار المهاجرين المصريين في مدح البوليس الكندي وأدبه وجنتلته بالمقارنة بالبوليس المصري طبعا حتى إذا كان الكنديون أنفسهم مش طايقينه، مما يدفعني للاندهاش حقيقة يعني.

لا أستطيع أن أزعم بأي حال أن هذه هي القاعدة في التعامل مع البوليس أو الحكومة. ولكني لا أستطيع منع نفسي من ربط هذه الحوادث مع كون الضحايا دائما من المهاجرين وتعليقات المواطنين الساخرة في بعض الأحيان ثم الإحساس بأنه من السذاجة الاقتناع بأن للمهاجر في هذا الوطن نفس حقوق السكان البيض

سبحانك اللهم وبحمدك، أشهد ألا إله إلا أنت، أستغفرك وأتوب إليك

[د هشام ابراهيم]

سيدي الفاضل قضية الانتماء ديه معضلة أخلاقية عويصة بتواجه الجيل الأول من المهاجرين في كل مكان و زمان ...انتماء المهاجر الجديد لانهي بلد ....و بالذات لو حصل تعارض بينهم ....يمكن حضرتك شايف إن انتمائك لبلدك الاصلي لو تأثر يبقى نقص في الأخلاقيات و ده حقك انما رأي حضرتك إيه في الناس اللي ما عندهاش انتماء لوطنها الجديد ...أكبر مثال اللي بياخد الباسبور و يهج من كندا و لا ضرايب و لا مساهمة من أي نوع و كمان لعن و ذم لحد ما تحصل أزمة فيعرف قيمة البلد ديه ...سواء الازمة صحية و لا سياسية إلخ ....تفتكر حضرتك ده موقف أخلاقي

علي فكرة احنا ناقشنا مشكلة ماهر عرار و كمان عمر خضر و المهاجر البولندي اللي أتصعق و مات في مطار فانكوفر ........ السؤال إيه البلد اللي في العالم كله اللي ما فيهاش تجاوزات من الشرطة؟ ..... لو تعرف حضرتك واحدة و تكون بتقبل مهاجرين قلنا عليها ينوبك ثواب :closedeyes:....... أنا حاكتفي بكلام حضرتك :

أود هنا أن أتوقف لبرهة لأوضح وأعيد وأزيد في النقاط التالية بقدر استطاعتي استباقا لمعظم الردود وحتى يتضح غرضي من هذه المداخلة

ـ أقر وأعترف أنه في معظم كل هذه الحالات تم كشف وفضح المتآمرين من قبل الصحافة، وهذا يحسب للصحافة الكندية

ـ كما أقر وأعترف أن هذه ليست القاعدة بأي حال وإنما هي الاستثناء

ـ كما أقر وأعترف أنه في بعض هذه الحالات تم تعويض الضحايا تعويضا محترما وفي بعضها اعتذر المسؤولون وتم محاسبة بعضهم

بالنسبة للشرطة الكندية أنا ادين ليها بالكثير و ما شفتش منهم الا كل خير و مش حاجيب سيرة الشرطة المصرية علشان حرام الاتنين يتحطوا في جملة واحدة أصلا

[الباشمهندس ياسر]

افتكر ان د. تهامي كتب موضوع ع عيوب الهجرة او مشاكل كندا

و ساعتها احترمت رغبته بعدم تشتيت موضوعه

نفسي اننا نحترم فكرة العضو كاتب الموضوع

و نسيبه يعرض تجربته الشخصية و همومه براحته

و لكني أحببت أن أهون عليك من أن ما أنت فيه علي مسافة 6000 ميل نحن و الكثيرين فيه رغم وجود المجتمع الداعم و الاسره العربيه بتقاليدها

و أسف علي ألاطاله

و هل الكلام ده بنفس النسبة يا سيدي الفاضل

و هل اختفاء مسألة العيب و اللي ميصحش و الحرام و الناس تقول علينا ايه ... من المجتمع الكندي مش عامله فرق خالص