هموم مهاجر

[عبدوس الوزير]

عزيزي الدكتور هشام

ذكرت أنا التخلي عن المبادئ والمسلمات ولم أذكر إن كانت المبادئ دي صح ولا خطأ. احنا الجيل اللي تربينا في حصص التربية الوطنية على كتاب كفاح شعب مصر وقصة اعتقاد الإسرائليين في حبوب الشجاعة المصرية. احنا الجيل اللي كان أهم علامات المدرسة هي موضوع التعبير عن نصر أكتوبر وموضوع الرسم عن العبور وتحيا جمهورية مصر العربية كل يوم في الصبح لمدة 13 سنة. لما نيجي بعد كل ده ويبقى مطلوب مننا اننا نرمي كل ده ورا ضهرنا ـ بغض النظر عن كونه صح ولا خطأ ـ يبقى لا تلومونا لما نصاب بالتوهان والإحباط

[د هشام ابراهيم]

و هل الكلام ده بنفس النسبة يا سيدي الفاضل

و هل اختفاء مسألة العيب و اللي ميصحش و الحرام و الناس تقول علينا ايه ... من المجتمع الكندي مش عامله فرق خالص

نقطة مهمه يا باشمهندس ردها في نقطتين

العيب و الحرام و اللي يصح و اللي ما يصحش بيتغرز في نفوس الاولاد من و هما صغيرين .....أنا عايز أقولك إن فيه أفراد كتير من الجيل التاني من المهاجرين حس الحرام و الحلال عندهم أعلي من اقرانهم اللي متربيين في دول عربية ...الولاد بيطلعوا عارفين انهم مختلفين و إن اللي ممكن غيرهم يعملوه مش مسموح ليهم ...و ده دور الابوين اللي أشرنا ليه مرارا و تكرارا ....مش ناوي تدي لاولادك أقصي الاهتمام بالذات في السنوات الأولي يبقى خلصت تماما و لو كان الكلام ده صحيح ١٠٠ ٪ في أي مكان في الدول الغربية ٢٠٠ ٪

النقطة التانية الاهم ولادك بيعملوا الصح علشان هو صح مش علشان الناس حتقول عليهم إيه ...اللي بيراقبهم ربنا مش الجيران ...معني انهم يراعوا ربنا مش كلام الناس انك ما تخفش عليهم لو ما فيش حد معاهم و ديه نقطة حيوصل ليها الولاد يوما ما مهما أحتطهم من حماية ...في يوم حيتعرضوا لاغراء و حيبقوا لوحديهم و ما حدش شايفهم غير ربهم اللحظة ديه اللي بتبين التربية صح و لا غلط ..... اللي حيقع في الغلط لغياب الوازع الديني و الاخلاقي حيقع سواء كندا أو المريخ و العكس صحيح

منور باب كندا يا باشا

[د هشام ابراهيم]

عزيزي الدكتور هشام

ذكرت أنا التخلي عن المبادئ والمسلمات ولم أذكر إن كانت المبادئ دي صح ولا خطأ. احنا الجيل اللي تربينا في حصص التربية الوطنية على كتاب كفاح شعب مصر وقصة اعتقاد الإسرائليين في حبوب الشجاعة المصرية. احنا الجيل اللي كان أهم علامات المدرسة هي موضوع التعبير عن نصر أكتوبر وموضوع الرسم عن العبور وتحيا جمهورية مصر العربية كل يوم في الصبح لمدة 13 سنة. لما نيجي بعد كل ده ويبقى مطلوب مننا اننا نرمي كل ده ورا ضهرنا ـ بغض النظر عن كونه صح ولا خطأ ـ يبقى لا تلومونا لما نصاب بالتوهان والإحباط

أنا كنت فاكر اني من نفس جيل حضرتك :)

احنا الجيل اللي لحق التربية القومية قبل ما تقلب وطنية و بعدين تتلغي و اللي أول موضوع رسم لما ندخل المدرسة يبقى عن حرب أكتوبر و اللي كان بيهتف تحيا جمهورية مصر العربية و هو واقف انتباه و بيغني بلادي بلادي كل يوم و كبر و فتح عنيه لقي بلده مهد الحضارة بتمر بعصر أضمحلال زي اللي كنا بندرسه في كتب التاريخ " ثم توالي علي الحكم حكام ضعفاء تفككت في عهدهم اواصر الدولة و زادت المظالم و الضرايب و انتشر الفقر و الجوع حتي أكل الناس الجيف في الشوارع" و بعدين تيجي الكلمة الشهيرة "ثم " و بعديها مصيبة ..غزو خارجي ....كارثة داخلية ...حرب أهلية ...و ربنا يستر

ما أقدرش أبدا ألوم جيل حضرتك و منتظر من حضرتك انك ما تلومش جيلي ( ده لو كنا جيلين مختلفين فعلا :wub: )

[د هشام ابراهيم]

فاضل نقطة العنصرية و أسيب المايك شوية بقي :wub:

هل في كندا عنصرية ؟ طبعا آه ...لا كندا المدينة الفاضلة و لا الكنادوة ملايكة عايشين علي الأرض ...كل بلاد العالم فيها عنصرية ...الله يمسيك بالخير يا تهامي يا أخويا موضوعه المأسوف علي مشاركاته كان فيه حوار محتد حوالين عنصرية المصريين

هل العنصرية في كندا بتشكل خطر ...هل اليمين الكندي قوته في ازدياد ...لأ لحد دلوقتي العنصرية محتواة لابعد حد و بأي مقاييس كندا من أقل الدول عنصرية في العالم ...المشكلة بجد هو التطرف الاسلامي سواء داخلي أو خارجي أهو ده فعلا اللي ممكن يبوظ الدنيا كلها .... لأ و إيه تسمع كلام مشايخ التطرف في الغرب تلاقي نسخة مشوهة من دينك و هو ده اللي بيتصدر للناس علي إنه صحيح الدين ...منهم لله ...حسبي الله و نعم الوكيل في كل من أساء للدين

[goodfaith]

ورابعا وهو الأهم هو تعجبي من إصرار المهاجرين المصريين في مدح البوليس الكندي وأدبه وجنتلته بالمقارنة بالبوليس المصري طبعا حتى إذا كان الكنديون أنفسهم مش طايقينه، مما يدفعني للاندهاش حقيقة يعني.

الحقيقة هما بيقارنوا لاشعوريا بين ظابط البوليس المصري اللي بيشخط وينطر وبين الاوفيسر الكندي اللي بيتكلم بمنتهى الهدوء بين انك لما تاخد مخالفة الظابط ييجي لحد عندك ويكلمك بكل أدب وبين ظابط في كمين مروري ولا بوابة بيتكلم بطريقة احنا عارفينها عشان كده بيعتبروا البوليس الكندي كله أدب وذوق وجنتلة

اذا ممكن تتكلموا شوية باستفاضة عن العنصرية في اماكن العمل يا ريت لان الموضوع يهمني

وسؤال لدكتور هشام وباشمهندس ايهاب سالم واستاذ عبدوس .. السؤال ده خاص ليا انا واجابته تهمني بشكل شخصي

خلال عملكم في كندا هل صادفتم او شاهدتم نساء تعمل في وظائف محترفة وهي ترتدي الحجاب؟

يعني انا سألت زوجي فقالي انه شاف خلال 7 سنوات عمل في مجال الهندسة 2 مهندسات واحدة مصرية مسيحية والتانية تركية مسلمة غير محجبة

في مجال الطب انا طبيبة العائلة في تورنتو كانت محجبة بس هيا فاتحة عيادتها وتعمل لحسابها فمش هتقابل موضوع العنصرية ده عند التوظيف

طيب انا اعرف 2 درسوا تمريض في كندا سيدة مصرية وسيدة مغربية والاتنين غير محجبات فهل يوجد في المستشفيات ممرضات يرتدين الحجاب؟

سيدات من لبنان محجبات يعملن خدمة عملاء على التليفون يعني لا يوجد تعامل مباشر مع العملاء

سيدة من لبنان تعمل في مجال ال hr كانت غير محجبة وقامت بارتداء الحجاب من فترة بسيطة وكانت تعمل في الشركة من اكتر من 10 سنوات بدون حجاب

سيدة اخرى من لبنان تعمل بشركة تأمين نفس الشيء بدأت بدون حجاب فترة ثم ارتدته من فترة بسيطة

في مجال ال it للامانة انا معرفش اي حد بيشتغل فيه لكن اول ما جيت كندا دخلت مدرسة لينك لمدة شهرين وكانوا عاملين لاب كمبيوتر جديد ومكانش له ادمنستريتور وانا دارسة mcse ولما مدير المدرسة عرف طلب مني اشارك في اللاب وعمل الاعدادات له ومساعدة الطلبة يعني كان شيء تطوعي ولمدة شهرين فقط بعدها انا تركت المدرسة واعتذرت فيما يخص معمل الكمبيوتر

طبعا انا مش باقول ان كندا متعصبين لغير المحجبات او ضد الحجاب لان الكلام ده في مصر موجود بس هيا ملاحظة انا لاحظتها وعايزة اتاكد منها لاني ناوية ادرس ومش عايزة بعد ما ادرس سنتين او تلاتة الاقي الحجاب عائق في اني الاقي شغل مناسب

كمان عملت كذا انترفيو على التليفون وكان كل شيء احس انه تمام وبعدين يطلبوا مني مقابلات شخصية فكنت لما اروح احس بعدم راحة من الاشخاص هناك بس انا وقتها مفسرتش الامور انه عشان الحجاب مكنتش فاهمة بس لما الموضوع اصبح من الماضي :wub: وباقعد وباقتكر حسيت انه ممكن تكون دي المشكلة

معلش يا جماعة يمكن المشكلة دي شخصية شوية بس اتمنى تعتبروها من ضمن هموم المهاجرين او المهاجرات

وارائكم كلها محل تقدير واهتمام وشاكرة لكم مقدما

[د هشام ابراهيم]

أنا تجربتي في الشغل كانت داخل مستشفيات كلها و ديه اللي أقدر اقولكم علي كل حاجة تبعها انما الصراحة احتكاكي بعالم ما وراء الطب ضعيف جدا فما أقدرش أحكم

علي قد المستشفيات اللي اشتغلت فيها لا تأثير للحجاب اطلاقا علي التعيين أو فرص العمل أو حتي سير العمل اليومي ....الحاجة اللي كانت يعني زيادة إن لو الدكتورة أو الممرضة المحجبة حتدخل منطقة معقمة لازم تغير غطاء الرأس اللي بتستخدمه عادة لواحد مخصوص للمنطقة ديه أو تغطي غطاء الرأس بالكامل باوفر هيد

يعني كان فيه اساتذة استشاريين و نواب و ممرضات و اخصائيات تنفس و عاملات و موظفات و بائعات و طالبات و متطوعات

محجبات .. و ما شفتش أو حتي سمعت مشكلة بسبب الحجاب في الاماكن اللي اشتغلت فيها بقالي أكتر من أربع سنين و نص

[goodfaith]

شكرا يا دكتور على ردك وانا ان شاء الله لما اروح المستشفى قريبا هحاول اخد بالي :wub:

انا قبل كده الموضوع بجد مكانش في بالي خالص وبصراحة مكنتش مركزة اذا فيه محجبات بيشتغلوا في المستشفى او لا

يعني كده مفيش مشكلة في القطاع الطبي والحمد لله

[Tarek Abdellatif]

الفاضلة Goodfaith،

هذه مشاركة من موضوع أخر (في الأصل إقتباس من أحد مواضيع الباشمهندس إيهاب سالم) رأيت إن فيها جزء من الإجابة على إستفسار حضرتك.

http://www.egyptiantalks.org/invb/?showtopic=87185&st=15

في كندا هناك وظائف تسمى

Regulated Occupations

و هي الوظائف التي تحتاج معادلات للشهادات و تراخيص لمزاولة المهنه من هيئات حكوميه أو نقابيه و هذه لن أتكلم عنها لأنها ليست حالتي و لأنها تختلف إختلاف كبير من مهنه لأخرى

العمل في مجالي و هو مجال تكنولوجيا المعلومات .. لا يحتاج معادلات و لا تراخيص لأنه ليس من النوع السابق ذكره و لكنه على الجانب الأخر يحتاج الى مذاكره و إجتياز أمتحانات للحصول على Professional Certificates في مجالك ليمكنك إقناع من تتقدم للشغل عنده أنك فعلا تجيد ما هو مكتوب في سيرتك الذاتيه

و كنت قد أعددت نفسي قبل الهجره الى كندا و إجتزت عدة إمتحانات و حصلت على شهادات لتدعم سيرتي الذاتيه

بعد الإستقرار ووصول الزوجه و الأولاد و فرش الشقه و شراء سياره بدأت في أول خطوه و هي تعديل السيره الذاتيه بحيث تكون متوافقه مع المواصفات الكنديه

و يمكنك معرفة ذلك بالدخول على أشهر موقعين من مواقع التوظيف الكنديه و هم

http://www.workopolis.com

www.monster.ca

و قراءة الإرشادات و النصائح التي تتعلق بطريقة كتابة السيره الذاتيه

ثانيا : قمت بإتباع نصيحة من سبقوني من أصدقائي و يعملون في نفس مجالي بحذف أي شئ من سيرتي الذاتيه يشير الى أو يمكن الإستنتاج منه على أنني من منطقة الشرق الأوسط

قمت بحذف بلد الحصول على المؤهل (مصر ) أو البلد الذي كنت أعمل به (قطر) .... يعني أكتب أني حاصل على بكالوريوس كذا تخصص كذا تقدير كذا .. بدون ذكر إسم الجامعه أو البلد

أذكر أني كنت أعمل في وظيفة كذا و مسؤلياتي كانت كذا و كذا و المشاريع التي شاركت فيها كانت كذا و كذا و لكن لا أذكر إسم الجهه أو البلد

ليه كل ده ؟

عشان تتلافى أي إنطباعات سلبيه أوليه ممكنه عند قراءة السيره الذاتيه و لأن الهدف إنك بس توصل لمقابله شخصيه .. و لو ده حصل و كان الواحد فعلا قوي في مجاله يبقى إحتمال توفيق ربنا كبير

لكن مش الواحد يخسر فرصة الوظيفه من الاول لأن الناس هنا عندها إنطباعات سلبيه عن الشرق الأوسط و اللي جايين منه

يعني إدي لنفسك فرصه و حاول تشيل من السيره الذاتيه أي حاجه ممكن تعطي و احد تاني يقل عنك في المؤهلات و الخبره فرصه أكبر منك

لو وصلت للمقابله الشخصيه و أقنعت صاحب العمل بمؤهلاتك و خبرتك مش هيبص ساعتها لجنسيتك الأصليه أو الجامعه اللي حصلت منها على المؤهل لكن لو ذكرتهم من الأول في سيرتك الذاتيه ممكن ميتصلش بيك خالص لأنه مش واثق في المنطقه بتاعتنا و في تعليمها و في الخبره المكتسبه فيها

أرجو أن اكون قد وصلت الفكره لأن بعض الناس بتفهم ده على أنه تنكر لبلدك أو أصلك .. لأ يا سيدي أجلهم بس شويه لحد ما توصل المقابله الشخصيه

أيضا من الحاجات اللي إشتغلت عليها كويس قبل الهجره بسنوات .. الإنجليزي .. لأن طبيعة شغلنا بتكون team work أكتر منها شغل فردي و نص اليوم بيكون في إجتماعات و تواصل مع باقي أفراد الفريق و ال communication skills مهمه جدا و التي من عناصرها اللغه و ممكن جدا تخسر الوظيفه حتى لو مؤهلاتك ممتازة لو الإنجليزي بتاعك تعبان أو الأكسنت عندك تقيله لأنك هتشتت ذهن المتلقي

إتبعت طريقه مختلفه لتنمية لغتي الإنجليزيه قبل السفر بسنوات و هي تأجير أفلام أمريكيه DVD و أشوفها على ال laptop بسماعات الهيدفون مع إختيار ال

english subtitles مش العربي .. ده بيخليك تفهم العاميه الإنجليزيه أو ال slang لإنك بتسمع الجمله و بتشوفها مكتوبه باللإنجليزي مش مترجمه عربي .

وجدت نفسي بعد كده و انا في كندا بأستخدم تعبيرات جاهزة من الأفلام تلقائيا أثناء حديثي و الأكسنت أصبحت خفيفه خالص و الحمد لله كذا واحد أقابلهم هنا مبيكونش مصدق إني جاي كندا جديد و الظاهر ده كان عامل إيجابي في صالحي عند عمل مقابلات شخصيه على التليفون أو شخصيا

[Tarek Abdellatif]

و هل الكلام ده بنفس النسبة يا سيدي الفاضل

و هل اختفاء مسألة العيب و اللي ميصحش و الحرام و الناس تقول علينا ايه ... من المجتمع الكندي مش عامله فرق خالص

نقطة مهمه يا باشمهندس ردها في نقطتين

العيب و الحرام و اللي يصح و اللي ما يصحش بيتغرز في نفوس الاولاد من و هما صغيرين .....أنا عايز أقولك إن فيه أفراد كتير من الجيل التاني من المهاجرين حس الحرام و الحلال عندهم أعلي من اقرانهم اللي متربيين في دول عربية ...الولاد بيطلعوا عارفين انهم مختلفين و إن اللي ممكن غيرهم يعملوه مش مسموح ليهم ...و ده دور الابوين اللي أشرنا ليه مرارا و تكرارا ....مش ناوي تدي لاولادك أقصي الاهتمام بالذات في السنوات الأولي يبقى خلصت تماما و لو كان الكلام ده صحيح ١٠٠ ٪ في أي مكان في الدول الغربية ٢٠٠ ٪

النقطة التانية الاهم ولادك بيعملوا الصح علشان هو صح مش علشان الناس حتقول عليهم إيه ...اللي بيراقبهم ربنا مش الجيران ...معني انهم يراعوا ربنا مش كلام الناس انك ما تخفش عليهم لو ما فيش حد معاهم و ديه نقطة حيوصل ليها الولاد يوما ما مهما أحتطهم من حماية ...في يوم حيتعرضوا لاغراء و حيبقوا لوحديهم و ما حدش شايفهم غير ربهم اللحظة ديه اللي بتبين التربية صح و لا غلط ..... اللي حيقع في الغلط لغياب الوازع الديني و الاخلاقي حيقع سواء كندا أو المريخ و العكس صحيح

منور باب كندا يا باشا

د. هشام،

أوافق حضرتك الرأي تماماً في موضوع ال-100% و ال-200%.

يعني أعتقد أن تطبيق المبادئ و الدين و المثل....إلخ يعتمد على العاملين معاً - المجهود المبذول من قبل الإنسان و المقاومة (أو الدعم) من قبل المجتمع.

يعني في الشرق هناك بعض الأخلاقيات أو المثل اللي بيكون تطبيقها أسهل من تطبيقها في الغرب بسبب دعم المجتمع، و أيضاً هناك بعض الأخلاقيات أو المثل اللي بيكون تطبيقها أصعب من تطبيقها في الغرب بسبب مقاومة المجتمع و كذلك الأمر في الغرب.

و أعتقد أيضاً إن ده اللي الأخ عبدوس كان بيحاول يوضحه في فكرة دعم المجتمع - إن ده عامل من أهم العوامل التي يجب إعتبارها و ليس بالطبع العامل الوحيد، أو هذا ما فهمت من مداخلاته السابقة على الأقل.

تقبلوا تحياتي على الحوار الهادئ الراقي. :wub:

و شكراً.

:)

[الباشمهندس ياسر]

و هل الكلام ده بنفس النسبة يا سيدي الفاضل

و هل اختفاء مسألة العيب و اللي ميصحش و الحرام و الناس تقول علينا ايه ... من المجتمع الكندي مش عامله فرق خالص

نقطة مهمه يا باشمهندس ردها في نقطتين

العيب و الحرام و اللي يصح و اللي ما يصحش بيتغرز في نفوس الاولاد من و هما صغيرين .....أنا عايز أقولك إن فيه أفراد كتير من الجيل التاني من المهاجرين حس الحرام و الحلال عندهم أعلي من اقرانهم اللي متربيين في دول عربية ...الولاد بيطلعوا عارفين انهم مختلفين و إن اللي ممكن غيرهم يعملوه مش مسموح ليهم ...و ده دور الابوين اللي أشرنا ليه مرارا و تكرارا ....مش ناوي تدي لاولادك أقصي الاهتمام بالذات في السنوات الأولي يبقى خلصت تماما و لو كان الكلام ده صحيح 100 ٪ في أي مكان في الدول الغربية 200 ٪

النقطة التانية الاهم ولادك بيعملوا الصح علشان هو صح مش علشان الناس حتقول عليهم إيه ...اللي بيراقبهم ربنا مش الجيران ...معني انهم يراعوا ربنا مش كلام الناس انك ما تخفش عليهم لو ما فيش حد معاهم و ديه نقطة حيوصل ليها الولاد يوما ما مهما أحتطهم من حماية ...في يوم حيتعرضوا لاغراء و حيبقوا لوحديهم و ما حدش شايفهم غير ربهم اللحظة ديه اللي بتبين التربية صح و لا غلط ..... اللي حيقع في الغلط لغياب الوازع الديني و الاخلاقي حيقع سواء كندا أو المريخ و العكس صحيح

منور باب كندا يا باشا

ردك جميل يا دوك .. و دائما بتعجبني طريقة تفكيرك

انما تسمحيلي اعقب ف كام جملة ..

مش هنكر اطلاقا ان افاد الجيل التاني ممكن يطلع منهم ائمة يهدون بأمر الله ... لكن ببساطة تامة تعالي نشوف النسبة

مسألة ان الله يراقبنا .. مسألة تتعلق بالتوحيد علي اطلاقه

فلو الاب و الام عرفوا يزرعوا ده ف الاولاد .. يبقي الحياة هتتظبط .. لكن تعالي نبص سوا من منظور قريب شوية للواقع

انا راجل اتربيت ع التوحيد بنقاءه و مكارم الاخلاق و معايا مجموعه من زمايلي بنفس الوضع

رحنا سوا دولة ما و الدنيا هناك اوبن ع الاخر

فينا اللي سقط ف الامتحان الجميل ده و خرب الدنيا بكل ما تحمله الكلمة من معني

س سؤال : ايه اللي قرب المسافة اوي كده عليه غير البيئة؟

انا فاهم تماما ان اللي عاوز يعمل حاجة بيعملها ف اي مكان ف العالم

لكن البيئة بتلعب دور كبير اوي

اخدت فترة مكنتش اتخيل اني ممكن اقعد ف ماكن فيه خمر

و بعدها اخدت فترة مبقتش بقعد ف مكان الا و الخمر فيه .. باستثناء غرفتي الصغيرة

و بعدها بقي الموضوع بالنسبالي عادي جدا .. فيه زي مافيش ... المهم اني انا مبشربش و خلاص

س : يا تري قلبي ف كل الحالات زي بعض...؟؟

مفتكرش خالص

س : هل مستوي الايمان ف القلب يتأثر او ميتأثرش .. ببيئة المعاصي المحيطة؟؟؟

انا بدور حوالين نقطة معينة و ان مكنتش عارف اوضحها اوي...

اعذر عدم تركيزي

[عبدوس الوزير]

سيدتي الفاضلة

أنا أعمل هنا من أكثر من عشر سنوات لم أر فيهم تمييزا في العمل ضد محجبة أو أي شخص لسبب عرقي أو ديني من رئيس لمرؤسه.

بكل أسف التحامل بيكون ما بين المرؤوسين زي مثلا المصريين ما بيطيقوش الهنود أو الصينيين.

[Morial]

عزيزي الدكتور هشام

ذكرت أنا التخلي عن المبادئ والمسلمات ولم أذكر إن كانت المبادئ دي صح ولا خطأ. احنا الجيل اللي تربينا في حصص التربية الوطنية على كتاب كفاح شعب مصر وقصة اعتقاد الإسرائليين في حبوب الشجاعة المصرية. احنا الجيل اللي كان أهم علامات المدرسة هي موضوع التعبير عن نصر أكتوبر وموضوع الرسم عن العبور وتحيا جمهورية مصر العربية كل يوم في الصبح لمدة 13 سنة. لما نيجي بعد كل ده ويبقى مطلوب مننا اننا نرمي كل ده ورا ضهرنا ـ بغض النظر عن كونه صح ولا خطأ ـ يبقى لا تلومونا لما نصاب بالتوهان والإحباط

عفوا أنا لا أقصد شيئا ولكن كيف اقف علي الشاطيء لأنعي غرق السفينة وقد كنت من أوائل الفارين بأرواحهم منها طيب ليه مستنتوش في مصر وحاولتم تعدلوا حالها المايل بدل ما تهاجروا لكندا اللي بتنتقضوها علي مبدأ حرية التعبير اللي وافقتم عليه قبل ما تدخلوها واعتقد اذا فيه مسلم في كندا حب يشيل يافطة مكتوب عليها الاسلام هو الحل ويلف بيها في الشوارع محدش هيقوله بم مش كدة ولا ايه؟

ومشكلة الناس اللي في كندا من وجهة نظري أنهم بطلوا يقفوا في طابور العيش كل يوم ساعة ونص ومش واخدين بالهم انهم ممن فازوا الفوز العظيم

مفيش جنة علي الارض بس اللي انا واثقة منه ان فيه جحيم أسمه مصر

ويا سادة ياللي قلبكم قوي علي الدين وزعلانين انكم شفتم اعلان خايب علي اتوبيس أحب أقولكم اني قبل ما أخرج كل مرة من البيت مع أبني بدعي ربنا في سري ألا يمر بنا أحد مسلمي شهادات الميلاد ممن يسبون الدين في الشارع نهارا جهارا فيغزوا الجهر بالكفر والصفاقة اذني واذن ابني وليس من معترض او مستنكر وآني بهم وقد اعتاد الجميع ان يسمع ويسكت

والاخ اللي مستكتريتعب اربع سنين علشان المعادلة أنعش ذاكرتي بالروح المصرية عالية الهمة السائدة في عصرنا اللي كله بركة ومن باب النصح لوجه الله احب افكره ان الاربع سنين كدة كدة مصيرهم الي الانقضاء بس يا تري حالك ووضعك وظروفك لما تستغل الاربع سنين في الجد والاجتهاد هيكون هو ذاته اذا رحرحت واستسهلت وأين هي روح الاسلام الذي أمرنا نبيه بطلب العلم ولو في الصين وقول الله عز وجل العلماء ورثة الانبياء

واللي مكسل يتعلم ويطور من نفسه أقول له اجدعها مصلحة حكومية روتينية بيروقراطية مصرية اولي بك دة في حال كان عندك واسطة يعني وكفاية احباط علشان احنا اللي لسه في مصر جبنا اخرنا من زمان

تم تعديل 19 فبراير 2010 بواسطة منال شوقي

[shah]

بسم الله و السلام عليكم ورحمه الله

الحقيقه موضوع مفيد جدا و مشاركات الساده الاعضاء مفيده ايضا و خصوصا د/ هشام ابراهيم لانه موجود هناك بالفعل

المهم احب ارد علي فكره ان اول حاجه بتضيع هي حب الوطن فانا اعتقد ان ده مش هيحصل لو احنا طبقنا الدين في النقطه دي هتقولولي ازاي

هاقولكم ان الرسول صلي الله عليه و سلم لما خرج من مكه مهاجرا الي المدينه قال مخاطبا مكه و الله انك لاحب البلاد الي قلبي ولولا ان اهلك اخرجوني منك ما خرجت ابدا

و الخروج هنا اللي انا فهمته ان اهل مكه ما قالوش للرسول اخرج لكن بالمضايقات و الايذائات و محاولات القتل ( وهو ما يحصل معنا )

و لكم في رسول الله اسوه حسنه

و بعد عشره سنوات في المدينه وحب الرسول لها لم تقلل من حبه لمكه و اهله

و اخيرا فانني اري ان الهجره هي سنه نت سنن الله في الارض فمن منكم يعرف نبيا لم يهاجر من ارض لاخري لنفس الاسباب

و يذكر الله في كتابه للمستضعفين( الم تكن ارض الله واسعه فتهاجروا فيها )

و في النهايه اعتذر كثيرا للاطاله

و السلام عليكم

[عبدوس الوزير]

أشكرك يا مدام منال شوقي على مداخلتك وربنا ينولك مرادك.

الحقيقة أنا حاولت أكون في منتهى الوضوح من هدف الموضوع. الموضوع ده مش مقارنة بين أحوال مصر وأحوال كندا. الموضوع ده نقد لأوضاع المهاجرين في كندا خصوصا وفي الغرب عموما، من غير ما نتطرق لأي ظروف مادية.

الهدف ليس تثبيط المهاجرين، بل ربما تكون دي نقطة انطلاق في تحسين ظروف المهاجر بالاعتراف بوجود مشاكل للهجرة. الحياة مش كلها بمبي هنا كما يعتقد البعض، والسبب ليس دائما المادة والمتاعب المالية.

[عبدوس الوزير]

ـ المصريون ومفهوم المواطنة ـ

أفضل تقديم لمداخلتي اليوم هو انتهاء المداخلة السابقة وهي ملاحظة أن المصريين هم أول من يلتمسون العذر للحكومة والسلطة على عكس الكنديين. يعني ستجد المهاجر المصري يشكر لك في الحكومة وفي المعيشة وفي التأمين الصحي وفي كل شيئ ويبوس ايده وش وضهر بينما ستجد الكندي الذي يعيش في نفس المستوى ويعمل في نفس العمل ساخطا على الحكومة والسلطات والتأمين الصحي. ويدفعني هذا للتساؤل، اشمعنى؟ هل علشان احنا طيبين ومعدنا أصيل؟ ولا علشان احنا فاهمين معنى المواطنة في كندا غلط؟

أميل إلى الاعتقاد الثاني، ودليلي على هذا هو أن المصريين هم أقل فئات المهاجرين مشاركة في الحياة السياسية على جميع مستوياتها. قارنهم مثلا باللبنانيين اللي ليهم تمثيل في مستويات كثيرة من الحكومة وخصوصا الحكومات البلدية حيث لا يكاد يخلو مجلس بلدي من ممثل لبناني لدرجة أن عمدة وندسور الحالي من أصل لبناني (والعمدة هنا منصب مهم جدا راسه براس أتخن تخين في الحكومات المركزية وتحت ايده ميزانية بمليارات الدولارات) وده نتيجة لتحزب وتكتل اللبنانيين علشان مصالحهم.

المثال الأكثر وضوحا هم طائفة السيخ هنا. بالرغم أن أكبر حادث إرهابي في تاريخ كندا كان المتسبب فيه السيخ (وهو حادث الطائرة الهندية التي فجرها المتطرفون السيخ وراح ضحيتها مئات الكنديين، ويقارن في أهميته بأحداث 11 سبتمبر بالنسبة لأمريكا) إلا إن السيخ هنا لم يطرقوا رؤوسهم أبدا خجلا ولم نجد منهم تواريا أو ايثارا للسلامة، بل على العكس تجد ان كل التيارات السياسية تخطب ودهم وتجد رؤساء الأحزاب يزرونهم في مناسباتهم ويضعون رابط الشعر على رؤوسهم، بينما لا تأبه الأحزاب عادة والحزب المحافظ الحاكم خاصة بأصوات المسلمين عامة والمصريين خاصة، ببساطة لأنهم عارفين انهم مش بينتخبوا ومش فارقة معاهم.

تحضرني هنا قصتين أرجو أن يتسع لهما صدركم. الأولى أنه في الأربع سنين اللي فاتت لما رئيس الوزراء قرر يحضر افتتاح مسجد عارفين راح فين؟ افتتاح مسجد للطائفة الأحمدية. وهناك قال خطبة عصماء عن كيف أن الأحمديين هم من يظهرون الوجه المتحضر للإسلام والمواطنة وطبعا كلام إلك يا جارة على رأي اخوانا الشوام. يعني مين يعني اللي مش بيعرضوا الوجة المتحضر للإسلام؟ البعدا العرب طبعا.

والقصة الثانية هي أكثر حداثة وتخص دائرة انتخابية في مونتريال قام الحزب المحافظ بتوزيع منشورات فيها تجدونها هنا:

http://www.cbc.ca/canada/montreal/story/20...i-semitism.html

وهي منشورات تتهم الحزب الليبرالي بالعداء لليهود لأنهم لا يوافقون على كل سياسات إسرائيل ويتعاطفون من حماس. وعلى النقيض " فإن الحكومة الكندية تحت حزب المحافظين قامت بواجبها في قيادة العالم الحر للدفاع عن قيم يهود كندا ومساندة إسرائيل بمقاطعة مؤتمر الأمم المتحده في جنيف الذي حاول أن يدين الاعتداء الإسرائيلي على غزة." يقوم يطلع النائب من الحزب لليبرالي ويقول: مين قال كده؟ احنا اجدع مشجعين لإسرائيل واحنا إلى قاطعنا المؤتمرات السابقة التي أيدت الحقوق الفلسطينية دحنا حتى نصنا يهود! وتستمر الحرب الإعلامية دي ومحاولة استمالة الصوت اليهودي بين الحزبين على عينك يا تاجر ومحدش فيهم حاول اجتذاب أصوات العرب اللي هيا أضعاف أصوات اليهود. عارفين ليه؟ باختصار علشان العرب عايزين فيلا وعربية وفسحة وعيشة فل وخلاص مش عايزين وطن. يبقى منين الادعاء إن احنا مهاجرين إلى وطن جديد؟

الحقيقة أنا مقدرش ألوم المصريين كليا على عدم مشاركتهم في الحياة السياسية اللي هيا أساس المواطنة والمقياس الحقيقي لمن اختار وطنا جديدا، وذلك لأن الخيارات أمامهم يا إما يمين يساند إسرائيل بكل ما أوتي من قوة يا إما يسار من الممكن أن يتعاطف من القضية الفلسطينية إن أنت قبلت اعترافهم بالشواذ وزواج المثليين وما إلى ذلك، يا إما حزب وسط بيلعب على كل الحبال وفي الآخر يطلعوا حرامية.

ماذا يفعل المصري أمام هذه الاختيارات؟ أغلب الظن لا شيء، واحنا نتعب نفسنا ليه ما كله محصل بعضه وأحمد زي الحاج أحمد وعيشة زي أم الخير. وتكون المحصلة إن المجموعات العربية والإسلامية تكون أول من يوافق على ما يضرها إثباتا لولائها بينما تناضل المجموعات الأخرى بإيديها واسنانها من أجل مصالحها. فمثلا أول الموافقين عادة على منع الحجاب في فرنسا أو منع تمويل المدارس الدينية في كندا أو الكشافات الجديدة في المطارات في بريطانيا غالبا ما تكون مجموعات عربية وإسلامية حتى تثبت ولاءها للنظام وميتكسفوش إن مجموعات حقوقية غربية هي اللي تتبنى قضيتهم. وإمعانا في إثبات الولاء يستخدم العرب والمسلمون خط الدفاع الأول والأخير وهو جلد الدات على طريقة احنا اللي وحشين. منك لله يا بن لادن. منكم لله يا قاعدة. خلينا جنب الحيط أحسن، مش زي السيخ اللي عاملين عاملة منيلة ومع ذلك لهم شنة ورنة.

ولو تلاحظون هذه هي نفس المشكلة في الحياة السياسية في مصر وهي العزوف عن المشاركة والانشغال بمصاعب الحياة اليومية. يعني لا فالحين هنا ولا فالحين هناك. فا مش فارقة كتير يعني. وتكون آخرة المتمة إن قضية محورية زي القضية العربية الفلسطينية اللي طول عمرنا يقولولنا إن دي أساس القضية العربية وأولى القبلتين والكلام الكبير ده تكون واحدة أخرى من الثوابت اللي طلعت مش ثوابت أوي . فتكون الحوارات بين المصريين كالآتي

ـ انتا هتنتخب الكونسرفاتفز

ـ أيوة

ـ بس دول مع إسرائيل آخر حاجة

ـ مش مهم بس هيخفضوا التاكسز

سبحانك اللهم وبحمدك، أشهد ألا إله إلا أنت، أستغفرك وأتوب إليك

[terminator]

أستاذ عبدوس .. بصفتك مهاجر من 10 سنوات كما تقول حضرتك ..

أكيد لاحظت وشوفت واحتكيت بمسلمين من الجيل الثانى للمهاجرين وربما من الجيل الثالث ( ماعرفش هل فى جيل تالث مسلمين ولا لسة ) ...

سؤالى .. هل لاحظت تمسكهم بالأسلام ,, أم الأنحراف التام .. أم تحولو الى مسلمين ( كاجوال ) ,,

هل احتكيت بكثير منهم وعرفت رأيه فيما يقلقنا كمسلمين وعرب من أشياء زى العلاقات الجنسية . الخمر .. دور الدين .. مدى ارتباطهم بوطن آبائهم ؟؟

ياريت حضرتك تقولنا ملاحظاتك فى الموضوع ده لأنه مستقبل ذريااات كاملة ..

تم تعديل 20 فبراير 2010 بواسطة terminator

[shah]

بعد اذن حضرتك احب اعلق علي نقطه العلاقه بين المواطن و الوطن ان احنا اتلربنا علي مبدا ماتقولش ادتنا ايه مصر قول هندي ايه لمصر

و متعلمناش ان العلاقه خد و هات

بس الكلام اللي حضرتك بتقوله ده خطير ان العرب مابيشاركوش في الحياه السياسيه ده كده العيب طلع فينا احنا مش في الحكومه

[goodfaith]

شكرا لك استاذ عبدوس على ردك يمكن انا ملاحظتي الي استنجتها من مجموعة معارف محدودة ادتني انطباع خاطيء وعموما ردك ورد دكتور هشام ريحني جدا

جزاكم الله خير

عندي تعليق بسيط بخصوص اول مداخلة لك وهي انه فيه مواقع عربية كتير للملحدين العرب بتلاقي فيها اهوال وكلام لو ركزت فيه شوية هتلاقي دماغك لفت ومش عارف الناس دي بتفكر بانهي منطق

طيب لما ابنك يسألك عن الناس اللي في اوروبا وكندا ممكن تفهمه انهم اتربوا في مجتمع مش بيهتم بالعقيدة او ملقوش توجيه لكن فيه غيرهم برضو اوروبيين وكنديين مسيحيين ويهود ومؤمنين بوجود ربنا لكن ما هو العذر اللي مكن تقدمه لما يسألك عن من ولد ونشأ في دول عربية واسلامية ومع ذلك ملحدين

اللي اقصده ان الهم ده ممكن يلاقي الاب والام نفسهم معرضين له وهما في بلدهم برضو لان العالم كله دلوقت بيتواصل من خلال الانترنت والقنوات الفضائية بشكل بيخلي التواصل والحوار المقنع بين الاهل والابناء مهم جدا

ـ انتا هتنتخب الكونسرفاتفز

ـ أيوة

ـ بس دول مع إسرائيل آخر حاجة

ـ مش مهم بس هيخفضوا التاكسز

بصراحة معرفتش اضحك ولا ازعل لما قريت الحوار ده بس انا من فترة سنتين كده كان ليا زميلة في العمل وكانت مقيمة بكندا من 5 سنوات ولم تتقدم للجنسية ولما قلتلها طيب انتي كده مش هايكون ليكي حق الانتخاب فقالت لي اي دونت كير :) استغربت الصراحة بس قلت يمكن هيا رأيها كده

[goodfaith]

و هل الكلام ده بنفس النسبة يا سيدي الفاضل

و هل اختفاء مسألة العيب و اللي ميصحش و الحرام و الناس تقول علينا ايه ... من المجتمع الكندي مش عامله فرق خالص

نقطة مهمه يا باشمهندس ردها في نقطتين

العيب و الحرام و اللي يصح و اللي ما يصحش بيتغرز في نفوس الاولاد من و هما صغيرين .....أنا عايز أقولك إن فيه أفراد كتير من الجيل التاني من المهاجرين حس الحرام و الحلال عندهم أعلي من اقرانهم اللي متربيين في دول عربية ...الولاد بيطلعوا عارفين انهم مختلفين و إن اللي ممكن غيرهم يعملوه مش مسموح ليهم ...و ده دور الابوين اللي أشرنا ليه مرارا و تكرارا ....مش ناوي تدي لاولادك أقصي الاهتمام بالذات في السنوات الأولي يبقى خلصت تماما و لو كان الكلام ده صحيح 100 ٪ في أي مكان في الدول الغربية 200 ٪

النقطة التانية الاهم ولادك بيعملوا الصح علشان هو صح مش علشان الناس حتقول عليهم إيه ...اللي بيراقبهم ربنا مش الجيران ...معني انهم يراعوا ربنا مش كلام الناس انك ما تخفش عليهم لو ما فيش حد معاهم و ديه نقطة حيوصل ليها الولاد يوما ما مهما أحتطهم من حماية ...في يوم حيتعرضوا لاغراء و حيبقوا لوحديهم و ما حدش شايفهم غير ربهم اللحظة ديه اللي بتبين التربية صح و لا غلط ..... اللي حيقع في الغلط لغياب الوازع الديني و الاخلاقي حيقع سواء كندا أو المريخ و العكس صحيح

منور باب كندا يا باشا

ردك جميل يا دوك .. و دائما بتعجبني طريقة تفكيرك

انما تسمحيلي اعقب ف كام جملة ..

مش هنكر اطلاقا ان افاد الجيل التاني ممكن يطلع منهم ائمة يهدون بأمر الله ... لكن ببساطة تامة تعالي نشوف النسبة

مسألة ان الله يراقبنا .. مسألة تتعلق بالتوحيد علي اطلاقه

فلو الاب و الام عرفوا يزرعوا ده ف الاولاد .. يبقي الحياة هتتظبط .. لكن تعالي نبص سوا من منظور قريب شوية للواقع

انا راجل اتربيت ع التوحيد بنقاءه و مكارم الاخلاق و معايا مجموعه من زمايلي بنفس الوضع

رحنا سوا دولة ما و الدنيا هناك اوبن ع الاخر

فينا اللي سقط ف الامتحان الجميل ده و خرب الدنيا بكل ما تحمله الكلمة من معني

س سؤال : ايه اللي قرب المسافة اوي كده عليه غير البيئة؟

انا فاهم تماما ان اللي عاوز يعمل حاجة بيعملها ف اي مكان ف العالم

لكن البيئة بتلعب دور كبير اوي

اخدت فترة مكنتش اتخيل اني ممكن اقعد ف ماكن فيه خمر

و بعدها اخدت فترة مبقتش بقعد ف مكان الا و الخمر فيه .. باستثناء غرفتي الصغيرة

و بعدها بقي الموضوع بالنسبالي عادي جدا .. فيه زي مافيش ... المهم اني انا مبشربش و خلاص

س : يا تري قلبي ف كل الحالات زي بعض...؟؟

مفتكرش خالص

س : هل مستوي الايمان ف القلب يتأثر او ميتأثرش .. ببيئة المعاصي المحيطة؟؟؟

انا بدور حوالين نقطة معينة و ان مكنتش عارف اوضحها اوي...

اعذر عدم تركيزي

على فكرة النقطة واضحة وكتير مننا بيحس بيها هنا على الاقل في محيط معارفي

بعد التزام بدرجة معينة اصبحنا نلتزم فقط بالاركان الاساسية بل واقل احيانا

[عبدوس الوزير]

في حدود معارفي الشخصية الحمد لله الجيل الثاني كويس وملتزم.