هموم مهاجر

[عبدوس الوزير]

أؤكد كلام الأستاذ هيما أنه اللي ليه حق بياخده لو ماسابهوش. واحتمال الإيذاء النفسي المباشر ـ وأكرر المباشر ـ يمكن أكبر في مصر وكلنا عارفين اللي ممكن يحصل في مصر في الأوتوبيس أو في التاكسي.

[Tarek Abdellatif]

الأخ الفاضل أبو هاجر،

أوافق الأخ هيما على كل ما قال و كتبت هذه المشاركة فقط لأذكر حضرتك أن في هذا المنتدى أشخاص يساعدون الغير ابتغاء وجه الله فقط لا غير و من مختلف أنحاء الحياه و منهم من يعرفوا برجاحة عقلهم و فكرهم المتزن مثل الأخ الكبير الدكتور الشامي و غيره ، و اقترح على حضرتك - لو تحب - انك تستشير أي أحد منهم و لو على الخاص.

يعني مجرد إقتراح ممكن يكون مجاش في بال حضرتك و ممكن يكون مفيد.

ربنا يرفع عنك ما أصابك من حزن و يبدلك مكانة فرحاً و سروراً.

[montrealAlex]

هذه المداخلة هى رائيى الشخصى عن هذا الموضوع الشائك جدا

دعونى اتكلم عن الفارق بين الذنوب الاجبارية والذنوب الاختيارية

الذنوب الاجبارية : هى التى انت مجبر انك تعملها واصبحت فى مجتمعنا عادى لدرجة انك متحسش انك بتعمل ذنب

مثلا وانت سايق واحد كسر عليك --رد فعلك الطبيعى هو خدبالك يا حمار

او دفع الرشوة لكل اكرر لكل الموظفين الحكوميين

او زميلك فى الشغل اداك زمبة عند المدير روحت انت ردتها بدل الطاق 10

نكتفى لان الامثلة كتير

اما الذنوب الاختيارية : هى انك اللى بتقرر انك تعمل الذنب وانت عارف ان دة ذنب

طيب اية علاقة الكلام دة بالموضوع --اقول ان فى مصر ( الدولة الاسلامية ) بنرتكب كتيير جدا من الذنوب على اساس انها عادى لكن فى كندا الذنوب اللى انت ح ترتكبها هى ذنب متعمد 100 100 -- لانك مش محتاج تكدب او تسرق او ترتشى او تؤذى حد ( كل الذنوب دى ملغية هناك بنسبة كبيرة )

العرى والفساد والانحلال الاخلاقى فى كل حتة -- ومصر ماشاء الله داخلة فى الموضوع دة بقلب جامد زى العولمة بالظبط --يبقى مافيش فرق بين حتة والتانية

طيب هناك منحلين يبقى لكم دينكم ولى دين -- اخد من الورد ريحتة وابعد عن شوكوة

بالنسبة لتربية الاولاد

لو مصر زى زمان اقول ماشى الفرق فى مناخ التربية كبير -- لكن الان زيد بقى زى عبيد -- الرك الاول والاخير على التربية مش تربية المجتمع لكن تربية الاسرة

الامثلة ( تؤكد ما سبق )

* شاب مصرى عمل فى مصر خمس سنوات بعد التخرج -- الزنى عندة زى الاكل والشرب -- سافر ايطاليا من 8 سنين -- يبقى الحال على ما هو عليه -- الحياة عبارة عن شغل و زنى

** عائلة هاجرت كندا 1997 -- اب وام وولد وبنت -- الولد تخرج من مكجيل مهندس ماشاء الله -- الاب يعمل فى الخليج -- عند تخرج الولد من الجامعة سافر اوروبا مع زمايلة كمكافاة التخرج -- وبعدها حضر للحج -- والدة اللى فى الخليج لم يفعلها

*** شاب مصرى مكافح من عائلة بسيطة -- سافر امريكا من عشر سنوات -- هو الان يفتتح عملة الخاص هناك

**** شاب ابوة فى الخليج -- بفلوس الخليج اشترى شقة لابنة لكى يتزوج فيها عندما يكبر -- الابن جاب فى الشقة بنات بعدد شعر راسة ( الاب لسة بيكافح فى الخليج )

* بنت من عيلة مرتفعة ماديا (فقط ) امها عضو مجلس ادارة نادى رياضى والاب مش عارف اية حاجة جامدة كدة -- البنت بتروح للواد بتاعها شقتة ( والباقة احنا عارفينة بقى )

هذا الامثلة ليست من الافلام بل هم مواطنين موجودين فعلا وانا عارفهم بالاسم

اذن الحكمة من الموضوع ( المحترم جوة محترم برة والعكس ) ( ما علينا الا الاجتهاد و بذل كل ما فى وسعنا لكى نضع ابنائنا على المسلك الصحيح والدعاء لهم دائما )

وشكرا

[عبدوس الوزير]

ـ تحت الميكروسكوب ـ

الحقيقة أنا فضلت إني أخلى المداخلة دي للآخر لأنها في رأيي ليست في أهمية المسائل الأخرى المطروحة للنقاش، وبالذات قضية مفهوم المواطنة والغرض الأسمى من الهجرة اللي كنت أتمنى انه ياخد حظ أكبر من النقاش، مع إن الموضوع بتاعنا النهاردة هو أكثر ما يسأل عنه المهاجرون

أبدأ من الموقف اللي حصل مع الفاضل الأستاذ هيما. زي ما قلت اللي بيحصله موقف شخصي سخيف بياخد حقه ودي شهادة لازم الواحد يقولها، ولكن ايه هيا احتمالات إن الواحد يحصله "موقف سخيف" أصلا؟ في العمل الاحتمال ده تقربيا معدوم ودي شهادة حق، ولو حصل ممكن تخرب بيت اللي يزعلك بجد مش مجازا. في الشارع الموضوع ده بيفرق من مقاطعة لأخرى ومن مدينة لأخرى يعني التعامل مع الأجانب في ريف كيبيك مش زي في تورونتو مثلا، بس بصفة عامة من الإنصاف إن الواحد يقول إنه مش بيحصل واحتمالاته ضعيفة جدا.

إنما في الإعلام بقى حدث ولا حرج. الإعلام هنا ما يصدق يلاقي جنازة ويشبع فيها لطم، لدرجة إنه كل ما تحصل مصيبة من إياهم نحط ايدينا على قلبنا ونقول يا رب ما يطلع مسلم، يا رب ما يطلع مهاجر، يا رب ما تلزق فينا، وبعدين نفضل نسمع الدرر من البرامج الإعلامية والصحف.

يعني مثلا بعد الجدل الأخير عن الأجهزة الكاشفة في المطارات الذي أعقب حادثة الشاب النيجيري بتاعة طيارة يوم الكريسماس، سمعت بأذني في الراديو المذيع يقول الآتي والترجمة شبه حرفية: بصوا، بصراحة بقى انتهى وقت البوليتيكال كوركتنس وأنا هقول اللي هقوله ده ولو كان آخر يوم في تاريخي الإعلامي. يالا مانضحكش على بعض ونقول إن المشكلة من المسلمين لأه ده المشكلة من المسلمين ونص. وأنا رأيي في موضوع المطارات والكشافات ده إن احنا نثبت المسلمين على جنب ونظبطهم في المطارات ونفتشهم وندخلهم الكشافات واللي مش عاجبه ما يسافرش لإنه مش من المعقول إننا نعامل راهبة سويسرية مثل مسافرة مسلمة.

الراجل ده معروف عنه إنه ما بيطقش سيرة المهاجرين عموما والمسلمين خصوصا والعرب خصوص الخصوص، بس أنا عايز ألفت نظر حضراتكم لكذا حاجة.

ـ من وجهة نظر التأثير وقلة الحيلة، أنا عايزكم بس تحطوا كلمة "اليهود" بدل كلمة "المسلمين" في الجملة اللي فاتت وشوفوا ايه اللي هيحصل للراجل ده. مش هيتقبض عليه ولا حاجة بس لو عرف يلاقي شغلانة كناس في شارع بعد كده ابقى قابلني

ـ من وجهة النظر القانونية، فكما أن القانون يحمي حرية التكلم فهو أيضا يحمي المساواة بنفس الدرجة، واللي بيقوله الراجل ده هو نظام segregation و profiling التي طالما يتفاخر الغرب إنه عدى المرحلة دي في تاريخه بغض النظر وبالفرض جدلا إن اللي بيقوله عن المسلمين ده صح أصلا

ـ من وجهة النظر العملية، فاللي بيقوله الراجل ده أي كلام أصلا لإن الإرهابي وهو داخل على عملية إرهابية عمره ما هيكون بدقن ويقوللك أنا مسلم بدليل إن بتوع 11 سبتمبر شافوهم في بار قبل العملية بيومين. وعمر ما واحدة بحجاب هتشيل قنبلة بل الاحتمال الأكبر إنها تكون آخر شياكة . بل لا أستبعد على القاعدة إنهم يبعتوا شاب أشقر وأخضر العينين وبيتكلم الإنجليزية بطلاقه في عملياتهم . وأخيرا بكل بساطة إذا كان الإرهابي مش هيعرف يفجر طائرة يبقى هيفجر هدف أسهل كقطار مثلا. ولكن لا، السيد المذيع نسي كل هذه الحجج العقلانية واسترسل في كلامه اللي زي الدبش تحت مسمى حرية التعبير

ـ أخيرا وليس آخرا هو تعليقات الناس على الراجل ده لإن مفيش حد إلا ووافق على ما يقول. وبالمثل لما حضراتكم تشوفو التعليقات المكتوبة في الصحف تلاقوها في معظم الأحيان على مثل هذا المنوال

مما يدعوني بصراحة إلى التساؤل: ليه الناس بتقول كده في الصحافة ومبتعملش حاجة وحشة في الشارع، إلا إذا كان اللي في القلب في القلب بقى؟ بمعنى آخر، لا أملك إلا إني ساعات أحس نفسي إني قاعد في وسط مجتمع مش قابلني إلا لو عملت اللي يرضيه. قد يكون الإحساس ده خاطئ ولكن وجود الإحساس في حد ذاته شيء متعب للنفس

وساعتها ألجأ إلى حجة البليد وهي الدعاء على القاعدة وبن لادن وشيوخ التكفير وإنهم هما اللي مبوظين عيشتنا في كندا ، مع إنه لما تفكر فيها وتفترض القضاء النهائي على القاعدة معتقدش إن النفوس هتتغير كتير.

سبحانك اللهم وبحمدك، أشهد ألا إله إلا أنت، أستغفرك وأتوب إليك

[اسكندرية تانى]

الاخ الفاضل MoeTdot

اريد ان احييك على مدونتك الجميلة و ادعو كل الاخوة لزيارة المدونة

و اريد ان اشيد بالصوت الجميل المصرى فى خلفية المدونة ...

هذا الصوت الذى اعشقه.. النقشبندى

اكرمك الله و سهل لك فى طريق الخير دوما

عذرا لصاحب الموضوع لانى لا اجد مكانا لتوجيه هذه الكلمات لاخى الكريم MoeTdot

الا هنا ... مرة اخرى اكرر اعتذارى و اعرب عن اعجابى بما يدور من نقاشات جميلة

اتابعها باهتمام مع زملائى فى بنوار الصامتين :)

تحياتى

تم تعديل 21 فبراير 2010 بواسطة اسكندرية تانى

[shah]

متابعين باهتمام و بنستفيد منه بارك الله فيك استاذ عبدوس

[goodfaith]

بمعنى آخر، لا أملك إلا إني ساعات أحس نفسي إني قاعد في وسط مجتمع مش قابلني إلا لو عملت اللي يرضيه. قد يكون الإحساس ده خاطئ ولكن وجود الإحساس في حد ذاته شيء متعب للنفس

قال تعالى:

وَلَن تَرْضَى عَنكَ الْيَهُودُ وَلاَ النَّصَارَى حَتَّى تَتَّبِعَ مِلَّتَهُمْ قُلْ إِنَّ هُدَى اللّهِ هُوَ الْهُدَى وَلَئِنِ اتَّبَعْتَ أَهْوَاءهُم بَعْدَ الَّذِي جَاءكَ مِنَ الْعِلْمِ مَا لَكَ مِنَ اللّهِ مِن وَلِيٍّ وَلاَ نَصِيرٍ 120 سوره البقره

[Morial]

استاذ عبدوس معني كلام حضرتك ان العرب وخاصة المسلمين عبارة عن عار يمشي علي قدمين وده اللي حسيته من مداخلة حضرتك الاخيرة وإللي معنديش شك في صحة كل ما جاء بها حيث تدعمها تجربتي مع الفلبينيات وشتان بينهم كشعب اسيوي فقير وبين الكنديين مثلا الا انهم ورغم فقرهم وبؤس حالهم يتعاملون مع العرب بصفة عامة والمسلمين بصفة خاصة بعجرفة وينظرون الينا نظرة متدنية وهذا ما لمسته فيهم حتي وان كان البعض منا اكثر ذكاء ومهارة في العمل من بعضهم وكونهم في النهاية اجانب عن البلد العربي الذي يعملون فيه وكوننا نحن كمصريين مثلا من المفروض ان نكون اقرب لعرب الخليج ومحل ثقتهم

ألا أن المفجع حقا هو ان العكس هو الصحيح فالخليجيون يثقون أكثر في الفلبينية او الهندي ويفضلون استجلابهم للعمل في بلادهم اكثر من اشقائهم العرب من الدول الفقيرة ألا تجد لذلك مغزي؟

ولكن شهادة حق فهؤلاء دائما يد واحدة حتي وان اختلفوا يظل امر اختلافهم طي الكتمان ولا يسمع به احد من الجنسيات الاخري واذا اخطأ احدهم فالاخرون لا يتوانون عن ستر خطأه ومد يد العون له علي عكسنا تماما نحن المصريين اللي والله علي ما اقول شهيد بندور لبعض علي غلطة في الغربة علشان نأذي بعض ونيجي لحد الجنسيات التانيه من هندوس بيعبدوا البقرة لمش عارفة ايه بيعبدوا ايه وبنبقي ذي الفل معاهم طيب ليه كدة ؟ دة اللي مش لقياله تفسير

دة غير عقدة النقص والانبهار بكل ما هو غير عربي حتي وان كان مصدره الفلبين اللي مش لاقيه تاكل واللي لا اصل ولا تاريخ ولاتقدم ولا حاجة ابدا

يبقي ليه كدة؟

اكيد العيب فينا ليه احنا مش متكاتفين ومتحدين مع بعض وقلوبنا مش علي بعض ؟ وليه احنا مش فخورين بأنفسنا وبدينا وببلادنا ؟ ليه دايما شايفين غيرنا احسن مننا وبنبخس نفسنا حقنا في اننا شعب له تاريخ مش عند غيره

في النهاية انا عايزة اقول حاجة انا اتسرقت في مصر كتير واتنصب عليا كتير ومحاولتش أعترض لأني عارفة ان مفيش فايدة وأي مكان مفيهوش سرقة ولا نصب بالحجم اللي في مصر هو بالنسبة لي جنة ايا كانت عيوبه الاخري

وسؤالي إللي اتمني حد من الناس اللي في كندا يجاوبني عليه

لو المذيع اللي اتكلم عنه استاذ عبدوس اترفعت ضده قضية تحريض علي أضطهاد المسلمين مثلا من كيان كبير لا من أفراد كأن يكون رابطة مسلمي كندا مثلا او اي شيء بهذا المعني وناضلتم لوقف هذا التعدي والعدوان حتي وان اخذ الامر اعوام يا تري هيكون فيه نتيجة ؟

[عبدوس الوزير]

القانون يحمي المذيع تماما لإنه لم يتجاوز حدود حرية التعبير.

[myusername]

السلام عليكم,

موضوع جميل.. و لكن الهموم تختلف من مهاجر الى آخر.. كل على حسب قدراته و طموحاته و رغباته.. بل و أيضا ظروفه و طبيعة شخيصته.

التأقلم؟ البعض يستطيع ان يتعايش.. و البعض الاخر يندمج.. و آخرون لا يطيقون الحياة هناك!

بشكل شخصى.. انا شخص سريع التأقلم مع اى وضع.. و لا يؤلمنى كثيرا ان انتقل من مكان لاخر.. و ان اتعايش مع اى نوع من البشر.. طالما انهم لا يؤذوننى بشكل شخصى. (يعنى العرى, التقاليد المختلفة, و ما الى ذلك.. لا التفت اليه كثيرا طالما انه لا يخترق مجالى الجوى)

المعادلة و المذاكرة؟ و ايه يعنى؟ ربما لاننى لا ازال فى مقتبل العمر.. فأستطيع ان ابدأ من جديد.. او حتى ان اقوم بتغيير مجال عملى كلية.. و ربما لانى ارى ان المشكلة فينا نحن.. و ليست فى كندا؟! نحن من دولة متخلفة.. بها اردئ نظام تعليم فى العالم.. و دولة ينتشر فيها الفساد و الرشوة حتى الركب.. فماذا تتوقع من مواطنى تلك الدولة؟ ماذا تتوقع ان تكون تركيبة شخيصتهم؟

اشخاص تعودوا على التكاسل و التراخى فى كل شىء.. حتى اصبح جزء منهم حتى النخاع... دولة فيها اكثر من 70% تحت خط الفقر او حتى على اعتابه.. و 50% من الشعب أمى... بل و جاهل ايضا.. (اذهب الى المنتديات, و ستجد كم رهيب من الاخطاء الاملائية يقوم به اصحاب الشهادات العيا)!!!

صديقة امريكية مقربة لى جدا.. فى ال54 من عمرها.. وصلت الى اعلى المستويات فى مجال التمريض.. فوجئت بها انها تقوم بتحضير بعض الدراسات العليا فى مجالها بعد كل هذا العمر و الخبرة... بل و فاجئتنى بقولها: لا امانع ابدا فى البدء فى مجال جديد, و الدراسة من جديد!!!

مشكلة المصريين ان شهاداتهم غير معترف بها.. بل و أيضا "معندهمش خلق" يبدأوا من جديد.. و يكملوا طريق الدراسة.. و يوسعوا مداركهم و معارفهم من أجل بداية جديدة و مشرقة...

مشكلتنا هى التراخى و التكاسل... عايزين كل حاجة عالجاهز.... و هذا يذكرنى ببعض الشباب اللذين حصلوا على فرصة السفر الى الولايات المتحدة الامريكية.. و اذا بهم يشتكون: لا نستطيع العمل بدون شهادة جامعية من أمريكا, و نضطر للعمل 8 ساعات!!! اى تكاسل هذا؟ و ما المشكلة فى العمل 8 ساعات؟ و واحد خريج كلية تجارة ولا اى حاجة من دى.. عايز يروح امريكا علشان يشتغل مدير مثلا و يحط رجل على رجل؟!! ما هو طبيعى انه هيشتغل فى تارجت ولا والمارت! لم يستطيعوا ان يتحملوا 6 شهور فقط فى امريكا.. و لا يزالوا يعانون!!

نفس التفكير و نفس الاسلوب, و نفس نمط الحياة... لن يتغير ابدا!!

تم تعديل 22 فبراير 2010 بواسطة myusername

[ehabtaher]

ربنا يساعدنا ان احنا نتقبل التغيير ونندمج فيه بسهوله ونتعلم وندرس حتى لو ميكانيكى زى مانا باحب

[عبدوس الوزير]

ـ تابع تحت الميكروسكوب ـ

أود أن أشرح قليلا موضوع حرية التعبير ده. حسب فهمي، فأي واحد في كندا يقدر يقول أي حاجة ما لم تصنف تحت كلام يحض على الكراهية Hate speech، ولكن المشكلة أن الخط بين الكلام الحر وكلام الكراهية باهت ويفسر حسب الملابسات.

فمثلا، من حق المذيع إنه يقول: المهاجرون هم أساس كل العمليات الإرهابية وساعتها محدش يقدر يتعرضله لإنها وجهة نظره، بينما إذا قال يالا بينا نقتل المسلمين يبقى كلام كراهية يمكن مقاضاته في المحاكم التي غالبا ما تقف في صف الإعلام بسبب تقديس الكنديين لحرية التعبير.

بالإضافة للمحاكم فهناك هيئات تحكيمية تختص بقضايا حقوق الإنسان اسمها Human rights commissions وهي ليست محاكم حنائية ولكنها هيئات تصدر أحكاما في قضايا مثلا مثل التفرقة في العمل أو في المدارس وخلافه.

وأود أن أورد هنا قصة لأحد هذه الهيئات كخطر التعامل الخاطئ مع المفاهيم الكندية. كان هناك مجلة اسمها Western Standard يرأسها صحفي اسمه Ezra Levant وهو يهودي متعصب. وكانت هذه المجلة هي المجلة الوحيدة تقريبا في كندا التي نشرت الرسوم المسيئة إياها، حيث آثرت معظم الصحف الأخرى عدم نشر هذه الرسوم تجنبا لرد فعل المسلمين. فقامت إحدى الهيئات الإسلامية بمقاضاة هذا الصحفي، وحيث أنه من غير الممكن مقاضاته تحت قانون الكلام المحض على الكراهية فقد قاضوه في هيئات حقوق الإنسان، بعدها ملأ هذا الرجل الدنيا صياحا بأنه من غير العدل مقاضاته في مثل هذه الهيئة لإنها قضية حرية التعبير والنشر وأنه يتكلف الكثير من المال لكي يدافع عن نفسه في قضية ليست من شأنه، وفعلا انقلبت الأداة علينا وانقلب الرأي العام الكندي تماما حيث أدان محاولات المسلمين إخراس حرية الصحافة وأصبح السيد عزرا ضيفا في جميع أطياف القنوات الإعلامية من اليسار لليمين ولم نل نحن إلا قلة القيمة.

بمعنى آخر حرية التعبير سلاح ذو حدين إذا قبلت به فلتقبل باحتمال أن يساء إليك وإلى معتقداتك من غير حول منك ولا قوة، اللهم إلا إذا اتشطرت كده وعرفت يكون لك تأثير إعلامي محترم.

وكذلك فلتقبل إنك تفتح الراديو وانتا رايح الشغل فتسمع أول خبر عن المسلمين الوحشين إلى عايزين يفجروا أبصر ايه وتاني خبر عن اليهود الحلوين اللي اتبرعوا لمش عارف ايه، كل يوم وكل ساعة من غير ما تخلص أبدا. وقول لي إزاي تتأقلم على كده حتى بعد خمسين سنة من العيشة وسطهم.

[terminator]

المعادلة و المذاكرة؟ و ايه يعنى؟ ربما لاننى لا ازال فى مقتبل العمر.. فأستطيع ان ابدأ من جديد.. او حتى ان اقوم بتغيير مجال عملى كلية.. و ربما لانى ارى ان المشكلة فينا نحن.. و ليست فى كندا؟! نحن من دولة متخلفة.. بها اردئ نظام تعليم فى العالم.. و دولة ينتشر فيها الفساد و الرشوة حتى الركب.. فماذا تتوقع من مواطنى تلك الدولة؟ ماذا تتوقع ان تكون تركيبة شخيصتهم؟

اشخاص تعودوا على التكاسل و التراخى فى كل شىء.. حتى اصبح جزء منهم حتى النخاع... دولة فيها اكثر من 70% تحت خط الفقر او حتى على اعتابه.. و 50% من الشعب أمى... بل و جاهل ايضا.. (اذهب الى المنتديات, و ستجد كم رهيب من الاخطاء الاملائية يقوم به اصحاب الشهادات العيا)!!!

صديقة امريكية مقربة لى جدا.. فى ال54 من عمرها.. وصلت الى اعلى المستويات فى مجال التمريض.. فوجئت بها انها تقوم بتحضير بعض الدراسات العليا فى مجالها بعد كل هذا العمر و الخبرة... بل و فاجئتنى بقولها: لا امانع ابدا فى البدء فى مجال جديد, و الدراسة من جديد!!!

مشكلة المصريين ان شهاداتهم غير معترف بها.. بل و أيضا "معندهمش خلق" يبدأوا من جديد.. و يكملوا طريق الدراسة.. و يوسعوا مداركهم و معارفهم من أجل بداية جديدة و مشرقة...

مشكلتنا هى التراخى و التكاسل... عايزين كل حاجة عالجاهز.... و هذا يذكرنى ببعض الشباب اللذين حصلوا على فرصة السفر الى الولايات المتحدة الامريكية.. و اذا بهم يشتكون: لا نستطيع العمل بدون شهادة جامعية من أمريكا, و نضطر للعمل 8 ساعات!!! اى تكاسل هذا؟ و ما المشكلة فى العمل 8 ساعات؟ و واحد خريج كلية تجارة ولا اى حاجة من دى.. عايز يروح امريكا علشان يشتغل مدير مثلا و يحط رجل على رجل؟!! ما هو طبيعى انه هيشتغل فى تارجت ولا والمارت! لم يستطيعوا ان يتحملوا 6 شهور فقط فى امريكا.. و لا يزالوا يعانون!!

نفس التفكير و نفس الاسلوب, و نفس نمط الحياة... لن يتغير ابدا!!

أنا اتعرفت على شخص أمريكى هنا فى القاهرة .. شاب عمره 27 سنة ولسة مخلص Master فى دراسات الشرق الأوسط وجاى القاهرة يتعلم عربى ..

وفجأة بعد كل اللى درسه قرر حاليا انه لما يرجع هيبدأ من جديد فى دراسة International law ..

ولما سألته مستغرب بعد كل الدراسة دى وسنك 27 سنة هتروح تدرس من تانى فى مجال جديد , قاللى فى امريكا لا شئ مستحيل ولا شئ غريب ..

بجد عقليات كويسة جدا

[عبدوس الوزير]

عموما أنا خلصت اللي كنت عاوز أقوله وأشكر لكم حسن استماعكم.

سبحانك اللهم وبحمدك، أشهد ألا إله إلا أنت، أستغفرك وأتوب إليك

[safaalabana]

عموما أنا خلصت اللي كنت عاوز أقوله وأشكر لكم حسن استماعكم.

سبحانك اللهم وبحمدك، أشهد ألا إله إلا أنت، أستغفرك وأتوب إليك

الاخ الفاضل عبدوس

تحيه طيبه وتجربتك جديره بالاهتمام والتدبر ...اخى الفاضل لقد تزكرتك امس حين كنت واسرتى فى زياره لاسره مصريه وهى اسره ما شاءالله رائعه بحق

وقد هاجروا من حوالى 10 سنوات وحكوا لى كم من المصاعب واجهتهم فى بداية الطريق ولقد تحملوا كل ما مر بهم لشهور طويله وتسطيع ان تقول انهم حفروا فى الصخر متسلحين بالايمان ...والان هم ناجحون اولادهم وبناتهم فى قمة التدين وحسن الخلق ورجاحة العقل وقوة الشخصيه ...لقد سعدت بهم ولهم

اخى الفاضل ...فعلا كل تجربه حاله منفرده ودعائى لك ان ييسر الله لك امورك بما فيه الخير لك ولعائلتك

[zika]

موضوعك جميل جدا يا استاذ عبدوس

و شيء طبيعى ان اختلاف الثقافات يعمل مشكلة لبعض المهاجرين

لكن ليه ما يحاولش المهاجر ده ينفتح اكتر على الثقافة المختلفة و يقيمها بشكل عقلانى ؟

ده مش سؤال على فكرة انما مجرد رأى

[الباشمهندس ياسر]

فاهم قصد حضرتك تماما يا باشمهندس و مقتنع باغلبه بس شايف إن الصورة أكبر شوية ...... في الغرب ممكن نعتبر إن الشذوذ مثلا و العلاقات خارج تعريف الزواج الديني أو التقليدي ( ما قلتش زنا لان الموضوع ده محتاج كلام كتير مش مجاله هنا ) كبائر يغض المجتمع الطرف عنها بصورة كبيرة .......مقابل كبائر تعتبر جرائم لا يسلم الشرف الرفيع منها .....الكذب ..الفساد ...الرشوة لاحظ انهم كلهم كبائر برضه (يمين غموس ...شهادة زور ...رشوة ..إلخ )

الشرق مش حاقول العكس انما أكيد رد فعل المجتمع قصاد الكبائر اللي ليها علاقة بالجنس غير رد فعل نفس المجتمع ضد بقية الكبائر مع إن الكل حرام في الآخر و كلهم كبائر

مش باقول برضه إن الغرب ما فيهوش فساد و كذب و لا إن الشرق ما فيهوش زنا و شذوذ ....... كل مجتمع فيه كل البلاوي بنسب مختلفة

المجتمعين غلط ...مش باقول إن دول صح و دول غلط ...الاتنين غلط ....الكبائر كلها حرام و تستاهل نفس رد الفعل و تستاهل اننا نحمي ولادنا منهم كلهم و بنفس القدر ....الخمر قصادها الحشيش و الشذوذ قصاده الرشوة و الزنا قصاده الفساد .....فيه كبيرة أكبر من التانية ؟

تحياتي و تقديري يا باشمهندس و شاكر لحضرتك المشاركة و كلامك الطيب في حق شخصي الضعيف

دوك

اسمي امنياتي انك تصل للقرار السليم

[د هشام ابراهيم]

دوك

اسمي امنياتي انك تصل للقرار السليم

آمين .....نحن و اياكم يا هندزة :)

[د هشام ابراهيم]

عبدوس باشا .....شكرا جزيلا علي موضوع حضرتك و علي وقتك و مجهودك ....أنا شخصيا استفدت جدا منه و أكيد غيري كتير .....و تحية خاصة و كامل التقدير لموضوعية حضرتك و اسلوبك الراقي في الحوار

ما دمت حضرتك استجبت لرجائي و فتحت الموضوع ده فانا كده طمعت :happy: .....فضلا و رجاء نعرف ايجابيات كندا من وجهة نظر مهاجر عنده هموم :) .....ربنا يخفف علينا جميعا يا رب

[مازن أطرش]

اسمحلي دكتور هشام اضم صوتي لصوتك واطلب من الأخ عبدوس كمهاجر قديم بذكر الايجابيات . :blink: .بس احب أنهي الكلاك اللي شوية خواطر عندي . :lol: ..اولا ..بتصور المفروض انو الواحد ما يرسم صورة وردية عن موضوع الهجرة ..انا بعتقد انها بالمحصلة ..وردة . :lol: .بس حواليها اشواك . :lol: ..هاد نمرة واحد ..نمرة اتنين ...اصعب شيء دائما هو فقدان الاستقرار .. :lol: .يعني انا بشوف الأخوة اللي بالخليج ..بيشوفو موضوع الهجرة لكندا مش صعب عليهم زي اللي مقدم من مصر ..خاصة اذا كان مستقر بسكنه ومعارفه ...بيشوفها صعبة عليه كتير لما يقتقدهم حتة واحدة ..بس لما الواحد يستقر ..اقصد بكندا ..ويتعود ...يشوف العكس ...بالخلاصة . :flr1: .الي سعيد ومستقر ببلده وراضي بعيشته ..مايفكرش بالهجرة عشان يحسن وضعه..الهجرة مش تحسين وضع ..الهجرة حياة جديدة ...الهجرة للي مش راضي بعيشته ...والرضى ده مش متعلق بالفقر او الغنى ..ولو انهم عوامل هامة ..بس مش هي الأساس ..كمان أنا بشوف الهجرة صعبة على العازب اكترمنها على المتزوج ...الهجرة للي ابوه عايشين اصعب منها للي ابويه متوفيين ..طبعا انا بتكلم من وجهة نظري الشخصية ...لأني متزوج ..والداي متوفين ..وبتصور لو واحد منهم بس موجود ..وطلب مني افضل ببلدي ...مش حقدر اهاجر ..دي شوية خواطر ...حبيت اتشاركها مع اخوة بحسهم زيي وبتمنى اتعرف عليهم عن قرب . :lol: .