هموم مهاجر

[ehabtaher]

اللى راح الخليج وقعد فتره بيفقد الاتصال بالعائله الا فى الاجازات والتليفونات علشان كده موضوع الهجره مابيبقاش فارق اوى معاه رايح من حته غربه لحته غربه

الفرق ان اللى بيهاجر وهو من الخليج بيحسبها ازاى

بيفكر لما هو يرجع مصر بعد فتره الغربه حا يعمل ايه ( لا شغل حيكفى المصاريف ولا معاش محترم والاصدقاء كل واحد فى حاله والعائله كل واحد فى مشاغله)

يبقى مش حاتفرق معاه انه يدور على حته زى الهجره يستقر فيها بعد فتره الشغل يلاقى فيها معاش وتعليم وامان صحى الخ الخ

يبقى كل مشكلتنا هى تربيه الاولاد ودى بقه مشكله هنا فى الخليج وفى مصر وفى كندا

المشكله التانيه هى العمل ودى كل واحد بيحاول فيها بطريقته من مشروع معادله دراسه الخ

نيجى للعامل المهم واللى الناس مش واخده بالها منه او واخده بس عامله مش واخده

العامل السياسى احنا فى مصر شايفين ان مافيش امان سياسى

الواحد النهارده عنده مشروعه شغال وكويس بكره ممكن تطلع فى دماغ الريس يامم كل المشاريع مثلا

الحديد النهارده ب 1000 بكره يطلعوا قانون لازم تبنى فى خلال 4 سنوات والحديد يطلع ل 8000 جنيه

مافيش استقرار والقرارات الفعليه مش بايد الشعب

يعنى لو كان القرار بايد الشعب فعلا وفيه فقر برضه مكانش حد فكر يهاجر ليه لانه عنده امل ان الشعب ممكن يتفق على قرار صحيح والحياه ينصلح حالها

لكن وبما ان القرار مش فى ايدنا يبقى نروح لحته تانيه يكون القرار فى ايدنا او مش فى ايدنا لان احنا حنبقى اقليه بس بنختار ساعتها بلد يكون القرارات بتاعته مناسبه لينا

يعنى مثلا مش حانفكر نروح فرنسا ويقولولنا ممنوع الحجاب مثلا ... ادينا بندور واللى ربنا عايزه هو اللى حيكون فى الاخر

اللى عايز اقوله بقى فى الاخر

ان لو المصريين او العرب الو المسلمين عاشو متفرقين فى الاخر مش حا يبقى ليهم صوت يكون مؤثر فى حياتهم وده يعنى انهم حيرضو بالحياه اللى حواليهم وحيبقوا مش عايزين يغيروها للاحسن او للانسب

وربنا يسهل لكل واحد احواله

[عبدوس الوزير]

عزيزي الدكتور هشام والأستاذ مازن

حضرتك كنت تفضلت بطلب فتح موضوع عن سلبيات كندا من موجهة نظري، كموازنة للموضوعات الأخرى التي لم تترك إيجابية إلا وأوردتها، ولقد فتحت الموضوع من هذا المنطلق. كل الإيحابيات اللي ذكرها الإخوة موجودة وأكتر. عيشة سهلة ومفيش ضغط في العمل. مناظر خلابة وخدمات متاحة وحتى الجو معنديش مشاكل فيه. ناس أخلاق الصراحة وفرص متساوية لمن اجتهد. . كل القراء الأفاضل عارفين ده وإلا لما فكروا في الهجرة أساسا. باختصار أنا مش فاتح الموضوع ده علشان أقول إن كندا وحشة بل على العكس

كل اللي أنا باقوله هو أولا أنا عايز الناس تعرف إنه الموضوع فيه ضغوط نفسية بغض النظر عن المتاعب المادية اللي هيا كل ما يتم مناقشته في المنتدى من جهة السلبيات. هذه الضغوط تتفاوت من شخص لآخر وممكن إنها تأثر في شخص أكتر من الآخر. قد يضحك البعض ويتهمني بالدلع لإني مثلا متضايق من موضوع حقوق المهاجر ويقولولي يا عم احنا لاقيين ناكل عيش لما تقوللي حقوق، بس الدنيا مش عيشة سهلة وبس وإلا ماكانش تايجر وودز يقع في المشكلة اللي هوا فيها. (بالمناسبة فأنا توقعت إنه يكون هناك المزيد من الردود حول النقاط المختلفة المطروحة للنقاش ولكن الموضوع انقلب للأسف للنقاش عن تربية الأطفال ولم يتطرق إلى أي منها تقريبا!)

والحاجة التانية إنه من الظلم التدليل على حلاوة كندا بالمقارنة لمصر ومن الظلم البين أن يمتلئ المنتدى بسلبيات مصر لإن لكلا البلدين اختلافات جوهرية يعني مقارنة أبل وأورانج زي ما بيقول الكنديون.

وثالثا نقطة شخصية. هل هيجي اليوم اللي الواحد في في دار للعجزة عنده تمانين سنة يتحسر على ما كان وما لم يكن؟ احتمال آه واحتمال لأه. ده علمه عند ربنا.

بس خلاص rs:

[safar]

بداية أشكر الأخ / عبدوس الوزير على موضوعه.

ثانياً : لدي سؤال هل تمت محاولات في تجمعات للمهاجرين حتى ولو كانت تجمعات صغيرة لتشكيل ثقل سياسي حتى ولو كان صغيراً ، حتى ولو كان لانتخاب رؤساء البلديات أو أقل بحيث أن المنتخب العربي أو المسلم يشعر المرشحون بأنهم بحاجة إلى صوته من خلال هذه التجمعات الصغيرة خلال السنوات الماضية.

مع تحياتي

[dr ahmad pharma]

استاذ عبدوس

اشكرك علي الموضوع ده و شكرا علي مجهودك و وقتك

فعلا الواحد كان عاوز يشوف موضوع الهجره من كل الزوايا (مميزات و عيوب) ....... و اخيرا الخيره فيما اختاره الله

[Morial]

بداية أشكر الأخ / عبدوس الوزير على موضوعه.

ثانياً : لدي سؤال هل تمت محاولات في تجمعات للمهاجرين حتى ولو كانت تجمعات صغيرة لتشكيل ثقل سياسي حتى ولو كان صغيراً ، حتى ولو كان لانتخاب رؤساء البلديات أو أقل بحيث أن المنتخب العربي أو المسلم يشعر المرشحون بأنهم بحاجة إلى صوته من خلال هذه التجمعات الصغيرة خلال السنوات الماضية.

مع تحياتي

أنا بضم صوتي لصوت الاخ صفر وبسأل نفس السؤال لأن دي فعلا نقطة في غاية الاهمية لأن الاتحاد قوة زي ما احنا عارفين وعلشان كدة اليهود ليهم وزنهم في كل حتة وحتي الهندوس اللي كان الاخ عبدوس اتكلم عنهم وذكرلنا ان واقعة ارهابية تمت علي يد بعضهم ومع ذلك مازال السلطات الكندية ومرشحي الاحزاب السياسية يشترون ودهم واكيد السبب في اتحادهم وكونهم كيان واحد له ثقله النابع من تماسكهم واتحادهم

تم تعديل 25 فبراير 2010 بواسطة منال شوقي

[د هشام ابراهيم]

عزيزي الدكتور هشام والأستاذ مازن

حضرتك كنت تفضلت بطلب فتح موضوع عن سلبيات كندا من موجهة نظري، كموازنة للموضوعات الأخرى التي لم تترك إيجابية إلا وأوردتها، ولقد فتحت الموضوع من هذا المنطلق. كل الإيحابيات اللي ذكرها الإخوة موجودة وأكتر. عيشة سهلة ومفيش ضغط في العمل. مناظر خلابة وخدمات متاحة وحتى الجو معنديش مشاكل فيه. ناس أخلاق الصراحة وفرص متساوية لمن اجتهد. . كل القراء الأفاضل عارفين ده وإلا لما فكروا في الهجرة أساسا. باختصار أنا مش فاتح الموضوع ده علشان أقول إن كندا وحشة بل على العكس

كل اللي أنا باقوله هو أولا أنا عايز الناس تعرف إنه الموضوع فيه ضغوط نفسية بغض النظر عن المتاعب المادية اللي هيا كل ما يتم مناقشته في المنتدى من جهة السلبيات. هذه الضغوط تتفاوت من شخص لآخر وممكن إنها تأثر في شخص أكتر من الآخر. قد يضحك البعض ويتهمني بالدلع لإني مثلا متضايق من موضوع حقوق المهاجر ويقولولي يا عم احنا لاقيين ناكل عيش لما تقوللي حقوق، بس الدنيا مش عيشة سهلة وبس وإلا ماكانش تايجر وودز يقع في المشكلة اللي هوا فيها. (بالمناسبة فأنا توقعت إنه يكون هناك المزيد من الردود حول النقاط المختلفة المطروحة للنقاش ولكن الموضوع انقلب للأسف للنقاش عن تربية الأطفال ولم يتطرق إلى أي منها تقريبا!)

والحاجة التانية إنه من الظلم التدليل على حلاوة كندا بالمقارنة لمصر ومن الظلم البين أن يمتلئ المنتدى بسلبيات مصر لإن لكلا البلدين اختلافات جوهرية يعني مقارنة أبل وأورانج زي ما بيقول الكنديون.

وثالثا نقطة شخصية. هل هيجي اليوم اللي الواحد في في دار للعجزة عنده تمانين سنة يتحسر على ما كان وما لم يكن؟ احتمال آه واحتمال لأه. ده علمه عند ربنا.

بس خلاص :)

فاهم وجهة نظر حضرتك اذا كنت لا ترغب في فتح موضوع جديد عن الأيجابيات ...... طيب ممكن علي الأقل ما تحرمناش من مساهاماتك في المواضيع المفتوحة ....واضح إن تجربة حضرتك ثرية و من خلال الموضوع ده واضح كمان إن حضرتك بتتمتع بادب جم و موضوعية في النقد و المديح و أكيد كلنا حنستفيد من مساهمات تانية

تقديري و احترامي يا باشا :sad: