فائده الباسبور الكندي ؟؟؟

[Gladiator]

السلام عليكم ورحمه الله وبركاته

انا نويت الهجره ودلوقت ان شاء الله في مرحله تجميع الاراء عشان ابتدي صح ...

السؤال هو..

من خلال تصفحي لمنتداكم الجميل ...لاحظت وجود ناس بتتكلم عن كندها وباسبورها ..كأنه الهدف

ونوع تاني بيتكلم عن كندا كوطن جديد من اختيارهم ...يمارسو فيها حياتهم اللي تمنوها

انا موضوعي معمول عشان النوع الاول..الناس اللي كل هدفها الباسبور الكندي بس

عايز اعرف ...فايدته ايه في وجهه نظرهم؟؟وهل يستاهل العد التنازلي لحد مايكمل 3سنين ويمسك الجواز؟؟؟

ولا ايه؟؟

موضوعي ..اظن انه اتطرح داخل كل دماغ مننا ..فأرجو الايجابيه ..يعني عايز ردود ..وشجعوني وبلاش احراج

الخلاصه ...ماذا ترى في مجرد ((مجرد)) الحصول على جواز سفر كندي ؟؟ مش للهجره لا ..للجواز الكندي بس

[goodfaith]

عليكم السلام ورحمة الله

الحقيقة السبب لهجرتي لم يكن الباسبور الكندي لكن من مزايا الباسبور الكندي انك تسافر لاي دولة في العالم بدون تأشيرة

محدش يقدر يحتجزك بدون سبب او يعطلك ويركنك على جنب كام ساعة وممكن تراجع موضوع دكتور الشامي لما طيارته اضطروا ينزلوا في مطار في امريكا اصحاب الجوازات اللي مش من امريكا وكندا تمت معاكلتهم بشكل مختلف

ترحاب وود في كل مطارات العالم وللعلم صديقة عربية ذكرت لي انه في بعض الدول العربية بعد معرفة ان اصحاب الجوازات الكندية من اصول عربية معاملتهم تتغير لكن مش هاتكون مثل اللي باسبوره من دولة عربية

مش عارفة فيه اسباب تانية ولا ايه بس بخصوص جملة

عايز اعرف ...فايدته ايه في وجهه نظرهم؟؟وهل يستاهل العد التنازلي لحد مايكمل 3سنين ويمسك الجواز؟؟؟

ولا ايه؟؟

بعض الفلسطينين اللي معاهم وثائق سفر مصرية لا يمكن ان تتخيل مدى المعاناة التي يتعرضون لها في المطارات فبالنسبة للناس دي يستاهل العد التنازلي يا رب ل 10 سنين وكتير ناس من اصول فلسطينية بتيجي كندا بس عشان جوزا السفر لها ولاولادها وبترجع الامارات ولا الكويت

ونستنى نشوف باقي الآراء

[Gladiator]

عليكم السلام ورحمة الله

الحقيقة السبب لهجرتي لم يكن الباسبور الكندي لكن من مزايا الباسبور الكندي انك تسافر لاي دولة في العالم بدون تأشيرة

محدش يقدر يحتجزك بدون سبب او يعطلك ويركنك على جنب كام ساعة وممكن تراجع موضوع دكتور الشامي لما طيارته اضطروا ينزلوا في مطار في امريكا اصحاب الجوازات اللي مش من امريكا وكندا تمت معاكلتهم بشكل مختلف

ترحاب وود في كل مطارات العالم وللعلم صديقة عربية ذكرت لي انه في بعض الدول العربية بعد معرفة ان اصحاب الجوازات الكندية من اصول عربية معاملتهم تتغير لكن مش هاتكون مثل اللي باسبوره من دولة عربية

مش عارفة فيه اسباب تانية ولا ايه بس بخصوص جملة

عايز اعرف ...فايدته ايه في وجهه نظرهم؟؟وهل يستاهل العد التنازلي لحد مايكمل 3سنين ويمسك الجواز؟؟؟

ولا ايه؟؟

بعض الفلسطينين اللي معاهم وثائق سفر مصرية لا يمكن ان تتخيل مدى المعاناة التي يتعرضون لها في المطارات فبالنسبة للناس دي يستاهل العد التنازلي يا رب ل 10 سنين وكتير ناس من اصول فلسطينية بتيجي كندا بس عشان جوزا السفر لها ولاولادها وبترجع الامارات ولا الكويت

ونستنى نشوف باقي الآراء

Goodfaith

شكرا جزيلا على سرعه ردك..وده طبعا اللي انا منتظره منكم جميعا

انا معاك..دي اسباب مهمه للباسبور بس اعتقد مش كل حاجه ..يعني فيه اسباب تانيه اكيد

عايزين مشاركات الاخوان والاخوات

وبعدين انت بتقول الناس بتجيب جوازات ليها ولاولادها وتروح بيها الكويت والامارات...هتفرق كتير يعني ؟؟؟؟

وهل ده المبرر الوحيد ليهم ..ولا فيه اسباب غايبه عني تخص الحكايه دي؟؟

منتظر ردك المحترم

[المعلم عتريس]

ممكن المصريين اقل ناس تفكر في فوايد الباسبور

لكن زي الاخت جودفيت ما قالت

اخوانا الفلسطينيين من اكثر الناس اللي يهمهم باسبور اجنبي بدل الذل الي بيشوفوه في الدول العربية السعودية مصر ليبيا

ممكن ينفعك لو حبيت تشتغل في الخليج لان مستحيل هتتعامل هناك زي واحد معاه باسبور مصري

على الاقل خالص لو الكفيل اتخانق مع مراته وضربته بالشبشب مش هتلقى نفسك مرمي في الحجز :ninja:

وعموما حتى الخليجيين دلوقتي بيحرصوا ياخدو باسبور اجنبي لاولادهم لان في احساس بعدم الامان وخوف من المستقبل

[Tarek Abdellatif]

بكل أسف ممكن الباسبور الكندي يأمنلك نوع من أنواع الحماية داخل جمهورية مصر العربية. mfb:

يعني لو حضرتك حصلتلك مشكلة في مصر (اللي هي أصلاً بلدك) و اضطريت تروح قسم الشرطة و طلعت الباسبور الكندي (أو الأمريكي أو الإنجليزي ..... إلخ)، يعني أقل ما يمكن أن نقوله إن هما (اللي هما أصلاً أبناء بلدك) هيخافو يتجاوزوا حدودهم معاك.

ده طبعاً بالإضافة إلى النقطة اللي اضافتها الأخت Goodfaith من معاملة أفضل في الدول الأخرى.

فائدة أخرى إن لو حضرتك في أي دولة من دول العالم و حصل فيها مشكلة (إنقلاب عسكري، حرب، غزو العراق للكويت مثلاً :ninja: ....إلخ) هتلاقي حد يساعدك و تكون واثق فيه (سفارة كندا اللي حضرتك هتكون أحد رعاياها)

فائدة ثالثة إن حضرتك لو بتشتغل في كندا (و في بعض الأحيان مش لازم تكون بتشتغل في كندا أصلاً) و معاك الباسبور الكندي ممكن تجيلك وظيفة في أي دولة أخرى و خاصةً الدول العربية و مصر أيضاً - تجيلك وظيفة ك Expat بمرتبات و مميزات أكبر بكثير جداً من أبناء البلد.

Sad but True

wst::

تم تعديل 18 فبراير 2010 بواسطة Tarek Abdellatif

[engtaha]

للاسف ده فعلا اللى بيحصل فى مصر

الباسبور ده كارت بلانش

[goodfaith]

وبعدين انت بتقول الناس بتجيب جوازات ليها ولاولادها وتروح بيها الكويت والامارات...هتفرق كتير يعني ؟؟؟؟

وهل ده المبرر الوحيد ليهم ..ولا فيه اسباب غايبه عني تخص الحكايه دي؟؟

الناس اللي انا اقصدها هنا اصلا مستقرين في الامارات او الكويت بس من اصول فلسطينية وبيكون معاهم وثائق سفر مصرية

الناس دي انا شفتهم ازاي بيتعاملوا في المطارات وعندي اصدقاء فلسطينيين حكوا لي حاجات كتير اوي في ما يخص الموضوع ده

اهانات وتفتيش ذاتي وتأخير مبالغ فيه وغير مبرر وممكن عادي الطيارة تطلع وتسيبهم لما الدنيا تتعقد اوي من الآخر بيعاملوهم كارهابيين وللاسف في مطارات عربية

فتخيل مثلا انهم ماديا مرتاحين ومستقرين في دولة خليجية لكن مش قادرين يسافروا اي مكان الا ببهدلة وقلة قيمة وتحقيقات في كل مكان لان معهمش اصلا جواز سفر محترم او غير محترم

فالجواز الكندي بالنسبة لهم نهاية لمعاناة بيتعرضوا لها بشكل مستمر وطبعا بيكون الشخص همه انه يوفر لاولاده نوع من الامان هو ملاقاهوش لظروف خارجة عن ارادته

لو الكفيل اتخانق مع مراته وضربته بالشبشب مش هتلقى نفسك مرمي في الحجز

طب انا مالي بالموضوع ده اترمي ليه في الحجز !!!

[المعلم عتريس]

لو الكفيل اتخانق مع مراته وضربته بالشبشب مش هتلقى نفسك مرمي في الحجز

طب انا مالي بالموضوع ده اترمي ليه في الحجز !!!

:ninja: wst:: mfb:

فعلا وانا مالي

بس لما مرات الكفيل تروح تبلغ عن زوجها انه بيتاجر في الاقامات

هيقفشو كل الناس اللي مسجلين على ملف الشركة md2: .

تحيا تورنتو حره مستقله :wub:

[محمد كيبيك]

:ninja:فى مرة قبل كدة كنت سمعت من واحد فنى فى الكهرباء انة كان راكب سيارة ملاكى مع تاجر اجهزة كهربائية وفى الطريق الدائرى ضابط وقفهم لمخالفة سبهم لية لمجرد انة تاجر الاجهزة الكهربائية كان معاة باسبور ايطالى

[أكسيلانس]

الجنسيه الكنديه أو الامريكيه و كذلك الحنسيات الاوربيه ( دول الشنجن ) كلها تساعد جدا في مسألة السفر الي دول العالم الاول - أنت لا تحتاج الي تأشير لدخول معظم دول العالم ألاول

بل أن معظم المطارات الاوربيه تخصص صف خاص لحملة الجوازات الاوربيه و الامريكيه و الكنديه - في حين يقف الباقي كله في صفوف أخري لليأكد من صحة تأشيراتهم

و الحقيقه الموضوع ده كان بغيظ شويه لما كنت كتير أسافر لحضور معارض في أوروبا مع زملاء يحملون حنسيات أوربيه - يعدوا هما في ثانيه - و أنا أقف في طبور طويل - و كمان ممكن يتعملي أنرفيو تاني في المطار - خصوصا لندن

بالاضافه لذلك الجنسيه الغربيه أي كانت و منها الكنديه طبعا - تحسن كثير من فرص العمل في الخليج بالتحديد - و هو ما حدث معي الاسبوع الماضي بالتحديد

حيث تقدمت لوظيفه في أحد شركات أدارة الفنادق بالخليج

و في اليوم التالي جائني الرد -- لديك جميع المقومات المطلوبه و الخبره الكافيه - لكن الشركه تشترط ان يكون المدراء من جنسيات و ثقافات غربيه -- و شكرا

ده أحد الامثله الاخر

و مع ذلك و رغم كل ما تقدم --- هذه الاسباب لا تكفي نهائيا أن تكون سببا للهجره -- لان ببساطه الهجرة لمده أربع أو خمس سنوات هي ثمن كبير جدا لمجرد حصولك علي باسبور - و هو ما يذكرني بفلم جعلوني مجرما - الذي دخل السجن لسرقة رغيف عيش ( قصة فيكتور هيجو )

في رأي قد يكون هذا مقبول أذا كنت شاب في العشرينات و عازب لكن غير مقبول لعائله

ثم يا أخي الكريم -- أذا كنت جائع و متعطش لباسبور - ثم دخلت الي هذا الحفل الصاخب - (كندا ) و أنت لا تري من البوفيه المفتوح أمامك و الملئ بما لز و طاب سوي رغيف العيش --( الباسبور ) و تتكبد عناء ما بعده عناء للحصول عليه

و لو ألتفت حولك لوجدة من خيرات الدنيا الكثير فلماذا تردي بالرغيف و أنت لو جاهدة شويه صغيره ممكن تحصل علي خروف أرنب دكر بط

و في رأي أن أكثر من يستفيد بالجنسيه الكنديه هم أولادنا الذين نسعي جاهدين لتوفير حياه و تعليم أفضل لهم و لمستقبلهم -- ضع في أعتبارك أن معظم أذا لم يكن كل المهاجرين الي كندا و أمريكا هم من نخبة المتعلمين و المثقفين في كل العالم و ليس مصر فقط - فهذه هي الليسته الوظيفيه و ممكن تراجع الوظائف - يعني ناس تقدر تحسب مكسب و خساره كويس جدا - مش عمال تراحيل مهاحرين ليبيا - تفتكر الناس ديه - دكاتره و مهندسين و صيادله- و محاسبين - يخاطرو و يتكبدوا شغف العيش و القبول بوظائف مؤقته و المرمطه علشان الرغيف - قصدي الباسبور

يا عزيزي ده بوفيه مفتوح و الفرح متكلف مش حفله فوق السطوح -- لازم تكون أكسيلانس في أحلامك يا زميل

-- نصيحة راجل لف الدنيا طول و عرض -- لا تكن بخيلا في أحلامك لان الحلم لن يكلفك الكثير و لكن كن بخيلا في تشائمك لانه سيؤخرك عن الحلم

مع خالص تحياتي

تم تعديل 18 فبراير 2010 بواسطة أكسيلانس

[qenawy]

فائدة الباسبور الفرنسي

قصة حقيقية

انا وصديقي المصري حامل الجنسية الفرنسية استوقفنا ظابط المباحث في اسوان في كمين مروري وقال بكل ذوق الصراحة نحقيق الشخصية وريته بطاقتي وردها لي باحترام كتر خيره وصديقي الفرنسي المصري الباسبور وقاله بتعمل ايه في اسوان

رد صديقي الفرنسي قائلا بنتسنكح

الظابط انخرس يا عيني وصعب علي بجد فرديت انا قلت له يعني بتفسح بس اصله العربي بتاعه مكسر

انا بعدين تحيلت لو انا اللي قلت بنتسنكح كان الظابط عمل ايه في

اقله محضر تهجم وتعدي عليه اثناء تادية مهام عمله الرسمية في الغلاسة علي خلق الله

رغم انه كان ذوق في طلب تحقيق الشخصية بس اكيد وللاسف هم يعاملو ا الناس بقدر ما هو مكتوب في البطايق

يعني قال دكتور ماشي انما يا عيني علي الشباب اللي بيرجعوهم كانهم من سكان غزة :lol:

[Gladiator]

ايه ده ...ماشاء الله

اغيب ساعتين وارجع الاقي الردود كتير ماشاء الله

اعتقد اني عرفت اسخنكم ...كلامكم كله صح ..انا عايش في الامارات ..شغل يعني

وكل اللي قولتوه ...معظمه تقريبا كان بيدورف بالي من سنين ..لكن انتو اكدتوه ليا

وعلى فكره في اسباب تانيه ممكن تكون غايبه عننا

انا بشوف ناس معندهاش اي مشاكل ف الحياه المترفه ويقدرو يعملو اي حاجه بنفوذ المال وساعات السلطه لكن finally بلاقيهم بيدورو على الهجرة والباسبور بشراسه احسدهم عليها في ظلحيتهم المترفه

شكرا لكل من رد..وشكرا لكل من مر..وانا عارف اني دخلت منتدى فيه صفوة عقول وخبرات واتمنى اندمج وسطكم واكون مفيد زيكم

وفي انتظار الجديد لو فيه اضافات

[Gladiator]

فائدة الباسبور الفرنسي

قصة حقيقية

انا وصديقي المصري حامل الجنسية الفرنسية استوقفنا ظابط المباحث في اسوان في كمين مروري وقال بكل ذوق الصراحة نحقيق الشخصية وريته بطاقتي وردها لي باحترام كتر خيره وصديقي الفرنسي المصري الباسبور وقاله بتعمل ايه في اسوان

رد صديقي الفرنسي قائلا بنتسنكح

الظابط انخرس يا عيني وصعب علي بجد فرديت انا قلت له يعني بتفسح بس اصله العربي بتاعه مكسر

انا بعدين تحيلت لو انا اللي قلت بنتسنكح كان الظابط عمل ايه في

اقله محضر تهجم وتعدي عليه اثناء تادية مهام عمله الرسمية في الغلاسة علي خلق الله

رغم انه كان ذوق في طلب تحقيق الشخصية بس اكيد وللاسف هم يعاملو ا الناس بقدر ما هو مكتوب في البطايق

يعني قال دكتور ماشي انما يا عيني علي الشباب اللي بيرجعوهم كانهم من سكان غزة :lol:

استاذ ورئيس قسم

ههههههههههههههه حلوة بنتسنكح دي

طيب وانت لو قابلته وسالك دلوقت...هتقولو ايه ؟؟؟؟؟(على اساس انك بقيت كندي)

[حسام يوسف]

الطريق من أسوان الى الأقصر

220كيلومتر تقريبا

تخيلوا فيه كام كمين غلس وغتت تفتيش ورذالة؟

18كمين

مرة كنت راجع من الاقصر مواصلات مش قطر

وكل كمين طبعا انزل وانت مين ؟وايه الشنطة دي؟

وايه الدوا ده؟

واحنا مالناش نصيب ولا ايه؟

وحاجة آخر لطافة الصراحة

مرة بقى كان معايا فى العربية ولد اسمراني

وشكله وهيئته عاديين زي باقى الناس

في أول كمين من الاقصر الى اسوان

اتقاله بطاقتك؟

طلع باسبوره الأمريكاني

كرامة ليه

كل العربية فى الأوكية

وعدوا يا بهوات

وخدنا الطريق فى نص الوقت اللى بياخده عادة :lol:

يارب كندا

تم تعديل 18 فبراير 2010 بواسطة حسام يوسف

[أكسيلانس]

ألاخ حسام

بمناسبة الحديث عن الاقصر و أسوان

وبحكم أني ليسه راجع طازه من أسوان - أحب أقول لك أن أولادي كانوا سعداء جدا بالرحلة و خصوصا أسوان و ناسها الطيبين و كمان خدتهم في رحلة لغرب سوير القريه النوبيه في النيل كانوا سعداء جدا

أسوان بلد جميله فعلا

مع تحياتي من الغردقه

[Gladiator]

الطريق من أسوان الى الأقصر

220كيلومتر تقريبا

تخيلوا فيه كام كمين غلس وغتت تفتيش ورذالة؟

18كمين

مرة كنت راجع من الاقصر مواصلات مش قطر

وكل كمين طبعا انزل وانت مين ؟وايه الشنطة دي؟

وايه الدوا ده؟

واحنا مالناش نصيب ولا ايه؟

وحاجة آخر لطافة الصراحة

مرة بقى كان معايا فى العربية ولد اسمراني

وشكله وهيئته عاديين زي باقى الناس

في أول كمين من الاقصر الى اسوان

اتقاله بطاقتك؟

طلع باسبوره الأمريكاني

كرامة ليه

كل العربية فى الأوكية

وعدوا يا بهوات

وخدنا الطريق فى نص الوقت اللى بياخده عادة :lol:

يارب كندا

فعلا راجل بركه..وطبعا انت قعدت تتمسح في هدومه عشان ينولك من بركته حاجه

صحيح بلد باسبورات صحيح

بيني وبينكم انا جوه مصر مكنتش حاسس باهميه الجواز زي مانتو بتقولو كده..يمكن لاني مكنتش بحب المشاكل وكنت والحمد لله من اسرة فيها مسنوده شويتين من حيث المعارف..

لكن ده مش مبرر...يعني دوام الحال من المحال..واللي لقيته امبارح ممكن يتقاعد بكره... وطالما هيا ماشيه كده بالعكس..يبقى الحصانه الباسبوريه مهمه

طيب خلينا نتكلم عن الشغل ف الخليج..انا ف الامارات على فكره

وكنت اعرف واحده من اخواننا السودانيين كانت بتشتغل في عمل اداري في شركه كبيره...راحت استراليا وبعد 6سنين رجعت اشتغلت ف نفس الشركه وبتحلف لي انه بأربع اضعاف راتبها الاول...وبتقول انها اتعرض عليها بره اكتر..بس هيا مصممه ع الشركه دي ...قال يعني عشان تتنطط وتترسم على اللي كانو بيغلسو عليها

[NaWiCaNaDa]

السلام عليكم

انا موافق :closedeyes: -_-

[dr ahmad pharma]

معاك حق

[qenawy]

المشكلة عموما ليس في الورقة الخضراء اوالحمراء المسماة باسبور

المشكلة بمعناها

كندي بلد تحميك وتقدرك

مصري بلدك عندها كتير منك

اسمع ااشائعة اللطيفة هذه (حقيقية سمعتها باذناي طبعا)

في القوافل الطبية المجانية التي اشارك فيها تبعا للبرنامج الانتخابي للسيد الرئيس

سرت الشائعة ان الدولة تعطي علاج مجاني سام للتخلص البطيء من الشعب

سالت كثيرين من الجمهور

قالوا لي العلاج يصيبنا بالقيء والاسهال وانه ايضا يقال انه يؤدي الي العقم (والعياذ بالله)

طيب

اذا كان هذا راي الناس في الدولة ووزارة الصحة مرورا بالاطباء (الغلابة) المجبرين علي العمل في ظروف غير انسانية

فماذا تتوقع من رايهم في الباسبور الذي يسمعون عنه

مرة اخري نشكر كندا علي مجرد انها تسمح لنا بالحلم فقط ان نهاجر اليها

[mohamed mongy]

السلام عليكم.......

اعتقد ان من فوايد الجنسية هو ضمان نسبي للمستقبل يعني معاش

لما توصل الستين وعلاج مجاني في دولة محترمة وضمان مستقبل

تعليمي للاولاد وبالتالي شغل محترم ليهم.........

يعني من الاخر هاتشيل من دماغك كل اللي بيفكر فيه الاهل في بلادنا

من ازاي هنعلم الاولاد وهنجوزهم ازاي وبعدين نعينلنا قرشين ينفعونا

لما نكبر....................