فائده الباسبور الكندي ؟؟؟

[Mercedes]

السلام عليكم ورحمه الله وبركاته

انا نويت الهجره ودلوقت ان شاء الله في مرحله تجميع الاراء عشان ابتدي صح ...

السؤال هو..

من خلال تصفحي لمنتداكم الجميل ...لاحظت وجود ناس بتتكلم عن كندها وباسبورها ..كأنه الهدف

ونوع تاني بيتكلم عن كندا كوطن جديد من اختيارهم ...يمارسو فيها حياتهم اللي تمنوها

انا موضوعي معمول عشان النوع الاول..الناس اللي كل هدفها الباسبور الكندي بس

عايز اعرف ...فايدته ايه في وجهه نظرهم؟؟وهل يستاهل العد التنازلي لحد مايكمل 3سنين ويمسك الجواز؟؟؟

ولا ايه؟؟

موضوعي ..اظن انه اتطرح داخل كل دماغ مننا ..فأرجو الايجابيه ..يعني عايز ردود ..وشجعوني وبلاش احراج

الخلاصه ...ماذا ترى في مجرد ((مجرد)) الحصول على جواز سفر كندي ؟؟ مش للهجره لا ..للجواز الكندي بس

السلام عليكم و رحمة الله و بركاته :rolleyes:

آآآآآآآآآآآآآآآآآآآآآآآآه , أهو أنت جيت على الجرح و اتكيت يا باشا

فعلا, المواقف اللى الواحد شافها أمامه زى ما الأخوة الأفاضل اتفضلوا و قالوا دى نقطة فى بحر الامتيازات الرهيبة اللى الجواز الأمريكى , الكندى أو الانجليزى ممكن يوفرهالك و بالدات فى دول الخليج.

أنا مرة كنت معدى أمام قسم الطوارئ فى المستشفى الحكومى اللى كنت شغال فيها و هى تابعة لوزارة الصحة السعودية يعنى مش مستشفى خاص و لا حاجة و لقيت زحمة, قلت خيييييييير , أتارى كان فيه راجل و مراته و معاهم 3 أولاد ( أسرة سودانية ) بس معاهم الجنسية الأمريكية و كانتوا جايين من قطر معديين ترانزيت جوه السعودية و رايحين مصر و العيال جالها نزلة معوية من أكل كانوا أكلوه فى أحد المطاعم اللى عالطريق , طبيب الأطفال اللى كان موجود قرر أنه يعملهم غسيل معدة, كان بس يقول ( Saline - قزازة محلول ملح يعنى) , والله قبل ما يخلص الكلمة, تلاقى كل ممرض من اللى فى الطوارئ جايب قزازة و جاى يجرى.

شوف بقه لو ده كان مصرى ولا هندى ولا بنغالى, كان ايه اللى حصله, و الله كان المدير المناوب اللى فى المستشفى هيشوف الاول ادا كان معاهم فلوس عشان يدفعوا تمن العلاج ولا لأ, و عجبى . :)

و حاجااااااااااااااااات تانية كتير, بس خلى الواحد ساكت. :)

المعاملة الفخييييييمة اللى أنا شوفت الأمريكان و الكنديين و الانجليز بيتعاملوها فى السعودية, تخلى أى واحد عنده دم و احساس يفعل كل ما فى وسعه للحصول على جنسية و باسبور من دول.

ده من حلاوة المعاملة بتاع الناس دول, أنا أعرف خليجيين و سعوديين من ميسورى الحال بيحرصوا أن أبنائهم يتولدوا فى أمريكا عشان ياخدوا الجنسية الأمريكية. :D

و ربنا يوفق الجميع

MERCEDES S430

[عبير يونس]

تصدقوا يا جماعة اني عندي مخاوف انه على بال ما أروح كندا وأحصل على الباسبور الكندي يكون العالم تغيرت أوضاعه و يبقى اللي معاه باسبور كندي أو أمريكي من المطلوبين أمنيا!!! :)

[عبير يونس]

لكلام ده طبعا على أساس أن قليل البخت يعضه الكلب في المولد

:)

[المعلم عتريس]

تصدقوا يا جماعة اني عندي مخاوف انه على بال ما أروح كندا وأحصل على الباسبور الكندي يكون العالم تغيرت أوضاعه و يبقى اللي معاه باسبور كندي أو أمريكي من المطلوبين أمنيا!!! :)

مش هنغلب

هاقدم على طلب هجرة لمصر وانا ليا قرايب هناك وعارف اللغه يعني ضمنتلي ١٥ درجه

خلو علاقتكم كويسه بالناس اللي في مصر ما حدش يضمن الظروف

[Mercedes]

السلام عليكم و رحمة الله و بركاته. :)

المشكلة لحسن الظروف تتغير و أفغانستان تفتح باب الهجرة و انا لاعرف حد هناك و لاعرف أتكلم أفغانى و كمان ممكن يكونوا مانعين المهاجرين اللى من أصول أمريكية و كندية و انجليزية و استرالية و كده يعنى, أنهم يتقدموا للهجرة على أساس أنهم ارهابييييييييين!!!

ألا أفغانستان بتتكلم ايه و ياترى فى معاهد لغة فى مصر بتعلم لغتهم؟؟؟ :ninja: :sad:

MERCEDES S430

[myusername]

فائدة الباسبور الكندى (ان شاء الله) بالنسبة لى؟ ضمان مخرج استراتيجى, حتى اذا ضاقت بى البلاد.. اقدر اروح و ابدأ حياة جديدة فى اى مكان... يكفى ان بالباسبور الكندى اقدر ادخل اى دولة فى العالم.. و يوجد بعض البرامج فى اوروبا لتبادل اصحاب المهارات و الاعمال.. و اللتى تسمح للامريكى و الكندى بالعمل فى اوروبا بدون تصريح عمل لفترة معينة (غالبا 6 شهور)... و هذه تدعى holiday jobs او شىء من هذا القبيل.

تعيش كندا حرة مستقلة wst::

بالنسبة لانقلاب الاوضاع و الموازين فى العالم....؟؟ سوف تظل الجنسية الكندية لها ثقلها.. و لو اتزنقت, هخفى الباسبور توماما و همشى بالجنسية المصرية :lol:

[المعلم عتريس]

و يوجد بعض البرامج فى اوروبا لتبادل اصحاب المهارات و الاعمال.. و اللتى تسمح للامريكى و الكندى بالعمل فى اوروبا بدون تصريح عمل لفترة معينة

عرفت كل ده وانت ما عتبتش كندا!!!

امال لما تيجي هتعمل ايه :wub:

ولو كنت في كيبك بالذات تقدر تشتغل في فرنسا مدة اطول

[عبير يونس]

مش هنغلب

هاقدم على طلب هجرة لمصر وانا ليا قرايب هناك وعارف اللغه يعني ضمنتلي ١٥ درجه

خلو علاقتكم كويسه بالناس اللي في مصر ما حدش يضمن الظروف

يا خبر

ده أنا ماعادش لي حد من الدرجة الأولى في مصر

اللي هاجروا واللي بيشتغلوا برة واللي قابلوا وجه رب كريم

:wub:

المشكلة لحسن الظروف تتغير و أفغانستان تفتح باب الهجرة و انا لاعرف حد هناك و لاعرف أتكلم أفغانى و كمان ممكن يكونوا مانعين المهاجرين اللى من أصول أمريكية و كندية و انجليزية و استرالية و كده يعنى, أنهم يتقدموا للهجرة على أساس أنهم ارهابييييييييين!!!

ألا أفغانستان بتتكلم ايه و ياترى فى معاهد لغة فى مصر بتعلم لغتهم؟؟؟

أفغانستان بتتكلم فارسي يا فندم و في مناطق بتتكلم لغة اسمها بشتو

:lol:

بالنسبة لانقلاب الاوضاع و الموازين فى العالم....؟؟ سوف تظل الجنسية الكندية لها ثقلها.. و لو اتزنقت, هخفى الباسبور توماما و همشى بالجنسية المصرية

هي دي فايدة الجنسية المزدوجة

بس ده طبعا على اعتبار إن مصر تبقى وقتها من دول العالم الأول

و الا حنضطر نخفي الباسبورين و نطلب اللجوء لدارفور

[myusername]

و يوجد بعض البرامج فى اوروبا لتبادل اصحاب المهارات و الاعمال.. و اللتى تسمح للامريكى و الكندى بالعمل فى اوروبا بدون تصريح عمل لفترة معينة

عرفت كل ده وانت ما عتبتش كندا!!!

امال لما تيجي هتعمل ايه

ولو كنت في كيبك بالذات تقدر تشتغل في فرنسا مدة اطول

الرزق يحب الخفية.. و انا فى رأيى الشخصى ان المصريين بيتعبوا فى كندا علشان سببين: اولا التكاسل و التراخى اللى متعودين عليه فى نظام حياتهم.. و ثانيا بسبب انهم غير مدربين على كيفية الحصول على معلومات و استغلالها اسوأ استغلال, ناهيك عن التعليم السئ و اللذى أدى الى تفكيك صواميل المخيخ.. يعنى الواحد مبقاش يعرف يتصرف ازاى.

ان شاء الله انا هبقى PR فى كندا بعد أقل من سنتين من دلوقتى (التأخير لظروف شخصية)... :lol: ادعوووووووووووووا لى :wub:

[myusername]

مش هنغلب

هاقدم على طلب هجرة لمصر وانا ليا قرايب هناك وعارف اللغه يعني ضمنتلي ١٥ درجه

خلو علاقتكم كويسه بالناس اللي في مصر ما حدش يضمن الظروف

يا خبر

ده أنا ماعادش لي حد من الدرجة الأولى في مصر

اللي هاجروا واللي بيشتغلوا برة واللي قابلوا وجه رب كريم

:closedeyes:

المشكلة لحسن الظروف تتغير و أفغانستان تفتح باب الهجرة و انا لاعرف حد هناك و لاعرف أتكلم أفغانى و كمان ممكن يكونوا مانعين المهاجرين اللى من أصول أمريكية و كندية و انجليزية و استرالية و كده يعنى, أنهم يتقدموا للهجرة على أساس أنهم ارهابييييييييين!!!

ألا أفغانستان بتتكلم ايه و ياترى فى معاهد لغة فى مصر بتعلم لغتهم؟؟؟ :blush2: :blush2:

أفغانستان بتتكلم فارسي يا فندم و في مناطق بتتكلم لغة اسمها بشتو

smk:

بالنسبة لانقلاب الاوضاع و الموازين فى العالم....؟؟ سوف تظل الجنسية الكندية لها ثقلها.. و لو اتزنقت, هخفى الباسبور توماما و همشى بالجنسية المصرية :closedeyes:

هي دي فايدة الجنسية المزدوجة

angl::

بس ده طبعا على اعتبار إن مصر تبقى وقتها من دول العالم الأول

و الا حنضطر نخفي الباسبورين و نطلب اللجوء لدارفور

:blink:

يا نهار ابيض؟ :closedeyes: ده يبقى بجد بقى قليل البخت يطلع له العضم فى الكرشة :blush2:

[شامه]

السلام عليكم.......

اعتقد ان من فوايد الجنسية هو ضمان نسبي للمستقبل يعني معاش

لما توصل الستين وعلاج مجاني في دولة محترمة وضمان مستقبل

تعليمي للاولاد وبالتالي شغل محترم ليهم.........

يعني من الاخر هاتشيل من دماغك كل اللي بيفكر فيه الاهل في بلادنا

من ازاي هنعلم الاولاد وهنجوزهم ازاي وبعدين نعينلنا قرشين ينفعونا

لما نكبر....................

طب يا جماعه ايه الفرق بالنسبه لمصارييف التعلييم للمعاهم الجنسيه بتفرق كتيير بالنسبه للمقييميين الدائميين ؟؟

[Damo]

طب يا جماعه ايه الفرق بالنسبه لمصارييف التعلييم للمعاهم الجنسيه بتفرق كتيير بالنسبه للمقييميين الدائميين ؟؟

على حد علمي مبتفرقش خالص. اللي معاهم PR مصاريفهم مبتختلفش عن اللي معاهم الباسبور.

الحاجة الوحيدة اللي فرقت معايا ان مقدرش اقدم على الجامعة و انا بره كندا لو انا PR. اللي معاهم الجنسية بس هما اللي يقدروا. و دي كانت مشكلة لان الجامعات الكبيرة الdeadline بتاعها بيخلص بدري جدا و بيفرق من تخصص للتاني. يعني في جامعة تورونتو في التخصص بتاعي التقديم للعام الدراسي اللي يبدأ سبتمبر اللي جاي قفل في مارس.

[شامه]

طب يا جماعه ايه الفرق بالنسبه لمصارييف التعلييم للمعاهم الجنسيه بتفرق كتيير بالنسبه للمقييميين الدائميين ؟؟

على حد علمي مبتفرقش خالص. اللي معاهم PR مصاريفهم مبتختلفش عن اللي معاهم الباسبور.

الحاجة الوحيدة اللي فرقت معايا ان مقدرش اقدم على الجامعة و انا بره كندا لو انا PR. اللي معاهم الجنسية بس هما اللي يقدروا. و دي كانت مشكلة لان الجامعات الكبيرة الdeadline بتاعها بيخلص بدري جدا و بيفرق من تخصص للتاني. يعني في جامعة تورونتو في التخصص بتاعي التقديم للعام الدراسي اللي يبدأ سبتمبر اللي جاي قفل في مارس.

شكرا على الرد جزاكي الله خيرا عنا :rolleyes:

[Damo]

طب يا جماعه ايه الفرق بالنسبه لمصارييف التعلييم للمعاهم الجنسيه بتفرق كتيير بالنسبه للمقييميين الدائميين ؟؟

على حد علمي مبتفرقش خالص. اللي معاهم PR مصاريفهم مبتختلفش عن اللي معاهم الباسبور.

الحاجة الوحيدة اللي فرقت معايا ان مقدرش اقدم على الجامعة و انا بره كندا لو انا PR. اللي معاهم الجنسية بس هما اللي يقدروا. و دي كانت مشكلة لان الجامعات الكبيرة الdeadline بتاعها بيخلص بدري جدا و بيفرق من تخصص للتاني. يعني في جامعة تورونتو في التخصص بتاعي التقديم للعام الدراسي اللي يبدأ سبتمبر اللي جاي قفل في مارس.

شكرا على الرد جزاكي الله خيرا عنا :rolleyes:

لا شكر على واجب و بالتوفيق ان شاء الله

[michaelwafeek]

اظنمن اهم المميزات لبسبور الكندى ان الواحد بالباسبور يقد

"""" يحافظ على قفاة"""""

اصل يا جماعة القفاة دة نعمة كبيرة ادهنا ربنا

و بصراحة احنا فى مصر ياما سبنا قفانا و انا خايف ان يجى اليوم لى يسالنا اللة عنة

صدقونى مش مهم ناكل اية و لا نلبس اية المهم نحافظ على القفا

[شامه]

اظنمن اهم المميزات لبسبور الكندى ان الواحد بالباسبور يقد

"""" يحافظ على قفاة"""""

اصل يا جماعة القفاة دة نعمة كبيرة ادهنا ربنا

و بصراحة احنا فى مصر ياما سبنا قفانا و انا خايف ان يجى اليوم لى يسالنا اللة عنة

صدقونى مش مهم ناكل اية و لا نلبس اية المهم نحافظ على القفا

كلامك ميه ميه :blink: :blink: هوه ده الكلام :lol:

[Mercedes]

السلام و عليكم و رحمة الله و بركاته

الفايدة الوحيدة للجواز الكندى فى مصر أن أقدر أعمله قرطاس :lol: و احطه فى عين أى ظابط شرطه بيتنطط من الناحية بتاع البوز بتاع القرطاس , يقوم الظابط اللى كان بيتنطط ده يقلب ( عيشة ) عالطول .

MERCEDES S430

[hOuSsAm]

هو ينفع اجيب منحة اعمل دراسات عليا فى جامعة كندية وانا موجود فى الخليج او مصر؟

او جامعة امريكية؟

طيب لو مينفعش ازاى ادرس فى كندا من غير ماكون مهاجر ؟

[Damo]

هو ينفع اجيب منحة اعمل دراسات عليا فى جامعة كندية وانا موجود فى الخليج او مصر؟

او جامعة امريكية؟

معنديش فكرة عن الموضوع ده بس اكتر حد يقدر يفيد حضرتك الجامعة نفسها

طيب لو مينفعش ازاى ادرس فى كندا من غير ماكون مهاجر ؟

ينفع تيجي كinternational student بس ده في رايي عيوبه اكتر من مميزاته لان مصاريفه بتبقى تقريبا تلات اضعاف المهاجر و معظم الخدمات و المساعدات المالية مش متاحة للانترناشينال.

انا اعتقد من فترة كده قريت حاجة عن منحة للغير مهاجرين بس مركزتش فيها. هحاول ادور عليها.

Good Luck :blush2:

[Damo]

انا مشعرفه ادور على ايه لاني مشعرفه التخصص!

احسن حاجة حضرتك تدور بنفسك و اسأل الجامعات نفسها. زن عليهم تليفونات و ايميلات و كل مرة هتلاقي حاجة جديدة.

كمان ممكن تشوف منح من الجامعة اللي حضرتك اتخرجت منها للدراسة في الخارج.