الفطام التدريجي افضل ..................أم فطام الفجأة

[pocy]

اعتقد ان معظمنا اتفطم فجأة ولكنى سمعت ان هذا يسبب صدمه للطفل ويكون بدايه له للعنف مع الام بسبب منعها عنه شئ هو يريده جدا

فما رايكم بالفطام التدريجي (انا للاسف لسه سامعه قريت عنه والمفروض يبدأ من سن سبع شهور بس الواحد اتاخر عشر شهور عليه ) بالنسبه لطفل عنده سنه ونص ومتعلق بالرضاعه

اصلي انا حاسه ان ابنى كبر على الفطام التدريجي وفى نفس الوقت صعبان على انى افطمه فجأة ولانى بدأت معاه الفطام التدريجي من تلات ايام بالضبط فانا احس ان لديه اضطراب في الاكل فهو من اول امس لم

يذق طعم الاكل فهل هذا طبيعي انا دائما ما احاول الهائه عن الرضاعه بالعصير باي نوع فاكهه بكوب لبن دافئ وباللعب احيانا اليوم الاول عدى على خير بس بعدين حاسه ان ابنى دبلان وخصوصا انه متعلق بالرضاعه

جدا وخصوصا بالليل (مش بينام الا وهو بيرضع والا بيزن طول الوقت لحد ما يرضع فى الاخر )

انا بصراحه صعبان على انى افطمه فجأة وفى نفس الوقت حاسه انى بحنثه كل شويه يطلب وانا اقوله لا تعال نعمل ايه وخايفه من قله اكله دى تأثر عليه والله انا بصه عليه الان وحاسه انه دبلان على الاخر ومش

راضي يفطر مقطع فى قلبي والله

يا ريت اللى عنده فكره وجربت يحكيلنا عن تجربته ويفيدنى ويفيد الامهات mfb: :)

[الغريب]

من رأيي المتواضع سيبك من الفطام التدريجي ده يأم عمر لأنه آسف في اللفظ زي "السكينة التلمة" وفعلا هيأثر على عموور بشكل سيئ

انت المفروض كنتي خلصتي الموضوع ده وأنت في مصر علشان عمر يتلهي في وسط الأهل وميخودش باله وأنت تلاقي اللي يساعدك، بس الحمدلله على كل حال..

أظن أن الأمور صعبة عليكي شوية وبخاصة لو لوحدك علشان كدة أن بقترح عليكي ترجعي الرضاعة عادي جدا وتستني أجازة العيد الوطني الأسبوع القادم بالكويت ولما أبو عمر يكون أجازة علشان يساعدك في الموضوع ده أنه يقدر يلهي عمر ويلاعبه وتخرجو تتفسحو يقوم ينسى وهي شكة يوم ولا يومين والأمور هتتظبط ان شاء الله

على فكرة عندي بنوتي 8 شهور وأعتقد أننا بنعمل الفطام التدريجي من غير مانشعر بأننا نخليها تعتمد على الأكل أكثر من الرضاعة بشكل تدريجي وان شاء الله الأمور تكون سهلة بالطريقة دي لما نييجي نفطمها ، ومرتبين بردو نفطمها في الاجازة في مصر

ربنا يباركلنا في أولادنا جميعا ويرزقنا شكرة نعمة ربنا علينا فيهم

[pocy]

ميرسي جدا على ردك الكريم استاذى الفاضل مستر عمر (الشهير بالغريب)

ومداخلتك كانت اضافه جميله فعلا واتمنى ذوات الخبره يفيدونا اكتر لجيل اللى جاى نعمل معاه ايه

وبالنسبه للدعوه اللهم امين يرزقنا ويباركلنا فيهم يارب قولوا معاى امين

تم تعديل 18 فبراير 2010 بواسطة pocy

[الباشمهندس ياسر]

رغم اني معنديش اولاد لسه ... طب بالعقل هيوجوا ازاي من غير جواز يعني

:ninja: wst:: mfb:

ايه الرخامة اللي انا فيها دي

الا ان بحب المثل القائل ... قطمه احسن من نحته

يعني فطام الفجأة و حبايب علي كده

[jasmin hamed]

السلام عليكو

بصى يا ستى بقى انا موضوع الفطام ده خد منى بالتدريج كده حوالى شهرين تقريبا و كان كالاتى

اول عشر ايام الرضاعه تلات مرات فى اليوم بس بعد الاكل مش قبله و بعدين مرتين بس مره الظهر كده و مره بالليل و بعدين حوالى 15 يوم ليل بس بس للامانه الفطره ديه كان التوازن فى الاكل منعدم يعنى كنت بديله

اغلب الوقت فاكهه مش خضار و مهلبيه و حااجات الى يحبها يعنى و خس شويه بس عادى يعنى ده طبيعى

اخر اسبوع ده بقى الاصعب بس انا خدت ابنى مصيف و طبعا اللعب طول النهار و البحر بيخليه ينام قتيل فى اليل . على فكره اختى لما فطمت ولادها كان فجاه و هى الى قالتلى على موضوع السفر ده

التدريج بتهايئلى احسن للولد و ليكى انتى كمان

المهم انك تجمدى قلبك كده شويه و بس احنا فى الخدمه

[pocy]

رغم اني معنديش اولاد لسه ... طب بالعقل هيوجوا ازاي من غير جواز يعني

:lol: :lol: :lol:

ايه الرخامة اللي انا فيها دي

الا ان بحب المثل القائل ... قطمه احسن من نحته

يعني فطام الفجأة و حبايب علي كده

مسيري اشوفك وانت بتيجي تسأل نفس السؤال بعد سنتين ان شاء الله بكتير (دا حتى سنتين كتير انا عايزه افرح فيك من دلوقتى يالا شد حيلك واى حاجه مزنوق فيها قول انت بس وانا وكل اللى في القهوه هيساعد بحاجه كده يعنى (انا بشحت عليك اهه بس بالنص ههههههههههههه))

ربنا يكرمك يا ياسر يارب ويباركلك فى زوجتك وييسر ليك كل امورك يارب دى دعوه مخصوصه كده

[pocy]

السلام عليكو

وعليكم السلام ورحمه الله وبركاته يا قمر

بصى يا ستى بقى انا موضوع الفطام ده خد منى بالتدريج كده حوالى شهرين تقريبا و كان كالاتى

:lol: :lol: :lol: انا ببص اهه

اول عشر ايام الرضاعه تلات مرات فى اليوم بس بعد الاكل مش قبله و بعدين مرتين بس مره الظهر كده و مره بالليل و بعدين حوالى 15 يوم ليل بس بس للامانه الفطره ديه كان التوازن فى الاكل منعدم يعنى كنت بديله اغلب الوقت فاكهه مش خضار و مهلبيه و حااجات الى يحبها يعنى و خس شويه بس عادى يعنى ده طبيعى

سبحان الله هو فعلا من امبارح بياكل فاكهه بس غير كده مش راضي وفعلا شكله دبلان خالص

اخر اسبوع ده بقى الاصعب بس انا خدت ابنى مصيف و طبعا اللعب طول النهار و البحر بيخليه ينام قتيل فى اليل . على فكره اختى لما فطمت ولادها كان فجاه و هى الى قالتلى على موضوع السفر ده

التدريج بتهايئلى احسن للولد و ليكى انتى كمان

هو ده الاسبوع اللى انا خايفه منه وربنا يسترها

المهم انك تجمدى قلبك كده شويه و بس احنا فى الخدمه

هو ده بقي اللى انا خايفه منه بيصعب على جدا وهو مهري عياط علشان يرضع وانا بحاول اللهيه بس بيرجع تانى ويطلب والله ببقي عايزه اعيط جنبه :lol:

شاكره مرورك يا قمر وماخلتك الرائعه وربنا يكرمك فى الاولاد يارب دايما

[doha]

معليش يابوسي الظاهر الموضوع ملتبس عليكي ..

الفطام التدريجي حاجه والتوقف عن الرضاعه حاجه تانية خالص ..

كل الامهات اكيد بتعمل لعيالها فطام تدريجي وهو ادخال الطعام مكان الرضاعه بالتدريج .. ناس بتبدأ الحكايه دي من الشهر الرابع وناس بعد كده .. المفروض ان الرضاعه بتكون منظمه كل ساعتين بعدد وجبات محدد وبعد كده بتستبدلي الوجبات كل فترة تشيلي رضعه وتحطي مكانها وجبة مهروسه لغايه مايجي وقت الطفل يلغي الرضاعه تماما .. ده الكلام النظري .

اما العملي اننا كلنا بنأكل اطفالنا بالتدريج يعني في البدايه زبادي بعد كده زبادي وسيريلاك بعد كده ندخل خضار وعلى مايبدأ يكمل السنة بنكون بنأكل الطفل كل حاجه بس في نفس الوقت بيرضع ..

اما بقى لما نيجي نلغي الرضاعه من حياته خالص فملهاش حل تاني غير المنع مرة وحده ..

وده هتعمليه على سن السنتين اما قبلها فبتحاولي تحببيه في الاكل ومتعوديهوش انك بتتحايلي عليه عشان ياكل والا هيكبر على كده وهتقضي عمرك كله( اطبطب وارضع ) .. حطي له الاكل واكليه بهدوء لو مرضيش شيليه ـ الاكل ـ وسيبي ابنك ولما الجوع يقرصه هو هياكل من نفسه ..

على السنتين باذن الله مرة وحده امنعي عنه الرضاعه .. ومهما عيط ومهما اتنطط ومهما قعد يفرك في عينه عشان عاوز ينام ولازم الرضاعه قبل ماينام متعبريهوش .. هو يوم واحد او يومين على الاكثر بيكونوا عياط وصريخ وبعد كده هينسى الرضاعه وكأنها لم تكن ..

الست الي كانت بتنظف عندي الشقة قالت لي ايام فطام بنتي اوعي ترجعي ترضعيها تاني بعد مافطمتيها والا لاقدر الله العيل الي بنفطم ويرجع يرضع بعد الشر ( بيموت ) طبعا انا ماخذتش بكلامها بس عجبني اوي الفلاحين لما يحبوا يقنعوا حد ان اوعى تعمل كده بيقنعوه ازاي ..

المهم ان بعد مابنتي انفطمت رجعت بعد فترة رضعتها تاني وكانت مأساه عشان افطمها تاني ..

فانتي اذا فطمتي اياكي ثم اياكي ترجعي ترضعيه عشان هتتعبي اكتر في اعاده الفطام وبرضه حرام متحطيش طفلك امام اي طفل بيرضع في فترة فطامه لان ده بيفقده اعصابه ويخليه يزن تاني ..

[جيمي]

فى علاج اسمه no habbit بيستخدم للفطام .. وللاقلاع عن عادات معينه مثل مص الاصابع ... وهوه عباره عن محلول طعمه مر يوضع على الاصبع مثلا واللى عادة بيكون الابهام .. بحيث انه لما يحط صباعه فى بقه بيتفاجئ بالطعم المر .. وبعد كام مره بيبطل العاده دي

نفس الفكره مع الفطام

[HanaaOsama]

الفطام الفجأه مينفعش ابدا في طفل متعود علي الرضاعة

الفطام الفجأه هيجي كدا كدا في الاخر زي ما قالت الاخت ضحي يعني يكون الطفل اتعود علي الرضاعة مره واحده فقط في اليوم و ممكن كل يومين

لازم التدريج و ده من بدري من 6 شهور و هو بادخال وجبات مكان الرضعات حتي عندما يصبح الطفل سنه و نص زي عمر كدا يكون مثلا 3 وجبات و رضعتين او رضعة واحده

و نصيحة هامه للامهات :

اجعلي الرضاعة للأ كل فقط و ليس للتسليه او النوم و بعد سن شهرين يتم تنظيمها بمعني الوقت بين الرضاعات ليس اقل من ساعتين او تلاته

بالنسبه ليا كانت تجربيتي صعبه جدا مع بنتي الكبيره ان جالي حج قرعة و هي عندها سنه و كام يوم و للاسف اتفطمت فجأه لكن كان غصب عني

ومش عارفة ده السبب الي هي لغايه دلوقتي كارهه للاكل عموما و لا ايه ............ :lol:

يالنسبه للعلاج المر ده انا شايفة ان ديه طريقه قاسيه جدا للفطام

[engmido]

يا بشمهندس ياسر ..مش عارف ايه اللى دخلك فى المواضيع الحريمى

ههههه

[goodfaith]

في مرور سريع كده على الردود الاخت دوحة قالت حاجة كنت عايزة اقولها وهي ان مرحلة الفطام بيتبدأ لما بندخل اكل خارجي من 6 شهور مع الرضاعة يعني انتي متأخرتيش ولا حاجة

وطبعا بالتدريج افضل لان الحرمان المفاجيء من الرضاعة هيسبب صدمة للطفل وهو حياته كلها امه والرضاعة واللعب في الفترة دي فالاحسن انك تقللي الرضاعة بالنهار قدر الامكان يعني ممكن مرة واحدة بس في اليوم او بلاش خالص طول النهار ورضعيه بالليل قبل ما ينام كويس طبعا بعد ما تحاولي تأكليه اكل عادي جربي الفرنش توست الولاد كلهم بيحبوه او اي حاجة بيحبها المهم ياكل الفترة دي مهما كان نوع الاكل وخلي دايما جنبه وهو نايم كوباية فيها لبن لو صحي بالليل جربي اديله يشرب منها طبعا قصدي كوباية سيبي كب بسترو مش اللي لازم يرفعها عشان يقدر يشرب منها ولو لسه معودتيهوش عليها عوديه عليها حطي له فيها لبن وعصير وميه ولو محبش طعم اللبن السادة حطي له فليفر فانيليا او فراولة او شكولاتة دي الحاجات اللي جربتها مع عموري عنده 22 شهر دلوقت وفطمته سنة ونص

تعرفي يا بوسي انا مفطمتش ابني الا لما عرفت اني حامل وكان داخل عليا رمضان فقلت افطمه عشان اقدر على الحمل والصوم هيبقى رضاعة كمان مش هاستحمل

المهم حاولت يومين والله ابني نطق يا حبيبي من كتر ما عايز يرضع وانا قال يعني صامدة بقى يعيط ويقول زيزااااااااااااا وهو كان قبل كده عمره ما قالها :lol: قلبي كان بيتقطع عليه بس بعدها دخلت في الصيام واللبن لوحده بقى قليل فهو تلقائيا بطل يرضع والحمد لله واستخدمت موضوع كوباية اللبن ومعاه لحد دلوقت ولو انه قلل كتير شرب اللبن عن الاول وسمعت انه على السنتين هيبطل يشرب بالليل خالص وده احسن بصراحة عشان اسنانه

عايزة بعد كده اخلي الكب فيه ميه بدل اللبن وبعد ما نبطل شرب بالليل ندخل على البوتي تريننج :rolleyes:

على فكرة تقريبا عشان اولادنا في سن واحد بنفكر في نفس الحاجات في نفس الفترة يعني تعرفي الفترة اللي كنتي بتفكري فيها في الحمل انا كنت وقتها فكرت ونويت وحملت وقيت موضوعك وردود الناس هناك خلتني اقتنع انه الحمد لله اجيب كمان نونو دلوقت عشان نخلص من الموضوع ده بقى ونفوق

بيتهيالي بعد كده لازم تنزلي موضوع دايت وتظبيط بعد الحمل والرضاعة :closedeyes:

[om marawan]

انا مع ضحى وهنا

الفطام التدريجى مقصود بيه ادخال الوجبات والطعام تدريجى للطفل مع الرضاعة اللى هتقل كميتها وتكرارها مع الوقت

الفطام الفجأة لازم فى الاخر عند ماتقررى انك هتوقفى

ولازم لازم ماترجعيش تانى لان الطفل فعلا هيرتبك و هيتعب اكتر

زى مانتى بتعملى طول النهار اشغليه فى الاكل و العصير واللعب وامنعى الرضاعة تماما

واول ماتحددى اليوم اللى هتوقفى فيه تماما خلاص توقفى مهما عيط لانه لو عيط ورجعتى فى كلامك كل مرة هيعيط اكتر من اللى قبلها

معلش هى علقة علقة واول يومين تلاتة هيكونوا صعبين جدا ومافيهمش نوم لكن الامور هتتحسن بالتدريج طول مانتى موقفة ومش بترجعى

طبعا هو هيصعب عليكى وشكله هيتغير اول اسبوع لكن لما يتعود هيرجع ياكل تانى وهينام باذن الله احسن من الاول بكتير

ملحوظة اخيرة حاولى تهددهديه وتحضنيه وهو بينام وكمان وهو بيلعب لان الفطام جزء منه افتقاد الطفل للحنان

ولو فضل يحس بحنانك وحضنك هينام اسرع وهيرتاح اكتر

لكن زى ماقلتلك العلقة صعبة بس باذن الله ربنا اللى بيعين وبتعدى على طول

[الباشمهندس ياسر]

يا بشمهندس ياسر ..مش عارف ايه اللى دخلك فى المواضيع الحريمى

ههههه

و ربنا سكر يا ميدو

طب مانت كمان اهو دخلت و بتبص من وراء الباب :happy:

شفت بقي انا قفشتك ازاي

[engmido]

لا يا كابتن

طب انا واحد متجوز وداخل اعرف معلومات عامة

انما انت عازب وداخل تعمل ايه هنا

شفت شكلك بقى وحش ازاى.....هههههههه

[engmido]

بارك الله فيك وعليك

[pocy]

معليش يابوسي الظاهر الموضوع ملتبس عليكي ..

الفطام التدريجي حاجه والتوقف عن الرضاعه حاجه تانية خالص ..

كل الامهات اكيد بتعمل لعيالها فطام تدريجي وهو ادخال الطعام مكان الرضاعه بالتدريج .. ناس بتبدأ الحكايه دي من الشهر الرابع وناس بعد كده .. المفروض ان الرضاعه بتكون منظمه كل ساعتين بعدد وجبات محدد وبعد كده بتستبدلي الوجبات كل فترة تشيلي رضعه وتحطي مكانها وجبة مهروسه لغايه مايجي وقت الطفل يلغي الرضاعه تماما .. ده الكلام النظري .

اما العملي اننا كلنا بنأكل اطفالنا بالتدريج يعني في البدايه زبادي بعد كده زبادي وسيريلاك بعد كده ندخل خضار وعلى مايبدأ يكمل السنة بنكون بنأكل الطفل كل حاجه بس في نفس الوقت بيرضع ..

اما بقى لما نيجي نلغي الرضاعه من حياته خالص فملهاش حل تاني غير المنع مرة وحده ..

وده هتعمليه على سن السنتين اما قبلها فبتحاولي تحببيه في الاكل ومتعوديهوش انك بتتحايلي عليه عشان ياكل والا هيكبر على كده وهتقضي عمرك كله( اطبطب وارضع ) .. حطي له الاكل واكليه بهدوء لو مرضيش شيليه ـ الاكل ـ وسيبي ابنك ولما الجوع يقرصه هو هياكل من نفسه ..

على السنتين باذن الله مرة وحده امنعي عنه الرضاعه .. ومهما عيط ومهما اتنطط ومهما قعد يفرك في عينه عشان عاوز ينام ولازم الرضاعه قبل ماينام متعبريهوش .. هو يوم واحد او يومين على الاكثر بيكونوا عياط وصريخ وبعد كده هينسى الرضاعه وكأنها لم تكن ..

الست الي كانت بتنظف عندي الشقة قالت لي ايام فطام بنتي اوعي ترجعي ترضعيها تاني بعد مافطمتيها والا لاقدر الله العيل الي بنفطم ويرجع يرضع بعد الشر ( بيموت ) طبعا انا ماخذتش بكلامها بس عجبني اوي الفلاحين لما يحبوا يقنعوا حد ان اوعى تعمل كده بيقنعوه ازاي ..

المهم ان بعد مابنتي انفطمت رجعت بعد فترة رضعتها تاني وكانت مأساه عشان افطمها تاني ..

فانتي اذا فطمتي اياكي ثم اياكي ترجعي ترضعيه عشان هتتعبي اكتر في اعاده الفطام وبرضه حرام متحطيش طفلك امام اي طفل بيرضع في فترة فطامه لان ده بيفقده اعصابه ويخليه يزن تاني ..

كلام فى الجون واتمنى فعلا انه يكون يوم او يومين بس مش اسبوع عذاب زى ما سمعت

وبجد اشكرك جدا على مداخلتك وربنا ييسر اللى فيه الخير يارب

[pocy]

فى علاج اسمه no habbit بيستخدم للفطام .. وللاقلاع عن عادات معينه مثل مص الاصابع ... وهوه عباره عن محلول طعمه مر يوضع على الاصبع مثلا واللى عادة بيكون الابهام .. بحيث انه لما يحط صباعه فى بقه بيتفاجئ بالطعم المر .. وبعد كام مره بيبطل العاده دي

نفس الفكره مع الفطام

امممممممممم اولا اشكر ك على مداخلتك الجميله

واول ما افطم هشوف العلاج ده ان شاء الله مع انه هيصعب على جدا

[pocy]

الفطام الفجأه مينفعش ابدا في طفل متعود علي الرضاعة

الفطام الفجأه هيجي كدا كدا في الاخر زي ما قالت الاخت ضحي يعني يكون الطفل اتعود علي الرضاعة مره واحده فقط في اليوم و ممكن كل يومين

لازم التدريج و ده من بدري من 6 شهور و هو بادخال وجبات مكان الرضعات حتي عندما يصبح الطفل سنه و نص زي عمر كدا يكون مثلا 3 وجبات و رضعتين او رضعة واحده

و نصيحة هامه للامهات :

اجعلي الرضاعة للأ كل فقط و ليس للتسليه او النوم و بعد سن شهرين يتم تنظيمها بمعني الوقت بين الرضاعات ليس اقل من ساعتين او تلاته

بالنسبه ليا كانت تجربيتي صعبه جدا مع بنتي الكبيره ان جالي حج قرعة و هي عندها سنه و كام يوم و للاسف اتفطمت فجأه لكن كان غصب عني

ومش عارفة ده السبب الي هي لغايه دلوقتي كارهه للاكل عموما و لا ايه ............ :lol:

يالنسبه للعلاج المر ده انا شايفة ان ديه طريقه قاسيه جدا للفطام

جزاكى الله خيرا اختى العزيزه على قلبي هناء على مداخلتك الجميله

انا فعلا بدأت لعمر فى الفطام التديجي وخليته رضعتين بس فى اليوم وبالامس كان اول يوم يكون رضعه واحده بس وهى اصعب الرضعات بتاعه بالليل وربنا ييسرها يارب

[pocy]

يا بشمهندس ياسر ..مش عارف ايه اللى دخلك فى المواضيع الحريمى

ههههه

اصل ياسر بيحب يتعلم من تجارب الاخرين وادينا هنشوفه بعد فتره كده ان شاء الله بيسأل نفس السؤال ههههههههههههه

في مرور سريع كده على الردود الاخت دوحة قالت حاجة كنت عايزة اقولها وهي ان مرحلة الفطام بيتبدأ لما بندخل اكل خارجي من 6 شهور مع الرضاعة يعني انتي متأخرتيش ولا حاجة

وطبعا بالتدريج افضل لان الحرمان المفاجيء من الرضاعة هيسبب صدمة للطفل وهو حياته كلها امه والرضاعة واللعب في الفترة دي فالاحسن انك تقللي الرضاعة بالنهار قدر الامكان يعني ممكن مرة واحدة بس في اليوم او بلاش خالص طول النهار ورضعيه بالليل قبل ما ينام كويس طبعا بعد ما تحاولي تأكليه اكل عادي جربي الفرنش توست الولاد كلهم بيحبوه او اي حاجة بيحبها المهم ياكل الفترة دي مهما كان نوع الاكل وخلي دايما جنبه وهو نايم كوباية فيها لبن لو صحي بالليل جربي اديله يشرب منها طبعا قصدي كوباية سيبي كب بسترو مش اللي لازم يرفعها عشان يقدر يشرب منها ولو لسه معودتيهوش عليها عوديه عليها حطي له فيها لبن وعصير وميه ولو محبش طعم اللبن السادة حطي له فليفر فانيليا او فراولة او شكولاتة دي الحاجات اللي جربتها مع عموري عنده 22 شهر دلوقت وفطمته سنة ونص

تعرفي يا بوسي انا مفطمتش ابني الا لما عرفت اني حامل وكان داخل عليا رمضان فقلت افطمه عشان اقدر على الحمل والصوم هيبقى رضاعة كمان مش هاستحمل

المهم حاولت يومين والله ابني نطق يا حبيبي من كتر ما عايز يرضع وانا قال يعني صامدة بقى يعيط ويقول زيزااااااااااااا وهو كان قبل كده عمره ما قالها :lol: قلبي كان بيتقطع عليه بس بعدها دخلت في الصيام واللبن لوحده بقى قليل فهو تلقائيا بطل يرضع والحمد لله واستخدمت موضوع كوباية اللبن ومعاه لحد دلوقت ولو انه قلل كتير شرب اللبن عن الاول وسمعت انه على السنتين هيبطل يشرب بالليل خالص وده احسن بصراحة عشان اسنانه

عايزة بعد كده اخلي الكب فيه ميه بدل اللبن وبعد ما نبطل شرب بالليل ندخل على البوتي تريننج :)

على فكرة تقريبا عشان اولادنا في سن واحد بنفكر في نفس الحاجات في نفس الفترة يعني تعرفي الفترة اللي كنتي بتفكري فيها في الحمل انا كنت وقتها فكرت ونويت وحملت وقيت موضوعك وردود الناس هناك خلتني اقتنع انه الحمد لله اجيب كمان نونو دلوقت عشان نخلص من الموضوع ده بقى ونفوق

بيتهيالي بعد كده لازم تنزلي موضوع دايت وتظبيط بعد الحمل والرضاعة :lol:

والله ضحكتينى كتييييييييييييييييييير جداطب انا هستناكى انتى اللى تكتبي موضوع الدايت وهتلاقينى وراكى على طول ههههههههههههههههه

وانا وراكى بس انا كنت بحسب ان الموضوع الجى على البوتى هههههههههههههههههههه انتى شوفى وقولولى

وميرسي جدا على نصايحك يا قمر وتجربتك اللى مأكد افتدينى وافتدى كتيري تانى غيري

جزاكى الله خيرا يا قمر