الاستثمار الزراعي والا العقاري ؟

[المعلم عتريس]

السلام عليكم

ايه الحاجه اللي لها مستقبل في مصر -

الاستثمار الزراعي والا العقاري ؟

[engtaha]

الزراعى بس المهم تكون داخل على تقيل

يعنى ماتجيبلكش فدانين وتقولى استثمار

على الاقل 10فدادين فى حتة من الحتت الجديدة وادى النطرون مثلا

وصوب وزراعة وتصدير وكده

[sarmar]

الموضوع دة ممتاز جدا الا وهو المفاضلة او المقارنة بين الاستثمار الزراعى والاستثمار العقارى وممكن نضبف للمقارنة الاستثمار الصناعى

لانة هذة المواضيع تفتح افاق وافكار جميلة جدا لمن هو يريد استثمار اموالة بمصر ولايعرف كيف يبدأ طبعا مع الدراسة المتانية وحقا هو مفيد جدا لمصر بلدنا الغالية

ياريت كل من لدية معلومة يفيدنا بيها جميعا ةمن يريد الاستثمار فى المجال الذى يرغبة يقدم على هذا العمل

[الباشمهندس ياسر]

البلد كان فيها

اصحاب اراضي زراعية

اصحاب تجارة

اصحاب مصانع

هما دول اللي كانوا بيحكموا البلد و بيمثلوا الاعمدة بتاعتها

و الزمن دوار ... يعني هنرجع تاني لفس الوضع

عندك فلوس و ليك ف الزراعة او عندك استعدادا تشتري الخبرة او تتعلم بنفسك

يبقي اتوكل علي الله و اخبطلك 50 فدان و ابدا ف السكة اللي قالك عليها المهندس طه

انا ناوي انهي اعمالي بالطريقة دي ... ان قدر الله

[المعلم عتريس]

البلد كان فيها

اصحاب اراضي زراعية

اصحاب تجارة

اصحاب مصانع

دلوقتي فيها تجار شنطة :lol:

الا حضرتك يا بشمهندس ياسر مدني ولا زراعي؟

اللي انا شايفه ان المزارعين واصحاب الاراضي في مصر متبهدلين

ناس كثير بتبيع الاراضي الزراعية وتشغلها في العقار والانشاءات

لان مكسبها اكثر بينما فدان الارض الزراعية بيتأجر دلوقتي ب ٢٠٠٠ جنيه في السنه

ممكن تكون دي حاجه مؤقته وعلى المدى البعيد هتتغير الحسبه

مش عارف

[المعلم عتريس]

انتم روحتو يا باشمهندسين

طب حد يقولي ازرع ايه

فاكهة ولا ذرة ولا سمك ولا خرفان

[الباشمهندس ياسر]

يا معلمي

انا لا زراعي ولا مدني

ثانيا الامور متتحسبش بالطريقة بتاعت الفدان بالفين ف السنة

انت لما تفكر تعمل استثمار زراعي

يبقي لازم تشتري مساحة معقوله .. يعني علي الاقل هنبتدي بعشر فدادين

و الافضل انك تاخدها ف مكان يسمحلك بالتوسع بعد كده

يعني المساحة دي مش هتبقي لا اول ولا اخر الملكية

و تبدأ تشتغل ف الحاصلات اللي مطلوبة اوي للتصدير

دائما و ابدا تفكر ف السوق قبل الشغل ... يعني البضاعة اللي بايعة نفسها يا معلم

تمام ولا نقول كمان

[Alrefaey]

فى رأىى

الاستثمار الزراعى بيحتاج مقومات عدة (خبرة ,تواجد وسط مشروعك ,متابعة دقيقة , علاقات وطرق لتسويق منتجاتك )

الاستثمار العقارى ممكن تمارسة وانت خارج مصر عن طريق ناس تثق فيهم ويكون لهم خبرة فيه وعوامل الريسك فيه قليلة بخلاف الزراعى

[نبيل محيسن]

لا استثمار زراعى ولا عقارى ينفع

اللى ينفع الاستثمار الصناعى

العقارى هو اقتصاد داخلى خدمى لا ينفع ان يصدر للحارج والاستثمار فيه اضعاف للميزان التجارى

اما الزراعى فنحن دوله صحروايه ياتيها 95% من مائها من الحارج والابحاث العلميه فى مصر لا ترقى لنكون دوله زراعيه

الامل الوحيد هو القطاع الصناعى

[sarmar]

جميع انواع الاستثمار فى مصر مكسب لكل المصريين وقبلهم مصر

يعنى لو زرعنا كما قال المهندس ياسر اللى محتاجة السوق فهذا يزيد الانتاج وعلى الاقل يكفينا شر الاستيراد الذى يلتهم مانوفرة من العملة الصعبة وكمان يقلل الاسعار على المستوى الجزئى على الاقل والاهم انة ممكن يكون هذا المحصول الذى علية طلب محليا ربما يكون ايضا مطلوب خارجيا مثل الموالح والبطاطس والطاطا والارز وغيرها وبالتالى نربح الكثير ونوفر عملة صعبة اكثر ونشغل عمالة اكثر وهذا هو الاهم

ونفس المردود فى النشاط الصناعى بل ومردودة بيكون اكبر بكثير

اما العقارى او الخدمى فهو يخدم جميع القطاعات وتبلغ اهميتة ذروتها فى حالة التنمية الجادة ويساهم ايضا فى كسب فرص البيع لبعض الاجانب سواء عرب او غيرهم وبالتالى تضمن ايام سياحية اكثر وانتعاش اكثر

ولكن كل ماسبق لابد من قبل ممارستة ان نبتعد عن الفهلوة والجدعنة وتفتيح المخ وماالى ذلك من اساليب جعلتنا فى اواخر الدول النامية لابد من الدراسة العلمية السليمة واتقان العمل بصورة كبيرة خاصة ونحن المصريين قادرين على فعل ذلك وليبدأ كل صاحب عمل فى التمسك بشدة فى الحفاظ على المعاير الجودة العالمية وعدم التهاون فيها

ولابد ان اجهزة الحكم والدولة تسير فى نفس الاتحاة ولكن ؟؟؟؟؟ لكى الله يامصر

[MOOOM]

يا معلمي

انا لا زراعي ولا مدني

ثانيا الامور متتحسبش بالطريقة بتاعت الفدان بالفين ف السنة

انت لما تفكر تعمل استثمار زراعي

يبقي لازم تشتري مساحة معقوله .. يعني علي الاقل هنبتدي بعشر فدادين

و الافضل انك تاخدها ف مكان يسمحلك بالتوسع بعد كده

يعني المساحة دي مش هتبقي لا اول ولا اخر الملكية

و تبدأ تشتغل ف الحاصلات اللي مطلوبة اوي للتصدير

دائما و ابدا تفكر ف السوق قبل الشغل ... يعني البضاعة اللي بايعة نفسها يا معلم

تمام ولا نقول كمان

السلام عليكم ورحمه الله وبركاته

أحيي الجميع على فتح هذا الموضوع .. وكل المشاريع التي تقام ليها مكسبها على حسب رأس المال .. ومن خبرتي المتواضعة فلو مثلاً كان متوافر مبلغ مليون جنيه لإقامة مشروع [ سواءً صناعي أو زراعي أو عقاري ] فلو حسبنا الربح النهائي على رأس المال سنجده إلى حد ما متقارب .. بس فيه مشاريع ربحها شهرياً ومنها سنوياً ومنها موسمياً .. لكن بوجه عام بيكون متقارب .

لكن النقطة المهمة جداً جداً جداً في المشاريع الزراعية هي [ العمالة ] وللأسف العمالة في مصر صعبة جداً جداً جداً .. ومن يقول إن العمالة المصرية هي أمهر عماله موجوده .. فيمكن هذا الكلام سليم لكن ينطبق فقط على العمالة المصرية المتواجدة خارج مصر .. لأن بيكون فوقه كفيل أو مسؤول فوقه بيمشيه بسياسة الحديد والنار .. وبيقوم من الساعة 6 صباحاً للعمل .. لكن هنا والحمد لله بيصحى الساعة 10 ويبدأ شغل الساعة 12 والشغلانة إلي تخلص في 6 ساعات يقعد فيها 6 أيام علشان يحسسك إنو بنى هرم جديد وطبعاً تزيد الفزيتا .

والله يا جماعه هذا الكلام ليس افتراء عليهم ولكني شخصياً لي مزرعة هي تقريباً مغلقه بسبب العمالة وفسادهم وقلة ضميرهم .

وهقول لحضراتكم تسلسل يوم عمل لإحدى العمالة اليومية [ وإلي يحب يجرب يروح مكان تجمع العمالة في مدينة 6 أكتوبر ويجرب بنفسو ] :

- يركب العربية مع الزبون قول الساعة 8 صباحاً .

- يصل مكان العمل 8.15 صباحاً .

- 8.15 حتى 9 يغير هدومو ويعاين العمل .

- 9 إلى 10.30 عمل .

- 10.30 حتى 11.15يشرب سجارة [ حتى لو مش مدخن ] وكباية شاي

- 11.15 إلى 12.15 عمل .

- 12.15 إلى 1 ظهراً يصلي ويتغدى .

- 1 إلى 3.3 عمل .

- 3.3 إلى الساعة 4 يقعد كل 5 دقائق يسيب الشغل ويسألك الساعة كام يا بيه .. لغاية لما تزهق منه وتقولوا روح خلاص .

مع العلم إن يوميه العامل بتتحسب من الساعة 8 صباحاً حتى الرابعة عصراً ، وطبعاً اليومية بتزيد مع زيادة سعر الحديد والسكر والبنزين والدولار والبورصة وأي حاجة تانية مش فاكرها .

أسف يا جماعة على خروجي عن الموضوع وعلى الإطالة .. لكن بالمختصر .. من يرغب في إقامة مشروع زراعي .. لازم يكون عندو أقارب فلاحين أو يعرف يجيب عمالة من الهند أو النيبال .. علشان يجني مكسب وأرباح .. وغير كدة يبقى يفكر في أي مشروع تاني أفضل .

[abaomar]

السلام عليكم

الاخوه الكرام جزاكم الله خيرا

.

رأى اخوكم و خبرته هو الاستثمار الزراعى

و بحكم التخصص و تحديدا مشاريع الانتاج الحيوانى و على وجه التحديد التسمين .

يوجد برامج متنوعه تناسب امكانيات الجميع

بمعنى لو ان امكانياتك تشترى قيراط واحد ها تقدر بإذن الله تشتغل .

شخصيا افضل برامج تسمين الاغنام ثم الابقار او الجاموس حسب الامكانيات المتاحه ..

.

دمتم بكل خير

[matzakos]

السلام عليكم

اللي ما عندهوش خبرة في الزراعه أو له قرايب في الأرياف - يعني أصله ريفي- صدقوني هيتبهدل ..... الموضوع في الأول بيبقى حلو و يجر الرجل .... لكن لما تبتدي العجله تدور وطلبات الأرض أو مزرعة التسمين والأسمدة و الأعلاف و المبيدات و الري و غيره و غيره ..... هيبقى الموضوع صعب للغاية

نصيحة للي بيفكر يستثمر في الزراعه إنه يكون على رأس العمل بصفة يوميه و طوال اليوم ....يعني يكون ساكن في المزرعه اللي بيعملها..... أو يشتري أرض تكون بالفعل بتطرح و خاصة اراضي الموالح و حدائق المانجو.

مشاريع مزارع الدجاج أو مشاريع تسمين العجول فيها مخاطر عالية جداً ....على سبيل المثال: في تسمين العجول فيه إضافات للأعلاف ...حضرتك تعرف إيه عنها؟ يعني مثلاً فيه شكاير زنك للتسمين .... طبعاً في بلدنا المصون بيضربوا الزنك و يحطوا بداله بودره لونها أبيض و قليل جداً اللي يعرف يكشف الموضوع ده.

أنا لا أثبط الهمم ...لكن أدعو للدراسه و التعمق و الفهم في الموضوع أولاً ثم التخطيط و الإقدام ثانياً.

و الله الموفق

تم تعديل 8 مارس 2010 بواسطة matzakos

[الباشمهندس ياسر]

السلام عليكم

اللي ما عندهوش خبرة في الزراعه أو له قرايب في الأرياف - يعني أصله ريفي- صدقوني هيتبهدل ..... الموضوع في الأول بيبقى حلو و يجر الرجل .... لكن لما تبتدي العجله تدور وطلبات الأرض أو مزرعة التسمين والأسمدة و الأعلاف و المبيدات و الري و غيره و غيره ..... هيبقى الموضوع صعب للغاية

نصيحة للي بيفكر يستثمر في الزراعه إنه يكون على رأس العمل بصفة يوميه و طوال اليوم ....يعني يكون ساكن في المزرعه اللي بيعملها..... أو يشتري أرض تكون بالفعل بتطرح و خاصة اراضي الموالح و حدائق المانجو.

مشاريع مزارع الدجاج أو مشاريع تسمين العجول فيها مخاطر عالية جداً ....على سبيل المثال: في تسمين العجول فيه إضافات للأعلاف ...حضرتك تعرف إيه عنها؟ يعني مثلاً فيه شكاير زنك للتسمين .... طبعاً في بلدنا المصون بيضربوا الزنك و يحطوا بداله بودره لونها أبيض و قليل جداً اللي يعرف يكشف الموضوع ده.

أنا لا أثبط الهمم ...لكن أدعو للدراسه و التعمق و الفهم في الموضوع أولاً ثم التخطيط و الإقدام ثانياً.

و الله الموفق

طبيعي ان الناس بتشتري الخبرة

يا اما بفلوسها يا اما بوقتها

بس اللي مش قادر افهمه اني لما اشتري مزرعه لازم اقعدلها

طب ازاي

لو انا دلوقتي خبطت 10 فداداين مثلا .. يبقي مطلوب مي انا اقعدلهم...؟؟؟

اكيد بالكتير اوي هجيب حد يقعد فيهم و يمسك الاشراف ف مقابل نسبة

ياريت لو عدك خبرات توضحها

و في ميزان حسناتك

[مهندس تحكم]

فعلا الاستثمار الزراعي عايز ناس اصلا بتفهم كويس قوي في الزراعة ومارستها سنين...

لو جبت حد يمسك المزرعة يبقي هايسرقك ومش هاتعرف......تعمل اي شيء غير انك تمشية وتجيب حرامي تاني غيرة.....

لي واحد صاحبي عندهم مزرعة كبيرة علي الصحراوي ....بيحكيلي كتير عن سرقة الحراس والغفراء و مشاكل الزراعة وجني المحاصيل والبيع ..واسواق الجملة ...ووجع الدماغ....وان لولا ان والدة متفرغ ليها ....كان زمانهم باعوها ...

بس لو المزرعة فعلا مٌنتجة .....ما شاء الله بتجيب دخل يفوق اي استثمار آخر....لان المنتج هايتباع هايتباع .....ودورة رأس المال في بعض المحاصيل متضاعفة ...يعني ممكن يزرع 3 او 4 مرات في السنة...