انا بقيت جدو من نص ساعة فقط

[abofasad]

الحقيقة شعور جميل جدا

انه اجمل وأقوى من شعور الأبوة

ان ترى الحفيد الأول

خبر بالنسبة لي كان مفرحا جدا

لذلك أردت أن أشرككم معي في فرحي

جدو ابو فصاد (بحق وحقيقي)

[Alrefaey]

يتربى فى عزك

الف مبرووك ,الله يبارك فيه ويجعله بار بوالدية وبجده

:closedeyes:

[joo]

مبروك يا جدوووووووووووووووووووووووو :closedeyes:

[حسام يوسف]

والله لسة فاكر مناسبة فرح ابن أو ابنة حضرتك

وأعتقد ابنة حضرتك

ودلوقتى فرحت لما شفت الحدث السعيد

ألف ألف مبرووووووووووووووك

تتربي في عزكم

وحلقاتاك

برجالاتك :closedeyes:

[abofasad]

اخي حسام

الحقيقة بنتي اتجوزت ما بقالهاش 9 شهور

انما الحفيد ابن الفصاد اللي اتجوز من حوالي سنتين

شكرا على تهنئتك

[msayed]

ربنا يبارك لك فى المولود وتشوف ولاده إن شاء الله فى صحة وعافية ويجعله خير خلف لخير سلف .

[bentmasria]

مليون مبروك ربنا يحفظه ويبارك فيه وعقبال ما تحضر فرحه ان شاء الله

بوسة كبيرة من اخوه الكبير مادا افندى

ومن خالتو العجوزة ماما مانا

يللى اكبر يا جميل ربنا يسعدك يا استاذنا وفعلا حتشوف اعز الولد ولد الولد

ربنا يسعد قلبك ويفرحك بيك واخواته ان شاء الله

الف الف مبروك

[حسام يوسف]

اخي حسام

الحقيقة بنتي اتجوزت ما بقالهاش 9 شهور

انما الحفيد ابن الفصاد اللي اتجوز من حوالي سنتين

شكرا على تهنئتك

تفرح بأولادهم وأولاد ولادهم جميعا يارب :closedeyes:

[fatfouta]

الف الف مبرووووك :wub: :)

يتربى فى عزكم وتفرحوا بيه يارب :baby: :baby:

[Salwa]

:) :baby: :baby: hola yayo.

مبروك والف مليون مبروك ....واتارينى بقول لنفسى هو الجو انهاردة جميل كدة ليه؟؟ اتارى اخونا ابو الفصاد اخد اجمل جايزة واجمل وسام ...اصبح جد.

يارب يخليكم ويخليه لكم ....

بكرة لما يكبر ويقولك ...انا حفيدك..

لابد ترد عليه وتقول له...

الصراحة ..انا اللى حفيدك وانت مش حاتفيدنى الا ف رسم البسمة والضحكة اللى طالعة من جوة جوة القلب .. :wub:

الفرحة حلوة ..

يارب يسعدكم دايما وعقبال وصول باقى الاحفاد..

[shiko]

مشاعر الابوة ...مشاعر جميلة

والاجمل منها والاعز ...مشاعر الجدود ..باستقبال ..الحفيد الاول

...ربنا يبارك فيه ويجعل منه ذرية طيبة ..

الف مبروك ...وعقبال الحفيد رقم 100

علشان تكمل الامبراطورية

[doha]

ماشاء الله تبارك الله فرحتك بيه باينه ربنا يتمها عليك دائما ..

الف مبروك ويتربى في عزكم ...

[مغتربة]

الف مليمون مبروك استاذى الفاضل

يتربى فى عزكم و عز باباه و ماماته

] تم تعديل 19 فبراير 2010 بواسطة مغتربة

[abofasad]

كم كانت لكلماتكم الرقيقة وقع السحر على نفسي

فقد شعرت اني بين اهلي وأحبابي

شعرت وكأني في بلدي

حيث الاهل والجيران والأحباب .. الكل يتسارع في تقديم التهاني

ولا اخفيكم سرا

كانت كلمات الجدة سلوى السبب في انسياب دموعي وأنا أقرأها

كانت بجواري ام فصاد

وسألتني ما هذه الدموع

يجب عليك ان تفرح وتسعد بكل هؤلاء الاخوة والأبناء في محاورتنا .. محاورات المصريين

المصريين أولاد الأصل الجدعان

وأيضا كان لأغنية الحفيد التي ارسلتها الزميلة "مغتربة" شعور جميل جدا

ولكن الله يسامحك يا ست مغتربة

فقد ظللنا ام فصاد وانا حوالي ساعة كاملة لنشرح لأم المولود (الأسبانية الجنسية) عن تقاليد السبوع التي وردت في الفيلم

وطبعا لا أنسى "شيكو: و "ضحا" و "البنت المصرية " وابنها "مادا أفندي " على شعورهم الطيب

أما فتفوتة مع انها فتفوتة إلا أن كلماتها كبيرة جدا وتفوق الفتفوتة بكثير

متعكم الله جميعا بالصحة والعافية ويمنحكم من عنده كل الخير والسعادة

جدو (بحق وحقيقي) ابو فصاد

[abofasad]

مرة أخرى اقدم الشكر للحبيب العزيز "الرفاعي" وأيضا "جو" على شعورهم الطيب الجميل

الف شكر وتحية

[عبير يونس]

ألف مبرووووووووووووووووووووك يافندم

:110: :110: :110: :110: :110:

:blink: :sad:

[أبو محمد]

الأخ الفاضل أبو فصاد

ألف مبروك وصول الحفيد العزيز إلى الدنيا .. ودعواتى له بحياة سعيدة ، ولك بحياة مديدة .. وأن تراه يكبر أمامك ويحقق ما تتمناه ، وأن يجعله قرة عين لك ولوالديه

أعرف مقدار فرحتك بأول حفيد .. أعرف تلك الفرحة جيدا ..

لسه لما تشيله بين إيديك .. أنا شخصيا حسيت إنى شايل قلبى ، وواخده فى حضنى

ألف مبروك مرة تانية :rolleyes:

[fatfouta]

أما فتفوتة مع انها فتفوتة إلا أن كلماتها كبيرة جدا وتفوق الفتفوتة بكثير

جدو (بحق وحقيقي) ابو فصاد

الله يخليك انت اللى بكلامك بتسعدنا كلنا :rolleyes:

يارب يبقوا 12 حفيد مش واحد بس ويملوا البيت عليكوا ويسعدوا قلبكم :) :)

[shahd]

دشليوووووووووووووووووون مبروووووووووك يا جدوووووووو

:) :ninja: :sad:

يارب يباركلك فيه ويسعدك بيه ....

احترمااااااااااااتي.... تيته شهد

[قلب ابيض]

مليون 00ديشليون 00تريليون 00ترابتاتون 000مبرووووك لجدو بحق وحقيقى ابو الفصاد المحترم

يتربى فى عزه حفيدك عزو 000

وعقباااااااااااااالى ياااارب

انت نسيت ولا مش عاوز تقول لنا اسم الحفيد ايه؟؟؟

ربنا يبارك لكم فيه ويحفظه ويصونه من كل شر امين يارب

تم تعديل 20 فبراير 2010 بواسطة قلب ابيض