استفسار عن مشكلة بعد ثلاث شهور عمل

[كريم طاهر]

السلام عليكم

دلوقتى يا جماعة أنا شغال انا و زوجتى فى عيادة اسنان بقالى 3 شهور بالظبط و طلعلى ترخيص الهيئة و الاقامة و كل حاجة

طيب فين المشكلة ؟؟ المشكلة انه صاحب العيادة ناوى يبيعها لناس تانيين

و بصراحة كدة انا اتكلمت معاهم و مش مرتاحلهم , هم جماعة سوريين و شكلهم كدة عاوزنا نفضل معاهم بس لحد ما يجيبو حد مكانا بس مقالوهاش بصراحة عشان طبعا منمشيش و العيادة تقفل

فانا دلوقتى بسال ايه الحل ؟ يعن اخد خروج نهائى و لا أنقل كفالة مع العلم انى مش عارف ايه رد فعل كفيلى فى الحالة دى لأنه تقريبا عاوز يبيعنى مع العيادة للجماعة دول و ياخد حق استقدامى منهم

طب لو فضلت مع الجماعة دول اعمل ايه عشان اضمن حقوقى الى اصلا متفق عليها ؟ اخليهم يكتبولى عقد جديد و يوثقوه ؟ و يا ترى يتوثق منين و كل التفاصيل الى تضمنلى حقى دى

أرجو الافادة و شكرا

[icehell]

طبعا زاي مانت عارف ان الدكاترة السوريين في الاسنان سمعتهم في السعودية :rolleyes:

فا ببساطة اطلب انك تروح مراتك عشان عندها ظروف

وبعدين انت اتصرف كده بعدين بحنكة وذكاء لغاية ماتخلص منهم من غير مشاكل

اكيد طبعا حايجيبوا دكاترة اسنان سوريين وتبدا للمشاكل :)

[المخنوق دائما]

مالهم السوريين مش فاهم

فيهم ناس زى الفل

زى مافية مصريين مش كويسين ومسوئين سمعتنا

بس أنا مع انك تنزل مراتك وتفوقلهم بقى

تم تعديل 20 فبراير 2010 بواسطة المخنوق دائما

[كريم طاهر]

الاخ ice hell

أنا مش فاهم بصراحة انت داخل تساعدنى و لا بترد و خلاص ؟؟

واضح اصلا انك مقرتش الكلام كويس

مين الى هيجيبو ؟؟ و هو ايه الى نزل مراتك ؟؟ و ظروف و بتاع و ايه علاقة سمعة الجنسية بالموضوع ؟

الأخ المخنوق دائما و الله أنا كمان زيك هموت من الخنقة بس انا مش مشكلتى الجنسية خالص

انا بقول الكفيل بتاعى ناوى يبيع العيادة و فى ناس تانيين هيشتروها منه و هم مش سعوديين هم واخدين الاسم من واحد سعودى عشان يشتغلو بيه و يجيبو الناس علي كفالته و خلاص

بسال التصرف السليم هنا ايه ؟ يعنى طبعا عقدى القديم كده مش ماشى فبسال اعمل عقد جديد معاهم لضمان حقوقى و أوثقه منين و كل الاجراءات دى ؟

لان بصراحة أنا حسيت انه الجداد دول مش عاوزنى و هيخلونى احتياطى لحد ما يجيبو ناس على مزاجهم

انا اتكلمت مع كفيلى القديم و بيقولى انت حر تنقل عليهم أو غيرهم أو تخرج نهائى فبصراحة مش قادر أقرر

أخرج نهائى و لا انقل عليهم انا و الدكتورة زوجتى و لا انا بس الى انقل عليهم و اخليها هيا تشوف مكان تانى احتياطى عشان لو طلعو مش كويسين منبقاش اتزنقنا و احنا الاتنين سبنا الشغل و لا اعمل ايه ؟

ارجو مساعدتى فى اتخاد القرار

[drmedo]

دكتور كريم اهلا بيك وسط محاورات المصريين

بالنسبة لسؤالك ساعات الواحد بيفترض حاجات وبتطلع حاجات تانية وبيفترض ان في ناس وحشه وممكن يطلعو احسن من الكفيل الاولاني وممكن العكس

طالما انت كاتب عقد بينك وبين كفيلك انت وزوجتك ومتفقين على شروط واسايات معينة فلا خوف وبنا انهم بيشتغلو باسم السعودي اللي هوه كفيلك يعني انت مش هتنقل كفالة ولا حاجه كفيلك هوه هوه

بالنسبة للشغل بقه انته هتتعامل مع ناس تانية شروطك وعقدك زي مهوه ومتغيرش فيهم حاجه خلاص مفيش دداعي للقلق

طلبو انهم يغيرو اي بند في العقد شكرا معلش انا اسف وساعتها متقدمش اي تنازلات

ليه نفترض انته خليك في شغلك الا ان يظهر جديد

وبالتوفيق ان شاء الله

[icehell]

الاخ ice hell

أنا مش فاهم بصراحة انت داخل تساعدنى و لا بترد و خلاص ؟؟

واضح اصلا انك مقرتش الكلام كويس

مين الى هيجيبو ؟؟ و هو ايه الى نزل مراتك ؟؟ و ظروف و بتاع و ايه علاقة سمعة الجنسية بالموضوع ؟

الأخ المخنوق دائما و الله أنا كمان زيك هموت من الخنقة بس انا مش مشكلتى الجنسية خالص

انا بقول الكفيل بتاعى ناوى يبيع العيادة و فى ناس تانيين هيشتروها منه و هم مش سعوديين هم واخدين الاسم من واحد سعودى عشان يشتغلو بيه و يجيبو الناس علي كفالته و خلاص

بسال التصرف السليم هنا ايه ؟ يعنى طبعا عقدى القديم كده مش ماشى فبسال اعمل عقد جديد معاهم لضمان حقوقى و أوثقه منين و كل الاجراءات دى ؟

لان بصراحة أنا حسيت انه الجداد دول مش عاوزنى و هيخلونى احتياطى لحد ما يجيبو ناس على مزاجهم

انا اتكلمت مع كفيلى القديم و بيقولى انت حر تنقل عليهم أو غيرهم أو تخرج نهائى فبصراحة مش قادر أقرر

أخرج نهائى و لا انقل عليهم انا و الدكتورة زوجتى و لا انا بس الى انقل عليهم و اخليها هيا تشوف مكان تانى احتياطى عشان لو طلعو مش كويسين منبقاش اتزنقنا و احنا الاتنين سبنا الشغل و لا اعمل ايه ؟

ارجو مساعدتى فى اتخاد القرار

القصد ان السوريين في تخصص الاسنان ليهم سمعة كويسة في تخصصهم بالسعودية ومعظم العيادات الخاصة اللي في المدينة عندي سوريين

فاكيد طبعا وبالعقل كده لما الكفيل له علاقة بالسوريين فاكيد حايجيب سوريين عشان يشغل المستوصف

فالاحسن بدان كفيلك القديم محترم يبقى انهي وروح وتعالى على عقد جديد وماتستناش تجرب الناس الجداد

وبلاش حساسية :wub: