عزيزي المغترب نفسك تاكل أيه ؟

[maksoof]

ألف شكر للأخت الفاضلة سلوى

بإذن الله حاجرب الوصفة و أكتب تقرير كامل بالنتيجة زى ما عملت مع وصفة الترمس من أختنا لايت هاوس.

:o

[abofasad]

زراعة الملوخية سهل جدا - بفضل المهندسين الزراعيين بالمنتدى- وعلى فكرة ميعاد زرعها في نص مارس القادم .. تزرع اولا في قصاري صغيرة وتغطي لحمايتها، ولما تبتدي تنبت ننقلها الى الحديقة.. وبالهنا والشفا

[maksoof]

زراعة الملوخية سهل جدا - بفضل المهندسين الزراعيين بالمنتدى- وعلى فكرة ميعاد زرعها في نص مارس القادم .. تزرع اولا في قصاري صغيرة وتغطي لحمايتها، ولما تبتدي تنبت ننقلها الى الحديقة.. وبالهنا والشفا

طيب و التقاوى أجيبها منين؟ :o

[maksoof]

- وحدث ولا حرج عن الفاكهة المصرية

انا بقى اموت فى نوع من الفاكهة المصرية و هى غير موجودة هنا فى اوروبا حيث يوجد جميع انواع الفاكهة من شتى بقاع الارض و جميع المواسم و لا اعرف اسمها باى لغة اخرى الا وهو "الجميز" اذا كان حد عندة صورة يحطها ..اشوفة بس .

الوصلة:

الجميز

إسمه بالإنجليزى Sycomore و إسمه اللاتينى Ficus Sycomorus

أهه يا عم حسن إقطف منه زى مانت عايز و ما تنساناش et:(

[Hassan]

إسمه بالإنجليزى Sycomore  و إسمه اللاتينى Ficus Sycomorus

أهه يا عم حسن إقطف منه زى مانت عايز و ما تنساناش  et:(

شكرا يا استاذ مكسوف موقع رائع و بة معلومات غزيرة (ان لفيت فية شوية) و الصور فى منتهى الجمال. و عرفت ان الجميز من اقدم انواع التين الموجود فى الشرق الاوسط و بالذات فى فلسطين بجانب الزيتون طبعا و أتى ذكرة فى التوراة و الانجيل و يمكن هو المذكور فى القرآن فى سورة "التين".

شكرا مرة اخري يا عزيزى

[abofasad]

أستاذ مكسوف

أول مرة الحبايب جابولي البذور من مصر ، وبعد ذلك سهل جدا الحصول على البذور من نفس زرعة الملوخية، تسيب النبات في الأرض لما يكبر اوي وينشف وتاخد منه البذور اللي انت عاوزها للسنة الجاية .

وانا على استعداد انب ابعتلك شوية بذور

بس مكسوف منك يا استاذ مكسوف

[maksoof]

وانا على استعداد انب ابعتلك شوية بذور

الله يكرمك يا أخونا العزيز

أنا حسأل هنا الأول و أشوف لو حد حاول يزرعها و لو لقيت إنها ممكن تتزرع هنا حتلاقى طلب إستيراد التقاوى فى صندوق بريدك من غير تأخير.

و ألف شكر على العرض.

[se_ Elsyed]

يا سلام .. قد أيه أنا فرحان إن التوبيك بتاعي قدر يجمع الناس المغتربين على قلب واحد وطبق ملوخية واحد ولو إن التوبيك في الكام مداخلة الأخرانيين بقى ممزلق شويه .. إلا انكم تعزفون على الوتر الحساس وهو حبي للملوخية ..

لذا فإني اطالب بإنشاء تجمع نطلق عليه " جمعية محبي الملوخية في مصر والكرة الأرضية "

[abofasad]

سي السيد كتب:

" جمعية محبي الملوخية في مصر والكرة الأرضية"

تقصد الملوخية بالأنارب والا الارديحي

[se_ Elsyed]

سي السيد كتب:

" جمعية محبي الملوخية في مصر والكرة الأرضية"

تقصد الملوخية بالأنارب والا الارديحي

كلٌ حسب مقتدره يا عمنا ...

يعني أعتقد إن الأنرب في مصر يعملوا دلوقت ييجي 30 أو 40 ج وده طبعاً ربع مرتبي ... يبقى نمشيها أورديحي مع مكعب مرقة دجاج ماجي وعدي يا ليله ...

وليكن شعارنا في المرحلة القادمة " خلى الطبخ علينا وسيب الطعم على ماجي "

أنا عن نفسي مش هاجي

بمناسبة الأرانب أعرف ناس كتير بتقرف تأكلها علشان بتفكرهم بالقطط ... لكن العبد لله بيموت فيها ومابتفرقش معاه الحاجات دي لأن لحمها لذيذ وخفيف .....

هــــــــيه الله يمسيكي بالخير يا خالتي أم س س كانت بتأكلنا الحلو كله ... ومن ساعة ماتغربنا وإحنا عايشين على الاكل المجفف اللي أساساً متاكل قبل كده ...

عن إذنكم علشان رايح أتعشى في الفور سيزون :blink:

[se_ Elsyed]

من أسبوع طقت في دماغي أكل زيت بالفول الحار ..

روحت السوبر ماركت دعبست على زيت سمسم لحد مالقيته وروحت البيت وكأني جايب الديب من ودنه ... المهم دخلت المعمل وهاتك يا تحضير وإشي كمون وإشي توابل ... وروحت مقدمه للعائلة الكريمة اللي بدورهم أخدوا أول لقمه وبصوا لي حتت دين بصة وراحوا سايبين الأكل وقايمين ..

قولت في أيه ياخواننا ؟ دوقت طعمه ... إستغفر الله العظيم ... وكان مصيره الإعدام رمياً في القمامة ..

يقوم الواد اخويا الصغير المفعوص يقول لي إنت عملتوا إزاي ؟ إوعى تكون سخنت الزيت الاول ؟.. قولت له آه ... قال لي يا فالح الزيت الحار وزيت الزيتون ما بيتسخنوش علشان طعمهم بيتغير وبيبقى زينخ ....

حينئذ أُسقط في يدي .. وإعترفت بالهزيمة ..

لكن معليش إذا كنت خسرت معركة فأنا ماخسرتش الحرب ...

إلى اللقاء مع الطعمية بالخلطة ... إنتظرونا بعد الفاصل ...

أيوه بيبس حاجة ساقعة .. سميط وبيض وجبنة .. تسالي يا لب ...

[فــيــروز]

بمناسبة الأرانب أعرف ناس كتير بتقرف تأكلها علشان بتفكرهم بالقطط ...

:blink: ys): ys):

[maksoof]

بمناسبة الأرانب أعرف ناس كتير بتقرف تأكلها علشان بتفكرهم بالقطط ...

إحنا عموما ما بناكلش Carnivors يعنى الحيوانات أو الطيور (أو أى حاجة تانية) بتاكل لحوم. (الأسيويين بتوع جنوب شرق آسيا يستثنوا من القاعدة دى) و ده الفرق بين القطط و الأرانب.

فأكل الأرانب مش مقزز زي أكل القطط.

[نيرون]

cbyb:

cbyb:

نفسى فى المفتأه stnd::

والويكا cbyb:

والشلولو non::

حد يعرف الشلولو؟؟؟

ملوخيه بالميه بدل الشوربه اكله صعيدى وبعملها الاخوه المسيحين فى مصر دائما فى الصيام الكبير

نفسى ف مرقسيه ( ورقه لحمه فى فرن بلدى بالبصل والطماطم والتوم )

نفسى فى بصاره cbyb:

عدس

رنجه

ملوحه

يارب هونها علينا

معلمى يا قارى الى قلبى

فتحت موضوع الاكل ده لييييييييييييييييييه

بلا فاست فود بلا قرف...

مليتوا البلد :huh:

[se_ Elsyed]

نفسى فى المفتأه  stnd::

والويكا cbyb:

والشلولو non::

د يعرف الشلولو؟؟؟

ملوخيه بالميه بدل الشوربه اكله صعيدى وبعملها الاخوه المسيحين فى مصر دائما فى الصيام الكبير

نفسى ف مرقسيه  ( ورقه لحمه فى فرن بلدى  بالبصل والطماطم والتوم )

نفسى فى بصاره cbyb:

عدس

رنجه

ملوحه

يارب هونها علينا

معلمى يا قارى الى قلبى

فتحت موضوع الاكل ده لييييييييييييييييييه

بلا فاست فود بلا قرف...

مليتوا البلد :huh:

حديث النفس : مش عارف  نيرون حاططني في دماغه ليه وكل ماروح توبيك الأقيه ناططلي زي عفريت العلبة ؟ انا هاحاول أخده على قد عقله لحد ماعرف ميته أيه وساعتها اتعامل معاه بالخطة  التى تناسبه ...

ريدي ....  إستدي ....جـــو

تصدق بالله يا نيرو أنا كنت بأحسب الشلولو دي حاجة كده زي الإفيه الكوميدي في الأفلام .. اتاريه طلع أكله .. سبحان الله

وأيه البتاعه التانية دي " المرقسية " دي غير الشركسية ؟

ورقة اللحمة في الفرن دي عارفها عن ظهر قلب .. أصل اخوك قعد عازب ييجي 3 شهور السنة اللي فاتت فكان فيه مطعم مصري بعيد عننا يجي 15 كيلو كنت بأروحله كل يوم أخد ورقتي وأتنيني راجع البيت أفضل أكل فيها يومين .

اما بالنسبة للقائمة التانية الرنجه والعدس والمفتأة والملوحة فدي متوافرة عندنا :P هنا بكثرة وعلى قفا من يشيل ....

قولي بس إنت فين وانا أبلغ عنك قصدي ابعت لك سبت زيارة مليان زوادة تكفيك ييجي سنة .. بس جيبلنا تصريح من الحاج كوفي أبو عنان وعمنا المعلم البردعي أحسن يعتبروا الحاجات دي أسلحة دمار شامل ويصادروها ويبعتوها لبوش الصغير يعمل عليها شوربه علشان يفحصها ..

بس كده انا ثبتوا وعداني العيب وقزح ( قوس قزح )

[ragab2]

على فكرة اخونا مكسوف كان طلب طريقة عمل البسطرمة .....وهى كالآتى ..

.كيلو لحم خالى من الدهن .

نصف كوب ملح ...........ملعقتين كبيرتين فلفل احمر بقالى .

3 راس ثوم ..............كوب حلبة مطحونة ناعم ..

نمسح اللحم بقطعة قماش ونعمل بها شقوق سطحية ونحشيها ملح ..

نلفها جيدا فى ورق مطبخ او اى ورق نشاف كبير ونضع عليها ثقل ونتركها 24 ساعة حتى تتصفى من الدم ..

نشطفها بالماء جيدا ..وتعلق مدة يوم آخر مع مراعاة تغطيتها ..

يدق الثوم مع الملح ثم نضيف لهما الحلبة والفلفل ../ لانضع شطة /..ويعجن بقليل من الماء .

نغطى قطعة اللحم بالخليط وتساوى باليد / تبل اليد بالماء وتساوى /..

تعلق فى الهواء حتى تجف / حوالى ثلاثة ايام /...ثم تستعمل ...

عفارم

يامدام سلوى على خبرتك

وأضيف أن بعض شركات اللحوم المجهزة تضيف قليل من ملح النيتريت sodium nitrite أو ملح النترات sodium nitrate الذى يعطى البسطرمة لونها الأحمر الداكن ويسرع فى تسويتها ونضجها ويمنع نمو البكتريا الضارة والتزنخ ولكن مشكلة هذا الملح أنه يضر الكلى فيجب اضافته بكميات قليلة جدا لسميته

[Salwa]

شكرا اخى الفاضل د.رجب..

لكن طالما ملح النتريت او النترات ..سام ..

فالافضل عدم استخدامه نهائى...

وكنت قد سمعت انه تتم اضافته فى عملية صنع اللحوم كاللانشون وغيره لأنه يسرع بانضاجها ..وفى نفس الوقت مع تغييره للون اللحوم لانستطيع ان نعرف جودتها ..او صلاحيتها ..

اى انهم يستخدمونه حتى ../ يخفوا /..طريقتهم الملتوية لتصنيع اللحوم ..

اما اذا اردت سيادتك استخدامه فى المنزل لاعطاء لون فقط ..

برضه انا لى تحفظ على هذا الأمر /وخصوصا انك بنفسك تقول انه سام /.....ولكنه شئ يرجع لكم ..

تحياتى ..

[ragab2]

لكن طالما ملح النتريت او النترات ..سام ..

فالافضل عدم استخدامه نهائى...

فعلا

حضرتك صح

معك حق

ولكن

فى بعض الأحوال كانت تستعمل فى السابق السموم بكميات قليلة جدا كمقوى عام ومحفزة للصحة على طريقة قليل منه يشفى

كالزرنيخ والإستركنين وكذا الكينين الذى كانت تصنع منه الكينا الحديدية على أن تضاف هذه المواد بحذر عند الضرورة

والأفضل

استبعاد كل المواد السامة كما تفضلتى وذكرتى

شكرا

تحياتى

[rawan]

[*]

hpc:!:

السلام عليكم

ارجوكم حد يعرف طريقه عمل الرنجه و اسم نوع السمك الذي يصنع منه الرنجه؟

[عم الطيب]

انا عاوز اكل بامية من عند بلبع فى اسكندرية وسمك من عند ابو اشرف وفلافل من عند ابو ربيع وجيلاتى من عند صابر وحاجة كدة من عند قدورة والشاى على قهوة فاروق .