كلام منير - كلمات أغاني محمد منير

[حسام يوسف]

سعيد بمشاركات الأفاضل محمد الششتاوي وريمو

ومازال السؤال مفتوحا

كيف جمع منير فى معادلة صعبة بين النجاح الجماهيري ورقى فنه ؟

ولماذا نجح وفشل الحلو والحجار وايمان ومدحت ؟

عزيزي محمد الششتاوي تقدمت فى أسبابك أن عاملى البساطة والتميز كانا السبب فى نجاح منير

طيب ما برضة جيل منير حاول بالبساطة

ونزل لدرجة الهبوط فى بعض الأوقات

وحتى لما نزل

مانجحش جماهيريا

أما عامل التميز

فأنا أبصملك بالعشرة ان منير تميز

لكن السؤال

فى هذا العصر بتاع العنب والكوز المحبة

كيف ينجح من يحاول أو يفكر حتى فى التميز؟

هذا هو السؤال

وبنشكر ريمو اللى أكدت ان برضة من بنات حواء اللى بيحب منير مما يشكك فى نظرية أختنا مغتربة حول الجمهور الذكورى لمنير

وأخيرا ياباشمهندس ايهاب كمل شغلك

ومستنيين تعليقاتك لما تفضي

لو حصل أى خصومات مالناش دعوة يا عم

[Ambitious]

انا بحب منير جدااااااااا بالرغم من انى ديابى مش من المنايرة يعنى .. لكن منير حالة فريدة سواء فى اسلوب غناء راقى جدا او لحن مميز تقريبا خاص بإيه بإدخاله السلم الموسيقى النوبى الخماسى فى ألحانه وكلمات معبرة جدا .. بيعجبنى فى منير انه بيغنى للحياة مش بس للحب .. بيعبر عن حاجات كتير جوانا بأسلوب راقى ومبيعديش كام يوم الا ما اسمع رائعته حدوتة مصرية :lol:

[قلب ابيض]

العزيز الفاضل دكتور حسام

اسمح لى احييك على موضوعك المنيرى الرائع

انا من عشاق صوت الكينج وافتخر

ولى معه حكايات وذكريات من بدايه ظهوره وحتى الان 00

ولكن سامحنى اليوم فقط 000فرحله عودتى من القاهره الى الكويت كانت متعبه للغاااايه ولم يخففها عنى الا صوت الكينج وموضوعك

لى عوده 00ان شاء الله

تحياتى للجميع

[محمد الششتاوي]

اخي حسام

اشكرك على التعقيب

زي مانا قلت من اسباب تميز منير هو البساطة ( السهل الممتنع )

ومش كل شيء يكون متميز

ممكن اوضح وجهة نظري باسلوب أخر

سر الابداع في أي فن او في أي شيء على الاطلاق هو** }} ان تأتي من حيث لا يتوقع الجميع** {{

ولكن ان تأتي بشيء مستساغ ولا يشعر بالاشمئزاز

فبين الابداع والتخريف خط رفيع جدا

وانا شايف ان أي انسان ذكي ممكن يكون مبدع حسب قواعد معينة

اما اذا كان مرهف الحس وذكي فيكون تميزه الى أبعد الحدود

حقيقة انا لا أرى منير وصل الى هذا القدر من التميز ولكن أراه الى حد ما متميز

منير اختلف فعلا عن الاخرين ولكن اراه لم يختلف عن نفسه كثيرا في مراحله المختلفة

وحاول تقليد غيرة في بعض الفترات واعتقد في الفترات دي ماكنش لسه حس بنجوميته أو بوجوده حتى ولو كان كده

اما جيل منير لم يحاولوا بأي قدر الاختلاف عن غيرهم وكانو نمطيين بشكل ممل جدا فكان من الطبيعي ان محبي الشكل الكلاسيكي هايروحوا للاصل أم كلثوم وعبد الحليم وخاصة الجيل اللي كان بيسمع لجيل منير زي على الحجار والحلو لان كانت اغانيهم محاولات فاشلة لتقليد للشكل الكلاسيكي

وبعد فترة من الفشل رجعوا بتقليد بردو للشكل المعاصر وكان من الجيل الجديد بردو انه يروح للاصل من مغنيين الشكل المعاصر مثل عمرو دياب ومحمد فؤاد

ولأن جيل منير من المطربين كانو مصريين على التقليد في أي اتجاه لم ينجحوا في أي اتجاه

عمرو دياب ومحمد فؤاد وغيرهم نجحوا في اتجاههم لانهم ماقلدوش لكن كان لهم شكل جديد تمام وكانو نسبيا مبدعين عن الي حولهم

اما بتوع العنب وكوز المحبة بردو نجحوا لكن في الاتجاه اللي هم عايزينه ,, وانا شايف انهم نجحوا في كده للفئة اللي هم عايزين ينجحوا فيها

والنوعية دي فيهم شيء جميل انهم حبوا الاختلاف وحاولوا يبدعوا وقدموا ما ليس متوقع من البساطة ولكن على قدر ثقافتهم طلعوا تخريف

ولو كانت الجرأة دي في عقلية مثقفة كنا ممكن نلاقي ابداع

لكن الكثير يخشى ان يقع في التخريف بدلا من الابداع ويظل مكانه الى أن يختفي

لكل الاسباب دي منير تميز لانه أصر على انه يكون مختلف بشكل مستساغ وبشكل بسيط ومستساغ وطلع القدر ده من الابداع

[حسام يوسف]

محمد باشا الششتاوي

بجد بجد

أرفع لحضرتك القبعة على هذا التحليل العقلاني الجميل

هقراه مرة تانية

ولنا عودة

[حسام يوسف]

العزيز الفاضل دكتور حسام

اسمح لى احييك على موضوعك المنيرى الرائع

انا من عشاق صوت الكينج وافتخر

ولى معه حكايات وذكريات من بدايه ظهوره وحتى الان 00

ولكن سامحنى اليوم فقط 000فرحله عودتى من القاهره الى الكويت كانت متعبه للغاااايه ولم يخففها عنى الا صوت الكينج وموضوعك

لى عوده 00ان شاء الله

تحياتى للجميع

بانتظار الراحة من السفر :wub:

ومنتظرين الرد على السؤال

كيف حقق منير المعادلة الصعبة بين التميز الفني والنجاح الجماهيري؟

[طبيبة مصرية]

الف شكر دكتور حسام على التوبيك الجميل عن الكينج منير والف شكر على الموقع الرسمى........

محمد منير حالة خاصة جدا.....................حكاااااااااااااااااااااااااااية بجد

حكاية حب

حكاية شعب

حكاية شجن

حكاية وطن..........وكل الحكايات اللى ممكن تتخيلها

انا من محبى صوته واحساسه الدافئ وبتدهشنى مفردات اغانيه وغرابتها و اللى تحس ان ماحدش يعرف يغنيها غيره(ساح يا بداح-قلبك الشاطر)وغيرهم كتير.........

وده فى رايى من اسباب تميزه واستمراره على القمة الى الان........ وكمان صوته الدافىء الحنون ونبرة الشجن الجميلة االلى فى صوته اللى بيمس القلب على طول.......... .بالاضافة لانه مختلف جدا ومتميز جدا ومتنوع جدا فى افكار اغانيه و ما حدش يعرف يقلده او يغنى اغانيه لان له خط مختلف تماما عن الاخرين, سكة بتاعته هو لوحده,ملعب بيدع فيه مع نفسه..........

وانا فى رايى ان منير لاينافس الا منير

من احب البوماته الى قلبى البومى ممكن ومن اول لمسة

قمة فى الابداع والتنوع ما تقدرش تختار اى اغنية احلى من التانية وتحس ان كل اغانى الالبوم هيتس

وحتى اختياراته للاغانى القديمة اللى عاد توزيعها وغناها بصوته روعة

انا بعشق البحر.......

يا حبيبى عود لى تانى.......

يا اسمرانى اللون......

شىء من بعيد........

فى مطرب طالع جديد(على حسين) واخد نفس الخط بتاعه من ناحية افكار الاغانى ومفرداتها بس طبعا صوته مافيهوش احساس منير ....... عجبتنى كلمات اغنيته حزين جدا سعيد.........

[محمد الششتاوي]

محمد باشا الششتاوي

بجد بجد

أرفع لحضرتك القبعة على هذا التحليل العقلاني الجميل

هقراه مرة تانية

ولنا عودة

شكرا ليك استاذ حسام

دا من ذوقك بس

[مغتربة]

استاذ حسام

كل حاجه عند منير متفرده

يعنى مش بيغنى غنى محترم و بس لكن موضوعات اغانيه فيها تنوع شديد

كمان تميز الكلمات او اللحن او كلاهما

ايمان البحر درويش فى فتره من فتراته كل له شعبيه جامده جدا

ايام قول يا قلم و نفسى

و نفس القاعده الجماهيريه من الشباب

بس هو تخلى عن كل ده و مكملش و اعتزل فتره طويله

و حتى بعد ما رجع تحس انه لسه تايهه و مش عارف يرسى على خط لنفسه

صراعه الداخلى ده انعكس على فنه

و بالتالى اثر على جماهريته

مدحت صالح نجح جدا برفضك يا زمانى

بس هو كمان معرفش يحافظ على رؤيه محدده للى بيقدمه

فتاه فى الزحمه و قدم حاجه حلوه و عشره متكرره

محمد الحلو و محمد ثروت قتلوا نفسهم بالخط الوطنى

و العاطفى كان لا يحمل جديد بالنسبه لهم

و الباقى على نفس الخط و نفس الشكل

[pink rose]

الف شكر دكتور حسام على التوبيك الجميل عن الكينج منير والف شكر على الموقع الرسمى........

محمد منير حالة خاصة جدا.....................حكاااااااااااااااااااااااااااية بجد

حكاية حب

حكاية شعب

حكاية شجن

حكاية وطن..........وكل الحكايات اللى ممكن تتخيلها

انا من محبى صوته واحساسه الدافئ وبتدهشنى مفردات اغانيه وغرابتها و اللى تحس ان ماحدش يعرف يغنيها غيره(ساح يا بداح-قلبك الشاطر)وغيرهم كتير.........

وده فى رايى من اسباب تميزه واستمراره على القمة الى الان........ وكمان صوته الدافىء الحنون ونبرة الشجن الجميلة االلى فى صوته اللى بيمس القلب على طول.......... .بالاضافة لانه مختلف جدا ومتميز جدا ومتنوع جدا فى افكار اغانيه و ما حدش يعرف يقلده او يغنى اغانيه لان له خط مختلف تماما عن الاخرين, سكة بتاعته هو لوحده,ملعب بيدع فيه مع نفسه..........

وانا فى رايى ان منير لاينافس الا منير

من احب البوماته الى قلبى البومى ممكن ومن اول لمسة

قمة فى الابداع والتنوع ما تقدرش تختار اى اغنية احلى من التانية وتحس ان كل اغانى الالبوم هيتس

وحتى اختياراته للاغانى القديمة اللى عاد توزيعها وغناها بصوته روعة

انا بعشق البحر.......

يا حبيبى عود لى تانى.......

يا اسمرانى اللون......

شىء من بعيد........

فى مطرب طالع جديد(على حسين) واخد نفس الخط بتاعه من ناحية افكار الاغانى ومفرداتها بس طبعا صوته مافيهوش احساس منير ....... عجبتنى كلمات اغنيته حزين جدا سعيد.........

مع احترامي الشديد لرأي حضرتك

اختيار منير لاغنية باعشق البحر لنجاة ما كانش موفق اوي

لان الاغنية بصوت نجاة وهم و مش ممكن حد يقارنها فيها ابدا

[حسام يوسف]

بشكرك جدا على اثرائك المناقشة يا أختنا العزيزة مغتربة

وانا فعلا معاكى فى تحليلك لمعادلة منير الصعبة

ويا أختنا العزيزة ريمو انا على فكرة رأيي برضة من رأيك بخصوص غناء منير لأغنية انا بعشق البحر

وبموت فيها من نجاة

لكن برضة عندي أصدقاء بيحبوها قوى من منير

ودي أذواق بتتفق وتختلف

وتحياتي لحضرتك

[Damo]

من اغاني نجاة الغناها منير ' لولا السهر '

دي بصراحة عجبتني جداااا من منير

[طبيبة مصرية]

مع احترامي الشديد لرأي حضرتك

اختيار منير لاغنية باعشق البحر لنجاة ما كانش موفق اوي

لان الاغنية بصوت نجاة وهم و مش ممكن حد يقارنها فيها ابدا

الاخت ريمو

انا لم اذكر فى مداخلتى ان منير تفوق فى اعادة غنائه للاغانى القديمة على اصوات اصحابها الاصليين........

انا فقط عجبتنى فكرة احياء التراث الجميل وعجبتنى اختياراته لان فيه ناس كتير ممكن ما تكونش سمعت الاغانى الجميلة دى باصوات اصحابها الاصليين فهو باحياءه للاغانى دى بيدينا فرصة اننا نسمعها ونعرفها ونستمتع بالكلمات والالحان الراقية بتاعة زمان..........

ويمكن حضرتك تستغربى لما تعرفى انى اصلا ما سمعتهاش بصوت نجاة!!!!!!!

انا ما سمعتش اى اغنية من الاغانى القديمة اللى اعاد منير غنائها باستثناء اغنيتى حكايتى مع الزمان وشىء من بعيد........

وده من خلال الفيلمين اللى اتغنوا فيهم..........

لان بصراحة الافلام هى كانت مصدرى الاساسى لسماع اغانى الزمن جميل........

وحتى زوجى مرة قاللى ان منير لم بيكن موفق فى اغنية يا اسمرانى اللون وانها مش عاجباه خالص وكانت اروع واجمل بصوت شادية ........

وده حمسنى انى ادور على النت واسمعها بصوت شادية بس انا التوزيع الجديد بتاع منير عجبنى اكتر.........

وعموما كلام حضرتك هيشجعنى انى ادور واحاول اسمعها بصوت نجاة وطبعا هى صاحبة صوت مميز جدا ...........

تحياتى .......

[pink rose]

العزيزة طبيبة مصرية

لفتي نظري فعلا لحاجه كانت تايهة مني

فعلا اعادة الاغاني بتوزيع مختلف عن زمان بيخلينا نعجب باغنية عمرنا ما سمعناها قبل كده و بيخلينا ندور عليها باصوات اصحابها الاصليين

دا حصل معايا في اغنية وحشتني غناها خالد عجاج و عجبتني جدا جدا

دا خلاني اعرف مين صاحبها الاصلي و فعلا سمعتها من سعاد محمد

تحياتي ليكي :)

اسمعي اغنية باعشق البحر من نجاة و قوليلي رأيك

[se_ Elsyed]

بعد إذن صاحب الموضوع

فهناك موضوع قديم كان من كلاسيكيات المحاورات ... واشترك فيه عمالقه بصراحه للكتابة عن رأيهم في منير

ولقد قمت بدمج الموضوعين معاً .. وأرجو أن تستمعوا بهما

وتحياتي للجميع

[المشتاق]

منير الحالة الفنية الفريدة اللى بحسها بجد لما بيغنى بصوت خزين دافىء وصوت مبهج حى دائما اشعر عند سماع اغانية انه يغنى لى وحدى فقط او بمعنى ادق احس ان انا اللى بغنى لنفسى اد ايه فعلا بعيش الاغنية معاه بالمناسبة في اغنية هايلة ( يا طير ) التوزيع القديم لمقدمة مسلسل طيور بلا اجنحة انتاج 1980 (مش توزيع البوم شيكولاتة) اد ايه صوت بكر وخام جدا جدا مع كلمات الشاعر سيد حجاب خلقت حالة فنية مزهلة ياريت لو حد عنده الاغنية ينزلها

[om marawan]

شكرا يادكتور حسام الموقع راااااااائع وفعلا باحب احساس الاذاعة والمفاجات فى الاغانى خصوصا لما تكون اذاعة منير :lol:

لانه سهل تسمع منير طول الوقت بدون ما تمل

فعلا حالة فريدة متجددة ومتنوعة وصوت رائع نقي مغرق فى الأصالة حتى النخاع

تشعر فى صوت منير بروعة نيل أسوان المنساب بين الصخور والمراكب تسبح فيه بكل نعومة وبساطة

بجد اجمل مافى منير انه شعبيته دليل على انه لا يصح الا الصحيح وان الشعب المصرى ذواق تربى على الفن الجيد

شعبيته دليل على ان أصحاب مقولة الجمهور عاوز كده مجرمين فى حق مصر واهلها اللى فعلا مش عاوزين غير الاجمل

ملحوظة اخيرة : اعرف ناس مابيحبوش منير ومنهم زوجى لكنه لا احد يختلف ابدا على صوته واغانيه وصعب ترفض تسمعه

"

وكل شىء بينسرق منى

العمر م الأيام والضي من النني "

[أحمد سيف]

الأفاضل/ أعضاء المنتدى

أود التذكير بأنه وفق القاعدة الثانية من قواعد المشاركة في محاورات المصريين فإن لإدارة المنتدى كامل الحق في تنسيق المداخلات ودمج المواضيع وفق ما تراه مناسبا دون الحاجة للرجوع لأصحاب هذه المواضيع ... وهذا ما قمنا به في هذا الموضوع مع توضيح الأسباب في مداخلة سابقة

كما أذكركم بأن الوسيلة المتاحة للاعتراض على الإجراءات الإدارية أو إرسال ملاحظاتكم للإدارة هي عن طريق خاصية التقرير وليس على العام ... لذا أرجو منكم مراعاة ذلك.

سيتم حذف المداخلات الخارجة عن سياق الموضوع واتخاذ الإجراءات الإدارية اللازمة للتعامل مع المخالفات.

عن الإدارة

أحمد سيف

[نفرتارى]

الله عليكم وعلى محمد منير

(الملك) إبن النوبه وإبن النيل

بجد انا مبسوطه جدآآآ إن أول مشاركه ليا تكون فى موضوع لمحمد منير

وعلى فكره أنا حبى ليه مضاعف لأننا من بلد واحده وأصحاب بشره واحده

وكمان لأنه محمد منير

اللى عزوبة صوته وإحساسه نابعه من عزوبة النيل

وإهداء من أهل النوبه لكل محبى منير أغنيه لمنير بإسم (أباياسا)

هى أغنيه باللغه النوبيه ولكنها مترجمه,

هذه الأغنيه غناها منير ليعبر فيها عن التهجير الغاشم الذى تعرض له

النوبيين عند بناء السد العالى وإنتقالهم من على ضفوف النيل إلى صحراء

كوم أمبو شمال أسوان وعبر فيها عن إشتياقه وكل النوبيين للنوبه القديمه

التى لم ولن تتعوض أبدآ...

http://www.youtube.com/watch?v=05XGx55cgmQ

[suzana]

i am i am a very nice simple understanding you.i am i am a very nice simple understanding you.i am i am a very nice simple understanding you.i am i am a very nice simple understanding you.i am i am a very nice simple understanding you.i am i am a very nice simple understanding you.i am i am a very nice simple understanding you.i am i am a very nice simple understanding you.i am i am a very nice simple understanding you.i am i am a very nice simple understanding you.i am i am a very nice simple understanding you.i am i am a very nice simple understanding you.i am i am a very nice simple understanding you.i am i am a very nice simple understanding you.i am i am a very nice simple understanding you.i am i am a very nice simple understanding you.i am i am a very nice simple understanding you.i am i am a very nice simple understanding you.i am i am a very nice simple understanding you.i am i am a very nice simple understanding you.i am i am a very nice simple understanding you.i am i am a very nice simple understanding you.

تم تعديل 7 ديسمبر 2010 بواسطة suzana