كلام منير - كلمات أغاني محمد منير

[مهيب]

أيضا هناك أغنية (حتى حتى)

طب خدينى فى ريح طيفك

حتى حتى فى ديل كيفك

دانتى مالية الشوق ملوة

نفسه لو يلمس طراطيفك

غصب عنى بنام صاحى

و أصحى نايم زى جراحى

نامى بس انتى و ارتاحى

يكفى نتحنى بتلطيفك

قولى انى بعيش ليكى

أيوة بل انى بموت فيكى

لونك النيلى و عنيكى

طوعت روحى لتصريفك

مش هاممنى الكون هادى

ولا زحمة الكون عادى

كل همى انك تتراضى

دى الحياة جنة بتشريفك

تم تعديل 12 مايو 2007 بواسطة مهيب

[عفريت مصري]

في البداية .. و المنتصف ... و النهاية .. اشكر محمد منير .. و حدوتة مصرية (الاغنية ) لانهم كانوا السبب اني اتعرف علي المنتدي الرائع .. و الصحبة الجميلة اللي قاعدة هنا ...

و اشكر كم كلم يا ويكا .. علي الاغاني الجميلة و .. و ... و كل حاجة ..

كنت عايز اول مشاركة ليا تكون حاجة اقدمها .. مش طلب .. لكن هنعمل ايه .. العين بصيرة و الايد قصيرة (انا موجود الان خارج مصر .. و كل الشرايط و ال سي ديهات راحت في المطار و انا جاي .. مأساة من النوع الغلس ) بس انا بحاول اجمع كل الحاجات اللي كانت عندي .. و سأحاول الاشتراك معكم في الشريط ده و الشرايط التانية ..

الطلب الاول: اغنية حدوتة مصرية .. بصراحة كنت بدور عليها و مش لاقيها .. و الرابط اللي موجود هنا لا يعمل ... هل ممكن اعادة رفعها ..

و (يا حبذا) لو كان علي موقع تاني غير zupload لان كل الاغاني اللي علي الموقع ده مش شغالة معايا .....

ممكن اضيف طلب اخر الحاقا بالطلب الاول ؟ ... يا ريت اغاني البوم حدوتة مصرية كلها .. (طبعا باقي الاغاني مش بتاعة منير)

الطلب الثاني : اغنية ابن ماريكا .. طبعا هي موجودة في الشريط هنا بس الرابط مش شغال برضه ... ( و اذا امكن باقي اغاني شريط مشوار .. لان فيه كام كوبليه في الشريط ده مش موجودين في الاغنية الاصلية ... الكوبليه اللي بيقول فيه

" البنت قالت فستاني منشور علي الشط التاني .. خدني المراكبي و عداني و رجعت بالقمرة الليلة "

شكرا مقدما و عاجلا و اجلا .. :sad:

[Diab]

من اجمل مواضيع العزيز واحد تاني

[طه بدر]

الف شكر لكل المشاركين فى هذا الموضوع الرائـــــــــــــــــــــــــــــع رجعتونا لايام زمان قوى

ولكن ( لازم ابقى زى الشرك المخالف) اتمنى من الجميع ذكر مولف الكلمات فالحق ان روعة محمد منير كانت فى اختياره لعباقرة فى الكلمات التى نستمتع بقراتها الان وفى كل وقت

وانا هابدا بما اعرفه

المريلة الكحلى كلمات عمنا الكبير قوى صلاح جاهين

الاسكندرية كلمات عمنا الكبير قوى برضه احمد فواد نجم

وياريت اخ واحد تانى والاخت سيوه وكل من شارك ان يكمل متعتنا بذكر اصحاب الكلمات الرائعة حتى ننسب الفضل لاهله

وشكراللمجهود الرائع

[نانو]

الأخ عفريت مصري لأسف معظم مواقع الرفع بعد فتره معينه بتلغي الأغاني المرفوعه عليها

وحدوته مصريه برضه لاحظت إختفائها من مواقع الأغاني

عموما ديه كلمات أغنيه حدوته مصريه

حدوته مصريه

ما نرضاش يخاصم القمر السما ما نرضاش

تدوس البشر بعضها ما نرضاش

يموت جوه قلبي نداء ما نرضاش

تهاجر الجذور أرضها ما نرضاش

قلبي جوا يغني واجراس تدق لصرخة ميلاد

تموت حته مني الاجراس بتعلن نهاية بشر من العباد

دي الحكمة قتلتني و حيتني وخلتني أغوص في قلب السر

قلب الكون قبل الطوفان ما ييجي خلتني أخاف عليك يا مصر

واحكيلك على المكنون

مين العاقل فينا مين المجنون

مين الي مدبوح من الألم

مين اللي ظالم فينا مين مظلوم

مين اللي ما يعرفش غير كلمة نعم

مين اللي محميلك خضار الفلاحين غلابة

مين اللي محميلك عمار عمالك الطيابة

مين اللي ببيع الضمير مين يشتري مين يشتري بيه الدمار

مين هو صاحب المسألة والمشكلة والحكاية والقلم

رأيت كل شيء وتعبت على الحقيقة

قابلت في الطريق عيون كتيرة بريئة

أعرف بشر عرفوني لأ لأ ما عرفونيش

قبلوني وقبلتهم

بمد ايدي لأ طب ليه ما تقبلنيش

لا يهمني اسمك لا يهمني عنوانك لا يهمني لونك ولا ولادك ومكانك

يهمني الانسان ولو ما لوش عنوان

يا ناس يا ناس هي دي الحدوته

حدوته مصرية

واللينك ده ليها علي اليوتيوب لقيته النهارده بالصدفه إن شاء الله تكون مضبوطه ... :lol:

لغايه ما يرجع عمالقه محمد منير في الموقع هنا و يقوموا بإعاده رفعها

فينك يا سيوه ...وحشتينا smk:

[حسام يوسف]

ربنا يكرمكم

انا بحب محمد منير

واللى يحب محمد منير

وسلام من أسوان بلد محمد منير

[Siwa]

أسفة يا نانو...أتأخرت أكتر من سنه. :)

أهداء لكل محبي منير...حدوته مصرية :closedeyes:

الأخ عفريت مصري لأسف معظم مواقع الرفع بعد فتره معينه بتلغي الأغاني المرفوعه عليها

وحدوته مصريه برضه لاحظت إختفائها من مواقع الأغاني

عموما ديه كلمات أغنيه حدوته مصريه

حدوته مصريه

ما نرضاش يخاصم القمر السما ما نرضاش

تدوس البشر بعضها ما نرضاش

يموت جوه قلبي نداء ما نرضاش

تهاجر الجذور أرضها ما نرضاش

قلبي جوا يغني واجراس تدق لصرخة ميلاد

تموت حته مني الاجراس بتعلن نهاية بشر من العباد

دي الحكمة قتلتني و حيتني وخلتني أغوص في قلب السر

قلب الكون قبل الطوفان ما ييجي خلتني أخاف عليك يا مصر

واحكيلك على المكنون

مين العاقل فينا مين المجنون

مين الي مدبوح من الألم

مين اللي ظالم فينا مين مظلوم

مين اللي ما يعرفش غير كلمة نعم

مين اللي محميلك خضار الفلاحين غلابة

مين اللي محميلك عمار عمالك الطيابة

مين اللي ببيع الضمير مين يشتري مين يشتري بيه الدمار

مين هو صاحب المسألة والمشكلة والحكاية والقلم

رأيت كل شيء وتعبت على الحقيقة

قابلت في الطريق عيون كتيرة بريئة

أعرف بشر عرفوني لأ لأ ما عرفونيش

قبلوني وقبلتهم

بمد ايدي لأ طب ليه ما تقبلنيش

لا يهمني اسمك لا يهمني عنوانك لا يهمني لونك ولا ولادك ومكانك

يهمني الانسان ولو ما لوش عنوان

يا ناس يا ناس هي دي الحدوته

حدوته مصرية

واللينك ده ليها علي اليوتيوب لقيته النهارده بالصدفه إن شاء الله تكون مضبوطه ... smk:

لغايه ما يرجع عمالقه محمد منير في الموقع هنا و يقوموا بإعاده رفعها

فينك يا سيوه ...وحشتينا :sad:

hadota_original_.mp3

تم تعديل 17 فبراير 2009 بواسطة Siwa

[اتش]

كان في ناس طالبه كلمات أغنية سيه سيه ده اهداء مني لكل اللي طلبوها:-

سيه سيه ووه سيه ... ان جوبال ووه سيه

نوركو قدرة تا نوجو ... ايو رحمه تانوجو

كيكو نا مرادنا ... ان جوبال ووه سيه

يا رايح طال الليل

يا سارح سهران ليه

يا عاشق غنى الليل

ياطاير طول الليل

ااه جا نارووه

ااه جا نارووه

انكو ندبا فيناني ... توجا ليل كوتشاري

شري توري ووه سيه ... ان جوبال ووه سيه

ياساير سهران ليه

يا ساهر طول الليل

يا حاير سهران ليه

يا شابك هوا الليل

ااه جا نارووه

ااه جا نارووه

اتش الكومي

[حسام يوسف]

السلام عليكم ورحمة الله وبركاته

فى هذا الموضوع سنتكلم عن محمد منير

المطرب المصري

ابن النوبة

وكيف استطاع -رغم تزامن صعوده كمطرب حتى الآن مع هبوط مستوي الأغنية العربية-أن يقدم فنا راقيا

وفى نفس الوقت قريب من الناس بعيدا عن فذلكة المثقفين وأيضا بعيدا عن الغناء الهابط

فأهلا بكل من يود المشاركة من محبى منير وغيرهم

والسؤال هو كيف كسر منير مقولة الجمهور عايز كدة؟

كيف قدم منير فنا محترما وفى نفس الوقت احتفط بمكانة متميزة بين الجمهور؟

لم يقدم فنا هابطا

ولم يكن مصيره مثل الحلو والحجار وايمان البحر درويش في النسيان؟

السؤال أوبن بوفيه

والكل مدعو :happy:

[حسام يوسف]

محمد منير (وشهرته أحيانا منير) (10 أكتوبر 1954) مغني مصري يُعرف بموسيقاه التي يخلط فيها الجاز بالسلم الخماسي النوبي، وكلمات أغانيه العميقة، وأسلوب أدائه ومظهره الغير ملتزم بتقاليد الطرب والمطربين، وبخاصة شعره النامي المفلفل بفوضى وطريقة إمساكه بالميكروفون ووقوفه وحركاته العصبية الغريبة أثناء الغناء. ومنير أيضا ممثل ودفّاف.

اسمه بالكامل محمد منير أبو يزيد جبريل متولي من مواليد قرية الدر القديمة ــ النوبة، أسوان ــ تلقى منير تعليمه المبكر وقضى فترة الصبا في أسوان قبل أن يهاجر مع أسرته للعاصمة بعد غرق قرى النوبة تحت مياه بحيرة ناصر التي خلفها السد العالي، في أوائل السبعينيات. أحب ممارسة الغناء كهاوٍِ منذ الصغر وكان يغني لرفاقه في الجيش

وهو ما ذكره فى حفلة له بالأوبرا حضرتها مع صديق لي حين صعد الى خشبة المسرح تامر حسني

وبدأت الجماهير تهتف ضد تامر حسني بكلمات من نوع المزور والخائن تلميحا لقضية تزويره شهادة آداء الخدمة العسكرية وحين شعر تامر بالحرج وهم بالنزول من على خشبة المسرح تكلم منير :

أن تامر ضيفي

واللى بيحبني

بيحب ضيوفي

زمان كنت بغنى للجيش انا وعلى الحجار عمر فتحي قبل حرب أكتوبر على الجبهة

وماخدناش فلوس

لكن بجانب تشجيعنا لجنودنا ورفع روحهم المعنوية

عملنا شعبية وارضية

وبقى كل واحد من ظباط وعساكر جيشنا العظيم من جمهورنا

هوة واهله ومعارفه وأصدقاؤه

ماتلوموش على اللى بيهرب من الجيش دلوقتى

لوموا على اللى كرهنا فى بلدنا

وياللا نغنى

وكانت ليلة رائعة

الواحد حس ان عمره طال بسببها

وكانت فى أغسطس 2007

ملحوظة-المعلومات عن منير من الويكيبيديا والموقع الرسمي لمحمد منير

ولنا عودة ان شاء الله

[مغتربة]

ينفع كده استاذ حسام

يعنى انا بقالى ساعتين عماله اسمع منير على اليوتيوب

اقوم الاقيك فاتح موضوع عنه

منير حال فريده

عبقريه واضحه

مش كفايه ان الشخص يكون صوته حلو علشان يحالفه الحظ

الموضوع يخضع لاعتبارات كثيره

من اهما ذكاؤه فى اختيار الكلمات و الالحان

و الاهم الكاريزما

و دى هبه من الله لا يستطيع اى شخص ان يخلقها لنفسه

منير اجتمعت له مجموعه من المقومات التى ساعدت نجاحه و دعمت استمراره حتى الان

اهما من وجهه نظرى

انه استطاع تقديم الفن الراقى لكن بالطريقه لتى تتواكب مع متطلبات الشباب

قدم شيىء مختلف جدا

و فريد جدا

لذلك استحق ان تستمر نجوميته كل هذا الوقت دون ان تنطفىء

الكلام عن منير بالنسبه لى لا ينتهى

لذلك ربما يكون لى عوده لاستكماله لاحقا

[حسام يوسف]

أهلا أهلا بأختنا مغتربة

واضح ان حضرتك منايرية زينا

طيب برضة فين اجابة السؤال؟

ليه منير نجح وهوة بيغني كلام مش هلس؟

وليه ماتنساش زي باقي جيله المحترمين الحجار وايمان وغيرهم؟

فيه واحد بالذات أنا منتظره

ومنتظر تفسيره :happy:

تم تعديل 19 فبراير 2010 بواسطة حسام يوسف

[مغتربة]

أهلا أهلا بأختنا مغتربة

واضح ان حضرتك منايرية زينا

طيب برضة فين اجابة السؤال؟

ليه منير نجح وهوة بيغني كلام مش هلس؟

وليه ماتنساش زي باقي جيله المحترمين الحجار وايمان وغيرهم؟

فيه واحد بالذات أنا منتظره

ومنتظر تفسيره :happy:

طبعا انا منايريه جدا جدا جدا

هو انا جاوبتك فى مداخلاتى السابقه على سؤالك من وجهه نظرى

بس خلينى اعيد تانى

الى خلاه يستمر انه غنى محترم بس و عينه على متطلبات الجيل الى بيغنيله

كل الشباب فى الثمانينات و التسعينات و الالفينات حسوا انه بيعبر عنهم

و دا السر من وجهه نظرى

حسوا انه بيعبر عن الى عايزيين يقولوه بشكل محترم لكن بيعرف يوصل لهم

شافو فيه و فى الى بيغنيه تجسيد للتمرد الى هما كانوا عايزين يعبروا عنه و مش عارفين

لقوه بيغنى الى عايزين يقولوه للعالم اجمع بس خايفين

و مش عارفين

و علشان كده هتلاقى جمهور منير اكتره من الذكور ( هو ليه طبعا جمهور واسع من البنات بس من الولاد اكبر )

لانه لمس كل الكلام الى جواهم و الاحباط الى جواهم و الرغبات الى جواهم

[ايهاب سالم]

يااااااه يا حسام

ده انت لو عصرتني هأنزل منيرين صغيرين

تسجيل إعجاب و مشاركه مش متابعه

راجعلك و عندي كلام كتير

بس إديني وقت و إرميني البحر

[حسام يوسف]

أهلا أهلا بأختنا مغتربة

واضح ان حضرتك منايرية زينا

طيب برضة فين اجابة السؤال؟

ليه منير نجح وهوة بيغني كلام مش هلس؟

وليه ماتنساش زي باقي جيله المحترمين الحجار وايمان وغيرهم؟

فيه واحد بالذات أنا منتظره

ومنتظر تفسيره :happy:

طبعا انا منايريه جدا جدا جدا

هو انا جاوبتك فى مداخلاتى السابقه على سؤالك من وجهه نظرى

بس خلينى اعيد تانى

الى خلاه يستمر انه غنى محترم بس و عينه على متطلبات الجيل الى بيغنيله

كل الشباب فى الثمانينات و التسعينات و الالفينات حسوا انه بيعبر عنهم

و دا السر من وجهه نظرى

حسوا انه بيعبر عن الى عايزيين يقولوه بشكل محترم لكن بيعرف يوصل لهم

شافو فيه و فى الى بيغنيه تجسيد للتمرد الى هما كانوا عايزين يعبروا عنه و مش عارفين

لقوه بيغنى الى عايزين يقولوه للعالم اجمع بس خايفين

و مش عارفين

و علشان كده هتلاقى جمهور منير اكتره من الذكور ( هو ليه طبعا جمهور واسع من البنات بس من الولاد اكبر )

لانه لمس كل الكلام الى جواهم و الاحباط الى جواهم و الرغبات الى جواهم

ملحوظة جديرة بالاهتمام والاحترام ان جمهوره اكتره ذكور

لكن واضح ان برضة سؤالى معرفتش أوصله لحضرتك

وليه منير عبر عن الشباب في الوقت اللى الشباب ادوا ضهرهم لباقى نجوم جيله

وهمة برضة أصوات حلوة

وكلمات ومعانى محترمة؟

ايشمعنى منير دونا عن كل المطربين اللى بيغني كلمات محترمة

وأهداف نبيلة

ومزج حب الوطن بحب الحبيبة

وبرضة نجح؟

من غير ما يغني للكوز والعنب ؟ :)

تم تعديل 19 فبراير 2010 بواسطة حسام يوسف

[حسام يوسف]

يااااااه يا حسام

ده انت لو عصرتني هأنزل منيرين صغيرين

تسجيل إعجاب و مشاركه مش متابعه

راجعلك و عندي كلام كتير

بس إديني وقت و إرميني البحر

أهلا يا كنج

أنت اللى كنت أقصده

ولسان حالى بيقول:

أهو جه يا ولاد

زغرطوا يا ولاد :)

ومستنيين لما وقتك يسمح يا كنج :happy:

[حسام يوسف]

ده الموقع الرسمي لمنير

وميزته غير انه الموقع الرسمي

انك طول ما أنت فاتحه هتسمع أغانى منير

أغنية جديدة

وبعدها أغنية من 10سنين

وبعدها أغنية من 20سنة

واحد يسألنى ويقوللى يا كابتن لطيف طيب ما الأغانى متحملة على الأجهزة وعايشين عاديطوبختار اللى انا عايزة

أرد عليه وأقوله بس فيه ناس بتحب تسمع بنظام الاذاعة

يعنى انت مش عارف هتسمع ايه الأغنية الجاية

أذواق بقى

اتفضلوا

الموقع الرسمي لمحمد منير

[ايهاب سالم]

ملحوظة جديرة بالاهتمام والاحترام ان جمهوره اكتره ذكور

و بعدين معاك يا عم حسام

سيبني أشتغل شويه

ع السريع كده

الستات و البنات هيحبوا أيه في منير ... شعره المفلفل و ألا تبريقته وحركات الصرع اللي بيعملها وهو بيغني

الست اللي تحب تسمع منير دي تبقى ست دماغ بتقدر الفن

أنا لما إتعرفت على مراتي زمااااااان ... في عصر ما قبل التاريخ و لما كنا لسه بنفهم بعض وسألتني بتحب تسمع مين و قلتلها منير شفت على وشها كل علامات القرف و قالت لي .. أه bv:- ... هو كويس برضه .... بس يتسمع ميتشافش

حاليا هي مش بتقرف منه و الحمدلله :)

ومزج حب الوطن بحب الحبيبة

هو ده الكلام الموزون

كتير من الناس مش واخدين بالهم إن تقريبا كل و لا أقول معظم أغاني منير العاطفيه هي أغاني وطنيه

ولما تسمعها بهذا المفهوم تلاقي كلامها عالي جدا

هأضرب مثالين

أغنية سو يا سو للمبدعه كوثر مصطفى

لوسمعتها على إنها عاطفيه ستجدها أغنيه تجاريه هايفه و لما تسمعها على حقيقتها كأغنيه وطنيه هتعرف إنها عاليه جدا

طبعا أنا عارف إنك تعرف أكتر مني :happy:

وبالمثل أغنية إقرار

وألا أغانيه للإنسان زي إخرج م البيبان و كلمات كوثر مصطفى البديعه و توزيع عمرو أبو ذكري الراقي ... وتريات ونحاس و قفلة البيانو الجاز .. أيه ده ... أيه ده

من غير ما يغني للكوز والعنب ؟ :)

برضه له أغاني كتير طلعت أوت منه

و دي هأتكلم عليها من وجهة نظري الشخصيه من باب عتاب المحب

سيبني أشتغل بقى يا عم حرام عليك

تم تعديل 19 فبراير 2010 بواسطة ايهاب سالم

[محمد الششتاوي]

السلام عليكم

انا بحب كتير محمد منير ولكن مش بسمعله الا بالصدفة يعني مش بشتريله البومات لكن لو وانا بقلب في التلفزيون شوفتله حاجة احب اسمعها

وسر نجاح منير عاملين اساسيين لنجاح اي عمل فني

الاختلاف وده اهم عوامل الابداع

والبساطة واللي بتعتبر السهل الممتنع

منير تعمد انه يختلف عن كل الموجات اللي حوله سواء من حيث الالحان او اخيتار الكلمات او اسلوب الغناء

حاول في فترات انه يقلد الاسلوب الغربي لكن بتوقع انه أفطن انه ده هيكون له تأثير سلبي لانه كان هايفتقد النقطة اللي الناس حبته من خلالها وتراجع عن الاتجاه ده وكان مصيب

أنجح الفنون دائما اللي بتكون نابعه من الشعب وبدون أي تكليف وبها من البساطة ما يشعر المتلقي انه يرى نفسه فيها بدون تجميل او تكليف

لذلك استمر منير الى الان

بعكس غيره كمحمد الحلو والحجار اللي كانو مصرين انهم يستمروا في الشكل الكلاسيكي للاغنية

[pink rose]

منير دا حاجه تانية حاله متفردة لوحدها كده ما اعتقدش انها هاتحصل تاني

اظن اللي خلى منير لحد دلوقتي زي ما هو من يوم ما طلع و شعبيته بتزيد كل يوم اكتر من التاني

انه ما غناش على خط واحد بس لا التنوع اكتر حاجه بتميزه عن كل الناس الموجودة حاليا و اللي كان طالعين معاه

يعني كله تلاقيه ماسك في الحب و العشق و الغرام و الخيانة و خلاص على كده

لكن منير غنى لكل حاجه تقريبا

عاطفي و وطني و فلكلور و نوبي اللي ما حدش مننا فاهم منه حاجه

يعني مثلا اغنية يا امو المريلة الكحلي انا كنت حاسة و انا صغيرة انه بيغنيهالي انا بجد يعني مثلا وصفه لمسكة الكتب

انا كنت باشيل كتبي كده باحضنها فعلا زي ما هو وصف كانه كان شايفني و بيوصف

اغنية من اول لمسة ايه دا ايه الحلاوة و الجمال دا اغنية وهمية باموت فيها

حتي الاغنية اللي غناها بالنوبي عملها كليب عسول اوي بتاع الولاد الصغيرين

و لا في عشق البنات بقى دي حكاية لوحدها

و اغنية لما النسيم ايه الرقة و الاحساس دا

لا بصراحة لو فضلت اتكلم عليه مش هانخلص

فكرتوني لما اشغل اغنية الليلة يا سمرا بتفكرني و انا بنوتة صغيرة ماشية في محطة الرمل باكل ايس كريم و كانت كل المحلات وقتها مشغلاها و كنت منسجمة اوي

ايييييييييييييه ايام :happy:

تم تعديل 19 فبراير 2010 بواسطة remo