كلام منير - كلمات أغاني محمد منير

[احمد هادي]

ألف لأ ولأ ولا علي دمعة ف عيونك أو آآه

دانتي الحقيقية اللي اتكتبت

وانتي السما وقت ما شدت

وانتي اللي حضنك متشتت

ورا قلب يوهب له في حياة

عمرك ده راسمه علي كفوفي

أبص له يهرب خوفي

ألمح حروفك وحروفي

بتنادي قلبي يبوح بهواه

ألف لأ ولأ ولا علي دمعة ف عيونك أو آآه

ما يهمكيش صوت الأحزان

لو وشوشك أو هد حيطان

لسه الأمل مرسى الحيران

لو غاب نهاره في لحظه وتاه

ألف لأ ولأ ولا علي دمعة ف عيونك أو آآه

وإن ضاع زماني وفاتني وحيد

قابل أكون شاهد وشهيد

شهيد من الشيب والتجاعيد

شاهد علي فجرك في سماه

ألف لأ ولأ ولا علي دمعة ف عيونك أو آآه

[Cleo]

ممكن من فضلكم كلمات أغنية "سيا واه" ؟؟ :unsure:

[واحد تاني]

الى الرفيق... احمد هادي

رفيق الكفاح المنيري التنويري التقدمي :unsure:

مش جرئ

من حبك مش برئ

وف حبك مش جرئ

مع إني والله بحبك

حب بحق وحقيق

ان جيت أكلمك

ارجع وانا كلي خوف

وان قلت أكتب رسالة

تهرب مني الحروف

قالك إية الغرابة

قالك تنسي الكلام

لو تسهر ما تنام

في الليل فكرك يطوف

والنوم خطوف خطوف

تبقي ع البر لسه

وتقول يا ناس غريق

وصوتك هزني

غير لون الزمان

بعد الغربة الطويلة

لقيت ف الصوت مكان

ايه أخرة السكوت

دا عمري لو يفوت

يا قلبي راح تموت

قدمت خطوتين

يا صوتي رحت فين؟

تاهت عيني ما شايف

الناس ولا الطريق

من حبك مش برئ

وف حبك مش جرئ

مع إني والله بحبك

حب بحق وحقيق

تحميل الأغنية

يتبع ...

[احمد هادي]

انا عمر عيني...... عيني يا عيني

عمر عيني ما دمعت.... إلا علي....علي كل شيء غالي

وانتي يا عمري

ضحكة عمري ..... وانتي اللي باقيالي

انا اتعودت لو حبيت ..... أآمن ..أشتري ...أوفي

وعمري ف لحظة ما اتمنيت ..يطيب دمعي غير كفي

انا اخترت اني اعيش ليكي

وسبت حياتي في إيديكي

مقلتش نفسي أو كفي

حبيبتي الحب مش احلام ....ولا قصة ولا حكاية

وشاهده الدنيا والايام .......علي كل اللي جوايا

يا أول قلب حبيته

وأكتر حب حسيتة

يا أحلي بداية ونهاية

انا عمر عيني...... عيني يا عيني

عمر عيني ما دمعت.... إلا علي....علي كل شيء غالي

وانتي يا عمري

ضحكة عمري ..... وانتي اللي باقيالي

تم تعديل 13 يونيو 2006 بواسطة احمد هادي

[واحد تاني]

الى الرفيق ... محمود الشاعر :unsure:

وسط الدايرة

وسط الدايرة يا أجمل نايرة

خلي قلوبنا تطير

وارحلي بينا فراشة حنينة

بين زينات وعبير

ولما الخصلة تدور طربانة

تبقي حرير في حرير

فرحي خلق الله واتّنّي ياشبه القمرة

وارقصي رشي عبيرك فينا وفتحي يا زهرة

أرقصي زيدي الساحة سماحة

نحن معاك نشيل

نغني غناوي ..نحكي حكاوي

لما ندوب في الليل

لا ترتاحي لا تريحينا

لسة الوقت طويل

عمرك كل فرح يا زينة

شيلي من الأفراح وادينا

راقصي البسمة راقصي النسمة

خلي الموجة تدور بينا

أوعي تهدي

كمان اتحدي

يلا جميلك تمي علينا علينا

توزيع خاص

تحميل الأغنية

يتبع ...

[احمد هادي]

ساح يا بداح

ساح يا بداح يا سؤال جراح

ما الذي كان ومعدش وراح ؟

قمر إختفي ؟

انطفي وانكفي

نهر ما بلش حتي الريق

وآه يا براح

آه يا براح عمال بيضيق

صبح وزي الصبح التاني

ليل ملضوم في الليل التاني

وانا مش رايح

أن مش جاي

أنا مش واقف حتي مكاني

وآه يا براح

آه يا براح عمال بيضيق

إيه اللي اتكسر ؟

عقد اللولي ولا المرمر ؟

طول العمر العسكر عسكر

بس الناس .....الناس كت ناس

وكان الحلم في قلبي براح

وساااح يا يا بداح

ساح يا بداح يا سؤال جراح

[واحد تاني]

كلاكيت تاني مرة... لمحمود الشاعر

أفتح زرار قميصي

أفتح زرار قميصي

للنسمة و للأماني

و أنور فوانيسي

و أملى العالم أغاني

باغني للسعادة

وباغني للرضا

والغنوة كل ما ده

تعلا وتملا الفضا

أه يا هوى ياسيسي

إنت لساني وحصاني

بافتح زرار قميصي

واملا العالم أغاني

باغني للحقيقة

و باغني للانسان

و غنوتي الرقيقة

بتنور لي الزمان

أه يا هوى ياسيسي

إنت لساني وحصاني

بافتح زرار قميصي

واملا العالم أغاني

تحميل الأغنية

يتبع ...

[احمد هادي]

الى الرفيق... احمد هادي

رفيق الكفاح المنيري التنويري التقدمي :unsure:

اليك انت يا صديقي العزيز

والي كل عشاق فن منير

ومش لأي حد تاني

انتي فرحي اللي عاش يا عينيا

وانت بكرة اللي غير فيا

وانتي.... دانتي اللي خايفة عليا

يااااه.......للحنان بشتاق

في عيونك كلام يندهلي

في عيونك رأيت أحلام

دا الحلم الجميل موصوف لي

يخطفني أوام

في شفايفك ده لون مرسوم لي

والبسمة اللي حاضنه هواه

انا عاشق كلامك كلي

يخطفني أوام

انتي فرحي اللي عاش يا عينيا

وانت بكرة اللي غير فيا

وانتي دانتي اللي خايفة عليا

يااااه.......للحنان بشتاق

تاني ........هنعيش الحب تاني

وهاروقلك زماني

ونعيش نفس الحنان

ليلة .......... وحنحلم كل ليلية

ورا الف وألف ليلية

ونغير في الزمان

انتي فرحي اللي عاش يا عينيا

وانت بكرة اللي غير فيا

وانتي دانتي اللي خايفة عليا

يااااه.......للحنان بشتاق

[واحد تاني]

مرة كمان ... ابوحميد

عشان اللى عاوز يسمعها ...

المريله الكحلي

يا بنت يا أم المريله كحلي

يا شمس هله وطله م الكوله

لو قلت عنك في الغزل قوله

ممنوع عليا ولا مسموح لي ؟

انا احب أقول الشعر في الحلوين

والحلو أقوله يا حلو في عيونو

ولو ابتديت بشفايفك النونو

ما يكفينيش فيهم سبع دوواين

راحو الصبايا والصبايا جم

أجمل ما فيهم مين غير بنتي

واجمل ما فيكي يا بنتي إن انتي

في عينيكي نني فيه حنان الأم

يا ملاك يا جنيه يا ست الحسن

يعجبني توهانك في احلامي

يعجبني شد الخصر بحزامك

يعجبني أخدك للكتب بالحضن

يا بنت يا أم المريله كحلي

يا شمس هله وطله م الكوله

لو قلت عنك في الغزل قوله

ممنوع عليا ولا مسموح لي ؟

تحميل الأغنية

يتبع ...

[احمد هادي]

يا سلام يا معلم واحد تاني

مش عارفين من غيرك كنا عملنا ايه :unsure:

لو تتحفنا باغنية أشكي لمين واحكي لمين

بس النسخة القديمة

مش الجديده التعبانة بتاعة فيلم أحلي الأوقات

وخد دي مني

وسمعها لكل حبايبنا الحلوين

الحكام العرب

يا معلقين ع المراجيح والحبل مستورد فاخر

ليلتنا فاتت زي الريح ماهو كل حاجة ولها آخر

بس الحيقيقة المذهلة ان الجميع في سلسلة

فوق الرقاب يا معلمين احبال قطيفة مدلدلة

أصل الخواجة ابن ماريكا لما بيدخل حواريكا

يا اما يخدك في بطاته يااما يابني ها يإزيكا

حاكم الخواجة ابن ماريكا هو اللي بدع الشيكا بيكا

تدخل قفاه عابز تلعب هيرقصك سامبا وسيكا

افتح عيونك فنجل جلجل جلجل لكل من جة يتحنجل

اصل الجراد أشكال والوان حاطط علي الأخضر بيحش

له ألف ماركة وألف دراع وكل يوم بيبدل وش

يابن العرب ياللة يا ويكا إعرف بقي من اعاديكا

دانتا إذا كفوفك ضمت ماحد يقدر يساويكا

افتح عيونك فنجل جلجل جلجل لكل من جة يتحنجل

اصل الجراد أشكال والوان حاطط علي الأخضر بيحش

له ألف ماركة وألف دراع وكل يوم بيبدل وش

[واحد تاني]

اهداء للأستاذ ... عصفور طاير

شجر اللمون

كام عام؟!

ومواسم عدوا

وشجر اللمون

دبلان على أرضه

وفينك..؟

بينى وبينك..

أحزان ويعدوا

بينى وبينك..

أيام وينقضّوا

وشجر اللمون

دبلان على أرضه

وفينك..؟

أنا من غيرك

أنا مش عاقل ولا مجنون

أنا مطحون

والدنيا دي رحاية

وقلبي حب الحب

وحبابي عيونك

ليه كل شئ

بينسرق مني

العمر م الأيام

والضي م النني

وكل شئ

حواليا يندهلي

جوايا بندهلك

يا ترى بتسمعلي؟

وفينك..؟

بيني وبينك

أحزان ويعدوا

بينى وبينك

أيام وينقضوا

وشجر اللمون

دبلان على أرضه

شجر اللمون

دبلان على أرضه

الاستماع للأغنية

يتبع ...

[Cleo]

ومش لأي حد تاني

:unsure:

ولو... برضه عاوزة كلمات "سيا واه" :P

[واحد تاني]

بالدوووور ... :unsure:

لسه هتيجى فى الركن النوبي... :P

هي وكدودا والله لون يا لون و واشري

نكمل بكرة بقى ان شاءالله ركن مصر ومن بعده غربة...

[Cleo]

سووووه يا سووووووه

حبيبى حبسووووووه

حبيبى عاوزله سكر

ومنين أجيبله سكر

باب الحكومة مسكر

حبسونى وحبسوووووووه

سووووه ياسووووووه

حبيبى حبسووووووووه

حبيبى عاوزله مراية

ومنين أجيبله مراية

دول عرفوا بالحكاية

وحبسونى وحبسوووووووووووه :unsure:

سووووه ياسووووووه

حبيبى حبسووووووووه

حبيبى عاوز ياسمينة

ومنين أجيب ياسمينة

دول علوا السور علينا

وحبسونى وحبسووووووووووووه

(أغنية من قسم الخليفة :P )

[nancy]

بنتولد.. طاهرين

بنتولد.. شبعانين

بنتولد.. متلهفين على صدر ام وكتف اب مرتاحين

بنتولد ..باقين

بنتولد .. مش عارفين

بنتولد..مش خايفين واسمنا فى درب الحياة بنى ادمين

بنتولد .. دفيانين

بنتولد..صافين

بنتولد..صدقين كما زرعة خضرة فى ارض طين

فى ارض طين... فى ارض طين

زرعة حصدها حصاد عمر السنين

الحلم..والمر ..والطيب ..والحزين

بنتولد .. مش دارين بى الرايحين والجايين

نكبر وتكبر بينا اعمار السنين

ونكره السنين وتكرهنا السنين

ونجرح البشر ونجرح نفسنا ... مع اننا

بنتولد.. طاهرين

بنتولد.. شبعانين

بنتولد.. متلهفين على صدر ام وكتف اب مرتاحين

برضة حد غيرى ينزل الاغنية لانى شاطرة اوى :unsure:

[Tafshan]

انا عايز اغنية النيل :unsure:

بتاعة :

و لا بيوصل ...

و لا بيروح ...

و لا بيرجع و لا بيلف :P

النيل سؤال و مازال

ماجاش عليه الرد ...

كما انت بقى ;)

[واحد تاني]

استكمالا لما بدأناه في ركن مصر - وطن

وبعد اتكلمي - شمس المغيب - هيلا هيلا

و تلبية لطلب طفشان اللى من نفس ركن مصر - وطن

نسمع ... النيل

هذا ويسعدنا تلقي جميع طلباتكم في هذا الركن طوال اليوم

النيل

ولا بيوصل

و لا بيتوه

ولا بيرجع

ولا بيغيب

النيل سؤال

و مازال ماجاش عليه الرد

من قد ايه و لفين

ماقالش عمره لحد

ولا بيوصل

سهران يوشوش ناي

و الحلم رايح جاي

قباله ع الشطين

بيحب صوت الناس

وغنا البنات بالليل

بيكرة الحراس

لما تدوس بالخيل

ولا بيوصل

تفوت ايااام

تموت احلام

تعدي شهور

تدور الارض والدنيا

وهو يدور

و لسه بيجري و يعافر

و لسه عيونه بتسافر

ولسه قلبه لم يتعب

من المشاوير

تحميل الاغنية

يتبع ...

[yasovinas]

اسجل حضور ومتابعه واشاده بالمجهود الرائع للشباب :P

معلش :unsure: اصل انا لغاية محمد منير ;) وبتتوقف عندي كووول المهارات ;)

اسمع واستمتع وبس

[محمود الشاعر]

أهداء لمحبي السهر

الناس نامت

الناس نامت الا اي

واقف ليه فى الشباك

بستنى اليوم الجاي

يمكن يسقينا الشاي

يمكن يعطينا الناي

انا اد الهوى وادود

لو حتى الهوى نساي

واقف بتغني لمين

لحببتي و للاطفال

طب بص ورا الفتارين

شايف مهرة وخيال

يمكن يسقينا الشاي

يمكن يعطينا الناي

انا اد الهوى وادود

لو حتى الهوى نساي

البيت بيضيق و يضيق

لكن انا قلبي براح

باصص على مين يا صديق

على طفل معاه مفتاح

يمكن يسقينا الشاي

يمكن يعطينا الناي

انا اد الهوى وادود

لو حتى الهوى نساي

هل كنت فى يوم غدار

انا نهر من الاوتار

طب من زرع الاشعار

انا زارعه احواض احواض

يمكن يسقينا الشاي

يمكن يعطينا الناي

انا اد الهوى وادود

لو حتى الهوى نساي

الاتي نيات وجريح

الاتي حصان مطلوق

قلبك تعبان من الريح

لكن مستنى شروق

يمكن يسقينا الشاي

يمكن يعطينا الناي

انا اد الهوى وادود

لو حتى الهوى نساي

تحميل الاغنية

[Tafshan]

استكمالا لما بدأناه في ركن مصر - وطن

وبعد اتكلمي - شمس المغيب - هيلا هيلا

و تلبية لطلب طفشان اللى من نفس ركن مصر - وطن

نسمع ... النيل

هذا ويسعدنا تلقي جميع طلباتكم في هذا الركن طوال اليوم

عاجزين عن الشكر يا فندم :wub:

اسجل حضور ومتابعه واشاده بالمجهود الرائع للشباب :wub:

معلش :rolleyes: اصل انا لغاية محمد منير :wub: وبتتوقف عندي كووول المهارات ;)

اسمع واستمتع وبس

كنت كاتب عن تاريخ منير في الموضوع بتاع هيدبارك .. لو لسه عندك يا ريت تكتبه هنا