عودٌ حميد يا نورا

[se_ Elsyed]

الحمد الله على عودة اختنا نورا من غيبتها الطويلة

وربنا يتمم لك بخير وتتجوزي - علشان نبقى خلصنا من واحده من الأعداء - وعقبال اللي في بالي ..

نورا كتبت

الجواز كمان 5 الي 6 شهور

يالله هايعدوا هوا وتقولي الله يرحم أيام العزوبية واكل الفول والطعمية ...

جميع عشار وقبائل س س بمصر وبلاد المهجر ترسل أجمل التهاني وأحلى الأمنيات لعائلات نورا بالكويت وداركر بأستراليا وعم عبدو بمصر بمناسبة قرب زواج إبنتنا نورا ...

وأحب أسمع أغنية فريد قبل ما يبقى أطرش " نورا نورا يا نورا ... ترالاملم "

[nora]

شكرا شكرا ليك يا سس انا والله رغم الانقطاع الطويل ده الا اني كنت بدخل و بقرأ المدخلات كلها بس كنت مشغولة اوي لدرجة اني حتى مش قدرة ادخل اضيف رد على اي حد :o

كنت عيزة اقول اني بجد وقعه في حيرة شديده وغير كده حسيت اني لازم ابعد شوية عن المنتدي معرفش بس تقريبا كل الي هنا ميعرفنيش او يمكن كمان نسيني او يمكن ......... ما علينا اكيد كنت قلتم احنا مصدقنا خلصنا منها اية الي جبها تاني عموما انا موجوده تحت النظر بس اول جزر هاجي علطول :o :o

[فــيــروز]

الف مبروك يا نورا :o :o :o

يا رب يتمم لك بخير يا رب و تجيبى لنا كتاكيت صغيرين ينوروا المنتدى هما كمان :o :)

[se_ Elsyed]

الرجاء من الاخ س س الإلتزام بالتوبيب الصحيح للمواضيع ..

وموضوعات التهاني والحاجات دي مكانها في باب الخدمة الإجتماعية ...

س س مشرف 3 بيبان

حاضر حاضر ماتذوقش ..

نداء إلى الأخوة المشرفين اللي عندهم صلاحيات النقل والتموين ... إنقلوا الموضوع ده إلى مكانه الصحيح ...حـــول

س س عضو عامل وطالع في الفيلم بشخصيتين

[الأفوكاتو]

الأخت نورا,

حمد الله بسلامة العودة,

و إذا جاءت الملائكة, ذهب الأفوكاتو trch:

[DARWEEN]

فينك من زمان يانورا حمد الله على سلامتك

وحشتينا ووحشتنا القطط

وألف مليون مبروك وربنا يتمملك بكل خير

[nora]

:angry: swar:: non:: :angry:

الله يسلمكم الحمد لله على الاقل في حد لسة فاكرني عملين اية

انا الحمد لله كويسة في الشغل اية اخباركم كلكم انا وخده بالي ان الموقع في تطور ممتاز

[Salwa]

الف الف مبروك يانورا ..

وربنا يتمم بخير .......

ويجعل ايامك كلها سعادة ووئام ...

[Lancelot]

ألف ألف مبروك يا نورا .... و ربنا يتمم بخير ...

[nora]

الله يخليكم كلم انا الحمد لله اديني بجهز الايام دي لو في حد يقدر يفكرني بحجات مهم او وحتى ينبهني لحجات اعمل حسابي اجبها يبقى يقولي اصلي اول مرة اتجوز ha) ups: ha)

هديكم حتت شعر اخير كتبته انما اية نمد من الي قلبكم يحبة :) mfb:

[se_ Elsyed]

أهم حاجة تشتري للعريس البيجاما الحمرا اللي بيستقيل بيها الضيوف ... إي نعم ماشوفتش ولا عريس لبسها قبل كده لكن هانعمل أيه عادات وتقاليد متوارثة ..

لدرجة إني لحد دلوقت بأقول لزوجتي " يعني لو كنتي إديتيني ثمن البيجاما بتاعت الإعدام دي في أيدي وروحنا كلنا بيهم وجبة كنتاكي 3 قطع مع السلطات مش كان أحسن ماهي مرمية في الدولاب لحد ما العته هاتأكلها ؟ "

يالله بقى ماعدش ينفع الكلام دلوقت ...

وماتنسيش تخبي قطة من بتوعك في أي شنطة بحيث تدبحيهاله أول يوم عشان يخاف منك ويقول إن نورا دي شرانية ويمشي بعدها جنب الحيط ..

كمان ماتنسيش حبال الغسيل والمشابك والسواطير والأكياس البلاستيك ( عشان اللحمة والفراخ مش حاجة تانية )

وكفاية بقى احسن دموع الفرح هاتفرفر من عيني

[nora]

ha) wst:: متخفش انا بدأت اتمرن علشان اكسر الدنيا مش بس ادبح القط fsh:: fsh::

بس على فكرة انا مشيت القطط خلاص من زمان ;) mf(

;) ;) بس اشمعنا صحيح بجامة الإعدام دي :)

هو في عادات غريبة منها حلت الوفاق اعتقد ده اسمها اية حكايتها وتحتوي على اية بالضبط f((: f((:

الحاجة التنية انا لسة مجبتش العفش mfb: ups: ودي مشكلة مديقاني اوي mc:

بس اهو جبت الكهربا كلها فاضل التلاجة والبتجاز والعريس موجود :P ;)

بس ايه رايكم في الي انا فية ha)

[se_ Elsyed]

  بس اشمعنا صحيح بجامة الإعدام دي

زي مانتي قولتي هي عادات باليه مش أكتر ... يعني فيها أيه لو كانت جلابيه او ترينج مثلاً ؟.. أيه خلاص العريس هايقول مش هاتجوز ؟

هو في عادات غريبة منها حلت الوفاق اعتقد ده اسمها اية حكايتها وتحتوي على اية بالضبط

يعني عايزة عريس وعروسة يروحوا بيتهم بعد الفرح ما يخلص وتروح العروسة لابسه الحتة الكستور ورابطه دماغها بالمنديل وتدخل تطبخ له لقمه يتعشى بيها ؟ اما حاجة غريبة

عقبال عندك حلة الوفاق دي اللي بتجزها مامة العروسة وتحتوي على ما لذ وطاب من المأكولات الشهية والمشمر والمحمر اللي يكفيهم يومين تلاتة وطبعاً أولاً عشان يتعشوا يا كبد أمهم لأنهم بيكونوا طالع عينهم في الفرح من مخمطة وسلام على اللي رايح واللي جاي ..

واما ليه سموها حلة الوفاق : ده علشان العريس لو ماعجبوش الأكل يقوم باعت العروسة بفستان الفرح لبيت أهلها وهي لابسه الحلة لأن ماحصلش وفاق بينهم ... فخلي بالك الله يكرمك إن شالله تشتريلوا كنتكاي 3 قطع مع سلطات وتحطيهم في الحلة واكنكم إنتوا اللي طبخنها ..

الحاجة التنية انا لسة مجبتش العفش ودي مشكلة مديقاني اوي

تعرفي يا نورا طالما الفلوس متوافره ومش هاتشتروا حاجة بالتقسيط clp:: clp:: ممكن بعون الله تجيبوا كل العفش في يوم واحد - أنا عن نفسي عملت كده - كانت أجازتي لمدة شهر واحد فقط ونزلت دمياط بالعربية أنا وزوجتي اللي كانت خطيبتي في هذا الوقت ووالدها واخويا الكبير ومعايا واحد نجار موبيليا أثق فيه وهناك مئات المحلات المشهورة وذات الجودة العالية والأذواق اللي تجنن .. وقعدنا من 9 الصبح لحد بعد العشا وإشتري وأدفع يا جدع وإشترينا كل حاجة وعربية العفش حصلتنا على القاهرة .. وسلامو عليكم وخلص الفيلم ..

بس بصراحة كانت رحلة ممتعة وهاتشوفي اللي عمرك ماشوفتيه وماتنسوش لو روحتوا تأكلوا سي فود من هناك وإلا ماحدش هايرضى يبيعلكم fsh::