عرى النساء فى مجتمع ينحل

[ابو محمود]

منذ عدة ايام كنت راكباً في أحد الميني باصات في طريقي إلى مشوار عمل وكان بجواري شخص أخذ طوال الطريق يعطيني محاضرة عن النخوة والرجولة وكيف يكون الرجل حازماً في بيته، وأخذ يبدي استياؤه من العري في الشوارع وحال النساء وملابسهن، فتخيلته "سي السيد" في بيته، لكن! فجأة وبدون مقدمات التفتت إليه السيدة الجالسة أمامنا وقالت له (يلا يابابا علشان ننزل؛ وصلنا بولاق!)، وكانت زوجته ومعها ابنتها ذات الثمانية عشر ربيعاً، وعلى الرغم من وجود غطاء الرأس إلا أن التنافس كان واضحاً بين الأم وابنتها على التفنن في إظهار مفاتن أجسادهن، فتشتت ذهني لهذا الازدواج في الشخصية، وهذا الضعف من الرجال، وأيقنت أن هناك فرقا كبيرا بين المعرفة والتطبيق، ،،،،،،،

نريد أن نتخيل مشاعر الأب وابنته نازلة أمامه بثياب تكشف أكثر مما تستر اشتراها لها بنفسه؛ ألا يغار على محارمه؟.

وإذا تحدثنا بالمنطق النفعي فإن النظرية النفعية تقوم على التساهل في أمر لجلب منفعة من وراء هذا التساهل، فأي منفعة سيجلبها عري المرأة على زوجها أو أبيها؟ إلا إذا كانت عيناهما ستنتفعان بمشاهدة عري الأجنبيات مقابل انتفاع الآخرين بمفاتن محارمهم المكشوفة للعامة.

كنت اسكن سابقآ بمنطقة متوسطة اثناء شبابى وكنت اضع على واجهة باب الشقة مرآة بحجم ضلفة الباب ومنتصف الضلفة عين سحرية وكان هذا من 20سنة وكانت فى الدور الاعلى بنت تذهب الى المعهد لكنى فؤجئت مرة انها تنزل من بيتها بصورة وعندما تصل الى باب شقتى تختلف الصورة فترفع الأيشارب وتضع روج والوان للخدود ومسكرة رموش وكل هذا فى دقائق معدودة فأين الاب والام التى تراقب وتخبر الاب ؟؟؟

انها مأساة كبرى يعيشها المجتمع ولها اسبابها ؟؟؟؟

هل هو ضغط الإعلام وتعزيزه لثقافة العري بحيث تألف العيون مشاهد العري في المجتمع؟ وإذا كان فهل هذا كاف لوأد نخوة بعض الرجال في مصر؟.

هل استحلال بعض الرجال في مصر للمال الحرام جعل الأب أو الزوج إمرأ سوء فتعرت سوآت نسائه؟.

وبعيدآ عن التحفظ والدين ... ماهو السر لظاهرة العرى النسائى فى مصر وخنوع الرجل

اليس من الثوابت لكل قاعدة الشاذ منها

كلما ظهر العرى فى مجتمع محافظ متدين ظهر الغلو فى التحشم والعفة فنرى الايام هذة تنتشر موجة النقاب ومن ثم التشدد فى احتشام الكثير من النساء فكيف نخرج من تلك القضية بدون ان نخسر الجانبين فهل من خلاص كى تحتشم المرأة او بالاحرى لا يظهرن مفاتن اجسادهن بطرق شتى

وأختم حديثى معكم بقول رسول الله

صلى الله عليه وسلم يقول "لا يدخل الجنة ديوث، قالوا: ومن الديوث يا رسول الله؟ قال: الذي لا يغار على محارمه" رواه الإمام أحمد.

[عاشق الترحال]

عارف يا أستاذ محمود اللى بيفكر بأسلوبنا ده الوقتي بيبقى متخلف ورجعي ومتطرف و ممكن إرهابي كمان .

الصبح قبل ما أقرأ موضوعك كنت بافكر في نفس الموضوع ده

ولقيتني بقول لو كان معاداة العري والقباحه هي دي الرجعيه والتخلف فأنا هاعتبر نفسي في الصف الأول من الرجعيين والمتخلفين .

لما تبقى الواحده اللي ماشيه على حل شعرها وعريانه هيا اللي عالموضه ورمز للتقدم والتحضر وتبقي المرأه المحتشمه هي اللي رجعيه ومتخلفه فأهلاَ ومرحبا بالرجعيه والتخلف

هل الغيره مرتبطه بالدين بس ؟؟؟

ولا الغيره بتبقى مرتبطه بالرجوله والحياء ومعرفه العيب زي ولاد البلد الجدعان والناس الشرفاء اللي عندها أصل وعرض وأخلاق ؟؟

[MZohairy]

بما انك دخلت في الموضوع يا عاشق يبقى دي دعوه قويه لدخولي ايضا

كان فيه موضوع قديم للعم ابو محمد عنوانه هناك 179 درجه بين الصفر و ال 180

يعني اذا ماكنتش 180 درجه فمش شرط ابدا تكون صفر

المهم.......

رأيت في مصر كم كبير جدا من المحجبات مما يعني ان العري ليس منتشرا كما يزعم البعض و لله الحمد

ثانيا اذا كان هناك بعض العري فهو ليس في مصر فقط

بل في كل مكان

الأهم من ذلك هو انه ليس هناك اتفاق بين البشر على كلمة العري

فمن يعتقد بوجوب النقاب مثلا يرى المحجبه فقط (بدون تغطية الوجه) عاريه

و من يعتقد بوجوب الحجاب فقط يرى الغير محجبه (و ترتدي ملابس محترمه) عاريه

و من لا يعتقد بوجوب الحجاب يرى من ترتدي الميني و الميكرو جوب عاريه

و هكذا حتى نصل الى ان من ترتدي المايوه القطعه الواحده ترى المرتدية للمايوه البكيني القطعتين عاريه

و بالتالي اذا لم نصل الى تعريف محدد لكلمة العري (المنتشر في مصر حسب الزعم) فإن النقاش لن يصل الى اي نتيجة

شكرا

[محمد الششتاوي]

بسم الله الرحمن الرحيم

قال صلى الله عليه وسلم

من يرد الله به خيرا فليفقهه في الدين

بالنسبة للرجال اللي حضرتك ذكرتهم واللي حضرتك قلت عليهم ماعندهمش نخوة هم مش شايفين نفسهم كده نهائي

هم شايفين الحاجات دي عادي وان ماكنتش عادي هتبقى اقل من العادي بقليل

وده لسببين رئيسيين

الاول انهم مايعرفوش الحكم الديني للحاجات دي او يعرفوا ويتكابروا

الثاني ان ايمانهم بالله ضعيف وده اللي بيخليهم يكابروا لما dعرفوا حكم ديني معين في شيء لا يروق لهم حكم الدين فيه

انا شايف ان التفقه في الدين نعمة كبييرة ربنا بينعم بيها على من يحبه

لكن هل التفقه كاف عشان الانسان يعمل اللي عرفه .. اكيد لا

انما الايمان بالله والشعور بمراقبة الله للشخص في كل لحظاته والخوف دائما انه يغلط ويغضب ربنا

الايمان يزيد وينقص

ممكن يكون ايمان شخص النهاردا قوي ويفكر في كل كبيرة وصغيرة من افعاله ما اذا كانت تغضب الله ام لا

وممكن بعد فترة يضعف ايمانه ومايفكرش في ربنا حتى ولو هو عارف الاحكام

لكن تخيل حد اساسا مش عارف احكام دينه

يعني الراجل اللي كان بيتكلم عن النخوة ده اعتقد انه اصلا مش عارف حكم الدين في ظهور بنته وزوجته بهذا الشكل

وده بيفكرني بالحاجة فيفي عبده لما بتروح تحج وترجع على صالات الرقص والله اعلم ممكن تعمل اتفاقات اثناء الحج ولا تشعر نهائيا بما ترتكبه

طبعا جهلها في حاجات كبيرة زي دي مايعفهاش من الاثم او مايعفهوش من الاثم

فالجهل بأحكام الدين من ناحية وضعف الايمان بالله من ناحية أخرى يسببان بارتكاب أكبر الاثام وترى صاحب الاثم يرى انه تماما على صواب

ومن قوي ايمانه وارتكب ذنب أو اثم فلا يكون مرتاح البال الا اذا شعر بانه كفر عن ذنبه ... مش يتباهى بما ارتكب كالنوعية اللي حضرتك ذكرتها او كالنساء اللي بيتاباهوا بجسدهن

وأي بنت عارفه الاحكام وايمانها قوي لن تكون مرتاحة البال اذا تعرت ولن ترتاح البال الا اذا شعرت بأنها بالشكل اللي يرضى الله وحبها له

شكرا

[shiko]

...شكرا لسيادتك ا/محمود...

على مداخلاتك الكريمة ..والتى تجوب بها انحاء المنتدى

برحابة صدر...وانها لتحمل فى طياتها ..مغزى وفكر لكل لبيب متعقل

بدء ذى بدء ...كلنا لا ينكر ابدا ...حديث الحبيب المصطفى اذ قال ( صنفان من أهل النار لم أرهما … قوم معهم سياط كأذناب البقر يضربون بها الناس ، ونساء كاسيات عاريات مائلات مميلات ، ....إلى اخر الحديث)صدقت يا سيدى يا حبيبى يا رسول الله...

فقد اخبرنا الرسول عليه الصلاة والسلام ...بالكاسيات العاريات ..منذ مئات السنين

ولفظ كاسيات عاريات ، يحتمل معنيين هما :

الأول : أنهن يغطين بعض جسدهن ويكشفن البعض الآخر فهن كاسيات جزء وعاريات جزء آخر ، فهن كاسيات عاريات في نفس الوقت ..

الثاني : أنهن يلبسن ثياباً شفافة ، أو ضيقة ، أو قصيرة ، وتظن إحداهن أنها كاسية قد أحسنت صنعاً ، وما هي إلا عارية قد أساءت لنفسها ودينها ..

واسأل الله ..لبناتنا وبنات المسلمين ..التوبة النصوحة

ولكنى ...واظن ذلك وصحح لى ..ان كنت قد اخطئت ...لمست من خطابك ..انك ..لا تتناول قضية العرى ذاتها ..بل تناولت الموضوع من جانب اهم ...وهو نخوة الرجال وغيرتهم على نسائهن

واعتقد ان ذلك هو محل النقاش والمبتغى من موضوع سيادتكم ...

تحياتى ..فقد اصبت الهدف...فهذا هو مانفتقده..فى حياتنا الان فحدث ولا حرج "طبعا الا من رحم ربى"

فى نهاية حديثى ...اود لو اشرت إلى مداخلة الاستاذ/عاشق الرحال..والتى اوجزت كل ماصح ودل فيه مقالكم

[Abu Reem]

الأهم من ذلك هو انه ليس هناك اتفاق بين البشر على كلمة العري

فمن يعتقد بوجوب النقاب مثلا يرى المحجبه فقط (بدون تغطية الوجه) عاريه

و من يعتقد بوجوب الحجاب فقط يرى الغير محجبه (و ترتدي ملابس محترمه) عاريه

و من لا يعتقد بوجوب الحجاب يرى من ترتدي الميني و الميكرو جوب عاريه

و هكذا حتى نصل الى ان من ترتدي المايوه القطعه الواحده ترى المرتدية للمايوه البكيني القطعتين عاريه

و بالتالي اذا لم نصل الى تعريف محدد لكلمة العري (المنتشر في مصر حسب الزعم) فإن النقاش لن يصل الى اي نتيجة

شكرا

اول ما قرأت عنوان الموضوع..توقعت أنه من كتابة الأخ الفاضل/ محمود مصطفي ...وصدق توقعي

وايضا توقعت أن أجد مداخلة للأخ الفاضل..زوهيري ..وصدق توقعي....

ليه مش عارف...المهم هذا اللي حصل

- نرجع لاجابة السؤال..الذي طرحه أخونا زوهيري...وأعتقد أنه مفروض يكون عارف اجابته..لأنه مش معقول يعني هو مش عارف لحد دلوقت...ما هو تحديد لكلمة العري...رغم اختلاف المفاهيم...أو أنه بيطرح سؤال..فقط من أجل إطالة الموضوع..!!! على العموم..هظن به خير ,, واقول له

ببساطة وكالعادة طبعا في اي موضوع..يحدث به اختلاف في المفاهيم..على طول ياعزيزي زوهيري اجدك ..تفكر في اختلاف المفاهيم بيننا وبين العالم كله...وبيننا وبين كل العقائد والملل والمذاهب والمجتمعات والعادات..

نحن نتكلم عن مجتمع عربي ..مسلم....

هل نحن لا نعرف ما هو العرى ...(((((بالنسبة لنا ..كمجتمع عربي شرقي..متدين....سواء غالبية مسلمة..وأيضا يحتوي على مسيحين..لهم دين يحث على الفضيلة ..والتحشم ))))

فقط ارجع للعديد من الأحاديث..وارجع للعديد من أقوال العلماء..( اختار من تثق فيهم أنت ) ستجد مفاهيم العرى واضحة ...والمقصود من الموضوع ايضا ليس العرى فقط ..لان المثال الذي طرح قد يكون به اشارة الى ملابس ..ليست محتشمة ..قد يكون جينز ضيق يبرز تفاصيل الجسم...مثلا...او ملابس شفافة..

وهناك موضوع به عشرات الصفحات عن زي المرأة المسلمة....طالما صاحب الموضوع يتكلم عن أمراة وزوجها المسلمين..وكما تعلم لا يوجد خلاف كبير حول هذا الأمر (زي المرأة المسلمة ) في حده الأدنى..وهو لا يصف ولايشف ..ولا يشكف..

فقط الأختلاف حول ما زاد عن الحد الأدنى..وهو مسألة كشف الوجه...أما أصحاب المعتقدات الأخرى..والديانات الاخرى فلهم..مفاهيمهم وهم أحرار فيها..طالما لن يكون هناك ضرر كبير فيها وخروج عن المألوف بالنسبة لمجتمع شرقي مسلم.

إذن فلماذا المقارنة والسؤال عن المفاهيم ..التي لا تخصنا ...والمتعلقة بمن يرى البكيني القطعتين ليس بتعري...فهل في الدين

الاسلامي او المسيحي ...ما يسمح بهذا البكيني......إذن ياريت نركز على ما يخص الغالبية في مجتمعنا ولا ننظر للاستثناءات..

[MZohairy]

الأهم من ذلك هو انه ليس هناك اتفاق بين البشر على كلمة العري

فمن يعتقد بوجوب النقاب مثلا يرى المحجبه فقط (بدون تغطية الوجه) عاريه

و من يعتقد بوجوب الحجاب فقط يرى الغير محجبه (و ترتدي ملابس محترمه) عاريه

و من لا يعتقد بوجوب الحجاب يرى من ترتدي الميني و الميكرو جوب عاريه

و هكذا حتى نصل الى ان من ترتدي المايوه القطعه الواحده ترى المرتدية للمايوه البكيني القطعتين عاريه

و بالتالي اذا لم نصل الى تعريف محدد لكلمة العري (المنتشر في مصر حسب الزعم) فإن النقاش لن يصل الى اي نتيجة

شكرا

اول ما قرأت عنوان الموضوع..توقعت أنه من كتابة الأخ الفاضل/ محمود مصطفي ...وصدق توقعي

وايضا توقعت أن أجد مداخلة للأخ الفاضل..زوهيري ..وصدق توقعي....

ليه مش عارف...المهم هذا اللي حصل

- نرجع لاجابة السؤال..الذي طرحه أخونا زوهيري...وأعتقد أنه مفروض يكون عارف اجابته..لأنه مش معقول يعني هو مش عارف لحد دلوقت...ما هو تحديد لكلمة العري...رغم اختلاف المفاهيم...أو أنه بيطرح سؤال..فقط من أجل إطالة الموضوع..!!! على العموم..هظن به خير ,, واقول له

ببساطة وكالعادة طبعا في اي موضوع..يحدث به اختلاف في المفاهيم..على طول ياعزيزي زوهيري اجدك ..تفكر في اختلاف المفاهيم بيننا وبين العالم كله...وبيننا وبين كل العقائد والملل والمذاهب والمجتمعات والعادات..

نحن نتكلم عن مجتمع عربي ..مسلم....

هل نحن لا نعرف ما هو العرى ...(((((بالنسبة لنا ..كمجتمع عربي شرقي..متدين....سواء غالبية مسلمة..وأيضا يحتوي على مسيحين..لهم دين يحث على الفضيلة ..والتحشم ))))

فقط ارجع للعديد من الأحاديث..وارجع للعديد من أقوال العلماء..( اختار من تثق فيهم أنت ) ستجد مفاهيم العرى واضحة ...والمقصود من الموضوع ايضا ليس العرى فقط ..لان المثال الذي طرح قد يكون به اشارة الى ملابس ..ليست محتشمة ..قد يكون جينز ضيق يبرز تفاصيل الجسم...مثلا...او ملابس شفافة..

وهناك موضوع به عشرات الصفحات عن زي المرأة المسلمة....طالما صاحب الموضوع يتكلم عن أمراة وزوجها المسلمين..وكما تعلم لا يوجد خلاف كبير حول هذا الأمر (زي المرأة المسلمة ) في حده الأدنى..وهو لا يصف ولايشف ..ولا يشكف..

فقط الأختلاف حول ما زاد عن الحد الأدنى..وهو مسألة كشف الوجه...أما أصحاب المعتقدات الأخرى..والديانات الاخرى فلهم..مفاهيمهم وهم أحرار فيها..طالما لن يكون هناك ضرر كبير فيها وخروج عن المألوف بالنسبة لمجتمع شرقي مسلم.

إذن فلماذا المقارنة والسؤال عن المفاهيم ..التي لا تخصنا ...والمتعلقة بمن يرى البكيني القطعتين ليس بتعري...فهل في الدين

الاسلامي او المسيحي ...ما يسمح بهذا البكيني......إذن ياريت نركز على ما يخص الغالبية في مجتمعنا ولا ننظر للاستثناءات..

حتى انا كمان كنت متوقع ان الفاضل ابو ريم اول ما حيشوف مداخلتي حيرد على طول

اولا يابو ريم يا عزيزي احنا في محاورات المصريين مش محاورات المسلمين

و حوارنا هنا يجب ان نشير الى انه حوار اجتماعي و ليس حوار ديني

و بما ان نظرة بعض المتشددين المسلمين لكل عارية الشعر أنها عاريه فهل كل المسيحيات عاريات مثلا؟

ثانيا و حتى مجتمع المسلمين فقط فهناك درجات في العري و الاحتشام بالنسبة للمجتمع ككل و نظرته للمرأه و لبسها

و درجات قبول كل مجتمع (داخل المجتمع المصري) للعري و الاحتشام غير متساويه

فالأزياء في نادي الجزيره تختلف كثيرا عن الأزياء في مركز شباب الحبانيه

و ما يعتبره مجتمع نادي الصيد حشمه يعتبره مجتمع نادي بولاق عريا

و ما يعتبره مجتمع نادي بولاق حشمه سيعتبره مجتمع القصيم في السعودية عريا ...و هكذا

لا اتكلم هنا عن المقاييس الاسلاميه للزي لأننا لسنا في حوار ديني

نحن هنا في حوار اجتماعي عن مفاهيم اجتماعيه

ارجوا ان تكون النقطة واضحه

شكرا

تم تعديل 21 فبراير 2010 بواسطة mzohairy

[engmido]

ا/ زهيرى

ابووووووووووووووووس دماغك كفاك اختلافا لمجرد الاختلاف

الحلال بيّن والحرام بيّن والصح صح والغلط غلط

وحدود الدين والجحدجاب الشرعى ما بين كذا وكذا والى معترض على كلام الله هو حر

- ابوووووووووووووس دماغك لا تجرنا الى نسخة كربونية من ( كفاك تشويها لسمعة مصر يا خالد يوسف) عشان خاطر النبى

-الكلام اللى انت كاتبه ده

الأهم من ذلك هو انه ليس هناك اتفاق بين البشر على كلمة العري

فمن يعتقد بوجوب النقاب مثلا يرى المحجبه فقط (بدون تغطية الوجه) عاريه

و من يعتقد بوجوب الحجاب فقط يرى الغير محجبه (و ترتدي ملابس محترمه) عاريه

و من لا يعتقد بوجوب الحجاب يرى من ترتدي الميني و الميكرو جوب عاريه

و هكذا حتى نصل الى ان من ترتدي المايوه القطعه الواحده ترى المرتدية للمايوه البكيني القطعتين عاريه

و بالتالي اذا لم نصل الى تعريف محدد لكلمة العري (المنتشر في مصر حسب الزعم) فإن النقاش لن يصل الى اي نتيجة

غلط

[engmido]

عاشق الترحال

انا معك من المتطرفين

ههههههه

ارجوك حوشنى لحسن انا عصبىىىىىىىىىىىىى

[Abu Reem]

حتى انا كمان كنت متوقع ان الفاضل ابو ريم اول ما حيشوف مداخلتي حيرد على طول

:lol: :lol: بصرة :)

اولا يابو ريم يا عزيزي احنا في محاورات المصريين مش محاورات المسلمين

(( لكن صاحب الموضوع كان بتكلم عن مثال لرجل مسلم زوجته أو ابنته محجبة حسب كلامه ...وبعدين المصريين هم مسلمين ومسيحين لم نختلف ...فهل لو تحدثنا عن أمثلة من مجتمع غالبه مسلم نكون بذلك في تعارض مع كوننا مصريين..أو ينتقص من المسحيين ))!!؟

و حوارنا هنا يجب ان نشير الى انه حوار اجتماعي و ليس حوار ديني

(( وهل الحوار الاجتماعي او المفاهيم الاجتماعية..تكون بعيدة..ولا ترتبط بالدين..هناك العديد من المفاهيم الاجتماعية استمدت من الدين...سواء المسيحي او الاسلامي..والمثال...المطروح..يحتمل هذا الدمج))

و بما ان نظرة بعض المتشددين المسلمين لكل عارية الشعر أنها عاريه فهل كل المسيحيات عاريات مثلا؟

(( تتكلم كالعادة عن ( البعض ) الذي هو استثناء ضئيل جدا وتترك الغالبية العظمى....وهو دائما ما اختلف معك حوله..ثم من المتشددين الذين تتكلم عنهم ..لا اعرف من اين اتيت بأنهم يطلقون على عارية الشعر ( مصطلح عاريه..بمعناه اللفظي) ياريت لو عندك اقتباس من هذا المعنى في اي موقع او جريدة او منتدى لهم أن تضع لنا رابطه....أنا عن نفسي لم اسمع بهذا من قبل ...ولو كان حدث ..فكم نسبة من يقولون ذلك))

ثانيا و حتى مجتمع المسلمين فقط فهناك درجات في العري و الاحتشام بالنسبة للمجتمع ككل و نظرته للمرأه و لبسها

و درجات قبول كل مجتمع (داخل المجتمع المصري) للعري و الاحتشام غير متساويه

فالأزياء في نادي الجزيره تختلف كثيرا عن الأزياء في مركز شباب الحبانيه

و ما يعتبره مجتمع نادي الصيد حشمه يعتبره مجتمع نادي بولاق عريا

و ما يعتبره مجتمع نادي بولاق حشمه سيعتبره مجتمع القصيم في السعودية عريا ...و هكذا

لا اتكلم هنا عن المقاييس الاسلاميه للزي لأننا لسنا في حوار ديني

نحن هنا في حوار اجتماعي عن مفاهيم اجتماعيه

ارجوا ان تكون النقطة واضحه

(( أما درجات الاحتشام بالنسبة للمجتمع المصري...فهي تختلف انا معك..ولكن طالما لهذا المجتمع مرجعية من الدين تكون هي الاساس في القياس وهي المرجعية...التي يجب القياس عليها..حتى لا يحدث بلبلة نتيجة اختلاف المفاهيم عند الناس ..حتى لا ينظر القصيمي الى .نساء جدة كاشفات الوجه على أنهم عاريات ..كما في أمثلتك....لأن اختلاف العادات...بين البلاد..وبين القبائل وبعضها..فهو مفهوم....ولذلك عندما نجد هذا الاختلاف في المفاهيم.....لا ننظر الى رأي القبائل أو البلاد وبعضها البعض بل ننظر الى المرجعية الدينية...التي يسير الأغلبية عليها...فمن كان عليها في حدها الأدنى كما في زي المرأة فلا يصح ان نطلق عليه..عاري أو عارية..مهما اختلف معه صاحب النظرة الأخرى الأكثر تشددا ...لذلك كان اجابتي على سؤالك حول مفهوم العرى الذي طرحته أنت!!...فهل كان يجب علي الاجابة عليه وتعريفه حسب وجهة نظر ومفهوم 80 مليون مصري ...ولا كان يجب ان ننظر عليه من مرجعية موحدة..كالأديان سواء المسيحي أو المسلم.الذي في وجهة نظري قد يختلفوا فقط في كشف الشعر...

...................أشد شعري أنا منك يازوهيري.......عندك ال 80 مليون روح اعمل لنا احصائية عن وجهة نظرهم في العرى.))

تم تعديل 21 فبراير 2010 بواسطة Abu Reem

[MZohairy]

محدش يزعل يا جماعه دي وجهة نظر

مجرد وجهة نظر

و اقول تاني

مفيش مرجعيه موحده بين طبقات المجتمع المختلفه في الموضوع ده

و اقول تاني و كلام قولته قبل كده

بعض طبقات المجتمع المصري الراجل بيبوس فيها ايد الست عند التصافح

و بعض طبقات نفس المجتمع المصري لا تصافح المرأه فيها الرجل اطلاقا

ازاي عايزين توصلوا لمرجعيه واحده يا جماعة الخير عندهم كلهم ؟

و قلنا قبل كده اني انا ممكن اقبل واحده لابسه بنطلون جينز

و ابو ريم يرفضها تماما

رغم اني انا و ابو ريم مصريين

تعميم الزي الإسلامي على الشعب المصري كله بتمانين مليونه امر غير واقعي

لإختلاف الديانه

و لإختلاف الطبقات الإجتماعيه و الثقافيه و البيئيه بينهم

أما الاتفاق مثلا على ان الراقصه عاريه فده ماعليهوش خلاف

اما اذا كان الموضوع يخص المسلمين فقط فأقترح نقله الى باب الدين في المنتدى لكن للأسف العضو فاتح الموضوع بنفسه قال غير كده : وبعيدآ عن التحفظ والدين ... ماهو السر لظاهرة العرى النسائى فى مصر وخنوع الرجل

يارب تكون الامور اوضح

[MZohairy]

شربت سحلب و جيت ارد عليك مخصوص اهه :)

ا/ زهيرى

ابووووووووووووووووس دماغك كفاك اختلافا لمجرد الاختلاف

يا عمي من غير بوس الموضوع و ما فيه ان انا لا اعتنق ابدا الفكر القطيعي الا اذا توافق مع عقلي

الحلال بيّن والحرام بيّن والصح صح والغلط غلط

وحدود الدين والجحدجاب الشرعى ما بين كذا وكذا والى معترض على كلام الله هو حر

ده لما نكون بنتكلم في موضوع ديني انما ده موضوع اجتماعي حسب ما وضحت سابقا و وضح صاحب الموضوع نفسه

و ربك نفسه خلقنا طبقات و خلقنا مختلفين يبقى انت ليه مستكتر اختلاف اراء طبقات المجتمع المختلفه حيال أمر ما؟

انا مش عايز اكون طبقي و اتكلم على مظاهر الاختلاف الرهيبه بين طبقات الشعب المصري (ليست ماديه فقط بالطبع)

يعني انا مثلا لا يمكن اقبل اتجوز واحده بتاكل بإيديها (من غير شوكه و سكينه)

او واحده بتعمل صوت ببقها و هي بتاكل او بتشرب

او ما بتفهمش في الاتيكيت العام

(قد تكون كل هذه الأمور لا تهم الكثيرين ابدا ولا تخطر لهم على بال)

طبعا ده غير انها تكون محترمه و متدينه قبل كل شيئ

يعني المعايير بتختلف من طبقه لطبقه و من انسان للتاني

بس احنا متفقين على ان الرقاصه لبسها خارج :lol:

- ابوووووووووووووس دماغك لا تجرنا الى نسخة كربونية من ( كفاك تشويها لسمعة مصر يا خالد يوسف) عشان خاطر النبى

-الكلام اللى انت كاتبه ده

الأهم من ذلك هو انه ليس هناك اتفاق بين البشر على كلمة العري

فمن يعتقد بوجوب النقاب مثلا يرى المحجبه فقط (بدون تغطية الوجه) عاريه

و من يعتقد بوجوب الحجاب فقط يرى الغير محجبه (و ترتدي ملابس محترمه) عاريه

و من لا يعتقد بوجوب الحجاب يرى من ترتدي الميني و الميكرو جوب عاريه

و هكذا حتى نصل الى ان من ترتدي المايوه القطعه الواحده ترى المرتدية للمايوه البكيني القطعتين عاريه

و بالتالي اذا لم نصل الى تعريف محدد لكلمة العري (المنتشر في مصر حسب الزعم) فإن النقاش لن يصل الى اي نتيجة

غلط

لأ صح :lol:

اورفوار :)

[pink rose]

بس احنا متفقين على ان الرقاصه لبسها خارج

خارج؟؟؟؟؟؟؟؟؟؟؟؟؟؟؟؟؟؟؟؟؟؟؟

ايه الكلمة العجيبة دي

خارج ببساطة كده الرقاصه لبسها خارج

مسيو زوهيري

نفسي مرة واحدة ادخل موضوع و اعرف رأي حضرتك الشخصي ايه في المسألة

يعني الاستاذ محمود اتكلم على مثال الراجل و مراته و بنته المسلمين و لبسهم اللي بيظهر اكتر ما بيبطن

سؤالي لحضرتك بما انك مسلم مصري انت ترضى بنتك او زوجتك يلبسوا كده؟؟؟؟؟؟؟؟؟؟؟؟

نفسي اعرف ردك الشخصي ماليش دعوة انا بالاغلبية و الاقلية و البعض و الكل اللي دايما حضرتك بتتكلم عليهم

تم تعديل 21 فبراير 2010 بواسطة remo

[الباشمهندس ياسر]

نحن هنا في حوار اجتماعي عن مفاهيم اجتماعيه

ارجوا ان تكون النقطة واضحه

شكرا

هي دي بقي لب القصة كلها يا عمنا

اننا حولنا المسألة دي تحديدا من اتباع لمسألة للشريعة الي مسألة تتبع العرف الاجتماعي

و خد بقي عندك فيض من الاختلافات ... ليه

لان الناس مش واحد ..لا في افكارها ولا في استايل حياتها ولا في مستوي تفكيرها ولا فهمها

انما لما هنخضع كلنا ... للحكم الشرعي ف المسألة ..يبقي الطبيعي اننا هنرتاح اوي و هنبطل مشاكل

و هيبقي سقف اختلافاتنا ساعتها هو فرضية النقاب او وجوبه او استحبابه او الاكتفاء بالحجاب و الزي الفضفاض و شكرا

أما الاتفاق مثلا على ان الراقصه عاريه فده ماعليهوش خلاف

اما اذا كان الموضوع يخص المسلمين فقط فأقترح نقله الى باب الدين في المنتدى لكن للأسف العضو فاتح الموضوع بنفسه قال غير كده : وبعيدآ عن التحفظ والدين ... ماهو السر لظاهرة العرى النسائى فى مصر وخنوع الرجل

يارب تكون الامور اوضح

بالصلاة علي نبينا .. اللهم صلي و سلم و بارك عليييييييه

انا صعيدي ابن صعيدي ... بس ضحكوا علينا و قالوا اننا مصريين

و معندناش خنوع ولا خضوع لغير الله

و رجاله منين ما نروح يا معلم و الدنيا تشهد

و معندناش حريم عريانه ولا حريمنا تفكر بس انها تعمل زي الحريم اللي مخها مريحها

احنا عندنا الراجل راجل و الستات تفضل ستات

احنا منقبلش الناقصة و لا نمشي ف البارده ابدا

و حريمنا فاهمة الصح فين و ماكنه ايه ووضعه رايح فين

انما انت بتتكلم عن عوام العوام و الناس الضايعة .. ضايعة علي كله يا كبير

و دول معظم الشعب يا غالي

و هوضح نقطة ف اخر المداخلة يا نجم

خلينا بقي ف الرقاصة ... أموت انا ف الدلع و سيرته

حتي الرقاصة عليها اختلاف يا صاحبي

طالما هنبعد عن المرجعية الثابتة .. هيحصل اختلاف علي دي كمان

قولي ليه... اوعي متقولش :)

هتلاقي واحد بيقولك اصل الرقص ده فن و تعبير انساني عالي المستوي عن مدي الاحتياج الانساني عند هذه المرأة للتعبير

عن المكنون اللاشعوري المنبثق عن التبلور الداخلي للذرات المكونة للوجدان التي نتجت عن ظروف حياتية معينة أدت بها الي الاقتناع الداخلي

انها تحتاج الي هذا حتي تتخلص من المشاعر السلبية .. او ربما شكر نعمة حسن تكوينها الجسدي .. و الحريم نعمه و اللي يكرها يعمي

حد فاهم حاجة .... اللي فاهم يبقي يكسب ثواب و يفهمني

و هتلاقي واحد تاني يقولك لو كان الرقص تعبيري بس ..يبقي اشطه جدا و السهرة لغاية ما الديك يأدن

و واحد تاني يقولك ..اصلها بتبقي لابسة فستان سواريه .. و برده رقاصة و بترقص فمفيش مشكلة

شربت سحلب و جيت ارد عليك مخصوص اهه :lol:

بس احنا متفقين على ان الرقاصه لبسها خارج :lol:

شفت بقي .. كده هزعل عليك و اقول انك بخيل و انا عارف انك ابو الكرم

مفيش اتفضلوا .. هلموا يا شباب

السحلب وجب و لسه دابحين الناقة :)

انا بقي مش موافق ان لبس الرقاصة خارج ابتا ابتا ..

حلو اوي الفستان اللي انتي مش لابساه ده

:) :lol: :lol: :lol:

توضيح هام

1.. انا عن نفسي لا أعتبر زي المرأة دلالة علي مستوي العفاف من عدمه إطلاقا

و كذا الامر بالنسبة للرجال ..فكونك ملتحي او أمرد أو لابس الزي الافرجي او العربي .. مش هيفرق معايا ف تعريفة واحدة لغاية ما نتعامل و اعرفك فعلا

2.. الطبقية

لا ينكر احدنا ان الطبقية لها تأثيرر رهيب في مستوي الالتزام و عدمه

فمعلوم قطعا .. حلوة قطعا دي

ان الطبقية المتوسطة بشرائحها الثلاثة و التي تمثل صمام الامان للمجتمع هي اكثر الطبقات التزاما بالقيم الاخلاقية الحميدة

و الطبقية الدنيا ان نظرت في ادني شائحها ستجد بعد تاما عن منظومة القيم بأكملها

و الطبقة العليا ستجد تفرنجا شديدا و يزيد الطين بلة عن ذلك في احيانقليلة

 

أسال الله ان يهدينا جميعا الي الخير كله و نا يرزقنا حسن الختام

وأتجوز بقي .. أحسن انا قربت انحرف و انتوا شغالين تفكرونا بالراقصات و الدوشة

[engtaha]

[شكرا لسيادتك ا/محمود...

على مداخلاتك الكريمة ..والتى تجوب بها انحاء المنتدى

برحابة صدر...وانها لتحمل فى طياتها ..مغزى وفكر لكل لبيب متعقل

بدء ذى بدء ...كلنا لا ينكر ابدا ...حديث الحبيب المصطفى اذ قال ( صنفان من أهل النار لم أرهما … قوم معهم سياط كأذناب البقر يضربون بها الناس ، ونساء كاسيات عاريات مائلات مميلات ، ....إلى اخر الحديث)صدقت يا سيدى يا حبيبى يا رسول الله...

فقد اخبرنا الرسول عليه الصلاة والسلام ...بالكاسيات العاريات ..منذ مئات السنين

ولفظ كاسيات عاريات ، يحتمل معنيين هما :

الأول : أنهن يغطين بعض جسدهن ويكشفن البعض الآخر فهن كاسيات جزء وعاريات جزء آخر ، فهن كاسيات عاريات في نفس الوقت ..

الثاني : أنهن يلبسن ثياباً شفافة ، أو ضيقة ، أو قصيرة ، وتظن إحداهن أنها كاسية قد أحسنت صنعاً ، وما هي إلا عارية قد أساءت لنفسها ودينها ..

واسأل الله ..لبناتنا وبنات المسلمين ..التوبة النصوحة

ولكنى ...واظن ذلك وصحح لى ..ان كنت قد اخطئت ...لمست من خطابك ..انك ..لا تتناول قضية العرى ذاتها ..بل تناولت الموضوع من جانب اهم ...وهو نخوة الرجال وغيرتهم على نسائهن

واعتقد ان ذلك هو محل النقاش والمبتغى من موضوع سيادتكم ...

تحياتى ..فقد اصبت الهدف...فهذا هو مانفتقده..فى حياتنا الان فحدث ولا حرج "طبعا الا من رحم ربى"

فى نهاية حديثى ...اود لو اشرت إلى مداخلة الاستاذ/عاشق الرحال..والتى اوجزت كل ماصح ودل فيه مقالكم

...انا شايف الكل بعد عن الموضوع الرئيسى ومسكنا فى الرقصات وخلافه

ياريت مانتناولش الامور بسطحية ...وخلينا فى لب الموضوع ...

انا شايف ...الكلام اللى اتقال ده هو الكلام الصح ...

[MZohairy]

بس احنا متفقين على ان الرقاصه لبسها خارج

خارج؟؟؟؟؟؟؟؟؟؟؟؟؟؟؟؟؟؟؟؟؟؟؟

ايه الكلمة العجيبة دي

خارج ببساطة كده الرقاصه لبسها خارج

مسيو زوهيري

نفسي مرة واحدة ادخل موضوع و اعرف رأي حضرتك الشخصي ايه في المسألة

يعني الاستاذ محمود اتكلم على مثال الراجل و مراته و بنته المسلمين و لبسهم اللي بيظهر اكتر ما بيبطن

سؤالي لحضرتك بما انك مسلم مصري انت ترضى بنتك او زوجتك يلبسوا كده؟؟؟؟؟؟؟؟؟؟؟؟

نفسي اعرف ردك الشخصي ماليش دعوة انا بالاغلبية و الاقلية و البعض و الكل اللي دايما حضرتك بتتكلم عليهم

طيب و هو رأيي الشخصي حيفيد في ايه بس يا فندم؟

انما ارد على حضرتك

وانا رايح انا و مراتي نعمل عمره لأول مره في حياتنا

و كانت لابسه عبايه سعوديه سوداء مغطياها بالكامل ما عدا وشها

و فوجئنا بمطوع سعودي ينهال علينا بكلمات اللعن و الصياح: غطي وجهك يا حرمه حرام عليكم الله يجازيكم ووووووووووووووووووووو

هل تعتقدين اني ممكن اتأثر بأي واحد زي ده فيا؟

و هل أقدر أخده كمعيار اقيس عليه؟

طبعا لأ

و بالتالي كل واحد و معياره في ظل الإحترام العام و اللي نقدر نقول عليه زي ابو محمد ما قال بين الزاويه صفر و ال 180 هناك 179 زاويه أخرى

شكرا

[عاشق الترحال]

وانا رايح انا و مراتي نعمل عمره لأول مره في حياتنا

و كانت لابسه عبايه سعوديه سوداء مغطياها بالكامل ما عدا وشها

و فوجئنا بمطوع سعودي ينهال علينا بكلمات اللعن و الصياح: غطي وجهك يا حرمه حرام عليكم الله يجازيكم ووووووووووووووووووووو

زهيري باشا هو الكلام ده كان إمتى ؟ سنة كام يعني ؟ وكان فين ؟

مش تشكيك في كلامك ولا حاجه إنما توضيح بس أصل أنا الحمد لله رحت الحرم كتير ومره كان معايا هناك عمتي ومره خالتي ومره ناس اقاربي ومره جيران لنا وكانوا بيبقوا لابسين برضه عبايات سودا وكاشفين وجوههم ومحدش قالنا أي كلام من ده !!!

وفي الحرم أصلا معظم الحريم مش بيغطوا وجهوههن هناك !!!

وبالنسبه لمفهوم العري هل معنى أن الخمر شئ عادي عند فئه معينه يبقى كده خلاص عادي وهل هي بيره بأه ولا ويسكي ولا شمبانيا هتفرق

كلمه عريانه أكيد بيتفهم منها أن لبسها ملفت للنظر ومثير وتظهر من مفاتنها أكتر ما تخفى ومحذق وملزق وشفاف وغيره مش محتاجه فكاكه .

وطبعا حضرتك راجل وعارف يعني ايه عريانه وعلى رأي اللمبي كان بيقولها ادخلى استري نفسك راحه النادي كده ازاي دالشباب هناك عنيها هتبظ عليكي :lol:

بس برضه ما قلتلناش ردك عالسؤال بتاع remo

سؤالي لحضرتك بما انك مسلم مصري انت ترضى بنتك او زوجتك يلبسوا كده؟؟؟؟؟؟؟؟؟؟؟؟

تحياتي :lol:

[pink rose]

انا كمان لسا مستنية اجابة محددة و صريحة على سؤالي

[MZohairy]

وانا رايح انا و مراتي نعمل عمره لأول مره في حياتنا

و كانت لابسه عبايه سعوديه سوداء مغطياها بالكامل ما عدا وشها

و فوجئنا بمطوع سعودي ينهال علينا بكلمات اللعن و الصياح: غطي وجهك يا حرمه حرام عليكم الله يجازيكم ووووووووووووووووووووو

زهيري باشا هو الكلام ده كان إمتى ؟ سنة كام يعني ؟ وكان فين ؟

1993

كان في الباركنج بتاع الهيلتون اللي قدام الحرم

مكه المكرمه

سؤالي لحضرتك بما انك مسلم مصري انت ترضى بنتك او زوجتك يلبسوا كده؟؟؟؟؟؟؟؟؟؟؟؟

انا كمان لسا مستنية اجابة محددة و صريحة على سؤالي

طيب

بما انكوا مصرين

و بما انكم مافهمتوش ان مراتي المتغطيه بالكامل ماعدا وجهها كان لبسها يعتبر خليع بالنسبه للمطوع في موضوعي السابق

و بما ان كده دي بالنسبالي مش مفهومه و غير محدده

هاتولي عدة صور و انا اقولكم ايه اللي يعتبر خليع و ايه اللي يعتبر غير خليع من وجهة نظري الشخصيه

تحت امركم

[pink rose]

مسيو زوهيري

انا اسفة حقك عليك

انا اصلا غلطانة من الاول للاخر

ليه اعمل في نفسي كده

انا واحدة حامل و ما ينفعش ضغطي يرتفع يجرالي حاجه

انا باسحب سؤالي يا باشا

و شاكرين مهللين مش عاوزة اعرف حاجه خالص