شهر على بعضة و لا اسبوعين في اسبوعين!!!!!

[the consultant]

سؤال سريع للمغتربين و خاصة المصريين في السعودية. لو في امكانية انك تقسم أجازتك بدل ما تاخد الشهر على بعضه تاخد اسبوعين في اسبوعين فماذا تفضل مع الاخذ في الاعتبار انك لو قسمت أكيد حتشيل تذاكر مرة من الاتنين و أكيد حتضرب الهدايا في اتنين يعني ماليا الموضوع مش حيكون في صالحك بس هل نفسيا يكون اريح انك تعمل (update) لنفسك مرتين في السنة و لا الشهر على بعضة. في ناس بتقول الاسبوعين بيعملو ريفريش للواحد و بيرجع بطاقة ايجابية.

يلا عموما انا عايز اسمع اراء السادة ذوي الخبرة عشان استعين بيها في تحديد نظامي في نزول مصر العزيزة .

[Mercedes]

سؤال سريع للمغتربين و خاصة المصريين في السعودية. لو في امكانية انك تقسم أجازتك بدل ما تاخد الشهر على بعضه تاخد اسبوعين في اسبوعين فماذا تفضل مع الاخذ في الاعتبار انك لو قسمت أكيد حتشيل تذاكر مرة من الاتنين و أكيد حتضرب الهدايا في اتنين يعني ماليا الموضوع مش حيكون في صالحك بس هل نفسيا يكون اريح انك تعمل (update) لنفسك مرتين في السنة و لا الشهر على بعضة. في ناس بتقول الاسبوعين بيعملو ريفريش للواحد و بيرجع بطاقة ايجابية.

يلا عموما انا عايز اسمع اراء السادة ذوي الخبرة عشان استعين بيها في تحديد نظامي في نزول مصر العزيزة .

السلام عليكم ورحمة الله و بركاته :closedeyes:

أنا عن نفسى لأنى كنت فى السعودية لوحدى و ما كانشى معاى أسرة و لا حاجة , كنت بقسم الأجازة و بالفعل كنت بشيل التداكر مرة و المرة التانية كانت بتبقى على حساب وزارة الصحة و ده خلى التلات سنين اللى أنا قضيتهم هناك يعدوا من غير ما أحس بيهم فعلا لأن أنا بعتقد أنك لما تقعد سنة على بعضها, بتبقى صعبة جدا , الواحد كان بينزل أجازة كل 6-8 شهور تقريبا -حسب ظروفى فى مصر- و كنت ببقى على الآخر و حاسس و أنا هناك أنى هفرقع .

و على فكرة كل الأطباء اللى كانوا موجودين هناك بدون أسرهم, كانوا كلهم بيعملوا كده.

بس لو سيادتك معاك أسرتك و أولادك, الأفضل أنك تنزل مرة فى السنة و خلاص لأنك أكيد مش هتحس بالزهق بسرعة زينا و كمان الموضوع هيكون أوفر معاك و بالنسبة للأسرة, ادا حسوا بالزهق فى أى وقت و هم فى السعودية ممكن يبقوا ينزلوا فى أى وقت هما عايزينه, لأن هم ماعندهمش مشكلة فى النزول و الأجازات أدام الزوجة لا تعمل فى السعودية.

MERCEDES S430 :yahoo:

[المخنوق دائما]

رأى شخصى بحت

الشهر أفضل عشان تحس إنك أخدت أجازة كويسة ويفضل تكون فى الصيف

لكن الأسبوعين هتحس انك واخد أجازة عيد وللا حاجة

وأول ماتوصل مصر وترتاح من السفر وتقعد يومين هتلاقى نفسك بتستعد للسفر تانى

يعنى من الأخر هتضيع الأجازة أونطة

[KAhamid]

انا ياباشا دي اول سنة ليا هنا في السعودية وفعلا قسمت الاجازة علي اتنين

اخذت 15 يوم بعد 6 شهور ولسة راجع بقالي اسبوع بالظبط

وفعلا هي بتعمل ريفرش وفرق كبيييييييييييييييييييييير عن ان الواحد يقعد سنة كاملة متصلة

[the consultant]

اذا فهو التقسيم خلاص انا بصراحة بتلكك عشان انزل. و خصوصا ان اليومين دول اسكندرية مفيهاش مصيفين. يعني الجو حيكون زي الفل بإذن الله. بس ادعولي تسلك العملية مع الشركة :sad: .