نـون النسوه ،،،،

[نورسين]

السلام عليكم ورحمه الله وبركاته

ازيكوا يا حلوين يا امامير

عندى سؤال كده وميش عارفه هلاقى اجابه ولا لاه

انا عايزه اثبت وزنى

حد يعرف طريقه كويسه بس محدش يقول رياضه انا ميش تخينه انا لو عملت رياضه هعصعص

انا كنت رفيعه زى باربى كده قبل ما اتجوز وبعدين كل يوم اتخن حبه اتخن حبه واللوقتى بقى تخنت 12 كيلو

جوزى قالى استوب وقفى عند كده بس انا ميش عارفه اوقف وزنى انا كده طولى لا يزيد عن 160سم"اوزعه يعنى" ووزنى لا يزيد على72 كيلو وخايفه اتخن "انا كده حجمى كويس "يارب تكونى فهمتونى ويكون عندكوا حل

ايه اللى انا كتباه ده

انا شكلى كنت سرحانه وفكرت معاكوا بصوت عالى

[اغابي]

اززيك يا بوسي يا حبيبتى

شوفي يا بوسي بالنسبة لضرب للطفل انا مش معاه

ومتفقة مع اولادى او ل ما ابقي عصبية ودخان بيطلع من ودانى ومنخيرى وبوقى وماسكة فى ايدي سكينة :lol: قصدى عصاية

عاوزاكم تجرو تيستخبوا منى فى اى مكان من الاماكن السرية بتاعتكم اللى بتحيرنى اوى علشان اهدا وما اضربكمش وهما بقوا حريفا فى المواضيع دي مجرد ما ابدأ اصرخ وانكش شعرى هوب فص ملح وداب بس داه ان جيتي للحق احيانا باعكوشهم وبيضربوا بس بيصعبوا على اوى خاصة ان بحس شقاوتهم دي من شدة ذكاؤهم - بس انا جوايا ضد الضرب ومش بحبه الا نااادر جدا جدا - لان انا عندي بابا وماما والله عمرهم ما افتكر مدو اديهم علينا وكانو بيفهومونا بالراحة وبالصبر وبهدوء بطريقة لا توصف - وخاصة ان بابا وماما فضلو 10 سنين ما بيخلفوش اولاد فكنا عندهم زي كوباية الميه اللى اديتيها لواحد له سنين عطشان وماشي فى الصحرا - فكان طريقتهم هدوء و احنا طلعنا انا بعتبر اننا ما عندناش عقد نفسية - عندنا ثقة فى نفسنا والحمدالله فانا نفسي اربي اولادي بدون ضرب للسبب داه -

على العكس مع جوزى - جوزى كان بيتضرب جامد من باباه على حسب ما بيحكيله انه كان بيحبسة فىى اوضة ضلمة وبيضربه بالخرطون وحاجات عنيفة كتير - انا من وجه نظرى ان جوزى عنيف - وعصبي و ما عندهوش ثقة بنفسة ثقته مهزوز جواه شويه وفيه حاجات مش عجباني كتير بس اهو بحاول اعالجه mc: ونجحت فى حاجات كتير اغيرها في شخصيته وخاصة ان احسسه بامكانياته فى الشغل واقوى ثقته بنفسة ودي اخدت معايا وقت طويل بس دلوقتى بقي لو فى مكان زى ما عودته يحسس كل اللى حواليه انه مش شوية وداه بيظهر من طريقة الكلام - وفى الشغل له طريقة يتكلم مع الكل بيها وفعلا وصل لمدير مالى وبقى ناجح فى شغله جدا ولسة كمان مستمرة فى انه احسسه انه الافضل وعنده امكانيات وطاقات مش موجودة عند اى حد وبتخليه مميز جدا عن غيره - وباستغل شكله الجميل فى تقوية الثقة ههههه :D لان جوزى حلويات شوية يعنى شعره نازل على عينه وملون زى ممثلين السينما الامريكية كدا وعينيه ومادي او ازرق وشكله وسيم اوى - فبحاول معاه - وبنجح بس بعد تعب - احم احم اصل انا شخصية مؤثرة شويه :lol:

المهم اول مساؤيء الضرب واهمها - الكذب لانه الطفل بيخاف يضرب منك على الغلط فبيضطر ينكر ويكذب - ودي البداية اللى بتجر وراها صفات تانية كتيرررر اوى - يبقي الخوف من الضرب بدايته الكذب ونهايته ؟ الله واعلم .... بس اكيد مش حاجات كويسة

:blink:

[Simba]

يا اغابي حضرتك عايزة تنسبي نجاح جوزك ومجهوده في العمل بفضلك وفضل دعمك له

قال يعني وراء كل عظيم امراءة :lol:

انا أحتج واشجب وادين واستنكر :blink:

[fatfouta]

يا اغابي حضرتك عايزة تنسبي نجاح جوزك ومجهوده في العمل بفضلك وفضل دعمك له

قال يعني وراء كل عظيم امراءة :lol:

انا أحتج واشجب وادين واستنكر :lol:

سمبا ايه الشجاعة اللى انت فيها دى؟؟

لو سمحت مش مسموح بردود الرجالة على الموضوع ده

احنا نرد عندكوا اه انما انتوا هنا لااااااااا :blink:

[Simba]

يا فتفوتة العزيزة

الكلام ده لما يكون فيه فعلا فيه لما يكون فيه نسوة في مصر

تقدر ساعتها تتشدق بالنون براحتها

انما احنا عاملين مصدقين بمزاجنا يعني علشان المركب تمشي :blink:

[fatfouta]

والنبى تخرج من هنا احسن اسيبهم عليك لما ييجوا

انت من ساعة ماحطيت صورة نيكولاس كيدج وهو عامل ذى جدو حولان وانت بقيت شجاع خالص :blink:

عموما مش هتستفزنا برضو.......واحنا واثقين من نفسنا وعارفين ان احنا غايظين ناس كتير :lol:

هو انتوا لقيتوا موضوعكوا مش ماشى يا عينى قولتوا تيجوا هنا ولا ايه؟؟

ياللا لو سمحت عشان ورانا مواضشيع مهمة بنتشكلم فيها :blush2:

تم تعديل 13 مارس 2010 بواسطة fatfouta

[doha]

نورسين ..

مقدامكيش غير تعملي رجيم .. متحاوليش تثبتي وزنك وانتي طالعه من مرحلة تصاعد وزن .. لازم تعملي رجيم الاول ووزنك ينزل باكتساب عادات صحية مظبوطه وبعدين تبدئي تثبتي ..

احسن رجيم ممكن تبدئي فيه هو اولا تجبي ميزان مظبوط وبيقرأ صح وتوزني نفسك وتسجلي الوزن في ورقة وثانيا ابدئي من بكرا امنعي الاكل نهائيا بعد اذان المغرب .. متفتحيش بقك بعد المغرب لا اكل ولا شرب .. مية بس .. ولا حتى حبة لب ..

الصبح ومن اول ماتصحي كل كل الي نفسك فيه مفيش مشكلة بس المهم مجرد ماياذن المغرب امنعي الاكل .

لو بتصحي متاخر حاولي تظبطي نومك وخلي بالك ان اكتر حاجه بتطخن هي السهر فحاولي متسهريش ..

صحيح مسموح لك تاكلي وتشربي كل الي نفسك فيه بس انتي من نفسك امنعي الامور التالية :

الآيسكريم , اللبنة , الشوكلاته , اللب والسوداني , المانجو , التمر , الجاتوه , وكل الاشياء الدسمه الي سهلة المضغ والهضم انتي من نفسك امنعيها او على الاقل قللي منها ..

احذري الحاجات المسكرة اوي والمالحه اوي .. لان كل ماتاكلي موالح هتلاقي نفسك تلقائيا عاوزه حاجه مسكره وكل ماتاكلي حاجه مسكرة هتلاقي نفسك في المالح وهكذا هتدخلي في دائرة مفرغه من الجوع واشتهاء الاكل فابعدي عن الحاجات شديده الملوحه زي المخلل مثلا وشديده الحلاوة زي البقلاوة مثلا وهكذا ..

وبما انه يفترض التزامك بالنظام ده مده طويلة فمفيش مانع لو نفسك في الحلويات وماشابه انك تخلي لك يوم واحد بس في الاسبوع وليكن الخميس مثلا او اي يوم تختاريه مسموح لك تاكلي الحاجات الدسمه والحلويات وكل مافي نفسك ..

هتوزني نفسك يوم ويوم لو حبيتي بس مش هتعتبري بنتيجه الميزان غير مرة واحده في الاسبوع .. شوفي اليوم الي بدأتي فيه وليكن الاثنين مثلا .. يبقى هتوزني نفسك كل يوم اثنين وتسجلي الوزن في الورقة الي سجلتي فيها وزنك اول يوم ..

مش مطلوب منك رياضه او حركه في البدايه بس يفضل بعد ثلاث او اربع ايام من بدايه النظام ده تبدئي تزودي حركتك باي شكل وياسلام لو بدئتي في رياضه .. على فكره في على النت فيديوهات لتمارين رياضيه كويسه جدا ممكن تساعدك وعلى فكره برضه اوعي ثم اوعي تشتري اي جهاز رياضي عشان هيتركن وفي الحاله دي هتحبطي زياده وممكن متكمليش ..

عن نفسي فافضل رياضه بنصح بيها هي المشي نتائجه فتاكه ولو مفيش امكانيه يبقى مقدامكيش غير التمارين المنزليه ودي زي ماقلت لك ممكن النت تساعدك فيها .

بس ياستي ابدئي من بكرا موضوع منع الاكل من بعد المغرب ده وباذن الله هتشوفي نتايجه بسرعه .. وانا معاكي في اي استفسار او دعم نفسي تحتاجيه عشان تنزلي عشرة كيلو على الاقل ..

===============

اغابي ..

مداخلتك الاخيرة ( نخششت ) في دماغي .. ياريت لو تكتبي لنا باستفاضه اكتر وتفصيل ازاي الوحده ممكن تقف جنب جوزها او تغير من طبع معين فيه خاصة لو كان عنيد او بعيون زرق :blush2: ..

[لماضة مصرية جدا]

اغابي ..

مداخلتك الاخيرة ( نخششت ) في دماغي .. ياريت لو تكتبي لنا باستفاضه اكتر وتفصيل ازاي الوحده ممكن تقف جنب جوزها او تغير من طبع معين فيه خاصة لو كان عنيد او بعيون زرق :blush2: ..

السلام عليكم و رحمة الله و بركاته

اتصدقي يا استاذة ضحي....انا برضه عجبتني مداخلة اغابي...و خصوصا لما قالت عيونه رمادي....او أزرق.....انا ضربت بايدي علي قفصي الصدري و قولت يا خرااااشي و دي مين هيبت فيها بقي..... :blink:

موضوع مهم....نغير الصامولتين في دماغ سبع الرجالة ازاي.....انا الفضول هياكلني في الحتة دي

بابا عصبي....و اخواتي الاولاد عصبيين....و حاسة ان سبع الليل....انسان الغاب طويل الناب.... هيبقي برضه عصبي

و انا مش بتحمل العصبية ابدا

الواحد يعمل ايه

و هل فيه امل يا داااااااااكتور.......و لا خلاص نكفي ع الخبر ما جور......و نرتبط بحد من النوع الاليف... :lol: ؟

مسااااكم خربشات

[نورسين]

نورسين ..

مقدامكيش غير تعملي رجيم .. متحاوليش تثبتي وزنك وانتي طالعه من مرحلة تصاعد وزن .. لازم تعملي رجيم الاول ووزنك ينزل باكتساب عادات صحية مظبوطه وبعدين تبدئي تثبتي ..

احسن رجيم ممكن تبدئي فيه هو اولا تجبي ميزان مظبوط وبيقرأ صح وتوزني نفسك وتسجلي الوزن في ورقة "انا فعلا عندى ميزان حطاه جنب السرير كل يوم اول ما اصحى من النوم اوزن نفسى وقبل النوم برضه "وثانيا ابدئي من بكرا امنعي الاكل نهائيا بعد اذان المغرب .. متفتحيش بقك بعد المغرب لا اكل ولا شرب .. مية بس .. ولا حتى حبة لب .. :blink: هحاول وربنا ييسر

الصبح ومن اول ماتصحي كل كل الي نفسك فيه مفيش مشكلة بس المهم مجرد ماياذن المغرب امنعي الاكل .

لو بتصحي متاخر حاولي تظبطي نومك وخلي بالك ان اكتر حاجه بتطخن هي السهر فحاولي متسهريش ..

صحيح مسموح لك تاكلي وتشربي كل الي نفسك فيه بس انتي من نفسك امنعي الامور التالية :

الآيسكريم , اللبنة , الشوكلاته , اللب والسوداني , المانجو , التمر , الجاتوه , وكل الاشياء الدسمه الي سهلة المضغ والهضم انتي من نفسك امنعيها او على الاقل قللي منها ..

احذري الحاجات المسكرة اوي والمالحه اوي .. لان كل ماتاكلي موالح هتلاقي نفسك تلقائيا عاوزه حاجه مسكره وكل ماتاكلي حاجه مسكرة هتلاقي نفسك في المالح وهكذا هتدخلي في دائرة مفرغه من الجوع واشتهاء الاكل فابعدي عن الحاجات شديده الملوحه زي المخلل مثلا وشديده الحلاوة زي البقلاوة مثلا وهكذا ..

وبما انه يفترض التزامك بالنظام ده مده طويلة فمفيش مانع لو نفسك في الحلويات وماشابه انك تخلي لك يوم واحد بس في الاسبوع وليكن الخميس مثلا او اي يوم تختاريه مسموح لك تاكلي الحاجات الدسمه والحلويات وكل مافي نفسك ..

هتوزني نفسك يوم ويوم لو حبيتي بس مش هتعتبري بنتيجه الميزان غير مرة واحده في الاسبوع .. شوفي اليوم الي بدأتي فيه وليكن الاثنين مثلا .. يبقى هتوزني نفسك كل يوم اثنين وتسجلي الوزن في الورقة الي سجلتي فيها وزنك اول يوم ..

مش مطلوب منك رياضه او حركه في البدايه بس يفضل بعد ثلاث او اربع ايام من بدايه النظام ده تبدئي تزودي حركتك باي شكل وياسلام لو بدئتي في رياضه .. على فكره في على النت فيديوهات لتمارين رياضيه كويسه جدا ممكن تساعدك وعلى فكره برضه اوعي ثم اوعي تشتري اي جهاز رياضي عشان هيتركن وفي الحاله دي هتحبطي زياده وممكن متكمليش ..

عن نفسي فافضل رياضه بنصح بيها هي المشي نتائجه فتاكه ولو مفيش امكانيه يبقى مقدامكيش غير التمارين المنزليه ودي زي ماقلت لك ممكن النت تساعدك فيها .

بس ياستي ابدئي من بكرا موضوع منع الاكل من بعد المغرب ده"طب عشان اكون صادقه معاكى خليها بعد الساعه 8 ايه رايك؟ وباذن الله هتشوفي نتايجه بسرعه .. وانا معاكي في اي استفسار او دعم نفسي تحتاجيه عشان تنزلي عشرة كيلو على الاقل .. انا ميش عايزه انزل عن كده لو نزلت هبقى زى العصايه وانا ميش عايزه كده انا بس عايزه ميش اتخن تانى لان لاحظت انى عندى زياده مطرده فى وزنى وخفت الاقى نفسى فجاه .....فى وضع سئ :blush2:

وبجد مرسييييه ليكى ياضحى

[Simba]

قالت عيونه رمادي....او أزرق

هي قصدها تقول عيونه قططي

بتقلب يعني علي حسب الاضاءة :blush2:

[لماضة مصرية جدا]

قالت عيونه رمادي....او أزرق

هي قصدها تقول عيونه قططي

بتقلب يعني علي حسب الاضاءة :yahoo:

بست.....بست

ايوة

استاذ سمبا

اصحابك قاعدين في مسمط سالم....بيتكلموا في موضوع فزيع...فزيع...فزيع....

و شكرا علي المداخلة اللي كان فضلها اتنين فولت و تنور.....

ميااااااااااااااااااااااااااااااااااووووووووووووووو

[om marawan]

سااااا الخيييييييير وش سنبل فى رحلة المليون

وحشتونى جدااااااااااا

معلش انا مشغولة اليومين دول ف الطقم عدى عيان كله وسخونية هيصة جامدة شوية

انا حاولت أقرا ع السريع بس هاجى اكمل لما الشباب يتحسنوا ان شاء الله

ملحوظة على جنب لماما نونا

مروان فى كى جى تو أخد زى ما ضحى قالت من 1 ل 100 وماتقلقيش مش صعبة بالطريقة اللى ضحى قالت عليها ممكن كل اسبوع حتى 10 ارقام

واخد عد عكسى من 10 لواحد واخد جمع عادى لحد اكتر من 10 وبرضه بطريقة المدرسة او بانه يرسم فوق كل رقم عدد دوائر بتفس الرقم يعنى مثلا

6+3 يقوم يرسم 6 دواير وفوق التلاتة 3 دواير ويشطب cut and count وهو بيعد بس لوحده بعد شوية بقا يعد شفوى زى طريقة ضحى

وحايلا بياخد طرح بعكس طريقة الجمع يعنى

6+2 يرسم ست دواير ويشطب منهم اتنين ويعد الباقى

وحضرتك خللى الطرح والجمع فى خلال اليوم يعنى اديها مثلا 3 مكعبات وحضرتك 3 وقوليلها كلهم كام

او كان معاكى 3 تفاحات وانا اخدت واحدة يفضل كام

بس ولنا عودة ان شاء الله

اشوفكم على خير

اللهم اشفى مرضانا ومرضى المسلمين

[لماضة مصرية جدا]

السلام عليكم و رحمة الله و بركاته

الف مليون سلامة

يا جماعة الخير انا تعبت...و الله قلبي واجعني ايه اللي حاصل للقطاقيط الصغيرين بتوع المنتدي

عبد الرحمن ابن سين صاد عين...قصدي عمو سين سين....وولاد ام مروان....و جود فيث

طب انا رايي بقي ان احنا نرقي المنتدي

:blush2: :sad:

ممكن نقرا المعوذتين بقي

فيه دعاء الرقية الشرعية للمريض

هغطس و اجيبه

صباااااااااااااحكم دعاء ان يشفي مرضانا بسرعة اوي.... يا رب

المنتدي من غير القطاقيط....زي مرجيحة قاعدة لوحدها من غير تنطيط

فوتكم بعافية

[اغابي]

يا اغابي حضرتك عايزة تنسبي نجاح جوزك ومجهوده في العمل بفضلك وفضل دعمك له

قال يعني وراء كل عظيم امراءة

انا أحتج واشجب وادين واستنكر :blush2:

صدقنى يا سمبا انا شفت عذاب علشان اغيره من بداية جوازنا لي 10 سنين متجوزة كلهم كفاح ونباح ههههه واجتهاد

وانا متاكده ان كل واحدة فينا عملت مجهود مع جوزها جبار فى انها تغير صفة معينة او تعوده على حاجة

لانه بيبقي جاي من حياه العزوبية ودي تختلف تماما عن الحياه الزوجية .

وراء كل رجل عظيم امراه اعظم :sad:

[fatfouta]

سااااا الخيييييييير وش سنبل فى رحلة المليون

وحشتونى جدااااااااااا

معلش انا مشغولة اليومين دول ف الطقم عدى عيان كله وسخونية هيصة جامدة شوية

انا حاولت أقرا ع السريع بس هاجى اكمل لما الشباب يتحسنوا ان شاء الله

ملحوظة على جنب لماما نونا

مروان فى كى جى تو أخد زى ما ضحى قالت من 1 ل 100 وماتقلقيش مش صعبة بالطريقة اللى ضحى قالت عليها ممكن كل اسبوع حتى 10 ارقام

واخد عد عكسى من 10 لواحد واخد جمع عادى لحد اكتر من 10 وبرضه بطريقة المدرسة او بانه يرسم فوق كل رقم عدد دوائر بتفس الرقم يعنى مثلا

6+3 يقوم يرسم 6 دواير وفوق التلاتة 3 دواير ويشطب cut and count وهو بيعد بس لوحده بعد شوية بقا يعد شفوى زى طريقة ضحى

وحايلا بياخد طرح بعكس طريقة الجمع يعنى

6+2 يرسم ست دواير ويشطب منهم اتنين ويعد الباقى

وحضرتك خللى الطرح والجمع فى خلال اليوم يعنى اديها مثلا 3 مكعبات وحضرتك 3 وقوليلها كلهم كام

او كان معاكى 3 تفاحات وانا اخدت واحدة يفضل كام

بس ولنا عودة ان شاء الله

اشوفكم على خير

اللهم اشفى مرضانا ومرضى المسلمين

وحشتينى يا دودى والف سلامة عالعيال

ياللا تعالى عشان نتكلم عالموضات الجديدة

[shiko]

بالمناسبة الحلوة دى ...وضرب النار اللى شغال

انا ...زمان كنت بنزل تدريب فى احد البنوك ...فى الصيف ...

أول ما ادخل الفرع ...الاقى المدير بيزعق...ومن غير سبب ...وصوته جايب اخر الشارع

افهم على طول ...انه متخانق مع الجماعة فى البيت ....

انا كنت بسمع الموظفين بيقولوا اصل مراته مشبشباله ..امبارح ...

وهو يطلعوا علينا انهاردة ...

اضحك ...واستغرب ايه العلاقة ...بس ياعينى كان يجيله التليفون اياه ...يخرج من اجدعها ...عاركة منصوبة ....بيضحك

وبقه من الودن دى ...للودن دى ....

وعلشان كده ....فتش عن المراءة ...

[اغابي]

اغابي ..

مداخلتك الاخيرة ( نخششت ) في دماغي .. ياريت لو تكتبي لنا باستفاضه اكتر وتفصيل ازاي الوحده ممكن تقف جنب جوزها او تغير من طبع معين فيه خاصة لو كان عنيد او بعيون زرق ..

السلام عليكم و رحمة الله و بركاته

اتصدقي يا استاذة ضحي....انا برضه عجبتني مداخلة اغابي...و خصوصا لما قالت عيونه رمادي....او أزرق.....انا ضربت بايدي علي قفصي الصدري و قولت يا خرااااشي و دي مين هيبت فيها بقي..... :blink:

موضوع مهم....نغير الصامولتين في دماغ سبع الرجالة ازاي.....انا الفضول هياكلني في الحتة دي

بابا عصبي....و اخواتي الاولاد عصبيين....و حاسة ان سبع الليل....انسان الغاب طويل الناب.... هيبقي برضه عصبي

و انا مش بتحمل العصبية ابدا

الواحد يعمل ايه

و هل فيه امل يا داااااااااكتور.......و لا خلاص نكفي ع الخبر ما جور......و نرتبط بحد من النوع الاليف... :sofa: ؟

مسااااكم خربشات

اسكتو يا بنووويت يا حلوين

عيونه دى تجنن - لا مش علشان جوزى لا بجد

نقول فى النهار ممكن ازرق لكن على غروب الشمس لون رمادي باليل اكيد رمادي

وبجد مرة خدو الموقف داه

كنا فى اسكندرية مصيف انا وجوزى واخويا وروحنا محل ملابس ومحل فخم جدا

راح البياع اللى فى المحل او صاحب المحل كان اغلب الكلام معايا انا مش مع جوزى لان اللبس لى انا - بعدين نقل فى الكلام مع جوزى راح هز دماغه لجوزى وجوزى مش فاهم راح صاحب المحل قاله وات واات يو نيد يعنى مثلا عندي حاجات بيحبوها الجماعة الاجانب اللى زي حضرتك

اخويا عجبته اوى ان البياع افتكر جوزى مش مصري راح اخويا حب يسبك على الراجل البياع القصة راح قاله معلش اتكلم معايا لانه ما بيعرفش عربي ولا انجليزي راح البياع هتشون ونتشون - قام قال شوف انا بتقابل مع زباين لى 25 سنة واتحداك انى حاقولك جنسيته ايه هو ما دام مش بيتكلم انجليزي يبقي اوربي قاله اخويا- اه - وانا عجبتى الخدعة كمان رحت مشتركة قولتله صح - راح قال هو ايطالى - روحنا قولناله مظبوط - هنا عجبت جوزى بقي اللعبة لانه كان شغال وقتها مع ايطاليين فى الغردقة ليه 3 سنين وفعلا بيعرف ايطالى راح مكالمه ايطالى- الراجل قال لجوزى شوف حبيبي انا انجليزي شوية شوية كن طلياني مش بعرف -

وكمان البحر والشمس كانو مبهدلين شكل جوزى ووشه ومدينله ملامح غير مصرية بالمرة - فضلنا كل يوم نعدي على الراجل ونحكى معاه واشترينا منه لبس وحاجات للبحر وبقي صديقناا - المهم قبل ما نسافر رحنا نبلغه الحقيقة ان جوزى مصري وكان فلم بقيادة المايسترو اخويا المحترم صاحب البدع اول ما عرف الراجل ويحلف استحالة لون بشرتك دي مش مصري لون عنيك لون شعرك وفضل كده بس اتغاظ من اننا خدعناه

وكمان الموقف اتكرر انا فى الكويت رغم ان ما بين الحكاية الاولى والحكاية دي 10 سنين -

من شهرين واقفة عند باب سوق مترو وهو مشهور هنا فى الكويت - مع واحدة صاحبتى من مصر من ايام الدراسة بجد واول مرة اشوفها من زمان اوى وفوجئت انها فى الكويت وفرحت جدا بيها وبنحكى سوا- انا كنت متفقة مع جوزى حاستناه عن باب سوق مترو لان معايا الاولاد ياخدهم يروحهم البيت وانا اروح مشوار تاني

فالاولاد معايا على جنب واقفين بيلعبوا وجه جوزى من بعيد ومكسوف يقرب وعماله يشاورلى راحت هى قالتلى ايه شوفى شوفى اوف ايه الجمال داه - داه تعرفيه اللبناني داه ياوختى ولا ايه ما قولتليش - انا رحت سبكت الدور برضوه قولتلها دا زميلى فى الشغل وقابلنى صدفة هنا - رحت قربت عليه وفهمته بكلمتين انه فلم جديد وحاكينى لبناني - راح هو ما صدق - سلم عليا ويقولى كيفك مدام اش اخبارك كلمتين وهب العيال فضحكونا جم عنده - بابا عاوز اروح الحمام والتاني بابا عاوز اروح البيت تعبت بقي - وهنا انا اتضربت فى الشارع من صاحبتى وقالتلى لسة مقالب ثانوي دى زى ما هى مش حتكبري ابدا - وجوزى مشي بالاولاد المهم قالتلى طب كدا انت حطيتيني فى موقف محرج لان جوزى بكرش واصلع وانت جوزك الوان وعنده عضلات وطويل ممكن نبدل وفضلت تهذر وقالتلى انا فعلا افتكرت اما لبناني او اوربي مش مصري ملامحه خالص

وعندي مواقف كتير واحنا سيبنا الامور المهمة فى تربية الاولاد يا نسوة - ومسكنا فى لون عيون جوزى الى بتقلب ازرق ورمادي

[اغابي]

[

===============

اغابي ..

مداخلتك الاخيرة ( نخششت ) في دماغي .. ياريت لو تكتبي لنا باستفاضه اكتر وتفصيل ازاي الوحده ممكن تقف جنب جوزها او تغير من طبع معين فيه خاصة لو كان عنيد او بعيون زرق ..

فيه مثل بيقول

ابنك على ما تربيه وجوزك على ما تعوديه انا عاوزة احكى نماذج مواقف معينة بس حضراتكم بتتريقوا

انا مع جوزى ما كنش عاجبنى تناقض شخصيته

يعنى يتكلم فى موقف هو من جواه رافضه تماما ويجي يتكلم يشجع عليه وفى المناقشة تحسي انه من اكتر المعجبين بالفكرة

دي كانت اول خناقة بينا ترم ترم ترم ترم بوم

لازم اللى تقتنع بيه تتكلم فيه انا مش بحب الاكلة دي ما اكلهاش -

تاني حاجة -

فى مرة كان مقدم سي في شركتين لانى اقنعته يسيب شركته القديمة وهو امكانياته ممتازة المهم الشركتين طلبوه منه يعمل مقابلة وعمل فى الشركتين واتقبل فى الشركتين - جه تردده - طب اروح لمين واحدة مميزاتها كتير جدا وكلها مصريين بس مرتب مش اوى بس بونصات وتذاكر طيران على الشركة وحاجات كده - وواحدة مميزاتها مش كتير بس راتب ممتاز جدا والراجل قاله كل اللى معاك لبنانيين وانجليز وفرنسيين وصينيين وكوريين لان دي سلسلة مطاعم عالمية بجميع الوجبات العالمية وعددهم 25 مطعم تقريبا وهو المحاسب الوحيد لكل دول وانا قبلتك علشان شكلك بروفيشينال ولغتك ممتازة واحنا مطلوب مننا الاستايل داه فى الشكل - انا شجعته على الوظيفية التانية لان وجود جنسيات كتير افضل من الشركة يبقي كلها مصريين فقط - فضل متردد لغاية ما كانو الاتنين حيطيرو منه الحمدالله وانا عاوزاه يسيب شركته باسرع وقت لانه مش مستريح مع الكفيل وانا اللى فوقته كان ممكن يستمر لدلوقتى فى الشركة التعبانة دي - انا اللى كنت ببعت السي في بتاعته على الفاكس من شغلى بدون ما يعرف علشان اورطه فى المقابلات - واقرا كل يوم الجرايد وادورله على شغل وانصحة يسيب الشغل القديم رغم انه متردد جدا ولانه مسئول كمان عن اسرة وبيت - انا دايما حاسة بامكانيات جوزى انها ممتازة لكن هو مش حاسس بكدا - انا فضلت اشجعه واقوله ما تخافش يعنى لو فشلت فى الشغل الجديد لان كل شيء وارد جدا ممكن يفشل بس مش نهايه العالم - انا معايا شغلى واشيل البيت لغاية ما تظبط معاك شغلة وفعلا انا اللى بزوقه هو متردد يسيب الشغل القديم مع انها مستواه افضل من شغله القديم داه يجيبوه فيه محاسب لسة جديد يتعلم فيهم مش واحد زى جوزى الكلام داه كله كان سنة2003 و 2004 - وصفرارات الانذار فوق راسنا حرب العراق وفى الشوارع بتقابلنا سيارات الجيوش الامريكية وانا بتحدى وبقدم سي في ولا بيهمنى الدنيا تولع - المهم الشركة الجديدة دي ظبطت معاه وهو فيها لغاية دلوقتى 6 سنين وبقي مدير مالى وجاب 3 محاسبين مساعدين ليه والشركة كبرت جدا حتى طلع اخويا على الشركة ولسة انا عماله ازوق فى جوزى وهو نفسه بيقولى انه متخيل انه من سنة 2004 فى الشركة اياها التعبانة دي لما بيعدي على اصحابه هناك فيها مش مصدق بيحسهم متربين ومش مستحميين :blink: ازاى كان حيبقي لسة هناك لدلوقتى ولاقى فجأه قلبه وجعه - بجد بيحكيلى مفيش مقارنة ابدا ابدا بين الشركتين ولا مستوي الناس ولا المرتبات والمميزات - جوزى للاسف ما عندهوش روح مغامرة انا مغامرة جدا جدا جدا جدا جدا وما بيهمنيش حاجة ويوم ما تخرب حاخد واولادي على ضهري واجرى بيهم - هى دي الحياه جوزى مش مغامر ابدا - ودايما مش بيحب يغامر

وبكدا وراء كل رجل عظيم امرأه شاطرة جدا

كمان موقف جديد مغامرة جديدة يمكن تفيد الناس اللى متجوزين جديد

فاصل ونواصل

مع

حلقة و مغامرة جديدة مريبة خليت جوزى يبصم بالعشرة انى انا المراه الحديديه

[goodfaith]

اغابي تحية خاصة ليكي على جرأتك واصرارك وفي انتظار باقي المغامرات وبصراحة اديتيني امل لانك بتقولي جوزك اتغير على مدى 10 سنوات انا بناضل من 3 سنوات فقط :blink:

لماضة انا مبسوطة انك رجعتي تنورينا تاني

بوسي وفتفوتة ودوحة وماما نونة وشيكو ونورسين وام مروان وكل بنات وستات نون النسوة الحلوين

سلام حار جدا لكم وبتوحشوني كتير

على فكرة انا وقتي اللي مخصصاه لنفسي بيكون بعد ما عمر وابو عمر يناموا برضو بس غالبا باقضيه على التلفزيون او الكمبيوتر

الحمام من فترة بسيطة كنت باخد عمر معايا بس بقيت اقفل الباب ولما عمر يعيط اكلمه من ورا الباب اقوله مين انت مين انت عمر طيب عايز ماما لما يسمع صوتي يهدى ويسكت ويقول ماما ماما ههههههه دلوقت الحمد لله بطل يعيط خالص ولما باقفل الباب بيروح هو للتلفزيون او يكمل لعب عادي عارف اني مش هاطير يعني

الحمام باقول لابو عمر قبلها بساعة كده انا داخلة هاقعد في الحمام شوية عايزين مني اي حاجة

بادخل بقى باقعد براحتي ومرات باخد مجلة كمان المشكلة اني في العد التنازلي لاني اعيده كله من الاول تاني ربنا يصبرني ويقويني

فيه كمان حاجة مكنتش واخدة بالي منها اني عودت عمر على عادة سيئة انه يشرب لبن وينام مش عارفة ابدأ ازاي اخلصه من العادة السيئة دي

اخيرا وليس آخرا ...

نهاركم سعيد :sofa:

[doha]

ياااه يااغابي . . كل ده عملتيه وساكته ..

وانا بقرأ مداخلتك الاخيرة بلا مبالغه كانت الدمعه هتنزل من عيني ..

بجد ماشاء الله عليكي عملتي انجاز مابعده انجاز ..

قريت سطورك كلها وحسيت بمعاناتك من بينها .. بس حاسه ان النهاية تستحق وان كنت متاكده ان وحده بطموحك اكيد لسه عندها الكثير عشان تكافح من اجله ..

بصي بقى انتي الي جبتيه لنفسك .. من هنا ورايح عوزين حلقة يومية من دروسك اللولبية وافكارك الجهنمية في تسيير امور الزوجية ..

ياريت حلقة كمان او اثنين في كيفية دفع زوجك للنجاح وفي حاجه اهم حلقة الله يخليكي فيها وصف تفصيلي للمعاناة الي كنتي بتعانيها انتي شخصيا من داخلك مع كل عقبة بتقابلك وازاي كنتي بتصبري نفسك او توجدي لها الدافع انك تستمري ..

برضه ياريت حلقة منفصلة كيف تكتشفين امكانيات زوجك التي لم يكتشفها هو شخصيا ...

منتظرين ..