أزمة سيولة

[الباشمهندس ياسر]

أرجو من الاخوة الافاضل من المهتمين بالامور الاقتصادية سواء بالدراسة او الممارسة

التكرم و تقديم خبراتهم الكريمة في كيفية التغلب علي ازمات السيولة

في حالة حدوث ركود ف الاسواق لمنتجك

مع اسمي ايات الشكر علي التعاون الكريم

[أشرف محمد]

أرجو من الاخوة الافاضل من المهتمين بالامور الاقتصادية سواء بالدراسة او الممارسة

التكرم و تقديم خبراتهم الكريمة في كيفية التغلب علي ازمات السيولة

في حالة حدوث ركود ف الاسواق لمنتجك

مع اسمي ايات الشكر علي التعاون الكريم

بسم الله الرحمن الرحيم

الأخ الفاضل الكريم الباشمهندس ياسر

تحية طيبة وبعد 000

حتى أستطيع التواصل مع حضرتك لابد من معرفة نوع المنتج الذي حدث به ركود 0

خالص تحياتي

مهندس / أشرف محمد

[الباشمهندس ياسر]

انا ببني و ابيع شقق تمليك

[MZohairy]

تخفيض النفقات لأقصى قدر منطقي

و العمل على ايجاد مصادر اخرى للسيوله كالإقتراض من البنوك مثلا

اتخاذ قرار مبني على دراسه بإيقاف المشروع في الوقت المناسب لخفض الخسائر لو انعدمت سبل الاستمرار في ظل نقص السيوله

[الباشمهندس ياسر]

تخفيض النفقات لأقصى قدر منطقي

و العمل على ايجاد مصادر اخرى للسيوله كالإقتراض من البنوك مثلا

اتخاذ قرار مبني على دراسه بإيقاف المشروع في الوقت المناسب لخفض الخسائر لو انعدمت سبل الاستمرار في ظل نقص السيوله

انا فعلا عملت وقف ف برجين منهم

لكن المشكلة اني عملت تعاقد علي برج جديد ف مكان مميز جدا و كنت معتمد علي سيولة منتظرها عشان ابدا اتحرك

و السيولة مجاتش ف موعدها لاسباب خارجة عن الارادة طبعا

فأصبح عندي مشكلتين دلوقتي

المشكلة الاولي .. البرجين اللي مكملوش و ده برده مرتبط قانونا مع اصحاب الارض

و المشكلة التانية اني جمدت مبلغ ف الارض بتاعت البرج الجديد التالت

يعني انا بين المطرقة و السندان

مطرقة التزامي بوعودي و اتفاقاتي القانونية و الفلوس اللي اتركنت ركنة سودا دي

ده غير اني عندي التزام بمبلغ في وقت قريب اوي

يعني

استرها يارب

[hOuSsAm]

السلام عليكم

اول حاجة ربنا يفك زنقتك ويكرمك

هقترح عليك تشوفلك شريك يسندك

وممكن تاخد قرض من البنك

وومكن تبيع بعض الوحدات اللى لسه هتبنيها فى المستقبل باسعار منافسة (اقل ربح تقدر عليه ) اذا كان يجوز شرعا

ممكن تحاول كمان تشترى بالاجل اذا كان ده متاح فى سوق مواد البناء

ممكن تبيع دلوقتى أصل انت مش محتاجه

لو مواد البناء للبرجين اللى وقفتهم موجودة ممكن تبيعهم لواحد معرفة بيبنى جديد مع خضم زهيد

حاول تحل مشاكل البرجين لو امكن بالفلوس اذا كانت مبالغ صغيرة وشرعية

ممكن تدى المشروع لمقاولين من الباطن وتسددلهم لما ربنا يسهلها

واكتر حل شابفه مناسب انك تبدا تبيع شقق البرج اللى لسه هيتبنى

(عصرت دماغى وللاسف مش لاقى حلول تانية)

[أشرف محمد]

بسم الله الرحمن الرحيم

1- حاول أن تبيع أرض البرج الثالث و إستكمل بثمنها بناء البرجين الأولين و الملتزم فيهما بتوقيتات محددة للتسليم مع أصحابها و أعتقد أن عملية بيع هذه الأرض سهلة خاصة إذا كانت في مكان مميز كما ذكرت حضرتك و طالما أن حضرتك لم تتعاقد على بيع وحدات سكنية فيها 0

2- لا أنصح نهائياً بالإقتراض من البنوك لتوفير سيولة لأنها ستكون إضافة جديدة على أعبائك و ليس العكس 0

3- في حالة عدم التمكن من البيع عليك بالبحث على شخص يقبل المشاركة في عملية بناء البرج الثالث 0

4- إذا كان لديك وحدات سكنية في البرجين الأول والثاني و لم تتمكن من بيعهم حتى الآن فحاول أن تعمل الآتي لتوفير سيولة :

1- حملة دعاية لتسويق هذه الوحدات إما في الوسيط أو في مواقع التسويق الإلكتروني 0

2- الإتصال بالعملاء القدامي بين الحين والآخر حتى لا ينسوك و أعرض عليهم مشروعاتك الجديدة 0

3- إياك و الطمع و المغالاة في الأسعار حتى تتمكن من البيع بسهولة و بالتالي تتوافر معك السيولة المطلوبة0

4- أحذر التقليل من شأن الطلب العقاري على منتجاتك واعطه اهتماما كبيراً لأن عدم الاهتمام يفقدك حب عملائك.

تحياتي

مهندس / أشرف محمد

تم تعديل 23 فبراير 2010 بواسطة أشرف محمد

[الباشمهندس ياسر]

السلام عليكم

اول حاجة ربنا يفك زنقتك ويكرمك

هقترح عليك تشوفلك شريك يسندك

وممكن تاخد قرض من البنك

وومكن تبيع بعض الوحدات اللى لسه هتبنيها فى المستقبل باسعار منافسة (اقل ربح تقدر عليه ) اذا كان يجوز شرعا

ممكن تحاول كمان تشترى بالاجل اذا كان ده متاح فى سوق مواد البناء

ممكن تبيع دلوقتى أصل انت مش محتاجه

لو مواد البناء للبرجين اللى وقفتهم موجودة ممكن تبيعهم لواحد معرفة بيبنى جديد مع خضم زهيد

حاول تحل مشاكل البرجين لو امكن بالفلوس اذا كانت مبالغ صغيرة وشرعية

ممكن تدى المشروع لمقاولين من الباطن وتسددلهم لما ربنا يسهلها

واكتر حل شابفه مناسب انك تبدا تبيع شقق البرج اللى لسه هيتبنى

(عصرت دماغى وللاسف مش لاقى حلول تانية)

فعلا انا فكرت ف الليلة دي كلها يا حسام

بس واحدة واحدة كده مع بعض

موضوع القرض ده باب انا قفلته بالضبة و المفتاح ... البنك بيدخل معايا دائما بالشر و متسالنيش ليه.. رغم اني مبحبش يبقي عليا جنيه

عشان كده انا شايل الحل ده من دماغي تماما

المسألة التانية و هي البيع المحروق .. اسمها كده ف السوق يا هندسة

انا فعلا عرضت حاجات باسعار محروقة .. يعني مثلا عرضت اربع شقق متتالية من السابع للحداشر و مساحتهم 75 متر مربع و واحد صاحبي اشتراهم علي

200000 لكن المنية وافته قبل اتمام الصفقة .. الله يرحمه و يحسن اليه

رغم انهم بالميت هيتباعوا ب 300000 في اقل من سنتين ..

و طبعا مش منطق اني ابيع وحدة او اتنين بسعر محروق ..لان فلوسهم مش هتحل ازمة

المسألة التالتة

مبقاش ينفع ان تشتغل بالاجل زي زمان.. الناس دلوقتي ماشية بمبدا توتو علي كبوتو

يعني ع الترابيزة يا صاحبي و خصوصا انك مش عارف هتبيع امتي و تبدأ تسدد امتي

هكمل لما ارج عشان هخرج دلوقتي

سلاااااااام

[doha]

تخفيض النفقات لأقصى قدر منطقي

و العمل على ايجاد مصادر اخرى للسيوله كالإقتراض من البنوك مثلا

اتخاذ قرار مبني على دراسه بإيقاف المشروع في الوقت المناسب لخفض الخسائر لو انعدمت سبل الاستمرار في ظل نقص السيوله

انا فعلا عملت وقف ف برجين منهم

لكن المشكلة اني عملت تعاقد علي برج جديد ف مكان مميز جدا و كنت معتمد علي سيولة منتظرها عشان ابدا اتحرك

و السيولة مجاتش ف موعدها لاسباب خارجة عن الارادة طبعا

فأصبح عندي مشكلتين دلوقتي

المشكلة الاولي .. البرجين اللي مكملوش و ده برده مرتبط قانونا مع اصحاب الارض

و المشكلة التانية اني جمدت مبلغ ف الارض بتاعت البرج الجديد التالت

يعني انا بين المطرقة و السندان

مطرقة التزامي بوعودي و اتفاقاتي القانونية و الفلوس اللي اتركنت ركنة سودا دي

ده غير اني عندي التزام بمبلغ في وقت قريب اوي

يعني

استرها يارب

معليش ياباشمهندس متزعلش مني لو قلت لك اني مستغربة ردك ده اوي ..

تخيل كده واحد بيقدم لك نفسه على انه معيد في كلية طب وبعدين في وسط الكلام يقولك يااخي انا مش عارف امبارح كنت قاعد في اوضه مقفوله وقمت مرة وحده طالع واقف في البلكونه فجات لي نزلة برد على خفيف .. تفتكر الحل في حاجه زي كده تبقى ايه اصل انا تعبان منها اوي ومش عارف الناس في الظروف الي زي دي بتاخذ ايه ..

يعني عملت الصعب وبنيت اللهم صلي على النبي برجين وفتحت في التالت وجاي تسالنا احنا تتصرف بعد كده ازاي ؟

ده الي بيشطب شقته ولا حتى بيصلح ( عفشة المية ) فيها بيبقى عارف في المعمار وعارف يصرف نفسه فيها ازاي يقوم الي ماشاء الله معجون في المباني ومن عائلة كلها مقاولين على حد كلامك يغلط غلطه زي دي ويخزن بودره في ملاحات من غير اكياس ؟

ياراجل قول كلام غير ده .

[الأقصرى]

السلام عليكم

اقترح عليك مهندس ياسر بالأتى:-

1- الابتعاد نهائيا عن البنوك لانها اولا حرام وثانيا اجرائتها بتطول (تسجيل واوراق ومعاينات) ومصاريفها بتخسر (المعاينه تقريبا من 30 الى 100 الف جم).

2- بما أن ما فيش حتى وسيله للبيع بسعر محروق. يبقى الحل انك تدور على شريك بعدد وحدات ودول متوفرين فى الاعلانات كثير من الشركات بتدور على ناس معاها ارض وتشاركهم عليه.

3- طبعا الدخول فى كذا حاجه فى وقت واحد خطأ قاتل والحل لازم يكون فيه تضحيه , اختار العمارة اللى اتباع اقل شقق فيها وحاول تفسخ عقود بيع الشقق اللى بيعتها وبيع ارض سواء عملت اساسات او اى مرحلة- وتاكد ان فيه ازمة سيوله للاشخاص اللى بيشتروا شقق اما المستثمرين فبسم الله ماشاء الله على قلبهم قد كده أو بمعنى اخر سوق الاراضى منتعش الى حد ما.

وربنا يوفق الجميع انشاء اللة

[أحمد سيف]

عزيزي المهندس ياسر

أنا شايف الإخوة ما شاء الله طرحوا جميع الحلول الممكنة ولم يعد هناك ما يمكن أن أضيفه

الحل لا يخرج عن أربعة خيارات

- إلغاء أو تأجيل الالتزامات ... يعني فسخ عقود التسليم أو التأخر في سداد الدفعات لدائنيك أو لمورديك أو لمقاولي الباطن الذين تتعامل معهم. الجانب السلبي هو إنك ممكن تدخل نفسك في مشكلات قانونية أو تخسر سمعتك في السوق ... إضافة الى إن ده حل مؤقت لإنك في النهاية هتدفع اللي عليك.

- تسييل الأصول ... يعني بيع الأرض أو الشقق أو حت مواد البناء وطبعا هذا سيكون بتخفيض كبير في سعرهم لأنك مضطر. المشكلة طبعا إنك هتخسر كثير فيهم وفيه احتمال ماتقدرش تبيع إلا بعد مدة طويله لإن السوق ابتدى ينام.

- زيادة رأسمال مشاريعك عن طريق دخول شريك كبير أو جمع أموال لمساهمين (توظيف أموال). طبعا بالإضافة لصعوبة العثور على شريك مضمون فانت هتدخل نفسك في وجع دماغ الشراكه وهتخسر سيطرتك على المشاريع.

- الاقتراض من البنوك أو من السوق. وطبعا ده أسوأ الحلول في مصر لإنك غالبا هتدفع كل مكسبك ويمكن فوقيه راسمالك للبنك كفوائد ومصاريف غير صعوبة التمويل أساسا.

الباقي إن حضرتك تمسك ورقه وقلم وتحسب كل خيار من دول هيكلفك قد ايه وهيوفر لك سيولة قد أيه. وقد يكون الحل استخدام هذه الخيارات جميعها معا بنسب متفاوته حتى تمر الأزمة.

وربنا يوفقك وييسر أمورك.

[Mercedes]

السلام عليكم و رحمة الل و بركاته :ninja:

أنا بقترح و ده مجرد اقتراح و طبعا الرأى الأخير للباشمهندس ياسر , أن سيادتك لو مفيش عندك مانع أنك تكتب هنا فى المنتدى أى معلومات عن المشاريع اللى سيادتك بتبنيها من حيث الموقع بتاعها و كده يعنى, هنا فى المنتدى على أساس ان لو سيادتك ماعندكش مانع ان أى حد يدخل و يشاركك على الأقل فى استكمال مشروع منهم بحيث تقدر تبيع الشقق اللى فيه أو حتى تأجرها قانون جديد بحيث أنها تدر عليك بعض السيولة لاستكمال باقى المشاريع التانية , خاصة أننى أعتقد أن - ان شاء الله - أكيد هتلاقى هنا فى المنتدى الكثير من الأعضاء المغتربين اللى معاهم سيولة و نفسهم يلاقوا مشروع مضمون و حلال عشان يستثمروا فيه الفلوس بدل الايداع فى البنوك و خاصة أن الأعضاء دول هيكونوا بيبحثوا عن استثمار طويل الأجل , يعنى ممكن يستنوا لحد ما الركود اللى فى السوق ينتهى و الحركة التجارية ترجع لطبيعتها.

ده, طبعا لو كان سيادتك ماعندكش مانع من فكرة المشاركة, لكن لو سيادتك بتفضل عدم المشاركة من الأساس و خصوصا أنها هتكون مع أناس ماتعرفهمش قبل كده و ده من حقك 100 بال 100, يبقى ياريت سيادتك تنسى اللى أنا قولته كله.

و ربنا يكرمك و يفتحلك ابواب التوفيق و الخير ان شاء الله.

MERCEDES S430

[engtaha]

اسال الله باسمه الاعظم ان يفرج عنك ما انت فيه

[الباشمهندس ياسر]

معليش ياباشمهندس متزعلش مني لو قلت لك اني مستغربة ردك ده اوي ..

و الله يا اختي انا مش مستغرب ردك بس

انا جالي صداع منه بالامس

انا تحديدا طلبت رأي الممارسين او المهتمين بدراسة مثل هذه الاعمال

و شكرا علي اهتمامك الكريم

عزيزي المهندس ياسر

أنا شايف الإخوة ما شاء الله طرحوا جميع الحلول الممكنة ولم يعد هناك ما يمكن أن أضيفه

الحل لا يخرج عن أربعة خيارات

- إلغاء أو تأجيل الالتزامات ... يعني فسخ عقود التسليم أو التأخر في سداد الدفعات لدائنيك أو لمورديك أو لمقاولي الباطن الذين تتعامل معهم. الجانب السلبي هو إنك ممكن تدخل نفسك في مشكلات قانونية أو تخسر سمعتك في السوق ... إضافة الى إن ده حل مؤقت لإنك في النهاية هتدفع اللي عليك.

- تسييل الأصول ... يعني بيع الأرض أو الشقق أو حت مواد البناء وطبعا هذا سيكون بتخفيض كبير في سعرهم لأنك مضطر. المشكلة طبعا إنك هتخسر كثير فيهم وفيه احتمال ماتقدرش تبيع إلا بعد مدة طويله لإن السوق ابتدى ينام.

- زيادة رأسمال مشاريعك عن طريق دخول شريك كبير أو جمع أموال لمساهمين (توظيف أموال). طبعا بالإضافة لصعوبة العثور على شريك مضمون فانت هتدخل نفسك في وجع دماغ الشراكه وهتخسر سيطرتك على المشاريع.

- الاقتراض من البنوك أو من السوق. وطبعا ده أسوأ الحلول في مصر لإنك غالبا هتدفع كل مكسبك ويمكن فوقيه راسمالك للبنك كفوائد ومصاريف غير صعوبة التمويل أساسا.

الباقي إن حضرتك تمسك ورقه وقلم وتحسب كل خيار من دول هيكلفك قد ايه وهيوفر لك سيولة قد أيه. وقد يكون الحل استخدام هذه الخيارات جميعها معا بنسب متفاوته حتى تمر الأزمة.

وربنا يوفقك وييسر أمورك.

تخيل بقي

اني مستني ردك من لحظة ما كتبت الموضوع

السلام عليكم و رحمة الل و بركاته :rolleyes:

أنا بقترح و ده مجرد اقتراح و طبعا الرأى الأخير للباشمهندس ياسر , أن سيادتك لو مفيش عندك مانع أنك تكتب هنا فى المنتدى أى معلومات عن المشاريع اللى سيادتك بتبنيها من حيث الموقع بتاعها و كده يعنى, هنا فى المنتدى على أساس ان لو سيادتك ماعندكش مانع ان أى حد يدخل و يشاركك على الأقل فى استكمال مشروع منهم بحيث تقدر تبيع الشقق اللى فيه أو حتى تأجرها قانون جديد بحيث أنها تدر عليك بعض السيولة لاستكمال باقى المشاريع التانية , خاصة أننى أعتقد أن - ان شاء الله - أكيد هتلاقى هنا فى المنتدى الكثير من الأعضاء المغتربين اللى معاهم سيولة و نفسهم يلاقوا مشروع مضمون و حلال عشان يستثمروا فيه الفلوس بدل الايداع فى البنوك و خاصة أن الأعضاء دول هيكونوا بيبحثوا عن استثمار طويل الأجل , يعنى ممكن يستنوا لحد ما الركود اللى فى السوق ينتهى و الحركة التجارية ترجع لطبيعتها.

ده, طبعا لو كان سيادتك ماعندكش مانع من فكرة المشاركة, لكن لو سيادتك بتفضل عدم المشاركة من الأساس و خصوصا أنها هتكون مع أناس ماتعرفهمش قبل كده و ده من حقك 100 بال 100, يبقى ياريت سيادتك تنسى اللى أنا قولته كله.

و ربنا يكرمك و يفتحلك ابواب التوفيق و الخير ان شاء الله.

MERCEDES S430

بص يا سيدي

مسألة ان حد يدخل معاك شريك .. فده هيجيب كمية صداع انت لا تتخيلها و هيزيد الصداع لسببين

الاول : انه مغترب و بصفتي مغترب قديم فانا عارف الناس بتفكر ازاي

الثاني : بعده عن البلد و سيستم الشغل هنا هيعمل مشاكل اكتر

فحل المشاركة .. مينفعش

انما اللي منطقي و احيك عليه بجد

هو منطق بيع الوحدات باسعار معقولة و بكده انا هكسب اني خرجت من اللازمة و اللي هيشتري طلع باسعار معقولة هتعمله ربحية عالية اوي

اسال الله باسمه الاعظم ان يفرج عنك ما انت فيه

ااااااااااامين

و جمعيا ان شاء الله

[raouf]

السلام عليكم

شوف يا باشمهندس ياسر انا كنت تقريبا قى نفس موقفك من 8 شهور تقريبا وكنت اكثر منك انى اشترت ارض وطلعت المهلة بتاعتها قريبة وهتنسجب ويضيع علي اللى دفعته كله انا كنت عامل حسابى ان المدة سنتين ونص طلعت 6 شهور بس بسبب لعب السماسرة لكن ربك فرجها من عنده وكان عندى اقساط شهرية كبيرة جدا جدا

فيه حاجات تحدد نوع الجل ازاى هاقولك :

- نسبة البيع فى كلا من البرجين كام وكم عدد الشقق اللى لسه ما اتباعتش

- واصل لاى نقطة وطابق فى البناء

- ايه مواعيد التسليم المفترضة

- كم المبلغ اللى انت شايف انه هيحل ليك الازمة

- الارض الثالثة دى ليها مهلة ولا مفتوحة وهل تعاقد على اى شقق للبيع فيها

- انت شكلك داخل فى البرجين نظام مشاركة بالمبانى وحد ثانى بالارض صح ؟

لو جاوبت على الاسئلة ان شاء الله هاقدر اساعدك واديك جل بمساعدة الاخوة معنا

تم تعديل 24 فبراير 2010 بواسطة raouf

[doha]

السلام عليكم

شوف يا باشمهندس ياسر انا كنت تقريبا قى نفس موقفك من 8 شهور تقريبا وكنت اكثر منك انى اشترت ارض وطلعت المهلة بتاعتها قريبة وهتنسجب ويضيع علي اللى دفعته كله انا كنت عامل حسابى ان المدة سنتين ونص طلعت 6 شهور بس بسبب لعب السماسرة لكن ربك فرجها من عنده وكان عندى اقساط شهرية كبيرة جدا جدا

ياريت من باب العلم بالشيء لو تحكي لنا ازاي ممكن السمسار يتلاعب ويوهم المشتري ان المهله اطول مما هي عليه فعلا .. وتقولنا برضه اكتشفت الحقيقة ازاي . .

[sarmar]

اعتقد ياباشمهندز انك عبقرى ومعاك الحل جاهز لانك راجل عندك خبرة وتعمل بالسوق ودايما انت بتعرف تقريبا الى اين تتجة الريح مستقبلا بمشيئة اللة ثم بخبرتك

وايضا الاخوة الافاضل هبوا وتدافعوا بأرائهم السديدة وانا على يقين ان ماتحكية اجملا عن الموضوع لن يضع لة حل شخص غيرك مهما كان لانك ادرى بكل التفاصيل التى تساعدك فى العثور على الحل ومما سبق يبدوا ان لك شركاء بصورة او باخرى فيجب عليهم ايضا مساعدتك فى وجود احل

وكما نعرف جميعا ان الهلكة فى الاقتراض من البنوك بلاضافة الى انها حرام فلماذا لاتلجأ الى القرض المحلى يعنى من احد المعارف الذى يضمنك وتضمنة وبدون فوائد طبعا

ثم انك تتحدث فى عدم سيولة مامقدار هذة السيولة التى تتحدث عنها ربما تجد من يساعدك يابو عمو قلبى عندك والله يعينك

[raouf]

السلام عليكم

شوف يا باشمهندس ياسر انا كنت تقريبا قى نفس موقفك من 8 شهور تقريبا وكنت اكثر منك انى اشترت ارض وطلعت المهلة بتاعتها قريبة وهتنسجب ويضيع علي اللى دفعته كله انا كنت عامل حسابى ان المدة سنتين ونص طلعت 6 شهور بس بسبب لعب السماسرة لكن ربك فرجها من عنده وكان عندى اقساط شهرية كبيرة جدا جدا

ياريت من باب العلم بالشيء لو تحكي لنا ازاي ممكن السمسار يتلاعب ويوهم المشتري ان المهله اطول مما هي عليه فعلا .. وتقولنا برضه اكتشفت الحقيقة ازاي . .

معظم السماسرة يعرفون العاملين فى الاجهزة اللى بينوبهم من الحب جانب من البيعة فبالتالى عند السؤال ياخذك الى موظف يعرفه بحجة انه هيحلص بسرعة وطبعا الباقى معروف

تصدقى يا اخت ضحى والدى راح يشوف ارض ودوه قطعة ثانية فى حى ثانى بنفس رقم القطعة و طبعا اكثر تميزا بكثير من القطعة المتفق عليه لاغراءه بالشراء والعاب وطرق اخرى للنصب و الغش كثيرة و جسبى الله ونعم الوكيل المهم لو بتفكرى تشترى ارض او شقة خلى بالك اوى اوى اوى

[hOuSsAm]

انا هقولك تعليق كنت المفروض اقوله يمكن مش بحبه اوى بس اهو حل يمكن ينفعك

روح اسال فى بنك فيصل انا سمعت قبل كدة (وليس عن تجربة) انه نظامه كويس فى الاقتراض وكنت سمعت نصيحة للشيخ محمد حسان ان الناس تتعامل معاه (والله أعلم)

فيه حاجة تانية لو تاشيرتك بتاعة السعودية شغالة اظن انك ممكن تاخد قرض شرعى من اى بنك فى السعودية وبردوا الفايدة السنوية سعرها اقل من مصر بكتير

(من حق يا بشمهندس لونجحت فى حل مشكلة السيولة دى واخدت مخاطرة على نفسك اتوقع لك نجاح باهر فى المستقبل القريب ربنا يوفقك ويوقفلك ولاد الحلال ويسد ديونك)

[الأقصرى]

انا هقولك تعليق كنت المفروض اقوله يمكن مش بحبه اوى بس اهو حل يمكن ينفعك

روح اسال فى بنك فيصل انا سمعت قبل كدة (وليس عن تجربة) انه نظامه كويس فى الاقتراض وكنت سمعت نصيحة للشيخ محمد حسان ان الناس تتعامل معاه (والله أعلم)

فيه حاجة تانية لو تاشيرتك بتاعة السعودية شغالة اظن انك ممكن تاخد قرض شرعى من اى بنك فى السعودية وبردوا الفايدة السنوية سعرها اقل من مصر بكتير

(من حق يا بشمهندس لونجحت فى حل مشكلة السيولة دى واخدت مخاطرة على نفسك اتوقع لك نجاح باهر فى المستقبل القريب ربنا يوفقك ويوقفلك ولاد الحلال ويسد ديونك)

موضوع القرض فى السعودية لغير السعوديين مش كويس

فهو ليه شروط اهمها اقامه ساريه على الاقل 6 شهور وثانيا قيمة المرتب

والفائدة مش بسيطه

مثلا سالت فى البنك الاهلى قالى ممكن تاخد 57600 ريال وترجعهم 2871 ريال شهريا لمدة سنتين يعنى ترجع 68904 تقريبا يعنى الفوايد 11300 ريال

او تاخد 30200 ريال وترجعهم 2871 لمدة سنه يعنى ترجع 34452 يعنى الفوائد بالنسبه للمقيمين غير السعوديين

تمنياتى بالتوفيق