كل عام وانتم بخير بمناسبة المولد النبوى الشريف

[fatfouta]

كل سنة والامة الاسلامية كلها بخير بمناسبة المولد النبوى الشريف

احلى الذكريات دلوقتى بتنط فى دماغى ...فى المناسبة الكريمة دى

ربنا دايما يعيده علينا كوووووووولنا بالخير وكل واحد يبقى سعيد وسط عائلته

وعلى رأى اخونا زوهيرى باقى من الزمن يوم واحد وقد اعذر من انذر .......اجروا هاتوا الحلاوة ياللا احسن بتبقى الدنيا زحمة جداااااااا

ماحدش عندة حتة حمصية والنبى احسن نفسى فيها؟؟؟

wst:: :blink: wst::

تم تعديل 24 فبراير 2010 بواسطة fatfouta

[MZohairy]

وانتي و احبابك و كل المسلمين بخير يا رب :blink: wst::

بس خلي بالك ان الاحتفال بالمولد حرام wst::

لأنه بدعه

و كل بدعه ضلاله و كل ضلاله في النار

اورفوار

[joo]

كل سنة وانتى طيبة 00

untitled.bmp

تم تعديل 24 فبراير 2010 بواسطة joo

[fatfouta]

وانتي و احبابك و كل المسلمين بخير يا رب :blink: wst::

بس خلي بالك ان الاحتفال بالمولد حرام wst::

لأنه بدعه

و كل بدعه ضلاله و كل ضلاله في النار

اورفوار

لااااااااا بقى الا ده......كده يا زوهيرى هتفتح علينا النار

بس انا متفائلة طالما انت فى الموضوع يبقى هلاقيه بقى 23 صفحة ان شاء الله

كل سنة وانت طيب يا زوهيرى وهات حته حلاوة بقى

خد دى

تم تعديل 24 فبراير 2010 بواسطة fatfouta

[fatfouta]

كل سنة وانتى طيبة 00 الحلاوة دى كلها علشانك 00 بس لو تخنتى مليش دعوة

untitled.bmp

انت انسان كلك زوق وكل سنة وانت طيب وكل الاخوة المسيحيين بخير

عارف ياجو زماااااااان فى بيت جدتى ذى ماحكيتلك قبل كده كانت ساكنة تحتها جارتها ام ايفون ......كانت قبل المولد باسبوع تجيب لجدتى علبة حلاوة كبييييرة وتقولها عشان الحقك قبل مانتى تجيبى الحلاوة عشان ابقى دخلت الفرحة عليكوا قبل ماتفتكروها........شفت الناس الجميلة بقى

والحلاوة الشيك اللى فى الصورة دى منى لاحسن جو فى الدنيا

ربنا يحققلك امانيك يارب والمولد اللى جاى تبقى فى كندا ياااااااارب

اختك فتفوتة

تم تعديل 24 فبراير 2010 بواسطة fatfouta

[msayed]

"كل بدعه ضلاله و كل ضلاله في النار"

صدقت يا حبيبى يا رسول الله

[doha]

ياه يافتفوته ده انا بقالي اسبوع لفيت فيه طنطا والمحلة على عروسة المولد

كل الموجود عرايس بلاستيك وارد الصين وكل مااسال على العروسه التقليدية السكر بتاعتنا بتاعت زمان يقولوا لي يااه انتي لسه فاكره .. كنت قربت اياس بس قلت اكيد هلاقيها مينفعش المولد من غير مااجيب عروسه ..

والحمد والشكر لله لقيتها اخيرا في حارة من وسط حارة من وسط حارة دلوني عليها اسمها ( الاثرية ) ولقيت عرايس مولد بالكوم ..

اشتريت وحده وكنت هصورهالك تفرحي بيها معانا بس بنتي وولاد اختي ماشاء الله قضوا عليها ..

ان خرجت النهرده اجيب لك وحده باذن الله واصورهالك واكلهالك بالمرة برضه .

[مغتربة]

كل سنه و الامه الاسلاميه كلها بخير و سعادة

[joo]

معلش يا فتفوتة باين ان بتاع الحلويات اللى بعت معاة الحاجة اكلها فى الطريق انا جبتلك غيرها يارب تعجبك

[pink rose]

حلاوة زمان

عروسة حصان

كنت بحبها اوي اكتر لما جدتي ام ماما الله يرحمها تسيحها و تعملنا منها مهلبية

ياااااااااااااه ايام

تم تعديل 25 فبراير 2010 بواسطة remo

[joo]

انا كمان كانت ماما بتجبهلنا انا واختى واحنا صغيرين انا حصان واختى عروسة وكانت بتحطها فوق الثلاجة علشان محدش ياكل منها

لانها كانت بتقول لنا انها ملوثة علشان هى كانت معروضة فى الشارع وملوثة

فنقوم انا واختى بكسر فتافيت من خلف الحلويات وناكلها وفى النهاية تفاجئ امى بان العروسة والحصان مفرغة من الخلف

وعينك متشوف الا النوررررررررررررررر :rolleyes:

[Folana]

السلام عليكم ورحمة الله...

كل سنة وأنت طيبة يافتافيتو....وكل سنة والجميع بألف خير...

وأدى الحمصية علشان ماتزعليش...(اشترتهالك من جوجل :rolleyes: )

بس دى أجمل ..:blink:

[fatfouta]

السلام عليكم ورحمة الله...

كل سنة وأنت طيبة يافتافيتو....وكل سنة والجميع بألف خير...

وأدى الحمصية علشان ماتزعليش...(اشترتهالك من جوجل rs: )

بس دى أجمل ..rs:

وانتى طيبة يا فولانة وبصحة وسعادة يارب

وفعلا مافيش اجمل من الصورة التانية دى ....عندك حق

[Damo]

كل سنة و كلنا طيبين يا فتفوته و مغتربة و ضحى و جو و ريمو و فلانه :closedeyes: :closedeyes: :closedeyes:

مش فاكره امتى كانت اخر مرة حضرت المولد في مصر :closedeyes:

[Salwa]

ولد الهدى فالكائنات ضياء **** وفم الزمان تبسم وسناء

الروح والملأ الملائك حوله **** للدين والدنيا به بشراء

والعرش يزهو والحظيرة تزدهي **** والمنتهى والسدرة العصماء

والوحي يقطر سلسلا من سلسل **** واللوح والقلم البديع رواء

يا خير من جاء الوجود تحية **** من مرسلين إلى الهدى بك جاؤوا

بك بشر الله السماء فزينت **** وتوضعت مسكا بك الغبراء

يوم يتيه على الزمان صباحه **** ومساؤه بمحمد وضاء

يوحي إليك الفوز في ظلمائه **** متتابعا تجلى به الظلماء

والآي تترى والخوارق جمة **** جبريل رواح بها غداء

دين يشيد آية في آية **** لبنائه السورات والأضواء

الحق فيه هو الأساس وكيف لا **** والله جل جلاله البناء

بك يا ابن عبدالله قامت سمحة **** بالحق من ملل الهدى غراء

بنيت على التوحيد وهو حقيقة **** نادى بها سقراط والقدماء

ومشى على وجه الزمان بنورها **** كهان وادي النيل والعرفاء

الله فوق الخلق فيها وحده **** والناس تحت لوائها أكفاء***

والدين يسر والخلافة بيعة **** والأمر شورى والحقوق قضاء

الاشتراكيون أنت أمامهم **** لولا دعاوي القوم والغلواء

داويت متئدا وداووا طفرة **** وأخف من بعض الدواء الداء

الحرب في حق لديك شريعة **** ومن السموم الناقعات دواء

والبر عندك ذمة وفريضة **** لا منة ممنوحة وجباء

جاءت فوحدت الزكاة سبيله **** حتى إلتقى الكرماء والبخلاء

انصفت أهل الفقر من أهل الغنى **** فالكل في حق الحياة سواء

يا من له الأخلاق ما تهوى العلا **** منها وما يتعشق الكبراء

زانتك في الخلق العظيم شمائل **** يغرى بهن ويولع الكرماء

فإذا سخوت بلغت بالجود المدى **** وفعلت ما لا تفعل الأنواء

وإذا عفوت فقادرا ومقدرا **** لا يستهين بعفوك الجهلاء

وإذا رحمت فأنت أم أو أب **** هذان في الدنيا هما الرحماء

وإذا خطبت فللمنابر هزة **** تعرو الندى وللقلوب بكاء

وإذا أخذت العهد أو أعطيته **** فجميع عهدك ذمة ووفاء

يامن له عز الشفاعة وحده **** وهو المنزه ماله شفعاء

لي في مديحك يا رسول عرائس **** تيمن فيك وشاقهن جلاء

هن الحسان فإن قبلت تكرما **** فمهورهن شفاعة حسناء

ما جئت بابك مادحا بل داعيا **** ومن المديح تضرع ودعاء

أدعوك عن قومي الضعاف لأزمة **** في مثلها يلقى عليك رجاء

قصيدة امير الشعراء احمد شوقى ـ ولد الهدى ـ .

كل عام والجميع فى خير حال ...

[مغتربة]

من احب اغانى المناسبه الى قلبى

بس للاسف معرفتش اجيبها بصوت ياسمين الخيام

كل عام و كل الامه الاسلاميه بخير

تم تعديل 26 فبراير 2010 بواسطة مغتربة