50 نصيحة لك قبل ان تكبر

[hOuSsAm]

50 نصيحة لك قبل أن تكبر.

1) ابدأ في أكتشاف مواهبك مبكراً.

2) اتخذ صديقاً يختلف عنك في الجنس أو الدين.

3) حاول أن تصل إلى الأعماق و لا تفكر بسطحية.

4) كن مستكشفاً و حدد الأماكن التي زرتها على الخريطة و حاول زيارة أماكن جديدة مثل مدينة أو حديقة عامة كل عام.

5) كون ألبوم صور فتوغرافية ليكون سجلاً لك و لأسرتك كل عام.

6) اعتذر عن خطأ ارتكبته منذ وقت طويل .. اسرع فأنت أعلم الناس بذلك.

7) كن ضيفاً مرغوب فيه دائماً .. و تعلم اللعب بالكرة و إلقاء النكات و القصص الطريفة.

8) تدرب على الإسعافات الأولية.

9) سجل أحلامك الليلية في مذكرات.

10) تعلم إعداد طبق من بلد أجنبي و قدمه لأسرتك كل شهر.

11) تعلم لغة أجنبية.

12) قم بتصوير أي حدث هام في حياتك بكاميرا الفيديو مثل فريقك الرياضي أو عمل تطوعي قمت به أو مهرجان مقام في مدينتك.

13) جرب أن تأكل فاكهة غريبة : مثل الكيوي أو الكمثرى الآسيوية.

14) تعلم لغة الإشارة.

15) تعرف على أفضل ذكريات أقاربك و قم بتدوين قصصهم في مذكراتك.

16) ادع طفلاً وحيداً لحضور حفلة .

17) قم بتعليم والديك شيئاً ما مثل : كيفية إرسال رسالة بالتليفون المحمول أو أدعهم إلى قراءة كتابك المفضل .

18) نظم حفلة تلم شمل أسرتك.

19) جرب أن تكتب كلمات أغنية .

20) تعلم العزف على آلة موسيقية.

اهتم بثقافتك العامة في مجال:

21) العلوم.

22) الفنون.

23) الآداب.

24) الموسيقى.

25) الرسم

26) كن طالباً في جامعة أجنبية عن طريق نظام الدراسة بالمراسلة.

27) اقنع والديك بإجراء تغير واحد في البيئة مثل :

- شرب المياة المرشحة.

- استعامل لمبات الفلورسنت المضغوطة الموفرة للكهرباء.

- المشي بدلاً من قيادة السيارة إلى الأماكن القريبة.

28) نم تحت السماء الصافية.

29) كن ناصحاً أميناً فيما تعرفه.

30) اختر حيوانك الأليف بعناية.

31) تغلب على خوفك من الأماكن المرتفعة و اقفز من أعلى منط في حمام السباحة.

32) اقض وقتاً طويلاً داخل حديقة كبرى.

33) كن أول من يرتدى ملابس غير تقليدية بين زملائك في الفصل.

34) كن خبيراً في شئ واحد : مثل عالم الحيوان أو طعام مفضل لدى شعب آخر.

35) - خذ ع عاتقك قضية مثل : البيئة ، الجوع في العالم ، الأمية ، أو أي شئ آخر يهمك .

36) اختر رياضة تناسبك و مارسها لسنوات.

37) - اخترع شيئاً ما .

38) قم بعمل تطوعي أسبوعياً مثلا:

- أن تدرب أطفالأ

- أن تزور دار مسنين.

- أن تنظف الحدائق العامة.

39) ابحث عن خبير يزودك بمعلومات عن مهنة قد تود ممارستها.

40) اتخذ صديقاً بعيداً عنك تتواصل معه عن طريق البريد العادي و ليس الإلكتروني.

شاهد الأفلام الأجنبية التالية :

41) - E.T. The Extraterrestrial.

42) The Wizard of Oz.

43) The Sound of Music.

44) March of Penguins.

45) Star Wars: Episode IV – A New hope.

46) قم بالسباحة على إمتداد حوض السباحة أربع مرات على الأقل.

47) تأمل المنظر حولك و أنت واقف عند تمثال مشهور.

48) احرص على أن تفوز بجائزة.

49) افعل شيئاً حسناً لشخص ما دون أن تخبره.

50) ازرع شجرة أو حديقة.

عن مجلة ناشيونال جيوجرافيك

العدد رقم : 9

:-)

http://shkhbeet.blogspot.com/2010/02/50.html

[joo]

اية يا عم الكلام الكبير دة

اوحييك

[Damo]

10) تعلم إعداد طبق من بلد أجنبي و قدمه لأسرتك كل شهر.

http://shkhbeet.blogspot.com/2010/02/50.html

مش لما اتشطر على اطباق بلدي الاول B)

بس لسته جميلة

Thanks for sharing :) :happy:

[shiko]

انا حاسة انه اللى كتب الموضوع ده نسى يكتب اختار الاجابة الصحيحة ....

....50...طب موش كتير شوية ...

ماهو انا ممكن اكون باعمل اكتر من 150حاجة بس اشمعنى يعنى الخمسين دول؟؟

ولا هو تعقيد والسلام..

طب انا طلعت بعمل 19 حاجة من دول تفتكروا كدة كويس

موش عارفة بس قليل اوى 19 من 50 يعنى فاشلة بالثلث طب ممكن ماحدش يبعت النتيجة لبابا؟؟

[لماضة مصرية جدا]

50 نصيحة لك قبل أن تكبر.

1) ابدأ في أكتشاف مواهبك مبكراً. (انا بطبخ كويس.....بس ليه شامة ريحة شياااااااط..... :blink: )2) اتخذ صديقاً يختلف عنك في الجنس أو الدين. (آخر حد كانت كندية.....عمرها 60 سنة بس حسستني ان عندي80و رجلي و القبر)

3) حاول أن تصل إلى الأعماق و لا تفكر بسطحية.(حقيقي اشتغلت معايا كتير.... و قدرت الاقي غطا الازازة اللي كان واقع تحت السرير... فيه اعماق اكتر من كده..)4) كن مستكشفاً و حدد الأماكن التي زرتها على الخريطة و حاول زيارة أماكن جديدة مثل مدينة أو حديقة عامة كل عام. (عندي عرض وظيفة في الصين...طب بقول اخطف رجلي هناااك... ايه رايكم؟؟؟)5) كون ألبوم صور فتوغرافية ليكون سجلاً لك و لأسرتك كل عام. (براااااااافو..... بس دايما بطلع حولان في الصور يا لينا... :flr1: )6) اعتذر عن خطأ ارتكبته منذ وقت طويل .. اسرع فأنت أعلم الناس بذلك. (تم الحمد لله.....يا رب منكونشي زعلانين)

7) كن ضيفاً مرغوب فيه دائماً .. و تعلم اللعب بالكرة و إلقاء النكات و القصص الطريفة.

8) تدرب على الإسعافات الأولية.(طب و عهد مين ده....و عهد الله... ماسكة شيكولاتة كيتكات و حاطاها قدام عينيا و بحلف....امبارح لسه مخلصة كورس اسعافات اولية....و الطبيب المدرب....قرب مني و قالي.....بت يا لماضة...انا شايف ليكي مستقبل كبير....تسوقي عربية اسعاف....و ده طبعا لاني و احنا قاعدين في التدريب كنت بضحك ع الجثة اللي هوو كان جايبهالنا و قاعد يعملها انعاش قلب رئوي... و انا قلبي كان وجعني م الضوحك ع المنظر...اصله كان كلبوظة....نزل ع الارض جنب الضحية و استقر خلاص... :lol: 99) سجل أحلامك الليلية في مذكرات.(ببعتها مسجات لحد عشان يفسرهالي... ينفع؟؟؟)

10) تعلم إعداد طبق من بلد أجنبي و قدمه لأسرتك كل شهر.(لسه كنت بتكلم عن ترياكي الفراااخ)11) تعلم لغة أجنبية.(هموت و ارطن هندي..... عشان اعرف ايه الرط اللي بيقولوه ده كله و يخليهم يهزوا راسهم من اليمين للشمال)

12) قم بتصوير أي حدث هام في حياتك بكاميرا الفيديو مثل فريقك الرياضي أو عمل تطوعي قمت به أو مهرجان مقام في مدينتك.

13) جرب أن تأكل فاكهة غريبة : مثل الكيوي أو الكمثرى الآسيوية. (حصل و الله...العيال ادوني حاجة شبه الستفاندي....قعدت امصمص و ادور ع البذر مش لقيت)14) تعلم لغة الإشارة.(طب شفتوا دي..... طب دي....طب ايه رايكم في ده....وش ادوارد و هو قاعد يتنطط في الكليب)

15) تعرف على أفضل ذكريات أقاربك و قم بتدوين قصصهم في مذكراتك. (اومال بنقعد نتنأور علي مين لو مافيش سهرة عدلة في التلفزيون....افتكر مرة كنا سهرانين بنات العيلة و قعدنا حوالي ساعة من الضوحك....كنا بنتكلم عن الرومانسية و كده.. و بعدين واحدة راحت قامت فجاة و قالت يا خبر ابيض نسيت اشتري زيت تموين..... شفتوا بقي حديث البناويت...؟؟؟9

16) ادع طفلاً وحيداً لحضور حفلة .

17) قم بتعليم والديك شيئاً ما مثل : كيفية إرسال رسالة بالتليفون المحمول أو أدعهم إلى قراءة كتابك المفضل . (هو انا علمتهم يمشوا في المظاهرات... فاكرين ايام مركز ابن خلدون و الليلة دي اللي كانت ف القاهرة....المهم كان عندي تدريب تابع ليه....روحت قولت لبابا راح قالي انتي مش هترتاحي غير لما نجيبك م المعتقل...و م ساعتها و هم بيمشوا في المظاهرات.....عشان بابا مستحلف لو شافني في واحدة منهم هيرزعني بونية....بس كده و كده طبعا)18) نظم حفلة تلم شمل أسرتك.

19) جرب أن تكتب كلمات أغنية .(لغاية دلوقيت مش قادرة احط ايده علي اغنية تكافيء الملحمة... قصدي المفرخة.... طلعت فوق السطوح انادي علي طيري...هييييييييه)

20) تعلم العزف على آلة موسيقية.(نفسي اعزف بيانو.... بس خايفة صوابعي تطول...قالولي كده؟؟؟9اهتم بثقافتك العامة في مجال:

21) العلوم.

22) الفنون.

23) الآداب.

24) الموسيقى.

25) الرسم

26) كن طالباً في جامعة أجنبية عن طريق نظام الدراسة بالمراسلة.(مينفعشي....دواعي اسرية)

27) اقنع والديك بإجراء تغير واحد في البيئة مثل :

- شرب المياة المرشحة.

- استعامل لمبات الفلورسنت المضغوطة الموفرة للكهرباء.

- المشي بدلاً من قيادة السيارة إلى الأماكن القريبة.(تم الحمد لله...فكرت ان احنا نعمل ريسايكلينج للويست...و ماما شخطت فيا و قالتلي ما تلفي بعربية بيكيا احسن... انتي فاكرة نفسك عبد الغفور البورعي... عجبكم كده)

28) نم تحت السماء الصافية.(ان شاء الله قريب....زوجي و انا نحط رحلة سفاااااااري....علي قايمة الحاجات اللي نفسنا نعملها قبل ما نكمل شهر زواج.... :lol: )29) كن ناصحاً أميناً فيما تعرفه.

30) اختر حيوانك الأليف بعناية.

31) تغلب على خوفك من الأماكن المرتفعة و اقفز من أعلى منط في حمام السباحة.(جباااااااااااانة جدا.... لان دايما بتيجي في دماغي صورة تو في توم و جيري لما بيقع و بعدين جيري يروح يشيل السدادة فالمية تخلص م الحوض... و توم يقع يتفتت...بس الحمد لله بيرجع يتركب تاني)32) اقض وقتاً طويلاً داخل حديقة كبرى.

33) كن أول من يرتدى ملابس غير تقليدية بين زملائك في الفصل.(طب ايه رايكم في ده....افتكاسة....بحب كل الوان الحياة)34) كن خبيراً في شئ واحد : مثل عالم الحيوان أو طعام مفضل لدى شعب آخر.

35) - خذ ع عاتقك قضية مثل : البيئة ، الجوع في العالم ، الأمية ، أو أي شئ آخر يهمك .(ليه تبقي يعني قضية و بتاع... طب ما لها لما نفكر ازاي تبقي لذيذة يا عزيزة..... و لا 123 طريقة كيف تتخلصين من زوجك....قصدي كيف تسعدين زوجك....و طبعا دون ان تتركي بصمااااااااات... :lol: )

36) اختر رياضة تناسبك و مارسها لسنوات.

37) - اخترع شيئاً ما .

38) قم بعمل تطوعي أسبوعياً مثلا:

- أن تدرب أطفالأ

- أن تزور دار مسنين.

- أن تنظف الحدائق العامة.

39) ابحث عن خبير يزودك بمعلومات عن مهنة قد تود ممارستها.

40) اتخذ صديقاً بعيداً عنك تتواصل معه عن طريق البريد العادي و ليس الإلكتروني.

شاهد الأفلام التالية :

41) - الارض

42) الزوجة التانية

43) المواطن مصري

44) الحرام.

45) ضد الحكومة

46) قم بالسباحة على إمتداد حوض السباحة أربع مرات على الأقل.

47) تأمل المنظر حولك و أنت واقف عند تمثال مشهور.

48) احرص على أن تفوز بجائزة.(هي الواحد عايزة ايه غير انها تتجوز.... و تخلف عيلين....يووووووووووه انت جيييييت يا رمضان :lol: )49) افعل شيئاً حسناً لشخص ما دون أن تخبره.

50) ازرع شجرة أو حديقة.

عن مجلة ناشيونال جيوجرافيك...(مين دي يا خويا.....دي قبل الاكل و لا بعده)العدد رقم : 9

:-)

http://shkhbeet.blogspot.com/2010/02/50.html

السلام عليكم و رحمة الله و بركاته

الليستة اللي فوق فكرتني بحاجة اتعلمتها من يومين... ايه بقي

فاكرين الاعلان بتاع ايه اجمد حاجات نفسك تعملهم قبل ما توصل ال 30

فيه لسته برضه بكل الحاجات اللي نفسك بجد تعملها قبل ما تموت

الواحديبقي ليه لستة خاصة بيه هو يكتب فيها كل حاجة مجنونة....او راكزة....نفسها يعملها وشايف انه مش قادر يعملها دلوقتي

بس لو في لحظة مرت عليه لحظة احباط مثلا أو قال فيها زوهوقت ...قوم ايه.... يطلع الليستة....و يقول لنفسه....طب لسه شوية و يرجع يقاوم تاني

ع فكرة الفكرة دي اسمها Bucket List

يعني كل الافكار اللي فكرنا ان احنا نرميها في الجردل.... طلعها و اكتبها في ليستة كده و دايما احلم انك تحققهم

صباااااااااااااااااااااااحكم....جردل....مليان امنيات.......ممكن جدا جدا جدا تحققها...بس انت افتح قلبك

[joo]

انت بجد بجد فظيعة يا لماضة عليكى شقاوة مشفتهاش فى حد

:flr1: :blink: :lol: :lol:

[Damo]

في موقع اسمو 43things.com الناس بتعمل اكونت بعدين يحطو لستة ٤٣ حاجة عايزين يعملوها و بعدين اللي يخلص حاجة من الحاجات دي يحطها في لستة الachieved و يحكي ازاي عملها و انطباعاته

[hOuSsAm]

جو

الكلام الكبير للكبير بس الحق اعملهم قبل متكبر اوى

وشكرن عالتحية يا سيدى

دامو

مفيش حد بيعرف يعمل كل حاجة فى الدنيا بس هتبقى لذيذة لو تعرفى تعملى حاجة مش ناس كتيرة بتعرف تعملها

شيكو

مش تعقيد ولا حاجة و19 مش قليلة انا شايف انها بتختلف من كل واحد للتانى على حسب الاولويات بس عشان انا حاسس ان حياتى كتير اتغيرت عن مكنت فى مصر فبفكر نفسى كل شوية بحجات حلوة اعملها ترجعنى لايام نجاحاتى ويا ستى قوليلنا على الـ 150 بتوعك عشان ننجح اكتر

لماضة

موتينى من الضحك :)

القلب مفتوح عالاخر بس نطبق الافكار اللى فى الجردل دى

هو ايه رايكوا نقول الافكار اللى فى دماغنا بجد بصرف ىالنظر عن المجلة عندى ثقة اننا عندنا كتير اكتر من اللى فى اى مكان

ونكمل الحلقة فى وقت تانى