إذاعات القرآن الكريم بالدول العربية مقارنة بالقاهرة

[الغريب]

يبهرني كثيرا آداء إذاعات القرآن الكريم التي تبث من شتى العواصم العربية

أرى فيها التجديد الدائم والبحث وراء جذب مستمعيها..

وبرغم أن إذاعة القرآن الكريم من القاهرة هي الرائد لإذاعات القرآن الكريم في الدول العربية ، ولكنها كغيرها من نواحي الريادة التي لازالت تفقدها مصر..

بالرغم من النكهة الجميلة التي تمتاز بها إذاعة القرآن الكريم من القاهرة من حيث الآصالة والأصوات المصرية العتيقة الممتعة، ولكني أشعر أنها تحتاج لتجديد برامجها،

تحتاج لتجديد ضيوفها "الأزهريون القدماء"، تحتاج لأصوات شابة جذابة ، تحتاج لإثارة الموضوعات الاجتماعية المفيدة ، تحتاج لأن تكون واقعية أكثر..

[ترنيم]

والله انا كنت وانا فى مصر بشغلها علطول وبحس معاها بالونس جدا جدا حتى لو مش مركزة مع البرامج

لما جيت السعودية سالت جوزى عناه قالى طبعا ان فى اذاعة قرآن كريم هنا والحق جربت مرة اسمعها وبعد كدا ما فتحتها

طبعا ليس انقاصا فى قدرهم ولكن ..............مش عارفة ليه..... وحشنى صوت كل المشايخ والاذاعيين وتقريبا كدا وحشنى كل حاجة فى مصر ..........

[مغتربة]

معلش اسمحلى اختلف مع حضرتك

و دا بالنسبه للاذاعات الى فى الامارات فقط لانى لا اعلم عن اذاعات الدول الاخرى

بصراحه كل الاذاعات هنا نسخه من بعضها و مفيهاش اى تنوع زى الى فى اذاعه القران الكريم

اذاعه القران الكريم المصريه اراها متميزة جدا بالنسبه لها و افتقدها بشده هنا

ليس فقط لفرق اصوات المقرئين

و لكن المصريه تمثل وسطيه اكبر و تناقش موضوعات مهمه

الاذاعات هنا تعتمد على بث القران لفترات طويله تتخللها اناشيد ممله جدا

و بالنسبه للبرامج فعادى ان تجد برنامج لتفسير الاحلام و اخر لفتاوى اغلبها سطحيه و بس

و فى رمضان تجد ان اغلب هذه الاذاعات تلجا لاستضافه العلماء المصريين الذين ياتون بدعوه من حاكم البلد ليحيوا ليالى رمضان هنا

[shiko]

بس موش عارفة ليه ..انا موش معاك ..انا نفسى تفضل حاجة فى حياتنا من ريحة زمان ...نفسى تفضل زى ماهى ..

نفسى افضل اصح الصبح على صوت قران الفجر فيها ...صوت مصطفى اسماعيل ..بيدوبنى فى كلمات القران ...اسمع بريد الاسلام بعد صلاة الفجر

اشوف شعاع الشمس بتلاوة بصوت الشيخ الحصرى ...

اتغدا مع برنامج الايمان والحياة ...نخرج بعد الابتهالات ..تاريخ ايمانى كبير لدى الكثير منا ومن جدودنا ...طعم ماتعرفش تدوقه الا وانت مشغل الراديو ..طول اليوم وبدون توقف

[fatfouta]

بس موش عارفة ليه ..انا موش معاك ..انا نفسى تفضل حاجة فى حياتنا من ريحة زمان ...نفسى تفضل زى ماهى ..

نفسى افضل اصح الصبح على صوت قران الفجر فيها ...صوت مصطفى اسماعيل ..بيدوبنى فى كلمات القران ...اسمع بريد الاسلام بعد صلاة الفجر

اشوف شعاع الشمس بتلاوة بصوت الشيخ الحصرى ...

اتغدا مع برنامج الايمان والحياة ...نخرج بعد الابتهالات ..تاريخ ايمانى كبير لدى الكثير منا ومن جدودنا ...طعم ماتعرفش تدوقه الا وانت مشغل الراديو ..طول اليوم وبدون توقف

انتى قلتى كل اللى انا عاوزة اقوله

ده كفاية انى اسمع تواشيح وابتهالات الاذاعة اللى بتيجى قبل صلاة الفجر ........دى بتحسسنى بطمأنبنة رهيييبة عمرى ماحسيت بيها لما افتح اذاعة القرآن الكريم السعودية

والبرامج كلها فى منتهى الجمال وبالذات فعلا بريد الاسلام

انا لما بكون فى مصر ببقى علطول فاتحة الراديو عليها عشان بتبقى وحشاااااااانى....وحشنى طعم الامان والدفا وصوت مقريئنا باصواتهم الجميلة اللى باقى المقرئين العرب بيتعلموا منهم

صوت محمد صديق المنشاوى ومحمود خليل الحصرى من اكتر اللى بيميز الاذاعة المصرية بيخلونى احس بالاماااااااااان على العكس مع صوت احمد العجمى او مشارى راشد بحس ان فيه زعيق كده ومش ببقى مستريحة خالص.........بصراحة ده رايى

ترنيم فعلا انا حصل معايا نفس اللى حصل معاكى بالضبط اللى حصل معايا والله لو اقولك من ساعتها كل مابقى راجعة هنا بيبقى عندى احباط من كتر مانا متعلقة بالاذاعة دى وبيبقى نفسى اخدها كعايا

طبعا احنا مش بنقلل من قدر حد بس كل واحد على ماتعود .......وانا شايفة انه مافيش احلى ولا احسن من اذاعة القرآن الكريم المصرية

[بركة]

اتفق مع اختنا مغتربة في الرأي

اذاعة القرآن المصرية لها تأثيرها المعنوي علينا ومنهجها وسطي وبها علم وفير

الله المستعان اذاعة السعودية للقران ينقصها الكثير

والاسئلة الفقهية بصراحة !!!!!! :rolleyes:

[الغريب]

أنا معاكم ياجماعة أن إذاعة القرآن الكريم المصرية رائعة للغاية وأننا كبرنا على أصوات المقرئيين المصريين الممتعين..

ولكن لم يعد هناك تطور ولو بسيط في نوعية البرامج

إذاعة القرآن الكريم الكويتية ممتعة جدا وإن كانت لا توازي إذاعتنا بسبب ميزة القراء الموجودة عندنا وهم يحاولون على مدار اليوم إذاعة قراءات للقراء المصريين ولكن ما يعجبني في هذه الاذاعة برامجها الرائعة في برنامج أسمه تباشير الصباح يأتي من 7-8 يعني وقت الذهاب للعمل وبرنامج أسمه واحة المستمعين يأتي 1-2.5 يعني وقت الخروج من العمل بصراحة برنامجيين رائعيين جدا ومتهيألي أنهم سبب حوادث السيارات بسبب التركيز الشديد فيهم

[MZohairy]

الغريب مش غلطان

احنا بنحبها عشان اتربينا عليها و بنسمعها كل يوم طول عمرنا زي البرنامج العام و الشرق الأوسط و القناه الأولى و التانيه

لكن فعلا محتاجين تطوير عشان تبهر المستمع الجديد

[mfarag]

rs:

اعتقد انة يمكن السماع لاذاعة القران الكريم عن طريق الانترنت

rs:

[om marawan]

أنا معاكم ياجماعة أن إذاعة القرآن الكريم المصرية رائعة للغاية وأننا كبرنا على أصوات المقرئيين المصريين الممتعين..

ولكن لم يعد هناك تطور ولو بسيط في نوعية البرامج

إذاعة القرآن الكريم الكويتية ممتعة جدا وإن كانت لا توازي إذاعتنا بسبب ميزة القراء الموجودة عندنا وهم يحاولون على مدار اليوم إذاعة قراءات للقراء المصريين ولكن ما يعجبني في هذه الاذاعة برامجها الرائعة في برنامج أسمه تباشير الصباح يأتي من 7-8 يعني وقت الذهاب للعمل وبرنامج أسمه واحة المستمعين يأتي 1-2.5 يعني وقت الخروج من العمل بصراحة برنامجيين رائعيين جدا ومتهيألي أنهم سبب حوادث السيارات بسبب التركيز الشديد فيهم

مش ممكن والله بجد انا اول ماقريت عنوان الموضوع كنت لسه هادخل اقول اللى حضرتك قلت " بالحرف الواحد " rs:

بجد ياجماعة اذاعة الكويت راااائعة و لو نزلت فى الميعاد اللى ذكره الغريب هتلاقوا الكويت كلها بتسمع البرنامجين دول فى السيارات

الى جانب انها طول الوقت بتذيع لمقرئين مصريين فتحس بروح الاذاعة المصرية وان كانت بالفعل لا تضاهيها فى قربها من قلبنا

لكها فعلا اذاعة مميزة

جزا الله القائمين عليها خيرا

[fatfouta]

أنا معاكم ياجماعة أن إذاعة القرآن الكريم المصرية رائعة للغاية وأننا كبرنا على أصوات المقرئيين المصريين الممتعين..

ولكن لم يعد هناك تطور ولو بسيط في نوعية البرامج

إذاعة القرآن الكريم الكويتية ممتعة جدا وإن كانت لا توازي إذاعتنا بسبب ميزة القراء الموجودة عندنا وهم يحاولون على مدار اليوم إذاعة قراءات للقراء المصريين ولكن ما يعجبني في هذه الاذاعة برامجها الرائعة في برنامج أسمه تباشير الصباح يأتي من 7-8 يعني وقت الذهاب للعمل وبرنامج أسمه واحة المستمعين يأتي 1-2.5 يعني وقت الخروج من العمل بصراحة برنامجيين رائعيين جدا ومتهيألي أنهم سبب حوادث السيارات بسبب التركيز الشديد فيهم

مش ممكن والله بجد انا اول ماقريت عنوان الموضوع كنت لسه هادخل اقول اللى حضرتك قلت " بالحرف الواحد " rs:

بجد ياجماعة اذاعة الكويت راااائعة و لو نزلت فى الميعاد اللى ذكره الغريب هتلاقوا الكويت كلها بتسمع البرنامجين دول فى السيارات

الى جانب انها طول الوقت بتذيع لمقرئين مصريين فتحس بروح الاذاعة المصرية وان كانت بالفعل لا تضاهيها فى قربها من قلبنا

لكها فعلا اذاعة مميزة

جزا الله القائمين عليها خيرا

اقعدوا انتوا غيظونا يا بتوع الكويت عشان احنا الاذاعة عندنا فى السعودية بصراحة مافيهاش اى حاجة تشد على سماعها

بس برضو يا ام مروان انا معرفش استصيغ غير الاذاعة المصرية

[om marawan]

انا اقدر نزعلكم يا احلى فتفوتة

فعلا سحر اذاعة مصر وكل حاجة فى مصر ليها طعم تانى وعلى فكرة اللى محببنى أكتر فى اذاعة القران هنا ان فيها حتة من مصر

بلدنا كلها حلوة ربنا بس يهدى ناسها وحكومتها

[alitof]

بصراحه اود ان اقول اننى من المعجبين جدا باذاعه القران الكريم المصريه وكل ما فيها :closedeyes: وهى اجمل محطه ارسال مسموعه تصلنا بمصر نحن المصريين بكل ما فيها من اصاله ووسطيه واعتدال ومنهجيه وعظماء القراء ومشاهيرهم على مر عصور الاذاعه والتواشيح الاسلاميه والشيخ سيد النقشبندى ونصر الدين طوباروالشيخ عبد الباسط والحصرى والمنشاوى ومصطفى اسماعيل وغيرهم وغيرهم واقول للذين يطالبون بتجديدها ماذا يريدون هل يريدون ان تسير على هوى التجديدات وفتاوى الشيخ جمال البنا وامثاله انا اعتقد انها اذاعه محترمه جدا وبها موضاعاتمتنوعه وغنيه وجميله وقد تكون الشى الوحيد الذى ربما بقى فى مصر دون ان يتلوث على مدى فترة زمنيه كبيرة ولو لاحظتم برامجها تجدوها متنوعه وتخاطب جميع الفئات وتبنى وتهذب وتعلم وترسخ مبادى الدين الحنيف ومنهج الوسطيه والاعتدال دون تفريط او تشديد اقول وشهادة لله بارك الله لكم يا من تعملون بهذة القناة ودمتم للاسلام فخرا وتاجا واقول لكم انتم وما تقدموة من برامج فى قلوبنا جمعيا وتعلمت من برامجكم الكثير والكثير من امور دينى وارشاداتكم بارك الله فيكم وحفظكم ورعاكم وهدى من يحاول ان يطعن فيكم لغرط فى نفسه واقول لهم احذورا ان الله ناصرا من ينصرة وهم يقومون بنشر الدين الحنيف وتعاليمه السمحه ماذا تريدون راجعوا انفسكم بالله عليكم حتى لا تحاسبوا على ما تقولون يوم القيامه واسال الله لكم الهدايه والتوفيق والرشاد

مسلم يحب الله ورسوله والذين امنوا معه ونصروة

[Sherief AbdelWahab]

لإذاعة القرآن الكريم المصرية دور لا يعيه القائمون عليها.. تذكيرنا بالقراء والمنشدين المصريين الذين هم جزء لا يتجزأ من صورة مصر في عيون أبنائها..

من الصعب أن تتخيلها بدون العمالقة "محمد رفعت" ، "مصطفى إسماعيل" ، "الحصري" ، "المنشاوي" ، "عبد الباسط" ، "محمود علي البنا" ، "سيد النقشبندي" ، "محمد عمران" ، "نصر الدين طوبار"..والقائمة تطول لآخر الشارع..

نطلب المزيد من الاهتمام بالتسجيلات النادرة لكل هؤلاء ، وصيانتها ، وعدم بيعها أو التفريط فيها ..

نطلب المزيد من تقريب البرامج لحياة الناس ، وتفادي الفخ المذهبي..

نطلب المزيييييييييييييييييييييد..

خلص الكلام

[Simba]

انا من اشد المعجبين بقناة القرآن المصرية وهي مميزة جدا عن غيرها من اذاعات باقي الدول الاسلامية واتمني انها تفضل علي كده علي طول وانا دوخت بصراحة السبع دوخات علي النت لحد ما ربنا كرمني وقدرت الاقي راديو سامي اللي بيشغل اذاعات كتير ومن ضمنها إذاعة القرآن الكريم المصرية هي صح في اوقات مش بتشتغل بس في اغلب الاوقات الحمد لله شغالة كويس

وهما محطتين اللي دايما اسمعهم وانا علي النت محطة مصر والقرآن الكريم

[المصمم]

فعلا اذاعة القرآن الكريم لها تميز عن الاذاعات الخليجية

وانا باشغلها هنا فى السعودية انما المشكلة انى عشان اسمعها لازم اكون فى البيت لانى بشغلها من الدش

بس بحس احساس تانى مع القراء المصريون مهما الواحد سمع ومها اعجب باصوات انما القرآن فى مصر بسمعه بخشوع وتركيز اكتر وخاصة محمد اسماعيل المنشاوى عبد الصمد

بحس ان لهم مرتبه خاصة بيهم وكنت بفكر هل ده فعلا ولا انا بحس بكده عشان مصرى ومتعود عليهم

[sarmar]

اخى المصمم انا فعلا مثلك اول ماادخل المكتب بشغلها على النت وتظلمعى طول اليوم وتاخذنى من المكان الى مكان اخر بمصر وكانى اعيش بالقاهرة وسط جيرانى ومعظم المحلات تجدها فى الصباح خاصة تستمع الى هذة الاذاعة المباركة

واضيف ايضا اننى اشعر بالخشوع اكثر فى رحاب القرءان الكريم وخاصة من اصوات مصرية جزا اللة جميع المقرئين خير الثواب