شتى يا دنيا

[مغتربة]

مصراوي - خاص - في ظاهرة لم تشهدها مصر منذ سنوات، تعرضت محافظات القاهرة والجيزة و6 أكتوبر وحلوان لتساقط الثلوج، في موجة أمطار رعدية وانخفاض شديد بدرجات الحرارة.

وكانت محافظة القاهرة ومحافظات الوجه البحري وشبه جزيرة سيناء قد تعرضت لأمطار غزيرة صباح الخميس، إثر نوّة باردة تتعرض لها محافظات الجمهورية تستمر لثلاثة أيام مقبلة.

وشهدت معظم مدن الجمهورية هبوط رياح شديدة مصحوبة بالرمال مما تسبب فى انعدام الرؤية، كما شهدت مناطق أخرى بالمحافظات أمطارا غزيرة، مما عرقل حركة السير والصيد بالمناطق الساحلية.

ففى محافظة بورسعيد، أدى هطول الأمطار الغزيرة إلى إغلاق ميناء الصيد نظرا لارتفاع أمواج البحر، كما تحولت المناطق العشوائية إلى مستنقعات من مياه الأمطار المختلطة بمياه الصرف الصحى الراكدة فيها، فضلا عن بعض المناطق السكنية بحى الزهور والضواحى التى ارتفعت المياه فى شوارعها نتيجة أعمال الرصف التى فتحت البالوعات الخاصة بالصرف أعلى الشوارع مما جعل المياه راكدة فيها.

وصرح مصدر مسئول بهيئة قناة السويس بأن حركة الملاحة للسفن العابرة لقناة السويس لم تتأثر بالحالة الجوية السيئة حتى الآن، ولم ترصد أجهزة الرقابة على الطرق السريعة هناك أية حوادث نتيجة الطقس السيئ.

وفي الإسكندرية، تواصلت موجة الطقس شديد البرودة لليوم الثاني على التوالي، مع سقوط أمطار شديدة بكل مناطق المحافظة.

أما محافظة الشرقية، فقد تعرضت لأمطار غزيرة وطقس سيئ صاحبهتا رياح مثيرة للرمال والأتربة، كما ندرت فترات سطوع الشمس وتكاثرت السحب المنخفضة والمتوسطة، ونتج عن الأمطار تراكم المياه فى الشوارع والميادين التى تحولت إلى برك مياه، كما تباطأت حركة مرور السيارات بشكل عام وخلت الشوارع من المارة، وضعفت الحركة التجارية وانقطع التيار الكهربى فى عدد كبير من القرى.

وفى محافظة جنوب سيناء، تعرضت مدن المحافظة إلى موجة مشابهة ورياح شديدة مصحوبة بالرمال، كما تعرضت مدينة طور سيناء لأمطار متقطعة طوال اليوم، بينما هطلت أمطار غزيرة على أجزاء من مدن نويبع وسانت كاترين وطابا.

وتعرضت مناطق متفرقة بمحافظة أسوان لموجة من العواصف الترابية الشديدة أدت لانعدام الرؤية وأثرت على حركة السير، وأعلن محافظ أسوان مصطفى السيد رفع درجة الاستعداد بمرفقى الإطفاء والإسعاف بالمستشفيات تحسبا لوقوع أية حوادث طارئة ناتجة عن العواصف الترابية، وحذرت غرفة العمليات بالمحافظة الوحدات النهرية والفنادق السياحية العائمة بوقف رحلاتها فورا، فضلا عن منع مراكب الصيد العاملة ببحيرة ناصر من الإبحار نظرا لارتفاع الأمواج، خشية من تعرضها لحوادث مفاجئة متأثرة بالظروف الجوية.

وفى محافظة الوادى الجديد، طالت عاصفة ترابية مناطق الخارجة والداخلة والفرافرة وباريس، وقرر المحافظ أحمد مختار تأمين كافة المناطق الحيوية والخدمات والمرافق لحين انتهاء العاصفة.

وقرر اللواء سامى قمر مساعد وزير الداخلية لأمن الوادى الجديد غلق الطرق الرئيسية من وإلى الوادى الجديد، فيما تتابع غرفة عمليات رئيسية تداعيات الموقف هناك، وأشار إلى أنه سيتم فتح جميع الطرق عقب انتهاء العاصفة حفاظا على سيولة الحركة المرورية.

وفى محافظة الغربية، هطلت أمطار غزيرة مصحوبة برياح وتكاثرت السحب المنخفضة والمتوسطة، أدت إلى عرقلة حركة السير بالمحافظة. أما محافظة الأقصر، فتوقفت حركة الطيران (هبوط وإقلاع) بسبب سوء الأحوال الجوية فى مطار الأقصر الدولى بعد الظهر، وصرح اللواء طيار علاء فهمى مدير مطار الأقصر الدولى بأن توقف الإقلاع والهبوط جاء بسبب انخفاض الرؤية إلى 5 أمتار.

وفى محافظة البحيرة، تعرضت مدن ومراكز المحافظة الخميس لموجات متتابعة من الأمطار الغزيرة تسببت فى إغراق الشوارع وامتلاء المناطق المنخفضة بها بمياه الأمطار المصحوبة بالبرق والرعد، واستمر هطول الأمطار فترات طويلة تسببت فى انقطاع التيار الكهربائى عن بعض القرى.

وكثفت إدارة المرور حملاتها المرورية لتأمين حركة السيارات والتحذير من السرعة الزائدة بسبب هطول الأمطار على الطريقين الصحراوى والزراعى.

وأكدت الهيئة العامة للأرصاد الجوية في تصريحات لمصراوي، أن موجة الأمطار التي تجتاح القاهرة وشمال مصر سوف تستمر لمدة 3 أيام أخرى "الجمعة والسبت والأحد".

وتترواح درجات الحرارة المتوقعة على القاهرة في الأيام الثلاثة بين 18 درجة "عظمى" و12 "صغرى".

طمنونا اخباركم فى البرد دا ايه

و الله كان نفسى اكون فى مصر الايام دى

و العب بالتلج دا للصبح

[miramikhail]

rs: أولا شكرا على أغنية فيروز الحلوة دية لأنى من عشاق فيروز

عامتا أطمنى أة الجو قلب قلبة جامده من بعد ما كانت الحرارة 33 درجة يوم الجمعة أو السبت نزلت ل 17 (أمشير و جنانه بقى) و النهارده فى القاهرة دلوقتى و أنا قاعده فى بيتنا المطر نازل زى ما يكون الدش مفتوح و البرد عمال يخبط فى سور البلكونة و صوت برق ورعد بس ده ما يمنعش يعنى أن بنتى و أبنى كل واحد خرج مع أصحابة و كل شوية أحاول ؟أكلمهم الشبكة واقعة لحد ما لقطت وطبعا كل ما كلم واحد فيهم أزعق أنا مش قلت بلاش تنزلوا . :o

أما جوزى غنزل من الشغل الساعة 7 و لحد دلوقتى ماجاش و كل ماكلمه يقولى أظاهر محتاج أحول العربية مركب المية دخلت العربية جوة rs:

[الباشمهندس ياسر]

الجو جميييييييييييييييييييييييل

و الدنيا زي الفل

و الحياة رائعة

و الناس اعصابها هادية اوي

و كان نفسي اوي ان اللي يبقي قاعد جنبي مش واحد من المقاولين :closedeyes:

[MaYousof]

الجو جميييييييييييييييييييييييل

و الدنيا زي الفل

و الحياة رائعة

و الناس اعصابها هادية اوي

و كان نفسي اوي ان اللي يبقي قاعد جنبي مش واحد من المقاولين :closedeyes:

كنت عايز مين يعني اللي يبقى قاعد جنبك؟ :closedeyes:

[الباشمهندس ياسر]

الجو جميييييييييييييييييييييييل

و الدنيا زي الفل

و الحياة رائعة

و الناس اعصابها هادية اوي

و كان نفسي اوي ان اللي يبقي قاعد جنبي مش واحد من المقاولين :closedeyes:

كنت عايز مين يعني اللي يبقى قاعد جنبك؟ :closedeyes:

اكيد مش انت برده :closedeyes:

[doha]

اول امباح بعضنا كان مصيف .. الدنيا كانت حر

النهرده قلبت مرة وحده رياح وامطار غزيرة والدنيا برد .. بس الجو روعه .. منعش جدا

نفسي تشتي تلج عشان بنتي هتنهبل على الثلج الي بتشوفه في الكرتون وبتسالني امتى هيجي عندنا ..

[HanaaOsama]

امبارح كان اليوم كله شويه شمس و شويه رعد و برق و امطار غزيره جدا بس مشفناش التلج ده .......:)

[herohero]

هو مش هيكون ثلج بمعني الثلج هو ما يعرف بالبرد وده اللي شوفته مش عارف هل فيه اماكن تانيه نزل فيها ثلج ولا لا ولكن لا اظن اما اليوم الجمعه فالشمس مشرقة والحرارة كويسه وكان الكل متوقع انخفاض الحرارة المفاجئ وكما نعلم فان الامطار في مصر لها وضع تاني يعني الدنيا بتقف فده اكتر شيئ ضايقني ومكنش كم الامطار جامد لكن مشاكل تصريف المياه وميول الطرق

وشتاء سعيد للجميع

[Folana]

السلام عليكم ورحمة الله...

اختى الكريمة مغتربة ...الاخوة والاخوات الافاضل...

الحقيقة الوضع كان مأساوى جدا....أنا بأقول على نفسى انى كائن شتوى..يحب الأمطار ويهوى السقيع ويعشق الثلج اللى مش بأشوفه فعلا الا فى افلام الكارتون...لدرجة انى بأفكر أروح كندا اشوف نظام التلج هناك ايه :)

لكن شاء حظى اللى مش ولابد انى اكون انا واولادى فى الخارج امس...بجد منظر لايمكن أنساه...فى الاول فرحنا بالبرق اللى بيضىء السماء وبقطرات المياه ورائحة الهواء المنعشة....لكنها فرحة لم تدوم...

تحولت الشوارع الى برك من المياه..برك ايه؟...انهار تجرى بها الامواج ..ارتفع مستوى المياه الى الارصفة وغطاها...حتى المطبات الصناعية..او التلال الصناعية كما أطلق عليها كانت فى نفس مستوى المياه ومش ظاهره ..كناا نعرف ان فيه مطب بس..لما نشوف العربية اللى امامنا بتطلع فوق وتنزل من الناحية التانية....

وزوجى معانا على التليفون بينقل وصف تفصيلى لجزء من المأسأة اللى عايشها ايضا...وبندعى ربنا بس انه يجمعنا تانى بعد ان ظننا كل الظن أن لا تلاقيا...

حقيقى....احنا عايزين نرجع البيت نلاقى زوجى فيه...وهو قلقان جدا عايزنا نرجع البيت بأى طريقة...شعور الغربة ده شعور قاتل...ومش اى غربة...دى غربة مطينة بطين الحقيقة..

ايه ده يا بلد؟...بجد ماكنتش متخيلة الوصف كده الا لما شفته على حقيقة...عربيات كتير جدا اتعطلت وناس هدومها غرقانة مية...والبلاعات واضح انها مسدودة او مافيش بلاعات اصلا...والمضحك الباكى بقى...ان كان فيه جزيرة فى منتصف الطريق تقريبا جنينة ومرتفعة عن مستوى الارض بكتير ...وفيها ماسورة ضاربة او بلاعة مسدودة ماهو ماحدش شايف حاجة....والمياه متدفقة من الجانب كأنها نافورة...بنتى بتقولى ايه ده؟..قلت لها ده علشان اللى عربيته ما اتعطلتش فى الاول...او اللى ماغرقش مية....يبقى الحكومة ماحرمتهوش من حاجة ونافورة الصرف الصحى دى او ايا كانت ..تقوم بالواجب معاه...

تلات ساعات فى الطريق الى بيتى...وفى وقت مفروض لا يتعدى نصف ساعة او ساعة فى الظروف العادية...لا شفت عسكرى مرور..ولا شفت عربية لشفط المياه...ماشفتش غير الامواج اللى بتجرى فى الشارع نظرا للانحدا ر الشديد فى مستوى الشوارع ....زعلت جدا انى ماكانش معايا سنارة...يمكن كنا طلعنا بسمكتين ولا حاجة نتعشى بهم...ولم ارى الا العربيات المعطلة فى متصف الطريق...

اه يابلد تغرق فى شبر مية..

كرهونى فى المطر والشتا وحتى كرهت الست أليسا اللى بتقول كنا فى اواخر الشتا...كرهتهم كلهم...

[hOuSsAm]

الله بحب الشتا اوى

كان نفسى اكون موجود

البس الجاكيت التقيل اوى على بنطلون جينز ازرق والكوتشى وفى ايدى اليمين الايس كريم والشمال طبعا فى جيبى من البرد

واتمشى عالكورنيش كورنيش المنصورة طبعا والشوارع فاضية واسرح بخيالى

من الحجات اللى كرهتنى فى جدة ان مفهاش شتا نفس اخرج يوم واحد بجاكيت بس الله المستعان بكره تحلو

طبعا هتصل بيهم فى البيت النهاردة اتطمن عليهم واغيظهم واقولهم انا نازل البحر اخد غطس هما عندهم شتا وبردانين وانا عندى بحر وحراااااااااااااااااااااان yaw:

ربنا يجيب العواقب سليمة سواء فى مصر من الشتا او فى جدة من طرطشة البحر :)

[herohero]

اه يابلد تغرق فى شبر مية..

كرهونى فى المطر والشتا وحتى كرهت الست أليسا اللى بتقول كنا فى اواخر الشتا...كرهتهم كلهم...

ليه يافندم ده احنا عاوزين نعمل محطة نووية امال ايه بقى البلد بتتقدم بيهم بلاش حضرتك تكوني من القله المندسة

[مغتربة]

:) أولا شكرا على أغنية فيروز الحلوة دية لأنى من عشاق فيروز

عامتا أطمنى أة الجو قلب قلبة جامده من بعد ما كانت الحرارة 33 درجة يوم الجمعة أو السبت نزلت ل 17 (أمشير و جنانه بقى) و النهارده فى القاهرة دلوقتى و أنا قاعده فى بيتنا المطر نازل زى ما يكون الدش مفتوح و البرد عمال يخبط فى سور البلكونة و صوت برق ورعد بس ده ما يمنعش يعنى أن بنتى و أبنى كل واحد خرج مع أصحابة و كل شوية أحاول ؟أكلمهم الشبكة واقعة لحد ما لقطت وطبعا كل ما كلم واحد فيهم أزعق أنا مش قلت بلاش تنزلوا . :sad:

أما جوزى غنزل من الشغل الساعة 7 و لحد دلوقتى ماجاش و كل ماكلمه يقولى أظاهر محتاج أحول العربية مركب المية دخلت العربية جوة

ان شاء الله تكونى اطمنتى عليهم كلهم دلوقتى

صحيح ان امشير مجنون بس و الله وحشنى جدا تقلب الجو ده

ما هو مش معقول ان الواحد يعيش 12 شهر حر

خصوصا بقى ان انا كائن شتوى بامتياز و مولوده فى اول يوم فى فصل الشتا فلكيا

yaw:

[مغتربة]

الجو جميييييييييييييييييييييييل

و الدنيا زي الفل

و الحياة رائعة

و الناس اعصابها هادية اوي

و كان نفسي اوي ان اللي يبقي قاعد جنبي مش واحد من المقاولين :)

انت هتقولى على جمال الجو الى زى كده يا استاذ ياسر

بصراحه جو زى ده يبقى ميطلبش قعده مع مقاولين خالص yaw:

ربنا ان شاء الله يصلحلك الامور كلها و يانسك بقعده مع الى تحب فى كل وقت و اوان

[مغتربة]

الجو جميييييييييييييييييييييييل

و الدنيا زي الفل

و الحياة رائعة

و الناس اعصابها هادية اوي

و كان نفسي اوي ان اللي يبقي قاعد جنبي مش واحد من المقاولين

كنت عايز مين يعني اللي يبقى قاعد جنبك؟ :)

هو لازم تناكفه كده استاذ محمد

yaw:

[مغتربة]

اول امباح بعضنا كان مصيف .. الدنيا كانت حر

النهرده قلبت مرة وحده رياح وامطار غزيرة والدنيا برد .. بس الجو روعه .. منعش جدا

نفسي تشتي تلج عشان بنتي هتنهبل على الثلج الي بتشوفه في الكرتون وبتسالني امتى هيجي عندنا ..

ما هى شتت تلج يا ضحى بس فى القاهره

بصراحه لما شفت الصور غرت و كان نفسى قوى اكون فى الجو دا

اصل انا دايما كنت بقول انا نفسى اعيش فى حته كده لما اصحى الصبح و ابص من الشباك كده الاقى اقى بقى

خير اللهم اجعله خير الدنيا حواليه ابيض فى ابيض

حاجه كده زى محمد هنيدى فى جاءنا البيان التالى لما بعتوه الشيشان

[مغتربة]

هو مش هيكون ثلج بمعني الثلج هو ما يعرف بالبرد وده اللي شوفته مش عارف هل فيه اماكن تانيه نزل فيها ثلج ولا لا ولكن لا اظن اما اليوم الجمعه فالشمس مشرقة والحرارة كويسه وكان الكل متوقع انخفاض الحرارة المفاجئ وكما نعلم فان الامطار في مصر لها وضع تاني يعني الدنيا بتقف فده اكتر شيئ ضايقني ومكنش كم الامطار جامد لكن مشاكل تصريف المياه وميول الطرق

وشتاء سعيد للجميع

لا و الله يا استاذ هيرو الصور الى شفتها على النت امبارح كانت تلج تلج

قد الزلط و كان فيه صورة واحد مجمع كميه كبيره منه فى ملايه

حاولت انزل الصور دى مع الموضوع امبارح بس للاسف مظبطتش

عموما الموضوع كان على مصراوى مع الصور دى ادخل اتفرج و اتكيف شويه منها

تم تعديل 26 فبراير 2010 بواسطة مغتربة

[مغتربة]

السلام عليكم ورحمة الله...

اختى الكريمة مغتربة ...الاخوة والاخوات الافاضل...

الحقيقة الوضع كان مأساوى جدا....أنا بأقول على نفسى انى كائن شتوى..يحب الأمطار ويهوى السقيع ويعشق الثلج اللى مش بأشوفه فعلا الا فى افلام الكارتون...لدرجة انى بأفكر أروح كندا اشوف نظام التلج هناك ايه :)

لكن شاء حظى اللى مش ولابد انى اكون انا واولادى فى الخارج امس...بجد منظر لايمكن أنساه...فى الاول فرحنا بالبرق اللى بيضىء السماء وبقطرات المياه ورائحة الهواء المنعشة....لكنها فرحة لم تدوم...

تحولت الشوارع الى برك من المياه..برك ايه؟...انهار تجرى بها الامواج ..ارتفع مستوى المياه الى الارصفة وغطاها...حتى المطبات الصناعية..او التلال الصناعية كما أطلق عليها كانت فى نفس مستوى المياه ومش ظاهره ..كناا نعرف ان فيه مطب بس..لما نشوف العربية اللى امامنا بتطلع فوق وتنزل من الناحية التانية....

وزوجى معانا على التليفون بينقل وصف تفصيلى لجزء من المأسأة اللى عايشها ايضا...وبندعى ربنا بس انه يجمعنا تانى بعد ان ظننا كل الظن أن لا تلاقيا...

حقيقى....احنا عايزين نرجع البيت نلاقى زوجى فيه...وهو قلقان جدا عايزنا نرجع البيت بأى طريقة...شعور الغربة ده شعور قاتل...ومش اى غربة...دى غربة مطينة بطين الحقيقة..

ايه ده يا بلد؟...بجد ماكنتش متخيلة الوصف كده الا لما شفته على حقيقة...عربيات كتير جدا اتعطلت وناس هدومها غرقانة مية...والبلاعات واضح انها مسدودة او مافيش بلاعات اصلا...والمضحك الباكى بقى...ان كان فيه جزيرة فى منتصف الطريق تقريبا جنينة ومرتفعة عن مستوى الارض بكتير ...وفيها ماسورة ضاربة او بلاعة مسدودة ماهو ماحدش شايف حاجة....والمياه متدفقة من الجانب كأنها نافورة...بنتى بتقولى ايه ده؟..قلت لها ده علشان اللى عربيته ما اتعطلتش فى الاول...او اللى ماغرقش مية....يبقى الحكومة ماحرمتهوش من حاجة ونافورة الصرف الصحى دى او ايا كانت ..تقوم بالواجب معاه...

تلات ساعات فى الطريق الى بيتى...وفى وقت مفروض لا يتعدى نصف ساعة او ساعة فى الظروف العادية...لا شفت عسكرى مرور..ولا شفت عربية لشفط المياه...ماشفتش غير الامواج اللى بتجرى فى الشارع نظرا للانحدا ر الشديد فى مستوى الشوارع ....زعلت جدا انى ماكانش معايا سنارة...يمكن كنا طلعنا بسمكتين ولا حاجة نتعشى بهم...ولم ارى الا العربيات المعطلة فى متصف الطريق...

اه يابلد تغرق فى شبر مية..

كرهونى فى المطر والشتا وحتى كرهت الست أليسا اللى بتقول كنا فى اواخر الشتا...كرهتهم كلهم...

استاذه فولانه

اولا الف حمد لله على سلامتك انتى و اولادك من الرحله العصيبه دى

انا بقولك رحله عصيبه علشان انا عرفاها و مجرباها

فى الامارات هنا اى كميه مطر ربع الى بتنزل فى مصر فى الاوقات العاديه

كفيله انا تسببلنا ماساه زى الى حضرتك وصفتيها دى

و كل الى فى الامارات خصوصا الى ساكنين فى الشارقه عارف الموضوع دا كويس

نزول المطر معناه انكى توصلى شغلك فى خمس سبع ساعات بلا مبالغه

و الله ساعات ناس بتوصل على معاد الانصراف

و فيه ناس تلاقيها حاطه مركب من الى بيتنفخ فى الشارع و ماشيه فيه

طلوع المايه على الارصفه دا الطبيعى و يا سلام بقى على مطالع الكبارى او فى الانفاق

و الوضع ده بيفضل ايام لان عربيات سحب المياه الى عندهم مبتبقاش مكفيه

و الماساه دى زى كل الدول العربيه كل سنه يطلعوا يبشرونا انهم عملوا اصلاحات من شانها انها تقض على الظاهره دى تماما

لكن طبعا اى شويه مطر اهبل بيكشف كذبهم

السانه دى الحمد لله محصلش ده عندنا لان المطر شاحح عليهم جدا السنه دى

و تقريبا ممطرتش غير مرتين تلاته و كميات لا تذكر

الف سلامه عليكم و ان شاء الله دايما تكونوا سالمين

تم تعديل 26 فبراير 2010 بواسطة مغتربة

[مغتربة]

امبارح كان اليوم كله شويه شمس و شويه رعد و برق و امطار غزيره جدا بس مشفناش التلج ده .......:)

لا و الله يا هناء الى شوفته فى الصور كان تلج تلج

بس يمكن هيا محافظات محافظات

تحياتى

[مغتربة]

الله بحب الشتا اوى

كان نفسى اكون موجود

البس الجاكيت التقيل اوى على بنطلون جينز ازرق والكوتشى وفى ايدى اليمين الايس كريم والشمال طبعا فى جيبى من البرد

واتمشى عالكورنيش كورنيش المنصورة طبعا والشوارع فاضية واسرح بخيالى

من الحجات اللى كرهتنى فى جدة ان مفهاش شتا نفس اخرج يوم واحد بجاكيت بس الله المستعان بكره تحلو

طبعا هتصل بيهم فى البيت النهاردة اتطمن عليهم واغيظهم واقولهم انا نازل البحر اخد غطس هما عندهم شتا وبردانين وانا عندى بحر وحراااااااااااااااااااااان :sad:

ربنا يجيب العواقب سليمة سواء فى مصر من الشتا او فى جدة من طرطشة البحر :)

و مين سمعك يا استاذ حسام

انا بحب جدا المشى فى المطر كل صحابى البنات كانوا يدورا على حته يستخبوا تحتها علشان شعورهم متبوظش

بس انا و لا كان يهمنى

كنت امشى فى نص الشارع

لكن دلوقتى الامارات زى جده كده

دا حتى و هيه بتمطر بنكون فاتحين التكيف فى العربيه

يعنى مطر تايوانى yaw:

[herohero]

هو مش هيكون ثلج بمعني الثلج هو ما يعرف بالبرد وده اللي شوفته مش عارف هل فيه اماكن تانيه نزل فيها ثلج ولا لا ولكن لا اظن اما اليوم الجمعه فالشمس مشرقة والحرارة كويسه وكان الكل متوقع انخفاض الحرارة المفاجئ وكما نعلم فان الامطار في مصر لها وضع تاني يعني الدنيا بتقف فده اكتر شيئ ضايقني ومكنش كم الامطار جامد لكن مشاكل تصريف المياه وميول الطرق

وشتاء سعيد للجميع

لا و الله يا استاذ هيرو الصور الى شفتها على النت امبارح كانت تلج تلج

قد الزلط و كان فيه صورة واحد مجمع كميه كبيره منه فى ملايه

حاولت انزل الصور دى مع الموضوع امبارح بس للاسف مظبطتش

عموما الموضوع كان على مصراوى مع الصور دى ادخل اتفرج و اتكيف شويه منها

يافندم الامطار في مصر لاتدعو للتامل الا لو ههتتفرجي وانت ف البيت اما انا كنت ف الشارع بالعربية ومش عاوز اقولك اي حوسة وانا بتكلم ع القاهرة اللي المفروض العاصمة والتلج انا شايفه برد لم يرتقى لحجم الثلج (البَرَد مثل الحصى صلب ويكون صغير الحجم... )

وايا كان الواحد بيكون مشغول ف التركيز ف الطريق اللي بيكون مش باين فيه المطب من البلاعه من اي حفرة وقانا ووقاكم شرها

وطبعا مش بيكسب ف كده الا السيارات العاليه اللي مقفولة من تحت اما الياباني فياقلب لاتحزن لازم تمشي بالراحه

بصراحه بيكون جو من الاثارة والتشويق لما الدنيا بتمطر ف مصر والدنيا تقف وتعك ياه ياله من شعور رائع

ما اظنش ابدا انه شعور يوحي بالرومانسية

هو بيوحي باشياء اخري خاصة وانت سايق او بمعنى اصح لايص ف وسط هذه الفوضى الخلاقة