الى المهاجرين الاوائل ..........ارجعو

[myusername]

الاستاذ myusername

شكلك استعجلت شوية فى الرد

انا لم و لم اطلب من الاعضاء وضع عناوينهم على العام و لا تليفوناتهم مطلقا مطلقا

السلام عليكم...

الغريبة انى لسه قارى الموضوع ده من شوية!!

بصراحة انا رأيى من رأى الدكتور التوهامى باشا فى 3 نقط مهمين جدا:

اول نقطة ان قد يكون فيه ناس مش محترمين فى المنتدى, و ده شىء وارد جدا جدا.. لان اى حد ممكن يسجل و يدخل يتعرف عالناس.. و وارد برضه ان حد مش محترم يهاجر كندا.. دى حصلت و بتحصل و هتحصل على طول..

انا معاك زى مافيه ناس كويسة فيه ناس وحشة

تانى نقطة و هى نقطة الخصوصية.. و دى حاجة انا شخصيا اؤمن بيها.. يعنى بصراحة انا مش ممكن اتعرف على اى حد كده و السلام.. و دى بتختلف من شخص لآخر زى ما وضح التوهامى باشا..

تالت نقطة.. و هى نقطة أمنية بحتة تتعلق بأمنكم و سلامتكم الشخصية.. ان مينفعش يا جماعة تحطوا نمركم و عناوينكم عالعام كده.. لان اصلا فيه ناس مش مسجلة فى المنتدى بس تقدر تشوف المعلومات دى, و ده ابسط شىء يعنى.

خطر جدا انكم تحطوا معلوماتكم الشخصية عالعام كده... ده علشانكم انتم, مش علشان حد تانى..

اما بالنسبة لفكرة اننا نعمل منظمة او مؤسسة.. و تتكاتف فيها جهودنا اننا نساعد بعض.. فطبعا ده شىء مفيهوش نقاش.. و انا شخصيا اؤيده.. و لو ربنا اراد انى اروح كندا باذن الله.. مش هتردد انى اعمل حاجة زى كده "فى حدود قدراتى و وقتى".

اولا :اشكرك با د محمد على الرد المحترم

ثانيا: اعتذر عن فتح موضوع جديد

ثالثا :لم اتوقع ان يكون معنى كلامى ان احصل من الاعضاء على عناوينهم او تليفوناتهم

كل ما خطر على بالى ان اتقابل مع الاعضاء فى مناسبة مثل العيد

يعنى مرتين فى السنة او اكثر

بصراحة عندما رايت الاسر السريلانكى ال 13 رايت انهم كلهم مختلفون فى كل شىء

و مع ذلك رايت الفرحة فى عيون الجميع

فهل صعب ان نحس الفرحة مع بعض ؟

فمثلا كلنا فى طنطا نذهب الى صلاة الجمعة فى السيد البدوى و نحلس فى المسجد حتى صلاة العصر و تصلى و نفترق

ولو كان سياتى معنا مسيحين نصلى الحمعه و نخرج للانتقال الى اى مكان

فلو اتفقنا مثلا على صلاة الجمعة فى مسجد صلاح الدين مثلا

فمن يستطيع الحضور سيأتى ومن لم يقدر فليقابلنا فى الجمعة التالية

وهكذا

كلام مظبوط و جميل... و لكن فيه ناس حماسهم أخدهم.. و انطلقوا بالموضوع زيادة عن اللزوم.. و بصراحة انا مستغرب طيبة قلبهم, لان المثل المشهور: ابعد عن العربى فى الغربة و بصراحة اللى سمعته من ناس اصحابى عايشين فى اوروبا و أمريكا.. عن الحركات اللى المصريين بيعملوها فى بعض.. حاجة تشيب.. ده غير يعنى اللى بيحصل فى السعودية و الخليج, و الكل عارف..

و بالنسبة لصلاة الجمعة.. انا شخصيا فيه ناس كتير نفسى اصلى معاهم الجمعة هناك لو ينفع :lol:

و على رأسهم طبعا القائد الشامى العظيم.. و الدكتور moetdot .. و المعلم عتريس.. و طبعا البشمهندس المعلم زناتى باشا و الدكتور هشام ابراهيم.. و التوهامى باشا.. و البوب استاذ ايهاب سالم ده لو وقتهم يسمح (و اعتذر لو نسيت حد). و عقبال ما نصلى كلنا جماعة هناك (اللى لسه مهاجروش يعنى wst:: )

تم تعديل 2 مارس 2010 بواسطة myusername

[elmadysm]

شوف انت وقعت ازاى ؟؟؟؟؟؟؟؟

منين عاوز تتعرف على اعضاء كل ماتعرفه عنهم معلومات من خلال المنتدى ؟؟؟؟؟؟؟؟؟؟؟

ملحوظة

نصف الاعضاء الافاضل الذى ذكرتهم انا اتقابلت معاهم وزرتهم فى بيتهم وزارونى فى بيتى

واخرو ن نتحدث سويا بالتليفون و لم اكن اعرفهم من قبل وهنزورهم قريب بس الظروف

و اعضاء اخرون انتهت العلاقة عند اول لقاء.........بس اتقابلنا......و دا هو المهم .....اننا نتقابل ......... و بعدين نقرر

قان قصدى ندى نفسنا فرصة نتقابل و بعدين نقرر

هنا يا جماعة القصة مختلفة ..........يعنى لو مش عاوز حد بتقول له مش عاوزك......... و مفيش كسوف

انا جارى اللى جنبى جاى علشان يزورنى امبارح قلت له انا مشغول قاللى طيب اجيلك امتى قلت له بعد ساعتين مشى ورجع بعد ساعتين و مفيش مشكله يعنى فيه احترام للخصوصية

[myusername]

شوف انت وقعت ازاى ؟؟؟؟؟؟؟؟

منين عاوز تتعرف على اعضاء كل ماتعرفه عنهم معلومات من خلال المنتدى ؟؟؟؟؟؟؟؟؟؟؟

ملحوظة

نصف الاعضاء الافاضل الذى ذكرتهم انا اتقابلت معاهم وزرتهم فى بيتهم وزارونى فى بيتى

واخرو ن نتحدث سويا بالتليفون و لم اكن اعرفهم من قبل وهنزورهم قريب بس الظروف

و اعضاء اخرون انتهت العلاقة عند اول لقاء.........بس اتقابلنا......و دا هو المهم .....اننا نتقابل ......... و بعدين نقرر

قان قصدى ندى نفسنا فرصة نتقابل و بعدين نقرر

هنا يا جماعة القصة مختلفة ..........يعنى لو مش عاوز حد بتقول له مش عاوزك......... و مفيش كسوف

انا جارى اللى جنبى جاى علشان يزورنى امبارح قلت له انا مشغول قاللى طيب اجيلك امتى قلت له بعد ساعتين مشى ورجع بعد ساعتين و مفيش مشكله يعنى فيه احترام للخصوصية

اخ... انكشفت :lol: بس انا قلت "اذا كان وقتهم يسمح".

و بكل صراحة.. انا هتكسف اطلب من حد فيهم اننا نتقابل.. لانى مقدر انشغالهم بأسرهم و بعملهم..

و بالنسبة لموضوع الخصوصية و ان مفيش كسوف.. للاسف ناس كتير جدا بتنتقل بعاداتها و تقاليدها لكندا.. و بتتناسى انهم فى بيئة جديدة و مختلفة تماما.. بل و يصبحوا مصدر ازعاج للغير.

تم تعديل 2 مارس 2010 بواسطة myusername

[elmadysm]

شفت ازاى احنا خرجنا من الموضوع الاساسى بتاع الاخت الطنطاويه

و كان فيه سؤالين

السؤال الاول : ليه اللى سافرو مابيكتبوش تجاربهم؟

السؤال التانى : هل المنتدى بعد اشراف الدكتور تهامى ماشى صح بعد سنة من اشرافة ؟

اجابتى ورايي باختصار

اجابة السؤال الاول : هناك ظروف مختلفة لكل زاحد تمنع الكتابه او تقللها

اجابة السؤال التانى : شكل المنتدى بعد اشراف الدكتور تهامى لم يتغير لا للاحسن ولا للاسوأ ويمكن كان هناك اعضاء كثيرين و انا منهم كنا نحلم بالاحسن و لكنها مجرد احلام

[أحمد سيف]

أنا بس حبيت أقول كلمتين بمناسبة السؤال اللي انطرح حول شكل المنتدى بعد سنه من تولي الدكتور التهامي مسؤولية الإشراف عليه

بس لازم أوضح نقطتين قبل ما أتكلم:

- أنا هنا باتكلم كعضو عادي وليس كمشرف.

- دفاعي عن الدكتور التهامي مش لأنه صاحبي أو زميلي في فريق الإشراف ولكن لأن هذه هي قناعتي.

الدكتور التهامي له فضل كبير على باب كندا ... وهذه حقيقة لا سبيل لإنكارها.

كفاية موضوعه الهائل (هاندأوفر عبر المحيط) الذي نقل باب كندا نقلة نوعية ليصبح أكثر ابواب المنتدى نشاطا واستفاد منه الآلاف من الأعضاء والزوار.

فيما بتعلق بالإشراف فالدكتور التهامي تسلم باب كندا وهو في حالة مزرية وكان على وشك أن يغلق ... وبصراحة قبوله هذه المسؤولية هو بحد ذاته أمر بطولي نظرا للمجهود الذي يحتاجه التعامل مع هذا الباب بالذات ... والرجل طرح رؤيته للتطوير وقال أنه سيكون هناك موضوع مثبت للإجابة عن التساؤلات الشخصية وبالفعل أصبح هناك موضوع بعنوان (رد على استفساراتكم السريعة عن الهجرة لكندا) وقال كذلك أنه سيحذف عددا من المواضيع القديمة وسيغلق المواضيع التي تفتح لطرح أسئلة شخصية تمت الإجابة عنها وبالفعل قام بتنفيذ ذلك خصوصا في الجزء المتعلق بإغلاق المواضيع المكررة.

الرجل أيضا قال بصراحة وبالحرف الواحد

وبالنسبة للتبويب وفهرسة الموضوعات فهي مرحلة تالية ، من السابق لأوانه بدءها حالياً.

الخلاصة أنه نفذ ما وعد به من تطوير ... كون هذا التطوير غير كاف من وجهة نظر بعض الأعضاء فهذا من حقهم ... ولكن لنحاسب الرجل - إذا جاز استخدام هذه الكلمة - على ما وعد والتزم به.

طبيعي جدا أن تكون هناك وجهات نظر مختلفة وأن يعترض بعض الأعضاء الأفاضل على الإجراءات التنظيمية التي قام بها الأخ التهامي ... هذه سنّة الحياة ... ولكن يحسب للتهامي أن المشكلات بين الأعضاء في باب كندا قد تراجعت بشكل كبير بسبب شخصيته ومحبة الناس له ودون استخدام الأدوات الإدارية سوى عند الضرورة.

هذه كلمة حقّ لزام على أن أقولها بحق شخص فاضل ومشرف مجتهد مثل الدكتور التهامي.

[الطنطاويه]

لقد تم بذل الكثير من الجهد على مدى الأسابيع الماضية من أجل تنظيم و تنقيح محتوى باب الهجرة إلى كندا بغرض تسهيل مهمة رواد هذا الباب مازالت هناك الكثير من الجهود التى تبذل الآن و نهيب بكل الأعضاء التعاون معنا فى الإرتقاء بباب الهجرة إلى كندا و بمحاورات المصريين

شكرا للادارة على هذا المجهود

وارجو ان يعود الاعضاء القدامى

[محمد الششتاوي]

هنا يا جماعة القصة مختلفة ..........يعنى لو مش عاوز حد بتقول له مش عاوزك......... و مفيش كسوف

انا جارى اللى جنبى جاى علشان يزورنى امبارح قلت له انا مشغول قاللى طيب اجيلك امتى قلت له بعد ساعتين مشى ورجع بعد ساعتين و مفيش مشكله يعنى فيه احترام للخصوصية

ياااااااااااااااااااااااااااه

نفسي في اسلوب التعامل ده

اسلوب مريح لابعد الحدود

احنا قدامنا في مصر 17 قرن عشان ممكن نتعامل بالشكل ده

[yosef elmadysm]

فيه ناس حماسهم أخدهم.. و انطلقوا بالموضوع زيادة عن اللزوم.. و بصراحة انا مستغرب طيبة قلبهم, لان المثل المشهور: ابعد عن العربى فى الغربة و بصراحة اللى سمعته من ناس اصحابى عايشين فى اوروبا و أمريكا.. عن الحركات اللى المصريين بيعملوها فى بعض.. حاجة تشيب.. ده غير يعنى اللى بيحصل فى السعودية و الخليج, و الكل عارف..

للاسف الشديد تحقق جزء من هذا التعبير

للاسف