أقسى همومنا يفجر السخرية

[herohero]

أقسى همومنا يفجر السخرية

معقوله هو ده سبب خفة دمنا مش عارف بقيت احس ان لو مكنش عندنا هموم كشعب مصري مكناش ضحكنا نلاحظ ان معظم سخريتنا جاي من تريقه ع حكومة من هزيمة مفجعه ف مباراة كرة قدم

من مصيبة سودة نتيجه خطأ شخصي ، قرارات غلط من افراد حكومتنا الذكية بقيت احس ان الناس دول من غير بلاويهم وسلياتهم كنا هنفقد ضحكتنا ياترى بجد ان سخريتنا جاية من قساوة همومنا يعني لو مكنش فيه هموم مكناش هنضحك

ياترى سيد حجاب لما قال كده كان محق

لان لو كده يبقى نحارب الفساد ليه ماهو سبب سخريتنا وضحكنا

ياخوفي لا يكون احنا مانعرفش نسخر ولا نضحك الا من همومنا

[عطر الجنة]

عموما انا جتنى هذه الرسالة على الايميل من احد الاصدقاء خارج حدود الوطن و القارة

وهى تعبر فى سخرية عما وصلنا اليه

يا شعبي حبيبي يا روحي يابيبي---ياحاطك في جيبي يابن الحلال

يا شعبي يا شاطر يا جابر خواطر---يا ساكن مقابر وصابر وعال

يا واكل سمومك يا بايع هدومك---يا حامل همومك وشايل جبال

يا شعبي اللي نايم وسارح وهايم---وفي الفقر عايم وحاله ده حال

احبك محشش مفرفش مطنش---ودايخ مدوخ وآخر انسطال

احبك مكبر دماغك مخدر---ممشي امورك كده باتكال

وأحب اللي ينصب وأحب اللي يكدب---وأحب اللي ينهب ويسرق تلال

وأحب اللي شايف وعارف وخايف---وبالع لسانه وكاتم ما قال

وأحب اللي قافل عيونه المغفل---وأحب البهايم وأحب البغال

وأحب اللي راضي وأحب اللي فاضي---وأحب اللي عايز يربي العيال

وأحب اللي يائس وأحب اللي بائس---وأحب اللي محبط وشايف محال

واحبك تسافر وتبعد تهاجر---وتبعت فلوسك دولار أو ريال

واحبك تطبل تهلل تهبل عشان---مطش كوره وفيلم ومقال

واحبك تؤيد تعضض تمجد---توافق تنافق وتلحس نعال

تحضر نشادر تجمع كوادر---تلمع تقمع تظبط مجال

لكن لو تفكر تخطط تقرر---تشغلي مخك وتفتح جدال

وتبدأ تشاكل وتعمل مشاكل---وتنكش مسائل وتسأل سؤال

وعايز تنور وعايز تطور---وتعمللي روحك مفرد رجال

ساعتها حاجيبك لا يمكن اسيبك---وراح تبقى عبره وتصبح مثال

حبهدل جنابك وأذل اللي جابك---وحيكون عذابك ده فوق الاحتمال

وأمرمط سعادتك واهزأ سيادتك---واخلي كرامتك في حالة هزال

وتلبس قضيه وتصبح رزيه---وباقي حياتك تعيش في انعزال

حتقبل ححبك حترفض حلبك---حتطلع حتنزل حاجيبلك جمال

[رضوي]

طيب ماهي نعمة من ربنا ............... يعني نسخر علي احوالنا وعلي حياتنا ولانموت من القهر والظلم واليأس والغيظ ............ والبلاوي اللي بنشوفها كل يوم اللي مصيرنا لو استسلمنا ليها هيبقي الهلاك

خلينا نسخر ونضحك علي حياتنا ودنيتنا بدل مانموت من ارتفاع ضغط الدم وبعدين ماهو الضحك والسخرية دي من ملامح الشخصية المصرية علي مر العصور والأزمان