الضغوط على الشباب فى مصر

[myusername]

اتمنى ان اعرف.. متى ستنتهى الضغوط على الشباب فى مصر؟

الشباب فى مصر عواجيز فى هيكل شباب صغير... شايلين الهم من بدرى... صحيح هتلاقيهم بيتفسحوا و يروحوا القهاوى (بما فيها سيلنترو و بينوس و ما الى ذلك), و يمكن سيتى ستارز .. بس اكيد من جواهم, فيه بلاوى مخبينها

طبعا انا بتكلم عن الشباب اللى من الطبقة المتوسطة.. و كلمة الطبقة المتوسطة دى فيها شباب كتير جدا.. قد يكون فيه تفاوت فى التعليم و الحالة المادية, و لكن فى النهاية بيواجهوا نفس المشاكل..

الشاب فى مصر غير متعلم.. لا يمتلك اى مهارات من اى نوع.. لغته الاجنبية ضعيفة و قد تكون غير موجودة اصلا.. شوفوا كام واحد بيتخرج من كلية تجارة و كلية حقوق, و خدمة اجتماعية.. و.. و .. و ...؟؟

طيب لو انا عايز اتجوز هعمل ايه؟ هدور على شغلانة تعبانة.. فقط لانها ثابتة "الى حد ما".. و هروح آخد قروض من البنك, و اعمل جمعيات.. علشان اجيب شقة فى آخر الدنيا (العبور او بدر او الشيخ زايد مثلا).. و هبدأ حياتى بديون و كمان بشبهة ربا من القروض؟ انا بتكلم عن شباب بتعمل كده فعلا..

ولا هروح اشوف واحدة امريكية اعرفها من عالنت علشان اتجوزها و اخرج من البلد؟ برضه شباب كتيرة بتعمل كده..

ولا هروح ادور على سمسار علشان يودينى على اوروبا, و يا عالم هوصل ولا لا؟ برضه شباب كتير بتعمل كده (بس اغلبهم من الفلاحين)

لا اللى فى البلد سايبينا ننفذ احلامنا و طموحاتنا... ولا الاجانب مصدقين اننا نقدر نعمل حاجة ولا مقتنعين بينا, و يدونا الفرصة زى ما بيدوها للشباب الاسرائيلى مثلا.. طيب احنا نعمل ايه؟

مين السبب فى القنبلة الموقوتة اللى اسمها الشباب؟ نظام تعليم فاشل و متخلف و بيعتمد على القهر و التلقين و الحفظ... بلد كلها زبالة و تلوث... مفيش شغل عدل.. مفيش فرصة.. و مفيش اى حاجة.. المفروض اننا نعمل ايه؟

ممكن حد يجاوبنى؟

الشباب المصرى فعلا مظلوم و مطحون... و اللى بيؤلم الواحد فعلا, لما واحد يستظرف و يقول على الشباب انه فاشل!!! ليه بقى؟ هو احنا كنا لقينا تعليم؟ ولا كنا لقينا حاجة نعملها؟ الشباب بيتخرج مبيبقاش فاهم هو المفروض يعمل ايه بالظبط.. و يشتغل فى انهى مجال.. فيه شباب كتير بتقعد سنة و سنتين من غير شغل - او بشغل متقطع - لغاية بس لما يفهموا هيبدأوا فى انهى مجال بالظبط..

تم تعديل 26 فبراير 2010 بواسطة myusername

[alex fox]

ااااااااااااااااااااااااااااااااااااااااااااه

ماتقلبش عليا المواجع

شوف قدامك حل من أتنين

ياتقبلها على كده وتأقلم نفسك وتتعايش مع الوضع الحالى

يا أما تروح تحرر فلسطين

ربنا ياخدك يا فرعون (ربنا عارف اللى فى بالى)

[herohero]

تخلع ف اقرب فرصة لان البلد مش بتتقدم بينا بل بتتقدم بيهم

وهي بلد الناس اللي حاطه حديد ع كتفها ولاعبين الكرة والراقصين والراقصات اما غير كده فالبلد مش عاوزهم وزهقت منهم وبصراحه كتر خيرها فعشان كده اللي بتجيلوا فرصه بيخلع

[zika]

الهجرة هى الحل للى يقدر

و اللى مش قادر يحاول يقدر

غير كدة معاه ربنا بقى

و ربنا يوفقنا جميعا

[MaYousof]

أنا فخور بيكم كلكم ..

هم دول شباب مصر اللي يستاهلوا كل خير بصحيح ..

[herohero]

جايز يكون هروب او البعض يسميه ضعف او استسلام لكن والله الحكاية صعبه ياجماعه احنا مش عارفين نطرق الابواب ولو افترضنا وصلنا للباب المناسب فالمفتاح مش موجود

واسطة يا تكون عيلتك او فلوس رشوة وياريت تعرف تدي الرشوة لمين كمان يبقى ايه الحل اروح يمكن الغريب يقدرني وللاسف بيقدرك وانا عن تجربة بره بلدي خدت حقي

[Morial]

ااااااااااااااااااااااااااااااااااااااااااااه

ماتقلبش عليا المواجع

شوف قدامك حل من أتنين

ياتقبلها على كده وتأقلم نفسك وتتعايش مع الوضع الحالى

يا أما تروح تحرر فلسطين

ربنا ياخدك يا فرعون (ربنا عارف اللى فى بالى)

أول عمرة عملتها خصصتله لفة طواف كاملة حوالين الكعبة ومش خسارة فيه :ninja:

تم تعديل 27 فبراير 2010 بواسطة منال شوقي

[myusername]

ااااااااااااااااااااااااااااااااااااااااااااه

ماتقلبش عليا المواجع

شوف قدامك حل من أتنين

ياتقبلها على كده وتأقلم نفسك وتتعايش مع الوضع الحالى

يا أما تروح تحرر فلسطين

ربنا ياخدك يا فرعون (ربنا عارف اللى فى بالى)

أول عمرة عملتها خصصتله لفة طواف كاملة حوالين الكعبة ومش خسارة فيه :ninja: :blink: :lol:

يا جماعة الله يكرمكم بلاش السكة الشمال دى.. انا غلبان و عايز اعيش wst::

طيب استنوا لغاية اما اخرج من البلد الاول, و بعد كده ابقوا قولوا اللى انتوا عايزينه براحتكم :lol:

[Alshiekh]

ممكن حد يجاوبنى؟

الفاضل / myusername

خلينا نتكلم بهدوء ، الدنيا مش سودة زى ماأنت شايفها

مصر فيها 80 مليون عايشين ، وفيها ملايين من احدث اجهزة الموبايل ، وملايين من احدث اجهزة الدش والريسيفر والتليفزيون والغسالات الفول اتوماتيك ، والملايين من احدث اجهزة الكمبيوتر واللاب توب والسيارات و و و و و و

وفيها ايضا ملايين من العاطلين .

لكن تعال نتكلم بهدوء وبدون زعل

اولا فلنتكلم عن خريج التجارة مثلا وندع جانبا الآن الحقوق والخدمة الاجتماعية

لماذا التحق خريج التجارة بكلية التجارة؟ ماذا كانت خططه المستقبلية والتى ستساعده دراسته فى كلية التجارة على تحقيقها؟ هذا السؤال موجها لك حتى يمكن ان يستمر الحوار

نفس الخريج الذى نتحدث عنه ، هل لو كان سيدفع تكاليف الدراسة فى كلية التجارة ، هل كان سيلتحق بها أم لا؟ أم كان سيفضل ان يدرس فى كلية أخرى؟

نفس الخريج الذى نتحدث عنه ، بعد ان التحق بكلية التجارة ، ماهى البحوث التى قام بها ، وماهى المهارات التى حاول ان يكتسبها ويطورها وينميها؟ هل حاول ان يشترى كتبا بحثية او دراسية مصرية او اجنبية لتعلم المزيد عن المجال الذى يدرسه؟

أم أن نفس الخريج الذى نتحدث عنه ، قام باقناع نفسه ان التجارة شطارة وفهلوة وان كل هدفه هو الحصول على الشهادة ، واستثمر وقته فى قضاء اوقات ممتعة مع البنات جلوسا على رفارف وشنط وكبوتات سيارات الناس فى الشارع ؟

نفس الخريج الذى نتحدث عنه ، لو هاجر كما يتمنى السباب ، ماهى الوظيفة المتوقع ان يحصل عليها بعد سفره مع ركاكة اللغة الاجنبية ان لم تكن موجودة من الاساس؟ هل كل مايطمح اليه هو ان يوصل طلبات للمنازل او عامل فى مطبخ احد المطاعم؟

منتظر اجابتك حتى يستمر الحوار

[Morial]

ااااااااااااااااااااااااااااااااااااااااااااه

ماتقلبش عليا المواجع

شوف قدامك حل من أتنين

ياتقبلها على كده وتأقلم نفسك وتتعايش مع الوضع الحالى

يا أما تروح تحرر فلسطين

ربنا ياخدك يا فرعون (ربنا عارف اللى فى بالى)

أول عمرة عملتها خصصتله لفة طواف كاملة حوالين الكعبة ومش خسارة فيه :ninja:

مسيو يوزر ممكن أعرف انت جبت القنبلة والمشنقة دول منين ؟ أنا المشاركة بتاعتي أهيه ذي الفل ولا فيها مشانق ولا قنابل وإن كنت انت عايز تخرج من البلد دي علي خير النهاردة فأنا عايزة أخرج منها علي خير أول أمبارح وبتذكرة وان واي :blink:

تم تعديل 27 فبراير 2010 بواسطة منال شوقي

[Alshiekh]

الافاضل :

myusername

MaYousof

أتحدث اليكم كأخ أكبر

لاداعى لشخصنة الحوار ولاداعى لان يتصيد كل منكم كلمة للآخر لم تعجبه .

ارجو ان يسود الحب والمودة بين الجميع

شكرا لحسن تفهمكم

[myusername]

ممكن حد يجاوبنى؟

الفاضل / myusername

خلينا نتكلم بهدوء ، الدنيا مش سودة زى ماأنت شايفها

مصر فيها 80 مليون عايشين ، وفيها ملايين من احدث اجهزة الموبايل ، وملايين من احدث اجهزة الدش والريسيفر والتليفزيون والغسالات الفول اتوماتيك ، والملايين من احدث اجهزة الكمبيوتر واللاب توب والسيارات و و و و و و

وفيها ايضا ملايين من العاطلين .

لكن تعال نتكلم بهدوء وبدون زعل

اولا فلنتكلم عن خريج التجارة مثلا وندع جانبا الآن الحقوق والخدمة الاجتماعية

لماذا التحق خريج التجارة بكلية التجارة؟ ماذا كانت خططه المستقبلية والتى ستساعده دراسته فى كلية التجارة على تحقيقها؟ هذا السؤال موجها لك حتى يمكن ان يستمر الحوار

نفس الخريج الذى نتحدث عنه ، هل لو كان سيدفع تكاليف الدراسة فى كلية التجارة ، هل كان سيلتحق بها أم لا؟ أم كان سيفضل ان يدرس فى كلية أخرى؟

نفس الخريج الذى نتحدث عنه ، بعد ان التحق بكلية التجارة ، ماهى البحوث التى قام بها ، وماهى المهارات التى حاول ان يكتسبها ويطورها وينميها؟ هل حاول ان يشترى كتبا بحثية او دراسية مصرية او اجنبية لتعلم المزيد عن المجال الذى يدرسه؟

أم أن نفس الخريج الذى نتحدث عنه ، قام باقناع نفسه ان التجارة شطارة وفهلوة وان كل هدفه هو الحصول على الشهادة ، واستثمر وقته فى قضاء اوقات ممتعة مع البنات جلوسا على رفارف وشنط وكبوتات سيارات الناس فى الشارع ؟

نفس الخريج الذى نتحدث عنه ، لو هاجر كما يتمنى السباب ، ماهى الوظيفة المتوقع ان يحصل عليها بعد سفره مع ركاكة اللغة الاجنبية ان لم تكن موجودة من الاساس؟ هل كل مايطمح اليه هو ان يوصل طلبات للمنازل او عامل فى مطبخ احد المطاعم؟

منتظر اجابتك حتى يستمر الحوار

اولا اشكرك على اسلوبك الجميل فى الحوار... و فى الحقيقة انت تتحدث بالضبط عن ما أريد قوله!

لا يوجد فى مصر تلك الثقافة اللتى تسمح للشاب بان يذهب الى المكتبة العامة, و يستعير كتبا لكى يقرأها.. او يستخدم الانترنت بشكل مجانى لفترة محددة.. حتى يستطيع ان يتفهم الثقافات الاخرى, و ان يبحث عن ما يريد من معلومات..

فى عام 2000 او 2001 على ما اتذكر.. ذهبت الى دار الكتب المصرية - اللى جنب الاذاعة و التليفزيون دى - لانى علمت انه يوجد انترنت مجانى متاح للجمهور هناك.. و كنت متحمس جدا للتحدث مع اشخاص من ثقافات أخرى, و خصوصا الامريكيين.. و لما ذهبت هناك, تعرضت لمضايقات لا حد لها من الموظفين.. و اجبرونى على عدم الذهاب الى المكان مرة أخرى..

كلامك واقعى جدا.. و انا اعلم العشرات من الشباب المصريين اللذين فازوا بالقرعة العشوائية للهجرة الى أمريكا, و هذا بالضبط ما آلوا اليه.. كما تصف انت.. يعملون فى تارجت و والمرت و مطاعم البيتزا..

من المسئول عن هذه الامور؟ من المسئول عن تحديد اهداف الشباب, و توجيه طاقاتهم الى الطريق الصحيح؟ فى الحقيقة هذا هو الغرض من هذا الموضوع!

هل المجتمع هو المسئول؟ ام الحكومة؟ ام الاسرة؟ ام هى كل هذه العناصر مجتمعة؟!

ما اتمناه هو توجيه الشباب الضائع.. و اعادة صياغة طريقة تفكيره, خصوصا و اننا اصبحنا فى عالم مفتوح.. و قد اصبحت العولمة اكثر شراسة و اتساعا..

ما اتمناه هو وضع ميكانيزم او آلية تجعل الشباب أكثر قدرة على مواجهة قدرهم.. و عقبات الحياة..

شكرا لك مرة أخرى على فهم ما اريد قوله تحديدا..

تم تعديل 27 فبراير 2010 بواسطة myusername

[msayed]

ممكن حد يجاوبنى؟

الفاضل / myusername

خلينا نتكلم بهدوء ، الدنيا مش سودة زى ماأنت شايفها

مصر فيها 80 مليون عايشين ، وفيها ملايين من احدث اجهزة الموبايل ، وملايين من احدث اجهزة الدش والريسيفر والتليفزيون والغسالات الفول اتوماتيك، والملايين من احدث اجهزة الكمبيوتر واللاب توب والسيارات و و و و و و

وفيها ايضا ملايين من العاطلين .

لكن تعال نتكلم بهدوء وبدون زعل

اولا فلنتكلم عن خريج التجارة مثلا وندع جانبا الآن الحقوق والخدمة الاجتماعية

لماذا التحق خريج التجارة بكلية التجارة؟ ماذا كانت خططه المستقبلية والتى ستساعده دراسته فى كلية التجارة على تحقيقها؟ هذا السؤال موجها لك حتى يمكن ان يستمر الحوار

نفس الخريج الذى نتحدث عنه ، هل لو كان سيدفع تكاليف الدراسة فى كلية التجارة ، هل كان سيلتحق بها أم لا؟ أم كان سيفضل ان يدرس فى كلية أخرى؟

نفس الخريج الذى نتحدث عنه ، بعد ان التحق بكلية التجارة ، ماهى البحوث التى قام بها ، وماهى المهارات التى حاول ان يكتسبها ويطورها وينميها؟ هل حاول ان يشترى كتبا بحثية او دراسية مصرية او اجنبية لتعلم المزيد عن المجال الذى يدرسه؟

أم أن نفس الخريج الذى نتحدث عنه ، قام باقناع نفسه ان التجارة شطارة وفهلوة وان كل هدفه هو الحصول على الشهادة ، واستثمر وقته فى قضاء اوقات ممتعة مع البنات جلوسا على رفارف وشنط وكبوتات سيارات الناس فى الشارع ؟

نفس الخريج الذى نتحدث عنه ، لو هاجر كما يتمنى السباب ، ماهى الوظيفة المتوقع ان يحصل عليها بعد سفره مع ركاكة اللغة الاجنبية ان لم تكن موجودة من الاساس؟ هل كل مايطمح اليه هو ان يوصل طلبات للمنازل او عامل فى مطبخ احد المطاعم؟

منتظر اجابتك حتى يستمر الحوار

يا محمد أنا معاك 100% إن الصورة زى ما إنت وصفت بالظبط.

لكن برضه لا مانع من أن نعذر أى واحد بيتخنق من الوضع الحالى ويفضفض بكلمتين، أحياناً ممكن الكلمتين يكونوا شداد شوية وإللى بيقولهم مش بيقولهم عن إقتناع ولكن عن غضب وتفريغ شحنة سلبية غاضبة بداخله.

أنا قلت إنى معاك 100% فى الصورة التى وصفتها لكن الصورة لها جهة أخرى وهى كبيرة التأثيراً.

فمسؤولية الحكومة دراسة السلبيات والعمل الدؤوب لحلها، فلو مائة شاب لا يهتمون بتنمية مهاراتهم فى وسط آلاف الشباب الواعيين الذين يعلمون بالظبط ما عليهم عمله لتنمية المهارات لكانت المشكلة مشكلة هؤلاء المائة. أما أن يكون 95% من الشباب غير مهتمين بتنمية مهاراتهم فهنا ينبغى أن تكون هناك وقفة من الحكومة وإلا ستصبح هى المتهم الوحيد.

مسؤولية الحكومة عن توجيه الشباب بتقديم الطريق الصحيح واضحاً لهم وتحفيزهم للسير فيه بكل أشكال التحفيز حتى يصبح دافع بداخلهم، لكن تجد فى المقابل تقوم الحكومات المتعاقبة بالتعامل مع الشباب كونهم طاقة يجب إخمادها بتوجيهها للإنشغال بأشياء غير ذات جدوى كالإهتمام بمتابعة آخر الألبومات الغنائية والإهتمام بمتابعة كرة القدم فى العالم كله من أول الدورى المصرى لغاية دورى جزر المالديف.

من الآخر، الشباب زى أى مصدر طبيعى من مصادر الدولة وإستراتيجية الدولة هى التى تحدد هل ستوجههم إلى الإستادت والملاهى والسينيمات أم ستوجههم إلى المعاهد العلمية والأبحاث وتنمية الذات.

تم تعديل 27 فبراير 2010 بواسطة msayed

[HanaaOsama]

من جد وجد

ان الله لايضيع اجر من احسن عملا

[Folana]

السلام عليكم ورحمة الله...

الاخوة الأفاضل..

تم حذف جميع المشاركات الخارجة عن سياق الموضوع والمخالفة لقواعد الكتابة بالمنتدى ، لما بها من شخصنة وقفز على شخص المحاور

نرجو من الاخوة الكرام الحفاظ على فكرة الموضوع الرئيسية وإستكمال النقاش حولها فى جو من الاخوة والمحبة حتى نستطيع أن نصل الى نتيجة ايجابية من النقاش...بعيدا عن خلط الاوراق والتلاسن بالموضوعات او المداخلات

شاكرين تفهمكم

عن فريق المشرفين

[بركة]

أخواني الافاضل

عندنا اعلام له دور عظيم في فرفشة الشعب وشغله عن مستقبلة بحاجات لاهتقدم له هدف ولا هتخليه يعرف يغمض عينيه !!!!!!

وظروف تعليم متدهور وغيره من العقبات والفساد ،

ومع ذلك في عندنا شباب طلعوا من ده كله وعملوا نفسهم بنفسهم عشان كانوا عارفين ان الوضع الحالي مش هيقدم لهم شئ

خلاصة كلام كتير عاوزة اقوله :

" ما تركبش لنفسك قيد وتسيب غيرك يسحبك منه "

فك قيدك لأن الشباب نعمة والصحة كنز ....استغلهم لأنهم أغلى ما تملك ..

تم تعديل 27 فبراير 2010 بواسطة بركة

[myusername]

أخواني الافاضل

عندنا اعلام له دور عظيم في فرفشة الشعب وشغله عن مستقبلة بحاجات لاهتقدم له هدف ولا هتخليه يعرف يغمض عينيه !!!!!!

وظروف تعليم متدهور وغيره من العقبات والفساد ،

ومع ذلك في عندنا شباب طلعوا من ده كله وعملوا نفسهم بنفسهم عشان كانوا عارفين ان الوضع الحالي مش هيقدم لهم شئ

خلاصة كلام كتير عاوزة اقوله :

" ما تركبش لنفسك قيد وتسيب غيرك يسحبك منه "

فك قيدك لأن الشباب نعمة والصحة كنز ....استغلهم لأنهم أغلى ما تملك ..

كلمات حضرتك جت عالجرح.. :) و لكنها كلمات تشعلنا بالحماس..

بس حتى لو كان القيد ده هو مصر؟ wst:: احيانا تكون القيود فوق طاقاتنا.. و أحيانا نتكاسل بتكاسل الاخرين حولنا.. و نتأخر بضع سنين.

لا اريد ان اتحدث عن نفسى كثيرا, و لكنى فهمت وضع البلد من سنين طويلة.. و عرفت ماذا أريد تحقيقه.. و اخترت الطريق اللذى اسير فيه.. لم احقق نجاح يذكر (نسبيا مع طموحاتى), و لكنى لا ازال مستمر فى الطريق..

بالمناسبة انا شخصيا لا توجد لدى اى مشكلة مادية.. او ان ابدأ فى ان اسلك طريقى.. و لكن توجد ضغوط و عقبات من نوع آخر.. بالاضافة الى ما أجده فى مشاكل اصدقائى و معارفى.. و اللتى تصيبنى باكتئاب غير عادى..

بعض اصدقائى لم يتخطوا ال24 عام, و اصبحوا مكبلين بالديون.. و هم لا يزالوا فى بداية الطريق.. و لم يحققوا شىء يذكر بعد.. امال هنعيش حياتنا امتى؟ :sad:

فيه مشكلة بقى تانية اكبر من كده.. طول عمرنا طالعين على اننا مانعتمدش على انفسنا.. دى حالة عامة فى الشعب المصرى.. طول عمرنا بنسمع: انت لسه صغير, انت مبتفهمش, احترم الكبير (انا اقصد التقديس اللى زايد عن حده), احترم مديرك.. مدرسك.. معرفش مين.. احنا من اول ما بنتولد, بيتحط فينا بشكل مباشر و غير مباشر كل انواع القهر.. فى البيت, فى المدرسة, فى الشارع... طيب ازاى بعد كل ده.. يخلوا الشباب يتحملوا مسئولية كبيرة زى الثانوية العامة, و يتحملوا نتيجة مذاكرتهم انهم لاما يدخلوا كلية قمة.. لاما يدخلوا كلية على ما تفرج؟

انا شخصيا لا اعترف بنظام التعليم فى مصر.. و ده احد الاسباب انى المفروض كنت اتخرجت من اكتر من 4 سنين (خماشر سنة خدمة فى ثانوى).. لانى اصلا شايف انى لما اتخرج ده هيكون عقبة فى طريقى.. و ادينى قاعد فى الدراسة.. و انا بشتغل فى نفس الوقت..

تم تعديل 27 فبراير 2010 بواسطة myusername

[أحمد سيف]

أثني على ماقاله الأفاضل أستاذ محمد و مدام فلانه واطلب من الأعضاء الكرام مراعاة استخدام أساليب لا تستفز الآخرين من جانب ... وافتراض حسن النية وتجنب الحساسية المفرطة تجاه ما يكتبه الآخرون من جانب آخر.

كما أرجو عند مناقشة مواضيع تتعلق بواقع مصر أن نفرّق بوصوح وبصورة لا تقبل اللبس بين مصر كوطن نفتديه بأرواحنا ومصر كنظام حكم نختلف معه في مبادءه وممارساته ... وبين مصر الدولة الرائدة والحضارة العظيمة التي نفتخر بها جميعا ومصر الواقع السيئ الذي نريد تغييره.

[بركة]

اخي الكريم

الحقيقة ظروفي انا وزوجي زي ظروف كل شباب جيلنا و تعبنا قوي عشان نمسك أول الخيط واشتغلنا طول فترة الجامعة

بس إتعلمنا كتير ونجحنا كتير وفرحنا كتير وما استسلمناش للي حوالينا وكانوا مش واثقين في اللي عملناه

وخرجنا بيه عن القاعدة المقدسة للمستسلمين من حولنا .

ودلوقتي وصلنا لقرار " نحوش اللي نقدر عليه ونحاول في الهجرة " مش عشان مش لاقيين حل تاني

لأ عشان ولادنا يكبروا يلاقوا قدامهم حلول . محدش عارف زمانهم هيكون ازاي

ربنا يكتبلنا الخير جميعا ..

تم تعديل 27 فبراير 2010 بواسطة بركة

[myusername]

من جد وجد

ان الله لايضيع اجر من احسن عملا

كلمات حضرتك قليلة.. و لكنها حكمة عظيمة... من رب الكون. انها السنة الكونية اللتى وضعها الله لجميع الناس.. ليسيروا عليها فى الدنيا..

فى ظل التحديات الرهيبة اللتى يعيشها العالم.. و فى ظل سرعة التقدم التكنولوجى و العلمى.. و انصهار الحدود و اتساع خيوط العولمة.. اعتقد اننا "هنتهرس" من عجلة العولمة, طول ما احنا مش قادرين نكتسب مهارات نواجه بيها الدنيا..

ان الطاقات المعطلة للشباب.. و اهدار ذلك المورد العظيم لاى أمة (ايوة الشباب :closedeyes: ).. قد يؤدى الى كوارث رهيبة..

كفاية بقى كلام انشا و خلينى اتكلم على طول.. :lol: لو كنا احنا مولودين و معانا "كاتالوج" يناسب عصرنا (انا بتكلم من ناحية الشغل و الدراسة و الامور الدنيوية البحتة... لان القرآن هو الكاتالوج بتاعنا فى حياتنا).. يعرفنا نعمل ايه فى دنيتنا.. و ازاى نبدأ حياتنا كشباب.. و نتعلم ايه و منتعلمش ايه... كنت هقول مفيش مشكلة.. لكن الانسان بطبيعته بيحتاج الى توجيه و تقويم, و الا لماذا ارسل الله الى الناس الانبياء؟!

اصل احنا مش عايشين فى صحرا.. علشان اقولك: من جد وجد.. ياللا انطلق بقى و تعامل بالفطرة... احنا عايشين فى عالم بيتقدم بشكل توماتيكى بحت.. كل ثانية فيه تقدم بيحصل.. و احنا كل ثانية عمالين بنتأخر أكتر!!

المفروض يبقى فيه "باكدج" (package) للشباب.. يتعلموه... فيه حاجة فى امريكا متعلقة بتعليم الشباب ازاى يفكروا و يتعاملوا مع الطوارئ, و طريقة التفكير العلمى.. و حتى تقريبا الموضوع ده ليه امتحان شبه امتحان القدرات عندنا كده..

ازاى نطلب من انسان عايش لمدة 20 سنة معتمد على اهله اعتماد كلى, انه مرة واحدة يخرج للدنيا.. و نقوله ياللا بقى ورينا شطارتك؟؟

مش لازم نديله مهارات؟ مش لازم نديله سلاح؟ مش لازم نديله علم و توجيه؟

اذا كان على الشباب ان يجتهدوا و يكدوا من أجل ان يصلوا الى اهدافهم.. فعلى المجتمع و الاسرة انهم يعلموا الشباب ازاى يجتهدوا, و يوروهم بداية الطريق.. و من الظلم المبين اننا نحمل الشباب كل شىء!

فيه مثل انا مبحبهوش بيقول: لا يرحموا و لا يسيبوا *****

مشكلة المجتمع بقى انه مش كمان مبيرحمش.. لا ده كمان بيمثل عائق على الشباب.. و يمثل ضغط قوى جدا..

اى فكرة بيعملها الشباب, بتكون فى الغالب محل سخرية و استهزاء.. و كلام مثل: انتا لسه تلمووووذ (الكلام ده بالمناسبة اتقاللى اكتر من مرة هنا فى المنتدى)... ده غير اصلا ان الشباب فى مصر مدفون.. انا لما رحت اوروبا, و شفت تصرفات الشباب هناك عاملة ازاى, بصراحة حصل لى انبعاج و اندهاش و ازبهلال... و بصراحة مهما عمل الشباب من مصايب فى مصر, ميجيش واحد على مليون من اللى شفته فى اوروبا..

المهم.. اللى عجبنى اكتر.. ان الشباب فى اوروبا بياخدوا و بيدوا فى الحياة... عارفين هما عايزين ايه بالظبط.. ماشيين فى طريقهم, و حتى لو حسوا انهم غلط.. ممكن ياخدوا اتجاه تانى خالص و يبدأوا من جديد..

لكن المجتمع هنا بيبص للشباب على انهم سذج و عبط و مش فاهمين مصلحتهم.. و مش عارفين هما عايزين ايه...!!!

الشباب فى مصر حتى لما بيحاول انه يخرج على قوانين المجتمع.. و يبدأ ينفذ طموحاته.. بيواجه كم لا بأس به من التوبيخ و الاستهزاء و السخرية..

تم تعديل 27 فبراير 2010 بواسطة myusername