بناتنا فى الخارج

[fatfouta]

السلام عليكم

اذيكوا كلكم يا جماعة

انا عاوزة اتكلم على حاجة شاغلة بالى من زمان جدااا وهى البنات اللى بتسافر وتتغرب وتقعد لوحدها فى الخليج او حتى فى اى دولة تانى.....بس النماذج اللى شوفتها او اللى انا اعرفها كلها كانت فى الخليج

عندى واحدة صاحبتى غالية عليا جداااا اتعرفت عليها من المنتدى فجأة كده بعد ما غيبت ورجعت تانى مالقيتهاش ولما كلمتها قلتلى ده انا فى السعودية وبشتغل وبعد ....المهم قلتلها طب انتى كويسة ؟؟ فيه حاجة مضايقاكى هنا

صوتها ماعجنيش حسيته حزين اوى وقلبى وجعععنننننى جدااااااا عليها .....وقفلت السكة معاها وقعدت اقول يعنى بنت لسه ماتجوزتش ايه اللى يخليها تقعد فى بلد ذى السعودية لوحدها او فى غيرها .....سالت نفسى هل هى مبسوطة بكده ولا ده ضيق الحال ولا عشان مالقتش شغل فى بلدها ولا اسباب تانية انا معرفهاش

نموذج تانى......... اختى خريجة لغات وترجمة فورية بتتكلم تلات لغات ودبلومات من الجامعة الامريكية وبقالها مثلا 12 سنة بتشتغل واشتغلت فى شركات كتيرة مالتى ناشيونال وكانت بتاخد مرتبات كويسة جداااا .....اخر شركة اشتغلت فيها كانت شركة بترول ووعدوها انهم هيعينوها وغدروا بيها ومايعينوهاش وسابتهم ....وفضلت تشتغل برضو بس خلاص بقى كل ماتكلمنى تقولى ادعيلى الاقى شغل برا البلد .....انا مش عاوزا اقعد هنا ......ومهما احاول اقنعها ....واقولها والله ماهتستريحى ....اللى فى دماغها فى دماغها وبتعمل اقصى جهدها عشان تسافر

نموذج تالت زمان كان عندنا جارتنا ليها بنت مسافرة بتشتغل فى قطر مش بتشوفها غير كل سنة .....البنت دى فضلت طول عمرها من بعد ماتخرجت وهى بتشتغل هناك ولما كانت تيجى مصر كنت احس فى عينيها بحزن .....مرة مامتها بتقولها مش ناوية بقى تقعدى معانا قلتلها.........خلاص انا اخدت على كده.....بعد كام سنة جالها مرض وجات مصر فى زيارتها اللى فى الصيف وربنا مارادش انها تموت متغربة....ماتت فى بلدها بعد كام يوم من نزولها مصر ....الله يرحمها....ماتت حزينة ماتمتعش بحياتها كان عندها 41 سنه ...كل فلوسها ماتمتعش بيها واهلها اخدوها ....حسرة قلب امها عليها كنا بنشوفها فى عينيها.........ولا عملت بيت ولا ولاد كان نفسها تحس بالامان.......طب ليه ده كله؟؟

بسأل نفسى لو انا ماكنتش اتجوزت كنت ممكن اسافر لوحدى ....وارد على نفسى واقول لا انا جبانة معنديش الشجاعة انى اقعد لوحدى فى بلد غريبة .....ساعات لما اشوف بنت كده اقول يا بختك بجرئتك

ايه رايكم؟؟؟؟؟

لو اختك او بنتك او قريبتك هل ممكن توافق انها تسافر وتشوف كل الضغوط اللى بنشوفها فى الخليخ وتبقى لوحدها كمان؟؟

طب لو بنتك انتى يا ست يا مصرية هلى ضيق الحال هيخليكى تقوليلها سافرى عشان تكونى لينا مصدر رزق تانى؟

طب مش كده نبقى ضيعنا مستقبلها.....ايوه انا اقصد مستقبلها فى فرص الزواج والاولاد وكده؟؟

وليه الوحدة هو احنا ناقصين؟؟؟

اسفة انى طولت عليكم..............

فتفوتتكم

[myusername]

الموضوع ده بدأ ينتشر بشكل غير عادى...

انا اعرف اكتر من 5 بنات, سافروا امريكا لوحديهم.. آخرهم واحدة سافرت من حوالى اسبوع تقريبا..

المشكلة بقى انهم مسافرين بتأشيرات سياحة.. يعنى رايحين و ناويين يكسروها.. زى بالظبط الشباب ما بيعملوا

الموضوع ده انا مستغرب جدا منه.. مستغرب من كذا حاجة.. اولا ان البنات بقى عندهم الجرأة انهم يسافروا لوحديهم, فى حين ان فيه ستات لغاية دلوقتى بيرفضوا مبدأ الهجرة مع اجوازهم مثلا...

ثانيا ان البنات بقوا بيفكروا زى الشباب شوية.. و بقى عندهم روح المغامرة العالية, لدرجة انهم ممكن يروحوا بلد زى امريكا, و كمان يكسروا تأشيرتها

عموما كله مخنوق من البلد... و كله عايز يخرج... هتيجى عالبنات يعنى..

استشعر بأنه يوجد احساس عام بالنكسة... مثل الاحساس اللى كان موجود بعد نكسة 67... فهل هذا حقيقى؟

تم تعديل 27 فبراير 2010 بواسطة myusername

[Mercedes]

السلام عليكم و رحمة الله و بركاته

أنا بشجع أى بنت بتجتهد و تحاول انها تتعلم و تتفوق و تكتسب خبرات و تعرف الدنيا ماشية ازاى لأن ده أكيد هيفيدها جدا جدا جدا و طبعا كل ده فى اطار من الالتزام بالدين و الأخلاق و الأصول .

و ده أفضل من أن البنت يكون كل تفكيرها و أملها فى الحياة أنها تعمل البدع عشان توقع عريس لقطة و متريش يعرف يستتها و يصرف عليها و أن يكون كل أملها أنها تلاقى العريس ده و تعيش تحت جناحه و خلاص .

أنا رأيى أن البنت لازم تجتهد و تعمل كل ما فى وسعها للوصول و النجاح و الصعود لأعلى و فى خضم كل هده الأحداث لما يبقى يجيلها العريس المناسب تبقى تتجوزه .

الظروف المنيلة بتاع بلدنا دى على الكل, مش الأولاد بس , لأ و على البنات كمان و أكيد هما كمان ليهم طموح و بصراحة وضع البلد ده بيخلى أى حد يعمل أى حاجة عشان يطلع منها , عنده حق فى اللى بيعمله, المهم يكون فى اطار من الالتزام بالدين و الأخلاق و الأصول .

و ربنا يوفق الجميع

MERCEDES S430

[shiko]

السلام عليكم و رحمة الله و بركاته

أنا بشجع أى بنت بتجتهد و تحاول انها تتعلم و تتفوق و تكتسب خبرات و تعرف الدنيا ماشية ازاى لأن ده أكيد هيفيدها جدا جدا جدا و طبعا كل ده فى اطار من الالتزام بالدين و الأخلاق و الأصول .

و ده أفضل من أن البنت يكون كل تفكيرها و أملها فى الحياة أنها تعمل البدع عشان توقع عريس لقطة و متريش يعرف يستتها و يصرف عليها و أن يكون كل أملها أنها تلاقى العريس ده و تعيش تحت جناحه و خلاص .

أنا رأيى أن البنت لازم تجتهد و تعمل كل ما فى وسعها للوصول و النجاح و الصعود لأعلى و فى خضم كل هده الأحداث لما يبقى يجيلها العريس المناسب تبقى تتجوزه .

الظروف المنيلة بتاع بلدنا دى على الكل, مش الأولاد بس , لأ و على البنات كمان و أكيد هما كمان ليهم طموح و بصراحة وضع البلد ده بيخلى أى حد يعمل أى حاجة عشان يطلع منها , عنده حق فى اللى بيعمله, المهم يكون فى اطار من الالتزام بالدين و الأخلاق و الأصول .

و ربنا يوفق الجميع

MERCEDES S430

وهو المطلوب اثباته .......هو ده الكلام اللى كنت عاوزة اسمعه ...

[doha]

عن نفسي ومع ادراكي لصعوبه الوضع لاي بنت عاوزه تطلع تشتغل برا وازاي ممكن تمشي حياتها من غير ( ظهر راجل ) تستند عليه .. برغم كل ده بقول ان اي بنت تعمل كده هي بنت ( جدعه ) وبرافوا عليها ان قدرت تعتمد على نفسها وتعمل شيء ..

للاسف احنا عندنا قيود اجتماعية عجيبة جدا .. ففي نفس الوقت الي ممكن يبص فيه المجتمع لبنت مسافرة تشتغل لوحدها سواء جوا بلدها او خارجها بنظرة ( مش ولابد ) هتلاقي هو نفسه الي هيبص لها نفس النظرة ويمكن اسوأ لو فضلت بدون زواج ولا ( شغله ولا مشغله ) ونفس المجتمع اللوام ده مش هيعمل حاجه لو البنت دي الي في رقبة اب او اخ انظلمت من اي منهم او ملقيتش حد جنبها في النهايه فيما لو مجاش حظها في راجل ( يظلل عليها ) .

في بنات عندها طموح وللاسف في مجتمعنا فالبنت المثالية هي الي اقصى طموحها الزواج .. مش هنقول بقى ان كل بنت طالعه تشتغل رايحه تجيب الدكتوراه ولكن اكيد الي لم توفق في زوج كويس ومازالت بصحتها وشبابها فمن غير المنطق انها تحط ايدها على خدها وتقعد تستنى النصيب .. الي جات ظروفها كده فاقل حاجه تعملها انها تنزل تحقق ذاتها في اي شيء ملوش علاقه بالاسرة والزواج والانجاب طالما ان لسه نصيبها مجاش .. ونظرا للظروف الاقتصادية الفل الي بتعيشها مصر دلوقت فطبيعي جدا ان بنات الاقاليم هتسافر للمدن الكبرى تدور على شغل فيها وطبيعي اكتر ان بنات المدن هتهج على برا ..

بشجع المبدأ مع تحفظي وبشده على تعميم التطبيق فبرضه زي ماالفكرة في حد ذاتها ( مش بطالة ) الا ان مش اي بنت مؤهلة لانها تقوم بالدور ده ولا اي بنت ولا حتى متزوجه تقدر تتحمل ضغوط العمل في الغربة بلا سند .. ده بخلاف ان طبيعة عملها و ظروف السفر نفسها واقامتها هتبقى فين ومع مين وباي وضعيه اكيد لها الكلمة الاخيرة في موضوع زي ده ..

[بركة]

والله انا لي اخت غير شقيقة بتشتغل برة ولوحدها والحقيقة والدتها هي السبب

عندها فلوس واكتئاب و عمرها بيجري وهي نفسها تخلص من اللي هي فيه

عاوزة تحس بالامان وبانها زي البنات الطبيعية اللي ربنا خلقها

نفسها تتجوز وتخلف و تتفسح في الويك اند مع زوجها وولادها

نفسها ماتبقاش ملطشة لكل واحد فاكرها صيدة سهلة

نفسها الشباب اللي بيرسموا عليها يبعدوا عنها عشان تعيش في حالها

نفسها ماكانتش تشوف النماذج اللي حواليها من البنات اللي عايشين في الغربة دلوقتي

وكان يبقى اللي قدامها ناس لم يرسلهم أهلهم لجمع المال ومش مهم أي حاجة تانية دلوقتي

آسفه اني وجعت دماغكم بس أنا كمان دماغي وجعتني من حالها ومستنية معاها قسط الشقة

والعربية لما أشوف هيخلص امتى ..

[عاشق الترحال]

أحيانا الظروف الماديه بتحكم على الأسره أنهم يسمحوا لبناتهم تتغرب خارج الوطن ,

لكن الغريب في أن بعض الحالات تسمح لبناتها بالغربه لوحدهم على الرغم من أن الحاله الماديه بتكون كويسه !!!

في الحالتين مش كل الأسر بتسمح بالموضوع ده على الرغم من أن فيه حالات بتبقى الظروف الماديه قاسية جدا ولكنهم لا يسمحوا لبناتهم بذلك .

الله يستر على بناتنا وبنات المسلمين أجمعين ويرزقهم بالأزواج الصالحين اللي يحافظوا عليهم ويكفينا ويكفى المسلمين كل شر ومكروه وسوء .

تحياتي :ninja:

[msayed]

بما إنى إشتركت موضوع سابق شبيه وقلت ما عندى، ونزولاً على رغبة البعض ألا تعرض وجهة النظر من منظور دينى. ولأن الحكم الشرعى لسفر المرأة وحدها موجود فى كل مكان على الإنترنيت لذا أرى أن أى مداخة بهذه المعنى سوف تكون من باب إضاعة الوقت والدخول فى دائرة الجدل اللانهائية.

لكن عن نفسى سوف أشعر بشعور قبيح لا أستطيع وصفه لو بت فى يوم وأعلم أن زوجتى أو إبنتى تبيت وحدها فى الغربة، مع أننى واثق فى دينها وتربيتها، لكن سأشعر أننى رميتها بيدى علشان تجيب شوية فلوس.

سؤال بس للرجال، هل يقبل رجل مسلم أن تسافر زوجته للعمل فى اى دولة أخرى وهو يعمل فى مصر.

ياريت الجواب يبقى بصراحة مع النفس مش للجدل.

وأيضاً النساء، ما هو شعورهن لو الزوج وافق على أن تسافر للعمل فى الخارج وهو جالس للعمل فى مصر ومش فارقة معاه.

والسؤال الثانى للرجال، ما هو شعورك لو تقدمت للزواج من بنت وعلمت أنها تعمل فى الخارج وجاية فى أجازة عاوزة تتجوز وترجع تانى.

ونفس السؤال للبنات، ما هو شعورك لو تقدم أخوكى لنفس البنت المذكورة أعلاه.

تم تعديل 27 فبراير 2010 بواسطة msayed

[om marawan]

السلام عليكم و رحمة الله و بركاته :)

أنا بشجع أى بنت بتجتهد و تحاول انها تتعلم و تتفوق و تكتسب خبرات و تعرف الدنيا ماشية ازاى لأن ده أكيد هيفيدها جدا جدا جدا و طبعا كل ده فى اطار من الالتزام بالدين و الأخلاق و الأصول .

و ده أفضل من أن البنت يكون كل تفكيرها و أملها فى الحياة أنها تعمل البدع عشان توقع عريس لقطة و متريش يعرف يستتها و يصرف عليها و أن يكون كل أملها أنها تلاقى العريس ده و تعيش تحت جناحه و خلاص :sad: .

أنا رأيى أن البنت لازم تجتهد و تعمل كل ما فى وسعها للوصول و النجاح و الصعود لأعلى و فى خضم كل هده الأحداث لما يبقى يجيلها العريس المناسب تبقى تتجوزه bv:- .

الظروف المنيلة بتاع بلدنا دى على الكل, مش الأولاد بس , لأ و على البنات كمان و أكيد هما كمان ليهم طموح و بصراحة وضع البلد ده بيخلى أى حد يعمل أى حاجة عشان يطلع منها , عنده حق فى اللى بيعمله, المهم يكون فى اطار من الالتزام بالدين و الأخلاق و الأصول .

و ربنا يوفق الجميع

MERCEDES S430

وهى ماينفعش تجتهد وتسعى للنجاح فى بلدها ومع ابوها وامها واخواتها

اذا كان الولد ظروفه بتضطره للسفر وعلى الرغم من كده قلنا كتير ان فيه شباب ماسافرش والحمد لله نجح ويمكن اكتر من ناس اتغربت وفشلت

ماحدش قال تقعد تستنى العريس لكن تشتغل وتجتهد وتعيش طوحها وسط بيتها

ولو عاوزة تدرس الدراسة عن بعد موجودة وفى اكبر الجامعات

ولو عاوزة تسافر يبقا مع حد من أهلها

الغربة مش سهلة والبنت لازم تفكر مليون مرة قبل ماتسيب حضن اهلها وتتتغرب ياجماعة احنا هنا مع اجوازنا وولادنا وربنا عالم ازاى صعبة ان امى تكون بعيدة عنى وان ابويا -رحمه الله - يتوفى من غير ماشوفه

وبرضه زى ماقال يوزر مش هنرد من المنظور الدينى لكن الكلام ده له بعد نفسى واجتماعى يحتاج شرح مطول

بالنسبة لسؤال يوزر الاخير

انا مش هاحكم على البنت من غربتها حتى مع كونى ضد الفكرة لانى برضه أعرف بنات قمة فى الأدب والتربية واشتغلوا برة كمدرسات او طبيبات او صيادلة

لذلك لو البنت كويسة هاوافق بس طبعا على أساس انها خلص هتستقر معاه

مش هتسافر يعنى وتنزل له فى الأجازات شهر او شهرين فى السنة !!!!!!!

أما عن سؤالك التانى بخصوص لو الزوج موافق على سفرى فاسمحلى مش هاعرف أرد عليه لانى مش متخيلة ارتباطى أصلا بزوج من النوع ده مع احترامى لوجهات النظر المختلفة

لكن زوج بالمواصفات دى اعتقد انى هاكون بالفعل مختلفة معاه على امور كتير ( مش التيب بتاعى wst:: )

[om marawan]

والله انا لي اخت غير شقيقة بتشتغل برة ولوحدها والحقيقة والدتها هي السبب

عندها فلوس واكتئاب و عمرها بيجري وهي نفسها تخلص من اللي هي فيه

عاوزة تحس بالامان وبانها زي البنات الطبيعية اللي ربنا خلقها

نفسها تتجوز وتخلف و تتفسح في الويك اند مع زوجها وولادها

نفسها ماتبقاش ملطشة لكل واحد فاكرها صيدة سهلة

نفسها الشباب اللي بيرسموا عليها يبعدوا عنها عشان تعيش في حالها

نفسها ماكانتش تشوف النماذج اللي حواليها من البنات اللي عايشين في الغربة دلوقتي

وكان يبقى اللي قدامها ناس لم يرسلهم أهلهم لجمع المال ومش مهم أي حاجة تانية دلوقتي

آسفه اني وجعت دماغكم بس أنا كمان دماغي وجعتني من حالها ومستنية معاها قسط الشقة

والعربية لما أشوف هيخلص امتى ..

مداخلة جميلة جدا يابركة لخصت صورة حقيقية للى بتشوفه بنات كتير فى الغربة

وكمان لمست حال بنوتة مصرية غالية سافرت من غير رغبتها

[fatfouta]

الله يستر على بناتنا وبنات المسلمين أجمعين ويرزقهم بالأزواج الصالحين اللي يحافظوا عليهم ويكفينا ويكفى المسلمين كل شر ومكروه وسوءroseop:

اللهم آمين

[fatfouta]

بشجع المبدأ مع تحفظي وبشده على تعميم التطبيق فبرضه زي ماالفكرة في حد ذاتها ( مش بطالة ) الا ان مش اي بنت مؤهلة لانها تقوم بالدور ده ولا اي بنت ولا حتى متزوجه تقدر تتحمل ضغوط العمل في الغربة بلا سند .. ده بخلاف ان طبيعة عملها و ظروف السفر نفسها واقامتها هتبقى فين ومع مين وباي وضعيه اكيد لها الكلمة الاخيرة في موضوع زي ده ..

صح يا ضحى عندك حق فى الجزئية دى ولاننا مش ضامنين اقامتها تبقى مع مين وهى لوحدها فى بلد غريبة.....فانا ضد سفر البنت لوحدها للخارج الا اذا كان فيه ظروف تحتم ده

يعنى لو كانت هى المعيلة الوحيدة لاسرتها فهى بكده هتبقى مضطرة للسفر وده حصل ادامى كتير والله مش سافرت برا بس لا وكمان ناس كانوا بيسافروا يقعدوا فى الغردقة وشرم والاماكن دى وما ادراكى بقى......بتبقى يا عينى بتحارب فى جميع الاتجاهات عشان الناس ماتطمعش فيها للاسف وماتبصلهاش نظرة مش تمام

انا معاكى كمان وبشجع البنات على انهم يعتمدوا على نفسهم بس الشجاعة خليها واحنا قاعدين وسط اهلنا وبلدنا

[عاشق الترحال]

بما إنى إشتركت موضوع سابق شبيه وقلت ما عندى، ونزولاً على رغبة البعض ألا تعرض وجهة النظر من منظور دينى. ولأن الحكم الشرعى لسفر المرأة وحدها موجود فى كل مكان على الإنترنيت لذا أرى أن أى مداخة بهذه المعنى سوف تكون من باب إضاعة الوقت والدخول فى دائرة الجدل اللانهائية.

لكن عن نفسى سوف أشعر بشعور قبيح لا أستطيع وصفه لو بت فى يوم وأعلم أن زوجتى أو إبنتى تبيت وحدها فى الغربة، مع أننى واثق فى دينها وتربيتها، لكن سأشعر أننى رميتها بيدى علشان تجيب شوية فلوس.

سؤال بس للرجال، هل يقبل رجل مسلم أن تسافر زوجته للعمل فى اى دولة أخرى وهو يعمل فى مصر.

ياريت الجواب يبقى بصراحة مع النفس مش للجدل.

وأيضاً النساء، ما هو شعورهن لو الزوج وافق على أن تسافر للعمل فى الخارج وهو جالس للعمل فى مصر ومش فارقة معاه.

والسؤال الثانى للرجال، ما هو شعورك لو تقدمت للزواج من بنت وعلمت أنها تعمل فى الخارج وجاية فى أجازة عاوزة تتجوز وترجع تانى.

ونفس السؤال للبنات، ما هو شعورك لو تقدم أخوكى لنفس البنت المذكورة أعلاه.

وبما أني مسلم في المقام الأول يا أستاذ msayed فلن أقبل بذلك لأن ديني لا يبيح ذلك لما فيه من مخاطر قد تتعرض لها المرأه وحرصا على حمايتها وحفاظا على حقوقها

فدين الله الذي إرتضاه لنا كمسلمين هو الذي يحافظ على عفة المرأه وطهارتها وعرضها من القيل والقال على ألسنه الذين لا يتقون الله

وهو الدين الذي يرعى حقها ويرعى حريتها ويجعلها كالجوهره المصونه واللؤلؤة المكنونه .

وبما أني رجل مصري شرقي ابن بلد أخلاقي مستمده من الدين والأصول وعاداتنا الشرقيه والغيره والشهامه والكلام ده

فلن أسمح لأختى أو أمى أو زوجتي أو بنتي أو لمن هم تحت ولياتي بالسفر والعمل خارج الوطن بمفردها مهما كانت الظروف ومهما كانت المغريات الماديه .

وربنا يهدي الجميع ويستر على نسائنا ونساء المسلمين أجمعين يا رب :) :sad: wst::

[fatfouta]

كنا ساكنين فى كومباوند وكانت فى الشقة اللى جمبى ساكنة واحدة ست ممرضة مصرية

جات سكنت بعدى يعنى انا شوفتها وهى بتجيب عفشها ولا مؤاخذة يعنى وكل حاجتها ........وبعدين كنت اشوفها تخرج الصبح بدرى تروح الشغل وتيجى الظهر وترجع تخرج تانى وتيجى بالليل وفضلت كده حوالى كام شهر وانا ولا سامعاة ليها حس ولا لععيال معاها ولا حد ........كنت بحب اتامل فى نظامها ومواعيدها اللى تضبط عليها الساعة

واتعرفنا على بعض وحكيتلى انها جاية لوحدها هنا ورفضت انها تعيش فى سكن المستشفى لانها بتحاول باقصى جهدها انها تجيب فيزا لجوزها........وعندها امل فى ده عشان كده اخدت شقة لوحدها.......الست دى كان عندها ولدين توأم عمرهم 4 سنين وكانت سايباهم مع مامتها

وبعد حوالى ست شهور فعلاااااااا لقت لجوزها فيزا وجه فعلا هو وولادها

كانت ست فعلا تحتررررررررم فى مواعيدها المضبوطة فى ادبها فى اخلاقها فى كونها عون لجيرانها........جوزها كان راجل محترم جداااااااا بس معلش كل ماكنت اشوفهم مع بعض كان بيبقى هاين عليا اقوله مش حرام عليك مراتك بهدلتها كده؟؟؟

ادى نموذج رابع اهو .........بس انا برضو لسه ضد سفر الست لوحدها او البنت اللى لسه مش متجوزة

تم تعديل 27 فبراير 2010 بواسطة fatfouta

[engmido]

على حد معلوماتى الدينية المتواضعة

انه لا يجوز للمراة ان تسافر بغير محرم

حتى فى الحج والعمرة مقننة فوق ال 45 سنة

مصداقا للحديث الشريف

لا يحل لامرأة تؤمن بالله واليوم الآخر تسافر مسيرة ثلاثة أيام إلا ومعها ذو محرم

واوعى حد يقول الطموح والذات والظروف ..ده دين والله اعلم

ملحوظة : الاخوة اللى عارفين نفسهم المختلفين دوما فى امور الدين بسبب وبدون سبب رحمة بنا تعليقهم معروف مسبقا فرجاء ان يعفونا منه

لان ده كلام الرسول صلى الله عليه وسلم ....الذى لا ينطق عن الهوا

وشكرا لكم منعا للمشاكل

[sarmar]

نحن لانملك ان نقيد اى انسان على السفر الى اى مكان بالعالم

وانما الرجل فقط هو المطلوب منة ان يخرج من البيت او من البلد ويكد ويتعب ليريح اهلة واسرتة وخاصة نساؤها واطفالها وهذا هو المنطق وعاداتنا وتقاليدنا

ومع تطور العالم اصبحت المرأة تقف بجوار الرجل جنبا الى جنب بكل احترام وتقدير لها وعن دورها الذى تقوم بة فى المجتمع

وكم شاهدنا على الطبيعة وجود نساء يتفوقن على الرجال فى العديد من المجالات حتى فى الاعمال التى تتطل قوة وجهد عالى جدا

ولكن تعالوا لنرى يومية زوجة او اخت او بنت عاملة او موظفة نرى اعباء القيت على عاتقها دون رحمة او شفقة وخاصة من بنى جنسها بالاضافة الى اعباء البيت والتى لابد وان تقوم بها كاملة

هل هذا لايستدعى الى الرحمة والرأفة بهذا الانسان الذى يسمى المرأة الا تستحق منا ايها الرجال وايها الاخوات ان نرحمها من هوان المواصلات وعدم ادميتها حتى للرجال

رايت من هلل للراى الذى يشجع خروج ونجاح المراة نعم انا معك ولكنى اشفق عليكى ان كنتى اختى او ابنتى او زوجتى لااريد لكى التعرض الى اى مهانة حتى ولو بدون قصد هذا عندما حتى تكونى فى بلدنا ومالها وماعليها

اما اذا خرجتى من بلدك فكانما المثل اللى يقول من خرج من دارة 000000 وخاصة فى الدول العربية حيث تجد التمييز بين الناس واضح وحتى على المستوى الرسمى وتجد انك انسان غريب لست فى بلدك وتخاطب على انك غريب اى لالاتعتقد انك لك اى حق وانما الحق هو ماننعم بة عليك اردت ام ابيت وفى الغربة يتعرض الرجل احياننا لتنازلات كلنا يعرفها ويمر بها ولا مجال للمساومة على الطمع اما فى البنت او بالانثى فما يدريك ان لكل انثى بهذة الدول الا وعليها عيون شريرة تحاول ان تلتهم اى جزء منها والامثلة هنا كثيرة جدا تجعل اى انسان يتردد مليون مرة قبل ان يسافر وانا رجل فمابالك بالبنت

كلامى هذا ليس كراهية لكى يااختى وانما هو رافة ورحمة بكى لانك غالية على اخوكى جدا لانك مصرية

[fatfouta]

نحن لانملك ان نقيد اى انسان على السفر الى اى مكان بالعالم

وانما الرجل فقط هو المطلوب منة ان يخرج من البيت او من البلد ويكد ويتعب ليريح اهلة واسرتة وخاصة نساؤها واطفالها وهذا هو المنطق وعاداتنا وتقاليدنا

ومع تطور العالم اصبحت المرأة تقف بجوار الرجل جنبا الى جنب بكل احترام وتقدير لها وعن دورها الذى تقوم بة فى المجتمع

وكم شاهدنا على الطبيعة وجود نساء يتفوقن على الرجال فى العديد من المجالات حتى فى الاعمال التى تتطل قوة وجهد عالى جدا

ولكن تعالوا لنرى يومية زوجة او اخت او بنت عاملة او موظفة نرى اعباء القيت على عاتقها دون رحمة او شفقة وخاصة من بنى جنسها بالاضافة الى اعباء البيت والتى لابد وان تقوم بها كاملة

هل هذا لايستدعى الى الرحمة والرأفة بهذا الانسان الذى يسمى المرأة الا تستحق منا ايها الرجال وايها الاخوات ان نرحمها من هوان المواصلات وعدم ادميتها حتى للرجال

رايت من هلل للراى الذى يشجع خروج ونجاح المراة نعم انا معك ولكنى اشفق عليكى ان كنتى اختى او ابنتى او زوجتى لااريد لكى التعرض الى اى مهانة حتى ولو بدون قصد هذا عندما حتى تكونى فى بلدنا ومالها وماعليها

اما اذا خرجتى من بلدك فكانما المثل اللى يقول من خرج من دارة 000000 وخاصة فى الدول العربية حيث تجد التمييز بين الناس واضح وحتى على المستوى الرسمى وتجد انك انسان غريب لست فى بلدك وتخاطب على انك غريب اى لالاتعتقد انك لك اى حق وانما الحق هو ماننعم بة عليك اردت ام ابيت وفى الغربة يتعرض الرجل احياننا لتنازلات كلنا يعرفها ويمر بها ولا مجال للمساومة على الطمع اما فى البنت او بالانثى فما يدريك ان لكل انثى بهذة الدول الا وعليها عيون شريرة تحاول ان تلتهم اى جزء منها والامثلة هنا كثيرة جدا تجعل اى انسان يتردد مليون مرة قبل ان يسافر وانا رجل فمابالك بالبنت

كلامى هذا ليس كراهية لكى يااختى وانما هو رافة ورحمة بكى لانك غالية على اخوكى جدا لانك مصرية

احييك يا اخى على كلامك اللى كله حكمة واحترام وحب لولاد بلدك

انا هحكيلك على حكاية

اول مرة روحنا عمرة هنا من الرياض مكناش فاهمين ولا حاجة وللاسف وقعنا فى شركة نصابة نصبت علينا فى الاقامة فى مكة والمدينة وحاجات تانى كتير

المهم لما جوزى راح حجزلنا فى الباص قالوله تيجو يوم الثلاثاء الساعة 3ونص فى البطحاء ورا فندق قصر الحمراء ولما فعلا استعدينا وروحنا وخلاص اخدنا الباص والمفروض انه يطلع ........فيه ناس كتير قلتله المفروض انك ترجع العزيزية عشان هناك بتاخد الترخيص من الموقف نفسه

السواق ومشرف الحملة حبوا يعملوا ناصحين وطلعوا من البطحة

ولما ركبت الباص كانوا قاعدين فى الكرسى اللى جمبى ولد وبنت حوالى 10 سنين واقل ومامتهم قاعدة عالكرسى اللى وراهم........الست دى دكتورة بتشتغل هنا فى الرياض ومش معاها جوزها وطول الطريق الراجل مشرف الحملة يستظرف ويقولها لو قابلنا كمين ابقى استخبى باستخفاف كده.......وهى قاعدة مرعوبة....وانا مش فاهمة حاجة

ولما سالت جوزى قاللى مش عارف يمكن عشان معهاش محرم بيدققوا .........عشان احنا كنا اول مرة نطلع فكنا مش فاهمين ولا حااااااااجة

المهم لجل الحظ الشئ وعشان السواق ماخدش تقريبا التصريح من العزيزية اتبلغ عنه....... وقبل مانطلع من الرياض كانت الشرطة موقفة الباص

طلع واحد مش عارفة رتبته ايه بمنتهى الجليطة قعد ينده على واحد واحد ويقول انت فين اهلك وانت فين مش عارف مين.........وجه عند الدكتورة دى قام قالها مين معاكى .......ردت بمنتهى الخوف وقالتله ولادى وشاورت على ولادها

قاللها انزلى لو سمحتى ........ووقفوا تحت ووقفوا الباص ساعتين الا ربع تخيل

والناس تقوله يهديك يرضيك وهو ابدااااااااااا الا لازم تيجى سيارة وترجعها الرياض تانى.........والناس تقوله حرام هتتمرمط ودى ست لوحدها........والراجل يرد يقول ماتطلع لوحدها ما يصير

وهى يا عينى تبكى بشششششششدة هى وولادها واحنا اخدنا ولادها وبقينا نهدى فيهم وكل الرجالة تتحايا عليه......وفييييين بعد ساعتين الا قالها اطلعى ومشانا

لما طلعت يا عينى قعدت طول الطريق تعيط واحنا نهدى فيها ..........صعبت عليا جداااا قولت ياربى شوف يا عينى اتبهدلت اذاى واهى دى معاها ولادها امال بقى لو بنت وطالعة لوحدها

ايوه عارفة ان الامور دى بتمشى دلوقتى وفيه ناس كتير بتطلع تعمل عمرة لوحدها .............لكن الست دى كانت حظها سئ جداااااا.......وده برضو عشان هى هنا لوحدها مع ولادها وجوزها سايبهم وهو قاعد لشغله فى مصر......طب ده كلام؟؟ اهو هو قاعد فى بلده ومغرب مراته بولاده .........دريان هو بقى ايه اللى بيحصلهم؟؟؟؟

[الباشمهندس ياسر]

كنا اتناقشنا قبل كده عن الموضوع ده ف يساومونها علي بيع شرفها

القصة من فم صاحبتها المصرية كالتالى:

جئت الى دبي لاعمل فى محل كوافيرة الذى تديره مصرية ايضا وتساندها امراة امراتية والاقامة توفرها صاحبة المشغل ... مسكينة تحدثت ودموعها تنهمر

فتبل خمارها ....تقول : ساومتنى صاحبة المشغل على شرفى وعندما رفضت ضربت ابنتى الصغيرة وهددتنى بابلاغ الشرطة اننى سرقت محلها....

وتقول انها خائفة ان تبلغ عن صاحبة المشغل لانها مسنودة ويبدو انها تدير المكان للدعارة

قصة عجيبة ما ظننت ابدا انها يمكن ان توجد على ارض الواقع

هي الناس ف مصر ........ بطلت تفهم خلاص

الناس ف الخليج بتفكر بالطريقة دي:

اي واحدة طالعة من غير راجلها .. فهي صيد سهل المنال الي ان يثبت العكس

اي واحدة و لو معاها راجلها و رايحة تشتغل ف الكوافيرات و المساج فهي ستعمل ف الدعارة الي ان يثبت العكس ايضا

المهم

خليها تروح القسم و تعمل محضر بالكلام ده قبل صاحبة المحل ما تعرف حتي

و الشرطة هتضبطلها الموضوع ... الا ... لو عجبت طويل العمر طبعا

انا عاوز ارد عليكم بالتفصيل

و اناقشكم ف الكلام كله

لكن فعلا مش قادر ... مجهد جدا جدا ..... ده اولا

هنتطرق لابواب كتير خلال النقاش و انا مش عاوز كده ... ده ثانيا

ف باختصار

انا قلت الناس ف الخليج ... مقلتش انا ... بتفكر كده و ده من واقع معايشتي للناس ف الخليج فترات طويلة و انتقالي بين دوله

و ارائي الشخصية ... تخصني انا قبل اي حد

انا شخصيا مؤمن ان الحرة لو زرعوها ف فدان رجالة ميتخافش عليها

و مؤمن ان الحريم متتحرسش ...

يعني اللي عايزه الشر ... هتعمله.... هتعمله

انما ده ميمنعش اني رافض مبدأ السفر من غير محرم

و بالنسبة للاخت صاحبة المشكلة

ربنا يعينها ... ده اولا

لكن

مفيش مخلوق ع الارض يقدر يخلي واحدة تبيع نفسها ... وضحت ولا لسه...؟

و اخيرا

من كان رزقه علي الله ..فلا يحزن

[fatfouta]

كنا اتناقشنا قبل كده عن الموضوع ده ف يساومونها علي بيع شرفها

القصة من فم صاحبتها المصرية كالتالى:

جئت الى دبي لاعمل فى محل كوافيرة الذى تديره مصرية ايضا وتساندها امراة امراتية والاقامة توفرها صاحبة المشغل ... مسكينة تحدثت ودموعها تنهمر

فتبل خمارها ....تقول : ساومتنى صاحبة المشغل على شرفى وعندما رفضت ضربت ابنتى الصغيرة وهددتنى بابلاغ الشرطة اننى سرقت محلها....

وتقول انها خائفة ان تبلغ عن صاحبة المشغل لانها مسنودة ويبدو انها تدير المكان للدعارة

قصة عجيبة ما ظننت ابدا انها يمكن ان توجد على ارض الواقع

هي الناس ف مصر ........ بطلت تفهم خلاص

الناس ف الخليج بتفكر بالطريقة دي:

اي واحدة طالعة من غير راجلها .. فهي صيد سهل المنال الي ان يثبت العكس

اي واحدة و لو معاها راجلها و رايحة تشتغل ف الكوافيرات و المساج فهي ستعمل ف الدعارة الي ان يثبت العكس ايضا

المهم

خليها تروح القسم و تعمل محضر بالكلام ده قبل صاحبة المحل ما تعرف حتي

و الشرطة هتضبطلها الموضوع ... الا ... لو عجبت طويل العمر طبعا

انا عاوز ارد عليكم بالتفصيل

و اناقشكم ف الكلام كله

لكن فعلا مش قادر ... مجهد جدا جدا ..... ده اولا

هنتطرق لابواب كتير خلال النقاش و انا مش عاوز كده ... ده ثانيا

ف باختصار

انا قلت الناس ف الخليج ... مقلتش انا ... بتفكر كده و ده من واقع معايشتي للناس ف الخليج فترات طويلة و انتقالي بين دوله

و ارائي الشخصية ... تخصني انا قبل اي حد

انا شخصيا مؤمن ان الحرة لو زرعوها ف فدان رجالة ميتخافش عليها

و مؤمن ان الحريم متتحرسش ...

يعني اللي عايزه الشر ... هتعمله.... هتعمله

انما ده ميمنعش اني رافض مبدأ السفر من غير محرم

و بالنسبة للاخت صاحبة المشكلة

ربنا يعينها ... ده اولا

لكن

مفيش مخلوق ع الارض يقدر يخلي واحدة تبيع نفسها ... وضحت ولا لسه...؟

و اخيرا

من كان رزقه علي الله ..فلا يحزن

شكرا يا باشمهندس ياسر.......بس اعتقد ان فيه اختلافات

:lol:

[اغابي]

انا لى واحدة صاحبتي هنا فى الكويت جات من سنتين بعقد عمل

وبتشتغل وساكنة مع 4 ستات فى شقة وعمرها 25 سنة

وعاوزة اقولكم اللى جابها الكويت ظروف اهلها صعبة جدا وعندها 5 اخوات فى مدارس وهى بتصرف عليهم وكمان والدها طالع معاش

بس عاوزة اقولكم اخوتها دول اولادها بتفكر ازاى تأمن مستقبلهم وبتحبهم جدا جدا وكمان عاوزة اقولكم حاجة مهمة بيتقدملها شباب زي الفل وهى بترفض كل عريس احسن من التاني وفيهم واحد حكى معايا بصراحة اولا قالى ان اللى مخليه يتقدملها بالاضافة لاخلاقها ان مش لسة حيجيب واحدة من مصر ويعملها التحاق بعائل ويدورلها على شغل فى الكويت وكل الدوشة دي لكن دي جاهزة اقامة وشغل وكل حاجة وكلهم بيفكرو بالمنطق داه وبيتقدملها ناس كتير هنا فى الكويت لكن هى مأجلة الموضوع علشان تخاف ان ممكن تقصر مع مصاريف اهلها واخوتها لو اتجوزت فدا اخلاق عالية وطيبة منها بصراحة وهى مجتهدة واعتقد انها المصدر الوحيد حاليا لرزقهم -

الموضوع مابقاش بنت او راجل الموضوع ظروف معيشة الاسر والناس فى مصر اتبهدلت جدا

عموما صاحبنتى دي انا بعتبرها نموذج مكافح ومجتهد ومشرف جدا - ربنا يساعدها ويحافظ عليها من اولاد الحرام ويعوضها خير .......

تحياتي