يا بتوع الكويت يا بختكوا

[fatfouta]

يعنى انتوا يا اخواننا المصريين اللى فى الكويت ...

شغالين اجازات ايشى عيد وطنى وايشى مش عارف ايه

لا وابص دلوقتى الاقيكوا كلكوا سهرانين .........طبعا مانتوا عندكم اجازة مش عارفة كام يوم ومستريحين

من حقنا احنا بتوع السعودية نقرررر عليكوا عشان احنا هنا مافيش الكلام ده وكل حاجة بدعة وكتر خيرك وابشر ابشر

النار جايدة فى جلبى ياماى :lol: :lol:

ياللا كل سنة وانتوا طيبين :sad:

[الجدار]

يا ناس يا شر كفاية أر

ايه ده يا عالم هو الكحكة في ايد اليتيم عجبة !!!

بصراحة الواحد زهق من كتر الأجازات هنا

:lol:

[herohero]

بصراحه انا شايف الاخوة ف الاماارات اكتر لان عندهم كل وفاة بتحصل لاحد حكام الامارات بياخدوا اجزة وبما ان الامارات 7 يعني 7 عائلات حاكمة يعني معدل الوفيات اكثر من بقية دول الخليج بالاضافه الى مناسبات الدينية والوطنية وافتكر لو مش غلطان يوم جلوس محمد بن راشد وتوليه حكم دبي

اما الكويت فزيها زي اي دولة طبيعيه

اما مملكة الانسانيه فبصراحه ناس بتوعم شغل قوووووووووووووووي

مفيش الا العيدين اما الباقي فهو بدعه وبصراحه احسن يعني هتعمل ايه ف الاجازة خاصة لو كنت من سكان الرياض وتزداد المشكلة لو كنت اعزب " هو الاعزب بينقل امراض ولا حاجه" :lol: عشان كده بمنعوه من دخول اماكن

[fatfouta]

بصراحه انا شايف الاخوة ف الاماارات اكتر لان عندهم كل وفاة بتحصل لاحد حكام الامارات بياخدوا اجزة وبما ان الامارات 7 يعني 7 عائلات حاكمة يعني معدل الوفيات اكثر من بقية دول الخليج بالاضافه الى مناسبات الدينية والوطنية وافتكر لو مش غلطان يوم جلوس محمد بن راشد وتوليه حكم دبي

اما الكويت فزيها زي اي دولة طبيعيه

اما مملكة الانسانيه فبصراحه ناس بتوعم شغل قوووووووووووووووي

مفيش الا العيدين اما الباقي فهو بدعه وبصراحه احسن يعني هتعمل ايه ف الاجازة خاصة لو كنت من سكان الرياض وتزداد المشكلة لو كنت اعزب " هو الاعزب بينقل امراض ولا حاجه" :lol: عشان كده بمنعوه من دخول اماكن

معلش يا هيرو هنا فى الرياض الاعزب بيعامل معاملة الفيروس وياعينى يبقى واقف على باب المولات فى الاعياد نفسه يدخل وبيبقى هاين عليه يخطفله اى عيل يعدى بيه من الباب بس وبعدين يسيبه

بس خلينا دلوقتى مركزين مجهودات قرررررررررنا على بتوع الكويت لانهم فى اجازة طوييييييييلة ........مش شايف الاخ اللى فوق ده .........بيتمرجح

بتوع الامارات ليهم يوم تانى :lol:

[fatfouta]

يا ناس يا شر كفاية أر

ايه ده يا عالم هو الكحكة في ايد اليتيم عجبة !!!

بصراحة الواحد زهق من كتر الأجازات هنا

:lol:

وانت خليك كده اتمرجح اتمرجح

:lol: :sad:

تم تعديل 27 فبراير 2010 بواسطة fatfouta

[الجدار]

يا ناس يا شر كفاية أر

ايه ده يا عالم هو الكحكة في ايد اليتيم عجبة !!!

بصراحة الواحد زهق من كتر الأجازات هنا

:sad:

وانت خليك كده اتمرجح اتمرجح

والله الجو من بداية الأجازة ترااااااااااااااااااب بطريقة غير طبيعية

والغريب ان قبلها الجو كان زي الفل

انا عرفت دلوقتي ايه اللي حصل

كلكوا بتحقدوا علينا :lol:

حرام عليكوا يا عالم :sad:

والله انا بتكلم بجد الأجازة هنا مملة جداً

مهما خرجت أو سهرت أو عملت البدع مافيش فرحة

بالعكس الشغل بيبقى لاهي الواحد شوية

الأجازة بتبقى فرصة للتفكير والإكتئاب

ربنا يصبرنا

:lol:

[om marawan]

لا بجد يا جدار انت بتخزى العين ولا ايه

دى حتة عين فتفوتة سكرة وماتحسدش ابدا

والله يافتفوتة الاجازة لعب وضحك وجد حب يارب ياختى تيجى تنورينا كده فى يوم ونخرج نتفسح سوا والعيال ولادنا ترش بعضها بالرش الصابون ده عارفاه اللى بييجى فى علب اسبراى

اصل ده تقليد اساااااااسى هنا فى العيد الوطنى

العربيات بتمشى او بتقف بمعنى صح فى طريق الخليج وبيبهدلوا بعض رش وهزار بالصابون

وبصراحة الشرطة محترمة جدا مابتعملش مخالفات غير للمشاكل لكن غير كده سايبة الناس براحتها

غير بقا المشاركة اللى فى المحلات والحاجات دى

الحمد لله ياولاد الاجازة خلصت خلاص مش باقى غير يومين تلاتة :)

[fatfouta]

جدااااااااار ماتخزيش العين عنكم ........برضو اسمها اجازة

ومادام جيبت سيرة الاحاسيس يبقى بص هنا

http://www.egyptiantalks.org/invb/?showtopic=94957

تم تعديل 27 فبراير 2010 بواسطة fatfouta

[fatfouta]

لا بجد يا جدار انت بتخزى العين ولا ايه

دى حتة عين فتفوتة سكرة وماتحسدش ابدا

والله يافتفوتة الاجازة لعب وضحك وجد حب يارب ياختى تيجى تنورينا كده فى يوم ونخرج نتفسح سوا والعيال ولادنا ترش بعضها بالرش الصابون ده عارفاه اللى بييجى فى علب اسبراى

اصل ده تقليد اساااااااسى هنا فى العيد الوطنى

العربيات بتمشى او بتقف بمعنى صح فى طريق الخليج وبيبهدلوا بعض رش وهزار بالصابون

وبصراحة الشرطة محترمة جدا مابتعملش مخالفات غير للمشاكل لكن غير كده سايبة الناس براحتها

غير بقا المشاركة اللى فى المحلات والحاجات دى

الحمد لله ياولاد الاجازة خلصت خلاص مش باقى غير يومين تلاتة :)

يا بختكوا وكمان بتهظروا مع بعض عادى كده فى الشارع

:) :Head:

لينا ربنا يا بتوع الرياض

[om marawan]

جدااااااااار ماتخزيش العين عنكم ........برضو اسمها اجازة

ومادام جيبت سيرة الاحاسيس يبقى بص هنا

http://www.egyptiantalks.org/invb/?showtopic=94957

طب تصدقى ياتوتة عندك حق

احنا مع كل المهرجان اللى هنا لكن تحس ناقصك روح مصر

الولاد طبعا مبسوطين لما بيلعبوا بالصابون لكن فين ده من ازايز البيروسول اللى بيولعها المصريين فى الاحتفالات :) فرحة بحق وحقيقي

[أحمد سيف]

طيب تقولي ايه على بتوع البحرين ... ما شاء الله ماسابوش مناسبه إلا وأخدوا فيها أجازه

يعني عيدين الفطر والأضحى ماشي ... البلد أغلبية سكانها مسلمين ولازم يحتفلوا بأعيادهم الدينية

المناسبات الدينية الأخرى زي رأس السنة الهجرية والمولد النبوي

مناسبات الإخوة الشيعة زي عاشوراء (أجازة يومين) بما أنهم يشكلوا نصف السكان على الأقل وبحكم الأمر الواقع الأيام دي كانت بتبقى أجازه

رأس السنة الميلادية علشان الناس اللي بتحتفل بيها ... وطبعا في المدارس الخاصة والمؤسسات الأجنبية الأسبوع الأخير من ديسمبر والأول من يناير كله أجازة علشان الكريسماس

أعياد وطنية يومين ... العيد الوطني وعيد الجلوس

عيد العمال ... مش عارف ليه مع إن البحرين أبعد ما تكون عن الاشتراكية

ده طبعا بخلاف الأجازات الأخرى التي تمنح عند وفاة أي من شيوخ البلد الكبار أو أمراء ورؤساء وملوك الدول الخليجية. والأجازة اللي تصادف يوم جمعة أو سبت تعوض تلقائيا ... والحسابه بتحسب.

وطبعا المستفيد الأكبر من هذه الأجازات هي حملات العمرة والزيارات للأماكن المقدسة للشيعة... كل ما الناس تاخذ أجازه 3 أيام تلاقيهم هجّوا من البلد ... شويه ناحية مكه والمدينة والبعض ناحية كربلاء والنجف ... واللي عايز يغير تلاقيه بيتسنكح في مجمعات دبي.

وسلّم لي على الإنتاجيه.

[الغريب]

أعوذ بالله هي الناس واخدة بالها مننا قوي ليه كدة :)

هى بصراحة ميزة الكويت في حاجة أنهم عندهم شوية قوانين حلوة

منها مثلا أنهم بيأخرو أي أجازة الى اخر الاسبوع حتى تكون متصلة بالعطلة الاسبوعية، وكمان لو جه يوم دوام بين أجازتين بيكون أجاازة بنص القاااااااانون

أسيبكم دلوقتي علشان يدوب فاضل يوم في الاجازة

[ozoozo]

انا اول مره اجي السعوديه السنه اللي فاتت وبعد شهرين من وجودي في السعوديه كان صابح تاني يوم راس السنه الهجريه وطبعا كملت نوم وماروحتش الشغل -وكنت فاكره اجازه زي مصر اجازه-

لقيت المدير بتاعي بيتصل بي الساعه 11 الصبح بيقولي انت فين قولتله نايم مش النهارده اجازه :)

لكنه تفهم الموقف عشان هو مصري وفهمني ان هنا مفيش غير العيدين واليوم الوطني بس انما الباقي فحت وردم

تم تعديل 28 فبراير 2010 بواسطة ozoozo

[fatfouta]

أعوذ بالله هي الناس واخدة بالها مننا قوي ليه كدة :)

هى بصراحة ميزة الكويت في حاجة أنهم عندهم شوية قوانين حلوة

منها مثلا أنهم بيأخرو أي أجازة الى اخر الاسبوع حتى تكون متصلة بالعطلة الاسبوعية، وكمان لو جه يوم دوام بين أجازتين بيكون أجاازة بنص القاااااااانون

أسيبكم دلوقتي علشان يدوب فاضل يوم في الاجازة

خليك انت كده اقعد غيظ فينا مرة بالاذاعة بتاعة القرآن الكريم فى الكويت اللى جميلة جداااا وعاملة ذى اذاعة مصر

ومرة بالاجازة اللى فاضل فيها يوم

مش خايفين على نفسكوا؟؟.........ارحموا اخواتكوا اللى فى السعودية ماعندناش الاوبشنز دى خاااااااالص

[fatfouta]

انا اول مره اجي السعوديه السنه اللي فاتت وبعد شهرين من وجودي في السعوديه كان صابح تاني يوم راس السنه الهجريه وطبعا كملت نوم وماروحتش الشغل -وكنت فاكره اجازه زي مصر اجازه-

لقيت المدير بتاعي بيتصل بي الساعه 11 الصبح بيقولي انت فين قولتله نايم مش النهارده اجازه :)

لكنه تفهم الموقف عشان هو مصري وفهمني ان هنا مفيش غير العيدين واليوم الوطني بس انما الباقي فحت وردم

ازوزو يا بنى فيه حد يعمل فى نفسه كده........طب مش كنت تسأل اهو زمانه شيلهالك لغايت دلوقتى وكل راس سنة يفكرك بيها

وبعدين راس سنة مين؟ كله بدعة...بدعة .....بس هو العيد الوطنى هو اللى مش بدعة

واخواننا التانيين شغالييييييين كل مناسبة بيقولولك كمان ياجلوها لغايت اخر الاسبوع عشان ياخدوها مع الويك اند

شوف يا اخى بيدلعوهم اذاى؟

ركز معايا بقى فى القر عليهم.......

[الغريب]

خليك انت كده اقعد غيظ فينا مرة بالاذاعة بتاعة القرآن الكريم فى الكويت اللى جميلة جداااا وعاملة ذى اذاعة مصر

ومرة بالاجازة اللى فاضل فيها يوم

مش خايفين على نفسكوا؟؟.........ارحموا اخواتكوا اللى فى السعودية ماعندناش الاوبشنز دى خاااااااالص

الفاضلة 'fatfouta' يكفي أن عندكم الحرمين بالسعودية عاوزين أيه تاني ، وأظن متقلقيش دي حاجة مينفعش يتقرر عليها أبدا ، فعلا والله أنتو في نعمة أنكم في أرض الحرمين ، ولعلمك عاوز أقولك أن غالبية الناس هنا في الكويت أستغلت الأجازة دي وراحة عملت عمرة المولد النبوي والناس كانت مستنية الأجازة دي بفارغ الصبر والناس اللي مرحتش عمرة للأسف باب الحجز أتقفل في وشهم..

والله أنا من زمان كان نفسي أسافر السعودية لأن كان عندي يقين أن الحرمين مش هيخلو فيه إحساس بالغربة ..

لا تقولي أجازة ولا إذاعة دا الحرمين الشريفين في السعودية ياجماعة

[fatfouta]

طيب تقولي ايه على بتوع البحرين ... ما شاء الله ماسابوش مناسبه إلا وأخدوا فيها أجازه

يعني عيدين الفطر والأضحى ماشي ... البلد أغلبية سكانها مسلمين ولازم يحتفلوا بأعيادهم الدينية

المناسبات الدينية الأخرى زي رأس السنة الهجرية والمولد النبوي

مناسبات الإخوة الشيعة زي عاشوراء (أجازة يومين) بما أنهم يشكلوا نصف السكان على الأقل وبحكم الأمر الواقع الأيام دي كانت بتبقى أجازه

رأس السنة الميلادية علشان الناس اللي بتحتفل بيها ... وطبعا في المدارس الخاصة والمؤسسات الأجنبية الأسبوع الأخير من ديسمبر والأول من يناير كله أجازة علشان الكريسماس

أعياد وطنية يومين ... العيد الوطني وعيد الجلوس

عيد العمال ... مش عارف ليه مع إن البحرين أبعد ما تكون عن الاشتراكية

ده طبعا بخلاف الأجازات الأخرى التي تمنح عند وفاة أي من شيوخ البلد الكبار أو أمراء ورؤساء وملوك الدول الخليجية. والأجازة اللي تصادف يوم جمعة أو سبت تعوض تلقائيا ... والحسابه بتحسب.

وطبعا المستفيد الأكبر من هذه الأجازات هي حملات العمرة والزيارات للأماكن المقدسة للشيعة... كل ما الناس تاخذ أجازه 3 أيام تلاقيهم هجّوا من البلد ... شويه ناحية مكه والمدينة والبعض ناحية كربلاء والنجف ... واللي عايز يغير تلاقيه بيتسنكح في مجمعات دبي.

وسلّم لي على الإنتاجيه.

بتوع البحرين........خافوا على نفسكوا وماتفتحوش العين عليكوا اكتر من كده

انا عشان كل صحابى فى الكويت وكل ماكلم حد يقوللى اصل انا فى اجازة اتغاظت وقولت اعمل موضوع ليهم مخصوص

انما ماكنتش اعرف ان النظام ده كمان فى البحرين ومش بعيد يبقى فى قطر والامارات........ده احنا مش عايشين يا جدع وبيضحك علينا والله

بس اوعوا وشكوا بقى........انتوا عندكوا مكة والمدينة...اهيكوا لما بتكونوا اجازة انتوا اللى بتيجوا عندنا

أ/ احمد لو سمحت عاوزة اعرف يعنى عيد الجلوس.......يعنى كل ما حد يروح يجيب رقم جلوسه يعمل عيد ولا ايه؟

واخيرا ليكوا يوم ونفتحلكوا موضوع للقر عليكوا ان شاء الله

[عنبو]

هم فعلاً يافتفوته معندهمش مكه ولا المدينه

بس هم بزروها اكتر منك برده لانهم بياخدوا اجازات اكتر منك لكن انتى علشان تيجى لازم ليكى لا يقل عن اربع ايام اجازه

وخصوصاً انك فى الرياض لكن الناس بتوع جده دول بجد غير

نص ساعه حرم تلات ساعات مدينه

انا شخصياً مبحبش الاجازات فى الغربه نهائياً

[herohero]

ارجع واقول ان الامارات اكتر ف الاجازات

لان عندهم ايام كتيرة بيحتفلوا عشان يوم الجلوس بتاع دبي او بتاع ابوظبي غير طبعا حالات الوفاة اللي لكل امارة فيه عائلة حاكمة اي حد من حكامها بيموت البلد بتاخد اجازة بالاضافة الى الاجازات الموجوده زي بقية الدول

اما مملكة الانسانيه فالشغل شغل قال يعني الانتاج مقطع بعضه وفكرة ترحيل الاجازات ده اتعملت ف الكويت من فترة ايام زمان مكنتش موجوده اما كلمة حق تقال من احلى الاسر الحاكمة ف الخليج هي اسرة الصباح

ناس بجد كويسين جدا مع شعبهم وقوانينهم كويسه انا بقول الاسرة الحاكمة اما الشعب الكويتي فله ملاحظات تانيه

لكن بصراحه " تحيا الكويت" انا مقدرش اقر علي اي حد فيها لان بجد بعزها وبتمنى الخير لها

لان اتربيت من خيرها وخيرها كان خير بجد الكلام ده من قبل الغزو كانت ايام خير

[قلب ابيض]

يا ساااااااااااااااتيييير يارب

الله اكبر الله اكبر خمسه وخميسه من عيون بتوع السعوديه كلهم :old:

بس انا باعتبر ان فتره السعوديه دى جيش لازم تقضيه 000انا الحمد لله خلصت جيشى من زمان 000

وعلى فكره الكويت مش كلها دلع يعنى 000بس على الاقل فى وقت للشغل ووقت للراحه او بمعنى اصح اماكن للراحه سواء عوايل او عزوبى

يعنى حتى لو انتى بدون محرم الحياه مش هاتقف عشان مثلا الملح خلص من البيت لازم تستنى لما زوجك يجى عشان يشتريه لك الملح وتكملى طبخك :o

هنا زى مصر بالنسبه لى الغربه غربه اهل فقط 00اهدى بقى يافتفت وكنى الاجاوات خلصت مافيش بقى الا نهايه السنه الدراسيه

بركااااااااااتك :)

ربنا يديمها نعمه ويحفظها من الزوال

ويكفينا شر الحسد والحاسدين :dirol: