بنوتة مصرية متغربة وصلت الدنيا بالسلامة

[بركة]

أختنا الحبيبة مصرية متغربة وضعت مولودتها الجديدة بسلامة الله

ألف مبروك وعقبال كل اللي لسه مستنيين :D

محتارين في إسم المولودة ..باباها عاوز يسميها سلافة

قولولنا رأيكم ايه في الاسم ؟؟؟؟ :D :)

[joo]

الف مبروك

اسم سلافة حلو00 بس ملك احلى كتير :)

[pink rose]

الف مبروك و حمدالله على السلامة

ربنا يحفظها و تقر عينكم بيها هي و اخواتها ان شاء الله

اظن سلافة هي هي في المعنى سلاف اول قطفه من العنب اظن

اسم حلو بس سلاف اخف شوية من سلافة و هو هو المعنى

مرة تانية الف الف مبروك :)

[fatfouta]

الف مليووووووون مبروك وحمد لله على سلامتك يا حبيبتى

والله كان قلبى حاسس لما غيبتى كده وقولت اكيد ولدت

الاسم مش عجبنى يا بركة بصراحة........بفتكر دايما لما اسمعه الكوايته لما يقولوا بتسولف يعنى بترغى او بتتكلم

عموما هما حرين وهى اكيد نازلة الدنيا باسمها.......ربنا يخليهالهم ويفرحوا بيها هى واخواتها

وحلاقاتك برجالاتك ويارب تتهنى يارب ياااااااا........يارب ماتبقى سولاف

:) :D :D

:D :D :D

[abofasad]

الف مبروك للحلوين

بقدوم أغلى الغاليين

الله يبارك فيه ويعين

كل يد تعبت فيه

أمين

وعقبال ما تشوفي أحفادك

اسألي مجرب

جدو ابو فصاد

[fatfouta]

الف مبروك

اسم سلافة حلو00 بس ملك احلى كتير

على فكرة فيه ملك جاية فى السكة قريب جدااااااااا بس مش هقولكوا دلوقتى هى بنوتة مين

لما تيجى بالسلامة ونعملها التهنئة

[بركة]

منتظرين مصرية ترد بنفسها إن شاء الله على كل هذه الكلمات الجميلة

شكرا بالنيابة عنها وربنا يقويها وتقوم بالسلامة هي والبنوتة الجميلة

[Damo]

الف الف مبروك يا مصرية

عقبال ما تفرحو بيها

[shiko]

حلاقاااااااتك برجالاتك ...يا سلام سلم على شرباتك ......

طب بما ان الافراح نازلة ترف على المنتدى ...فتحنا باب تلقى الشكولاتات ...

الا ما حد حدفنى بشكولاتية واحدة ...طب عقيقة ...طب شربات يا شربات

على العموم بارك الله فى سلافة ...على فكرة بقى اسم شيك جدا ......

وجعل منها ذرية طيبة

[عنبو]

حمد لله على سلامة الجميع الام والمولود

بورك لكِِِ في الموهوب وشكرتى الواهب وبلغ رشده ورُزقتى بره

بالنسبه للاسم فهو مش عاجبنى ليه

لانه اسم تقيل فى النطق وخصوصاً فى مصر

لكن لو عاوزين رأى يعنى

عندك

مريم

منه

مريم

منه

مريم

منه

قول تانى ولا كده كفايه

[زهره]

حمدالله على السلامة و الف مبروك

ربنا يبارك لكى فيها

[مغتربة]

الف حمد لله على سلامتك

و تتربى فى عزك و عز ابوها ان شاء الله

و باذن الله ندخل نباركلك بفرحها

بس بصراحه ( و الصراحه حلوه برضه ) اسم سلافه مش ماشى معايا قوى

[د هشام ابراهيم]

ألف مبروك يا سيدتي الفاضلة و ربنا يبارك في المولودة و يجعلها قرة عين لوالديها بفضله ....عقبال ما نبارك يوم فرحها باذن الله

و حمد الله علي سلامة حضرتك

[الباشمهندس ياسر]

بارك الله ف المولودة

و شكرتم الواهب

تتربي ف عزكم و حنانكم

و تبقي سد عن النار ليكم

[om marawan]

بسم الله ماشاء الله

ألف حمد لله على سلامتها هى والنونو

بورك فى الموهوب وشكرت الواهب وبلغ أشده ورزقتى بره اللهم ااامين

يحفظها ربنا هى واخواتها واهلها يارب

هو اسم سلافة يعنى اول قطفة فى العنب ولا أول عصرة فى العنب أصلها تفرق لان العنب بيتعصر لسبب تانى

أعتقد انه المعنى التانى ولا ايه رأيكم ؟؟

[Salwa]

الف حمدلله على سلامتك يامصرية متغربة وسلامة وصول اغلى هدبة من الخالق عز وجل .

يارب يبارك فيها ويسعدها ويسعدكم بيها . .. :lol: :waving:

.

[myusername]

الف مبروك.. و يا رب ربنا يبارك فيها.. و تفرحوا بيها.. و يبارك فى ذريتها باذن الله..

الف الف مبروك..

[عبير يونس]

عقبال عندكم جميعا

و الله يبارك فيكم و في أولادكم

و اللي لسه معندوش ربنا يرزقه آمين

شكرا على اقتراحاتكم

بس البنوتة خلاص اتسمت سلافة

:lol:

لأن باباها عايز كده

و التسمية طبعا من حق الأب

هو أنا مش معترضة

بس كان نفسي اسميها جمانة أو خديجة

يللا

كل مولود بينزل بإسمه

و اوعى حد يقوللي عقبال المرة الجاية

:wub:

بأشكر كل اللي دخل و بارك

بركة الحبيبة وش الخير

و ريمو العسولة أم مريومة الأمورة

و فتفوتة هانم كعب الغزال

و شيكو الشياكة

و دامو وزيرة المراجيح

و مغتربة الجميلة

و زهرة المنتدى

و أم مروان الشرقاوية الأصيلة

و مدام سلوى الغالية حبيبتنا كلنا

و الأخوة الأفاضل

جو باشا

و جدو أبو فصاد باشا

و بلدياتي محمد باشا العنبي

و الدكتور الفاضل هشام باشا ابراهيم

و الباشمهندس المبجل ياسر باشا

و هيز يوزر نيم باشا

ربنا يكرمكم جميعا

و لا يحرمنيش من أخوتكم الجميلة

wst::

:blink: :lol: :lol:

[ابوهنا]

الف مبروك

انا رأييى سموها هنا

[عبير يونس]

الف مبروك

انا رأييى سموها هنا

الله يبارك في حضرتك يافندم

طبعا مفيش غير هنا واحدة ربنا يفرح حضرتك بيها يارب

:blush2: