تعمل إيه وقت الخطر ؟

[Morial]

لما حصل زلزال سنة 91 أنا الوحيدة في أسرتي وجيراني اللي ماكانتش مزبهلة أي{ مستغربة}

لية بقي ؟ لأني تخيلت حدوث زلازل وهمية قبل حدوث الزلزال الحقيقي مئات المرات علشان كدة وقت الخطر كنت سريعة البديهة والحركة أكتر من الاخرين المخضوضين

وعلي فكرة دراسة الكوارث وكيفية التعامل معها تعتبر مادة دراسية يتم تدريسها للأطفال منذ الصغر في عدد من الدول المتقدمة ومن بينها اليابان لأشتهارها بحدوث الزلازل مثلا

وإحنا هنا هنطرح كارثة ما- لا قدر الله يعني - ونبدأ نناقش أنسب وأأمن الإجراءات المفروض أتباعها للخروج من الكارثة بأقل خسائر ممكنة وأوقات كتير بتكون خسائر مضاعفات الكارثة الناتجة عن عدم التصرف السليم في الوقت المناسب أكبر من الكارثة نفسها لو تم التعامل معها وأحتوائها

يعني الموضوع كله قائم علي الخيال والحاجات دي مهم جدا اننا نعلمها لاولادنا حتي ولو بجهودنا الفردية

ولتكن أول كارثة مثلا حدوث زلزال يا تري كل واحد هيتصرف إذاي؟

تم تعديل 28 فبراير 2010 بواسطة منال شوقي

[Morial]

طيب أنا هبدأ بشوية معلومات بسيطة ومعظم الناس يعرفوها

أولا ممنوع النزول بالأسانسير لأنه وارد جدا أنه يعطل

ثانيا اذا كان فيه اكتر من مخرج واكتر من سلم فالمفروض الا نتكدس كلنا علي سلم واحد او نحاول نخرج من باب واحد لأننا كدة هنعطل بعض وحركتنا هتبقي ابطيء غير ان وارد أن حد يقع من كتر الزحام والأخرين يدسوه بالاقدام

ثالثا في الادوار العليا يستحسن أن الواحد مايحاولش ينزل لأنه بيقال أن السلم هو أضعف جزء في أي بناء وأول حاجة بتنهار

أمال نعمل إيه ؟ نحتمي تحت أي سطح قوي كأن ندخل تحت ترابيزة أو سرير مثلا علشان نحمي رؤوسنا لو لا قدر الله حصل إنهيار

ها حد عنده حاجة عايز يضيفها

تم تعديل 28 فبراير 2010 بواسطة منال شوقي

[جيمي]

ها حد عنده حاجة عايز يضيفها

اتشاهد :lol:

[عنبو]

اول حاجه بفكر فيها فى المواقف اللى زى دى الاطفاااااااااااااااااااااااااااااااااال