هكذا ينظر الينا الامريكان و كيف ننظر نحن اليهم

[Amr Radwan]

في تدريبات للضباط الاحتياط الامريكين يضعون بعض الصور و التي تحمس الضباط علي اطلاق النار .. كانت هذه الصورة علي الشكل التالي :

عرب معممون و يرتدون الزي التقليدي العربي (الجلباب) و هم يختبئون خلف النعاج و براميل البترول

هل هذه صورة العرب و المسلمين عند الامريكان او علي الاقل الصورة التي يتم تدريب الجنود و العسكريين الامريكين عليها .. ؟؟!!

اما صورة الامريكان عندنا هي البحث عن كل ما هو امريكي لنستخدمه او لنرتديه او لنشاهده او ناكله او .. او ..

لماذا نريد امركة حياتنا .. و هم يسخرون منا ؟!

لماذا لا تكون لنا شخصية قوية ناخد ما يفيدنا و نترك ما يضرنا و لا نتركهم يسخروا منا !!

عندما يري القادة العرب صور هذه التدريبات هل يدكوا معناها ام انها تمر عليهم مرور الكرام ؟؟!!

السؤال لك الان .. هل تقبل بهذا التمثيل للعرب في التدريبات العسكريه ؟ ام انه مجرد صورة يجب الا نهتم بها ؟؟

هل تري ان بعض الاشياء الصغيرة يجب الا نسكت عنها ؟

http://www.masrawy.com/News/Egypt/Politics...ry/28/army.aspx

الجيش الأمريكي يستخدم صورا مسيئة للعرب في التدريب على التصويب

واشنطن- محرر مصراوي- استخدم الجيش الأمريكي صورا مسيئة للمسلمين والعرب لتدريب طلبة جامعيين على التصويب ضمن برنامج لإعداد ضباط احتياط من طلبة الجامعة.

واستخدم "سلاح تدريب ضباط الاحتياط" التابع للجيش الأمريكي في جامعة تولين بمدينة نيو أورليانز بولاية لويزيانا صورا لمسلمين وعرب يختبئون خلف نعاج وبراميل نفط، مثبتة على دعامات ليصوب المتدربون من طلبة الجامعة عليها.

وذكرت صحيفة "تولين هلبالو" وهي صحيفة أسبوعية يصدرها طلبة جامعة تولين أن المتدربين استخدموا المدافع الرشاشة الخفيفة من طراز إم 249 للتصويب على الصور المسيئة للعرب والمسلمين أثناء التدريبات التي جرت في 20 فبراير.

وأضافت الصحيفة في تقرير صدر في عدد الجمعة 26 فبراير أن سلاح تدريب ضباط الاحتياط عقد التدريبات في منطقة قريبة من مسجد الرحمة الذي يرتاده طلبة الجامعة من المسلمين.

ونقلت الصحيفة عن الرقيب توماس لويس من سلاح تدريب ضباط الاحتياط في تولين قوله إن الدعامات عملت كجزء من إجراء يهدف لتحسين التواصل من خلال سلسلة القيادة.

غير أن أحمد صديقي رئيس جمعية الطلبة المسلمين بالجامعة قال إنه يجد استخدام دعامات تمثل تنميطا للمسلمين يجدها مسيئة وأن هذه التدريبات تقدم صورة سلبية عن سلاح تدريب الضباط الاحتياط.

وقال صديقي: "الإرهابيون في الخارج يستخدمون صورا للرئيس (جورج دبليو) بوش كأهداف أثناء تدريب المسلحين، لكن سلاح تدريب ضباط الاحتياط يستخدم صورا لأناس يتم تعميمهم، وليس مسلحا محددا."

وتابع: "تصوير رجل مسلم في ملابس عربية تقليدية ويختبئ خلف نعجة وبرميل نفط هو تنميط يصور كل العرب كأعداء للبلد".

تم تعديل 1 مارس 2010 بواسطة Amr Radwan

[kareemabdou]

انا شايف انها مجرد صور و بعدين الشعب الامريكى مجرد شعب جاهل بالسياسات الخارجية

تعرف انا بقى شوف الا مريكان ازاى ؟؟؟؟

مجرد ناس تخان اوى

تم تعديل 1 مارس 2010 بواسطة kareemabdou

[jasmin hamed]

انا بنصح اى حد مهتم بصوره العرب فى الغرب او كيف ترى امريكا و الغرب العرب بقرائة كتاب ادوارد سعيد الخراط ) الاستشراق ORIENTALISM

الكتاب ده الراجل كتبوا فى السبعينات و حلل فيه نظرة الغرب للشرق بالتفصيل و اذاى جائت بالتراكم من اوائل القرن ال 16 و حتى الان وناقش كمان اذاى ان الادب حدد لكل جنسيه نمط محدد يعنى مثلا فى كتب القرن ال 18و 19 كان اليهود بيصنفوا بالبخل و والعرب عبيد ملزات , و هكذا

كانت محاوله منه لتصحيح صورة العرب فى الادب و من ثم فى اذهان الغرب للاسف الوحديين الى استفادوا من الكتاب هما اليهود فى راى لانهم عرفوا يصلحوا صورتهم للعالم بينما صورة العرب حتى الان مشوه و يمكن اخلا كتاب يوكد ده هو كتاب ANGELS &DEMONS

الراجل افنى حياته فى الموضوعى ده و اذاى ان الصوره للعرب فى الادب هيه الى محدده التوجه السياسى للدول

ده مقال عنه بعد وفاته

http://www.arabpsynet.com/Archives/VP/VPj1...i.AboutSaid.pdf

ونبذه عن الكتاب

http://en.wikipedia.org/wiki/Edward_Said

[ابو محمود]

ومن اجل ذلك يا سيدى يتم حرمان كل بلاد العرب من ممارسة الحرية حتى فى العقائد والاديان تجد هناك من يشعل النعرات الطائفية فتجد خلاف سنى شيعى مسيحى مسيحى ويذكى نار الفتنة من داخل الدول بآيد حكامها او ماسحى بلاط الاسياد فيتم منع كل ما يمت الى الحرية وكسر كل قواعد العدل والمساواة بين البشر كي يصبحو عبيدآ من كثرة جهلهم فيتم تخريب ثقافتهم وتثقيفهم فأن حصلو على علم كان قشورآ لا تغنى وان طالبو بثقافة آتو لهم بثقافة خربة لا تفيدهم بقدر ما تفسدهم

[ذهبية]

مش جديد لو حضرتك اتفرجت على اى فيلم اجنبى هتلاقى افلام كتيرة جدااا بيمثلوا العرب ارهابين لا خاطفين طايرة

لا خطفين اطفال و بياخدوا فدية لا مهربين اسلحة

وناس عاديين قاعدين فى طيارة و كل الى فى الطيارة شاكين فيهم و بيبصوا ليهم بريبة وشك لمجرد انهم عرب

العرب اصبح رمز للارهاب العالمى من بعد احداث سبتمبر وللاسف الشديد ان الجيل الجديد من الاطفال هناك اصبح ليهم هذا الموروث بالفعل

لو حضرتك نظرت الى احدث العاب الاطفال فى البلاى استيشن او الكمبورت هتلاقى حضرتك ان العرب هم اللصوص

اللى بيجروا وراهم و الى بيقاتلوهم و يكون هدف كل طفل زيادة عدد القتلى من العرب علشان يكسب اللعبة

[myusername]

من خلال تعاملى مع ناس أمريكيين كتير... علينا ان نفرق بين حاجتين:

اولا الشعب الامريكى شعب طيب جدا.. و اغلب اللى اتعاملت معاهم.. كان فيه ترحيب شديد.. و بصراحة هما ناس زى كل الناس.. و بصراحة فى المعاملات المادية كويسين جدا.. و اخلاقهم بالنسبة للشغل (معظمهم) اخلاق لا تبعد كثيرا عن الاسلام.

ثانيا بقى.. هما عندهم فكرة غلط خالص عن المسلمين و العرب.. و فيه "فى المجمل" كراهية او حساسية ضد المسلمين و العرب.. لكنها مش زايدة لدرجة العنصرية..

يعنى فعلا هما بيشوفونا على اننا ارهابيين.. و هما عندهم جهل غير عادى بالسياسة الخارجية لامريكا.. و احيانا الداخلية :lol:

بس احنا بننسى ان امريكا دى عبارة عن 50 دولة فى بعض.. علشان كده صعب جدا ان اى امريكى يفضل متابع لكل حاجة بتحصل.. و كمان اللوبى اليهودى و الصهيونى فى أمريكا مايتوصاش..

[se_ Elsyed]

طب ليه أمريكا مش بتعمل كده مع كوريا الشمالية أو إيران أو كوبا مثلاً .. وهم ألد الأعداء لها ؟

ببساطة لأن دول أقوياء وبيقول لها لأ يا عوره

اما احنا ضعفاء وبنطيعها طاعه عمياء ... فمن حقها تلبسنا طراطير كمان ..

[Amr Radwan]

نحن الان نعيش في غابة كبيرة مقسمة الي عدة غابات اصغر في الحجم و الغابات الاصغر مقسمة الي اصغر و اصغر .. هذا هو الحال و الوضع الذي نعيشة ...

مبدا القوة هو المبدا السائد ..

احنا معانا سلطة و معانا نفوذ و معانا مال و معانا موارد و معانا .. و معانا ..

اذا انا الاقوي و المسيطر ..

قد يكون معنا بعض من كل مما سبق و لكن ينقصنا العزيمة و الهدف

نعم .. فكر معايا .. اية اللي ينقصنا عن الامريكان ؟

مال ؟ و عندنا دول عربية كثيرة غنية جدا و مش عارفة تعمل بيها اية ..

علم ؟ معظم العلماء اللي في امريكا هم من اصول اخري يعني عربية او اسيوية ..

ادارة ؟ اتوقع ان الفكر الاداري العالي في كيفية ادارة الفساد في الحكومات العربية يمكن ان يسخر في ادارة صحيحة و سليمة ..

قوي بشرية ؟ مفيش اكثر منها في الوطن العربي و مصر خصوصا .

ارادة و هدف ؟ دي مشكلتنا .. مش عارفين احنا عاوزين اية و لا بنعمل اية و ليه و عاوزين نروح فين و مفيش اي خطة واضحة لان مفيش اساسا هدف واضح .

هل يكون لنا القدرة علي الاعتراض و ان نقول "لا"

قبلنا فيه ناس قالت "لا" و كانت قوية و "عضمة ناشفة" زي ايران و كوريا الشمالية و محدش عارف يقول لهم بم ..

و فيه دول تانية مثل السودان لما قالت "لا" اتعمل فيها و اتمثل بيها و انضرب بيها مثل لكل الدول الضعيفة اللي عاوزة تقف امام الاسد !!!

طيب اقولكم علي حاجة غريبة ؟؟

فيه مواقع تبع ال CIA بتمد اي زائر بمعلومات عن اي دولة في العالم من تعداد السكان و توزيعهم و كل و اي معلومه تحتاجها عن اي دولة .. تعرفو ان من الدول اللي مش موجود عنها بيانات هي ايران و كوريا الشمالية ؟؟

وقفة مع النفس ,, احنا فين و عاوزين نكون فين ؟؟

هل نظل في دور التابع ؟

[Amr Radwan]

اخر الاخبار .. واشنطن تسعي لاصلاح العلاقات مع الصين

و عجبي

[Alrefaey]

نظرة الشعب الامريكى للشعوب العربية اختلفت

قبل 11 سبتمبر معظم الشعوب الامريكية لا تعرف خارج إطار امريكا تسمع عن بعض دول اوربا والصين ولا تسمع عن العرب الا درس اخذوها زمان فى المدرسة عن ايجيبت والفراعنة ولا تعرف عن الاسلام والعرب الا اقل من القليل ونظرتها كانت مأخوذة من بعض الافلام عن العرب انهم عايشين داخل خيام ويعملو برعى الابل ولا يفرقو بشىء كبير عن شعوب وسط وغرب افريقيا .

هذه الرؤية لمعظم شباب الامريكان قبل 11 سبتمبر والكثير من اصدقائى نقلولى هذه الرؤية

بعد 11 سبتمبر

استغل اللوبى الصهيونى هذه المسريحية احسن استغلال فى تشوية صورة العربى المسلم على انه ارهابى وسفاح شايل ديما معاه سيف بيكره الامريكان ولو اطاحت له الفرصة سوف يبيد الشعب الامريكى ابادة واكد تلك الرؤية الفديوهات المضروبة اللى بيطلع بيها اسامه بن لادن يهدد بيها الشعوب الامريكية وانها لن تنعم ابدا بالامن .

وقفة

ضع نفسك مكان شاب امريكى قضى عمره لايعلم عن العرب والمسلمين شىء سوى القليل وغير انهم عالم متخلفة هذا ماسمعه , ويأتى هذا الشاب يرى بعينه ويسمع ماحدث ببلده من دمار فى 11 سبتمبر ويرى ناس لابسه عمم بتطلع على الجزيرة وعلى النت وكل شوية بتهدد امنه وبتتوعده ما شعورك انت يااخى الكريم لوكنت مكان هذا الشاب وهو فرصة ممتازة للميديا الصهيونيه بتملى عليه وتلقنه كل يوم وجبة دسمة عن حقد وارهاب العرب .

ماهو دورنا نحن كعرب فى هذه المسرحيات نحن اخترنا السلبية وصوتنا غير مسموع لا يسمعه سوانا نحن .

ارى العيب عيبنا , هل نحن مستهدفون نعم , فما هو دورنا

ان نقبل تحدى اللوبى ونحاول نصلح ما افسدة وهذا مستحيل لأن نفوذهم اقوى وهم الماسكين بزمام الامور

الحل الاخر ان ننجح بأنفسنا , لا نبالى بتلك الصورة ونصلح من زاتنا ونجتهد نحن داخليا , نقفل على نفسنا الباب 10 سنوات بس نعمل فيها بجد زى ماليزيا او تركيا او حتى اليابان

ولا نلتفت بتصليح الصورة ولا هذا الكلام

بالمناسبة حول هذا الموضوع فيه دراسة قرأتها اليوم على موقع العربية

http://www.alarabiya.net/articles/2010/03/02/101979.html

تم تعديل 2 مارس 2010 بواسطة Alrefaey

[Amr Radwan]

رد بسيط من احد الردود الرابط السابق اللي اضافة الزميل الرفاعي ..

عجبني جدا ..

3 - الشعب الاميريكي

amal usa (زائر) |02/03/2010 م، 08:00 مساءً (السعودية) 05:00 مساءً (جرينتش)

اولا وبحكم اني اعيش في اميركا احب ان اوضح ان اكثر الشعب الاميريكي وان صح القول جاهل جدا باي شيء خارج اطار الاكل والشرب والصوره الزائفه عند اكثر المتخلفيين من انهم شعب مثقف وداري بكل السياسه الخارجيه فهو مخطئ وانما هي قله قليله منهم000وحتى بالاطار الديني فهم ايضاجاهلين بدينهم فكيف بلاسلام فهم شعب بلا ديانه فهم باختصار شعب ياكل ويشرب وينام ثم يذهب الى عمله وهكذا000فاعتزو بدينكم ورسولكم وكفاكم تشبها بهم000

[حسام يوسف]

بحييك ع الموضوع ياباشمهندس عمرو

لكنى شايف الخطوة الاولى عشان الأمريكان وغير الأمريكان انهم يحترمونا

اننا الأول خالص نحترم نفسنا

ويدينا ويديك طولة العمر

تم تعديل 3 مارس 2010 بواسطة حسام يوسف

[myusername]

بصراحة مش قادر اعرف لغاية امتى هنفضل ماشيين على نهج "الشعوب المقهورة" :lol:

لا الامريكان و لا اليهود محتاجين لمؤامرة علشان يخلونا زى ما احنا... ببساطة لان احنا ماشيين عالطريق زى الفل, و من غير لا مؤامرات ولا خطط angl::

و على رأى الدكتور احمد زويل.. الى عايز يعمل اصلاح, فالطريق معروف جيدا..

و لما تبقوا تشوفوا الطريق, و تنووا انكم تمشوا فيه.. ابقوا صحونى من النوم angl::

[Simba]

احنا دايما بنتكلم ونتكلم وكلنا نفسنا نشوف حاجة ملموسة لكن للاسف فيه حاجة مش مفهومة او مفقودة

كل المتحمسين لتحسين الصورة ميقدروش يعملوا اي شئ غير الكلام والمناقشة

الهند

تخيلوا الهند اللي مش عربية

عملت فيلم اسمmy name is khan]

الفيلم فعلا تحفة ودراما جبارة وخلاصة الفيلم ان بطل الفيلم خان اللي قام بدوره العبقري شاروخان بعد احداث 11 سبتمبر والمعاناة اللي عاشها علشان هو مسلم تفاني في انه يقابل الرئيس الامريكي علشان يقوله انا اسمي خان ومسلم ومش ارهابي

بصراحة دي الناس اللي عايزة تعمل حاجة ملموسة حاجة الاعلام يشوفها

[Amr Radwan]

الحقائق امامنا جميعا و الافضل الا ندير ظهورنا و نضع رؤوسنا في الرمال ..

نعم هناك مؤامرات ضد العالم السلامي ..

يمكننا ان نبحث عن حلول نستطيع ان ننفذها نحن كأفراد بدلا من الوقوف كمتفرجين ..

يجب ان نقوم بدور "الفاعل مرة " و ليس "المفعول به دائما"

و دائما اذكر نفسي ... ان طريق الالف ميل يبدأ بخطوة ..

يكفينا شرف المحاولة

[Muskogee]

Salam

I just got my citizenship here in USA. 5 years here now and never heard anything bad about Egypt or Arab people.

Everyone here don't think like what we hear in the news in Egypt or Middle East

Please please don't listen to the news. I am telling you the truth,, People here doesn't know anything about outside USA and even don't think about anything.

Mizo

[Muskogee]

من خلال تعاملى مع ناس أمريكيين كتير... علينا ان نفرق بين حاجتين:

اولا الشعب الامريكى شعب طيب جدا.. و اغلب اللى اتعاملت معاهم.. كان فيه ترحيب شديد.. و بصراحة هما ناس زى كل الناس.. و بصراحة فى المعاملات المادية كويسين جدا.. و اخلاقهم بالنسبة للشغل (معظمهم) اخلاق لا تبعد كثيرا عن الاسلام.

ثانيا بقى.. هما عندهم فكرة غلط خالص عن المسلمين و العرب.. و فيه "فى المجمل" كراهية او حساسية ضد المسلمين و العرب.. لكنها مش زايدة لدرجة العنصرية..

يعنى فعلا هما بيشوفونا على اننا ارهابيين.. و هما عندهم جهل غير عادى بالسياسة الخارجية لامريكا.. و احيانا الداخلية :blink:

بس احنا بننسى ان امريكا دى عبارة عن 50 دولة فى بعض.. علشان كده صعب جدا ان اى امريكى يفضل متابع لكل حاجة بتحصل.. و كمان اللوبى اليهودى و الصهيونى فى أمريكا مايتوصاش..

Salam

Where do you live in USA?

I am from Oklahoma