مش معقول اتنقط لوحدي ..

[doha]

بما ان باقي لي يومين واسافر باذن الله اختي بعتت لي اللينك ده هدية وهي فطسانة على نفسها من الضحك .

قلت يعني اتنقط لوحدي ؟

اتفضلوا معانا ..

اقلطوا ..

تم تعديل 1 مارس 2010 بواسطة doha

[myusername]

اغنية جميلة جدا و معبرة..

يمكن انا علشان قاعد فى مصر, مش حاسس بأى نقطة :sad:.. بس يمكن اتنقط علشان انا لسه قاعد فى مصر

[herohero]

سيدي انا بقيت احس اننا كمصريين بس اللي بنشتكي من الغربة مع اننا من اكتر الشعوب اللي بتجري عليها فشيئ جميل ان الاقي غيرنا بيغني لها لان كنت بشك ان الشوام بيتعبوا من الغربة

[Deathangel]

طب انا لسه متغرتبتش ههههههه :ph34r:

معلش هستغل الفرضة وأسأل سؤال أصلى مسافر قريب وعايز احجز طيران , ايه أرخص سعر للتذكرة من القاهرة للرياض وايه أفضل شركة طيران , أنا سمعت ان Gulf Air أسعارها كويسة , ايه الرأى؟!!

وشكرااااااا

[tarek nokia]

انا كان عندي صديق عاش في السعودية سنة وبعد كدة قال لا انا عايز ارجع مصر بلدي ومش عايز غربة ده مصر احسن من السعودية وكل حاجة فيها كويس المهم صاحبنا نزل خروج نهائي وبعد اقل من شهر ونص لقيت صاحبنا جاي يسلم عليه انا استغربت قوي قلتلو ايه الي جابك قلي ماقدرتش على العيشة في مصر سبحان الله وده ماعاش في السعودية غير سنة

[joo]

طب انا لسه متغرتبتش ههههههه :ph34r:

معلش هستغل الفرضة وأسأل سؤال أصلى مسافر قريب وعايز احجز طيران , ايه أرخص سعر للتذكرة من القاهرة للرياض وايه أفضل شركة طيران , أنا سمعت ان Gulf Air أسعارها كويسة , ايه الرأى؟!!

وشكرااااااا

على حد علمى طيران ( سما )ارخص حاجة 00 واللة اعلم

[fatfouta]

ولا تفرق معايا الاغانى اللبنانية دى بصراحة

بحس وهو بيغنى بيضحك كده وواخدها عااااااااادى

انا ادينى ماشربتش من نيلها والحاجات المؤثرة دى اللى بتخلينى اتهرى عياط

عموما فيه اغنيتن انا مقاطعاهم لانى لو سمعتهم هنا صدفة ممكن يغمان عليا

مصر هى امى بتاعة عفاف راضى

واغنية واحنا طالعين عالحدود بتاعة فرقة الاصدقاء زمااااااان......دى بقى بالذات لو افتكرتها فى الطيارة ممكن انط منها واستريح

تصدقوا عيطت اهو بمجرد مافتكرتهم..........ربنا يسامحكوا

[myusername]

طب انا لسه متغرتبتش ههههههه

معلش هستغل الفرضة وأسأل سؤال أصلى مسافر قريب وعايز احجز طيران , ايه أرخص سعر للتذكرة من القاهرة للرياض وايه أفضل شركة طيران , أنا سمعت ان Gulf Air أسعارها كويسة , ايه الرأى؟!!

وشكرااااااا

على حد علمى طيران ( سما )ارخص حاجة 00 واللة اعلم

فعلا.. بس طيران سما بيبقى من اسكندرية من مطار برج العرب.. على حد علمى يعنى.. و بيكون فيه حدود على الشنط, و كمان من غير وجبة wst::

[Deathangel]

شكراااا جدا يا جماعة على رودودكم , وفعلا سما طلعت أرخص حاجة وعاملين عروض الويمين دول بس للأسف بعيدة عليا جدا فى مطار برج العرب فى اسكندرية وكمان فعلا الوزن أخره 20 كيلو

المفاضلة دلوقتى بين مصر للطيران وطيران الخليج , شكلها هترسى على مصر للطيران :lol:

[extra]

فيه طيران ناس سعره كويس

[Deathangel]

اه فعلا ناس رخيصة بردك بس مفيش من القاهرة للأسف هو مفيش من القاهرة غير مصر للطيران ولا ايه يا جماعة

تم تعديل 2 مارس 2010 بواسطة Deathangel

[rewsha]

بما ان باقي لي يومين واسافر باذن الله اختي بعتت لي اللينك ده هدية وهي فطسانة على نفسها من الضحك .

قلت يعني اتنقط لوحدي ؟

اتفضلوا معانا ..

والله يا ضحى انا فعلا سمعت الاغنيه دي بس وانا في الرياض (انا حاليا في مصر)وكنت هاتنقط برضوا زيك او بمعنى اصح اتنقطت خلاص واتدمرت نفسيا

لا}ني ماكنتش اعرف ان الواحد لما بيسمع نفس الاغنيه وهوه في الغربه بتفرق معاه كده

يعني انا اغنيه واحنا فايتين على الحدود كنت دايما باحب اسمعها وانا في مصر لكن اول ما سافرت الرياض بقيت ابعد عنها خالص .لاْن احساسي وانا باسمعها في الغربه غير خالص

ونصيحه لاْي حد مغترب انه يبعد عن سماع الاغاني دي وهوه مسافر لاْنه فعلا مش هايستحمل (نفسيا) wst::

لكن بما اني في مصر حاليا smk:

فانا قاعده اسمعها اهو عادي جدا

على فكره (انا ماقدرتش استحمل غربه اكتر من 6 شهور)

ورجعت مصر تاني :blink:

[ahmedfathi]

ههههههههههههههههه انتوا لسه سامعين الاغنيه دي طب ايه رايكوا انا ليا 8 شهور غربه وتخيلوا اول ايامي هنا في الاسبوع الاول يعني الاغنيه دي نزلت وسمعتها في عربيه زميلي وفعلا اغنيه جامده جدااااااا ومؤثره جدا وانا كل فتره كدا احب اشغلها واسمعها وربنا يهون غربتنا

[yoga]

اهو انا عيطت وانا فى مصر ومسافر لاول مره ان شاء الله قريب الى السعوديه وربنا يستر مهى مصر برضه ام الدنيا يللا ربنا بيعين وربنا يسامحك

[doha]

اهو انا عيطت وانا فى مصر ومسافر لاول مره ان شاء الله قريب الى السعوديه وربنا يستر مهى مصر برضه ام الدنيا يللا ربنا بيعين وربنا يسامحك

على فكره الغربة مش وحشه عن نفسي بستمتع بيها جدا .. بس هو الواحد بتصعب عليه نفسه احيانا مش لشيء ولكننا مفتقدين بلدنا والناس الي فيها مش اكتر ..

جمد قلبك وتوكل على الله والله برا مصر مش وحش بالدرجه واحلى مافيه انه بيحلي مصر في عينا زياده كل مانبعد بنشوفها اوضح ونحس بقيمه القعده فيها اكتر ..

حمد لله على السلامة مؤقتا ..

------

على هامش الموضوع شكرا لكل من دخل وعلق وسامحوني عشان مش برد عليكم واحد واحد فالموضوع بتاع الي يدخله ياجماعه البيت بيتكم يعني الي عاوز يحط تعليق يامرحبا بيه ويمد ايده ويغرف انا مبعرفش اعزم ..

بالهنا والشفا ..