مالك يا 2010 و مالنا

[مغتربة]

فات شهرين من 2010

و هيه بصراحه سنه سنانها علينا قوى

من اول يوم فيها لازم كل يوم نسمع عن كارثه او مصيبه

و فى كل المجالات

بصراحه بقيت كل يوم الصبح اقول يا ترى ايه الكارثه الجديده الى هسمع بيها النهاردة

و حصلت فين

و كله كوم و الزلازل كوم تانى خالص

بقى كل يوم فى زلزال فى حته فى الدنيا

و ساعات زلزالين فى يوم واحد ( اوفر يعنى )

حاسه ان دى مقدمه علامه جديده من علامات الساعه بتتحقق

فعن أبي هريرة رضي الله عنه، أن رسول الله صلى الله عليه وسلم قال: " لا تقوم الساعة حتى تقتتل فئتان عظيمتان، تكون بينهما مقتلة عظيمة، دعوتهما واحدة،.. وتكثر الزلازل.. " الحديث بطوله، رواه البخاري، ورواه مسلم أوله

يعنى كثره الزلازل من علامات الساعه

و بصراحه هيه مافوره اوى من اول السنه

و زلزال النهارده فى الفلبين

لسه قاريه خبره طازة

و يا عالم لسه مخبيلنا ايه

دا لسه 10 شهور بحالهم

بصراحه الموضوع ملاحظ اوى من عندى

حد فيكم عنده نفس الملاحظه او الاحساس

[مغتربة]

وادى زلزال النهاردة علشان شكلكم مش متفقين معايا

تعرضت جزيرة تايوان صباح اليوم، الخميس، إلى زلزال شديد بلغت قوته 6.7 درجة على مقياس ريختر، غير أنه لم ترد بعد أية أنباء عن سقوط ضحايا بشرية أو وقوع خسائر مادية.

وحددت شبكة الصين الوطنية لرصد الزلازل، مركز الزلزال على عمق حوالى ستة كيلومترات تحت الأرض عند خط عرض 22.9 درجة شمالا وخط طول 120.6 درجة شرقا، لافتة إلى أن السكان المحليين فى مدن شيامن وفوتشو وتشيوانتشو وتشانجتشو بمقاطعة فوجيان جنوب شرقى الصين، والتى تقع بمواجهة جزيرة تايوان، شعروا بالهزة، أما فى تايوان فقد انتابت السكان حالة من الفزع والهلع دفعتهم إلى الخروج للشوارع بعد أن أعاد الزلزال إلى أذهانهم الزلزال الذى عصف بجزيرة تايوان خلال سبتمبر 1999، وأودى بحياة أكثر من 2400 شخص وألحق دمارا هائلا بحوالى 50 ألف مبنى وكان الأسوأ فى تاريخ الجزيرة منذ تأسيسها عام 1949.

يشار إلى أن الصين وتايوان تقعان عند ملتقى حزامى زلزال كبيرين فى العالم ـ حزام الزلزال حول المحيط الهادئ وحزام الزلزال الأورآسى - الأمر الذى يعرضهما لهزات أرضية متتالية على مدار العام، إلا أن مركزها عادة ما يقع تحت سطح البحر فتمتصها المياه وتخفف كثيرا من تداعياتها المدمرة.

[pocy]

مغتربه حبيبتى انا بقالى سنه تقريبا مش بقيت متابعه اخبار اى حاجه فى الدنيا عارفه ليه

لانى تعبت واعصابي تعبت من اللى بسمعه على الفضائيات وكله بيكدب بعضه وعن العذاب في غزه وعن القضايا اللى مثاره فى كل مكان

بجد نفسيتى تعبت وبدأت ارتاحمن بعد ما سيبت الاخبار والفضائيات وبقيت متابعه قناه طيور الجنه بتاعه عمر ومريحه الطاسه زى ما بيقولوا

علشان كده انا للاسف مش متابعه وربنا يسترها علينا يارب ونلحق نصلح اللى ضاع من عمرنا فى الشويه اللى باقين ان شاء الله

تحياتى