اذهب إلى المحتوى
محاورات المصريين

ايه اللى تحب تقوله لماما فى عيدها .....!!!!!

pocy

بواسطة pocy
في موضوعات شخصية

 مشاركة

Recommended Posts

pocy عضو جديد

pocy

بتاريخ:
بتاريخ:

الأُمُومَه أعظمُ هِبَةٍ خَصَّ الله بها النساء

وليس في العالم وِسَادَةٌ أنعم من حضن الأم

ومن روائع خلق الله قلب الأم

وإني مدينٌ بكل ما وصلت اليه وما أرجو أن

أصل اليه من الرفعة إلى أمي الملاك

عندما يأتي الحديث عن الأم فنحن نستحضر الحنان والتضحية والحب الذي ليس له مصلحه سوى الحب

لذا اخواتى واحبائى فى الله اود من كل فرد منكم يكتب ولو كلمه واحده لماما اللى تعبت وشقيت واستحملت كتير علشان توصل اللى انت فيه

امى حبيبتى وحشانى وحشانى جدا نفسي اترمى فى حضنك زى زمان نفسي اجى جنبك ع السرير ونحكى زى زمان ونقوم نعمل كل حاجه مع بعض زى زمان نسفي ارمى عليكى حملى زى زمان وانتى لا

بتكلى ولا بتملى ولا بتشتكى

وحشانى نفسي ارجع زى زمان البنوته اللى بتتدلع على امها

امى حبيبتى سامحينى لانى مش جانبك دلوقتى زى مانتى كنتى جانبي دايما

امى الحبيبه أمي ربما انا اذكرك ليلا قبل ان انام ولكني واثقه بأنك لا تتوقفي عن التفكير في ليلا او نهار

في كل لحظة تدعين لي وتترجي من الله ان يحفظني

امى حبيبتى انا اسفه يا أمي غربتي منعتني من تقبيل خدك ويديكي هذا العيد

وكم أنا مشتاقه للمسة اديكى على رأسي

امي كل ما اقول قليل بحقك والعيد هو ليس في هذا الشهر عيدك في قلبي كل يوم

امى الحبيبه احبك لحبك احبك

لا اعلم لماذا ابكى هل لانى مقصره فى حقك أم لانى مشتاقه لك جدا جدا جدا

امى احبك بكل ما في قلبى من حب

وحشانى ونفسي تاخدينى فى حضنك ..................... يا أمى ......... يا ست الحبايب

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك
shiko عضو جديد

shiko

بتاريخ:
بتاريخ:

جامد يا بوسو ...انا هاكتب كل يوم كلمتين لماما ...لغاية عيد الام وبعدين اخليها تقراهم كلهم..يوم عيد الام

..

رسالتى اليوم سأخطها باللون الاحمر.. ...سأكتب لكى ..بكل الالوان يا أمى ..

سأكتب بالاحمر ...فهو لون دمى الذى تسرى انتى فيه بين طيات جنباتى ..

لون فستانى الاحمر الذى لاطالما سهرتى تخيطيه بيدك ..قبل ليالى العيد...

لون شريطة شعرى الذى لاطالما صففتيه جدائل تنسدل لتتلمس دقات قلبى ..

الاحمر لون الورود التى اهديتينى اياه يوم ميلادى ....

لون غطاء فراشى..الذى لاطالما رتبتيه ...بعد صحوتى وقبل منامى..

لون يعتلى كل الالوان ...وينير حياتى ...امى إليكى اليوم زهرة حمراء ...

امى

18344710.jpg

رابط هذا التعليق
شارك
pocy عضو جديد

pocy

بتاريخ:
  • كاتب الموضوع
بتاريخ: (معدل)
جامد يا بوسو ...انا هاكتب كل يوم كلمتين لماما ...لغاية عيد الام وبعدين اخليها تقراهم كلهم..يوم عيد الام

..

رسالتى اليوم سأخطها باللون الاحمر.. ...سأكتب لكى ..بكل الالوان يا أمى ..

سأكتب بالاحمر ...فهو لون دمى الذى تسرى انتى فيه بين طيات جنباتى ..

لون فستانى الاحمر الذى لاطالما سهرتى تخيطيه بيدك ..قبل ليالى العيد...

لون شريطة شعرى الذى لاطالما صففتيه جدائل تنسدل لتتلمس دقات قلبى ..

الاحمر لون الورود التى اهديتينى اياه يوم ميلادى ....

لون غطاء فراشى..الذى لاطالما رتبتيه ...بعد صحوتى وقبل منامى..

لون يعتلى كل الالوان ...وينير حياتى ...امى إليكى اليوم زهرة حمراء ...

امى

حبيبتى اكتبى كل ما يدور ببالك فمهما كتبنا لا تستطيع بالكلمات ولا بالحروف ان نوفي حقها

فكيف نكتب رسالة لكٍ

وانتٍ من علمني الكتابة

كيف اجمع حروفي لاعبر عن محبتي

وانتٍ من اذقتني بحليبك حب العالم اجمع

لا كلمات ولا حروف ولا عبارات

قد تعبر عن امتناني لكٍ

فلم اجد شئ يوفي حقك على امى الا

بان ادعو ربي بان يديم وجودك

ويحمي قلبك وعمرك من كل شر

وان يرحمنا وأياكى ويدخلنا وأياكى فسيح جناتك

تم تعديل بواسطة pocy

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك
sarmar عضو جديد

sarmar

بتاريخ:
بتاريخ:

احب ان ارسل لامى شيىء مااعرف اسمة لكنة شىء فوق الحب وفوق الاخلاص وفوق الوفاء وفوق الاخلاق وفوق كل معنى سامى هى غرزتة بداخلى انا واخواتى وجعلتنا اعضاء نافعين لانفسنا ولديننا ارسل لها اكثر مما هى علمتنا وربتنا

http://www.islamway.com/?iw_s=Quran&iw_a=view&id=133

عليها وعلى كل من سبقونا من المسلمون وعلينا رحمة الله

رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِين

رابط هذا التعليق
شارك
sarmar عضو جديد

sarmar

بتاريخ:
بتاريخ:

اختى مدام بوسى ادعو الله ان يديم عليها الصحة ويطيل عمرها ويجزاها عنكم كل خير ودعائى ايضا لجميع الامهات بمثل ذلك وادعو الله ان تعودى الى مصر بالسلامة انتى وزوجك واولادك وترتمى فى حضن ست الحبايب وتنهلى من حبها الاصلى والوحيد فى هذة الدنيا الحب المنزة عن اى مصلحة ايا كانت وقبلى يدها وراسها

هل فى هذا الجيل ان الولد او البنت يقبلوا يد امهاتهم ويقبلوا راسهم ام اندثرت هذة العادة الجميلة

افعلى ماتشائين لكسب رضاها هى والوالد ففيها الرزق والسعة وطول العمر وبركة من الله وستجدية فى اولادك

رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِين

رابط هذا التعليق
شارك
pocy عضو جديد

pocy

بتاريخ:
  • كاتب الموضوع
بتاريخ:
اختى مدام بوسى ادعو الله ان يديم عليها الصحة ويطيل عمرها ويجزاها عنكم كل خير ودعائى ايضا لجميع الامهات بمثل ذلك وادعو الله ان تعودى الى مصر بالسلامة انتى وزوجك واولادك وترتمى فى حضن ست الحبايب وتنهلى من حبها الاصلى والوحيد فى هذة الدنيا الحب المنزة عن اى مصلحة ايا كانت وقبلى يدها وراسها

هل فى هذا الجيل ان الولد او البنت يقبلوا يد امهاتهم ويقبلوا راسهم ام اندثرت هذة العادة الجميلة

افعلى ماتشائين لكسب رضاها هى والوالد ففيها الرزق والسعة وطول العمر وبركة من الله وستجدية فى اولادك

أخى الفاضل الاستاذ sarmar وقفت الحروف فى حلقي عاجزه عن رد دعائك الجميل واقل ما اقولك ولك مثله ان شاء الله والملائكه تأمن عليه ان شاء الله

وبالنسبه لسؤالك هل فى هذا الجيل من يقبل يد امه وابوه

احب ان اقول لك نعم انها متواجده فانا ارى ابن اختى ذو الست اعوام يقبل يد والده ووالدته دائما بل انه يقبلنى بحكم انى ماما رقم 2 له كما يقول هو وتعلم منه اخيه الصغير ذو الثلاث سنوات تلك العاده وارى انها متواجده ومتوارثه فانا ارى والده يفعلها مع امه ولو اننا نفعلها فاكيد ابنائنا سيفعلونها ويحافظون على تلك العاده الجميله التى بها مشاعر واحاسيس جميله اتمنى ان تدوم يارب العالمين

ومره اخرى جزاك الله خيرا على الدعاء

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك
engmido عضو جديد

engmido

بتاريخ:
بتاريخ:

مش عارف اقول ايه ......

الله يرحمك يا امى

معلش يا اخواننا بس انتم قلبتوا عليا المواجع

﴿ قال رسول الله صلى الله عليه وسلم
كلمتان خفيفتان على اللسان ثقيلتان فى الميزان حبيبتان الى الرحمن ﴾


24556918.jpg

nX0pp2.png
رابط هذا التعليق
شارك
joo عضو جديد

joo

بتاريخ:
بتاريخ:
مش عارف اقول ايه ......

الله يرحمك يا امى

معلش يا اخواننا بس انتم قلبتوا عليا المواجع

بس دة ميمنعش انك بردو تعيد عليها 000 اكيد هتسمعك وهتحس بيك

[وسط][/وسط]2ah7ju81.gif

رابط هذا التعليق
شارك
Alrefaey عضو جديد

Alrefaey

بتاريخ:
بتاريخ:

امى

ماوفيتك ولن اوفيك حقك مهما طال عمرى وعمرك ,أسأل ربى حسن الختامة ورضاكى

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
رضوي عضو جديد

رضوي

بتاريخ:
بتاريخ:

كل سنة بجري عليها وارمي نفسي في حضنها الدافي وأقولها كل سنة وانتي أغلي انسانة في الوجود

بس السنة دي

عايزة اترمي في حضنها بقوة وأضمها بشدة

وأسألها سؤال واطلب منها الاجابة

ياتري راضية عني ياأمي ؟؟؟؟؟؟؟

اللهم إرزقني بفرحة ... تجعلني أسجد لك باكية .

رابط هذا التعليق
شارك
ابوهنا عضو جديد

ابوهنا

بتاريخ:
بتاريخ:

اقولها سامحينى

سامحينى لان الغربه اخدتنى منك

سامحينى لانكى بتشوفينى كل سنه

سامحينى لانى بطلت اجيبلك الحلاوه الطحنيه اللى بتحبيها

وادعيلى يا امى ان ارجع لحضنك

وحشنى حجرك الحنين يا امه

ادعيلى يا امه ان الغربه تسببنى

خلاص تعبت يا امه والله

نفسى ادخل عليكى بكيس الفاكهه

نفسى تاخدينى ونروح نزور بنت خالتى اللى ولدت

نفسى نروح المقابر سوى نزور المرحوم والدى

نفسى نرجع زى زمان نقعد ننم انا وانتى

يا ترى يا امه بتحكى لمين همك من بعدى

ياترى يا امه انتى نايمه دالوقتى ولا صاحيه

اوعى تكونى سخنه يا امه

ياترى يا امه متغطيه واللى الغطى وقع من عليكى

اخبار الكحه ايه يا امه خفت ولا لسه

لسه بتحكى للناس عن الحج يا امه

لسه بتحكيلهم عن عرفه ومنى

يوه يا امه انتى مش هتزهقى كل ماتقعدى مع حد تحكيله عن الحج

ياترى يا امه صالحتى مرات عمى مصطفى ولا لسه متخاصمين

البنت نوره بنت اخوى حبلت ولا لسه

والله ربنا يديها يا امه مش بعيد على ربنا

شفتى بنتى الصغيره يا امه

مراتى بتقول انها شبهى

قال شبهى يا امه

فى النهايه سامحينى وادعيلى يا امه

وَإِذَا سَمِعُوا اللَّغْوَ أَعْرَضُوا عَنْهُ وَقَالُوا لَنَا أَعْمَالُنَا وَلَكُمْ أَعْمَالُكُمْ سَلامٌ عَلَيْكُمْ لا نَبْتَغِي الْجَاهِلِينَ

رابط هذا التعليق
شارك
ذهبية عضو جديد

ذهبية

بتاريخ:
بتاريخ:

عارفة انى مش هاشوفك تانى ......عارفة لو غطت دموعى كل يوم مخدتى...... مش هاشوفك تانى

عارفة لو نديت عليك بعلو صوتى .....مش هاشوفك تانى

عارفة لو طلعت صورك و سمعت شريط تسجيلك وانتى بتدعيلى و تنصحينى ..... مش هاشوفك تانى

عارفة لو خبطت الارض برجلينا ..... مش هاشوفك تانى

لكن انتى معايا فى دنيتى.......... من قال انك مشيتى انتى جوايا ........ كل كلمة بترن فى ودنى .... هو صوتك

يمكن بعدت بنا الايام ............. لكن اللقاء جاى ..... كل واحد لة ميعادة و هنتقابل تانى انا و انتى

اوعدك لحدما نتقابل انى هاكون عند حسن ظنك

سامحينى ياامى على اى كلمة كانت ضايقتك ........من غير قصد منى

سامحينى ياامى على اى جرح شوفتية فى حياتك.......... و مقدرتش اشيلة عنك

سامحينى انى معرفتش ارد جميلك......... لو فضلت العمر كلة

سامحينى انى ساعات ازعل منك فى لحظات غضبى .....لانك سبتنيى .....او احس انك ظالمتينى

سامحينى ياامى لانك ام ...... واحسن ام شافتها عنيا

[على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

رابط هذا التعليق
شارك
shiko عضو جديد

shiko

بتاريخ:
بتاريخ:

رسالتى ...اليوم ...

باللون الاخضر...لون المروج الجميلة التى ذهبناها سويا...

لون معطفك ...الهادى ..................

هل تتذكرين انكى قلتى لى يوما بانكى تحبى اللون الاخضر ؟؟

عرفت يومها ..ان الخير ينبعث من دفء انفاسك .......

اصطحبتينى لبيت من بيوت الله ...يكسوه لون اخضر جميل ...مسجد نفيسة العلم ..

عرفت يومها .....محبتك لاهل بيته ....وان ايمانك سر قواك

لون حديقتنا ....لون الرياحين ..ولون الليمون على الشجر ..

شاهدت فيكى شموخ الشجر فى الارتفاع ..وعزة الثمر عن التهاوى ...

الاخضر ...لون دافىء يعتليه دفء قلبك ....

رسالتى اليوم

باقة خضراء ...روح و...رياحين ...

18344710.jpg

رابط هذا التعليق
شارك
لماضة مصرية جدا عضو جديد

لماضة مصرية جدا

بتاريخ:
بتاريخ:
عارفة انى مش هاشوفك تانى ......عارفة لو غطت دموعى كل يوم مخدتى...... مش هاشوفك تانى

عارفة لو نديت عليك بعلو صوتى .....مش هاشوفك تانى

عارفة لو طلعت صورك و سمعت شريط تسجيلك وانتى بتدعيلى و تنصحينى ..... مش هاشوفك تانى

عارفة لو خبطت الارض برجلينا ..... مش هاشوفك تانى

لكن انتى معايا فى دنيتى.......... من قال انك مشيتى انتى جوايا ........ كل كلمة بترن فى ودنى .... هو صوتك

يمكن بعدت بنا الايام ............. لكن اللقاء جاى ..... كل واحد لة ميعادة و هنتقابل تانى انا و انتى

اوعدك لحدما نتقابل انى هاكون عند حسن ظنك

سامحينى ياامى على اى كلمة كانت ضايقتك ........من غير قصد منى

سامحينى ياامى على اى جرح شوفتية فى حياتك.......... و مقدرتش اشيلة عنك

سامحينى انى معرفتش ارد جميلك......... لو فضلت العمر كلة

سامحينى انى ساعات ازعل منك فى لحظات غضبى .....لانك سبتنيى .....او احس انك ظالمتينى

سامحينى ياامى لانك ام ...... واحسن ام شافتها عنيا

السلام عليكم و رحمة الله و بركاته

ذهبية المشاعر....

خلص الكلااااااااااااااااااام

اعلمي يقينا انها تستمع اليكي حيث تكوني.....و يسعدها ان تري التماعة عينيكي بابتسامة.... لا بدموع مختنقة في الاحداق

اعلمي...انها فخورة بذلك الكائن الصغير..... الذي صار بدوره اما....الذي يخطو علي موضع قدمها في طريق رسمته لكي يوما ما

اعلمي انها رحلت راضية........لانها تركتك في محطة الترانزيت....و اللقاء سيجمعنا بمن نحب....و سنحتضنهم بقوة....لان هناك حياة بلا كبد

اعلمي.....انها افضل بكثير

و بعدين معاكي بقي يا ذهبية المشاعر

بس بشكرك انك حسمتي قراري......خلاص عرفت هعمل ايه السنة دي....

تحياتي

رابط هذا التعليق
شارك
قلب ابيض عضو جديد

قلب ابيض

بتاريخ:
بتاريخ:

:) ست الحبايب

بشوفك كل يوم فى عيون ولادى

بشوفك وانا مريضه وباخدمهم

بشوفك لما بفرح بناجحهم

بشوفك فى قلقى على مرض او زعل احدهم

بشوفك لما جه الوقت وصار لازم اوصلهم لبيوتهم ويبعدوا عنى

ماما 00بحبك اوى وبتوحشينى اوى00للان مابقدرش احوش دموعى لما تضيق بيا الدنيا واحتاج لحضنك

سامحينى يا امى لو زعلتك فى يوم من غير ما اقصد

سامحينى لو كشرت فى وشك يوم وانا مش فاهمه

سامحينى لانى غصب عنى ماقدرش اسيب بيتى وولادى واكون جانبك زى ما انتى كما سيبتى بيت اهلك عشانا وزى ما بنتى هاتسيبنى عشان بيتها

دايره وبتدووووور واحنا مجرد تروس فيها

بحبك ياست الكل ربنا يديك الصحه والعافيه وترضى عنى دايما

كل سنه وانت كل الحب يا امى

294043709.gif
رابط هذا التعليق
شارك
عنبو عضو جديد

عنبو

بتاريخ:
بتاريخ:
صباح الحنين يا اما صياح الدهب والماس ولا بعد دى ضمه ولا بعد ده احساس يامية نهار ابيض على شعرك الابيض انا الاقى قلب ابيض من قلبك فين ا اغلى الناس

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...