ايه اللى تحب تقوله لماما فى عيدها .....!!!!!

[الجدار]

والله حرام عليكوا

مهما الواحد اتكلم مش حيوفي باللي عملته

انا حقول زي ما أحمد مكي قال

شكراً يا ماما

الأغنية دي كل ما اسمعها بتهزني من جوه بصراحة إحساسها وكلماتها من القلب

أسيبكوا مع الأغنية

أحمد مكي - شكراً يا ماما

كلمات احمد مكى شكرا يا ماما

ياااااااااا أمــــــي

حنان ملوش حدود ... أعظم إنسانه فى الوجود

ماما

مهما هـاحكي اللى في قلبي واللى نفسي أقوله ليكي

مش هـايطلع حتى نقطه في بحر إحساسي بيكي

كان حلمك تبقي سعيدة مع زوج حنون عليكي

تبنوا حياة جديدة ... وولادك حواليكي

ويدوب حققتي حلمك جه وهد البيت عليكي

فجأة راح سابك وحيدة ساب ولادك حتى بيكي

سابك محتارة وحزينة و الولاد ماسكين ايديكي

وبقى عندك الإختيار بيت جديد وفرصة تانية

أو تعيشي عمرك وحيدة مع ولادك الصغار

مسئولية صعبة جدا كنتي قد الإختبار

قولتي هختار ولادي ولو هربيهم في نار

مـ النهاردة دول حياتي مش هسيبهم مهما صار

اللى قالك ليه تضحي واللى قالك ده انتحار

واللى قالك بكرة تيجي تندبي سوء الاختيار

الولاد دول كانوا إحنا أنا واخواتي الكبار

قدرتي تعدي بينا وتربينا وده إنتصار

وجاي أقولك بـإبتسامة من قلبي

شكرا يا ماما ... شكرا يا ماما

ياااااااااا

أمــــــي

دعوة حلوة منك و ايديكي فى السما ... يسمع ربي منك وينورلي أنا

شكرا يا ماما

دعوة حلوة منك و ايديكي فى السما ... يسمع ربي منك وينورلي أنا

كان فيه أوقات كتير الظروف كانت واقفة ضدك

كنتي بتخبي علينا وتدخلي تبكي لوحدك

و أما يدخل حد فينا بتضحكي وتداري دمعك

بس كنت ببقى عارف مرة بالصدفة سمعتك

وقتها أنا رحت حالف باللى خلقك وبغلاوتك

إن ما هـاتغفل عيوني إلا لو فرحت قلبك

و ييجي اليوم اللى تكوني فيه فخورة إن أنا إبنك

لما بشوفك وانتي قاعدة بفضل أراقبك من سكات

و ألقى نفسي بقول لـنفسي بحب فيكي كتير حاجات

لما بتحكي يوم ولادتي يوم ماخدتيني فإيديكي

رحتي حضناني بـمحبه كل تعبك راح عليكي

قومتي بصالي في عينيا قمتي يومها سألتي نفسك

إنت إيه وهـاتبقى مين يارب يـطهرلي قلبك

كنت بهرب من إيديكي وياما بتدلع عليكي

ولما أحس بخوف وغربة بجري وأستخبى فيكي

ولو في يوم حسيت تعب جوا حضنك تحتويني

وبصوت حنون ودافي تدعي الرحمن يشفيني

ولما بنكسر أو أفشل والأمل بيبقى فاني

بتقوليلي قوم وكمل قوم وحاول مرة تاني

طول ما فيك الروح يا ابني قوم وحقق الأماني

ثق فـي ربك ثق في نفسك قوم عشانك قوم عشاني

بسببك إنتي بقيت بقدر طبعا ده انتي ست قيمه

لأني طول مانا كنت بكبر شايفك انتى ازاى عظيمه

ده أنا مهما كبرت هـاجي و أوطي على رجلك وأبوسها

ده انتي امي وانتي عمري وكل حاجة حلوة حاسسها

من كل قلبي

شكرا يا ماما

ياااااااااا

أمــــــي

دعوة حلوة منك و ايديكي فى السما ... يسمع ربي منك وينورلي أنا

شكرا ياماما

دعوة حلوة منك و ايديكي فى السما ... يسمع ربي منك وينورلي أنا

دعوة حلوة منك و ايديكي فى السما ... يسمع ربي منك وينورلي أنا

دعوة حلوة منك و ايديكي فى السما ... يسمع ربي منك وينورلي أنا

دعوة حلوة منك و ايديكي فى السما ... يسمع ربي منك وينورلي أناااااا

[ahmos1]

ماما يا حلوة يا أجمل غنوة

يا احلى كلمة نطقها لسانى

غالية عليا ياضى عينيا

ماما ماما ماما ماما

===========================================================================

طيب حتجيبوا اية هدايا

[مصري أصيل]

من يوم ما أمي أتوفت و أنا حامل هم اليوم ده

أول مره هيجي عيد الأم و مش هبقي عارف أقولها كل سنه و انت طيبه

اتمني من الله ان يجمعني بها في جنات النعيم كما كانت تدعوا و اتمني من الله ان يستجيب لأمنيتها و دعائها بأن نكون معاً في الجنه أمين يا رب العالمين

[fatfouta]

من يوم ما أمي أتوفت و أنا حامل هم اليوم ده

أول مره هيجي عيد الأم و مش هبقي عارف أقولها كل سنه و انت طيبه

اتمني من الله ان يجمعني بها في جنات النعيم كما كانت تدعوا و اتمني من الله ان يستجيب لأمنيتها و دعائها بأن نكون معاً في الجنه أمين يا رب العالمين

اول مرة بس....ربنا يرحمها ويرحم امهاتنا جميعا

على فكرة مهما عدت عليك السنين ومهما كبرت اليوم ده هيبقى صعب عليك جدااااااا

انا بقالى 12 سنة وكنت فى الاول بقول بعد كده مش هاحس لكن سبحان الله الواحد كل مايمر عليه العمر يحتاجها اكتر ويفتكرها اكتر وكمان يتعب اكتر

بس انا كما ليا ذكرى مؤلمة فى عيد الام ده هو ان امى ماتت بعد بـ8 ايام بالضبط

فى السنة دى انا كانت هديتى ليها خاتم ذهب ولما روحت عشان اديهولها.......

فرحت بيه جدااا بس مش الفرحة بتاعة كل سنه وردت عليا وقلتلى............طب خسارة

قلتلها ليه خسارة؟.....قلتلى.......ماجيبتيهوش مقاسك ليه؟

وبعدها بالضبط 8 ايام من عيد الام توفت الله يرحمها وفى يومها عرفت هى ليه قلتلى خسارة

خسارة فعلا فراقك يا امى.........اللهم لا اعتراض يارب.......ربنا يرحمك برحمته الواسعة

[ترنيم]

مش فى عيد الام بس لا دا فى كل يوم هقولها

وحشتينى اوى اوى يا امى

وحشنى حضنك لما بتضمينى

وحشنتينى وانتى قاعدة بتسمعينى

وحشتينى حتى وانتى ساكتة لكن نظراتك الحنينة بتلاحقنا فى كل حتة بنكون فيها انا واخواتى ودعواتك لينا هى اللى يتحفظنا من كل شر

هقولها بحاول انى اعمل ما اولادى جزء بسيط من اللى عملتيه معانا انا واخواتى ويارب اقدر.

ربنا يرحمك يا امى رحمة واسعة ويجعل مثواكى الفردوس الاعلى من الجنة ويجمعنا بك فى جنات النعيم .....آآآآآآآآآآآآآآآمين

[shiko]

.......يا امى ...انشودة ...رسالة لامى ...

اعرف كم عانت ..معنا ...بمشاعرها ...وجوارحها ...

كم كنت ضريرة الشاعر...

تم تعديل 7 مارس 2010 بواسطة shiko

[حنين الوطن]

الى من انا بعضا منها....الى من كان حجرها فراشى وثديها سقائى....

الى من تغذيت على دمها وحملتنى..وهنا على وهن

الى من عانت بحملى ...كما عانت بولادتى!!! 

الى من القمتنى ثديها وهى تعتصر الما!!!

الى اغلى الناس...الى احن الناس..

الى اكرم الناس...الى النسمه البارده فى حر الصيف.....

الى من تعرت لتغطينى !!وجاعت ..لتشبعنى!!

الى من سهرت ..لانام !!..وشقيت ..لاستريح!!!

الى من علمتنى التسامح..لا تقولى "منه..لله" بل قولى"الله يسامحه"

الى من كانت تصارع مرضها الاخير ..الخبيث..وهى تبتسم كلما انظر اليها!!!..وابقت الامر سرا

.الى من ماتت وانا بعيده عنها ...وتركت لى الاحساس بالذنب ..والتقصير..

الى من كانت يكرمنى الله من اجلها...فلافعل شيئا يكرمنى الله من اجله....