ازاى اكون مجتهد؟ مش عارف احل المشكلة دى!

[Muskogee]

السلام عليكم...

لما حد فيكم بيشتغل.. و ضغوط الشغل مع الالتزامات الاخرى بتزيد عليه.. بيعمل ايه بالظبط علشان ينظم العملية؟

هوضح لكم اكتر.. لو افترضنا مثلا ان واحد بيشتغل شغلانتين.. و كمان بيدرس wst:: و الشخص ده من النوع الكسول شوية... يعنى من النوع اللى لازم يستنى لغاية اما الحاجة تتراكم عليه, و بعد كده يلم كل حاجة بسرعة بسرعة و نظام الكروتة اللى كلنا عارفينه :aslam:

هل عندكم حل علشان الواحد ينظم اموره شوية؟ يعنى ازاى اقدر ادرب نفسى انى امشى على عجين ملغبطهوش.. قصدى امشى على الجدول اللى المفروض امشى عليه, زى بقية خلق الله المجتهدين و الشاطرين؟

المشكلة تحديدا.. ان الشخص بيبقى محترف و شاطر جدا.. بس عامل زى الارنب و السحلفة بالظبط.. طبعا كلكم عارفين الحكاية دى..

هل عندكم حل للموضوع ده, علشان الواحد يدرب نفسه ازاى ينظم اموره و امور شغله, و يجتهد.. و يبعد عن اى تكاسل او تراخى؟ لان فعلا المشكلة دى بتقابل ناس كتير..

و يا ريت الناس المجتهدين.. و خصوصا اللى فى كندا.. يقولوا لنا بيعملوا ايه علشان يمشوا عالجدول صح..

و اللى يعرف ميكانيزم.. او طريقة معينة (علمية او تجربة).. يا ريت برضه يقول.. و نحن آذانٌ صاغية.

Welcome to the club.

ايـــــــــــه.. هو ده حال الدنيا.. :lol:

ملحوظة: اعتقد ان حضرتك متمكن من تعابير اللغة الانجليزية و الله اعلم... لان ده تعبير امريكى بحت. :old:

I am from Egypt but living in USA now. I just got my citizenship.

Where do you live?

[myusername]

السلام عليكم...

لما حد فيكم بيشتغل.. و ضغوط الشغل مع الالتزامات الاخرى بتزيد عليه.. بيعمل ايه بالظبط علشان ينظم العملية؟

هوضح لكم اكتر.. لو افترضنا مثلا ان واحد بيشتغل شغلانتين.. و كمان بيدرس ;) و الشخص ده من النوع الكسول شوية... يعنى من النوع اللى لازم يستنى لغاية اما الحاجة تتراكم عليه, و بعد كده يلم كل حاجة بسرعة بسرعة و نظام الكروتة اللى كلنا عارفينه :happy:

هل عندكم حل علشان الواحد ينظم اموره شوية؟ يعنى ازاى اقدر ادرب نفسى انى امشى على عجين ملغبطهوش.. قصدى امشى على الجدول اللى المفروض امشى عليه, زى بقية خلق الله المجتهدين و الشاطرين؟

المشكلة تحديدا.. ان الشخص بيبقى محترف و شاطر جدا.. بس عامل زى الارنب و السحلفة بالظبط.. طبعا كلكم عارفين الحكاية دى..

هل عندكم حل للموضوع ده, علشان الواحد يدرب نفسه ازاى ينظم اموره و امور شغله, و يجتهد.. و يبعد عن اى تكاسل او تراخى؟ لان فعلا المشكلة دى بتقابل ناس كتير..

و يا ريت الناس المجتهدين.. و خصوصا اللى فى كندا.. يقولوا لنا بيعملوا ايه علشان يمشوا عالجدول صح..

و اللى يعرف ميكانيزم.. او طريقة معينة (علمية او تجربة).. يا ريت برضه يقول.. و نحن آذانٌ صاغية.

Welcome to the club.

ايـــــــــــه.. هو ده حال الدنيا.. :P

ملحوظة: اعتقد ان حضرتك متمكن من تعابير اللغة الانجليزية و الله اعلم... لان ده تعبير امريكى بحت. mfb:

I am from Egypt but living in USA now. I just got my citizenship.

Where do you live?

انا عايش فى مصر.. و هموت فى مصر :lol:

Congratulations for the citizenship and the American passport! I guess they gave you a small American flag in your ceremony. :P

My ex-fiancee was Mexican American.. as it was my dream (for years) to live in the United States.. but we broke up because of the bureaucracy in America, and the American embassy in Cairo.. (it takes a long time for sponsorship, and I gave up quickly).

But for now... I look forward to Canada.. because I believe that I can achieve my dreams there, that I could not achieve in America.(P.S.: I never been in America).. so I hope that Canada is my land of opportunities :P

تم تعديل 5 مارس 2010 بواسطة myusername

[Morial]

أنا اعتقد ان دي حالة عامة والكل ممكن يعاني منها علي فترات متقطعة

لكن طبعا بتختلف طولا وقصرا من شخص لأخر حسب طبيعته

إنما الملاحظ ان بعد فترة الكسل بتيجي فترة نشاط زائد

وكأن عقلنا بيرغمنا علي أخذ أستراحة من فترة لأخري

تم تعديل 5 مارس 2010 بواسطة منال شوقي

[Rock]

المشكلة فيما يسمونة بالدائرة الثعبانية و هو انة الواحد يبقي عايز يعمل حاجة مهمة لحياتة يعني مصيرية و لكن الواحد يزهق او يكسل او يحبط فيفشل فيحبط فيزهق و هكذا و كلها مسلمة لبعضها و يبقي الهدف هو نفسة هو هو الحل للخروج من الدائرة

و لما الواحد يبقي زهقان تلاقية ( اللي هو انا يعني ) يقول طيب يا عم خدلك يوم بريك شهيص نفسك و لكن حتي دي مايعرفش يعملها لانة عقلة متعلق بمشاكلة و في الاخر نبقي زي اخوانا اللي رقصوا علي السلم لا منة ريحنا اعصابنا و لا منة اتقدمنا خطوة لقدام

ربنا يحلها من عندة

[annas]

يا عم ارحمنا بقي

مفيش فايده اساسا

اللي ذاكر ذاكر

دي طبيعتك ........كسلان ووهمان ومأنتخ وبتحب الرحرحه

فكك

فكك

فكك

وعيش ع الاخر ومتزعلش نفسك وخليك فريش

ياراجل بلا تعب ووجع راس

علي فكره اوعي تزعل من كلامي انا اقصدي احفز دوافعك

[اغابي]

ازاى تكون مجتهد

اولاً : تحديد الهدف

فى دماغك كفكرة وبعدين تكتبه فى اجندتك الخاصة بتاريخ اليوم

ثانيا الوقت

تحديد الوقت والتاريخ اللى يناسب الهدف وظروفك ووقتك وقدرتك

ثالثا : الجدول

بيتنفذ لو ايه لازم تلتزم بتنفيذ جدولك و الاستمرا مهم مش بعد فترة توقف لاي سبب ماى وباى حجة او عذر

رابعا : متابعة

تابع نفسك بنفسك - فى النجاح اللى حققته او لاقدر الله فشل

خامسا : مبروك تحقيق هدفك

لازم توصل - اجتهد - واجتهد حتى تصل الى هدفك وداه عارفة انه صعب

سادسا : الاستمرار

الاستمرار فى النجاح اهم من انك تهمل وترجع لنقطة الصفر - حافظ على نجاحك

تحياتي

[MARDUK]

المشكلة فيما يسمونة بالدائرة الثعبانية و هو انة الواحد يبقي عايز يعمل حاجة مهمة لحياتة يعني مصيرية و لكن الواحد يزهق او يكسل او يحبط فيفشل فيحبط فيزهق و هكذا و كلها مسلمة لبعضها و يبقي الهدف هو نفسة هو هو الحل للخروج من الدائرة

و لما الواحد يبقي زهقان تلاقية ( اللي هو انا يعني ) يقول طيب يا عم خدلك يوم بريك شهيص نفسك و لكن حتي دي مايعرفش يعملها لانة عقلة متعلق بمشاكلة و في الاخر نبقي زي اخوانا اللي رقصوا علي السلم لا منة ريحنا اعصابنا و لا منة اتقدمنا خطوة لقدام

ربنا يحلها من عندة

والله انت لو بتوصفني , مش حيكون في وصف احسن من كدا و حاسس اني مش حخرج من الدائره دي خالص :(

تم تعديل 6 مارس 2010 بواسطة MARDUK

[miramikhail]

بص أنا حقولك على حكمة كانت بتكتب علىظهر الكراسة بتاعتنا زماااااااااااااااااااااااااان وهى لا تؤجل عمل اليوم إلى الغد و الحقيقة من و أنا فى أبتدائى لحد دلوقتى ماشية بالحكمة دية (بشتغل بقى ليا تقريبا أكتر من 20سنة)

و أزاى تعمل كده الأول تشوف وراك أية تكتبة فى ورقة و تشوف أقصى حاجة ممكن تخلصة و تحط أولويات للشغل يعنى أية مثلا ماده أخدت فيها محاضرة و ماده عندك شيت نفرض لازم تسلمه بعد يومين تبتدى الأول تعمل الشيت لأنك ما تضمنش النور يقطع ولا حاجة ما تلحقش تخلص فخلصة و بعد كده ذاكر المحاضرة مدام الوقت ساعف وطبعا ده محتاج تقدر أنت تقدر تقعد قد أية على المذاكرة و لو كنت بتعمل جدول مذاكرة لازم تبقى مقدر المادة تحتاج كام ساعة و أنت تقدر تقعد أد أية (مش دلع يعنى و تقول نصف ساعةولا حاجة ) ولازم تسيب شوية وقت راحة لأن ما فيش حد يقدر يشتغل طول الوقت. :lol:

وبنى و بينك كلمة السر هى الألتزام

على فكرة أنا كنت تخصص عمل جداول مذاكرة للأولادى للمراجعة و هما صغيرين و كنت ظابطة تمام بس لما كبروا خلاص وعلى فكرة كلكم عندكم نفس المشكلة بيتهيألى دية مشكلة عامة بس حلها هو اللى الألتزام وألا تؤجل عمل اليوم إلى الغد

وربنا يوفقك

[jasmin hamed]

انا بشوف فى الدنيا ناس مش مجتهده بس موهوبه جدا و ناس عندهم فدره على المثابره و العمل بس مش موهوبه فى حاجه ( ذى كده حماره شغل )

و الغريب انى ماعنديش مانع حد ياخد الاجتهاد و يدينى شوية موهبه فى اى حاجه بس هييه ماحدش عاجبه حاله

يعنى لو حضرتك شايف نفسك من الناس الى مابتعرفش تجتهد لمده طويله يمكن انتى من الناس الى بتحصل بسرعه يمكن انتى ساعتك فيها البركه يعنى الى بتعمله فى ساعه غيرك يعيد و يذيد و يعمله فى يوم

يعنى مافيش خلطه سحريه كل واحد قاعده و على راى الاستاذ احمد مكى ( ماتحاولش تبقى اى حد تانى غير نفسك , دور بنفسك جوه نفسك )

يعنى يمكن الى بتعمله انتى مش حابه عشان كده مش طايق تعمله

[kareemabdou]

هو انتو يا بتوع كندا هنا و انا بدور عليكم :blush2: :happy: :blink:

انا عندى فكرة يا ما يوزر نيم لو تحب اتصل بيك مرتين تلاته فى اليوم علشان افكرك بالمذاكرة

انا معنديش مانع و اهو بالمرة افكر نفسى معاك بس عن شرط لازم تكون جوه مصر و عندك فودافون

علشان الميزانية متخسعش و الا نقضيها رنات ههههههههه :ninja: :blink:

اصل انا عندى نفس الحالة بتاعتك بس بترتيب اخر يعنى ممكن اربع ايام ورا بعض ابقى شعلة من النشاط

و بعدها ب 3 ايام اكتئاب و مليش نفس على حاجة و مش طايق شكل الكتاب

لو عجبتك الفكرة ابعت رقمك على الخاص اخوك كريم احدى المهاجرين فى طابور كندا