عندي مشكلة عويصه ياريت تساعدوني

[lovelyramy]

السلام عليكم ورحمه الله وبركاته..

ياجماعه باختصار انا شاب مصري الحمد لله ربنا انعم عليا ببعض مؤهلات جعلتني مميز شويه فى سني

انا عندى 24 سنه والحمد لله معايا دبلومه فى التسويق ودبلومه فى التجارة الدوليه ,والاعتمادات المستندية وتمهيدي ماجيستير فى اداره الاعمال عملت فى مصر وطبعا من جو مصر اتخنقت فنصحونى الاقارب بالبحث عن فرصه سفر

المهم جت فرصه فى السعوديه فى وكيل حصري لشركه امريكيه شغلها مباشر مع وزارات الداخليه والدفاع والصحه فى الشرق الاوسط كله , المهم جيت بعد ان اتفقنا على وضع معين وكان كله تمام

بعد ماجيت بدأت اكتشف ان الراجل السعودي اللى هو من اصل يمني حضرمي بخيل جدااااااااااااااااااااااااا وعايش فى العصور الوسطي وفى مخيلته دائما ان 2000 ريال دول يعيشوا الواحد من عليه القوم فى بلده انا الحمد لله بدأت بـ 2500 ريال على اساس ان الاتفاق بعد 6شهور يبقوا 3000 وفى نهايه العام وبدايه العام الثانى يبقوا 4000

فوجئت بعدم تنفيذ الاتفاق بحجه الازمه الماليه واكتفى بزياده 500 ريال بس لسه بيقول هينفذها فى العام التانى

المشكله تكمن فى ان انا جالى عرض من شركة امريكيه تعمل فى مجال التجهيزات الطبيه والبعثات الطبيه لدراسه الماجيستير والدكتوراه عايزيني اعمل معهم مدير تنفيذى براتب ضعف الراتب اللى انا باخذه هنا وهم للاسف حاولو يتكلموا مع الراجل علشان نقل الكفاله وعرضوا عليه 15000 ريال وللاسف رفض

واللى زاد الطين بله انه اتعامل معاهم باسلوب سىء جدااا وبدأ يتوعدنى ويقول لى انت ماتشتغلش فى السعوديه الا عندى بس وانا هاعمل لك بلوك لست وابقى قابلنى لو دخلتها تانى دا طبعا بعد ما انا قلت له انك خالفت اتفاقك وانى بكده هانهى عقدى وماشي وعمرى ما هاجدد معاك تانى

المشكلة اللى انا فيها دلوقتى هو ان الشركة الامريكيه الناس فيها متمسكه بيا جداا وقالو لى هنشترى لك فيزا حره علشان الفيز اللى عندهم خلصت بس خد خروج نهائى من عند الراجل واحنا هنصبر عليك 6 شهور لغايه اما تخلص نفسك وتذاكر طيرانى رايح جاى ومرتب شهر هيصرفوه ليا ودا الشهر بتاع تخليص الاوراق والذهاب والعوده من السعوديه الى مصر ومن مصر الى السعوديه .

بس ياجماعه انا خايف اخرج نهائى والراجل دا يعمل اى حركه فى الجوازات لانه شراني جدااا وعنده استعداد يدفع رشاوي علشان كده وبالتالى ابقى خسرت السعوديه للابد وكمان الفرصه دى رائعه جدا لان فيها تأشيره لامريكا واحتمال جرين كارد وكمان انا عايز استغلها انى اكمل دكتوراه هناك

فبالله عليكم افيدونى هل فى طريقه اقدر احمي بيها نفسي من الراجل دا ؟ وايه هى ؟

فى ناس قالو لى ماينفعش تمشي الا لما عقدك ينتهى وتقوم قبل العقد ما ينتهى بالذهاب الى مكتب العمل وابلاغه عن طريقهم برغبتك فى الرحيل مع حفظ حقك فى الحصول على اخلاء طرف (بس انا مش مقتنع ان الكلام دا ممكن حدوثه خصوصا مع نفوذه والرشاوي اللى بيدفعها)

بالله عليكم افيدوني......

[أسد]

شوف ياسيدي ..

الرأي باختصار ...

إذا سافرت خروج نهائي بدون مشاكل .. تقدر ترجع في أي وقت بتأشيرة جديدة .. ولا مشكلة في ذلك ...

إلا غذا كانت تأشيرتك التي أنت عليها حالياً .. هي عامل منزلي .. أو سائق خاص .. أو أي تأشيرة من التأشيرات الشخصية ..

ولا يمكنه أن يفعل أي شئ معك ..

ولكن ...

إذا دخل الفساد في الأمر .. والرشاوي والمحسوبيات ...

محدش يقدر يتوقع إيه إللي ممكن يعمله بعد ماتسافر ..

مع الفساد .. ممكن سبب الخروج على الحاسب الآلي يتغير .. ويصبح بدلاً من خروج نهائي .. يسجل (ترحيل) وفي تلك الحالة ..

مفيش حاجة حتنفع ..

هذا للأسف الشديد ..

ولكن إذا لم يكن هناك في الأمر أي فساد أو رشوة أو محسوبيات ..

فلا مشكلة إطلاقاً

أتمنى لك التوفيق

[عماد حمدي]

حسبي الله ونعم الوكيل

بص يا أخي زي ما قالك الأخ أسد كدة .. بس طبعا ً مفيش حاجة اسمها يحط بلاك ليست ميقدرش يعمل كدا أبدا ً وانا متأكد من المعلومة دي مليون المية .. بلاك ليست دا يبقي جاي من مكتب العمل مثلا ً انك خالفت بنود العقد بتاعك أو لقدر الله إرتكبت أي جريمة أو أي فعل خادش أو حاجات من دي .. والأمر دا بيطلع من الجهات العليا بعد تحقيق وحكم محكمة .. مش أي كفيف يقدر يعمل في مكفولة كدا لانها مش سايبة ..

نصيحتي لوجه الله قدامك حلين ومنهم الأول دا إجباري عليك وهوه الإستخارة إستخير ربنا سبحانه وتعالي بين الامرين وان شاء الله ربنا يكتبلك اللي فيه الخير ليك ..

ثانيا ً ودا انته حر فية بقا بس دا من وجهة نظري .. واحد بمؤهلاتك دي لو سافرت الإمارات هتكون أفضل ليك مليون المليون مرة لأنها بلد بتقدر الكفاءات عكس السعودية ومش هقول كلها وأعمم لكن بقولك الأغلب والدليل اننا مسمعناش قبل كدا ان فية حد بيشتكي من شركتة ولا من كفيلة الا في السعودية بس .. كمان الإمارات هتكون بلد مفتوحة ليك جدا وفرص عملك هناك كتير ومفيش خنقة في القوانين العمل زي السعودية ويمكن تلاقي ليك شغل في الحكومة هناك وساعتها هتلعب معاك بس متنسناش بقا ..:lol:

لك الإختيار يا حبي .. وربنا يوفقك للي فيه الخير

في رعاية المولي عزل وجل

[lovelyramy]

جزاكم الله كل خير على ردودكم

انا والله فى حيرة شديدة لكني بأحاول اظبط الامور مع الكفيل لكنه انسان الله يسامحه دماغه صخره والعند متفشي فيها لدرجه لا يتخيلها انسان

تم تعديل 4 مارس 2010 بواسطة lovelyramy

[عماد حمدي]

جزاكم الله كل خير على ردودكم

انا والله فى حيرة شديدة لكني بأحاول اظبط الامور مع الكفيل لكنه انسان الله يسامحه دماغه صخره والعند متفشي فيها لدرجه لا يتخيلها انسان

مهي دي السعودية يا باشا إمال أنته مفكر أية ؟؟؟ إن كان دا قدرك ربنا يعنك عليه

بس برده فكر في رأي كدة وان شاء الله خير

تم تعديل 4 مارس 2010 بواسطة EMAD HAMDY

[lovelyramy]

ياريت يا جماعه لو فى ناس من اهل الخبره يقدر يساعدني فى المشكله دى ينصحنى بالله عليكم

[lovelyramy]

دلوقتى يا جماعه ماقداميش غير حلين عايز اخد رأيكم فيهم

الاول : بعض الاخوه قالو لي وهو انى قبل ما ينتهى عقدى معاه بثلاث شهور اذهب لمكتب العمل واخبرهم باننى اود انذاره بعدم رغبتي فى تجديد عقدي وابدي لهم تخوفى من ايذائه وبكده اكون اتخذت كل الخطوات القانونيه واللازمه باعطائى اخلاء طرف

بس للاسف يظل امامى سؤال وهو عن امكانيه قيامه بعمل اى شىء على السيستم بعد الخروج نهائي زى ما قال الاخ اسد وهو انه يغير سبب الخروج لترحيل وبالتالى تقفل السعوديه فى وجهى؟؟

الثاني وهو انى اقنعه انى خلاص اقتنعت لغايه ما تيجي اجازتى وبكده اخد خروج وعوده وما اجيش تانى , بس للاسف اكيد هيبلغ عنى هروب خارجى وهتمنع سنتين بس دا اخف وطأه من انى اتمنع من السعوديه نهائي

ياريت يا جماعه تفيدوني والله انا حياتى حاسس انها توقفت عن السير وبدأت ترجع للخلف

[lovelyramy]

ايه يا جماعه مافيش حل ولا ايه ؟

فين اراء الناس الخبيره ؟؟؟؟

[غريب الخبر]

دلوقتى يا جماعه ماقداميش غير حلين عايز اخد رأيكم فيهم

الاول : بعض الاخوه قالو لي وهو انى قبل ما ينتهى عقدى معاه بثلاث شهور اذهب لمكتب العمل واخبرهم باننى اود انذاره بعدم رغبتي فى تجديد عقدي وابدي لهم تخوفى من ايذائه وبكده اكون اتخذت كل الخطوات القانونيه واللازمه باعطائى اخلاء طرف

بس للاسف يظل امامى سؤال وهو عن امكانيه قيامه بعمل اى شىء على السيستم بعد الخروج نهائي زى ما قال الاخ اسد وهو انه يغير سبب الخروج لترحيل وبالتالى تقفل السعوديه فى وجهى؟؟

الثاني وهو انى اقنعه انى خلاص اقتنعت لغايه ما تيجي اجازتى وبكده اخد خروج وعوده وما اجيش تانى , بس للاسف اكيد هيبلغ عنى هروب خارجى وهتمنع سنتين بس دا اخف وطأه من انى اتمنع من السعوديه نهائي

ياريت يا جماعه تفيدوني والله انا حياتى حاسس انها توقفت عن السير وبدأت ترجع للخلف

الموضوع بسيط جدا .

ما عليك هو الانتظار حتى نهاية العقد مع هذا الكفيل وعدم التجديد لفترة اخرى . وعند الخروج يجب اخذ ما يسمى اخلاء طرف ( فقط ) .

وبذلك يمكنك العودة فى اى وقت حتى لو تانى يوم . ولا يستطيع احد داخل السعودية ان يمنعك من العودة .

مع امنياتى بالتوفيق

[lovelyramy]

اخى العزيز غريب

جزاك الله كل خير على النصيحه ولكن انا يظل امامى مشكله عند انتهاء العقد وهى انه قد يستطيع بالرشاوي ان يغير سبب الخروج من خروج نهائى الى ترحيل وهذه هى المشكله التى اطلب المشوره بها

هل يمكنه فعل ذلك؟

وان امكنه فكيف لي ان اوقف ذلك؟

[عماد حمدي]

ما عليك هو الانتظار حتى نهاية العقد مع هذا الكفيل وعدم التجديد لفترة اخرى . وعند الخروج يجب اخذ ما يسمى اخلاء طرف ( فقط ) .

وبذلك يمكنك العودة فى اى وقت حتى لو تانى يوم . ولا يستطيع احد داخل السعودية ان يمنعك من العودة .

مع امنياتى بالتوفيق

مفيش قانون بيجبر صاحب العمل أنه يديك إخلاء طرف يا باشا ...

لان ببساطة لو معاك إخلاء طرف منة متوثق من الغرفة التجارية والخارجية كانت مشكلة الناس دي إتحلت .. بس دا طبعا ً مستحيل دلوقتي في نهاية التعاقد الشركة بتأمن نفسها وتخليك توقع علي ورق كتير ولو انتة طلبت منهم إخلاء طرف يقولك روح إلعب بعيد وهذا حال أغلب المؤسسات ...

الحل : تاخد نسخة من ورقة تسوية المستحقات بتاعتك مع الشركة اللي في نهاية التعاقد .. لان دي بتثبت أن الشركة بتاعتك مش ممكن تيجي في يوم من الأيام تطالبك بأي مبالغ تعتبر زي إخلاء الطرف ياعني ..

بالنسبة بقا لموضوع الرشاوي دا .. سيب كفيلك بالحسني ومتدخلش معاه في تحدي وان شاء الله مش هيقدر يعمل حاجة صدقني .. لأن ببساطة كان زمان كل الناس عملت كدة هيا مش سايبة للدرجة دي ياعني

تقبل مروري ,,

[lovelyramy]

اخى عماد جزاك الله كل خير

ويارب فعلا الامور تنتهى على خير

[غريب الخبر]

ما عليك هو الانتظار حتى نهاية العقد مع هذا الكفيل وعدم التجديد لفترة اخرى . وعند الخروج يجب اخذ ما يسمى اخلاء طرف ( فقط ) .

وبذلك يمكنك العودة فى اى وقت حتى لو تانى يوم . ولا يستطيع احد داخل السعودية ان يمنعك من العودة .

مع امنياتى بالتوفيق

مفيش قانون بيجبر صاحب العمل أنه يديك إخلاء طرف يا باشا ...

لان ببساطة لو معاك إخلاء طرف منة متوثق من الغرفة التجارية والخارجية كانت مشكلة الناس دي إتحلت .. بس دا طبعا ً مستحيل دلوقتي في نهاية التعاقد الشركة بتأمن نفسها وتخليك توقع علي ورق كتير ولو انتة طلبت منهم إخلاء طرف يقولك روح إلعب بعيد وهذا حال أغلب المؤسسات ...

الحل : تاخد نسخة من ورقة تسوية المستحقات بتاعتك مع الشركة اللي في نهاية التعاقد .. لان دي بتثبت أن الشركة بتاعتك مش ممكن تيجي في يوم من الأيام تطالبك بأي مبالغ تعتبر زي إخلاء الطرف ياعني ..

بالنسبة بقا لموضوع الرشاوي دا .. سيب كفيلك بالحسني ومتدخلش معاه في تحدي وان شاء الله مش هيقدر يعمل حاجة صدقني .. لأن ببساطة كان زمان كل الناس عملت كدة هيا مش سايبة للدرجة دي ياعني

تقبل مروري ,,

ورقة تسوية المستحقات تعنى اخلاء الطرف . والمقصود انه ليس عليك اى مديونيات او استحقاقات تجاه هذا المكان وفى نفس الوقت انك استلمت جميع مستحقاتك.

شكرا عزيزى

[غريب الخبر]

اخى العزيز غريب

جزاك الله كل خير على النصيحه ولكن انا يظل امامى مشكله عند انتهاء العقد وهى انه قد يستطيع بالرشاوي ان يغير سبب الخروج من خروج نهائى الى ترحيل وهذه هى المشكله التى اطلب المشوره بها

هل يمكنه فعل ذلك؟

وان امكنه فكيف لي ان اوقف ذلك؟

مفيش الكلام ده . ومش كل واحد يقول كلمة تصدقه .

الموضوع يحتاج الى مستندات قانونية وقضائية بحتة .

اعلم ان رزقك ينتظرك .

دائما توكل على الله

خالص تحياتى

[عماد حمدي]

أخ غريب

ورقة تسوية المستحقات تعنى اخلاء الطرف . والمقصود انه ليس عليك اى مديونيات او استحقاقات تجاه هذا المكان وفى نفس الوقت انك استلمت جميع مستحقاتك.

شكرا عزيزى

دا بالظبط اللي أنا قولتة في مشاركتي .. جزاك الله خيرا ً

دي مشاركتي ..........

الحل : تاخد نسخة من ورقة تسوية المستحقات بتاعتك مع الشركة اللي في نهاية التعاقد .. لان دي بتثبت أن الشركة بتاعتك مش ممكن تيجي في يوم من الأيام تطالبك بأي مبالغ تعتبر زي إخلاء الطرف ياعني ..

تقبل مروري ,,

عمــــــــــــــــــــاد

تم تعديل 8 مارس 2010 بواسطة omda2006

[محمد افندى]

شوف يازميلنا العزيز وبصفتك تجارى زينا

اللى انا متأكد منه انك حتى لو رفضت عرض الشركة الامريكية وحاولت الاستمرار معه فلن تستطيع نفسيا مهما حاولت فى النهاية هتمشى من عندة ومش هتستحمل معاه ودى حاجة انا متاكد منها فبما انك هتسيبة هتسيبة مضيعش فرصة الشركة الامريكية اشترى تاشيرة حرة وارجع على الشركة الامريكية

ميقدرش يحطك بلاك لست كلام فارغ يا باشا وميقدرش يغير حاجة فى السستم دة اكيد

المهم اما ترجع يفضل انه ميعرفش انك رجعت

يعنى يفضل تخطط صح للموضوع

بطريقة ما يفهم ان الشركة الامريكية خلاص طالما مش معاك نقل كفالة دلوقتى وهم مستعجلين عليك جابو حد تانى

وبعد اسبوعين او ثلاثة اخترع مشكلة عن الدوام عن الراتب اى حاجة مش هتغلب خد خروج نهائى وربنا يوفقك

للتفاصيل اكثر ولاى مساعدة يمكنك التواصل على الخاص

[عماد حمدي]

شوف يازميلنا العزيز وبصفتك تجارى زينا

اللى انا متأكد منه انك حتى لو رفضت عرض الشركة الامريكية وحاولت الاستمرار معه فلن تستطيع نفسيا مهما حاولت فى النهاية هتمشى من عندة ومش هتستحمل معاه ودى حاجة انا متاكد منها فبما انك هتسيبة هتسيبة مضيعش فرصة الشركة الامريكية اشترى تاشيرة حرة وارجع على الشركة الامريكية

ميقدرش يحطك بلاك لست كلام فارغ يا باشا وميقدرش يغير حاجة فى السستم دة اكيد

المهم اما ترجع يفضل انه ميعرفش انك رجعت

يعنى يفضل تخطط صح للموضوع

بطريقة ما يفهم ان الشركة الامريكية خلاص طالما مش معاك نقل كفالة دلوقتى وهم مستعجلين عليك جابو حد تانى

وبعد اسبوعين او ثلاثة اخترع مشكلة عن الدوام عن الراتب اى حاجة مش هتغلب خد خروج نهائى وربنا يوفقك

للتفاصيل اكثر ولاى مساعدة يمكنك التواصل على الخاص

الله يفتح عليك يا محمد أفندي

[lovelyramy]

الاخ محمد افندى

والله انت فعلا اتكلمت باللى انا حاسه وفعلا هو حقيقه

انا دلوقتى فعلا باحاول اظبط الامور معاه

وربنا يكرم والامور تعدى على خير

جزاك الله كل خير على مساعدتك وكلامك الطيب

تم تعديل 9 مارس 2010 بواسطة lovelyramy

[lovelyramy]

شوف يازميلنا العزيز وبصفتك تجارى زينا

اللى انا متأكد منه انك حتى لو رفضت عرض الشركة الامريكية وحاولت الاستمرار معه فلن تستطيع نفسيا مهما حاولت فى النهاية هتمشى من عندة ومش هتستحمل معاه ودى حاجة انا متاكد منها فبما انك هتسيبة هتسيبة مضيعش فرصة الشركة الامريكية اشترى تاشيرة حرة وارجع على الشركة الامريكية

ميقدرش يحطك بلاك لست كلام فارغ يا باشا وميقدرش يغير حاجة فى السستم دة اكيد

المهم اما ترجع يفضل انه ميعرفش انك رجعت

يعنى يفضل تخطط صح للموضوع

بطريقة ما يفهم ان الشركة الامريكية خلاص طالما مش معاك نقل كفالة دلوقتى وهم مستعجلين عليك جابو حد تانى

وبعد اسبوعين او ثلاثة اخترع مشكلة عن الدوام عن الراتب اى حاجة مش هتغلب خد خروج نهائى وربنا يوفقك

للتفاصيل اكثر ولاى مساعدة يمكنك التواصل على الخاص

الله يفتح عليك يا محمد أفندي

اخى عمده

جزاك الله كل خير