خبر شخصي ......عايزاكم تعرفوه

[لماضة مصرية جدا]

السلام عليكم و رحمة الله و بركاته

معلش هي يمكن تبدو انها مساحة خاصة جدا....و لكن لزم التنويه

منذ ما يقرب من شهر مضي و الاحظ اقتران اسمي باسم احد أعضاء المنتدي الأفاضل.....و أتأمل كثيرا.....و اتوقف....و اعقد العزم علي الرد ع الخاص علي كل تساؤلات أصدقائي المحاورين

لكن أفضل اليوم أن تكون الأمور أكثر وضوحا....و أرجو من الجميع التفهم

لا تجمعني أي صلة قرابة...(و ان كنت اقتربت كثيرا من كثير أكاد أجزم انهم في الحقيقة كما يكتبون.... لا يتصنعون)

لا تجمعني اي نسب أو مصاهرة

ليس لدي اي مشروع زواج أو فكرة مؤجلة للارتباط بأحد أعضاء المحاورات

المنتدي يعني لي مساحة اتنفس فيها عشقي للكتابة......

أقرأ..... أحاور ......أتعلم..... اخطيء في اوقات و لا أجد اي غضاضة في الاعتذار

لا زلت حديثة العهد في الكتابة علي المنتديات و المدونات بشكل عام.......

و يترسخ لدي يقينا ان ما يجمعنا هي وجهات نظر قد نتفق أو نختلف فيها و كثيرا نتحاور....و الاكثر ان نصطدم... و تؤلمنا أقلامنا

....تجمعنا حروفا متطايرة عبر الكي بورد.....

و لكنها لا تصنع قطعا ذريعة لاقدس علاقة انسانية تقوم علي المودة و السكن

أشكر لكم سعة صدركم و تفهمكم....و أسالكم صالح الدعاء

صباحكم نور من شعاع الشمس..... من صفاء قلوبكم..... من دفء احساسكم

ممكن لو سمحت حد يقولي اصلي سمعت ان يا خويا عاملين باب اسمه "عايزة اتجوز"..... ده حلو ده يا اخويا و لا ايه...... :happy:

صباحكم إشراقة.... تملي كل ذرات الهوا اللي داخلة جواكم

[engtaha]

ده اكيد سؤ فهم ...او لبس بس عند الناس ...تخيلات ....

واللى اكيد ان الناس هنا بتشوفك...نجم يعلو فى سماء المنتدى...

نجم عالى ...

يريدون الوصول اليه حتما ...كلنا ..هكذا ...نريد ان نتلمس النجوم...

ولكن قد يخطىء البعض فى ترسيخ المبدىء عند الاخرون...

وليس كل من راى النجوم تلمسها

وليس كل من اطال يده عليا ...تحسسها

ولكن فقط كونى انتى كما تكونى دائما نجمة تعلو فى سمائنا لاتغيبى عنا

[لماضة مصرية جدا]

ده اكيد سؤ فهم ...او لبس بس عند الناس ...تخيلات ....

واللى اكيد ان الناس هنا بتشوفك...نجم يعلو فى سماء المنتدى...

نجم عالى ...

يريدون الوصول اليه حتما ...كلنا ..هكذا ...نريد ان نتلمس النجوم...

ولكن قد يخطىء البعض فى ترسيخ المبدىء عند الاخرون...

وليس كل من راى النجوم تلمسها

وليس كل من اطال يده عليا ...تحسسها

ولكن فقط كونى انتى كما تكونى دائما نجمة تعلو فى سمائنا لاتغيبى عنا

يا اخي الفاضل

جزاك الله كل خير

و لا نزكي علي الله احدا

نسألك صالح الدعاء

[se_ Elsyed]

الأن يُمكن أن اتحدث بشكل عام ... كعضو عادي وكعضو فريق إشراف طالما هو رأيي في خطوط عريضه

- إعلان الموضوع من بدايته كان خطأ ... وخطأ كبير ... لعدة أسباب منها :

1- إن هذا مكان مفتوح سواء للأعضاء أو للزوار الذين يُقدرون بالالاف.. وفي نفس الوقت نحن لسنا من عائلة الشخصان اللذان ينويان الأرتباط .... لأن خطورة الموضوع تكمن في إن عدم إتمامه لنهايته الطبيعية بالزواج يعني .. فيه إحراج كثير بعد ان تم الإعلان عنه أمام الجميع ... على عكس تماماً ما يحدث في الحياة ... وهو إن أي موضوع لا يتم وهذا عادي جداً وكلنا مرينا بتلك التجارب .. بيكون عدم إتمامه بين العائلتين وخلاص والجميع بيتقبل ذلك لكن على العام !!!!!! هم أساساً غير معنيين به .

2- مثلما أشارت الفاضلة ريهام ... الخطورة هنا إن مجرد الإعلان بيجعل البعض تترسخ عنده فكره أرتباط أسمين ببعضهما حتى بعد العزم على عدم إتمام الموضوع .. وهذا خطأ

3- الخلاصة : يا جماعة نحن جميعنا مجرد حروف وكلمات خلف الشاشات .. أينعم نتبادل بعض الأحاسيس والمشاعر والمواقف الأخوية والعائلية مع بعضنا البعض ... لكن هناك امور خط احمر لا يجب أن يتم تناولها هنا ومنها امور الخطوبة .... يعني لو زواج او انجاب أطفال او ما إلى ذلك بتبقى مقبولة إلى حد كبير

أرجو أن يُفهم كلامي بالشكل الصحيح

واتمنى التوفيق للجميع

[engmido]

عفواااااااااا

مش فاهم ولا حاجة :happy: ;)

[mama nona]

عسولتنا الشقية .... لماضة مصرية جدا

كل شىء قسمة ونصيب

ربنا يوفقك ان شاء الله :happy:

حصلينى بقى على نون النسوة ;)

ولا عالمطبخ ندور على بندق افندى

[myusername]

اعتذر عن الخروج عن الموضوع.. و لكن دى اول مرة اعرف اسم لماضة الحقيقى :happy:

[أحمد سيف]

أثنّي على كلام أخي الأكبر سي السيد

المنتدى ليس المكان المناسب لإعلان الخطوبة ... وأضيف كذلك أنه ليس المكان الأمثل للبحث عن زوجه أو زوج

ده مجرّد رأيي الشخصي :happy:

[لماضة مصرية جدا]

أثنّي على كلام أخي الأكبر سي السيد

المنتدى ليس المكان المناسب لإعلان الخطوبة ... وأضيف كذلك أنه ليس المكان الأمثل للبحث عن زوجه أو زوج

ده مجرّد رأيي الشخصي :happy:

السلام عليكم و ورحمة الله و بركاته

اتفق مع حضرتك تماما.....و لك تحياتي

من فترة كمت اقرأ توبيك في المنتدي عن "العشوائيات و الجهل الديني"....الموضوع جدا ثري....و البعض قد يري انه لا علاقة به في مقامنا هذا

بس كنت بفكر في حاجة و حبيت افكر بصوت عالي

بنلوم علي الناس اللي القتها الظروف في مناخ غير آدمي....و اطلق عليهم النصف المرفه العشوائيات.....و النص ده نفسه نسي ان عندنا عشوائية في التفكير..... تفوق حدة عشوائية المساحات الجغرافية

كل منا في ظروف ما قد يكون انسان عشوائي جدا........اتحدث عن نفسي في الصميم

العشوائية في التفكير.....

الا تدرس قرارتك....

الا تنطلق من ارض صلبة......

الا تستمع لصوت داخلي.....او لصوت الاخرين يرجونك بالتوقف.....و تختار ان تكمل رحلة الاكتشاف مهما استهلكت من رصيدك الانساني

ان تتخيل لوهلة انك خارق لحدود العقل... و ان من سيلتي بعدك هم مقلدون و سفهاء....

الا تتوقف لتتأمل....اتراني علي صواب ام علي خطأ

مرة اخري... اتحدث عن نفسي في عشوائيتي للتفكير.......تامل يستحق التوقف

تحياتي

==============================================

ملحوظة علي جنب: ماما نونا.......نون النسوة.....و المطبخ.... يا سيدي طابخين ايه النهاردة.....ليه شامة ريحة شياط

اوعدك....لنا عودة.....بس عندي مهام مؤجلة و اعتزم الانتهاء منها بإذن الله......مش ده برضه ويك اند و لا انا بيتهيالي

نسالكم صالح الدعاء

[لولا]

كل منا في ظروف ما قد يكون انسان عشوائي جدا........اتحدث عن نفسي في الصميم

العشوائية في التفكير.....

الا تدرس قرارتك....

الا تنطلق من ارض صلبة......

الا تستمع لصوت داخلي.....او لصوت الاخرين يرجونك بالتوقف.....و تختار ان تكمل رحلة الاكتشاف مهما استهلكت من رصيدك الانساني

ان تتخيل لوهلة انك خارق لحدود العقل... و ان من سيلتي بعدك هم مقلدون و سفهاء....

الا تتوقف لتتأمل....اتراني علي صواب ام علي خطأ

مرة اخري... اتحدث عن نفسي في عشوائيتي للتفكير.......تامل يستحق التوقف

تحياتي

==============================================

لماظة العزيزة .. تعرفين قرأت هذه السطور عدة مرات..

وكأن حروفها زخات من مطر ومن الذى لا ينصت لصوت المطر !

معجبة انا جدا بكل ما ارى وأقرأ هنا .. معجبة بك انت وبقوتك فى مواجهة النفس .. معجبة انك تأملت كل الفصول وخرجت بكل هذه الدروس

لا يملك الجميع هذه القوة فى مواجهة النفس ..

تعرفين ..

احيانا يصيبنا فعلا شرود..تمضغنا التفاصيل فنعجز عن رؤية الخطوط العريضة ..

احيانا يا غاليه نتأرجح كلنا فى بقعة اغماء نحتاج فقط لبعض الوقت لنخرج منها

نقية انت حقا وانا اتمنى لك كل سعادة الدنيا ..

ربنا يوقفك ويسعد ايامك :happy:

جُل التحايا :blink:

لولا

[عبير يونس]

مش عارفة أقول ايه يا لماضة...

بس طبعا انتي أدرى بحالك و ما يناسبك

و كل اللي بأتمناه لكي هو الخير حيث كان

ربنا يكرمك بما تستحقين

معجبة جدا بشجاعتك

و توقفك لتأمل حالك و ما أنتي مقدمة عليه

قليل منا من يتوقف في الوقت المناسب...

قبل فوات الأوان

ربنا يوفقك و يسدد خطاكي و يرزقك السعادة في الدنيا و الآخرة

آمين

[ترنيم]

حبيبى لماضة ...ربنا ييسرلكم الخير اينما كان ويرضيكم به :blink: :lol:

[om marawan]

من فترة كنت اقرأ توبيك في المنتدي عن "العشوائيات و الجهل الديني"....الموضوع جدا ثري....و البعض قد يري انه لا علاقة به في مقامنا هذا

بس كنت بفكر في حاجة و حبيت افكر بصوت عالي

بنلوم علي الناس اللي القتها الظروف في مناخ غير آدمي....و اطلق عليهم النصف المرفه العشوائيات.....و النص ده نفسه نسي ان عندنا عشوائية في التفكير..... تفوق حدة عشوائية المساحات الجغرافية

كل منا في ظروف ما قد يكون انسان عشوائي جدا........اتحدث عن نفسي في الصميم

العشوائية في التفكير.....

الا تدرس قرارتك....

الا تنطلق من ارض صلبة......

الا تستمع لصوت داخلي.....او لصوت الاخرين يرجونك بالتوقف.....و تختار ان تكمل رحلة الاكتشاف مهما استهلكت من رصيدك الانساني

ان تتخيل لوهلة انك خارق لحدود العقل... و ان من سيلتي بعدك هم مقلدون و سفهاء....

الا تتوقف لتتأمل....اتراني علي صواب ام علي خطأ

مرة اخري... اتحدث عن نفسي في عشوائيتي للتفكير.......تامل يستحق التوقف

تحياتي

طب ممكن يالماضة ياجميلة تكملى عشقك للكتابة الممتعة دى وتجمعى الحاجات دى فى كتاب

انزلى اشترى دفتر من أبو سلك وجلدة تخينة ده اللى هو الغالى ماتسترخصيش الله يخليكى وتجمعى فيه كلماتك الرائعة باسلوبك المميز ده

أرجوكى يعنى ماتضيعيش موهبتك وخفة دمك ولباقتك وعشقك للكلمات هدر وليكى عندى نعمل حملة تبرعات لطباعة الكتاب وياستى العائد بتاعه طلعيه لجمعية خيرية ايه رأيك ؟؟؟؟

انا كنت عاوزة اكلملك كلام فى الموضوع ده فى كرسى الاعتراف بس Myousef نزل يطلع 12 مداخلة والموضوع تاه منى

ها خلصتى الكتاب ولا لسه ؟؟؟؟ :lol:

لا بجد طبعا خدى وقتك دى مش مهنة لكن لازم تخللى الموضوع فى بالك الفرق بين الناس اللى بقت مبدعة واللى تاهت انهم اهتموا ينموا موهبتهم ويحافظوا عليها

انا هاعمل عليكى حملة فى نون النسوة

صباحك ايس كريم بصوص الشيكولاتة والمكسرات ولا اقولك نخليه سينابون عشان خاطر شيكو :blink:

تم تعديل 6 مارس 2010 بواسطة om marawan

[joo]

عزيزتى لماضة

متزعليش منى انا زى اخوكى الكبير

بس انا عندى احساس انك اتسرعتى شوية فى قرارك

اكيد كان فى فرصة ولو ضئيلة ان الامور تتغير00 لازم يا لماضة تعطى الناس فرصة وتنين وثلاثة

متجريش من اول خلاف 00 سهل جدا جدا الفراق وسهل جدا جدا الخصام00 لكن الحب الحقيقى والشخص الحقيقى

صعب ان الواحد يلاقية اليومين دول

على العموم دى حرية شخصية 00 وانا مأدرش احكم على موضوع معرفش اساسة

بس نفسى يا لماضة ان الصداقة والاحترام يدوم كما هو بينكم

بس انا عندى عتاب من غير زعل 00 كتابتك للموضوع على العام كدة غلط وفيها احراج كبير

وانا اسف لتدخلى

[لماضة مصرية جدا]

عزيزتى لماضة

متزعليش منى انا زى اخوكى الكبير

بس انا عندى احساس انك اتسرعتى شوية فى قرارك

اكيد كان فى فرصة ولو ضئيلة ان الامور تتغير00 لازم يا لماضة تعطى الناس فرصة وتنين وثلاثة

متجريش من اول خلاف 00 سهل جدا جدا الفراق وسهل جدا جدا الخصام00 لكن الحب الحقيقى والشخص الحقيقى

صعب ان الواحد يلاقية اليومين دول

على العموم دى حرية شخصية 00 وانا مأدرش احكم على موضوع معرفش اساسة

بس نفسى يا لماضة ان الصداقة والاحترام يدوم كما هو بينكم

بس انا عندى عتاب من غير زعل 00 كتابتك للموضوع على العام كدة غلط وفيها احراج كبير

وانا اسف لتدخلى

السلام عليكم و رحمة الله و بركاته

عتابك يا جانو......احيي فيه روح الاهتمام اللي ربنا يديمها بينا

و لاحترامي لشخصك الكريم....هضطر اني اعقب.....ع الرغم ان المفروض معقبش لان المفروض انه خبر و ليس توبيك...(الناس تتفاعل معاه.....مع اعتذاري و احترامي الشديد لكل من مر علي هذه المساحة)

جانو..... يوما ما ستعلم ابنتك......انها اذا لم ترتدي خاتما يلمع في اصبع يدها الشمال....(و ليس اليمين).... لا ينبغي لها ان تنتمي لاي رجل سوي والدها

اتفق معك ان التوبيك فيه احراج كبير......نعم......جدا.... جدا......جدا

و لكن

لشخص فتاة....و ليس لاي أحد........قس معي الموضوع من زاوية أخري..... ماذا لو أهلي أو من سيكون زوجي يقرأون في المنتدي....علي من يقع الاحراج عندئذ

.....لماذا يطلب من الفتاة ان تنزوي في صمت بغير ذنب....علي ان تتحمل لحظة مواجهة حتي و ان رآها البعض انها صادمة...(سيدي الفاضل....انها صادمة فقط لقصر الخيال الذي يزورنا يوما في مساحات خاصة جدا في عقولنا......و ننفس عنه بين صفحات و كلمات)

قد يختلف البعض أو يتفق ......و سنظل نتفق و نختلف.....لكن ما أؤمن به أن كل منا له.... ما يؤمن به.....وسيظل المنتدي و محاوريه من أرقي من تحاورت معهم

تقبل احترامي

[joo]

سدئينى يا لماضة انا حاسس بكل كلمة بتقوليها ومقتنع بية

واتمنى انك متكونيش بتمرى بضغوط نفسية صعبة

بتمنالك كل خير وسعادة

بس اوعى تحرمينا من كتاباتك اللى كلها شقاوة

انت عارفة انك البنبوناية بتاعة المحاورات

صديقك دوما وليس يوماِ

[Salwa]

ازيك يالماضة مصرية جميلة جدا جدااا..

ليا يومين مدخلتش ...

مش حنقول ان صعب الكلام ف الموضوع ده...لالالالا..مش حانقول كدة .

وبرضه..

مش حانزوق الكلام ونقول مكانش مفروض تقوليلنا على العلن....ليه بقى ؟؟

لأن الموضوع كان على العلن..يبقى استمراره او نهايته ..مفروض برضه يبقى فى العلن..رغم اعتراضى على تناول المواضيع الشخصية الغير محددة المعالم بهذه الطريقة ..

تعالى ندردش يالماضة وسيبك من الكلام اللى كله مواعظ ف الحالة دى بالذات ..

زمان...كانوا بيقولولنا ..ان اى اتنين بيتقابلوا بيكونوا فى الحقيقة واحد ..مقسوم نصفين ..ومن اول ما يتولدوا كل نصف يدور على النصف الباقى منه ..

واللى ربنا راضى عنه ..بيخليه يقابل النصف التانى .. .واللى ربنا عاوزه يتعلم ان الدنيا مش سهلة وفيها وفيها ..!!..بيخليه يتقابل مع نصف مختلف خالص ..

برضه..

بما اننا ..تغلغل فينا ..الحكى الفرعونى ...تلاقينا اتولدنا واحنا رومانسيين ...سيبك بقى من حكاية ان الفراعنة بس بيفكروا ف الخلود ومش عارف ايه؟؟

لالالا...فكرى ان الفراعنة تخيلوا ان حتى فيه روح ف المياه..وفى الشجر وفى الورد وف كل شئ..وكل حاجة كانت بالنسبة بعم قدرية بشكل لانتخيله احنا دلوقت ..

احنا طبعااا بنؤمن بالقدر ...بس بيتهيألنا اننا لو فكرنا بطريقة تانية ممكن نغير مصائرنا ..

والخلاصة ؟؟

قصدى ..والنتيجة ؟؟

متتعبيش قلبك...

نصيبك حايجيلك لحد عندك...ف كل شئ .

متفضليش تعاتبى نفسك...بلاش القسوة ..بلاش تقسى على نفسك ..

بلاش برضه نقول ..(( فشل المشروع لأن واحد فينا غلطان ))...لالالالالا....فشل المشروع لأنه لم يبدأ بداية صح..

والبدايات كثيرة ..

اولها ..

ممكن اقنع نفسى انى بحب الجيلاتى ...رغم انه ممكن يوجع ضروسى .. :lol:

طيب طالما عاوزة الجيلاتى ...استحمل وجع الضرس..

بس لحد امتى ؟؟

فيه كمان اختلاف ف طبائع الناس ...ومش شرط ان كل الناس اللى نكون بنرتاح لها تكون متفقة معانا ف التفكير ..

بس برضه..

مش شرط ان كل الناس اللى متفقة معانا فى التفكير ....نكون بنرتاح لها ...

ماشى يالماضة ..

لو القرار اكيد...واتخذتيه ..ببال رايق..

يبقى ..

نقلب الصفحة ..

كتاب الحياة لساااا فيه صفحات كتيرررر..

يارب تمليها افراح..

[بركة]

تعرفي يا لمضمض أنا كنت في سفر مع صديقة عزيزة عليا جدا

تعرفي بعد ما عاشرتها عن قرب في السفر ....اكتشفت

انها مختلفة تماما عن تلك التي رسمت جميع ملامح شخصيتها في خيالي

ساعات بتبقى من مصلحة العلاقات الانسانية انها تبقى في حدود

ولما بتقرب قوي بتلاقي تفاصيل ماكانش نفسك تعرفيها

طب امتى ييجي الصديق الحقيقي أو رفيق الطريق

صدقيني لما كل ما تقربي منه اكثر تحسي ان التفاصيل منسجمة معاكي

تقبلي مني اسمى مشاعر الاخوة لانك اخت كنت اتمنى ان يكون لي مثلها

بكل ما رأيته حتى الان من تفاصيل

تم تعديل 6 مارس 2010 بواسطة بركة

[Folana]

.....لماذا يطلب من الفتاة ان تنزوي في صمت بغير ذنب....علي ان تتحمل لحظة مواجهة حتي و ان رآها البعض انها صادمة...(سيدي الفاضل....انها صادمة فقط لقصر الخيال الذي يزورنا يوما في مساحات خاصة جدا في عقولنا......و ننفس عنه بين صفحات و كلمات)

قد يختلف البعض أو يتفق ......و سنظل نتفق و نختلف.....لكن ما أؤمن به أن كل منا له.... ما يؤمن به.....وسيظل المنتدي و محاوريه من أرقي من تحاورت معهم

تقبل احترامي

السلام عليكم ورحمة الله....

العزيزة لماضة.....

يحزننى ان يكون هذا الموضوع هو ما أكتب لك فيه...وأنا التى كنت أتحين الفرصة لمشاركتك خفة دمك ورشاقتك الفكرية...وتفاؤلك وإقبالك على الحياة....

ولكن حسن ظنى بالله يجعلنى أتأكد من أن هذا اللقاء آت لا ريب...وستجمعنى بك موضوعات وموضوعات باسمة وكلها تفاؤل بالحياة...

ليس لى أن أتدخل أو أقول رأى فى أى موضوع شخصى...لان كل انسان أدرى بظروفه...ولكنى وددت أن أحييك فقط على شجاعتك ومواجهة الأمر الواقع وقفل باب كان لابد من أن يغلق بصوت مرتفع كما تم فتحه بصوت مرتفع أيضا و سمعه الجميع...

قدر الله وما شاء فعل....

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.

[لماضة مصرية جدا]

السلام عليكم و رحمة الله و بركاته

جزاكم الله كل خير علي مشاركتكم و مروركم الكريم......و احساسكم الراقي

بس عندي طلبين منكن.....

والدتي علمتني حاجة لطيفة أوي.... إني لو حسيت اني هعيط......قوم ايه اضحك ع طول......و دايما تقولي الضحك يجيب فرحة....و الحزن يجيب حزن (هي المشكلة لما بعمل معاها كده الاقيها زعقت فيا...بس بعديها بتضحك و بننسي احنا زعلنا ليه)

و الحقيقة انا مقدرشي احزن....و لا اقدر اعيط...... ليه بقي

لاني كمان شوية هنزل اركب عجل......و عايزة المرة دي اسوق و انا فاردة دراعاتي في الهوا. (مش معقولة بقي امسك منديل بقي و اقعد انهنه ع البسكلتة...دي حتي تاخد ع خاطرها مني....و تخليني البس في الشجرة.....و ابقوا فكروني احكيلكم ع موضوع سواقة العجل...هتهلكوا من الضوحك... )

.....و هملا صدري هوا..... هو أينعم برد حبتين.....بس جوايا احساس حلو.....الليلة دي فيها حاجة حلوة.....مش هسأل ايه.....بس هعيش كده......و انا عاجبة نفسي كده

حبايبي المحاوراتية

طلبي بقي..........تقبلوا اعتذاري اني حرمتكم تعيشوا لحظة حلوة...في قصة حلوة.....

بس خلوني اقولكم حاجة صغنتوتة......فيه حكايات تانية كتير.....و صندوق الدنيا مليان بالحكايات....و انا هعيش حكاياتي باجمل ما فيها

طلبي التاني

من قيمة يجي نص فانية....جالي الواد بلية اللي بيحاسب ع المشاريب في منتدي قهوة كتكوت و منتدي المطاريد.....و غيره من منتديات الفضااااااااااء الانساني

و قالي ابوس ايدك اقفلي الموضوع.......احسن معلمين الشادر هيلموا الشوم و يجوا يضربوكي ما يحبوش يبقي عندهم بنت و تجعد كده وسط الردالة تقول البنت المفروض و المفروض

و قالولي انتي مش سمعتي عن قيس ابن ابو لوح...لما قعد يبصبص للبت لوليتا اللي بتسمي نفسها بعد الضهر ليلي.....ايه اللي حوصل في الاخر....اتجوزت حد غيره و هو مشي يبيع فريسكا في الصحرا

مينفعشي يا ولية.....لمي الليلة....(تصدقوا ينفع اسم توبيك نتكلم فيه ازاي تلم الليلة مع مديرك.......مع سواق التاكسي.....مع جوزك يا اسماعيل بيه........و الله فكرة)

و بناء عليه

نداااااااء عاجل........لمشرفي المنتدي

هاتولي ضرف الموضوع دهوا شمعوا عليه كمان بالشمع الاحمر....انا مش عارفة اعمل كده...معلشي أختكم من فريق نحو الأمية

مساااااااااااااااااااكم شيكولاتة سايحة...... علي بسكوتة طرية بتدوب من احساسك العالي