غالي أفضل وزير ماليه في 2009

[herohero]

جاء اختيار مجلة "THE Banker" البريطانية للدكتور يوسف بطرس غالى كأفضل وزير مالية فى أفريقيا والشرق الأوسط لعام 2009 بمثابة المفاجأة، خاصة أن غالى هو أكثر وزراء الحكومة المصرية إثارة للجدل خلال العام.

يبقى العيب فينا واحنا ظالمين الراجل ولا ايه حد يفهمني

[msayed]

إحنا طبعاً إللى مش فاهمين حاجة

حتى أوباما إللى خد جائزة نوبل للسلام

أكيد إحنا مش فاهمين برضه

[om marawan]

الراجل وظيفته يدخل فلوس للدولة زى كده الجابى بتاع زمان وهو الحقيقة بيأديها على أكمل وجه

[ريمون]

لا يخفى عليكم الازمه الماليه الطاحنه اللى مرت بالعالم السنتين اللى فاتوا دول

كل دوله ليها سياسه ماليه MONETARY POLICY يعنى سعر الفايده كام و اد ايه فلوس تطبع و اللا يستلفوا فلوس لسد الميزانيه و اللا ايه

و ده شغل وزير الماليه. فهو ليس وزير الاقتصاد او الاستثمار.

الراجل ده اتعلم و اخد الدكتوراه من احسن جامعه تقنيه فى العالم MIT , اشتغل فى مناصب دوليه كتير و حصل على جوايز متكرره لكفائته كوزير ماليه

اللى عاوز يقرأ يتفضل http://en.wikipedia.org/wiki/Youssef_Boutros_Ghali

و بعدين احنا ليه مستكترين على نفسنا ان يكون عندنا وزير واحد كويس

مش كفايه فاروق حسنى و فشله فى اليونيسكو!

[doha]

واية المشكلة لما جهة ما تعتبره افضل وزير مالية وجهات تانية متعتبروش؟

( هم) لهم ( مقاييسهم ) واجندتهم الي على اساسها بيقيموا غالي .. ( واحنا ) لنا ( مقاييسنا ) واجندتنا الي برضه على قدر التزام غالي بتحقيق مصالحنا فيها بنعطيه عليها التقييم. .

[khaleds]

وزير الماليه غير وزير الاستثمار وبعدين هيا افريقيا فيها ايه غير جنوب افريقيا

بس فى الاخر هو شىء كويس... قرات كتير ان مصر قدرت تحافظ على استقرارها فى وسط الازمه

بس فيه سؤال هل اسرائيل من الشرق الاوسط؟؟

[miramikhail]

قرات كتير ان مصر قدرت تحافظ على استقرارها فى وسط الازمه

أه ده حقيقى أحنا مصر لحد كبير جدا عدت الأزمة بأقل الأضرار وده مش كلام الحكومة ده أحساس من السوق و حركة البيع و الشراء

وكمان كلام الناس اللى عايشين برة مصر و متابعين

و أعتقد ده حاجة تحسب للوزير يوسف بطرس غالى و بعدين الظروف الأقتصادية بتاعتنا مش مسئوليته لوحده ده مسؤلية ناس كتير تانية.

يعنى يمكن ده السبب اللى علاشانة أتكرم وبالنسبة للضريبة العقارية و بالرغم من أعتراضى على طريقة حسابها بشده لأنها ساوت بين اللى عنده 10بيوت ما عدتش الواحد نص مليون وواحد حايلا عندم شقة واحدة سعرها 600ألف مثلا التانى يدفع و الأولانى لأه لكن الحقيقة أن أصحاب العشر و أثتناشر قصر حيدفعوا شواية (وعلى فكرة عيلة يوسف بطرس غالى من المضارين فى القانون ده ده على حد قولة أن والده قاله أنت عايز نخرب بيتنا)