هل يمكننا ان نتعلم .. كيف نصرخ؟

[فــيــروز]

عشت يا افيونه :blink: ده العشم بردو :blink:

انا باحاول انى افضفض معاكم عشان ماوصلش للمرحه التى احتاج فيها علاج .. لدى انطباع ان علاج الامراض النفسيه اصعب من علاج الامراض العضويه وربنا يعفو عنا جميعا

[afiona]

بعد الشر عليكى يا فيروز، مش حيحصل بإدن الله...

بس أنا زعلان إن الحالة فى مصر أصبحت بتدفع العديد من الشباب للمرحلة دى... أصل المصريين عمرهم ماكانوا مرفهين أو متدلعين عشان أقولك إنهم بسكويت، وبالأخص الطبقة المتعلمة المتوسطة دائما طبقة مكافحة وبتستحمل ، يبقى لازم فعلا الضغوط فاقت كل الحدود...

عموما لا يهمك، مسيرها تروق وتحلى.....

[فــيــروز]

افيونه بيقول

يبقى لازم فعلا الضغوط فاقت كل الحدود...

على فكره فيه نوع من الضغوط الغير مباشره التى قد لا تظهر للبعض او تجعلهم يتعجبون ان ابناء الطبقه المتوسطه رغم انهم غير مرفهين يشكون

هذا النوع من الضغط يمثل احساسك ان الجو العام مش كويس .. يعنى ممكن تبقى مستريح فى حياتك و راضى عنها تماما وتشعر انك الحمد لله على خير ما يرام لكن .. كيف يمكن ان يكون الانسان سعيدا بمفرده بينما كثيرون حوله تعساء !! على فكره دى مش محاوله لاظهار مثاليه مش موجوده لكن لو تخيلنا ان فيه رجل غنى جدا يعيش فى قصر رائع فخم فى منطقه شعبيه مثلا !! او منطقه شديدة الفقر و من فيها يعانون؟ هل يمكن ان نتصور ان هذا الانسان يستطيع ان يكون سعيد سعاده صافيه طول الوقت؟ كيف يمكن ان يستمتع ومن حوله غير قادرين على الوصول لنفس الدرجه من السعاده !! فى الغالب لو هو انسان طبيعى لن يستطيع .. ولهذا قد يرى البعض غيره فى وضع يحتم ان يكون سعيد لكنه غير سعيد .. وقد يكون السبب فى عدم السعاده هو هذا الضغط الغير مباشر :blink:

عموما لا يهمك، مسيرها تروق وتحلى.....

ان شاء الله :blink:

تم تعديل 18 مارس 2004 بواسطة فــيــروز

[MuslimaEgyptian]

الكلام اللى جاى عام ولا يخص أحد ولكن من فترة إقامتى فى الخارج إكتشفت قصور نظرتنا فى مصر تجاه الأمراض النفسية.......

أشكرك بشده لإلقاء الضوء على نقطه هامه للغايه لا زلت أتعامل معها من حين لحين بحكم دراستى وعملى، وهى قصور نظرتنا تجاه الأمراض النفسيه. فالسلام النفسى والجسدى وجهين لعمله واحده فى رأيى وأتمنى ان نصل لمرحله لا يتساوى فيها الإضطراب النفسى بالجنون. فالجنون ما هو إلا شق واحد فقط من بحر واسع يتضمن الكثير من المواضيع الهامه والتى لا تخلو النفس البشريه منها، أبسطها: ضغوط الحياه العصريه. فمن منا لم يواجه stress ما؟ او انتابه القلق بسبب أمر محير أو مرحله تنقليه بالحياه، أو تأثر لفقدان شخص عزيز، إلخ إلخ. فكلها أمورطبيعيه للغايه.

ثم إن ديننا الحمدلله والذى هو مرجعنا، أقر بهذه الضغوط النفسيه ولذا كان تطرقه للحلول ("ألا بذكر الله تطمئن القلوب" كما تقول الآيه الكريمه على سبيل المثال، والإستخاره، من ضمن حلول عده)، فلم الخجل إذن؟ ولكن الحمدلله أظن ان هذه النظره فى طريقها للتغير ان شاء الله.

هناك أدوية للإكتئاب والقلق فعالة جدا وأعتقد (بعد إدن الدكاترة) الفيصل فى إستعمالها هو إن الآلام النفسية لا تجعل الفرد قادر على العمل أو ممارسة حياته بصورة طبيعية لمدة طويلة وظهور أعراض جسمانية ليست نتيجة مرض عضوى....

الأدوية الجديدة بيقولوا إنها أحسن كتير من أدوية زمان من حيث الأعراض الجانبية...السبب فى معرفتى للحاجات دى (بخلاف إنى كنت بتسنكح ساعات فى كلية الطب) هو إن الroom mate بتاعى هنا كان تعرض لحاجة زى إكتئاب و شفى منه بعد علاجه تحت إشراف دكتور ورجع زى الفل....

عموما أنا قلت أدلى بدلوى وياريت حد من الدكاترة يصحح المعلومات لو غلط....وبعد الشر على أى حد من أى مرض....

معلوماتك صحيحه يا أخى، فالأدويه المضاده للإكتئاب اليوم أعراضها الجانبيه أفضل بكثير من الأدويه القديمه التى تضائل إستخدامها...ونتائجها فعاله كما يبلغنا مستخدميها. ولكننى بصراحه لست من أنصار اللجوء للأدويه كخيار أول، إلا إذا كنا بصدد إستثناء.. كحاله مستعصيه او حاله ثبتت الأبحاث عنها انها لا تتحسن الا بالأدويه كوسيله للعلاج.

ورأيى هذا لسببين:

أوله هو إن تقييم اى علاج يبدأ باللجوء لأقل وسيله بها ضرر او أعراض جانبيه -least restrictive intervention - والدواء بشكل عام يعتبر restrictive بسبب أعراضه الجانبيه.

ثانيا، وبترك الحالات الإستثناءيه جانبا، أؤمن - وبشده - بوجود مقومات لدينا تجعلنا قادرين على التغلب على اى شئ صعب نواجهه..ليس فقط كمسلمين وعرب، ولكن كإنسان أنعم الله عليه بالعقل والقدره على الإجتهاد لتبديل حالنا والنهضه بأنفسنا والتعامل مع مختلف الإبتلاءات، الى جانب الإثابه عليها...

فنحن بعيدين كل البعد مثلا عن الأمريكى على سبيل المثال الذى يلجأ للطبيب النفسى ويأخذ prozac للتعامل مع مشكله بالعمل....لم يمضى عليها أسبوع! أليس كذلك، فهذا ما عنيته.

عفانا الله ووقانا جميعا ان شاء الله..

وكده كنا هننسى صاحبه الموضوع :P، سلامتك من اى ضيق يا أختى العزيزه، ان شاء الله تكونى اليوم فى أحسن صحه وحال.. :lol:

[فــيــروز]

اكيد انا اليوم فى افضل حال و الحمد لله ntw:

كفايه عليا هذا الاهتمام الرائع اللى فعلا باعتبره نعمه كبيره من ربنا :lol:

وكمان الاتصالات التليفونيه من اصدقائى الاعزاء ربنا يخليهم رغم انهم فى آخر الدنيا :angry: بس كانوا من الكرم و اللطف انهم يتصلوا يسالوا عليا ربنا يكرمهم يا رب ويجازيهم عنى خير جزاء :unsure: :P

تم تعديل 21 مارس 2004 بواسطة فــيــروز

[abofasad]

الاقتراح الوحيد اللي عندي يا فيروز

انك تتجوزي وتخلفي اولاد حلوين زيك

ويقولولك النهاردة كل سنة وانت طيبة يا أحلى ماما يا ست الحبايب

ايه رأيك في الاقتراح ده

[فــيــروز]

الحقيقه الاقتراح جميل للغايه :P

وان كنت اعتقد انى انا من سياتى للاولاد بهديه كل سنه للاعتذار لهم عن ان حظهم وقعهم فى ام رؤوووووم زيى :unsure:

يا ترى الامهات بتفرح اما اولادهم يقولوا لهم كل سنه و انتى طيبه يا ماما؟ رغم انها مجرد كلمه :lol:

تم تعديل 21 مارس 2004 بواسطة فــيــروز

[ragab2]

ان الست ام فيروز امبارح كانت بتقول لبنتها الكبيره فيروز اللى هى انا : لماذا لا تاخذين الفيتامين؟

فعلا نقص الفيتامينات

يؤثر تأثيرات كثيرة على الجسم

وربما كثرة الدموع التى شكوتى منها أيضا بسبب نقص فيتامين أ والذى يؤدى نقصه الى خشونة واحتكاك الأغشية المخاطية للجسم والعين والتى قد تؤدى الى انسياب الدموع بغزارة

ولذا لابد من الاكثار من الخضراوات الطازجة والفواكه مع الوجبات أو بينها

والله أعلم

وألف سلامة

[فــيــروز]

عشت يا دكتور رجب الله يسلمك

انا باحاول آخد فيتامين كل يوم حسب التسهايل يعنى

وباحاول بردو التزم باكل السلطه عشان الخضراوات

وربنا يسهل