علل .....ليه الناس مظهرها أصبح مبهدل

[لماضة مصرية جدا]

السلام عليكم و رحمة الله و بركاته

مذاكرتي في راسي.....شاندوشتاتي في شنطتي.....و المطواة في جيبي (وش اللمبي و هو واقف مش فاهم حاجة)

س- علل.......

ج- من وجهة نظري المتواضعة:

1- طب ممكن نسال سؤال ع السؤال.....حضرتك قولتي ليه الناس منظرها متبهدل؟؟؟..... طب مش يمكن اللي جواها هو اللي متبهدل....و طلع في الشكل الخارجي؟؟

طب مش يمكن الناس دي كانت فلة شمعة منورة....بس مع زجمة الشوارع و الخنقة من التنطيط من محطة لمحطة.... انتهي بيها الحال للحضرتك شفتيه؟؟؟

طب مش يمكن الناس دي متبهدلة اوي في الدنيا.....و بتهرب للحياة....في المواصلات..... فمبقاش فارق معاها....انا اخيط الزرار و لا احط دبوس.....مبقتش فارقة؟؟؟

طب مش يمكن....و الف يمكن؟؟؟

2- اتفق مع حضرتك بحاجة مهمة جدا......عينينا اتعودت علي كده

كان فيه حد كاتب مقالة جميلة اسمها "ثقافة التعايش مع القبح".....و كان بيوصف مش بس هدوم الناس...لكن افتقادنا للحس بالجمال في حياتنا...من ساعة ما تخطي بره بيتك...و انت نازل ع السلالم

طب اقول لحضرتك علي حاجة......حد اخد باله من مخل العمارات اللي احنا عايشين فيها.....

البيت مش يعني شقتي و شقتك.....البيت يعني مدخل العمارة...اللي مافهوش زرع....يعني الشارع اللي بيبص عليه شباكي...و مليان زبالة..... (و عم جمعة بواب العمارة اللي جنبنا بيصحي الصبح بدري عشان يكنس قدام العومارة و يكوم الزبالة قدام عمارة عم اسماعيل)

طب انا من فترة عملت زيارة للجامعة....و بعدين حسيت اني نزلت الصبح بالليل... ليه بقي......انا كنت زمان اتخيل ان اي حاجة بتلمع تبقي سواريه...قووووم ايه لقيت الجامعة كلها...ترتر في ترتر

ده غير الالوان.... انا شخصيا بحب الالوان المبهجة......لكن هي البهجة زادت حبتين موسم اللبس الصيفي الصراحة

بعشق ركوب المترو و انا في القاهرة.........عارفة بعمل ايه

بعود عيني انها تلقط....تفصيلة حلوة.....غير الدبوس اللي مدلدل لسانه ع البلوزة مكان الزرار.....

لاني بهرب من مظهر مش قادرة اغيره......غير بمزيد من الايمان ان الاصل هو الجمال و ليس القبح

بس خلاص

فوتك بعافية

صبااااااااااااااحك بلوزة بالوان السما السابعة................و ضحكة ع الوش...........اصل اللي جوه بيطلع ع اللي بره

[محمد الششتاوي]

ممكن اضيف حاجة بالنسبة للوضع فى مصر

الطابع الظاهرى المنتشر للتدين - اهم اسباب المظهر المتبهدل

من لحظة ما ننزل من سلم الطيارة لغاية ما نوصل بيتنا وكل الناس متدينة وبتعرف ربنا

وواضح على ملامح وشهم وشكلهم ولبسهم انهم بتوع صلاه وبس

الناس فاهمة التدين والعلاقة بربنا انك لازم تبقي بايع الدنيا وزاهد فيها وبعيد كل البعد عن الاهتمام بالمظهر

بس داه سبب من الاسباب - لان فيه ناس زي ما قولت فى المداخلة اللى قبل دي شيك جدا ولابسين ماركة سواء الشوز او النضارة الشمسية او البنطلونات والتيشيرتات

داه غير نوع الموبايل وفى الاخر - ريحتك وحشة ؟؟؟

تحياتي للجميع

أنا موافق ان فيه ناس كتير كده

وده تأكيد على مداخلتي الاولى

لأن كتير من الملتزمين لا يشغل بالهم الجنس الاخر أو رايهم فيه ,, وبالتالي مش هايهتم بنفسه

وبشكل عام ,, ان أي انسان بيهتم بمظهره ,, بيهتم بيه حتى يرضي طرف آخر ,, وأنا رأي ان غالبا الطرف الاخر بيكون هو الجنس الاخر

الا اذا كان في شغل بيتطلب الاهتمام بالمظهر عشان يكسب ثقة العملاء ,, أو أي طرف يحب يكون رأيه فيه انه انسان نضيف

وبكل تأكيد لما مايكونش فيه طرف الانسان يشغل باله انه يرضيه مش هايهتم بشكله

ولو حد قال اني بهتم بشكلي مش عشان الناس أكيد غلطان ,, لانه بيشوف النتيجة ومش بيشوف ما أدى النتيجة

لانه بيرتاح نفسيا لما يكون حاسس ان الناس رأيهم في مظهره انه كويس

وبيعتقد انه بيهتم بشكله عشان نفسه لكن الواقع هو من اجل الاخرين اللي لما يرضيهم بيعود عليه بالرضى عن نفسه

[Morial]

طيب إيه الاولويات اللي أحنا كشعب مصري بنصرف فيها فلوسنا ؟

وياتري مظهرنا بيحتل المرتبة الكام في ليستة الاولويات دي ؟

مثلا أنا أسمع إن اللبنانيين بيخصصوا تلت دخلهم الشهري تقريبا للإهتمان بمظهرهم

ونقطة تانية حساسة شوية

معظم شعوب العالم بياخدوا شاور قبل ما ينزلوا شغلهم

فماذا عن الشعب المصري يا تر معظمهم بيعمل كدة ؟

وللا فيه ناس ممكن يكسلوا يحلقوا دقنهم بالاسبوع

بمعني المصريين مقارنة بغيرهم من الشعوب يأتون في المرتبة الكام من حيث المظهر ؟

[Morial]

عزيزتي لماضة

إسمحيلي اقولك إنك أجادتي إختيار إسمك

فأنتي بالفعل فيلسوفة لمضة

[مغتربة]

لما بشوف الافلام العربي القديمة بترحم علي الزمن ده اللي كان مٌني عيني اعيشه لما كانت الناس جميلة في كل شيء جوهرا ومظهرا

و ليه تيجى على الجرح كده يا منوله

انتى عارفه ان من امنياتى انى كنت اعيش فى الخمسينات و الستينات علشان البس من اللبس الشيك الى كان سائد فى الفتره دى

الفاستين الواسعه الى بيتلبس تحتيها جيبونات تنفشها او حتى الفساتين الى على قد الجسم كلها فساتين كانوا بيتفننوا فى تصميماتها الانثويه

بصراحه لما بشوف شياكه صباح او مريم فخر الدين او فات او شاديه بحسدهم على العصر الذهبى الى عاشوا فيه

عصر كان كل ما ينتج للمراه فيه يحاكى انوثتها و يخدمها

بس الملابس بشكل عام هى ترجمه لواقع الحياه التى تصمم فيها

فانظرى لاى حقبه زمنيه و ظروفها الثقافيه و السياسيه و ساعتها ستستطيعى بسهوله ان تعرفى ملامح تصاميم الازياء فيها

[Morial]

علي فكرة يا مغتربة بيقال ان السادات كان من اشيك رؤساء العالم وعلي الرغم من انه ماكانش وسيم الا انه كان بيهتم بمظهره جدا مقارنة برؤساء وملوك عصره

[اغابي]

أنا موافق ان فيه ناس كتير كده

وده تأكيد على مداخلتي الاولى

لأن كتير من الملتزمين لا يشغل بالهم الجنس الاخر أو رايهم فيه ,, وبالتالي مش هايهتم بنفسه

وبشكل عام ,, ان أي انسان بيهتم بمظهره ,, بيهتم بيه حتى يرضي طرف آخر ,, وأنا رأي ان غالبا الطرف الاخر بيكون هو الجنس الاخر

الا اذا كان في شغل بيتطلب الاهتمام بالمظهر عشان يكسب ثقة العملاء ,, أو أي طرف يحب يكون رأيه فيه انه انسان نضيف

وبكل تأكيد لما مايكونش فيه طرف الانسان يشغل باله انه يرضيه مش هايهتم بشكله

ولو حد قال اني بهتم بشكلي مش عشان الناس أكيد غلطان ,, لانه بيشوف النتيجة ومش بيشوف ما أدى النتيجة

لانه بيرتاح نفسيا لما يكون حاسس ان الناس رأيهم في مظهره انه كويس

وبيعتقد انه بيهتم بشكله عشان نفسه لكن الواقع هو من اجل الاخرين اللي لما يرضيهم بيعود عليه بالرضى عن نفسه

صح 100 % يا استاذي

والطريف لتاكيد كلامك

ان الزوجة لما كانت فى فترة الخطوبة وداه معروف للكل - الاناقة والشياكة والشعر المستشور لما تقابل خطيبها لكن بعد الزواج والاولاد لبس عادي - شعر عادي - لكن نقطة النضافة الشخصية دي بترجع للواحدة نفسها ممكن بتبقي بلبس البيت وعادي لكن ريحتها كويسة - وممكن بتبقي فى البيت بتستقبل جوزها وريحتها بصل وتوم وخضار وتتحجج باعذار العيال والطبخ والكلام داه - لما بيزوروهم ضيوف - بترجع الشياكة تاني فى لحظة - بعد ما يمشو الضيوف خلاص

الشياكة فى الشغل بسبب انها على الاقل الطابع الاول يدوم وتتثبت فى الوظيفة - بعدين اللبس الغير متناسق فى الالوان - الشعر مش مسشور - العيون بدون لينسز

و بنرجع للدهولة تاني

تحياتي

[اغابي]

طيب إيه الاولويات اللي أحنا كشعب مصري بنصرف فيها فلوسنا ؟

وياتري مظهرنا بيحتل المرتبة الكام في ليستة الاولويات دي ؟

مثلا أنا أسمع إن اللبنانيين بيخصصوا تلت دخلهم الشهري تقريبا للإهتمان بمظهرهم

ونقطة تانية حساسة شوية

معظم شعوب العالم بياخدوا شاور قبل ما ينزلوا شغلهم

فماذا عن الشعب المصري يا تر معظمهم بيعمل كدة ؟

وللا فيه ناس ممكن يكسلوا يحلقوا دقنهم بالاسبوع

بمعني المصريين مقارنة بغيرهم من الشعوب يأتون في المرتبة الكام من حيث المظهر ؟

حبيبتى انا عايشة هنا فى الكويت واقدر اقولك ان شركتى كلها لبنانيين

حتى المدخنين الرجالة او ستات استحالة تعرفي انهم مدخنين مفيش اى علاقة بين ريحة السجاير وريحتهم الشخصية لما يتكلموا معاكى بتبقى ريحتهم كالتالى

- مزيج من الشامبو والبلسم وجل الشعر اذا كنت انت واللبناني او اللبنانية بتحاولى تركزو فى قراية ورقة او ايميل او استعمال كمبيوتر واحد للضرورة

- مزيج من مزيل العرق والصابون فى حالة بداية الاتجاه ناحيتك لسؤوالك عن شيء ما - اى شيء مجرد انه يقرب الشخص من بعد مترين ناحيتك

- ريحة برفان غالبا باهظ الثمن عندما يشير اليك او تشير اليك بانها او بانه ذاهب بره الشركة لمشوار ما او لتوديعك اخر اليوم - ميعاد خروج الموظفين

- يوميا ملابس جديد - انيقة - مكوية طبعا - فى محلات العادية لمكواه البخار وعلى فكرة رخيصة جدا هنا فى الكويت غسيل ومكوة بخار وحتحافظ على لبسك

- نظارة شمسية ماركة عالميه - قلم ماركة - موبايل - شوز ماركة - لاب توب - مفاتيح سيارة موديل السنة

- مع كل داه مفاجأه انه ماسك او ماسكة فى ايدها سيجارة

- اللبنانين ما بيحوش - اهم حاجة اولادهم مدارس لغات وهما مدارسهم كلهم لغات ومعاهم لغات

كان معايا واحدة صاحبتى لبنانيةبجد القصة دي مش هزار - كل ماساتها فى الدنيا وحزنها انها معاها لغة انجليزية بس مش فرنسية كمان - عشان لما بيبقو مع بعض هى وصديقاتها وبيتكلموا عن المودة والشياكة ما بيحكون باللبنانية والانجليزية - بيتكلموا بالفرنسية فحاولت مع نفسها وذاكرت لغاية ما اتعلمت الفرنسية لوحدها بمجودها

لكن علشان ما نظلمش المصريين

مرتبات المصريين اقل من مرتبات اللبنانين مش اوى -

اغلب الشباب المصريين جايين بديون وبيقسطوا - المفاهيم الاساسية انه جاى الكويت يصرف على اخواته ومامته وحاجات تسمعها مالهاش اى علاقة انها تبقي مبرر لعدم النظافة انا بكلمك عن مزيل عرق وصابونة - صعب هو داه اللى حيعطلك عن انك تصرف على اخواتك - وبرضوه مش لازم تلبس غالى وتركب سيارة موديل السنة لكن النظافة الشخصية مهمة انا بتحط فى مواقف محرجة لما يدخل عندنا مهندس مصري ويبيق شيك وفعلا باين لبسه انه غالى لكن ريحته وحشة جدا - .

وعلى فكرة الفلسطينين والسوريين نفس الموضوع يدخل السوري من غير ما ايديه تبقي فيها اى سيجارة بتبقي عارفة انه بيشرب سجاير وروايح تانية كتيرررر

الفلسطينين يدخل عليكم مهندس فلسطينيى ساله مرة مدير قسم عندنا فلسطيني بهزار - ايه يا عم جاى وجايب معاك روايج جميلة wst::

راح التاني مبرر تبرير يشل - اه اصل الواحد طول اليوم فى الموقع مع العمال - راح قاله طب انت مهندس مش عامل اكيد بتهندس وبتشرف بس بلاش حجج فاضية واخدها معاه بضحك وكمان علشان الشركة عندها كل الروايح الجميله فيها ( اللبنانيين ) فاى ريحه غير كده حتتفضح - فضيحة بجلاجل - بلاش نقارن بين اللبنانيين واى مخلوق تاني فى العالم ولا حتى الاوربيين نفسهم - بلاش الموضوع داه نتكلم فيه اللبنانيين مفيش زيهم فى الاناقة والنظافة والشياكة والزوق واللغات والدلع - لكن فى الشغل مالهومش فى ضغط الشغل والاعصاب والتعب داه - ما بيحبوش كلمة تاكل لقمتك بعرق جبينك :lol:

حياتي للجميع

[joo]

بلاش انا اتكلم عن اللبس فى مصر

خلينى ساكت علشان هعك

كل اللى هأولة00000000000000000000000000 لاتعليق

[محمد الششتاوي]

حبيبتى انا عايشة هنا فى الكويت واقدر اقولك ان شركتى كلها لبنانيين

حتى المدخنين الرجالة او ستات استحالة تعرفي انهم مدخنين مفيش اى علاقة بين ريحة السجاير وريحتهم الشخصية لما يتكلموا معاكى بتبقى ريحتهم كالتالى

- مزيج من الشامبو والبلسم وجل الشعر اذا كنت انت واللبناني او اللبنانية بتحاولى تركزو فى قراية ورقة او ايميل او استعمال كمبيوتر واحد للضرورة

- مزيج من مزيل العرق والصابون فى حالة بداية الاتجاه ناحيتك لسؤوالك عن شيء ما - اى شيء مجرد انه يقرب الشخص من بعد مترين ناحيتك

- ريحة برفان غالبا باهظ الثمن عندما يشير اليك او تشير اليك بانها او بانه ذاهب بره الشركة لمشوار ما او لتوديعك اخر اليوم - ميعاد خروج الموظفين

- يوميا ملابس جديد - انيقة - مكوية طبعا - فى محلات العادية لمكواه البخار وعلى فكرة رخيصة جدا هنا فى الكويت غسيل ومكوة بخار وحتحافظ على لبسك

- نظارة شمسية ماركة عالميه - قلم ماركة - موبايل - شوز ماركة - لاب توب - مفاتيح سيارة موديل السنة

- مع كل داه مفاجأه انه ماسك او ماسكة فى ايدها سيجارة

- اللبنانين ما بيحوش - اهم حاجة اولادهم مدارس لغات وهما مدارسهم كلهم لغات ومعاهم لغات

كان معايا واحدة صاحبتى لبنانيةبجد القصة دي مش هزار - كل ماساتها فى الدنيا وحزنها انها معاها لغة انجليزية بس مش فرنسية كمان - عشان لما بيبقو مع بعض هى وصديقاتها وبيتكلموا عن المودة والشياكة ما بيحكون باللبنانية والانجليزية - بيتكلموا بالفرنسية فحاولت مع نفسها وذاكرت لغاية ما اتعلمت الفرنسية لوحدها بمجودها

لكن علشان ما نظلمش المصريين

مرتبات المصريين اقل من مرتبات اللبنانين مش اوى -

اغلب الشباب المصريين جايين بديون وبيقسطوا - المفاهيم الاساسية انه جاى الكويت يصرف على اخواته ومامته وحاجات تسمعها مالهاش اى علاقة انها تبقي مبرر لعدم النظافة انا بكلمك عن مزيل عرق وصابونة - صعب هو داه اللى حيعطلك عن انك تصرف على اخواتك - وبرضوه مش لازم تلبس غالى وتركب سيارة موديل السنة لكن النظافة الشخصية مهمة انا بتحط فى مواقف محرجة لما يدخل عندنا مهندس مصري ويبيق شيك وفعلا باين لبسه انه غالى لكن ريحته وحشة جدا - .

وعلى فكرة الفلسطينين والسوريين نفس الموضوع يدخل السوري من غير ما ايديه تبقي فيها اى سيجارة بتبقي عارفة انه بيشرب سجاير وروايح تانية كتيرررر

الفلسطينين يدخل عليكم مهندس فلسطينيى ساله مرة مدير قسم عندنا فلسطيني بهزار - ايه يا عم جاى وجايب معاك روايج جميلة :lol:

راح التاني مبرر تبرير يشل - اه اصل الواحد طول اليوم فى الموقع مع العمال - راح قاله طب انت مهندس مش عامل اكيد بتهندس وبتشرف بس بلاش حجج فاضية واخدها معاه بضحك وكمان علشان الشركة عندها كل الروايح الجميله فيها ( اللبنانيين ) فاى ريحه غير كده حتتفضح :lol: - فضيحة بجلاجل - بلاش نقارن بين اللبنانيين واى مخلوق تاني فى العالم ولا حتى الاوربيين نفسهم - بلاش الموضوع داه نتكلم فيه اللبنانيين مفيش زيهم فى الاناقة والنظافة والشياكة والزوق واللغات والدلع - لكن فى الشغل مالهومش فى ضغط الشغل والاعصاب والتعب داه - ما بيحبوش كلمة تاكل لقمتك بعرق جبينك :lol:

حياتي للجميع

حضرتك مركزة قوي على الريحة ,,, الموضوع شكله فيه عقدة ولا ايه :)

بهزر

على فكرة موضوع الريحة مشكلته الكبيرة ان محدش بيشم ريحته

لا اللي ريحته حلوة ولا اللي ريحته وحشة

واكيد ان اي انسان مايحبش نهائي ان يكون له ريحة مش كويسه

ولو عرف ان له ريحة مش كويسه اكيد هايتصرف

انا قلت موضوع التدخين مش ريحة الدخان اللي اقصدها نفسها اثناء التدخين ,, دي ريحة عادية جدا ومش منفرة الا للقليل

انما ناس كتير من اللي بيدخنوا بيدخنوا في الغرفة اللي بيحطوا فيها ملابسهم والملابس بتاخد الريحة وبتبقى لها ريحة كريهة جدا جدا,, ولكن صاحب المكان مش بيحس بيها نهائي لانه موجود في الغرفة وشامم الريحة على طول واتعود عليها ومش حاسس ان فيه ريحة اصلا

انا في السعودية وناس كتير من المصريين والفلسطنيين كدا ,, وانا اكتشفت سر الريحة دي بالصدفة

واحد اعرفه كنت دايما اشم الريحة دي ,, لكن ماكنتش بقوله عشان ماحرجوش ,, انا كنت مفكر انه محتاج ياخد شاور ولا حاجة

لكن عرفت ان دي ريحة هدومه اللي بتفضل في الدخان وتشرب ريحة الدخان ,,, مش ريحته هو ,,

ولادخان لما يقدم بتبقى ريحته مقززة

ممكن يكون لابس هدوم شيك جدا وواخد شاور قبل ما ينزل وريحة هدومه وحشة

وهو مش حاسس بريحته لانه شاممها على طول ومش حاسس بيها بالطبع ,, زي اللي بيحط بارفان وبعد كد مش بيشمه ,, فده كمان مش بيشم ريحة نفسه

واعتقد ان ناس كتير في السعودية كتير كده نظرا لانعدام تواجد الجنس الاخر

وانا لاحظت ان فيه ناس اول مابييجو من مصر بيبقى مظهرهم كويس ,, وبعد فترة بيروحوا شغلهم بجلابية مش مكوية وبشبشب

تم تعديل 6 مارس 2010 بواسطة محمد الششتاوي

[مغتربة]

وبشكل عام ,, ان أي انسان بيهتم بمظهره ,, بيهتم بيه حتى يرضي طرف آخر ,, وأنا رأي ان غالبا الطرف الاخر بيكون هو الجنس الاخر

الا اذا كان في شغل بيتطلب الاهتمام بالمظهر عشان يكسب ثقة العملاء ,, أو أي طرف يحب يكون رأيه فيه انه انسان نضيف

وبكل تأكيد لما مايكونش فيه طرف الانسان يشغل باله انه يرضيه مش هايهتم بشكله

ولو حد قال اني بهتم بشكلي مش عشان الناس أكيد غلطان ,, لانه بيشوف النتيجة ومش بيشوف ما أدى النتيجة

لانه بيرتاح نفسيا لما يكون حاسس ان الناس رأيهم في مظهره انه كويس

وبيعتقد انه بيهتم بشكله عشان نفسه لكن الواقع هو من اجل الاخرين اللي لما يرضيهم بيعود عليه بالرضى عن نفسه

لا اوافق على هذا الكلام اخى الكريم اطلاقا

اهتمام الشخص بمظهره لا يجب ان يرتبط ابدا باطراف اخرى

اهتمام الشخص بمظهره هو اول و اهم المستفيدين منه

و ثماره على رفع الحاله النفسيه للشخص و تعزيز ثقته بنفسه و تدعيم الصوره التى يتبناها لنفسه لا تعد و لا تحصى

على الاقل هذه طريقه تفكيرى

عندما اعدل من هندامى فى كل وقت و اوان ليس لجذب او لفت انتباه طرف اخر

و لكن لايمانى العميق بان هذه الهندمه هى من اقل الاستحقاقات لنفسى على

عندما تشعر بتميز ما لديك تغلفه بما يعكس قيمته

اعتقد ان هذا هو التفكير الطبيعى

لكن اى شخص يربط هندمته بطرف خارجى لمجرد التاثير فيه يكون شخص غير واثق من نفسه على الاطلاق

[مغتربة]

علي فكرة يا مغتربة بيقال ان السادات كان من اشيك رؤساء العالم وعلي الرغم من انه ماكانش وسيم الا انه كان بيهتم بمظهره جدا مقارنة برؤساء وملوك عصره

كان يملك ما هو افضل من الوسامه عزيزتى

كان يملك الكاريزما

:lol: :lol:

[محمد الششتاوي]

وبشكل عام ,, ان أي انسان بيهتم بمظهره ,, بيهتم بيه حتى يرضي طرف آخر ,, وأنا رأي ان غالبا الطرف الاخر بيكون هو الجنس الاخر

الا اذا كان في شغل بيتطلب الاهتمام بالمظهر عشان يكسب ثقة العملاء ,, أو أي طرف يحب يكون رأيه فيه انه انسان نضيف

وبكل تأكيد لما مايكونش فيه طرف الانسان يشغل باله انه يرضيه مش هايهتم بشكله

ولو حد قال اني بهتم بشكلي مش عشان الناس أكيد غلطان ,, لانه بيشوف النتيجة ومش بيشوف ما أدى النتيجة

لانه بيرتاح نفسيا لما يكون حاسس ان الناس رأيهم في مظهره انه كويس

وبيعتقد انه بيهتم بشكله عشان نفسه لكن الواقع هو من اجل الاخرين اللي لما يرضيهم بيعود عليه بالرضى عن نفسه

لا اوافق على هذا الكلام اخى الكريم اطلاقا

اهتمام الشخص بمظهره لا يجب ان يرتبط ابدا باطراف اخرى

اهتمام الشخص بمظهره هو اول و اهم المستفيدين منه

و ثماره على رفع الحاله النفسيه للشخص و تعزيز ثقته بنفسه و تدعيم الصوره التى يتبناها لنفسه لا تعد و لا تحصى

على الاقل هذه طريقه تفكيرى

عندما اعدل من هندامى فى كل وقت و اوان ليس لجذب او لفت انتباه طرف اخر

و لكن لايمانى العميق بان هذه الهندمه هى من اقل الاستحقاقات لنفسى على

عندما تشعر بتميز ما لديك تغلفه بما يعكس قيمته

اعتقد ان هذا هو التفكير الطبيعى

لكن اى شخص يربط هندمته بطرف خارجى لمجرد التاثير فيه يكون شخص غير واثق من نفسه على الاطلاق

اشكرك يا فندم على التعقيب وابداء وجهة نظرك اللي اكيد بحترمها واللي هتخليني اوضح اكتر وجهة نظري

اسمحيلي حضرتك انك بتنظري للنتيجة ولا تنظري الى ما ادى الى هذه النتيجة

كيف يمكن تقييم أي شيء اذا كان مميز او غير مميز؟؟

بكل تأكيد بالمقارنة مع الاخرين بمن حوله وفي نفس بيئته

اعتقد ان مافيش خلاف على كده ,, ( ولو فيه خلاف ياريت حضرتك توضحيهولي )

يعني ممكن انسان يعد شيك جدا ( مميز ) في وسط ما وفي وسط اخر يعد سئ جدا

والعكس صحيح

اذن التميز هو له علاقة وثيقة بالاخرين واذا لم يتواجد الاخرين فلا وجود للتميز

الشعور بالتميز ( الذي له علاقة بالاخرين) هو ما يبعث بالراحة النفسية والرضى عن النفس

وبشكل عام أي تقييم لأي شيء يجب ان يكون هناك اخرين وهناك مستوى مقارنة يتم المقارنة به لكي يتم تحديد هذا الشئ ما اذا كان مميزا او غير مميز

ومن ثم يكون رد الفعل النفسي تجاه النتيجة التي نتلاقاها بعد مقارنة لا نشغل بالنا بها نهائيا ونعتقد ان النتيجة هي نتيجة ذاتية لا تتعلق بالاخرين

اذا كان فيه تعقيب اكون شاكر

[Morial]

أنا سمعت يا جماعة من بعض السعوديين أثناء عملي هناك حكاية عن اللبنانيين ومش عارفة هل بيقولوها علي سبيل الهزار تدليلا علي اهمية الاناقة بالنسبة للبناني أم هي الحقيقة

بيقولوا ان اللبناني التعبان ماديا لما يروح يقدم علي وظيفة في الخليج ويروح يعمل الانترفيو مع الكفيل السعودي

يعدي قبلها علي اصحابه ومعارفة علشان يستلف أحلي واغلي ما عندهم لزوم الشياكة

يعني ياخد من واحد نضارته الماركة ومن واحد الشوز التحفة ومن التاني كرافت في منتهي الشياكة وهكذا

يقوم لما يتكلم مع الكفيل يكون عنده ثقة في نفسة وكمان الكفيل يلاحظ ان اللي قدامه دا واحد مش هيقبل اي مرتب

يعني واحد حاطط برفان علي الاقل بمرتب نص شهر اكيد مش هيقبل بمرتب تعبان وبالطريقة دي عرفت ليه اللبنانيين مرتباتهم هي الاعلي في الخليج علي الرغم من ان جنسيات كتير اكفأ منهم في الشغل

فكأن الكفيل ايا كان مؤسسة ام اشخاص بيعتبروا اللبنانيين ديكور المكان او برستيج المكان

[مغتربة]

وبشكل عام ,, ان أي انسان بيهتم بمظهره ,, بيهتم بيه حتى يرضي طرف آخر ,, وأنا رأي ان غالبا الطرف الاخر بيكون هو الجنس الاخر

الا اذا كان في شغل بيتطلب الاهتمام بالمظهر عشان يكسب ثقة العملاء ,, أو أي طرف يحب يكون رأيه فيه انه انسان نضيف

وبكل تأكيد لما مايكونش فيه طرف الانسان يشغل باله انه يرضيه مش هايهتم بشكله

ولو حد قال اني بهتم بشكلي مش عشان الناس أكيد غلطان ,, لانه بيشوف النتيجة ومش بيشوف ما أدى النتيجة

لانه بيرتاح نفسيا لما يكون حاسس ان الناس رأيهم في مظهره انه كويس

وبيعتقد انه بيهتم بشكله عشان نفسه لكن الواقع هو من اجل الاخرين اللي لما يرضيهم بيعود عليه بالرضى عن نفسه

لا اوافق على هذا الكلام اخى الكريم اطلاقا

اهتمام الشخص بمظهره لا يجب ان يرتبط ابدا باطراف اخرى

اهتمام الشخص بمظهره هو اول و اهم المستفيدين منه

و ثماره على رفع الحاله النفسيه للشخص و تعزيز ثقته بنفسه و تدعيم الصوره التى يتبناها لنفسه لا تعد و لا تحصى

على الاقل هذه طريقه تفكيرى

عندما اعدل من هندامى فى كل وقت و اوان ليس لجذب او لفت انتباه طرف اخر

و لكن لايمانى العميق بان هذه الهندمه هى من اقل الاستحقاقات لنفسى على

عندما تشعر بتميز ما لديك تغلفه بما يعكس قيمته

اعتقد ان هذا هو التفكير الطبيعى

لكن اى شخص يربط هندمته بطرف خارجى لمجرد التاثير فيه يكون شخص غير واثق من نفسه على الاطلاق

اشكرك يا فندم على التعقيب وابداء وجهة نظرك اللي اكيد بحترمها واللي هتخليني اوضح اكتر وجهة نظري

اسمحيلي حضرتك انك بتنظري للنتيجة ولا تنظري الى ما ادى الى هذه النتيجة

كيف يمكن تقييم أي شيء اذا كان مميز او غير مميز؟؟

بكل تأكيد بالمقارنة مع الاخرين بمن حوله وفي نفس بيئته

اعتقد ان مافيش خلاف على كده ,, ( ولو فيه خلاف ياريت حضرتك توضحيهولي )

يعني ممكن انسان يعد شيك جدا ( مميز ) في وسط ما وفي وسط اخر يعد سئ جدا

والعكس صحيح

اذن التميز هو له علاقة وثيقة بالاخرين واذا لم يتواجد الاخرين فلا وجود للتميز

الشعور بالتميز ( الذي له علاقة بالاخرين) هو ما يبعث بالراحة النفسية والرضى عن النفس

وبشكل عام أي تقييم لأي شيء يجب ان يكون هناك اخرين وهناك مستوى مقارنة يتم المقارنة به لكي يتم تحديد هذا الشئ ما اذا كان مميزا او غير مميز

ومن ثم يكون رد الفعل النفسي تجاه النتيجة التي نتلاقاها بعد مقارنة لا نشغل بالنا بها نهائيا ونعتقد ان النتيجة هي نتيجة ذاتية لا تتعلق بالاخرين

اذا كان فيه تعقيب اكون شاكر

ما قصدته بالتميز فى جملتى التى لونت منها الجمله هى النفس

اى بصورة اكثر توضيحا

اردت ان اقول ان من يشعر انه يمتلك روحا او نفسا مميزة

و التميز لا يشترط له على طول الخط التقارن بالاخرين

بل يصح الشعور بالتميز عن المضاهاه مع المواصفات القياسيه ان صح التعبير

و اذا طبقنا نظريه حضرتك ستجد ان الفرد فى هذه الحاله لا يحسن من هندامه الا فى وجود طرف خارجى عنه

اما فى حاله كونه وحيد تماما فيكون له الحق فى عدم الالتزام بهذه الهندمه

و بالتالى لن تصبح الهندمه تقديرا منه لذاته بل تودد منه للاخرين

اى انها ليست صفه اصيله فيه

و بالتالى يصبح استعماله لها نوع من انواع النفاق و ليس التعبير عن الذات

[Morial]

انا مع حضرتك يا استاذ محمد في ان استحسان الاخرين لمظهر احدهم بيدفعه للتجويد وانه يواصل الاهتمام دا

بس الكلام دا بينطبق علي الناس اللي عندهم اهتمام فطري بمظهرهم

هؤلاء بيكون استحسان الاخرين لهيئتهم بمثابة المكافأة التي تدفعهم للمحافظة علي مظهرهم وعدم اهماله تحت اي ضغوط بل وبذل المذيد من الجهد

لكن اللي من البداية لا يعنيه الامر مش فارقة معاه الناس شايفينه اذاي

تم تعديل 6 مارس 2010 بواسطة منال شوقي

[herohero]

ياجماعة احنا كمصريين مااعرفش ليه مش بنحب نمتع نفسنا ما البناني عنده ضغوط اكتر مننا ده الفلبيني بيدلع نفسه والله بجد شوفوا الفلبيني اللي بياخد مرتب كويس وقارنوا زميله المصري تلاقوه مدلع نفسه ومتشيك اما اللبناني فبصراحه بيعجبني جدا جدا

خاصه ف الخليج لانه عارف الخليج مش بلد ابداع ولا عبقريه معتمد ع الشكل مجتماعت كلها مظهرية والله العظيم البناني السعودي او الخليجي عموما بيعمل له الف حساب وهو بيقوله المرتب بيقولك مصاريفه كتير اكتر من ان البناني بيبقى مقياس لتطور اي شركة والله بيعتبر شيئ للابهة ان شكتي كلها لبنانيين هي ده نظرة صاحب العمل الخليجي

هاتوا مهندس مدني يبهدل نفسه لبناني ولا دكتور يتعب نفسه مركزين ع الحاجه اللي بتجيب فلوس كتير باقل تعب

شوفوهم ف شركات الاي تي بلا استثناء كمدراء اقليميين ف الخليج والشرق الاوسط بيبقوا لبنانيين او اردنيين والهنود الشغل المرهق هي ده التقسيمة اما المصريين فللاسف الشديد ولا محصلين حاجه بيتعبوا لكن فين التقييم وكمان احنا مش بنعرف نبروز نفسنا

يعني لما بنطلع بره او اوروبا بقى بنتفوق لان دول بيقدروا الشغل اما ف الخليج فهواه لبناني او شامي عموما وده شيئ ابصم عليه بالعشرة والعشرين

والسبب اننا اهملنا ف نفسنا بره وجوا

لكن هناك امل الاجيال الجديده بجد غير بتاعت زمان يعني فيه اهتمام وبصراحه محدش يقولي المصري بتاع السعوديه زي بتاع دبي يعني بذمة اي حد ف السعوديه بيقى لك نفس ف وسط البيئة الخنقه ده تتشيك والله الواحد بيلبس عشان يحس انه عايش

اما المصريين اللي ف دبي بيتحرجوا فلازم يظهروا بمظهر كويس لان البيئة تشجع

[عازفة العود]

أنا ليا رأي في الموصوع ده .ان عدم الأهتمام بالمظهر بالنسبة للستات في الشوارع انه بيعتبروه من أساسيات عدم لفت النظر كنوع من التدين واللي بتهتم بنفسها وبمظهرها تبقى ملفته , مع ان دينا مقلش كده . أنا عايشة بالسعودية من زمان ودرست في الجامعة وكانت الدكتورة المصرية تدخل المحاضرة علينا وهي لابسة الشبشب (دكتورة) ولابسة ثوب البيت اللي باين من تحت العباية وكنت أسمع الطالبات السعوديات وهما بيتريقوا على المصريين وطبعا الكلام ده ينطبق على المدرسات في المدرسة . مش عارفة ايه اللي حصل لمصر والمصريين في 30 سنة اللي فاتوا اتبهدلوا كده ليييييييييه . محدش يقولي الأحوال الأقتصادية لأني شايفاهم برا مصر وبرده يلبسوا أي كلام

[محمد الششتاوي]

ما قصدته بالتميز فى جملتى التى لونت منها الجمله هى النفس

اى بصورة اكثر توضيحا

اردت ان اقول ان من يشعر انه يمتلك روحا او نفسا مميزة

و التميز لا يشترط له على طول الخط التقارن بالاخرين

بل يصح الشعور بالتميز عن المضاهاه مع المواصفات القياسيه ان صح التعبير

و اذا طبقنا نظريه حضرتك ستجد ان الفرد فى هذه الحاله لا يحسن من هندامه الا فى وجود طرف خارجى عنه

اما فى حاله كونه وحيد تماما فيكون له الحق فى عدم الالتزام بهذه الهندمه

و بالتالى لن تصبح الهندمه تقديرا منه لذاته بل تودد منه للاخرين

اى انها ليست صفه اصيله فيه

و بالتالى يصبح استعماله لها نوع من انواع النفاق و ليس التعبير عن الذات

انا ماقصدش يا فندم اني اعلم على الكلمة دي عشان النقطة دي اللي برد عليها بس في مداخلتك ( كنوع من التصيد ),, انما انا شوفت ان دي الكلمة دي هي محور المداخلة بشكل عام

لا انا ماقصدش ان الواحد هايهتم بنفسه لما يكون حوله ناس ومش هايهتم بنفسه لما يكون وحيد كحق

يجوز هو تعود على شيء وبيعمله ,,

وان كان ده له نسبة وجود فعلا وفيه ناس بتتميز بالقدر اللي يكونوا متميزين عن اللي حوليهم فقط في حين انهم ممكن يتميزوا بشكل اعلى بكتير

انما المحرض دائما هو وجود اخرين ولو الاخرين مش موجودين لفترة طويلة هايقل الاهتمام

...

انما لا يعني عدم تواجد اخرين انه تم افتقاد مقارنة ومستوى للمقارنة ,, لانها موجودة في عقل الانسان وفي ذاكرته وفي خياله

سواء في عقل الشخص اللي بيهتم بنفسه او في عقل من يروه من هم مهملين تماما في شكلهم

والتميز له درجات

حضرتك قولتي ان الانسان لما بيتميز بشعر بارتياح

فمتى يشعر الانسان بالتميز؟

اذا تميز عن الاخرين

حضرتك قولتي

يصح الشعور بالتميز عن المضاهاه مع المواصفات القياسيه ان صح التعبير

ما هي المواصفات القياسية

بكل تأكيد مأخوذة من الاخرين

والسؤال الان

انسان يذهب الى العمل كل يوم وهو راضي ومرتاح لنفسه بسبب اهتمامه بمظهرهلانه اشيك من في هذا العمل

ماذا يشعر اذا خرج من هذا الشخص من بيته للعمل في مكان جديد وكان ايضا مرتاحا تماما وراضي عن نفسه في ملبسه وعندما ذهب الى المكان وجد انه ملفتا للنظر بسبب عدم اهتمامه بالقدر الكافي بمظهره

هل سيكون مرتاحا؟؟

تم تعديل 6 مارس 2010 بواسطة محمد الششتاوي

[محمد الششتاوي]

انا مع حضرتك يا استاذ محمد في ان استحسان الاخرين لمظهر احدهم بيدفعه للتجويد وانه يواصل الاهتمام دا

بس الكلام دا بينطبق علي الناس اللي عندهم اهتمام فطري بمظهرهم

هؤلاء بيكون استحسان الاخرين لهيئتهم بمثابة المكافأة التي تدفعهم للمحافظة علي مظهرهم وعدم اهماله تحت اي ضغوط بل وبذل المذيد من الجهد

لكن اللي من البداية لا يعنيه الامر مش فارقة معاه الناس شايفينه اذاي

هو يا افندم من وجهة نظري مش موضوع اهتمام فطري

هو طبيعة الشخص نفسه بما يأخذه رأي الاخرين فيه من حيز اهتماماته

ونوعية هؤلاء الاخرين

فهي طبيعة شخصية الشخص اللي بتطور وبتحتلف من وقت للتاني على حسب نوعية الاخرون الذين سيأخذون حيز من اهتماماته وبأي قدر.