علل .....ليه الناس مظهرها أصبح مبهدل

[justme]

بخصوص موضوع المظهر قديما وحديثا

خلينا نتكلم بلغة الارقام

قديما كان في الستينات المرتب مثلا خمسة جنيه

كان اللي بياخدهم بيأجر شقة وياكل ويشرب ويتفسح ويخش سينما وياكل لحمة

وكان الناس اخرها شغلانة واحدة علشان تعيش واللي بيتخرج بيروح الحكومة ويدلع يعني مفيش هم

مفيش زحمة

مفيش مشكلة الشقة

مفيش مشكلة في الجواز

وكنا مبسوطين نسبيا

دلوقتي

الخريج بياخد في الحكومة 500 جنيه وده مبيحصلش

بدلة بكام(مش اقل من المبلغ ده مرة ونص لمرتين

ايجار شقة على القد ب 400 جنيه

كهربا - ميه - تليفون

مواصلات

جواز - عيال - مدارس تعليم ...............

طب فيه اللي بياخد قد ده مرتين تلاته وبرضه مش نافع

هيصرف ليه على اللبس

انا في تقييمي الشخصي ان اي موظف حكومي او وظيفة عادية ومعندوش مصدر تاني للدخل يعتبر تحت خط الفقر

يبقى

تفتكروا ده اهتمامه هيكون بمظهره ولا بلقمته

بلاش

في ناس بتعمل كده علشان تخزي العين حد فاهم حاجة

طب اضحككم علشان تعرفوا الناس بتحسبها ازاي

اعرف واحد ظابط بالجيش مرة كنت بسأله عن موضوع الناس هنا في مصر بتمشي طافية نور العربية العادي ليه

قالي كذا سبب

المهم بالنسبة ليكم انوا النور بيحمل على الدينامو اللي بيحمل على الموتور اللي بيستهلك بنزين اكتر

شفتوا الحسبة عاملة ازاي

ده فيه واحد بيحسبها بدوسة البنزين بعض المطب علشان يستغل نزول العربية علشان يوفر بنزين

ودي ناس ساكنة في شقق تمليك ومعاها عربيات

شوفو بقى اللي بيركب الاتوبيس ولا المترو علشان يوفر كام جنيه

ولا اللي بيلف 12 ساعة ومعاه شنطه

يا جماعة معظم اللي هنا عاشوا في الخليج ووضعهم كويس

انا لن انسى يوم الكشف الطبي علشان التعيين في الحكومة او الجيش

كفاية كده لحسان اتعقدت

سلام

[Morial]

أنا ليا رأي في الموصوع ده .ان عدم الأهتمام بالمظهر بالنسبة للستات في الشوارع انه بيعتبروه من أساسيات عدم لفت النظر كنوع من التدين واللي بتهتم بنفسها وبمظهرها تبقى ملفته , مع ان دينا مقلش كده . أنا عايشة بالسعودية من زمان ودرست في الجامعة وكانت الدكتورة المصرية تدخل المحاضرة علينا وهي لابسة الشبشب (دكتورة) ولابسة ثوب البيت اللي باين من تحت العباية وكنت أسمع الطالبات السعوديات وهما بيتريقوا على المصريين وطبعا الكلام ده ينطبق على المدرسات في المدرسة . مش عارفة ايه اللي حصل لمصر والمصريين في 30 سنة اللي فاتوا اتبهدلوا كده ليييييييييه . محدش يقولي الأحوال الأقتصادية لأني شايفاهم برا مصر وبرده يلبسوا أي كلام

الكلام دا بالظبط أنا كنت عايزه اقوله

فعلا ممكن واحدة تتعمد الاهمال في مظهرها خوفا من إتهامها بمحاولة لفت الانظار ودا مش مجرد رأي لكنه تجربة شخصية

وفعلا انا مظهري بيختلف بأختلاف المجتمع اللي حواليا او بالتحديد المكان اللي انا متواجدة فيه

حتي في اوساط الرجال لو واحد مهتم بمظهره ممكن يتهموه بأنه محفلط في نفسه أو شايف نفسه

فكأن المجتمع المحيط و تدني مستوي تحضره ممكن يفرض علي الواحد الاهمال عن عمد في مظهره

[matzakos]

السلام عليكم

الموضوع ده مهم فعلاً بس لفت نظري الأخت اللي بتعمل في الكويت و شركتها كلها لبنانيين: أحب أولاً أن أوض أنه لا خلاف على شياكتهم وأناقتهم ولا يوجد أي مبرر للمصري أن يكون غير مهتم بمظهره ..... و لكن

اللبنانيين اللي بتشوفيهم حضرتك معظهم "موارنة" أي مثلهم مثل أهل الكفر الآخرين لا هم لهم إلا الدنيا بل أن أكثرهم يعتقدون أنما هي حياتهم الدنيا وأنه لا يوجد بعث بعد الممات .... إذن فهو راسخ في عقيدتهم الاستمتاع بالدنيا لأقصى حد ....

سؤال مثلاً : كيف تجدين المرأة اللبنانية في الخليج ؟ .... أرد .... قمة التبرج و السفور و الفجر أحياناً ....إلا قلة من المسلمين منهم ...أي بمعنى أصح إلا من رحم ربي.

الرجل اللبناني تلعم الكثير من الرجل الفرنسي ....يسعى حلف المرأة في كل مكان ...بل أن حياته تتمحور حول المرأة أساساً و الخيانات الزوجية منتشرة جداً بينهم .....

إذا فالقياس على اللبنانيين لا يختلف عن القياس مثلاً على الأوربيين .... كلاهما من أهل الدنيا و لا يؤمن معظهم بالآخره ...و بذلك فأنهم يرون ضرورة الاستمتاع بالدنيا لأقصى حد ممكن.

الغرب أساساً أراد أن يحول لبنان المسلم إلى بلد لا هوية له .... و قد نجح في ذلك ...بل مزق لبنان تمزيقاً .

المهم ....نعود لموضوعنا ..... عرفنا لماذا يهتم اللبنانيين بالمظهر ( لأنها حياتهم الدنيا و يجب الاستمتاع بها)

لكن نعود إلى أنفسنا ...إلى المصريين أساساً ..... هذا في الكلمة التالية إن شاء الله.

[Morial]

ممكن اضيف حاجة بالنسبة للوضع فى مصر

الطابع الظاهرى المنتشر للتدين - اهم اسباب المظهر المتبهدل

من لحظة ما ننزل من سلم الطيارة لغاية ما نوصل بيتنا وكل الناس متدينة وبتعرف ربنا

وواضح على ملامح وشهم وشكلهم ولبسهم انهم بتوع صلاه وبس

الناس فاهمة التدين والعلاقة بربنا انك لازم تبقي بايع الدنيا وزاهد فيها وبعيد كل البعد عن الاهتمام بالمظهر

بس داه سبب من الاسباب - لان فيه ناس زي ما قولت فى المداخلة اللى قبل دي شيك جدا ولابسين ماركة سواء الشوز او النضارة الشمسية او البنطلونات والتيشيرتات

داه غير نوع الموبايل وفى الاخر - ريحتك وحشة ؟؟؟

تحياتي للجميع

دا رأي بيقول أن التدين سبب في إهمال الواحد لمظهره

[Morial]

السلام عليكم

الموضوع ده مهم فعلاً بس لفت نظري الأخت اللي بتعمل في الكويت و شركتها كلها لبنانيين: أحب أولاً أن أوض أنه لا خلاف على شياكتهم وأناقتهم ولا يوجد أي مبرر للمصري أن يكون غير مهتم بمظهره ..... و لكن

اللبنانيين اللي بتشوفيهم حضرتك معظهم "موارنة" أي مثلهم مثل أهل الكفر الآخرين لا هم لهم إلا الدنيا بل أن أكثرهم يعتقدون أنما هي حياتهم الدنيا وأنه لا يوجد بعث بعد الممات .... إذن فهو راسخ في عقيدتهم الاستمتاع بالدنيا لأقصى حد ....

سؤال مثلاً : كيف تجدين المرأة اللبنانية في الخليج ؟ .... أرد .... قمة التبرج و السفور و الفجر أحياناً ....إلا قلة من المسلمين منهم ...أي بمعنى أصح إلا من رحم ربي.

الرجل اللبناني تلعم الكثير من الرجل الفرنسي ....يسعى حلف المرأة في كل مكان ...بل أن حياته تتمحور حول المرأة أساساً و الخيانات الزوجية منتشرة جداً بينهم .....

إذا فالقياس على اللبنانيين لا يختلف عن القياس مثلاً على الأوربيين .... كلاهما من أهل الدنيا و لا يؤمن معظهم بالآخره ...و بذلك فأنهم يرون ضرورة الاستمتاع بالدنيا لأقصى حد ممكن.

الغرب أساساً أراد أن يحول لبنان المسلم إلى بلد لا هوية له .... و قد نجح في ذلك ...بل مزق لبنان تمزيقاً .

المهم ....نعود لموضوعنا ..... عرفنا لماذا يهتم اللبنانيين بالمظهر ( لأنها حياتهم الدنيا و يجب الاستمتاع بها)

لكن نعود إلى أنفسنا ...إلى المصريين أساساً ..... هذا في الكلمة التالية إن شاء الله.

ودا رأي تاني بيقول أن من يهتمون بمظهرهم هم أهل دنيا وناس بايعين اخرتهم

[Morial]

النقطة دي بالتحديد هي مشكلتي والحمد لله أني مش لوحدي إللي فكرت فيها وأثارت جوايا حيرة كبيرة

إيه علاقة كون الواحد متدين من عدمه بمظهره وليه كل مشاكلنا نرميها علي الدين

إيه علاقة كون الواحد مهندم في لبسه ومظهره نضيف وشيك بكونه متدين من عدمه

ممكن أفهم

ياريت اللي فاهم يفهمني ؟

لو انا لبست كويس أبقي كدة بعت الاخرة وجريت ورا الدنيا ؟

ولو اهملت مظهري ونفسي أبقي كده أنسانه صالحة ومؤمنة وضامنة الجنة ؟

[matzakos]

المصريين :

1- المصريين داخل مصر ...يعني في بلد تعداده 84 مليون لابد أن تجد المصفوفة بمختلف مكوناتها ..... تجد من لا يهتم بمظهره و أيضاً تجد من يبالغ بالاهتمام بأناقته

و لا خلاف أن الضغوط الإقتصادية أفرزت هذا الكم الهائل من التلوث البصري و الروائح الغير مقبولة ...( على إعتبار جملة ريحتك وحشه) .... ناس نشأت في أحياء فقيره للغاية ..... ناس نشأت في عشوائيات و أعينها لم تفتح إلا على القبح .... ناس لا تملك قوت يومها ... ناس تكافح من أجل البقاء .... هل يتبقى من تفكيره - و ليس من ماله- ما يجعله يشتري زجاجة بارفان أو مزيل عرق ( هو لاقي ياكل الأول).

2- المصريين خارج مصر ..... للاسف الأعم و الأغلب منهم من ينطبق عليهم "شبعه بعد جوعه" ... ودي حقيقه و بلاش إنكار لها ....تجد دائماً تحذير عند قدومك إلى الخليج بألا تتعامل مع كل من الفلسطينيين و المصريين.....

المهم جماعة الشبعه بعد جوعه دول ...ناس لا هم لهم إلا تكديس الأموال ...بدون تفكير أنه على الأقل هيموت في النهاية ويترك كل ده ...يعني مش هيستفيد من اللي عمال يكدسه ده بأي صورة ....بس تقولوا إيه ....الإنسان جهول و ظلوم .

قلة قليلة جداً من المصريين في الخارج تلاقيهم ناس أصلهم كويس - ولاد أصول يعني- دفتعهم اسباب أو أخرى لترك مصر ..قد تكون أسباب مادية أو سياسية أو إجتماعيه .... لكن في النهاية هم ولاد أصول ...دول معظهم ريحتهم حلوه و بيلبسوا كويس لأن ده الطبيعي بتاعهم ...هما نشأوا على كده من قبل مايسافروا بره مصر أصلاً ....

إذن في النهاية ..... المسألة تعود أساساً إلى الناحية الإقتصادية ...هي علاقة طردية بين المال و بين المظهر. الفقر أفرز العديد من الطبقات اللي بيطلق عليها ناس بيئة .

[matzakos]

الأخت منال

إحنا ما بنقولش ناس بايعه آخرتها ......كل اللي بنقوله أنه لا يصح القياس على اللبنانيين.

لكن بالمناسبة ....الدين الإسلامي يحث تماماً على النظافة بل أن رسول الله صلى الله عليه و سلم علم العرب و بل العالم أجمع النظافة كيف تكون..... كان صلى الله عليه وسلم لا يشم له إلا أطيب ريح .....كانت رائحته كالمسك دائماً .... أوصى بالتزين للرجال عند كل مسجد ..... نهى من أكل البصل أو ماشابهه أن يصلي في المسجد الجامع ..... و كذلك من أكل لحم الإبل ...... علمهم قص الأظافر و نتف الإبط و قص شعر الراس و حف الشارب ..... كل هذه أمور تعد من أساسيات النظافة.

و أيضاً نهى صلى الله عليه وسلم من يفيق من النوم أن يضع يديه في الإناء إلا بعد أن يغسلهما ....علمهم كيف يغتسلون من النجاسات .... قالت عنه اليهود " لقد علمكم نبيكم كل شئ .... حتى الخراءة" - أي قضاء الحاجه .....

الدين الاسلامي يلزم المسلم بالنظافة ....ولا علاقة إطلاقاً بين التدين و بين إهمال المظهر.

[Morial]

والله كلام تمام الاسلام بيحض علي النظافة وحسن المظهر بدليل اننا نتوضأ خمس مرات في اليوم

ومش معني ان الواحد يبقي زاهد في الحياة للوصول لمراتب اسمي في طاعة الله مش معني كده انه يلبس المرقعات ويتعمد انه يظهر في اسوء صورة

إحنا ديننا جميل واي منظر قبيح بيبقي نابع من صفات شخصية

[اغابي]

أنا سمعت يا جماعة من بعض السعوديين أثناء عملي هناك حكاية عن اللبنانيين ومش عارفة هل بيقولوها علي سبيل الهزار تدليلا علي اهمية الاناقة بالنسبة للبناني أم هي الحقيقة

بيقولوا ان اللبناني التعبان ماديا لما يروح يقدم علي وظيفة في الخليج ويروح يعمل الانترفيو مع الكفيل السعودي

يعدي قبلها علي اصحابه ومعارفة علشان يستلف أحلي واغلي ما عندهم لزوم الشياكة

يعني ياخد من واحد نضارته الماركة ومن واحد الشوز التحفة ومن التاني كرافت في منتهي الشياكة وهكذا

يقوم لما يتكلم مع الكفيل يكون عنده ثقة في نفسة وكمان الكفيل يلاحظ ان اللي قدامه دا واحد مش هيقبل اي مرتب

يعني واحد حاطط برفان علي الاقل بمرتب نص شهر اكيد مش هيقبل بمرتب تعبان وبالطريقة دي عرفت ليه اللبنانيين مرتباتهم هي الاعلي في الخليج علي الرغم من ان جنسيات كتير اكفأ منهم في الشغل

فكأن الكفيل ايا كان مؤسسة ام اشخاص بيعتبروا اللبنانيين ديكور المكان او برستيج المكان

لا يا منولا ... موضوع السلف للبس استحالة تصدقيه ليه بقي

لان فى الايام العادية جدا اللبناني ممكن يشترى محفظة عجبته وداه حصل فعلا ب 80 دينار كويتي اى ( 1600 ج م ) تخيلى بقي امال لبسه حيشتريه بكام .

لبسهم لما بيرحوا مثلا اوربا او امريكا وهما اغلب اولادهم واخدين الجنسيات الاجنبية بيروح مطقم على الماشي كام طقم . ويرجع تحسبا للنترفيو

ثانيا فى الانترفيو قعلا بيبقي عنده ثقة ....واننة ....والاطة ..... ومن حقه راجل بيتكم لغتين ولبق وشيك .

ثالثا الثقة مولودة معاهم متربيين بيها - لما حصلت مشكلة فى الشركة دخل اللبناني للمدير الكويتي وقاله باسمه يا ( فلان ) مش حتى يا استاذ او اى لقب - المهم قاله انا بدي افـــل ... شركتك ما عادت تلبقلي ( معناها تليق بيا ) ومشي ... بكل بساطة وهى جملة واحدة وخلص الموضوع لكن خلى مصري يدخل يقدم استقالته ..قالوا وقولنا للصبح وداه نتيجة الطيبة الزيده اللى جوانا .

احنا كمصريين تحسي اننا خايفين من حاجة دايما او على حاجة وحاسين بنقص وما عندناش ثقة فى نفسنا وده بينطبق على تصرفاتنا اليومية . بس برضوه انا بعتبر ان اللبنانيين اوفر شوية فى الاهتمام بمظهرهم والفلوس اللى بتتصرف على الموضوع داه اكتر مما تتخيلي وداه مش ميزة - احسن حاجة الاعتدال فى كل شي لبس بسيط مع نظافة شخصية - بس خلص الموضوع

تحياتي

[اغابي]

ايوه يا استاذ محمد يمكن حضرتك بتهزر بس بجد انا مركزة اوى في الروايح لدرجة انها عملتلى عقدة ووسوسة وكمان اول ما ارجع من الشغل وادخل الشقة بيجرو اولادى يفتحو الشباك والبلكونات علشان التهوية زى ما علمتهم - ومش عارفة اقول لحضرتك اى ريحة فى المطبخ او الحمام او الصالة مش عجبانى حتلاقى الدنيا اتقلبت - وقلبت الشقة - انشالله حتى الساعة واحدة ياليل - شوفوا يا جماعة يمكن حتضحكو عليا بس بجد فى حاجة اسمها ريحة النظافة بتبقي فى الشقة الديتول بنضف بيه الحمامات والصابون السايل بنظف المطبخ والارضيات للشقة كلها فيدونى مزيج روايح كده انا بحبها اوى وكل 3 أيام الملايات واكياس المخدات تتغير واسبوعيا ستاير البيت ومفارش الانتريه والسفرة -ونصيحة للى عاوز ريحه الاكل ما تدخلش الشقة بتقفل باب المطبخ اثناء ما تطبخ وتلف شعرها بايشارب علشان ما يبقاش ريحته وحشة وكده وبتبقي لابسة جاونتى علشان ريحة ايديها من البصل وكمان ياريت يبقي فيه لبس مخصوص للمطبخ مش مريلة مطبخ وفوق كل داه مفيش مشكلة لو 10 دقايق دش على الماشي خاصة خاصة اذا كان الاكل اللى عملتيه فيه واقفة جامدة فى المطبخ ويفضل ان قبل ما جوزك يرجع البيت تكونى مجهزة الاكل ومظبطة شكلك وشعرك ولبسك

علشان ما يفتكرش انه غلط فى العنوان وراح بيت الغوريلا :)

تحياتي للجميع

[Morial]

طيب محفظة ب1600 جنية المفروض يتحط فيها كام فلوس دي علشان تبقي عملت بتمنها ؟

الحمد لله علي نعمة العقل

[اغابي]

طيب محفظة ب1600 جنية المفروض يتحط فيها كام فلوس دي علشان تبقي عملت بتمنها ؟

الحمد لله علي نعمة العقل

ممكن تلاقي مفهاش فلوس اوى ودى مفاجأه لانهم مش بيعرفوا يحوشو ويدكنوا زي المصريين السوسة :)

بس مميزات المصريين كتير

اول حاجة طيبين جدا على فكرة بجد انا بحس بكده لما اتكلم مع اى شخص جنسية تانية وبعدها اتكلم مع اى مصري تحسي الطيبة فى ملامح وشه فى ضحكته وتحسي انه يشبه ابوكى او اخوكى او حد قريبك او حاجة جواكى - استحاله الاحساس داه حتحسيه مع اى جنسية تانية وتاني حاجة من مميزات المصريين ان كلامهم مليان وحواراتهم ذكية ومثقفين لكن تتكلمى مع اى جنسية بدون استثناء صدقونى تحسي ان جواهم تافه جدا وفاضي وبيتكلموا عن حاجات احنا كمصريين اولادنا الصغيرين مش حيتكلمو فيها من تفاهتها عاوزين دليل افتحوا اى موقع خليجي وشوفوا الحوارات وموقع زى مثلا محاورات المصريين فرق شاسع فى الثقافة وثقل الافكار والاحاسيس والطابع المصري.

تالت حاجة كمان دمهم خفيف - مرة واحدة زميلتى مش مصرية قالت نكتة - اخ اخ يع ... مع ان النكتة لو قالتها مصرية صدقونى تموتو من الضحك فانا ما عجبنيش الاسلوب وهى بتقول النكتة فمضحكتش فلما خلصت قولتلها طب ممكن دقيقة اخد جنب اكركر من الضحك علشان دمك العسل ونكتتك الفظيعة دي راحت هى بقي اللى كركرت من الضحك على تعليقي وقالت والله انتم يا مصريين دمك خفيف كتيررررررر .

[عنبو]

اغابي مشاركة بتاريخ اليوم, 09:29 AM

احنا كمصريين تحسي اننا خايفين من حاجة دايما او على حاجة وحاسين بنقص وما عندناش ثقة فى نفسنا وده بينطبق على تصرفاتنا اليومية

ارجو بلاش التعميم

اعرف ناس مصريين واصلين على اعلى درجه ممكن تتخيلها ومرتباتهم مش عاليه بس لا تقدرى تقولى خياليه كمان

يا جماعه الشعوب مش بتتربى فى بيت واحد كل واحد وعلى حسب تربيته

شكراً

[اغابي]

اغابي مشاركة بتاريخ اليوم, 09:29 AM

احنا كمصريين تحسي اننا خايفين من حاجة دايما او على حاجة وحاسين بنقص وما عندناش ثقة فى نفسنا وده بينطبق على تصرفاتنا اليومية

ارجو بلاش التعميم

اعرف ناس مصريين واصلين على اعلى درجه ممكن تتخيلها ومرتباتهم مش عاليه بس لا تقدرى تقولى خياليه كمان

يا جماعه الشعوب مش بتتربى فى بيت واحد كل واحد وعلى حسب تربيته

شكراً

استاذ محمد

شكرا لردك وفعلا انا معاك برضوه بلاش التعميم لان انا شخصيا بحب المصريين جدا وبحب اولاد بلادي

بس ما تنساش يا استاذ محمد الحكومة والدولة والشارع - طلع ليهم دور كبير فى تكوين شخصيتنا واحنا مش حاسين

انا شخصيا بتعامل مع اى مصري على انه قريبي واخويا للامانة واللى يسئ له اساء ليا بجد

ومش باستحمل اى تعليقات عن مصر او المصريين غير لائقة وبتلاقيني اتعصبت علطول

لكن برضوه يا استاذ محمد الاغلبيه بقيت مدهولة اوى حتى لو زي ما بتقول مرتبة عالية وحاجات كده

تحياتي للجميع

:)

[matzakos]

طيب محفظة ب1600 جنية المفروض يتحط فيها كام فلوس دي علشان تبقي عملت بتمنها ؟

الحمد لله علي نعمة العقل

ممكن تلاقي مفهاش فلوس اوى ودى مفاجأه لانهم مش بيعرفوا يحوشو ويدكنوا زي المصريين السوسة :)

بس مميزات المصريين كتير

اول حاجة طيبين جدا على فكرة بجد انا بحس بكده لما اتكلم مع اى شخص جنسية تانية وبعدها اتكلم مع اى مصري تحسي الطيبة فى ملامح وشه فى ضحكته وتحسي انه يشبه ابوكى او اخوكى او حد قريبك او حاجة جواكى - استحاله الاحساس داه حتحسيه مع اى جنسية تانية وتاني حاجة من مميزات المصريين ان كلامهم مليان وحواراتهم ذكية ومثقفين لكن تتكلمى مع اى جنسية بدون استثناء صدقونى تحسي ان جواهم تافه جدا وفاضي وبيتكلموا عن حاجات احنا كمصريين اولادنا الصغيرين مش حيتكلمو فيها من تفاهتها عاوزين دليل افتحوا اى موقع خليجي وشوفوا الحوارات وموقع زى مثلا محاورات المصريين فرق شاسع فى الثقافة وثقل الافكار والاحاسيس والطابع المصري.

تالت حاجة كمان دمهم خفيف - مرة واحدة زميلتى مش مصرية قالت نكتة - اخ اخ يع ... مع ان النكتة لو قالتها مصرية صدقونى تموتو من الضحك فانا ما عجبنيش الاسلوب وهى بتقول النكتة فمضحكتش فلما خلصت قولتلها طب ممكن دقيقة اخد جنب اكركر من الضحك علشان دمك العسل ونكتتك الفظيعة دي راحت هى بقي اللى كركرت من الضحك على تعليقي وقالت والله انتم يا مصريين دمك خفيف كتيررررررر .

أتفق معاكي مائة في المائة ........ و الله مصر عظيمة ....منهم لله اللي شوهوا صورتها و وصلوها للي هيا فيه.

[matzakos]

تخيلوا إن الخليجيين بيتريقوا ( على قولتهم بيتمسخروا) على المصريين ..... بسبب مظهرهم و للاسف ريحتهم ...... و الله الواحد بيشعر بالأسى و الحزن لما يلاقي مصري بيتعرض لمثل هذه الإهانات.

لأ و من مين ..... من ناس أنا بأطلق على معظمهم تعبير " ناس منتفخه " ...... أيوه الخليجيين منتفخين في كل شئ أكل وشرب و مظاهر وسيارات وسفر و قصور ...... لكن عقول فارغه بمعنى الكلمة .....

أتوقع زوال النعمه عنهم قريباً .... و هي بدأت بالفعل مع الأزمة الاقتصادية ......

[محمد الششتاوي]

بس مميزات المصريين كتير

اول حاجة طيبين جدا على فكرة بجد انا بحس بكده لما اتكلم مع اى شخص جنسية تانية وبعدها اتكلم مع اى مصري تحسي الطيبة فى ملامح وشه فى ضحكته وتحسي انه يشبه ابوكى او اخوكى او حد قريبك او حاجة جواكى - استحاله الاحساس داه حتحسيه مع اى جنسية تانية وتاني حاجة من مميزات المصريين ان كلامهم مليان وحواراتهم ذكية ومثقفين لكن تتكلمى مع اى جنسية بدون استثناء صدقونى تحسي ان جواهم تافه جدا وفاضي وبيتكلموا عن حاجات احنا كمصريين اولادنا الصغيرين مش حيتكلمو فيها من تفاهتها

انا مش متفق نهائي مع الكلام ده اسمحيلي

ومش هاقدر اتكلم اكتر من كدا

اي حد في الخليج يقدر يوصف تعامل أغلب المصريين مع بعض ازاي واذا كان بيفضل التعامل مع المصريين في التعامل عن غيرهم او لا

[اغابي]

بس مميزات المصريين كتير

اول حاجة طيبين جدا على فكرة بجد انا بحس بكده لما اتكلم مع اى شخص جنسية تانية وبعدها اتكلم مع اى مصري تحسي الطيبة فى ملامح وشه فى ضحكته وتحسي انه يشبه ابوكى او اخوكى او حد قريبك او حاجة جواكى - استحاله الاحساس داه حتحسيه مع اى جنسية تانية وتاني حاجة من مميزات المصريين ان كلامهم مليان وحواراتهم ذكية ومثقفين لكن تتكلمى مع اى جنسية بدون استثناء صدقونى تحسي ان جواهم تافه جدا وفاضي وبيتكلموا عن حاجات احنا كمصريين اولادنا الصغيرين مش حيتكلمو فيها من تفاهتها

انا مش متفق نهائي مع الكلام ده اسمحيلي

ومش هاقدر اتكلم اكتر من كدا

اي حد في الخليج يقدر يوصف تعامل أغلب المصريين مع بعض ازاي واذا كان بيفضل التعامل مع المصريين في التعامل عن غيرهم او لا

معلش يا استاذ محمد

يمكن انا حظى انى اتعملت مع ناس غير مصريين بس مكارين جدا جدا وكما مع مصريين بجد كانو طيبين اوى معايا

فدا حظ انى قابلت التناقض الغريب و برضوه المصريين طيبين يعنى طيبين

هما بس شوية عصبيين - حمقيين - صوت عالى - لكن فى الاخر كله بينزل على مفيش

انت تخاف وتحرص من الكلام بليونة اوى ونعومة مكارة وبصوت هادي وفجأه يدي لمديرك حقنة تمام فيك ولكن ظاهريا بيقدم الود كله

تحياتي

[محمد الششتاوي]

معلش يا استاذ محمد

يمكن انا حظى انى اتعملت مع ناس غير مصريين بس مكارين جدا جدا وكما مع مصريين بجد كانو طيبين اوى معايا

فدا حظ انى قابلت التناقض الغريب و برضوه المصريين طيبين يعنى طيبين

هما بس شوية عصبيين - حمقيين - صوت عالى - لكن فى الاخر كله بينزل على مفيش

انت تخاف وتحرص من الكلام بليونة اوى ونعومة مكارة وبصوت هادي وفجأه يدي لمديرك حقنة تمام فيك ولكن ظاهريا بيقدم الود كله

تحياتي

زي ما حضرتك قلتي فعلا حظ

لكن للاسف واللي استغربتله فعلا ان رأيي اتفق مع معظم المصريين نفسهم اللي انا اتكلمت معهم في النقطة دي

عشان كده قولت اسالي المصريين في الخليج

ان السطر الملون ده دايما بيطلع من المصريين

والمبدأ الاساسي للتعامل هو ,, تزرعني أقلعلك

وللاسف كمان اتعرفنا بكده

مع العلم للمرة التانية ان انا مش بنقل رأيي لوحدى لكن رأي معظم المصريين اللي انا اتكلمت معاهم في النقطة دي

وخاصة لو بالمقارنة مع الجنسيات الاسيوية الموجودة في الخليج