طب ماذا تفعلوا لو كنتوا مكانى انا بقى؟؟؟؟

[fatfouta]

من حوالى اسبوع عملت موضوع اسمه بناتنا فى الخارج لانى فعلا مهتمة بالموضوع ده اليومين دول واللى فعلا ادهشتنى بعض الردود وخلتنى احتارت اكتر فقولت احيلكوا بقى وامرى لله

من تلات شهور تقريبا كنت هولد وبعدين عملنا زيارة لاختى وماتقبلتش وانا زعلت عشان كان نفسى حد يكون جمبى ساعة الولادة

جوزى لما لقانى اضايقت حاول فيها كتير بس عشان معاد ولادتى جه مع موسم الحج الموضوع بقى اصعب والناس اللى كانوا هيخلصوها قالوله استنى بعد العيد.......المهم عدى موضوع ولادتى والحمد لله وولدت بالسلامة

وددلوقتى بعد ثلاث شهور جوزى قاللى ان الراجل اللى كان هيخلصله الزيارة بتاعة اختى قاله الزيارة اتقبلت وتقدروا تجيبوها

اختى دى هتتجنن عشان تسافر وتهج برا البلد فى حين ان هى مش متزوجه وبيصعب عليا جدااااا لما اتصورها متغربة لوحدها او حتى لو معانا هنا وضيعت حقها انها تبقى ام وزوجه ومش بتبص غير للشغل وبس

المشكلة فين بقى........ان دلوقتى جوزى جايب لها شغل هنا وبيقوللى نستغل موضوع الزيارة ده واهى تيجى وتشوف البلد ولو عجبها الحال تقبل الشغل وتعمل اجراءاتها وكده

مع العلم انى لسه مقولتلهاش على موضوع الشغل لانى مش عاوزاها تعرف دلوقتى.......

اعمل ايه؟؟؟؟ هى كده ولا كده هتعمل اجراءاى الزيارة وتيجى تقعد معانا تلات شهور هنا

لو قولتلها على موضوع الشغل هى هتفرج طبعا لكن فيه نقاط كتيرة محيرانى وهى

انا نفسى ان هى تتجوز وتبقى ام احسن وتشتغل فى المكان اللى فى جوزها وولادها احسن ماتتغرب وتضيع عمرها وفجأة ماتلاقيش حد جمبها وتكبر فى السن اكتر

لو جت هنا مش هترضى تقعد معانا فى مكان واحد وهتصمم انها تكون لوحدها لانها.......لما بنكون فى مصر ونروح نزورهم انا وجوزى والولاد مش بتقابل جوزى بشعرها وبتقولى ان كده حرام........يعنى معنى كده انها لو قعدت معانا هتقعد طول النهار بالطرحة وهتبقى مكتومة وبالتالى هتطلب انها يبقى ليها مكانها لوحدها

انا هخاف عليها انها تقعد لوحدها مع العلم انها فى مصر بتشتغل فى شركة بترول وليها مركزها وطبعا بتسوق عربيتها وعايشة حياتها على عكس هنا

انا عاوزة الستات تحط نفسها مكانى وتقولى رايها.....يعنى هتنصحى اختك بايه وهى اكبر منك ولسه مش متجوزة؟؟ وهل هترضى انها تيجى وتتكتم حريتها معاكى بصفة دائمة؟؟؟ مع العلم انها حساسة بالنسبة لموضوع الجواز ولو جيت نصحتها تقوللى مانتى مش حاسه...مانتى مش حاسه......فبقوم كاتمة علطول واسكت

والرجالة يحطوا نفسهم مكان جوزى ويقولوا رايهم.......يعنى ممكن تستريح واخت مراتك قاعدة معاكوا فى البيت بصفة دائمة؟؟؟.......... برضوا مع العلم ان جوزى مرجب جدااا ومعندوش مشاكل.......بس بينى وبينكوا انا بحس انه بيعمل كده عشان مايزعلنيش لكن ممكن من جواه يكون مضايق انا مش عارفة والله

بصراحة انا مش عاوزة اظلمها معانا هنا وكمان بصراحة لو واحدة مش متجوزة انا مش هشوف فى السعودية اى مميزات ليها بل بالعكس هتقفل عليها دنيتها اكتر ماهى مقفولة

انا هفرح جداااااااااا لما اختى تبقى هنا لانى كان نفسى من زمان حد من اهلى يبقى جمبى ويخفف عننا لكن فى نفس الوقت انا مش شايفة ان السعودية فرصة كويسة لاى بنت مش متزوجة بصراحة...

اعمل ايه؟؟؟؟

[لماضة مصرية جدا]

السلام عليكم و رحمة الله و بركاته

مساحة فضفضة....... يا فتفوتة بتخلي الواحد لازم يفكر معاكي....تسمحيلي

اوقات كتير كل اللي بيحبونا بيتهيالهم ان حبهم بيديهم الحق انهم ياخدوا قرارات بالنيابة عنا.....حبهم....خوفهم علينا....حرصهم علي سعادتنا....دايما بيخليهم يستعيروا عقلنا و احيانا كتيرة يتكلموا بلساننا..

استشعر كثيرا خوفك علي اختك....ربنا يديم المودة بينكم....بس اليس من الافضل انك تطرحي عليها الموضوع بكل حيادية........ما له و ما عليه.....و اتكلمي في كل التفاصيل و متخليش حوارك معاها في اتجاه واحد....نوريلها حتي لو كنتي اختها الاصغر....كل الاختيارت....و ثقي فيها و سيبيها تختار

و تأكيد لما الواحد بيختار بإرادته...حتي لو قابلته صعوبات.... او فشل لا قدر الله بيبقي اقدر كتير انه يتعامل مع الموقف.....عن ما يكون حس انه لم يختار شيئا...

انا اللي اقدر اقولك عليه...... لازم تكلميه....لازم تحكيلها كل التفاصيل...عرض الشغل....طبعا.....لازم تقوليلها ع الوضع في السعودية....(و ان كنت موقنة انها عارفاه).....لازم تحسمي معاها موضوع السكن قبل السفر...(لو هي قررت كده...)

و كل ده يجي بعد ايه......بعد صلاة استخارة من الشخص نفسه لفترة طويلة

عارفة هي لو بتفكر في الهروب من مصر...عشان الوضع الخنيقة.....لازم تحترمي رغبتها و حقها في مجرد التفكير ان لديها بديل آخر حتي و ان لم تنفذه

اكتشفت اليويمن اللي فاتوا ان لما بيبقي قدامك اكتر من بديل بتقدري تفكري افضل....من انك تحسي انك سايقة و داخلة في حارة سد

بالنسبة لموضوع الامومة و الشغل..... يا ربي..... طب ما احنا كلنا عايزين و بندعي ربنا....بس هو مين قال ان الجواز لازم يكون في مصر.....طب مش يمكن في السفر ربنا ييسر لها بني آدم مصري غير ال80 مليون اللي في مصر (معلشي معرفش تعداد الرجالة لوحدهم)

مش يمكن لما تسافر و انتو معاها تكون فرصتها افضل تقابل مغترب من طرف زوجك مثلا...او من محل عملها......ممكن و لا مش ممكن

و حتي لو ده محصلشي...كفاية انها تحس انها موقفة حياتها.... علي تغيير خانة في البطاقة....

و الله يا فوتي فوتي

صلاة الاستخارة بنفس راضية بتدل الواحد و بتفتحله بصيرته

و ربنا يكرمها يا رب مننين ما تكون...مع اني مخمنة اختيارها ع فكرة

==========================

مش عارفة ايه حكاية نحط نفسنا مكان الرجالة......و نجاوب......ايه التمييز اللي ماشي في المنتدي اليومين دول...

مينفعشي اختك تعيش معاكي حضرتك.........جوزك هيبقي متكتف و هي هتبقي متكتفتين (دي مثني متكتفة).....يا ولية حرام عليكي مش كفاية خنقة السعودية

الحل بسيط

ان يكون ليها سكن مستقل بس في نفس البيت اللي اللي انتي ساكنة فيه.....ينفع؟؟؟؟

و ده كان رايي

كان معكم مراسل قطاع الاخبار

سيد ابو صفيحة

[om marawan]

والله ياتوتة الموضوع محير

انا صحيح ضد سفر البنت لوحدها لكن لو هى هتبقا فى ونسك ممكن نفكر بس ده حسب ظروف تانية

يعنى هى فى مصر موجودة مع مين

شغلها شكله ايه والشغل عندكم شكله ايه يعنى عدد الساعات ونوع الشغل وكده

لكن اعتقد انه صعب تفضل معاكم طول الوقت ممكن اول شهر بس مثلا على اساس انها واحشاكى وكده وبعدها تقدروا ممكن تستمروا او لاء لكن لو هتقعد لوحدها اعتقد صعب تاخد شقة لوحدها خالص خصوصا فى السعودية

بصى توكلى على الله وصلى استخارة وخليكى موقنة انه لو خير هيكمل ولو شر هتلاقى وقف غصب عنكم كمان والله

[رضوي]

السلام عليكم ورحمة الله وبركاته

أختي العزيزة

من وجهة نظري المتواضعة جداً

طالما ان أختك في وضع محترم في مصر وبتشتغل شغل كويس يبقي لا داعي للغربة

سواء في السعودية أو أي بلد تانية

اعتقد ان وجودها في مصر افضل بكثير

دي مجرد وجهه نظر ...................... ربما تكون خاطئة

تحياتي

[ترنيم]

السلام عليكم ورحمة الله

حبيبتى فتفوتة جميل اوى ان الواحد يلاقى حد من اهله جنبه هنا فى الغربة والله بقى لو الحد دا هو اخته او اخوه

لكن لو تفكرى فى الموضوع تلاقيه مش مريح من جميع الجهات (ودا رأىى الشخصى )

حبيبتى اولا رأى الشرع والدين فى سفر المرأة وحدها بدون محرم

تانيا ما دامت حبيبتى لها شغلها المحترم فى مصر وربنا الحمد لله كارمها فليه البهدلة دى ملهاش اى لزوم وانتى عارفة وشايفة الظروف هنا عاملة ازاى

طبعا هى عازية تطفش من مصر زى ما كل المصريين عايزين لكن هى لو جت وجربت هنا هتقول بلدى وان جارت على عزيزة واحنا هنا اهه ومجربين .سبحان الله الناس هنا مستحملين الغربة وهم مع ازواجهم واولادهم بالعافية عشان اكل عيشهم لكن هى ما فى اى لزوم لكده

زى ما لماضة قالت لازم تكلميها وتخليها تستخير بس انا رايي لما تيجيلك الزيارة وتشوف بعينيها انها ماهتقدر تتحرك من البيت ولا تسوق عربيتها وتروح حتة عايزاها ....خليها تجرب عشان تحس دا بنفسها لان اللى بيسمع غير اللى بيجرب بنفسه

بالنسبة لقعدتها معاكم فى البيت فعلا الموضوع هيكون صعب لو قررت انها تقيم عندكم للشغل لان لا هى ولا زوجك هيكونوا مرتاحين الا لو ظروف شغل جوزك بتخليه فى الشغل فترات طويلة عموما بردوا جربوا لما تيجى الزيارة هيكون الوضع ازاى

فى حاجة كمان بس هبعتهالك على الخاص اوكى

طبعا قبل اى اى اى تصرف لازم تستخير كتييييييييييييييير جدا

وعموما فرصة الشغل اللى زوجك جايبها دى لو هى مصرة على السفر برا تبقى احسن لها من اى فرصة تانية كفاية انها تكون معاكى فى الحتة اللى انتى فيها

يارب ييسر لها الخير حيث كان يارب

[myusername]

السلام عليكم...

حضرتك بتقولى ان اختك هتتجنن و تطلع برة البلد...

بالرغم من معارضتى لفكرة سفر البنت لوحدها.. و لكن اسمحيلى ان اتحدث عن تلك النقطة..

انا شخصيا مررت بتلك الحالة.. الرغبة فى الخروج من البلد بأى تمن.. شعور مقيت و مرعب... و قد يجعلنا نصل الى مرحلة الانهيار.. و مهما كان المستوى المادى و الاقتصادى للشخص.. و مدى امكانياته.. الا ان الاحساس بالرغبة فى الخروج من البلد هو احساس فعلا فظيع.. الله لا يوريكى..

كان حلم حياتى السفر الى الولايات المتحدة الامريكية... و لكن لم اوفق فى السفر عدة مرات..

دخلت فى حالة اكتئاب غير عادية.. اردت ان اخرج من تلك البلد بأى ثمن كان.. و ان اذهب الى اى مكان حتى و لو كان الصومال!

نصحنى احد اصدقائى بالذهاب الى اوروبا.. حيث لم افكر ابدا فى الذهاب الى هناك من قبل.. ثم تقدمت للحصول على التأشيرة.. و وفقنى الله ان حصلت عليها..

بمجرد ان حصلت على التأشيرة.. و احسست بأنى لدى القدرة على الخروج من البلد كأى شخص عادى.. قررت انى لن اسافر.. فكما قالت لماضة, وجود اختيارات يجعلنا نفكر بوضوح اكثر

غيرت رأيى لخوفى من عدم الحصول على التأشيرة مرة أخرى... و لكن مجرد احساسى بأنى استطيع ان اخرج من مصر فى أى وقت أريد.. جعلنى اشعر بتحسن غير عادى.. و جعلنى انظر للامور بطريقة اخرى..

ربما كل ما تريده اختك هو فقط احساسها بأنها تستطيع اختيار ما تريده بنفسها.. انصحك بشدة ان تتركيها تختار.. و ان تتحمل نتيجة اختياراتها... لان فعلا الشعور بالخنقة من البلد هو شعور لا يعلمه الا الله.. و اللى جربه.

لكى منى كل التحية و التقدير.

========================

بالنسبة للقعاد معاكم فى البيت.. لا احبذ هذا مطلقا...

تم تعديل 6 مارس 2010 بواسطة myusername

[mama nona]

انا من رأيى ولا كأن الزيارة دى اتعملت

ولا حتى تقولى لها عليها

وخليها فحياتها ف مصر كما هى

لانها هتيجى وهتنبهر بالعيشة النضيفة والبلد النضيفة والنظام

ومش هتحب ترجع مصر تانى رغبة منها انها تجرب الشغل بره

اكيد هى مش هتعرف تعيش معاكى فترة طويلة فبيت واحد

ولا زوجك هيستحمل الوضع ده كتير حتى لو علشان خاطرميزعلكيش

ولا انتى نفسك هتقدرى تقعدى فبيت بحريتك

[اغابي]

هاتيها يا حبيبتى

وربنا حيوفقها فى الشغل و العريس وبرضوه تفضل جنبك وتخففوا الغربة مع بعض وتقلوا ببعض

انا راي فرصة ممتازة اولا هى مع اختها وجوز اختها

ثانيا الشغل وهى حابة كده

ثالثا فرص اكبر فى انها تتجوز نتيجة انها فى محيط الشغل حتتعرف بالناس وكده

رابعا تمنياتي بالتوفيق

[se_ Elsyed]

من الأخر كده

السفر مش فُسحه ولا تغيير جو بدون هدف ...

وبما إنها مش محتاجه لا مركز ولا ماده .. يبقى تخليها في مصر أفضل ..

تيجوا تزوركم فترة قصيرة أهلاٍ وسهلاً ..

غير كده لا هي هاترتاح ولا زوج حضرتك هايرتاح لو القعده طولت وهاتبقى تحركاته وتحركاتها محسوبة ...

وإذا كانت هي من العائلة وده شيء طيب من ناحية صلة الرحم ... لكن أي رجل مش هايبقى مبسوط ...

يا ستي دي لما بتكون الشغالة في البيت الواحد بتبقى إقامته محدودة وتحت الحصار ومش عارف حتى يدخل المطبخ يشرب ميه وأهي بتيجي لفترة معينه ...

ما بالك باختك اللي واخده على جو مصر الصحي المنفتح والحُرية اللي بيحس بيها كل واحد في مصر وتاخد عربيتها في أي وقت تمشي بس في الشوارع تشم هوا وتشرب عصير من عند فرغلي أو تحود على أي مقله تشتري بربع جنيه لب سوبر ...

عارفه الظلمات اللي من داخل ظلمات ؟

أهي هنا هاتبقى كده ..

يعني السعودية كلها مغلقة ... فهاتبقى هي في بيت مغلق داخل بيئة مغلقة من جوا بيت مغلق ... فممكن تعمل في نفسها حاجه

وإذا قلنا إنك بتستحملي الجو ده عشان زوجك وأودلاك ... فهي ذنبها إيه تتقيد حريتها بره وجوه ؟

الله يكرمك ما تجنيش عليها وسيبيها في مصر أحسن ما تيجي هنا وتستقر وتسيب الفرصة اللي صعب تعوضها في مصر وترجع تقول لك إنتي السبب أنا لا طولت سما ولا أرض وولا يوم من ايامك يا مصر .

ثالثا فرص اكبر فى انها تتجوز نتيجة انها فى محيط الشغل حتتعرف بالناس وكده

يا مدام أجابي .. أجابتك غلط

إنتي ما تعرفيش السعودية .....

دي هايتفرض عليها تغطي وشها ليل نهار في الشغل وبرا الشغل ... يعني لا حد هايشوفها ولا هاتشوف حد ... يبقى فرصة إيه بقى ؟

أيوه الجواز قسمه ونصيب ما قولناش حاجه ولو حتى الواحده مغطية وشها بخشب نصيبها مكتوب لها ..

لكن ليه ؟

هي مش مضطرة لذلك ... يعني لا محتاجه ولا مضطره

[الباشمهندس ياسر]

انا من رأيى ولا كأن الزيارة دى اتعملت

ولا حتى تقولى لها عليها

وخليها فحياتها ف مصر كما هى

لانها هتيجى وهتنبهر بالعيشة النضيفة والبلد النضيفة والنظام

ومش هتحب ترجع مصر تانى رغبة منها انها تجرب الشغل بره

اكيد هى مش هتعرف تعيش معاكى فترة طويلة فبيت واحد

ولا زوجك هيستحمل الوضع ده كتير حتى لو علشان خاطرميزعلكيش

ولا انتى نفسك هتقدرى تقعدى فبيت بحريتك

السلامة أولي

بدل ما يجي يوم و تندمي انك كنت الباب اللي عدت منه

[عنبو]

انا من رأيى ولا كأن الزيارة دى اتعملت

ولا حتى تقولى لها عليها

وخليها فحياتها ف مصر كما هى

لانها هتيجى وهتنبهر بالعيشة النضيفة والبلد النضيفة والنظام

ومش هتحب ترجع مصر تانى رغبة منها انها تجرب الشغل بره

اكيد هى مش هتعرف تعيش معاكى فترة طويلة فبيت واحد

ولا زوجك هيستحمل الوضع ده كتير حتى لو علشان خاطرميزعلكيش

ولا انتى نفسك هتقدرى تقعدى فبيت بحريتك

هو الكلام ده فين ؟؟

انا رأى من رأى سين سين للاسباب اللى قالها صعب قوى اختك تتأقلم على العيشه هنا بدون ما يكون معها زوجها

الحياه هنا بلاستيكيه مطاطيه

شكراً

[mama nona]

ايه يا عنبى

هو انت فجدة بتلاقى الزوباااااااالة اكوام اكوام فالشوارع ولا ايه ؟؟؟

ولا اشارات المرور بدلوها بعسكرى المفروض كان طلع معاش من سنين ؟؟

[rewsha]

فتفوته ....انا عارفه ان انت نفسك اختك تكون جنبك في السعوديه واهو تاخدوا ونس بعض

وكلنا نفسنا ان يكون لنا اهل واقارب يخففوا عنا الغربه

وطبعا ده اللي مفرحك انك تجيبي اختك زياره .لكن

بصراحه انا واحده من الناس ما استحملتش غير 6 شهور غربه بس ....رغم اني قبل ما اسافر من مصر كان نفسي في العيشه النظيفه والحياه الكريمه اللي مامانونه بتقول عليها

وكنت واخده موضوع السفر ده للتغيير وبس لاْني كنت عايشه كويس في مصر قبل السفر ...لكن لما سافرت ندمت بصراحه

وزي ما سي السيد قال (ايه الهدف بالنسبه لاْختك من السفر) التغيير ؟؟؟؟؟؟؟؟........

فطالما هيه لها شغلها وحياتها ومش محتاجه السفر في حاجه يبقى بلاش

انت ممكن تخليها تيجي تقضي فترة الزياره عندك عادي وتشوف البلد وتعمل لها عمره .وماتجيبلهاش سيره خالص عن موضوع الشغل ده

اكيد انت مش محتاجه اني اقول لك عيشيتها هاتبقى ازاي وهيه لوحده في السعوديه ...يعني مش هاتعرف تتحرك براحتها وتروح وتيجي زي ما كانت بتعمل في مصر

فممكن تتبسط هيه شويه في الاول .لكن بعد كده هاتندم تاني بعد ماتكون فقدت شغلها في مصر

نصيحه اخيره (ماتجيبلهاش سيره عن موضوع الشغل خالص)سيبيها تغير جو تقعد معاكي شويه وخلاص

[engmido]

انا من رأيى ولا كأن الزيارة دى اتعملت

ولا حتى تقولى لها عليها

وخليها فحياتها ف مصر كما هى

لانها هتيجى وهتنبهر بالعيشة النضيفة والبلد النضيفة والنظام

ومش هتحب ترجع مصر تانى رغبة منها انها تجرب الشغل بره

اكيد هى مش هتعرف تعيش معاكى فترة طويلة فبيت واحد

ولا زوجك هيستحمل الوضع ده كتير حتى لو علشان خاطرميزعلكيش

ولا انتى نفسك هتقدرى تقعدى فبيت بحريتك

السلامة أولي

بدل ما يجي يوم و تندمي انك كنت الباب اللي عدت منه

اتفق تماما مع المهندس ياسر

ومفيش داعى للاحراج .....ولا لفتح ابواب يستحيل سدها

وان كان ولا بد من هذه الزيارة....فاهلا وسهلا لمدة شهر واللا اتنين نشوف بعضنا و نعمل عمرة وشكرااا

لانه من المؤكد انه لن يرتاح احد مع الاخر بعد هذه الفترة وسيكون هناك نوع من الضيق

لان كما تفضلتى وقلتى ان كلا من الزوج والاخت لن يستطيع ان يعيش على راحته

وآسف للاطالة ( اعتقد ان كلامى مفهوم وبارك الله فيكم وعليكم)

[Morial]

فتفوته يا حبيبتي انت بتقولي السعودية مش فرصة لأي بنت مش متجوزة

وأنا بقولك ان السعودية مش فرصة لأي حد

ايه فايدة اني اعبي فلوس وانا عايشة مدفونه بالحيا

السعودية ممكن تكون مفيدة كمرحلة في حياة البني ادم انما مع الاسف فيه ناس بتعتبرها حياته الابدية وبصراحة الله يعينهم علي انفسهم

يعني اللي يروح السعودية ده حد عليه اقساط وعايز يخلص منها بسرعة

حد عنده حلم محتاج شوية فلوس علشان يحققه

وتو ما حققه خلاص المفروض يرجع لنفسه للشخص اللي كان عليه قبل مايسافر يعني يمارس حياته بشكل طبيعي

انما مش تبقي حياته عباره عن شغل وتكنيز فلوس وكأنه ريبوت معندوش روح لأن الحياة في السعودية فيها فلوس ورفاهية لكنها بدون روح

حياة بدون حياة

وانا قريت في موضوعك ان اختك ماشاء الله ربنا موسع عليها

يعني بتشتغل في قطاع يعتبر من اعلي القطاعات راتبا

اللهم لاحسد يعني

وماشاء الله راكبه عربية يعني مش بتعاني في المواصلات ولا حاجة واكيد طالما عندها عربية تبقي عندها شقة او تقدر تشتري شقة بأختصار هي واحدة مش محتاجة ماديا ولانقارن حالها بحال اللي ساكن قانون جديد ونفسه في شقة تمليك مثلا

كده وصلنا لنقطة مهمة وهي انها الحمد لله معندهاش اللي أمر منه

يبقي ايه اللي يرميها علي المر طالما ان اللي امر منه مش موجود

ايه اللي يجبرها تعيش مخنوقة مع جوز اختها ومتبقاش براحتها ومتكتفة

وايه اللي يجبرها تعيش في بلد كلها كبت اصلا

وايه اللي يجبرها تضيع عمرها ومتبنيش اسرة

وبعدين إذاي تعيش في السعودية لوحدها دا علي اعتبار انها هتطلب تستقل بحياتها

وأكيد أنتي عارفة ان ده مينفعش في السعودية

تم تعديل 6 مارس 2010 بواسطة منال شوقي

[Alrefaey]

هاتيها يافتفوتة زيارة لمدة شهر تشوف البلد وتعمل عمرة وتغير جو وتقارن بنفسها

دورك تقديم النصيحة وتوعيتها وإتاحة الفرصة (من وجهة نظر اختك ) لها

لا تتحدثى معها عن شغل هنا الان الا بعد ماتيجى وتعرفى انطابعها عن البلد

لاتدرى انتى ولا هى اين الخير لها قد يكون هنا وقد لايكون

[fatfouta]

والله ياتوتة الموضوع محير

انا صحيح ضد سفر البنت لوحدها لكن لو هى هتبقا فى ونسك ممكن نفكر بس ده حسب ظروف تانية

يعنى هى فى مصر موجودة مع مين

شغلها شكله ايه والشغل عندكم شكله ايه يعنى عدد الساعات ونوع الشغل وكده

لكن اعتقد انه صعب تفضل معاكم طول الوقت ممكن اول شهر بس مثلا على اساس انها واحشاكى وكده وبعدها تقدروا ممكن تستمروا او لاء لكن لو هتقعد لوحدها اعتقد صعب تاخد شقة لوحدها خالص خصوصا فى السعودية

بصى توكلى على الله وصلى استخارة وخليكى موقنة انه لو خير هيكمل ولو شر هتلاقى وقف غصب عنكم كمان والله

يا حبيبتى هى فى مصر قاعدة فى بيت ابوها مع اختى اللى هى اصغر واحدة.....عشان امى وابويا متوفيين

يعنى مالهاش حد هناك بما ان اخويا كمان عايش فى اسبانيا

بس المشكلة بقى كمان الاكبرفى اختى الصغيرة لانها بتدعى لها دايما انها تعقل عشان يفضلوا قاعدين مع بعض لكن الكبيرة بتدور على شغل برا باى حال

[fatfouta]

السلام عليكم و رحمة الله و بركاته

مساحة فضفضة....... يا فتفوتة بتخلي الواحد لازم يفكر معاكي....تسمحيلي

اوقات كتير كل اللي بيحبونا بيتهيالهم ان حبهم بيديهم الحق انهم ياخدوا قرارات بالنيابة عنا.....حبهم....خوفهم علينا....حرصهم علي سعادتنا....دايما بيخليهم يستعيروا عقلنا و احيانا كتيرة يتكلموا بلساننا..

استشعر كثيرا خوفك علي اختك....ربنا يديم المودة بينكم....بس اليس من الافضل انك تطرحي عليها الموضوع بكل حيادية........ما له و ما عليه.....و اتكلمي في كل التفاصيل و متخليش حوارك معاها في اتجاه واحد....نوريلها حتي لو كنتي اختها الاصغر....كل الاختيارت....و ثقي فيها و سيبيها تختار

و تأكيد لما الواحد بيختار بإرادته...حتي لو قابلته صعوبات.... او فشل لا قدر الله بيبقي اقدر كتير انه يتعامل مع الموقف.....عن ما يكون حس انه لم يختار شيئا...

انا اللي اقدر اقولك عليه...... لازم تكلميه....لازم تحكيلها كل التفاصيل...عرض الشغل....طبعا.....لازم تقوليلها ع الوضع في السعودية....(و ان كنت موقنة انها عارفاه).....لازم تحسمي معاها موضوع السكن قبل السفر...(لو هي قررت كده...)

و كل ده يجي بعد ايه......بعد صلاة استخارة من الشخص نفسه لفترة طويلة

عارفة هي لو بتفكر في الهروب من مصر...عشان الوضع الخنيقة.....لازم تحترمي رغبتها و حقها في مجرد التفكير ان لديها بديل آخر حتي و ان لم تنفذه

اكتشفت اليويمن اللي فاتوا ان لما بيبقي قدامك اكتر من بديل بتقدري تفكري افضل....من انك تحسي انك سايقة و داخلة في حارة سد

بالنسبة لموضوع الامومة و الشغل..... يا ربي..... طب ما احنا كلنا عايزين و بندعي ربنا....بس هو مين قال ان الجواز لازم يكون في مصر.....طب مش يمكن في السفر ربنا ييسر لها بني آدم مصري غير ال80 مليون اللي في مصر (معلشي معرفش تعداد الرجالة لوحدهم)

مش يمكن لما تسافر و انتو معاها تكون فرصتها افضل تقابل مغترب من طرف زوجك مثلا...او من محل عملها......ممكن و لا مش ممكن

و حتي لو ده محصلشي...كفاية انها تحس انها موقفة حياتها.... علي تغيير خانة في البطاقة....

و الله يا فوتي فوتي

صلاة الاستخارة بنفس راضية بتدل الواحد و بتفتحله بصيرته

و ربنا يكرمها يا رب مننين ما تكون...مع اني مخمنة اختيارها ع فكرة

==========================

مش عارفة ايه حكاية نحط نفسنا مكان الرجالة......و نجاوب......ايه التمييز اللي ماشي في المنتدي اليومين دول... :happy:

مينفعشي اختك تعيش معاكي حضرتك.........جوزك هيبقي متكتف و هي هتبقي متكتفتين (دي مثني متكتفة).....يا ولية حرام عليكي مش كفاية خنقة السعودية

الحل بسيط

ان يكون ليها سكن مستقل بس في نفس البيت اللي اللي انتي ساكنة فيه.....ينفع؟؟؟؟

و ده كان رايي

كان معكم مراسل قطاع الاخبار

سيد ابو صفيحة

عارفة يا لماضة انى لو عرضت عليها موضوع انها تسكن لوحدها ده هى اول واحدة هتقول........اختى اتخلت عنى وسابتنىلوحدى وانا اللى رايحة اتحامى فيها

انا بقول كده وانا متاكدة من اللى هى هتقوله والله العظيم

[fatfouta]

السلام عليكم...

حضرتك بتقولى ان اختك هتتجنن و تطلع برة البلد...

بالرغم من معارضتى لفكرة سفر البنت لوحدها.. و لكن اسمحيلى ان اتحدث عن تلك النقطة..

انا شخصيا مررت بتلك الحالة.. الرغبة فى الخروج من البلد بأى تمن.. شعور مقيت و مرعب... و قد يجعلنا نصل الى مرحلة الانهيار.. و مهما كان المستوى المادى و الاقتصادى للشخص.. و مدى امكانياته.. الا ان الاحساس بالرغبة فى الخروج من البلد هو احساس فعلا فظيع.. الله لا يوريكى..

كان حلم حياتى السفر الى الولايات المتحدة الامريكية... و لكن لم اوفق فى السفر عدة مرات..

دخلت فى حالة اكتئاب غير عادية.. اردت ان اخرج من تلك البلد بأى ثمن كان.. و ان اذهب الى اى مكان حتى و لو كان الصومال!

نصحنى احد اصدقائى بالذهاب الى اوروبا.. حيث لم افكر ابدا فى الذهاب الى هناك من قبل.. ثم تقدمت للحصول على التأشيرة.. و وفقنى الله ان حصلت عليها..

بمجرد ان حصلت على التأشيرة.. و احسست بأنى لدى القدرة على الخروج من البلد كأى شخص عادى.. قررت انى لن اسافر.. فكما قالت لماضة, وجود اختيارات يجعلنا نفكر بوضوح اكثر

غيرت رأيى لخوفى من عدم الحصول على التأشيرة مرة أخرى... و لكن مجرد احساسى بأنى استطيع ان اخرج من مصر فى أى وقت أريد.. جعلنى اشعر بتحسن غير عادى.. و جعلنى انظر للامور بطريقة اخرى..

ربما كل ما تريده اختك هو فقط احساسها بأنها تستطيع اختيار ما تريده بنفسها.. انصحك بشدة ان تتركيها تختار.. و ان تتحمل نتيجة اختياراتها... لان فعلا الشعور بالخنقة من البلد هو شعور لا يعلمه الا الله.. و اللى جربه.

لكى منى كل التحية و التقدير.

========================

بالنسبة للقعاد معاكم فى البيت.. لا احبذ هذا مطلقا...

يوزر.......... انت بتتكلم من وجهة نظر رجل انما هى بنت وفيه تحقظات كتير على موضوع سفرها سواء معانا هنا ولا فى مكان تانى مهما كبرت فى السن

وكمان مهما كبرت فى السن وبقت لوحدها الطمع بيزيد فيها والناس مش هتبصلها بطريقة كويسة......اظن فاهمنى

موضوع الاختيار ده فهى عندها حرية الاختيار الكاملة وماحدش هيقولها ماتسافريش

بس انا كنت بقول طالما هى عاوزة تسافر يبقى معايا انا احسن بدل ماتبقى بعيدة فى مكان لوحدها والواحد مايضمنش وطبعا هنبقى قلقانين عليها

طبعا عندك حق جوزى عمره ماهيبقى مستريح حتى لو بين لنا ده وانا عارفة كده

[fatfouta]

انا من رأيى ولا كأن الزيارة دى اتعملت

ولا حتى تقولى لها عليها

وخليها فحياتها ف مصر كما هى

لانها هتيجى وهتنبهر بالعيشة النضيفة والبلد النضيفة والنظام

ومش هتحب ترجع مصر تانى رغبة منها انها تجرب الشغل بره

اكيد هى مش هتعرف تعيش معاكى فترة طويلة فبيت واحد

ولا زوجك هيستحمل الوضع ده كتير حتى لو علشان خاطرميزعلكيش

ولا انتى نفسك هتقدرى تقعدى فبيت بحريتك

ماينفعش خلاص يا حبيبتى احنا خلاص قولنالها على الزيارة

لكن الشغل لسه وانا بفكر فعلا مقولهاش عالشغل ده خاااااااالص