طب ماذا تفعلوا لو كنتوا مكانى انا بقى؟؟؟؟

[fatfouta]

روشة

منال شوقى

ترنيم

رضوى

انتوا اجتمعتوا على نفس الراى تقريبا وهو هى ليه تسلفر طالما شغلها كويس وبتشتغل فى قطاع من اغنى قطاعات الدولة وفعلا مرتبابتهم كويسة جدااااااا

وكمان معاها عربية ومش بتركب مواصلات........عارفين انا لما بقولها على موضوع العربية واقولها تعالى شوفى ده احنا مش بنسوق هناك وقرفانين عالاخر...بتقولى يعنى انتى شايفة الطرق هنا ولا مش شايفة زحمة المرور والتعب اللى الواحد بيشوفه فى طريقه لشغله والعكس

تخيلوا بقى الافظع من كده انا لما بقولها الغربة وحشة وكده بتقول ايه..........بتقول انتى بتخزى العين عن نفسك......طب قولوا انتوا بقى انا اقول ايه

هقولكوا على حاجة واحدة حبيبتى قلتهالى عالخاص وهى فعلا ده الصح

قلتلى اختك بتهرب من بلدها مش عشان الفلوس ولا الماديات خالص ....اختك بتهرب من عيون ونظرات الناس لواحدة لسه ماتجوزتش

وهو فعلا كده.........

مرة واحدة جارتنا هناك فى بيت بابا خبطتنى الكلمة فى وشى قلتلى هى دينا هتعمل ايه بالفلوس دى؟؟ بعد ماوصلت للسن ده وماتجوزتش؟؟

شوفتوا بقى احنا لسه بنفكر اذاى احنا واللى حوالينا؟؟؟

واكيد هى حاسه بده وعاوزة تهج عشان تستخبى........أظن فاهمنى طبعااااا

[fatfouta]

من الأخر كده

السفر مش فُسحه ولا تغيير جو بدون هدف ...

وبما إنها مش محتاجه لا مركز ولا ماده .. يبقى تخليها في مصر أفضل ..

تيجوا تزوركم فترة قصيرة أهلاٍ وسهلاً ..

غير كده لا هي هاترتاح ولا زوج حضرتك هايرتاح لو القعده طولت وهاتبقى تحركاته وتحركاتها محسوبة ...

وإذا كانت هي من العائلة وده شيء طيب من ناحية صلة الرحم ... لكن أي رجل مش هايبقى مبسوط ...

يا ستي دي لما بتكون الشغالة في البيت الواحد بتبقى إقامته محدودة وتحت الحصار ومش عارف حتى يدخل المطبخ يشرب ميه وأهي بتيجي لفترة معينه ...

ما بالك باختك اللي واخده على جو مصر الصحي المنفتح والحُرية اللي بيحس بيها كل واحد في مصر وتاخد عربيتها في أي وقت تمشي بس في الشوارع تشم هوا وتشرب عصير من عند فرغلي أو تحود على أي مقله تشتري بربع جنيه لب سوبر ...

عارفه الظلمات اللي من داخل ظلمات ؟

أهي هنا هاتبقى كده ..

يعني السعودية كلها مغلقة ... فهاتبقى هي في بيت مغلق داخل بيئة مغلقة من جوا بيت مغلق ... فممكن تعمل في نفسها حاجه

وإذا قلنا إنك بتستحملي الجو ده عشان زوجك وأودلاك ... فهي ذنبها إيه تتقيد حريتها بره وجوه ؟

الله يكرمك ما تجنيش عليها وسيبيها في مصر أحسن ما تيجي هنا وتستقر وتسيب الفرصة اللي صعب تعوضها في مصر وترجع تقول لك إنتي السبب أنا لا طولت سما ولا أرض وولا يوم من ايامك يا مصر .

ثالثا فرص اكبر فى انها تتجوز نتيجة انها فى محيط الشغل حتتعرف بالناس وكده

يا مدام أجابي .. أجابتك غلط :happy:

إنتي ما تعرفيش السعودية .....

دي هايتفرض عليها تغطي وشها ليل نهار في الشغل وبرا الشغل ... يعني لا حد هايشوفها ولا هاتشوف حد ... يبقى فرصة إيه بقى ؟

أيوه الجواز قسمه ونصيب ما قولناش حاجه ولو حتى الواحده مغطية وشها بخشب نصيبها مكتوب لها ..

لكن ليه ؟

هي مش مضطرة لذلك ... يعني لا محتاجه ولا مضطره

سى السيد

انت جبت من الآخر فعلا واتكلمت من وجهة نظرك كراجل وكمان كوجهة نظر واحد عايش فى السعودية وفاهم الحاجات اللى فيها ممكن تخنقها

وهو فعلا مهما جوزى بين انه مستريح عمره ماهيبقى مستريح

وهى كمان هتبقى مكتومة وطول النهار والليل قاعدة بالطرحة ومش هتاخد حريتها ابداااااااا

وفعلا ده رايي ان السفر مش فسحة.......بس للاسف هى فاكراه كده وفاكره ان ده طوق النجاة ليها من اللى شايفاه فى بلدها.......وانا طبعا خايفة عليها من التجربة

وكمان انا بحاول اقتعها انها ماتسيبش شغلها وتجرى ورا سفرية اكيد هتبقى فاشلة.........انا عارفة اختى مش هتستحمل

ذى مانت قولت ان اسعودية فعلا مغلقة وخنقة.........طب ده كمان بالنسبة لينا احنا الستات اللى متجوزين ومعانا ولادنا.......اومال اللى لوحدها بقى تعمل ايه؟

لكن انا فعلا كده ان شاء الله مش هقولها على موضوع الشغل وهسيبها هى لما تيجى وتجرب........من نفسها كده انا متاكده انها هتقول انا عاوزة اروووووووووح

[miramikhail]

واكيد هى حاسه بده وعاوزة تهج عشان تستخبى........أظن فاهمنى طبعااااا

بصى أنا متفقة مع كل اللى قالو ليكى ماشى الزيارة تيجى تشوف السعودية و تغير جو و لما تجرب بيتهيألى مش ممكن واحده متعودة تشتغل و تسوق عربيتها و تنزل تشترى حاجتها بنفسها و عايزة تسافر تصيف محدش حيقولوا لها حاجة حترضى تبقى محبوسة مش عارفة تنزل لوحدها حتى لوكان عشان تهرب من الناس

و بصراحة لو كنت فى دولة زى الأمارات مثلا كنت قلت و ماله أهى بلد نظيفة وحلوة و كمان يعنى زى مصر تقدر تسوق و تنزل و كده لكن السعودية بيتهيألى صعب جدا .

و بعدين أختك الصغيرة مش معقول حتفضل لوحدها أكيد طبعا فية قرايب لكن أكيد محتاجة حد يبقى معاها ولا أية؟؟

[fatfouta]

انا من رأيى ولا كأن الزيارة دى اتعملت

ولا حتى تقولى لها عليها

وخليها فحياتها ف مصر كما هى

لانها هتيجى وهتنبهر بالعيشة النضيفة والبلد النضيفة والنظام

ومش هتحب ترجع مصر تانى رغبة منها انها تجرب الشغل بره

اكيد هى مش هتعرف تعيش معاكى فترة طويلة فبيت واحد

ولا زوجك هيستحمل الوضع ده كتير حتى لو علشان خاطرميزعلكيش

ولا انتى نفسك هتقدرى تقعدى فبيت بحريتك

السلامة أولي

بدل ما يجي يوم و تندمي انك كنت الباب اللي عدت منه

فعلا معاك يا ياسر لو انا فهمت قصدك صح وهو انى ماشجعش على سفرها.........يبقى انا معاك

[fatfouta]

انا من رأيى ولا كأن الزيارة دى اتعملت

ولا حتى تقولى لها عليها

وخليها فحياتها ف مصر كما هى

لانها هتيجى وهتنبهر بالعيشة النضيفة والبلد النضيفة والنظام

ومش هتحب ترجع مصر تانى رغبة منها انها تجرب الشغل بره

اكيد هى مش هتعرف تعيش معاكى فترة طويلة فبيت واحد

ولا زوجك هيستحمل الوضع ده كتير حتى لو علشان خاطرميزعلكيش

ولا انتى نفسك هتقدرى تقعدى فبيت بحريتك

هو الكلام ده فين ؟؟

انا رأى من رأى سين سين للاسباب اللى قالها صعب قوى اختك تتأقلم على العيشه هنا بدون ما يكون معها زوجها

الحياه هنا بلاستيكيه مطاطيه

شكراً

عنبى متاخدش فى بالك انت اصل جده......غيييييييير

[fatfouta]

انا من رأيى ولا كأن الزيارة دى اتعملت

ولا حتى تقولى لها عليها

وخليها فحياتها ف مصر كما هى

لانها هتيجى وهتنبهر بالعيشة النضيفة والبلد النضيفة والنظام

ومش هتحب ترجع مصر تانى رغبة منها انها تجرب الشغل بره

اكيد هى مش هتعرف تعيش معاكى فترة طويلة فبيت واحد

ولا زوجك هيستحمل الوضع ده كتير حتى لو علشان خاطرميزعلكيش

ولا انتى نفسك هتقدرى تقعدى فبيت بحريتك

السلامة أولي

بدل ما يجي يوم و تندمي انك كنت الباب اللي عدت منه

اتفق تماما مع المهندس ياسر

ومفيش داعى للاحراج .....ولا لفتح ابواب يستحيل سدها

وان كان ولا بد من هذه الزيارة....فاهلا وسهلا لمدة شهر واللا اتنين نشوف بعضنا و نعمل عمرة وشكرااا

لانه من المؤكد انه لن يرتاح احد مع الاخر بعد هذه الفترة وسيكون هناك نوع من الضيق

لان كما تفضلتى وقلتى ان كلا من الزوج والاخت لن يستطيع ان يعيش على راحته

وآسف للاطالة ( اعتقد ان كلامى مفهوم وبارك الله فيكم وعليكم)

متشكرة على ردك يا باشمهندس اللى حسيت فيه الصرامة اللى لازم اتبعها وانا باخد قرار ذى ده

بس الواحد بيقول اخاف لا اكون انا السبب فى انى اضيع منها فرصة السفر اللى هى بتتمناها

[عازفة العود]

نصيحة مني بلاش تجبيلها سيرة عن التأشيرة وصدقيني ممكن تحصل مشاكل انتي مش قدها ونفسيتك حتتعب اسألي مجرب ولا تسأل طبيب :happy:

[fatfouta]

هاتيها يافتفوتة زيارة لمدة شهر تشوف البلد وتعمل عمرة وتغير جو وتقارن بنفسها

دورك تقديم النصيحة وتوعيتها وإتاحة الفرصة (من وجهة نظر اختك ) لها

لا تتحدثى معها عن شغل هنا الان الا بعد ماتيجى وتعرفى انطابعها عن البلد

لاتدرى انتى ولا هى اين الخير لها قد يكون هنا وقد لايكون

دكتور رفاعى العزيز

هو ده اللى هيحصل ان شاء الله لانها فعلا نفسها تعمل عمرة جداااا من زمان وده فعلا اللى مفرحنى انى هقدر افرح قلبها فى حاجة واخليها تزور الروضة اللى نفسها كانت تزورها من زمان هى والحرم المكى طبعا

فعلا ماحدش يعرف الخير فين

شكرا على نصيحتك الغالية اللى دايما بعتز بيها

[عنبو]

ايه يا عنبى

هو انت فجدة بتلاقى الزوباااااااالة اكوام اكوام فالشوارع ولا ايه ؟؟؟

ولا بلاقى الزباله اكوام اكوام فى مصر برده وخدى بالك انا بقارن بين الزقازيق وبين جده اللى هى تانى مدن السعوديه

ولا اشارات المرور بدلوها بعسكرى المفروض كان طلع معاش من سنين ؟؟

مش فاهم الحته دى اذا قصدك على المرور فالمرور هنا منظم

السعوديه لديها امكانيات غير متوفره لاى بلد علشان كده المفروض تبقى اجمل بلاد العالم

شكراً

[ذهبية]

فتفوتة حبيبتى

انتى لية بتحملى نفسك اكتر من طاقتها ....... يعنى انتى بالفعل شايلة حمل جديد لسة خارجة من ولادة ............و مسئولية طفل جديد

و زوج .... و بيت.... واطفال ....و غربة... و بتزودى همك لية

اختك و هى بعيد انتى مطمنة عليها..... على الاقل فى بلدها مع اختها الضغيرة..... انتى فاكرة انها لما تبقى جنبك انتى هتتطمنى عليها

دة انتى هتتجنى عليها اكتر ...... لانها مش هترضى تقعد معاكم ......و طبعا دة الصح وانتى عارفة كدة

و تشيلى هم شغلها و سكنها و كل حاجة عنها ........و تدخلى جوزك و تشيلة هم فوق همة

مووضع النصيب فى الجواز و الشغل ......دة رزق من عند ربنا...... لا انتى و لا غيرك يقدر يقطعة او يوصلة

لو مكتوب لها فى اى مكان هيجلها...... لو كانت بلد تانية غير السعودية...... كنت قولت لك اوكية..... لكن بظروف السعودية لا مينفعش من غير زوج

مينفعش خالص يا فتفوتة

[الجدار]

انا من امبارح بفكر في الموضوع وكل ما أجي أكتب رأي مش بقتنع بيه

أعتقد ان أسلم حل ان الزيارة ماتزيدش عن شهر يادوب العمرة وتقعد معاكوا شوية وبعد كده تنزل تاني

ومن غير تدخل مباشر منك ولا تلميح من بعيد ولا من قريب سيبيها هي تكتشف بنفسها البلد وهي ليها دماغها

والله عجبها الوضع يبقى تشوفولها شغلانه محترمة

ماعجبهاش يبقى يا دار ما دخلك شر

ساعات الواحد بيبقى عايز يغير روتين حياته ويطلع من الدايرة اللي بيدور فيها كل يوم وفي ساعات كتير لما بيطلع من الدايرة دي بيشتاق أنه يرجع ليها تاني

كلنا كنا عايزين نسافر وفاكرين إن دي نهاية أحلامنا وأن الحياة لونها بمبي

ربنا يوفقها يا رب للي فيه الخير ليها

يا عالم

[Salwa]

نصيحة تساوى تقلها دهب والماظ وبلاتين وكللللللللل شئ يبلمع وغالى وعاجبك ..

بلاش الزيارات الطويلة ...

بلاش تتدخلى لحد حتى لو كان شقيقتك...لا ف جواز ولا ف شغل ...(( ممكن شغل لو كانت متزوجة ولها حياة مستقلة )) ..

بلاش تخللى اختك تعيش معاكى فترة وتعرف حياتك وتتدخل ف شئونك انتى وزوجك ..

بلاش تشيلى التكليف بطريقة مباشرة او غير مباشرة بين زوجك واختك....مهما كان فيه بينهم احترام ممكن العشرة يوم ورا يوم ورا يوم تعمل اى احتكاك مباشر ويولعوا لك حياتك ومش حا تعرفى ترضى مين والا مين؟؟..... وكل واحد حاييجى لك على جنب ويقولك مش واخد راحتى هنا

...محدش ضامن فكره لو حد عاش معاه حياته ثلاث شهور متواصلة ...خصوصا لو مش متعودة على الوضع ده..

مفيش ملايكة ولا شياطين...فيه بنى آدمين وظروف بتحكم وتتحكم ..

وفيه احاسيس حلوة ووحشة ...

مش بندهن كله بالاسود لكن؟؟

الخصوصيات هى جوهر الحياة والحفاظ عليها هو سر السعادة ....بس كدة.

بلاش تعطى زوجك فرصة يقولك (( اختك بتتصرف بحرية غير طبيعية )) دى عايشة لوحدها او مع بنات بس ..(( ماهو محدش بيعجبه حاجة واكيد حايعلق على اى وضع حتى لو كان سليم ))..

كمان شهر كتيررررر..

كفاية قوى قوى اسبوعين او ثلاثة بالكتير قوى

...وهى لو عجبها الوضع ووجدت شغل ممكن تحدد حياتها بطريقتها هى ...بلاش تتدخلى نهائى .

حايلف الزمن وتقولك انتى السبب ....اكييييييييييييد.

وبصراحة ..

كلام الاخوة ../ الجدار ...و....ذهبية .

هو عين العقل..

سلام.

[shiko]

بصراحة ماكنتش ناوية اشارك ...ولا كنت هاقول رايى ...

بس ممكن تدونى فرصة اعبر فيها عن الجانب الاخر ....انا هاكتب بلسان حال اختك يافتفوتة ....

انا واختك تقريبا متطابقين فى نفس الظروف ...اللى هى عامل مشترك بين كتير من البنات اللى حواليا ...

كل الاراء اللى اتقالت ...كلها محترمة وتستحق الاشادة خصوصا راى الاستاذة سلوى ...كلها صح

بس كلها من جانب ...واحنا واقفين على الجانب الاخر....

أولا :بالنسبة للسفر ...وعمل العمرة

يعتبر امر مؤقت فى اقصى الظروف شهر ...وده من وجهة نظرى موش كتير ده معقول واكيد كمان عسلية بتتفق معايا فى الموضوع ده

موضوع قعادها فى البلد لفترة قليلة هايديها فرصة اتخاذ القرار ...وهى فى جميع الاحوال تقدر تقرر مصيرها من دماغها وبدون مساعدة حد ..."ويمكن العمرة تديها فرصة للاستخارة وقراءة الموضوع بشكل جيد"

ثانيا :موضوع السفر والشغل

...اتهيألى افيد لاختك ...انها تكون معاكى فى بلد واحدة احسن ماتسافر بلد تانية خالص "دبى مثلا" وتكون لوحدها على الاطلاق

بالنسبة بقى للاتى

الزواج وحكاية الفرصة اللى هاتقل .....

هاقولك طب ماهى بقالها سنين فى مصر ومحصلش نصيب فى حاجة

..هاقولك كمان ان رب هنا رب هناك ...ونصيبها هايجيلها منين ماتكون ...حتى لو فى قاع البحار

صعوبة الغربة

انتى جنبها وهاتهونى عليها وهاتخدى بالك منها ...

لكن لوف بلد تانية هاتبقى اكيد اصعب عليكى وعليها ...

الاهم من كل اللى انا قلته ...انا حاسة جدا باختك ....مهم جدا يبقى فيه اختيار ..تانى ...سياسة البدائل والحلول البديلة دى مهمة ...

يعنى لازم الواحد مايحسش انه مجبر على حاجة واحدة مافيش غيرها ...هى هاتجرب ماعجبهاش الحال ...هاترجع ...اكيد موش هاتغصب على نفسها ...لانها وبساطة ماعندهاش المبرر اللى يغصبها على شىء ...بس هاتتعلم وهاتعرف ايه اللى هى عاوزاه بالتحديد ...قدراتها النفسية والشخصية تقدر تعينها على الغربة ولا لاء؟؟

وجودها مع زوجك فى مكان واحد امر غير محبذ ...وانا متاكدة انها هاترفضه ومن اول يوم ...بس اتهيالى ..فى الاول لحد ماترتب امورها ..وحاولى تقنيعيها انها تكون قريب منك ..علشان يبقى الاتصال بيها فى اى وقت سهل

سيبوها ..تاخد القرار ...بلاش يبقى قرار من طرف واحد ...وبلاش نطبق سياسة الاختيار الاوحد ...اكيد احنا بندور على البدائل ...علشان نشوف ايه المناسب

[لونا]

بصي يا فتفوتة أنا حاحكي عن واحدة صاحبتي

كانت مرت بتجربة زواج فشلت بعد عدة شهور.. و لا داعي لذكر الأسباب

و جالها شغل في السعودية.. و لما سألتني عن رأيي أنا قلت لها لأ طبعا

لأني أرفض بشدة إن بنت تتغرب لوحدها

و لكن هي سافرت في النهاية

أنا عايزة أقولك السفرية دي فرقت كتير معاها ..حتى في شخصيتها

يعني قدرت تعدي من أزمة الطلاق السريع بسرعة و بتوازن

أصبحت شخصية مستقلة - يمكن زيادة عن اللزوم-و قوية عن الأول

طبعا كانت في مصر بتقابل ضغوط زي أختك بالضبط ..الجارة دي قالت.. و دي عادت

و زملائها في الشغل.. و المشاكل بعد الطلاق.. ووو..

فيمكن كان مهم أوي إنها تبعد عن الجو السيء ده

يعني يمكن يكون مناسب لأختك إنها تسافر و تسيب مصر

يعني عشان تبعد عن الجو اللي بيضايقها

و ده بس عشان إنتي حتكوني جنبها في الغربة

و لكن لو ده حصل يكون في مكان تاني ...مش في بيتك أبدا

و لكن لو ماكانش ينفع غير إنها تقعد في بيتك..فانسي الموضوع خالص خالص

و اقرأي مداخلة الفاضلة سلوى كويس أوي أوي

قالت كل اللي ممكن يتقال بس بطريقة شيك جدا

تحياتي :happy:

[fatfouta]

واكيد هى حاسه بده وعاوزة تهج عشان تستخبى........أظن فاهمنى طبعااااا

بصى أنا متفقة مع كل اللى قالو ليكى ماشى الزيارة تيجى تشوف السعودية و تغير جو و لما تجرب بيتهيألى مش ممكن واحده متعودة تشتغل و تسوق عربيتها و تنزل تشترى حاجتها بنفسها و عايزة تسافر تصيف محدش حيقولوا لها حاجة حترضى تبقى محبوسة مش عارفة تنزل لوحدها حتى لوكان عشان تهرب من الناس

و بصراحة لو كنت فى دولة زى الأمارات مثلا كنت قلت و ماله أهى بلد نظيفة وحلوة و كمان يعنى زى مصر تقدر تسوق و تنزل و كده لكن السعودية بيتهيألى صعب جدا .

و بعدين أختك الصغيرة مش معقول حتفضل لوحدها أكيد طبعا فية قرايب لكن أكيد محتاجة حد يبقى معاها ولا أية؟؟

ماهو اللى مخوفنى يا ميرا هى اختى الصغيرة

لانها والله بتكلمنى وتقعد تعيط وتقولى ماتشجعيهاش على كده عشان انا مابقاش لوحدى هنا

طب انا عامل ايه والتانية عاوزة باى شكل تمشى من البلد

[الغريب]

الأخت 'fatfouta' فعلا ربنا معاكي ، الموضوع شائك ومحتاج بعد نظر علشان كدة أنصحك أنك تأخري الأخذ بأي رد من الردود الواردة الى مابعد الإستخارة المتكررة والدعاء "اللهم ألمهني رشدي وقني شر نفسي"

كمان أنتي ضفتي بُعد جديد للموضوع بهذه اللمحة

يا حبيبتى هى فى مصر قاعدة فى بيت ابوها مع اختى اللى هى اصغر واحدة.....عشان امى وابويا متوفيين

يعنى مالهاش حد هناك بما ان اخويا كمان عايش فى اسبانيا

بس المشكلة بقى كمان الاكبرفى اختى الصغيرة لانها بتدعى لها دايما انها تعقل عشان يفضلوا قاعدين مع بعض لكن الكبيرة بتدور على شغل برا باى حال

يعني أنت كدة هتضيعي أختك الصغيرة اللي محتاجة لأختك الكبيرة جنبها، علشان كدة من رأيي أنك تجييبي الاثنين أفضل وتنقلي الأسرة كلها للسعودية، أهي بردو بلد محافظة ومفهاش أنفتاح زي دبي مثلا وفي نفس الوقت يكونو الأثنين تحت عينك أنت وجوزك وتقدرو تساعدوهم في أي وقت وطبعا هيكونو في مكان قريب منكم..

ومن فضلك لا تنسي أن تضعي في حسبانك دوما نصيحة الأخت 'Salwa' اللي حطت أيديها على نقطة مهمة جدا يجب ألا تغفليها

نصيحة تساوى تقلها دهب والماظ وبلاتين وكللللللللل شئ يبلمع وغالى وعاجبك ..

بلاش الزيارات الطويلة ...

بلاش تتدخلى لحد حتى لو كان شقيقتك...لا ف جواز ولا ف شغل ...(( ممكن شغل لو كانت متزوجة ولها حياة مستقلة )) ..

بلاش تخللى اختك تعيش معاكى فترة وتعرف حياتك وتتدخل ف شئونك انتى وزوجك ..

بلاش تشيلى التكليف بطريقة مباشرة او غير مباشرة بين زوجك واختك....مهما كان فيه بينهم احترام ممكن العشرة يوم ورا يوم ورا يوم تعمل اى احتكاك مباشر ويولعوا لك حياتك ومش حا تعرفى ترضى مين والا مين؟؟..... وكل واحد حاييجى لك على جنب ويقولك مش واخد راحتى هنا

...محدش ضامن فكره لو حد عاش معاه حياته ثلاث شهور متواصلة ...خصوصا لو مش متعودة على الوضع ده..

مفيش ملايكة ولا شياطين...فيه بنى آدمين وظروف بتحكم وتتحكم ..

وفيه احاسيس حلوة ووحشة ...

مش بندهن كله بالاسود لكن؟؟

الخصوصيات هى جوهر الحياة والحفاظ عليها هو سر السعادة ....بس كدة.

بلاش تعطى زوجك فرصة يقولك (( اختك بتتصرف بحرية غير طبيعية )) دى عايشة لوحدها او مع بنات بس ..(( ماهو محدش بيعجبه حاجة واكيد حايعلق على اى وضع حتى لو كان سليم ))..

كمان شهر كتيررررر..

كفاية قوى قوى اسبوعين او ثلاثة بالكتير قوى

...وهى لو عجبها الوضع ووجدت شغل ممكن تحدد حياتها بطريقتها هى ...بلاش تتدخلى نهائى .

حايلف الزمن وتقولك انتى السبب ....اكييييييييييييد.

وبصراحة ..

كلام الاخوة ../ الجدار ...و....ذهبية .

هو عين العقل..

سلام.

وفي النهاية نتمنى لكي جميعا التوفيق في قرارك ، والحمدلله أظن المحاوراتية وفرولك خلفية جيدة تقدري تخدي قرار أعتمادا عليها

[fatfouta]

فتفوتة حبيبتى

انتى لية بتحملى نفسك اكتر من طاقتها ....... يعنى انتى بالفعل شايلة حمل جديد لسة خارجة من ولادة ............و مسئولية طفل جديد

و زوج .... و بيت.... واطفال ....و غربة... و بتزودى همك لية

اختك و هى بعيد انتى مطمنة عليها..... على الاقل فى بلدها مع اختها الضغيرة..... انتى فاكرة انها لما تبقى جنبك انتى هتتطمنى عليها

دة انتى هتتجنى عليها اكتر ...... لانها مش هترضى تقعد معاكم ......و طبعا دة الصح وانتى عارفة كدة

و تشيلى هم شغلها و سكنها و كل حاجة عنها ........و تدخلى جوزك و تشيلة هم فوق همة

مووضع النصيب فى الجواز و الشغل ......دة رزق من عند ربنا...... لا انتى و لا غيرك يقدر يقطعة او يوصلة

لو مكتوب لها فى اى مكان هيجلها...... لو كانت بلد تانية غير السعودية...... كنت قولت لك اوكية..... لكن بظروف السعودية لا مينفعش من غير زوج

مينفعش خالص يا فتفوتة

عارفة انك اكتر واحدة حاسة بيا وانتى عارفة ليه

انا يا ذهبية مش عاوزة احمل جوزى فوق طاقته والله لانى عارفة ان مهما جوزك استحملك هييجى يوم ويمل والواحد برضو مايبقاش تقيل

وكفاية عليه مسئوليتنا احنا وخلاص.....ايوه هو اللى عرض عليا موضوع الشغل لكن برضو بعدها بكام يوم فتحت الموضوع معاه تانى لقيته ذى مايكون كان مستنى منى رد انى اقوله لا ماينفعش انه اتيجى تقعد معانا هنا

انا عارفة اختى وعارفة انها مش هتقدر تقعد فى السعودية......بس ممكن ساعتها تقعد عشان ماحدش يرجع يقولها مش قلنا لك لا....وطبعا هتيجى على نفسها

[fatfouta]

انا من امبارح بفكر في الموضوع وكل ما أجي أكتب رأي مش بقتنع بيه

أعتقد ان أسلم حل ان الزيارة ماتزيدش عن شهر يادوب العمرة وتقعد معاكوا شوية وبعد كده تنزل تاني

ومن غير تدخل مباشر منك ولا تلميح من بعيد ولا من قريب سيبيها هي تكتشف بنفسها البلد وهي ليها دماغها

والله عجبها الوضع يبقى تشوفولها شغلانه محترمة

ماعجبهاش يبقى يا دار ما دخلك شر

ساعات الواحد بيبقى عايز يغير روتين حياته ويطلع من الدايرة اللي بيدور فيها كل يوم وفي ساعات كتير لما بيطلع من الدايرة دي بيشتاق أنه يرجع ليها تاني

كلنا كنا عايزين نسافر وفاكرين إن دي نهاية أحلامنا وأن الحياة لونها بمبي

ربنا يوفقها يا رب للي فيه الخير ليها

يا عالم

يمكن انا اكتر واحدة بكره الغربة فى الدنيا ومع ذلك مش قادرة اقعد فى بلدى لظروف كتيرة اظن هى نفس ظروفنا كلنا احنا يا مغتربين

طيب ما انا بقول يا جود جود انه فعلا لما يكون حد عاوز يغير روتين حياته بيبقى فاكر ان السفر فسحة وعاوز يسافر عشان يغير

لكن اللى نفسى افهمه لاختى هو انها تسافر وتشتغل سواء هنا او فى مكان ده مش هيبقى تغيير للافضل غالبا وده من رايى وكمان قرار مش هتعرف ترجع فيه بمجرد ماتكتشف ان السعادة مش فى الغربة والسفر

بس تقنع مين وتتكلم مع مين اللى فى دماغها..فى دماغها

عندك حق خليها هى تكتشف بنفسها بعيد عن اى تدخلات منى

جود جود....... ملوكة عاملة ايه؟؟ :happy:

[fatfouta]

نصيحة تساوى تقلها دهب والماظ وبلاتين وكللللللللل شئ يبلمع وغالى وعاجبك ..

بلاش الزيارات الطويلة ...

بلاش تتدخلى لحد حتى لو كان شقيقتك...لا ف جواز ولا ف شغل ...(( ممكن شغل لو كانت متزوجة ولها حياة مستقلة )) ..

بلاش تخللى اختك تعيش معاكى فترة وتعرف حياتك وتتدخل ف شئونك انتى وزوجك ..

بلاش تشيلى التكليف بطريقة مباشرة او غير مباشرة بين زوجك واختك....مهما كان فيه بينهم احترام ممكن العشرة يوم ورا يوم ورا يوم تعمل اى احتكاك مباشر ويولعوا لك حياتك ومش حا تعرفى ترضى مين والا مين؟؟..... وكل واحد حاييجى لك على جنب ويقولك مش واخد راحتى هنا

...محدش ضامن فكره لو حد عاش معاه حياته ثلاث شهور متواصلة ...خصوصا لو مش متعودة على الوضع ده..

مفيش ملايكة ولا شياطين...فيه بنى آدمين وظروف بتحكم وتتحكم ..

وفيه احاسيس حلوة ووحشة ...

مش بندهن كله بالاسود لكن؟؟

الخصوصيات هى جوهر الحياة والحفاظ عليها هو سر السعادة ....بس كدة.

بلاش تعطى زوجك فرصة يقولك (( اختك بتتصرف بحرية غير طبيعية )) دى عايشة لوحدها او مع بنات بس ..(( ماهو محدش بيعجبه حاجة واكيد حايعلق على اى وضع حتى لو كان سليم ))..

كمان شهر كتيررررر..

كفاية قوى قوى اسبوعين او ثلاثة بالكتير قوى

...وهى لو عجبها الوضع ووجدت شغل ممكن تحدد حياتها بطريقتها هى ...بلاش تتدخلى نهائى .

حايلف الزمن وتقولك انتى السبب ....اكييييييييييييد.

وبصراحة ..

كلام الاخوة ../ الجدار ...و....ذهبية .

هو عين العقل..

سلام.

حبيبتى ماما سلوى

طبعا من غير ما اتكلم انتى متأكده انى كنت مستنية ردك انتى بالذات

عارفة انا من امبارح قاعدة اقرا فى كلامك واجى ارد عليه مش عارفة اكتب ولا كلمة

اكيد طبعا انتى عارفة ان فعلا ممكن بالاحتكاك بينهم يولعوا الدنيا.......واكيد كمان لانى سبق وحكيتلك هى طبعها ايه وممكن ماتستحملش فى الاخر كله هيبقى على دماغى انا

بلاش تعطى زوجك فرصة يقولك (( اختك بتتصرف بحرية غير طبيعية )) دى عايشة لوحدها او مع بنات بس ..(( ماهو محدش بيعجبه حاجة واكيد حايعلق على اى وضع حتى لو كان سليم ))..

الجزئية دى بالذات فى كلامك خلتنى اترعبت والله وخوفت جدااااااا مع انى واثقة جدا فى اختى لكن فعلا ماحدش ضامن اى حاجة فى الدنيا

وممكن فعلا ييجى اليوم اللى اقرب الناس يقولى مانتوا سايبين اختكوا قاعدة لوحدها وندخل فى كلام مالوش اخر وحاجات هتحرق دم الواحد وخلاص

يبقى الاسلم ذى ماحضرتك قلتى انه بلاش نتدخل لها فى الشغل بالذات

وفعلا خلى الزيارة شهر بالكتير قوى كفاية حفاظا على الخصوصيات

انا مش عارفة اقولك اد ايه رايك ريحنى كالعادة وانتى عارفة انى بستناكى دايما :happy:

[عصام أبوالفتح]

الاخت الكريمة fatfouta رأيى كالآتى :

الزيارة :

-------

مع ان مبرر الزيارة قد انتهى الا انه طالما تيسرت فلا مانع بنية صلة الرحم والعمرة

رأيى ان تكون الزيارة 12 يوم قدوم الخميس تطلعوا/تطلع عمرة الاثنين ترجعوا/ترجع الجمعة تجلس 3 ايام معكم بعدها تعود لرعاية اختها ولعملها.

تضمنون بذلك قضاء اجازة اسبوعية فى بداية قدومها تتشابه مع اول ايامكم فى الاجازة فى مصر ..ضيافة وحديث عائلى جميل لا ينتهى .. وفسحتين او ثلاث فى البلد .

هذا الوضع لن يضايقنى شخصيا لو اخت زوجتى فى نفس موقف اخت زوجتك

العمل :

------

انصح بعدم طرح الموضوع ويمكنها البحث عن عمل بنفسها اذا اعجبتها البلد بعد العودة

الاخت الصغرى :

-------------

وتبقى مسئولية الاخت الصغرى مسئولية مشتركة واعتقد ان اختك مطالبة اجتماعيا بالبقاء معها حتى انتهاء تعليمها وزواجها وانها تحاول الفرار من هذه المسئولية

فى حالة اصرارها على السفر يتم طرح موضوع الاخت الصغرى بوضوح تام ولابد من الرعاية المشتركة لها حتى تتزوج ، وبكل تأكيد فإن فرصها اكبر فى مصر فلا داعى لطرح مسأله استقدام الكبرى لها

اذا اصرت على السفر وسافرت بالفعل فمصر افضل للصغرى وسيزداد حينها دورك ودور زوجك فى الرعاية لها حتى زواجها.