ما هو افضل تتر مسلسل سمعته فى حياتك

[مغتربة]

زى ما باين من العنوان

كل واحد يدخل يقول لنا افضل تتر مسلسل من وجهه نظرة و ليه

دى زاويا لينا علشان نتكلم عن تترات المسلسلات و نقيم الكلمات او الالحان

نتذكرها سوا و نتذكر احساسنا بيها وقتها

نحط لينكات للتترات النادرة

و مش شرط التترات بس كمان الاغانى الى اتغنت داخل المسلسل

منتظراكم

:lol: :lol: :lol:

[MZohairy]

تتر المقدمه لمسلسل العائله محمود مرسي و ليلى علوي و الحان عمار الشريعي

و تتر النهايه لمسلسل ارابيسك صلاح السعدني و الحان عمار الشريعي ايضا

[Morial]

بالترتيب

أرابيسك

العائلة

الأيام

ريا وسكينة

رحلة السيد أبو العلا البشري

شوفي الكلمتين دول يا مغتربة وقوليلي بذمتك مش روعة

أيام

ورا أيام ورا ايام

لا الجرح يهدي ولا الرجا بينام

ماشي ف طريق الشوك انا ماشي

ماشي لكن جلبي ماترح ما بمشي

يبدر الاحلام

وللا دي

الغش طرطش رش ع الوش بويه

ماعرفت مين بلياتشو أو مين رزين

الشعرا اللي كتبوا الكلام دا لو كانوا موجودين علي أيام امرؤ القيس وللا زهير ابن ابي سلمي وللا الحارس ابن حلًزة كانوا قعدوهم في بيوتهم

تم تعديل 6 مارس 2010 بواسطة منال شوقي

[لماضة مصرية جدا]

السلام عليكم و رحمة الله و بركاته

انا بعشق حاجة اسمها مسلسل أوان الورد

موسيقي

قصة

حتي الصور اللي ع التتر

عيشوا بقي معاااااااه

http://www.youtube.com/watch?v=3Hy1eb_2QlA

انا فعلا لما بسمعها بحس ان فيه ورد بيتفتح......و صوت العود .....القانون...... الكمنجة..... الناي....ياااااربي

احساس مالوش غير اسم واحد......أوان الورد

مساكم أوان الورد

[se_ Elsyed]

عفواً

سيتم غلق هذا التوبيك

يالله ما هي هوجه

أنا هاقفل البتاع ده لو ما دعمتهوش بالكليب بتاع التتر نفسه

من وجهة نظري احللى تترات

1- الأيام

2- أرابيسك

3- الدمع والدموع ( أصل طول المسلسل ما شوفتش شهد خالص )

4- ذا حلمية نايتس

[se_ Elsyed]

بيتهيألي كان في موضوع قديم عن التترات وكان أكثر من رائع .. حط يلبس بدلة الغطس ويجيبه الله يخليكم

وخدوا الحتتين دول

مسلسل الوسيه .. أوعى وشك

مين اللي قال الدنيا دي وليه قصدي وسيه ...

فيها عبيد مناكيد وفيها السيد

سوانا رب الناس سواسية ..

لا حد فينا يزيد ولا يخس إيد

الله بجد

http://www.youtube.com/watch?v=rTXbbgwAyJM

- ولا ننسى المال والبنون

واحمد عرابي ما قالش كده .. وطه حسين ما قالش كده وسين سين قال كده بالعند فيكو

عمار الشريعي مجرم

وياسر عبد الرحمن مجرمين في بعض ( التتر ده بتاعه على فكره ) هو إزاي كان بيخلي الكمنجه تتكلم ؟ يعني لو ما فيش على الحجار بيغني كان كفايه اللي عمله المجرم ده

http://www.youtube.com/watch?v=t7p8USZz4Ls...feature=related

وعشان ما بنخسش حق على الحجار بصراحه لانه أبدع في التتر ده بالذات

http://www.youtube.com/watch?v=kiOEKehi_Sc...feature=related

اما ملوك التترات .. فعلي الحجار .. ومحمد الحليوه ... ويمكن ييجي بعدهم مدحت أبو صالح

[se_ Elsyed]

عندي حته نضفة قوي قوي

مش عارف إيه حكاية ياسر عبد الرحمن

- الليل واخره

يااااااااااااااه

http://www.youtube.com/watch?v=j951WXPQDSo...feature=related

هاتلاحظوا حاجه غريبة في أختيارتنا !!!!!!!!!!

وهي اننا ما بنتسلطنش إلا مع الحزين

هو في إيه ؟

[doha]

ككلمات ..

المال والبنون .. ثم ارابيسك ..

كموسيقى .. بلا منازع مسلسل ام كلثوم .

وكان عاجبني برضه اوان الورد ..

[joo]

ذئاب الجبل00 من احلى الاغانى اللى بموت فيها

قالو علينا ديابة واحنا يا ناس غلابةِ

[Morial]

طيب يا استاذ سي السيد ادي لينك ابو العلا البشري بس علي الله تقدر تغمض ودانك

http://elaghani.com/drama/abol3ela-2.mp3

تم تعديل 6 مارس 2010 بواسطة منال شوقي

[fatfouta]

تتر مسلسل قاسم امين

غناء اصالة

بحبه جداااااااااا

http://www.youtube.com/watch?v=U3vWuCLN0G4

وكلماته فعلا جميلة جداااااا

[مصرى متغرب]

السلام عليكم ورحمة الله وبركاته،،،،

:lol:

مش عارف لية تتر مسلسل بوابة الحلوانى مش قادر أنساة لحد دلوقتى ؟؟؟؟

[fatfouta]

تتر النهاية لمسلسل الشهد والدموع

http://www.youtube.com/watch?v=pZ9aUmZRw8I

تحفةةةةةةةة

هييييييييه ذكريات

[joo]

من أفضل التترات من وجهة نظرى كان زينب والعرش

وبعدة مسلسل رأفت الهجان ، ودموع فى عيون وقحة

ممكن يكون فيلم ولا المسلسلات فقط

[fatfouta]

ده بقى ليه ذكرى مهببة معايا هو السنة اللى امى ماتت فيها

بحبها جدااااااا وبشغلها كل عيد الام :sad:

تتر مسلسل حلم الجنوبى.........حد فاكره

http://www.youtube.com/watch?v=INpWtP_7aJc

امضاء..

فتفوتة نكد :happy:

[fatfouta]

ذئاب الجبل بقى بيفكرنى بالسنة اللى بابا مات فيها

ممكن حد يجيبه عشان مش لاقياه؟؟

تم تعديل 6 مارس 2010 بواسطة se_ Elsyed

[fatfouta]

ده بقى اللى جميل وعسولة ودلوع

تتر مسلسل ابن الارندلى لنانسى عجرم حبيبة الملايين

http://www.youtube.com/watch?v=W2y1a937vOA

اى خدمة

[Morial]

وده بقي تتر مقدمة رحلة السيد ابو العلا البشري

بس أوعوا تعيطوا حاولوا تمسكوا نفسكوا شوية

http://elaghani.com/drama/abol3ela-1.mp3

تم تعديل 6 مارس 2010 بواسطة منال شوقي

[se_ Elsyed]

مش قلت لكم هاتقلب حزايني ؟

طب خدو عندك

المال والبنون وديابة الجبل بيفكروني بالمرحوم بابا ..

كان وقت المسلسل لو حد مننا فتح خمشه كان بيقوم طخه على طول

تصوروا إنه قتل 9 من اخواتي وما نجيش منهم إلا انا وخمشه معايا ؟ :happy:

[fatfouta]

تتر مسلسل الايام

حد عنده ده مش لاقياه خالص

سى السيد........ذئاب الجبل والمال والبنون لهم نفس الذكرى فى قلبى......وهى السنه اللى مات فيها ابويا

هيييييه الله يرحم الجميع....وحدوووووه