يا لجنة الحكام...الأهلى بيدفع كام؟

[afiona]

إفتكرت النداء الإسماعيلاوى الشهير بتاع موسم 1994 " يا لجنة الحكام...الأهلى بيدفع كام؟" و أنا بتفرج على ماتش الأهلى والإسماعيلى النهاردة.....طبعا ماكنش فيه مناسبة .... <_<

موسم 1994 تم نقل حوالى 10 مبارايات للإسماعيلى خارج أرضه، بعضها لملعب المنافس، عقوبات مالية بالجملة، اللاعب اللى يهرش ينطرد، و إيقافات بالجملة للاعبي الإسماعيلى حتى إضطر النادى لإستعارة عاشور حارس المصرى....غير ضربات الجزاء و الفكة البسيطة دى....طبعا، الأهلى كسب الدورى و ألف مبروك لإتحاد الكرة..

طلع النداء ده بعفوية شديدة من جماهير الإسماعيلية.....

أدوا الأهلى الدرع و خلصونا....

[DARWEEN]

أدوا الأهلى الدرع و خلصونا....

حاضررررر من عينينا الأتنين stnd:: bxg:: fty::

ولو أنه مش بمزاجكم mf( :D :D

ياعيني على اللي أول مايتزنقوا يعيطوا cr((: cr((:

ولا علشان خدوا الدوري مره صدقوا نفسهم <_< B)

يا أفيونا يا أخويا طول عمره الكبير كبير ... fty:: :huh: non::

يا أفيونا ... دا الباشا ... باشا cr((: mf(

[Guest Mohd Gramoun]

انت اتفرجت علي مباراة غير اللي انا و غيري اتفرج عليها؟؟؟؟

احمدوا ربنا علي ان الاسماعيلي احرز هدف من هجمة يتيمة طوال 98 دقيقة حفظت ماء وجهه..

وبعدين ضربات الجزاء الافضل ان الاسماعيلي بالذات ما يتكلمش فيها لا هو ولا المخططين لأنكم لما تطالبوا بضربة جزاء لابوجريشة شوف اتجاه الكرة راحت فين و قدم لاعب الاهلي كانت فين.... أما ضربة جزاء الاهلي قدم المدافع لم تغير اتجاه الكرة و لكن منعت مواصلة لاعب الاهلي محاولته للوصول للكرة....

و بعدين مشكلة الاسماعيلي موش في الحكام ... المشكلة في التوتر اللي زايد عن اللزوم و الملاحظ عليه في كل مبارياته الاخيرة بعد فضيحة نهائي كأس افريقيا...حتي معتصم سالم...لو عندك دقة ملاحظة زي ما لاحظت و علقت علي ضربات الجزاء كنت تشوفه بعد ما يشترك في كل كورة يلتفت لمقاعد الجهاز الفني.... و لا عصبية ابوجريشة من الدقيقة الاولي...

هاتولهم طبيب نفسي و عالجوهم عشان لما يلعبوا متش يلعبوا فعلا.... لكن هجمة و يارتها منظمة .....مرتدة طوال 98 دقيقة و بترموا الشماعة علي الحكم اللي كان اسرع من اي لاعب أمس و بجانب الكرة في كل الاحوال و الاوقات .....

طيب كنت فين يا طيب منك له السنة اللي فاتت لما الاهلي ماكنش يتحسب له ضربة جزاء و الحكم يقول بديله الفرصة ...فرصة ايهههه...فرصة سعيدةةة

[Sharkiah]

أنا مش هاأعلق بأى كلمه على كلامك ياأخ مجرامون ولن أشكوك حتى لله ونحن فى يوم جمعه قد أصادف فيه ساعه الإجابه لأن فى وسط المشاكل الطاحنه التى نمر بها يعز على قوى تشاحن أو تباغض إثنين مسلمين موحدين بالله بسبب مباراه كره ، أما سبب كتابه هذا التعليق فهو أنى فقط أردت لفت إنتباهك إلى حقيقه كون الأخ أفيونه مش إسمعيلاوى لترى بنفسك إلى أين تقودنا البغضاء

[Mohammad Abouzied]

أنشاء الله مفيش بغضاء ولا حاجة دي نوع من التحابيش بس وبصراحة انا مش عارف لغاية دلوقتي الاهلي بيدفع كام ؟؟؟؟؟؟؟؟؟؟

[disappointed]

أنشاء الله مفيش بغضاء ولا حاجة دي نوع من التحابيش بس وبصراحة انا مش عارف لغاية دلوقتي الاهلي بيدفع كام ؟؟؟؟؟؟؟؟؟؟

الإفتراء وحش ups:

الأهلى عمره ماكان بيدفع فلوس للحكّام :) (و دى شهادة للّه)....

الحكّام هيّه اللى بتنزل الملعب مرعوبه ha) من الإعلام الأحمر اللى هيقطّعهم f((: mc: لو ما كرموش الأهلى

إييييييييييه.....أيّام.........الظاهر مواسم التحكيم إيّاه حترجع تانى mfb:

المهم إن ناصر عبّاس ده هوّه هوّه الحكم اللى حسب على الأهلى ضربة جزاء فى الوقت الضائع فى ماتش الأهلى و المنصورة فى المنصورة من سنتين (الكوره كانت واضحه جدّا) وبعدين إفتكر إن ده الأهلى فرجع فى كلامه و حسب الكوره حاجه للأهلى لازالت كل الجماهير لا تعرفها , وإرتدت الهجمة للأهلى ليحرز علاء إبراهيم هدف الفوز من تسلّل بعشرين كيلو متر

و الأغرب بقى إن ناصر عبّاس ده فى الموسم اللى قبل ذلك الموسم وعلى نفس الملعب إحتسب ضربتى جزاء وهميّتين على الزمالك فى ظرف 5 دقائق(من الدقيقة 35 إلى 40 من الشوط الثانى) ليحوّل فوز الزمالك 1-0 إلى فوز للمنصورة 2-1

إيييييييه....

مرحباً بعودة أيّام حسين مهاود (مع الأهلى) و إبراهيم النادى (الأهلى) و أحمد بلال (الحكم مش اللعيب) و المرشدى و محمد فتحى و غيرهم

مرحباً بعودة أيّام الـــ"عينى عينك" التى جعلت لاعبى المقاولين يدّعون الإصابة و يخرجون من الملعب واحد وراء الآخر (بأمر أنّوس مديرهم الفنى فى ذلك الموسم والذى قام بإستنفاذ تغييراته حتّى يصبح عدد اللاعبين أقل من العدد القانونى , وهو ماحدث بالفعل و ألغى الحكم المباراة.... وده طبعاً كان تعبير من المقاولين عن رفضه للقهر و الظلم التحكيمى الفاضح الذى حوّل تقدّمهم 1-0 إلى تقدّم غير شرعى للأهلى 2-1 بعد ضربه حرّة غير مباشرة فى الــ6 ياردة لم يعلم أحد سبب إحتسابها ...ثم جاء الهدف الثانى الذى يعتبر المثال الأعلى للحكّام المتواطئين عندما إنفرد أيمن شوقى وهو متسلّل بفدّانين و مع ذلك أمسك الحارس الكره فإذا بالحكم يحتسب ضربة جزاء و يطرد حارس المقاولين - كان سابق عصره كمان-)..........كان ماتش فضييييييحه (ده لو فيه ناس بتتكسف أساساً يعنى :P )

الظاهر إن الحكّام (النزيهة) دى ما بتظهرش غير لمّا الدنيا تكون ملطّشة مع الأهلى ;)

قبل مباراة الإسماعيلى والأهلى الأخيرة كنت أتحدث مع صديق زملكاوى بالتليفون و إتفقنا على أن ناصر عبّاس سيحتسب ضربة جزاء للأهلى , وبعد أن أحرز الإسماعيلى هدفه إتصل بى صديقى ليقول لى : هااااااا.....جاهز؟؟؟؟ البنالتى قرّب

قلت له : ديّتها 10 دقائق ;)

الحقيقة الكورة اللى رمى أسامه حسنى جتّته فيها قبل البنالتى و إتحسبت له فاول على سن الــ18 بدلا من إنذار له للتمثيل كانت مؤشّر على أن ناصر عبّاس بيتنشّق على البنالتى

ولو كانت على البنالتى بس كانت هانت.......إنّما ده هرى الإسماعيلى فاولات من كل حتّه حوالين الــ18 (حتّى الهدف الثانى كان من فاول وهمى كان واضح جدا إن مدافع الإسماعيلى لعب الكرة فقط)...... وهكذا ظل ناصر عبّاس يهدى لاعبى الأهلى الفاول كلّما تسوّلوه.....الحقيقه الراجل ماقصّرش..... كان بيحسب الفاول على الإسماعيلى بنيّة اللعيب قبل مايقرّب من لاعب الأهلى (وفى أحسن الظروف لمّا يدوس على خيال لعيب الأهلى)....إنّما كرة أبو جريشه فى آخر الشوط الثانى اللى لاعب الأهلى قصّه من وراء و هرس أنكل أبو جريشه (فيها كارت أحمر على فكره) مشّى اللعب فيها من غير فاول حتّى

ده غير طبعا الكرم فى الإنذارات للاعبى الإسماعيلى و التغاضى عن إنذار لاعبى الأهلى (حتّى ماهانش عليه يدّى إنذار لجيلبرسون اللى تقمّص شخصيّة لاعب كرة طائرة فى 18 الإسماعيلى)

وكانت الخاتمة مسك.......وقبل نهاية الوقت الضائع بنصف دقيقة وصل ذعر f((: ناصر عبّاس و مساعده من مجرّد إقتراب الإسماعيلى لــ18 الأهلى إلى درجة أن تحوّلت ضربة ركنيّة لا خلاف عليها إلى ضربة مرمى للأهلى ha)

بصّوا بقى.....

علشان يبقى واضح للجميع

إحنا كزملكاوية حاطّين (سَلَفاً) فى دماغنا إن الأهلى حيكسب كل ماتشات الدور الثانى ( الماتشات السهلة بجدارة , والنص نص بالعافيه و طلوع الروح و الترفيص و الشحتفه , والجامده بالتحكيم ;) )......طبعاً ما عدا ماتش واحد (أكيد عارفينه ;) .... بتاع الحكّام الأجانب اللى مالهومش فى الأحمر و درجاته..... وده طبعا ماتش حيكسبه الفريق الأقوى wst:: )

و زى ما بيقولوا .....

الكبير كبير

والنص نص نص

و الصغيّر مانعرفوش

وسيبوا الملك للمالك

سيد الكورة الزمالك

تم تعديل 12 مارس 2004 بواسطة disappointed

[DARWEEN]

وسيبوا الملك للمالك

سيد الكورة الزمالك

:) mfb: ups: ha) ha)

من أمتى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الله يخليك يامحبط ماتردش في صفحتين ونص ... علشان خاطري

وآدي راسك

[afiona]

أنشاء الله مفيش بغضاء ولا حاجة دي نوع من التحابيش بس وبصراحة انا مش عارف لغاية دلوقتي الاهلي بيدفع كام ؟؟؟؟؟؟؟؟؟؟

حسب الماتش يا حاج محمد....ماتش زى إمبارح قدام بعبع الأهلى و عفريت القناة اللى بقاله خمس سنين بيلب الأهلى أربعة فى أى ماتش، فى إستاد القاهرة أو فى الإسماعيلية، دورى أو كأس أو بطولة عربية، دورى رجالى أو حريمى، شفنا 4/0 & 4/1 & 4/2 & 4/3 و حتى التعادل كان لازم بالأربعة برضه، حتى سمى أصحاب الفانلة الrouge بنادى الfour by four 4X4، طبعا ماتش زى ده له حساب خاص.

بس الأهلى صعبان عليا، حيجدد للاعيبة ولا للحكام و الدنيا غلا و أسعار الحكام نار....

[se_ Elsyed]

قلبي عندكوا والله ... بس يابني ماتكلش في نفسك إنت وهو أحسن نصبح في يوم الصبح نلاقي شوية شعر .. طبعاً هانستغرب ونسأل أيه ده يا جماعة ؟

هايقولك ده شوية زملكاوية كلوا نفسهم ....

صعبان عليهم يا عيني إن الأهلي يغلب الإسماعيلي ماتشين ورا بعض ...

ومش صعبان عليهم الإسماعيلي اللي عمال يبيع لحمه لدرجة بقت دكة الإحتياطي عندهم كلها عيال صغيرة من أبو 16 و 17 سنة ...

بس برضوا في النهاية .. الأهلي عمهم وحارق دمهم وواكل لحمهم وموقع شعرهم ....

[Guest Mohd Gramoun]

يا اخ شرقية...دعاء ايه بس.... ربنا يسامحنا جميعا ويغفر لنا.. و شحناء ايه و بغضاء ايه...دي كورة... يعني خسارة و مكسب...

و يارب الاسماعيلي يكسب الاهلي علي طول يا اخي عشان ما نخسرش بعض... ha)

هوا الاهلي ده كان اسمه الاهلي جرامون .....عشان اتخانق عشانه؟؟ fsh::

المهم بس عشان نكون علي بينة ونور...انا بحب الاسماعيلي لما بيلعب....بس لما بيلعب موش لما بيخرب ups: و يكسر ax: و يعترض mfb: و سبب مشاكل الاسماعيلي في ادارته و لولا كده كانبقي له شأن تاني...

مبروك للأهلي و عقبال ما الحكام الأجانب يجاملوا الالي في متش الزمالك...

:) vmp:

[DARWEEN]

صح يامحمد بأمارة ماجاملوه يوم ماطردوا الكابتن الكبير بعد خمس دقايق وأيامها برضه الجماعه البيض عيطوا وقالوا الحكم كان لابس كرافته حمرا في المطار wst:: f((: f((: mc:

بس بصراحه كان منظرهم يفطس من الضحك وهما بيعيطوا في الملعب ومرتضى عمال يتنطط في المدرج

ياجماعه كلمة حق والله أنا بأحب الأسماعيلي زي الأخ جرامون بس لما يكون متحد مع الزمالك علشان يوقعوا البطل الكبير يبقى عيب

ولما الكابتن مش عارف مين عثمان يجبر لعيب أنه يوقع للزمالك علشان مايوقعش للأهلي يبقى عيب

ولما يفوتوا ماتشاتهم مع الزمالك زي ما بيحصل تبقى خيبه

ولما كل الأهلي مايروح يلعب في الأسماعيلي ياخد نصيبه من قلة الأدب آخر الماتش سواء غالب أو مغلوب يبقى أسمها أيه

وعلشان تعرفوا أن الكبير كبير ... الأهلي هو اللي بلغ الأسماعيلي عن تزوير اللاعب بتاع مالي في ماتش نهائي أفريقيا ...

وبعدين مش معقول أبو تلاتين دوري حيبص للناس اللي تحت ويحط راسه براسهم :) mfb: ups: ha) ha)

[afiona]

يا دكتور..............

المهم إن ناصر عبّاس ده هوّه هوّه الحكم اللى حسب على الأهلى ضربة جزاء فى الوقت الضائع فى ماتش الأهلى و المنصورة فى المنصورة من سنتين (الكوره كانت واضحه جدّا) وبعدين إفتكر إن ده الأهلى فرجع فى كلامه و حسب الكوره حاجه للأهلى لازالت كل الجماهير لا تعرفها , وإرتدت الهجمة للأهلى ليحرز علاء إبراهيم هدف الفوز من تسلّل بعشرين كيلو متر

أقولك أنا بقه علشان إنت ظلمت الراجل فى الحتة دى...لاعب المنصورة إرتكب foul shin guard، فاول واقى الساق، ودى الحكام المفتحة بس اللى عارفة إن اللاعب اللى واقى الساق بتاعه بيان أو يظهر على الجماهير أو اللاعيبة يعاقب بفاول، أو بنالتى لو الأهلى خسران ....

معلهش يا كبير، الحق حق....

و الأغرب بقى إن ناصر عبّاس ده فى الموسم اللى قبل ذلك الموسم وعلى نفس الملعب إحتسب ضربتى جزاء وهميّتين على الزمالك فى ظرف 5 دقائق(من الدقيقة 35 إلى 40 من الشوط الثانى) ليحوّل فوز الزمالك 1-0 إلى فوز للمنصورة

ده إسمه فاولات بأثر رجعى يا دكتور....الموسم اللى قابله فى ماتش المنصورة مع الأهلى كان له ضربتى جزاء لم تحتسب، وتصحيحا للوضع تم تعويضه فى ماتش الزمالك الموسم اللى بعده.... ups:

مرحباً بعودة أيّام حسين مهاود (مع الأهلى) و إبراهيم النادى (الأهلى) و أحمد بلال (الحكم مش اللعيب) و المرشدى و محمد فتحى و غيرهم

....ياااااه.....الناس بتاعة زمان اللى كانت لا تخاف فى محاباة الأهلى من أى حد مهما كان....بس فين أهلى عبدالعظيم (قدرى عبدالعظيم) وعبد السلام الحمامصى (الرجل الأحمر) من هده القائمة المنتقاة؟

حسين مهاود:

همممم....نهائى الكأس، 1984، المصرى مقطع الأهلى، متقدم بهدف لمسعد نور، و سونة ألغى هدف لحسام غويبة بحجة التفوه بألفاظ قبيحة ، و الوقت الأصلى خلص، و بنلعب فى الدقيقة الثامنة من الوقت الضائع،وهوبا، علاء ميهوب يتسلم الكرة وهو متسلل بعشرة متر، يوقف الكرة على إيده، مراقب الخط يرفع الراية ، سونة مطنش....

جووووووووووووون......النادى المصرى يعترض، بس دول من مدن القناة، أعداء يعنى.....الوقت الإضافى ينتهى 3/1 للأهلى ..... f((:

mfb: mc: إبراهيم النادى:

بعيدا عن صولاته و جولاته مع الأهلى، الأمر الدى أكسبه إسم الشهرة (إبراهيم النادى الأهلى) ، له واقعة شهيرة فى موسم 91/90 فى مباراة الإسماعيلى والترسانة، الموسم اللى كان لازم الأهلى يأخد الدورى بأى شكل و الإسماعيلى أحسن من كافة الأوجه....

النتيجة 2/2، الإسماعيلى مطرود منه واحد (كالعادة) و محتسب عليه ضربة جزاء (كالعادة برضه) جه منها هدف للترسانة ....المهم، اللعب متوقف لعلاج فوزى جمال، والجهاز الطبى بالملعب، و لاعبى الإسماعيلى متجمعين حول اللاعب، هوبا الترسانة تلعب الكرة، ينفرد جمال عبد الحليم و يحرز هدفا و لسة كل الخلق بالملعب....

جوووووووووووون.......

بالمناسبة ، حمزة الجمل ضرب إبراهيم النادى على قفاه (مالوش حق طبعا) كرد فعل....ونشرت صورة القفا بكل الصحف...وعشان كده لما النادى بقى مديع بالتلفزيون، كل لما كانت تيجى سيرة حمزة الجمل يحسس على قفاه....

طب فاكرين هدف حسن شحاتة الشهير فى مرمى إكرامى 1982 ? :)

طب فاكرين لما الحكم محمد ضياء فى موسم 95/96 فى ماتش الأهلى و أعداء الوطن بالإسماعيلية، طرد حسام حسن و رجع فى قراره و أحرز حسام هدف و جابوها فى كل الصحف الكروية فى العالم تحت عنوان " لاعب مطرود يحرز هدفا" ..... ha)

نفس الماتش ده، حمزة الجمل أحرز هدفا من ضربة حرة مباشرة من نصف الملعب ، والحكم حسب تسلل وهمى ...غالبا على أحد بدلاء الإسماعيلى... ha)

كان ماتش فضييييييحه (ده لو فيه ناس بتتكسف أساساً يعنى  )

بإدن الله مافيش فضايح ولا حاجة...على رأى المعلق الكروى مدحت شلبى، الحكام بشر ومعرضين للخطأ(و التحيز و المحاباة و........)

قبل مباراة الإسماعيلى والأهلى الأخيرة كنت أتحدث مع صديق زملكاوى بالتليفون و إتفقنا على أن ناصر عبّاس سيحتسب ضربة جزاء للأهلى , وبعد أن أحرز الإسماعيلى هدفه إتصل بى صديقى ليقول لى : هااااااا.....جاهز؟؟؟؟ البنالتى قرّب 

قلت له : ديّتها 10 دقائق

نفس اللى حصل معانا هنا، كلنا عارفين إن لازم فيه بنالتى ضد أعداء الوطن الإسماعيلاوية أحفاد ريتشارد و لويس ، بس الرهان إمتى البنالتى...

إنّما كرة أبو جريشه فى آخر الشوط الثانى اللى لاعب الأهلى قصّه من وراء و هرس أنكل أبو جريشه (فيها كارت أحمر على فكره) مشّى اللعب فيها من غير فاول حتّى

التبرير جاهز : الحكم أعطى الفرصة ....ده حتى ميمى الشربينى كان هيرقع بالصوت....

wst:: يا لجنة الحكام...الأهلى بيدفع كام؟ f((:

[afiona]

وبعدين مش معقول أبو تلاتين دوري حيبص للناس اللي تحت ويحط راسه براسهم

يا عم الدورى موجود بس فين النفس اللى تاخده ...

(من أقوالى المأثورة)

أفيونة

عضو لجنة الحكام بالنادى الأهلى

[afiona]

وبعدين مش معقول أبو تلاتين دوري حيبص للناس اللي تحت ويحط راسه براسهم

إيه النظرة الطبقية البرجوازية دى ؟

أفيونة

عضو لجنة الحكام بالنادى الأهلى

تم تعديل 13 مارس 2004 بواسطة afiona

[DARWEEN]

إيه النظرة الطبقية البرجوازية دى ؟ 

الأهلي عمهم ... وحابس دمهم

ام أنا من الصبح عمال أقولك ... الباشا ha) ha) wst:: باشــــــاااا

أمال لو ماكانش الأهلويه المصريين أبا عن جد مش المخلطين على أنجليز من يوم ماطلعوا يبقوا برجوازيين أمال مين اللي يبقى برجوازي f((: f((: mc:

يكفي الأهلي فخرا أنه لم يرأسه يوما ما حيدر باشا عميل الملك ولا عبدالحكيم عامر سبب وكسة مصر حتى الآن وأيامهم كان الزمالك بيكسب بقرارات ومراسيم مش باللعيبه ... وأيامها برضه كانت لوائح أتحاد الكره بتتغير علشان عيون الزمالك وكانت اللعيبه بيتم نقلها للزمالك أجباري s-: s-: s-: ولولا الأيام دي كان كبير الزمالك 2 دوري زيه زي الأوليمبي

بس أنتوا أثبتوا أن الأسماعيلي بقى أسمه الرسمي نادي الزمالك فرع الأسماعيليه

وبعدين الوقائع الغريبه اللي بتحكوا عنها دي بتدل على أن تشجيع الزمالك بيؤدي لتأثيرات سيئه على صحة الإبصار :P

أنا على ما أفتكر أن حسن شحاته في الموسم الجميل اللي بتحكي عنه ده 1982 قطع فانلته من الفرح لما جاب جون في جمهورية شبين في الكأس بعد ما أتعادلوا في أستاد القاهره 1-1 والماتش التاني جاب فيه حسن شحاته جون في آخر خمس دقايق وهو أوفسايد بحولي خمسه كيلو وقطع فانلته من الفرح :) mfb: ups:

بس بلاش بقى أحكي عن المباديء والقيم والناس اللي بتقطع بعض ولا اللي بيجروا جري الوحش ورا لعيب طرده الأهلي لسوء سلوكه

بلاش تقارنواااااااااااا ...... حتتعبوااااااااااااااااااااااااااااااا

[disappointed]

إبراهيم النادى:

بعيدا عن صولاته و جولاته مع الأهلى، الأمر الدى أكسبه إسم الشهرة (إبراهيم النادى الأهلى) ، له واقعة شهيرة فى موسم 91/90 فى مباراة الإسماعيلى والترسانة، الموسم اللى كان لازم الأهلى يأخد الدورى بأى شكل و الإسماعيلى أحسن من كافة الأوجه....

النتيجة 2/2، الإسماعيلى مطرود منه واحد (كالعادة) و محتسب عليه ضربة جزاء (كالعادة برضه) جه منها هدف للترسانة ....المهم، اللعب متوقف لعلاج فوزى جمال، والجهاز الطبى بالملعب، و لاعبى الإسماعيلى متجمعين حول اللاعب، هوبا الترسانة تلعب الكرة، ينفرد جمال عبد الحليم و يحرز هدفا و لسة كل الخلق بالملعب....

جوووووووووووون.......

بالمناسبة ، حمزة الجمل ضرب إبراهيم النادى على قفاه (مالوش حق طبعا) كرد فعل....ونشرت صورة القفا بكل الصحف...وعشان كده لما النادى بقى مديع بالتلفزيون، كل لما كانت تيجى سيرة حمزة الجمل يحسس على قفاه....

ده كان اللواء عصام صيام يا أفيونه , واللى جاب جون الترسانه اللى عمل المشكلة كان محمد كمال , والجمل إتشطب بعد الماتش ده , وصيام إعتزل التحكيم بعد صورته المهينه على غلاف آخر ساعة

إبراهيم النادى كان ليه ماتش شهير بين الزمالك و المقاولين فى إستاد القاهرة , والزمالك كان كسبان 1-0 , وحسب على الزمالك 2 بنالتى فى 10 دقايق , لكن طارق يحيى جاب جونين وفاز الزمالك 3-2 رغم أنف إبراهيم النادى (الأهلى mfb: :) )

الدكتور محبط

عضو هيئة التأريخ الكروى

[disappointed]

حسين مهاود:

همممم....نهائى الكأس، 1984، المصرى مقطع الأهلى، متقدم بهدف لمسعد نور، و سونة ألغى هدف لحسام غويبة بحجة التفوه بألفاظ قبيحة ، و الوقت الأصلى خلص، و بنلعب فى الدقيقة الثامنة من الوقت الضائع،وهوبا، علاء ميهوب يتسلم الكرة وهو متسلل بعشرة متر، يوقف الكرة على إيده، مراقب الخط يرفع الراية ، سونة مطنش.... ups:

جووووووووووووون......النادى المصرى يعترض، بس دول من مدن القناة، أعداء يعنى.....الوقت الإضافى ينتهى 3/1 للأهلى .....

هدف المصرى الملغى لحسام غويبه صح , بس هدف المصرى المحتسب كان لطارق سليمان فى الدقيقه 7 من الشوط الثانى

وهدف تعادل علاء ميهوب اللى جه فى الدقيقه عشرميّه من الوقت الضائع كان فعلا مهزلة تحكيمية

الوقت الإضافى علاء ميهوب جاب الثانى و خالد جاد الله جاب الثالث

ماصعبشى عليّا فى الماتش ده أكثر من الحاج سيّد متولّى رئيس النادى المصرى وهوّه بيزرّر الجاكتّه فى المقصورة فى الوقت الضائع علشان يجهز لإستلام الكأس.....قووووووم حسين مهاود خلاّه يقلع كل هدومه :) mfb:

[afiona]

أحرجتنى بالتاريخ يا دكتور....إنت مدون الفضائح الحمراء دى ؟

[disappointed]

أنا على ما أفتكر أن حسن شحاته في الموسم الجميل اللي بتحكي عنه ده 1982 قطع فانلته من الفرح لما جاب جون في جمهورية شبين في الكأس بعد ما أتعادلوا في أستاد القاهره 1-1 والماتش التاني جاب فيه حسن شحاته جون في آخر خمس دقايق وهو أوفسايد بحولي خمسه كيلو وقطع فانلته من الفرح

الظاهر النهارده يوم تأريخ

حسن شحاته قطع الفانلّة فى ماتش للزمالك مع المنيا فى إستاد القاهرة , وكانت المنيا حظّها عالى جدّا على الزمالك , وفى هذه المباراة ضاعت من الزمالك فرص خرافيّه , وفى منتصف الشوط الثانى أحرز محمد صلاح هدفا فى مرمى عادل المأمور وأُحتسب الهدف بإسم لاعب المنيا عادل أنور الذى كان ضاغطا على محمد صلاح و مشتركا معه فى الكرة

وبعد فاصل من الفرص الوهميّه أحرز حسن شحاته هدف فى آخر 5 دقايق بطلوع الروح , فقطع الفانلّه من شدّة نرفزته من حظ المنيا على الزمالك (جمهور الأهلى طلّع أيّامها هتاف ما يصحّش أقوله بحذافيره...بس كان معناه بيقول : قطع الفانلّة....قلع الـــ..... , ولا شاف دورى ...ولا شم الكاس)

وبعدين ياعم داروين ماتش سبين بتاع الكأس ده اللى الزمالك كسبه بجون حسن شحاته كان ماتش الإعادة و كان فى ملعب شبين ولم يتم إذاعة المباراة من أساسه و لم يثر أى جدل على هدف حسن شحاته فى الصحافه , بل على العكس تم إلغاء هدف للزمالك أحرزه مجدى شلبى (الله يمسّيه بالخير.....كان لعيب حرّيف و مؤدّب و متديّن بس إصابته فى الحوض خلّته يبطّل وهو فى سن صغير)

د/ محبط

عضو مجمع التأريخ الكروى

[disappointed]

أحرجتنى بالتاريخ يا دكتور....إنت مدون الفضائح الحمراء دى ؟

على سى دى

يا...سيدى

:) mfb: ups: