عصابة بنات مصرية

[engmido]

قابلونى لو نفعتوا

يابنت انتى وهى

ده بدل ماتمسكلكم كتاب وتذاكروا

يا اخوات الاعدادية قربت

:lol: :lol:

[Amr Radwan]

ايه ده؟ :happy: هو فيه بنات فى مصر؟ :happy:

عموما انا مش عايز ابقى ضحية.. خلينى ماشى جنب الحيط احسن و اتفرج من بعيد لبعيد :lol:

انت كمان ؟؟ دول مجرد ما حد يخش و يقول عاوز اتفرج يعتبروه ضحية .. الواضح انهم مش لاقيين ضحايا .. و ما صدقوا لقوا متفرجين :happy:

[shiko]

بغض النظر عن الضحايا اللى عمالة تتساقط ..من اليمين والشمال ...واخدالى بالك انتى يارضوى ....

....فرسة اليوم :

باختصار الصبح نزلت انا و3 صحابى نضرب النوسكافيه من البنزيمة اللى جمبنا...ومعاها سنكوتش التونة المتين

وعلشان الوقت ضيق جرى داخلنا كل واحد يجيب حاجته بسرعة "انتشار القوات" اوم روحت انا اجيب السنكوتش ...مالاقيتش ...فسالت الراجل بمنتهى الصرامة ...مفيش تونة ...قالى لاْ....عادى ادورت ولسة هامشى .....

لاقيتلك صاحبتى جاية فى وشى وبتضحك ..بابتسامة عريضة وبتسال الراجل ...هو ....مافيش تونة ؟؟؟

تتخيلوا يرد عليها يقولها ايه ....؟ ...علشانك انتى ؟؟ هزت دماغها لليمين فى خفة ودلع ...ووسعت الضحكة شويتين ....

قالها طبعا فيه ....؟اتسمرت مكانى بعد ما اخدت وضع الاستعداد للذهاب ...واتلفت وانا مبحلقة فى حديثهما المتبادل...

وتنحت ...والفرسة اشتغلت ...؟ولسة هاقوله ...راحت هى سبقت وقالتلى موش انتى عاوزة يا شيكو .

..خليهم 2 ...راح ...بصصلى وقالها موش انتى قولتى علشانك ...

طب بالله عليكم ...ده مايستهلش يكون ضحية ...خصوصا بالطرطور اللى لابسه على دماغه ده؟؟؟

بذمتكم موش حلال فيه الخطف ...قررنا نحن خطف المدعو فى حقه وتعذيبه ..بالجلد بعصاية الاستيك ...وطلب عدد5سندوتشات تونة للعصابة فدية عن المخطوف ...

تم تعديل 8 مارس 2010 بواسطة shiko

[shiko]

قابلونى لو نفعتوا

يابنت انتى وهى

ده بدل ماتمسكلكم كتاب وتذاكروا

يا اخوات الاعدادية قربت

:) smk:

اشحال ..مانت ميدو ...بتشخط على ايه ؟؟

الاعدادية دى ..حضرتك احنا لسة بنذاكرلها ...يعنى عليك وانت مخطوف وبتتعذب بالكهربا ...صعبان عليا يا ميدو الله ..

طب مانفسكشى فى حاجة ؟؟

اتصدق انت تليق فى دور الضحية موت ..بلاش يابنى تخرج من بيتكم انهاردة احسن ...

[myusername]

الفرسة..الاولى :

...وكشفت عن ساقيه

موش عارفة ليه ...انا مفروسة من عم ...قطز "وده الاسم الحركى " للجناينى ...اللى عند صديقتى الانتيخ ...

وانا ولحظى التعس ...بعدى ...على صاحبتى دى فى الرايحة والجاية ...بيتهم قريب منا ..

اوم لما اعوز اقابلها اعدى عليها واستناها تجت واضرب كلاكس تنزللى...وإذ انى بضرب بعنية ....والدنيا ضلمة كحل ..الاقيلكم ..من ورى الزرع ...فى رجل بتتحرك

...وموسيقى برنامج ...من الجانى اشتغلت فى ودانى ....وعلى مرمى عينى شايفى رجلين بتتحرك...وجاية ناحيتى ...طب انط اروح فين ...

المهم ارفع عينى كده الاقيلك واحد حاطط طرف الجلابية فى بقه وجاي يبصلى "ويكشف عن ساقيه "...طب ياجماعة حد يقوله ...انه يسيب المدعوقة دى من بقه ويغطى رجليه كده عيب ...لا ..كل مااتهبب اروح القيه ..يخرج بنفس المنظر ده ...المهم جيت فى مرة ...وقلت لصاحبتى ...وقلتلها ماهو ماينفعش وكشفت عن ساقيه يعمل كده ؟؟

لاقيتها ضحكت وقالتلى هو مابيعملش كده الا معاكى انتى ومش فاهمة هو بيعمل كده ليه ..

بطلت اروحلها الا فى الشديد الاوى ..واول ما استناها تحت بيتهم ..اقعد اتلفت يمين وشمال ..ياترى هايطلع منين "اصله كل مرة بيطلع من حتى شكل..."

طب بزمتكم موش من حقى اتفرس؟؟

الطلعة الاول ...يتم القبض على عم قطز ....ويتم سجن المدعو فى حقه سجن مشدد ...ولا يجوز له الكشف عن ساقيه ...لمدة عام عقابا له على فرستى ...

مش عارف ايه اللى يفرس فى كده صراحة؟ :P

90% من الجناينية و البوابين... خصوصا اللى لسه جايين من بلدهم :) بيعملوا الحركة دى.. مش عارف ليه smk:

[رضوي]

انت جيت يا حسب الله ...حسرة عليها يا حسرة عليها ...

طب وانت واقف ليه من بعيد تعال قرب ..ادخل برجليك اليمين وخطى ...

هاتى البخور يارضوى نبخر الزبون ...طب بذمتك انت موش تستاهل ...داخل فى وسط عصابة ..وتستفذهم وتقلهم كلبة وتاء التأنيث ...

طب بذمتك ...موش انت تستاهل اللى هايجرى عليك

انا من رايى يا رضوى ...ناخد الزبون عالكرسى الاعتراف الاول يتكهرب وياخد الواجب بتاع السحلب ...ويجى نوضبوه .......

شيلوا الميتيتن اللى تحت

انا كنت عايز اقول ان ارسلين لوبين كان بيقول دايما لما كانوا بينادوله يتحرى على جريمه قتل ولا حاجه زى كده يعنى

ابحث عن المرأه

هى دى تاء التأنيث

هى ليه صحيح تاء التأنيث سبب فى مشاكل كتير :old:

هي بقت كدة

مين اللي قال ان تاء التأنيث سبب مشاكل كتير

بالعكس تماما

دة نظرة الرجال لتاء التأنيث هي اللي بتسبب المشاكل دي

يعني لو تعترفوا اننا لن نقل عقلا ولا تفكيرا ........ يبقي المشكلة اتحلت وخلصت .......... لكن غرور الرجل هو اللي بيعمل مشاكل

صدق اللي قال

وراء كل رجل عظيم امرأة أعظم

انت لسة واقف بعيد ............... خليك شجاع وقرب ماتخافش ......... دافع عن نفسك ضد العصابة ...... لو تقدر عليهم ؟؟؟؟؟؟؟؟

[رضوي]

ايه ده؟ :old: هو فيه بنات فى مصر؟ :)

عموما انا مش عايز ابقى ضحية.. خلينى ماشى جنب الحيط احسن و اتفرج من بعيد لبعيد :o

انت كمان ؟؟ دول مجرد ما حد يخش و يقول عاوز اتفرج يعتبروه ضحية .. الواضح انهم مش لاقيين ضحايا .. و ما صدقوا لقوا متفرجين :dirol:

لالالالالالالالالا

الضحايا كتييييييييييييييير بسم الله ماشاء الله

لدرجة اننا خلااااااااص مش لقينلهم مكان ............. بس نعمل ايه ,,,,,,,,,, دورنا بقي في المجتمع ولازم نأديية علي أتم وجه

ههيييييييييييييييييييييييهههه دنياااااااااا

ماحدش بياكلها بالسااااااااااهل

[shiko]

مطلوب ...خريجين حديثى التخرج ...."يعنى عندهم خراج صغنون"...حسرى عليهم يا حسرى عليهم

للتعيين فورا ....بعصابة الخمس ...

المزايا

دخل شهرى ثابت "من تقليب الزباين"

يونيفورم "تي شيرت مقلم ابيض فى اسود"

تأمينات ومعاشات "فى حالة القبض عليك لاسمح الله

تنفيس عن نفسك ...وهاتلاقى حد تخرج فيه غلبك ....

ضمانات عضوية لاسرتك ..مجانا "دى زى الكيميا والاحياء كدة"

انتقالات ثابتة ذهاب وايابا

[رضوي]

قابلونى لو نفعتوا

يابنت انتى وهى

ده بدل ماتمسكلكم كتاب وتذاكروا

يا اخوات الاعدادية قربت

:old: :)

طب نقالك الساعة كام

اصلنا هننفع ...................... اصل مبدأنا القضاء كل كل الرجالة اللي بيزعلونا

أو بيقولونا مش هتنفعوا

واخد بااااااااااااااااااااااااالك

هو الأخ قعد ع الكرسي ولا لسة ياشيكو ؟؟؟؟؟؟؟؟؟

[shiko]

بلاش يا رضوى حرام ...الكرسى دلوقتى ...مشغول فى الفسيخ ...وهاتبقى الكهربا زيادة على ميدو ...بلاش خليه يكمل تعليمه

[لماضة مصرية جدا]

بلاش يا رضوى حرام ...الكرسى دلوقتى ...مشغول فى الفسيخ ...وهاتبقى الكهربا زيادة على ميدو ...بلاش خليه يكمل تعليمه

السلام عليكم و رحمة الله و بركاته

زعلااااااااانة اوي جدا خالص مالص بالص

يعني انتوا سايبين الاجرام.... و انتي يا حلوة انيت و هي ماسكين في ضحية اسمها ميدو......طب الطم و لا اصوت...و يوقولوا الشابة اتجننت

يعني ينفع كده نبقي قاعدين في الوكر بتاع الدفاس.....و لا بتاع سلومة الاقرع....و كل واحد هاتك يا بلطجة و إجرام و انت هتقولوا ميدو...؟؟؟

انتوا كده حسستوني ان دي عوصابة القناع الاسود بتاعت ميدو ماوس.......... :old:

كسفتوني وسط المجتمعات الواطية

منكوا لله

الا قولولي......هو عم دهب اخباره ايه....(طول عمري و انا صغير بسال سؤال استراتيجي هو يا تري عم دهب ما بيحسش بالبرد لما كل القصص طالع لابس زوكتة بس من غير زعطلون.....ليه بقي؟؟؟)

يلا حبة غبااااء ع العوصابة عشان القعدة تحلو..... :)

مسااااااااكم كركرة شيشة....هع هع هع

[من بعيد]

انت جيت يا حسب الله ...حسرة عليها يا حسرة عليها ...

طب وانت واقف ليه من بعيد تعال قرب ..ادخل برجليك اليمين وخطى ...

هاتى البخور يارضوى نبخر الزبون ...طب بذمتك انت موش تستاهل ...داخل فى وسط عصابة ..وتستفذهم وتقلهم كلبة وتاء التأنيث ...

طب بذمتك ...موش انت تستاهل اللى هايجرى عليك

انا من رايى يا رضوى ...ناخد الزبون عالكرسى الاعتراف الاول يتكهرب وياخد الواجب بتاع السحلب ...ويجى نوضبوه .......

شيلوا الميتيتن اللى تحت

انا كنت عايز اقول ان ارسلين لوبين كان بيقول دايما لما كانوا بينادوله يتحرى على جريمه قتل ولا حاجه زى كده يعنى

ابحث عن المرأه

هى دى تاء التأنيث

هى ليه صحيح تاء التأنيث سبب فى مشاكل كتير :lol:

هي بقت كدة

مين اللي قال ان تاء التأنيث سبب مشاكل كتير

بالعكس تماما

دة نظرة الرجال لتاء التأنيث هي اللي بتسبب المشاكل دي

يعني لو تعترفوا اننا لن نقل عقلا ولا تفكيرا ........ يبقي المشكلة اتحلت وخلصت .......... لكن غرور الرجل هو اللي بيعمل مشاكل

صدق اللي قال

وراء كل رجل عظيم امرأة أعظم

انت لسة واقف بعيد ............... خليك شجاع وقرب ماتخافش ......... دافع عن نفسك ضد العصابة ...... لو تقدر عليهم ؟؟؟؟؟؟؟؟

اولا مساء الفل (بالضمه) جميعا

ثانيا السلاح بتاعى اصابه طل مفاجئ وراسه والف سيف انه ما يشتغل اللى هو الكومبيوتر يعنى

ثالثا علبال ما قفلت الحسابات وحبست الزغاليل فى العشه

رابعا ذكرت انفا ان الحرب طالما من خلف الكى بورد يبقى لا ضرر ولا ضرار

ندخل بقى فى المفيد تا تا ن

انا شخصيا ممكن امضى على اعتراف مكتوب ان كيد النسا صعب على الرجاله انهم يردوا عليه بكيد مثله وان اى واحده ست وبقول اى ونحط تحتها عشره خمستاشر خط سواء بقى حلوه ولا وحشه غنيه ولا فقيره ارعه ولا بشعر لو حطت فى دماغها انها تنكد عيشه اللى معاها (جوزها يعنى) يبقى مفيش مفر ادام الراجل يا عينى الا انه يسكت لانه لو خرج وساب البيت مسيره هيرجع لو مش الساعه تسعه تبقى عشر ونص ولو مش دى يبقى بعد نص الليل واول ما يحط ادمه جوه البيت هيلاقى جرعه اضافيه من التكد يبقى من الافضل انه يترزع فى البيت ووقوع البلا ولا انتظاره

دى حاجه

الحاجه التانيه فى رجاله بتعرف تدى لتاء التأنيث بتاعته (اللى هى مراته يعنى)البرستيج بتاعها يعنى قصر الكلام بيتقى شرها او عايش معاها فى هدنه طويله الامد وده تلاقيه بيعمل اللى هو عاوزه بيخرج وبيقعد عالقهوه وهكذا دواليك

وفى نوع تالت تلاقيه بيحب النكد وتلاقيه قاعد لمراته على الواحده بس ده برضه عنده نقطه ضعف وحشه اوى ان مراته بتطلع عليه سمعه انه شرانى وياعنى هى الضحيه وتلاقى النوع ده من تاء التأنيث اشد فتكا من التاءات الاخرى لان دى بتت حين الفرصه واول مالزبون يطب تغنى فعلا حسره عليه وحسره عليه

والنوع الاخير بقى من الرجاله اللى هم ناجحين اوى فى حياتهم ده مش عشان هو كان عايز يبقى ناجح وله اسم فى المجتمع_ لا دى ياعينى مراته منكده عليه ليل مع نهار ومطفشاه بره البيت وكأنه رد فعل طبيعى ان الراجل بيطلع غله فى اللى هو بيعمله لحد الاتقان ونجاحه كان نتيجه حتميه لعكننه مراته له

المقوله اللى حضرتك ذكرتيها صحيحه بس منقوصه هى كالاتى

وراء كل رجل عظيم امرأه تنغص عليه عيشته

تم تعديل 8 مارس 2010 بواسطة من بعيد

[shiko]

...لاحظت خلال الايام القليلة اللى فاتت ..ان النشاط فى العصابة مقتصر على نشاط الضحية اللى واقف بعيد

اوم حبيت ازود نشاط العوصابة ...وقلت انزل طلبات تعيين ...برضك مافيش زيادة فى الايراد...

طب يارضوى ...طب يالماضة قكروا معايا ازاى نزود عدد الضحايا ؟؟

قلنا ...نعمل نفس خطة ريا وسكينا ....ونجيب احنا الضحايا على ملا وشهم ...ونجرجرهم لحد النواحى دى ...

وننقض عليهم ...مستغلين طمع الضحية فى اللوحة الشرفية للعوصابة ....وعلشان الفكرة الجهنمية لسه مستخبية عن دماغكم ...

هاستنى شوية ...واعلن عنها بعد المداولة مع ريا ...وسكينة "رضوى ..و لماضة " برضوا لا خاب من استشار ...واهوه احنا عوصابة واحدة برضوه

[Amr Radwan]

...لاحظت خلال الايام القليلة اللى فاتت ..ان النشاط فى العصابة مقتصر على نشاط الضحية اللى واقف بعيد

اوم حبيت ازود نشاط العوصابة ...وقلت انزل طلبات تعيين ...برضك مافيش زيادة فى الايراد...

طب يارضوى ...طب يالماضة قكروا معايا ازاى نزود عدد الضحايا ؟؟

قلنا ...نعمل نفس خطة ريا وسكينا ....ونجيب احنا الضحايا على ملا وشهم ...ونجرجرهم لحد النواحى دى ...

وننقض عليهم ...مستغلين طمع الضحية فى اللوحة الشرفية للعوصابة ....وعلشان الفكرة الجهنمية لسه مستخبية عن دماغكم ...

هاستنى شوية ...واعلن عنها بعد المداولة مع ريا ...وسكينة "رضوى ..و لماضة " برضوا لا خاب من استشار ...واهوه احنا عوصابة واحدة برضوه

و مالة برده .. خدوا راحتكم .. و خدوا وقتكم في المداولة .. بس المهم ترجعوا :unsure:

[shiko]

انا شايفة انك ...بتتعاطى حبوب شجاعة ...ومزود الجرعة اليومين دول ....

[عاشق الترحال]

shiko

هو أنا لما أحب أخاطب شعب مصر قصدي (أعضاء التنظيم ) أكلم مين ؟؟؟

ومحدش يقولي إتصل ب زيرو تسعميه وتسعين والحوارات دي :lol:

قرروا وتداولوا وتشاوروا فيما ينكن وقولولنا مين هي زعيمة التنظيم ؟؟

على فكره انا ممكن أسلم لكم ( ميدو ) ومن غير خطف ولا حاجه ميدو طيب وإبن ناس ومش هيتعبني بس إعطونا الأمان يا اخوانا .

البت جوما بنتي الوقتى بتعرف تطرقع المطواه القرن غزال ويا دوب تعرف تذوق الزبون من غير غت ولا غز :lol: متهيالى ممكن تتفرجوا على مواهبها وهيا بتزوق ميدو وعلى العموم يا ميدو متخفش هنعملوا معاك الإنسانيه.

أي خدمه يا عصابة المحاورات . :unsure:

[Amr Radwan]

انا شايفة انك ...بتتعاطى حبوب شجاعة ...ومزود الجرعة اليومين دول ....

لا لسه :unsure: .. انا حتي الان بتفرج بس ..

و التنفيذ بعدين لما نعرف طريقة تفكير العدو و استرتيجياته و الحرب خدعة و تخطيط مش كلام :lol:

منتظرين نتفرج علي الضحايا اللي بتترما يمين و شمال و الدم اللي بيطرطش علي الجدران :lol:

[shiko]

يا ابو جوما ...انا كنت فاكرة ان جوما ...فطنتك على اللى فيها ...

من اصول وقواعد العصابات عدم الكشف ابدا وباتاتا ...عن الرئيس التنفيذى لاى منظمة ؟؟؟

راجع فيلم العميل رقم 13 ....الريس الكبير طلع ...الجناينى ...

راجع بقى الفرسة الاولى ....بالموضوع ذاته ...هاتلاقى انى ذكرت اسم ...الجناينى فى المداخلة ...

يبقى انت كدة حاليت اللغز ...ومن غير زيرو نسعتاشر ...

....وان شاء الله جوما...هاتلاقى فرصتها معانا ...خصوصا ان التشكيل بيزيد يوم ورا يوم ...

تم تعديل 9 مارس 2010 بواسطة shiko

[عنبو]

هااااااااااااااااااااااائووووووووووووووووووووووووووو هااااااااااااائووووووووووووووووووووووووووووو "" على رأى واحد حبيبى ""

دى غلطتنا احنا ياعم عمرو يعنى شوف البنات ايام زمان كانت بتعرف تقرص وتخبز وتطبخ وتخيط

وكانوا ستات بجد وكانت الواحده فيهم تستاهل كلمة ست بجد

من يوم لما عصام امين "" هو اسمه كده " قلك معرفش ايه وتعليم المرأه

دلوقتى عاوزين الروس تتساوى وكمان عاملين عصابات

طيب انا هسأل سؤال لاى واحده من العصابه

ما هو احساسك عندما تشاهدين صروصار او برص او فأر صغير كده فى الاوضه وانتى لوحدك كده ؟؟

[shiko]

يا سلام ...وانتوا مابتشطروش الا على الكائنات المستضعفة دى ؟؟؟

ادك ده ...؟؟

يعنى هو ده بقى فيلم الرعب اللى انت متخيله طبعاً,,,,

طب بس حاسب الفار ..اللى ماشى جنبك ده ...