دلوقتي بس اقدر اعترف اني زملكاووووووي

[ozoozo]

اخواني الأعزاء كنت عايز اعترفلكم من زمان اني زملكاوي وماكنتش قادر

دلوقتي بس اقدر اعترف

تخيلوا بقالي اكتر من عشر سنين مابتفرجش علي كوره بسبب الهزائم المتواليه ومن يوم السته واحد

فعلا انا مش مصدق نفسي بعد مالناس كانت بتتناقش اذا كنا فعلا هاننزل لدوري الدرجه التانيه ولا لأ

دلوقتي الزمالك في المركز التالت

وممكن قوي ينافس علي الدوري

مبروك لكل الزمالكاويه والي الامام

[Scorpion]

جبته لنفسك قابل بقي ...

سي السيد لو مديت ايدك عليه حسور قتيل هنا ... ده معايا.

[president]

اخواني الأعزاء كنت عايز اعترفلكم من زمان اني زملكاوي وماكنتش قادر

دلوقتي بس اقدر اعترف

تخيلوا بقالي اكتر من عشر سنين مابتفرجش علي كوره بسبب الهزائم المتواليه ومن يوم السته واحد

فعلا انا مش مصدق نفسي بعد مالناس كانت بتتناقش اذا كنا فعلا هاننزل لدوري الدرجه التانيه ولا لأ

دلوقتي الزمالك في المركز التالت

وممكن قوي ينافس علي الدوري

مبروك لكل الزمالكاويه والي الامام

يااااه ... يا ozoozo ياحبيبى . كل ده شايله فى قلبك وساكت .

انا فرحنالك أوى والله . مبروك ياسيدى على المركز التالت . فرفش بقى ياريس واتنطط وهيص واملا الدنيا فرح وسعاده ...

خلاص ياعم محدش قدكم بقيتوا فى المركز التالت .

والله العالم الزملكاويه دول غلبانيين والله ... ربنا معاهم ويفك ضيقتهم..

[محمد الششتاوي]

وانا زعلان

كان نفسي في التعادل :(

بتروجيت ضيع فرص كتير جدا

يا خسارة

متعوضة

[ozoozo]

ياجماعه من غير تريقه

لما نبقي في المركز الاخير ولا قبل الاخير وفاجأه نقفز للتالت ....ده معجزه

وبعدين ده الفريق الوحيد في الدوري اللي كسب سبع مباريات متواليه

فعلا ...الله عليك ياحسام

[عنبو]

وانا كمان بعترف انى زملكاوى بس اوعى حد يقول لسى سين اصل مخبين عليه يعنى

[se_ Elsyed]

أأأأأأأأأأأأأأأأأأأأأأأأأأأه

جلبي جايد نارررررررررر

كتبت مداخله غاضبة طويلة عريضة يقاف واتخذت فيها قرارات مصيرية بإيقاف زوزو وعنبو وثالثهم سكوربيون حتى نهاية الدوري

لكن النت فصل وراحت في الوبا

هامووووووووووووووووووووووووووووووووووووووووووووت

[ozoozo]

<br />أأأأأأأأأأأأأأأأأأأأأأأأأأأه <br /><br />جلبي جايد نارررررررررر<br /><br />كتبت مداخله غاضبة طويلة عريضة يقاف واتخذت فيها قرارات مصيرية بإيقاف زوزو وعنبو وثالثهم سكوربيون حتى نهاية الدوري <br /><br />لكن النت فصل وراحت في الوبا <br /><br /><br />هامووووووووووووووووووووووووووووووووووووووووووووت <br /><br /><br />

<br /><br /><br />

بص يابو الاسيان خدها قاعده في حياتك

اللي يجي علي الزمالك زي اللي يجي علي الولاياه بالظبط

مايكسبش

وبعدين عشان تتعلم تكتب مداخلاتك علي الوورد المره الجايه

[se_ Elsyed]

ده مش ولايييييييييييييييييه

ده حظ عووووووووالم

أدي الأسماعيلي إتعادل مع إنبي وده لصالح الزمالك

بالمناسبة

الاهلي هو كده اللي تحت ضغط رهيب

الزمالك مش فارقه معاه لإنه كان فين وبقى فين

وبتروجيت كلنا عارفين سلوكه المشين في الدور الثاني من الدوري . كل مره يعمل نفس الحركات دي ويخسر من طوب الأرض

والأسماعيلي مش فريق بطولات ... هو يأدي حلو .. لكن بياخد بطولة كل 30 سنة

لكن الزمالك يملك روح البطولات ويملُك ذخيرة حيه من اللاعبين الممتازين اللي حسام حسن عرف يوظفهم

يكفي إن ما عندهوش راش حربه عليه العين ... ومع ذلك الفريق بيأدي كويس ويكسب

[ابوهنا]

انا الان افخر انى زملكاوى

بس كنت اتمنى ان الانجازات ديه تحصل مع مدرب اخر غير البلطجيه اولاد حسن

لان الاخلاق اولا

[hOuSsAm]

كابتن كابتن

شيل اللى وقع منك :lol:

انجاز ايه بس وصلى عالنبى كدة واهدا

زمالك ايه بس اللى نصه اهلاوى :lol:

يعنى عشان تفوقوا وتلعبوا ماتشين كويسين لازم تستعينوا بخبرات حسام حسن (تربية الاهلى) بعد مصرفنا عليه دم قلبنا وخلناه نجم كبير وغير ابراهيم سعيد .............. الخ الخ

يا جماعة الموضوع مش موضوع دورى ولا ترتيب الحكاية اكبر من كدة بكتير الحكاية بنلاقيها لما المنتخب ياخد 3 بطولات ورا بعض بلعيبة النادى الاهلى

لما تلاقى النادى الاهلى راشق فى كل بطولة واخدهم من بطولة افرقيا لدورى الابطال للدورى والكاس لليابان لكاس القارات هما هما نفس اللاعيبة

يعم الموضوع كبير اوى وهقولك هو بيتحسب ازاى

كل الاندية بتلاعب ماتشتها مع الاهلى على اساس انه ماتش بطولة ونفسهم ولو حتى يكسبوا شرف التعادل مع الاهلى

كترتيب فى الدورى كل الاندية بتنافس انها تاخد المركز التانى لان المركز الاول ليس له محل من الإعراب لوقوعه فى نادى الجزيرة

النادى الاهلى نادى مفرخة للمنتخب وللاندية التانية وبالذات الزمالك

الزمالك هيقفل مدرسة الكورة عنده قريب لانه كدة كدة بياخد اللاعبين بتوعه من الاهلى (بلاها مصاريف)

انا شايف ان الزمالك يحاول يتعاون مع كام نادى كدة ويعملوا منتخب على ادهم عشان يلاعبوا الاهلى ويوصلوا لمستواه اخلاقيا وفنيا ويطلع لاعبيه تسد شوية فى المنتخب حرااام عليكوا لاعيبة الاهلى تعبت والله وشايلة الحمل على كتفها هنا وهناك

بس بكره هتحلو باذن الله

[engmido]

الاهلى حديييييييييييد

بس يلعبوا و يبطلوا دلع

[محمد الششتاوي]

:lol: :lol:

[jasmin hamed]

و الله يا جماعه انا فرحانالكوا اخر حاجه بجد رغم انى اهلويه صميمه بس زوجى العزيز زملكاوى

و اخيرا جوزى راح على القهوه يتفرج على ماتش للزمالك كل اسبوع كنت اسئله ( الا هوه الدورى مش شغال ) ( هو انتا مابترحش تتفرج على ماتش على القهوه ذى ما الرجاله بتعمل ليه ) و لا حياة لمن تنادى

الحمدلله طلع لكم حس اخيرا ...............

و المنافسه ديه من مصلحة الاهلى و الدورى عشان يبقى فيه دافع للعب و نلاقى حد كبير نكلمه

و على فكره رغم انى مابحبش حسام و لا حتى لما كان فى الاهلى بس بجد الراجل ده عندو حاجتين الانضباط و الحماس و هوه ده الى ناقص الزمالك فعلا

و انا اتصور انه هبكون مدرب المنتخب كمان 10 سنين

[ozoozo]

كابتن كابتن

شيل اللى وقع منك :happy:

انجاز ايه بس وصلى عالنبى كدة واهدا

زمالك ايه بس اللى نصه اهلاوى :happy:

يعنى عشان تفوقوا وتلعبوا ماتشين كويسين لازم تستعينوا بخبرات حسام حسن (تربية الاهلى) بعد مصرفنا عليه دم قلبنا وخلناه نجم كبير وغير ابراهيم سعيد .............. الخ الخ

يا جماعة الموضوع مش موضوع دورى ولا ترتيب الحكاية اكبر من كدة بكتير الحكاية بنلاقيها لما المنتخب ياخد 3 بطولات ورا بعض بلعيبة النادى الاهلى

لما تلاقى النادى الاهلى راشق فى كل بطولة واخدهم من بطولة افرقيا لدورى الابطال للدورى والكاس لليابان لكاس القارات هما هما نفس اللاعيبة

يعم الموضوع كبير اوى وهقولك هو بيتحسب ازاى

كل الاندية بتلاعب ماتشتها مع الاهلى على اساس انه ماتش بطولة ونفسهم ولو حتى يكسبوا شرف التعادل مع الاهلى

كترتيب فى الدورى كل الاندية بتنافس انها تاخد المركز التانى لان المركز الاول ليس له محل من الإعراب لوقوعه فى نادى الجزيرة

النادى الاهلى نادى مفرخة للمنتخب وللاندية التانية وبالذات الزمالك

الزمالك هيقفل مدرسة الكورة عنده قريب لانه كدة كدة بياخد اللاعبين بتوعه من الاهلى (بلاها مصاريف)

انا شايف ان الزمالك يحاول يتعاون مع كام نادى كدة ويعملوا منتخب على ادهم عشان يلاعبوا الاهلى ويوصلوا لمستواه اخلاقيا وفنيا ويطلع لاعبيه تسد شوية فى المنتخب حرااام عليكوا لاعيبة الاهلى تعبت والله وشايلة الحمل على كتفها هنا وهناك

بس بكره هتحلو باذن الله

لما الجزائريين كانو بيقولوا انتم رشيتم الحكم كنت يقولهم

طيب وانتم مارشتهوش ليه الاول عشان تكسبوا

والناس اللي بتقول انكم بتستغلوا خبرات الاهلي ولعيبه الاهلي

بقولهم حاولو انتم كمان تستفيدوا منهم وماتطفشهومش وتخليهم يروحوا انديه تانيه :happy:

[الغريب]

أه ياخوفي منكم يازملكاوية

دلوقتي بتقولو الحمدلله كنا في جرة وطلعنا لبرة والمركز الثالث

وبكرة تقولو مين الأهلي ده أحنا اللي هنفوز بالدوري

مع أن الأهلوية الطيبين هما اللي ساندوكم علشان تشدو حيلكم شوية

تقومو تعضو الإيد اللي أتمدتلكم

ياخوووووووفي

بس صراحة إبراهيم حسن لا يصلح أبد لمنصب مدير كرة والكلام ده ، لأنه مش لبق ومش زكي ومتسرع ومينفعش يتفاوض مع لاعيبة

[matzakos]

الجماعه مصدقين إن حسام حسن مدرب كويس ...... .... أتحدى أي زملكاوي يقوللي على الخطة اللي بيبتدي بيها حسام أي مباراة

و شوفوا تغييراته وشوفوا تحركات اللاعبين جوا الملعب وانتوا تصدقوا إنه ولا يعرف أي شئ في التدريب

[ozoozo]

الجماعه مصدقين إن حسام حسن مدرب كويس ...... .... أتحدى أي زملكاوي يقوللي على الخطة اللي بيبتدي بيها حسام أي مباراة

و شوفوا تغييراته وشوفوا تحركات اللاعبين جوا الملعب وانتوا تصدقوا إنه ولا يعرف أي شئ في التدريب

في خطه ولا مفيش

بنكسب ولا لأ

وهو ده بيت القصيد

يأخي اعتبره حسن شحاته مع منتخب مصر

يعني هو ده اللي بيلعب بخطط واهي الدنيا زبادي في الخلاط معاه وعمال يكسب

[ozoozo]

اوووه

الزمالك في المركز التاني

:)

ياجماعه انا عايز اتشقلب

بس للاسف عندي كرش صغنون كده مانعني من الشقلبه

ياتري في وصفه معينه للشقلبه مع وجود الكرش

[محمد الششتاوي]

:)