مسلسل لحظات حرجة.. نسخة مصرية؟

[myusername]

قاعد فى أمان الله بتفرج عالتليفزيون.. و إذ بى أقلب على قناة او تى فى.. الاقى مسلسل اسمه لحظات حرجة ليسرا..

انا سمعت عن المسلسل قبل كده, و لكن لم اتخيل انه يكون نسخة تقليد للمسلسل الامريكى المشهور.. و فى الحقيقة لما قلبت بالصدفة عالقناة اللى شغال عليها المسلسل... مكانش مكتوب اسم المسلسل.. لكن انا عرفت بالويم كده ان ده تقليد عن مسلسل لحظات حرجة الامريكى, و طبعا الموضوع تأكد لى لما اتكتب اسمه..

بصراحة انا اندهشت جدا.. ليه التقليد بالمسطرة؟ لماذا لم يتم تعريب و تمصير المسلسل.. و صياغته لما يتوافق مع مصر؟

انا شايف ان كل اللى حصل.. هو الترجمة.. ده حتى انا لاحظت انهم عاملين الممثلين و الممثلات بنفس قصات الشعر.. و نفس الشكل.. بتاع الممثلين اللى فى المسلسل الامريكى..

ايه اللى انا هستفيده.. لما اشوف مسلسل متقلد بالمسطرة؟ يعنى ايه الاضافة اللى حصلت؟ طيب ما انا اروح اتفرج عالمسلسل الامريكى احسن!!

طيب انا هسأل ابسط سؤال.. هل الاحترافية اللى بيتم العمل بيها فى المستشفيات الامريكية.. هى نفس الاحترافية اللى موجودة هنا فى مصر؟ و نفس الاجهزة الطبية؟ بالتأكيد لا..

ده غير بقى استايل اللبس.. و طريقة الكلام.. و التعبيرات.. كلها مستوردة.. احنا بنتميز و بنختلف تماما عن الغرب فى تعبيراتنا.. و فى اسلوب حياتنا.. و حتى فى مستوى الحياة فى مصر..

اللى انا عايز اسأله.. هل فيه استفادة ان يتم نقل المسلسل بالمسطرة؟ و ليه فلوس الانتاج دى ماتتصرفش على مسلسل تانى.. حتى و لو كان مسلسل كوميدى ولا مسلسل هايف؟

طبعا انا بسأل من وجهة نظر المصرى البسيط.. average egyptian.. اللى بيركب الميكروباز و المترو.. و اللى بيروح مدرسة او جامعة عادية (مش دولية).. و اللى عايش فى منطقة عادية.. زى اغلب الشعب المصرى..

و يا ريت لو حد منكم اتفرج عالمسلسل.. يقول انطباعاته.

تم تعديل 7 مارس 2010 بواسطة myusername

[fatfouta]

إذ ربما المسلسل ده بصراحة تعبلى اعصابى جداااااا ومحبتهوش

ومع ذلك برضو استمريت فى الفرجة عليه لغايت الآخر لكن بصراحة عجبنى طريقة تمثيلهم كلهم وان هو متجدد دايما

واحداثه سريعة ومش مملة

[goodfaith]

كل السينما المصرية منقولة بالمسطرة من السينما الامريكية

بيعملولها شوية معالجة درامية ويطلعوا الفيلم اللي محصلش

حتى النيو لوك بتاع اي فنان عربي هتلاقي له اصل في الفنانين الغربيين

يعني حاجة مش جديدة

والمسلسل انا اعرفه وعارفة انه تقليد ال er بس مشفتوش خالص ولا حتى حلقة واحدة

[pink rose]

اتفرجت على حلقة واحدة منه و اتخنقت

حسيت اني باتفرج على نسخة غبية من er

و انا اصلا من عشاق er فا تقليده بالنسبالي كان قرف في قرف

[adrianocrespo]

من افضل المسلسلات التي تابعتها هو ER

و الميديكال دراما عموما في امريكا لها نصيب كبير

و عده مسلسلات ناجحه اخذت جوائز كانت تدور حول نفس الفكره

لا يوجد في مص medical drama

و يعتبر مسلسل حالات حرجه هو اول عمل من هذ النوع

و لكن يعيبه فعلا التقليد الشديد

لو كان في الامر محاكاه للواقع قليلا

من حيث مستشفي متوسطه المستوي كمعظم مستشفيات مصر

كان الامر سيصبح افضل

[Morial]

عن نفسي اخر مسلسل ممكن اتفرج عليه هو مسلسل ليسرا اعوذ بالله :happy: