العنوسة وتأخير سن الزواج

[ابو محمود]

اعزائى الاخوة كلما تقدم السن بنا واصبحنا نشاهد اولادنا فى طريقهم الى طلب الزواج تدور فى رئوسنا

افكار عن سبب العنوسة فى بعضآ من بنات مصر وشبابها وهذة المشكلة بدأت فى التذايد والتكاثر وما يدعو للدهشة ان مجتمعاتنا العربية . الشرقية البيئة اصيبت من جراء انشغالها بتحديث نظمها والتقرب الى العالم الاول وتقليدة بل والموافقة على بعض التشريعات والقوانين التى تختلف عن بيئتنا وثقافتنا

وعلى سبيل المثال تحديد سن الزواج بأنتهاء التعليم للمرأة وان يكون سن الطفوله من 15-19 سنة فأن الامم المتحدة ترى ان قيام المرأة بالزواج فى سن ما قبل العشرين يعتبر عنفآ ضدها ينبغى القضاء علية

وان الزواج المبكر يعيق تعليمها فهل الزواج من الممكن ان يعيق تعليم المرأة ؟؟

وعلى ضوء ذلك تشدد الامم المتحدة على حكومات الدول بأن تعمل على محاربة والقضاء على تلك الظاهرة الحميدة وهى الزواج ويعتبرونها ظاهرة خبيثة يجب محوها وهناك طريقين يتم استخدامهم لتلك الهدف

(1) رفع سن الزواج بموجب المادة 247من وثيقة مؤتمر بيجين 1995 وتعد اقرراتة بمثابة دستور لأدعياة حقوق الانسان

(2) المادة 275من وثيقة بيجين تنص على توليد الدعم الأجتماعى من جانب الحكومات والمنظمات الغير حكومية لأانفاذ القوانين المتعلقة بالحد الأدنى لسن الزواج بغرض اتاحة الفرصة لتعليم البنات

فأي ازدواجية هوائية تلك ونحن نرى الدكتور أحمد المجدوب الأستاذ بالمركز القومي للبحوث الاجتماعية بمصر يشير في دراسة بحثية له إلى أن الشباب الذين تخطوا سن الخامسة والثلاثين في مصر بدون زواج بلغ عددهم 9 ملايين شاب وفتاة، مقسمين إلى 5.5 مليون شاب و3.5 مليون فتاة، أي أن ثمة مليوني شاب زيادة عن عدد الفتيات، فهل نحن نعاني فعلاً من عنوسة أم أن المعانة الحقيقية تكمن في تعنت التزويج وتسويفه وأعاقتة بكثير من المعوقات المادية

وأخيرآ لنكن حكماء فى تعاطينا مع مشكلة العنوسة واسبابها وتعاظمها ولنجد حلول لها من بيئتنا وثقافتنا التى هى موروثنا الدافيء

[محمد افندى]

مشكلة العنوسة

مشكلة تعانى منها اغلب المجتمعات العربية وهى ظاهرة فالكثير من البلاد العربية المجاورة لنا تنتشر بها العنوسة

فى مصر الشاب بعد ما يتخرج حتى لو وجد شغل وبسرعة هيقدر يوفى بمتطلبات الزواج ازاى من شقة وشبكة وعفش اقصد فى كام سنة عشان كدة اغلب الشباب دلوقتى بيجوز وعندة 32 سنة فيما فوق وعشان نتكلم وبصراحة هنقول للاباء يخففو على الشباب وموضوع التيسير فى الزواج

اتفق انه يجب على الاباء التيسير ولكن دعونا نتفق اغلب الطلبات عادى هى طلبات ضرورية ولكن يجب عدم المغالاه

[الباشمهندس ياسر]

انا عاوز اتكلم من منطلق تاني

الموضوع مش فلوس بس

و مش فكرة جهاز و تفاخر فيه و الكلام ده

الموضوع ليه أكتر من زاوية

فيه حاجة مفقودة يا جماعه

ينفع نعلي صوت افكارنا و نتناقش فيها؟

[محمد افندى]

معاك ياهندسة

نعلى صوتنا ونطلع بافكارنا

ابدأ

[ابو محمود]

انا عاوز اتكلم من منطلق تاني

الموضوع مش فلوس بس

و مش فكرة جهاز و تفاخر فيه و الكلام ده

الموضوع ليه أكتر من زاوية

فيه حاجة مفقودة يا جماعه

ينفع نعلي صوت افكارنا و نتناقش فيها؟

والله انا شايف انك قولت ما هو مطلوب ياهندسة ياريت بقى الصوت يعلى ويعلى لأن الموضوع اكبر من انها عنوسة فقط الموضوع محتاج فنجان قهوة :unsure: وتفكير عميق

وبما انى مريض معدة وضغط هستأذنك اشرب كركدية :unsure:

[shiko]

انا حابة جدا ...نعلى صوتنا ...ونسمع رأى الشارع ....

رأى نون النسوة ...والجانب الاخر من السوالمة ...

انا من رايى ...العامل المادى ..."الجوانب المالية"....لاتتعدى الـ5%...من اجمالى المشكلة الكلية

[محمد افندى]

انا حابة جدا ...نعلى صوتنا ...ونسمع رأى الشارع ....

رأى نون النسوة ...والجانب الاخر من السوالمة ...

انا من رايى ...العامل المادى ..."الجوانب المالية"....لاتتعدى الـ5%...من اجمالى المشكلة الكلية

طيب يا شيكو لو العامل المادى بيمثل نسبة لا تتعدى 5% يبقى اية هى باقى العوامل من وجهه نظرك

[shiko]

.يبقى فى بداية الامر نسأل سؤال مهم ؟؟

العنوسة دى عند البنات بس ؟؟

ولا عند السوالمة بس ؟؟ :unsure: ..

ولا عند الطرفين ؟؟؟

...العنوسة ...مخرجات ...لخلفية مشتركة عند الطرفين ...

مساحة مشتركة مابين الاتنين ...اشتركوا فيها سوا ....

الاسباب مشتركة .....

ممكن اعلى صوتى شوية بس علشان السوالمة نايمين ...

الاسباب اللى عند البنات لوحدها موش هاتكون كافيه علشان نناقش الموضوع ...

لازم تسمع كمان من الولاد ....بس اللى انا متأكدة منه ....انه موش اسباب مادية ...بالمرة

[الباشمهندس ياسر]

والله انا شايف انك قولت ما هو مطلوب ياهندسة ياريت بقى الصوت يعلى ويعلى لأن الموضوع اكبر من انها عنوسة فقط الموضوع محتاج فنجان قهوة وتفكير عميق

وبما انى مريض معدة وضغط هستأذنك اشرب كركدية

الف سلامة عليك يا افندم

.يبقى فى بداية الامر نسأل سؤال مهم ؟؟

العنوسة دى عند البنات بس ؟؟

ولا عند السوالمة بس ؟؟ :unsure: ..

ولا عند الطرفين ؟؟؟

...العنوسة ...مخرجات ...لخلفية مشتركة عند الطرفين ...

مساحة مشتركة مابين الاتنين ...اشتركوا فيها سوا ....

الاسباب مشتركة .....

ممكن اعلى صوتى شوية بس علشان السوالمة نايمين ...

الاسباب اللى عند البنات لوحدها موش هاتكون كافيه علشان نناقش الموضوع ...

لازم تسمع كمان من الولاد ....بس اللى انا متأكدة منه ....انه موش اسباب مادية ...بالمرة

العنوسة دي عند الولاد و عند البنات كمان و ان كان اللفظ اقترن اكتر بالبنات ك عرف خاطيء يا شيكو

المهم ....

برجع كتير اوي بشريط الذكريات ... ياااااااه ده الواحد كبر بشكل

و اوقات اقعد اسرد فيهم .. تجربة تجربة .. عشان اقعد احلل و احاول اوصل لاسباب المشكلة

و الاقي ان كل تجربة و ان كان ليها سبب منفصل و انا حاولت اني اتفادي حدوثه ف التجربة التالية الا انها بترسي ف الاخر

علي نفس المنطلق

اوعي الكرامة يا سوسو

كرامتك زي مخلتك يا دفعة ..لو ضاعت مخلتك هنتصرف..بس لو ضاعت كرامتك مش هنلاقي قطع غيار

بس بصورة او باخري

ضرورة التعبير عن احتياجات احد الطرفين للمعاني الانسانية و احترامها

يعني

الاحتياج الانساني الداخلي المنبثق من التكوين النفسي الذي يختلف باختلاف الشخصيات

شفتي الموضوع هيكبر ازاي و الحوار هيبدأ يخرج من ايدينا

اعتبريني بس بصبح عليكي لغاية ما اخد اقهوة بتاعتي

[لماضة مصرية جدا]

السلام عليكم و رحمة الله و بركاته

مستوقفني الموضوع من فترة...م

مكن افكر معاكم شوية....و هفكر ب 3 شخصيات

لو انا ولد....هفكر كده

"تأخير سن الزواج".....لو استثنينا حالتين ان الشاب مسئول عن اسرة...يعني اخوة..و خاصة اخوات بنات...او حالة شاب عايز يبني بيته بدراعه مش بمصروف بابا....يبقي اكيد هنختلف كثيرا ع العبارة دي

محدش عايز يعارض سنة الله في الكون.....و محدش يرفض الاستقرار و السكن النفسي و الانساني مهما قالوا عن نكد الزواج....

لو انا ولد....هفكر اني لما املك مقومات الزواج....(مش مادة فقط)...مقوماته اللي تعطيني القوامة بمعناها الحقيقي...اذن مش هيستعصي عليا اني انوي النية و تكون نية خالصة و ربنا يفتحها في وشي

و كان فيه حديث عن الحبيب المصطفي صلي الله عليه وسلم.."فيما معناه"....ان ربنا بيكون في عون الشاب اللي بيفكر يعصم نفسه و بيسهله اموره...متي ما كان فيه نية صادقة

من ناحية تانية...انا بنت...و الوضع من وجهة نظري كده

من حقي اني ارفض خاصية الانتظار....عشان لسه النصيب مجاش

من حقي....اني اوظف طاقتي في خير ليا و لاهلي و لمجتمعي...

من حقي انجح في حياتي العملية.....بدل ما اقعد في البيت....و اسيب نفسي لزيارات الصالون التي لم تفرز معي سوي عن أشباه رجال ...(لا اعمم...قد تفلح كثيرا مع آخرين)

من حقي...اني ارفض....اني الف في الافراح....و اقعد زي الهبلة عشان حد يتكرم عليا و يشوفني و انا ضاربة وشي بوية...و يقول هي دي

من حقي...اني اتمهل جدا في الاختيار.......لاني ابحث عن رجل حقيقي...لحياة مستقرة يعني فيها علي ديني و دنياي... و مش فرحة و طرحة....و دمتم

من حقي...إني اعامل نفسي كملكة....و احافظ عليها.....لاقدم نفسي لمن يستحقها...و بالتالي مش اي شاب يبقي فرصة.....و مش اي عرض للجواز يبقي لقطة....و مش اي رجل يبقي لازم يتكعبل عشان اكمل متطلبات الوجاهة الاجتماعية.

من حقي....اني ارمي كل اللي بيقول "يا بنتي ضل راجل و لا ضل حيطة"

اقوله....انا مش عايزة اتجوز حيطة.... انا عايزة اتجوز صرح انساني...

ابنيه و يبنيني...

يعلي...و اعلي معاه.....

ينجح و اكون وراه.... و هكون سعيدة جدا اني مهما نجحت في حياتي العملية اني اكون الدينامو اللي بيدفعه هو لقدام.... من حقي....اني احس بفرحة ان الناس تقول فولان ناجح...و من حقي ابصله باعجاب و اقوله....انا مراته... مش هو اللي جوزي

من حقي....أن ادوس علي كل المصطلحات اللي الناس عايزة تجبرني بيها اني اعيش حياة مغرقة في الياس عشان بس أهرب من كلمة "عانس"...و لا شبح العنوسة....الجواز ليس هرب من وضع ما و لا ارضاء للناس

الجواز هو خطوة نعيش بيها جنة عي الارض....و توصلنا بما يرضي الله لجنة الاخرة

طب ايه رايكو بقي...انا هتصاحب علي الكلمة اللي كل البنات بتخاف منها

انا لا اخشي "عنوسة".......انا ما اخشاه....ان تنقرض "الرجولة"... في زمن ضاعت فيه ملامح البني آدمين

انا هفكر معاكم...كأهل...و خصوصا اهل البنت

هي جملة واحدة.....

الحب الشديد........بيؤدي للخوف الشديد.....فيه حاجات منقدرشي نغامر فيها...بنخاف علي بناتنا اللي مشاعرهم بتتفتح قدامنا انهم يعيشوا صدمات في حياتهم

بناتنا بيكبروا قدام عينينا...و بيحلوا اكتر.....و بنخاف عليهم اكتر....عشان بقينا نسمع و نعيش قصص و لا في الخيال....

مقدرش اغامر ببنتي اللي بخاف عليها من الهوا الطاير....مع اني مبنمشي الليل من دعائي ليها انها تستقر...مهما نجحت...و مهما حققت ع المستوي الشخصي...يبقي حلمي ليها انها تتجوز و تخلف طفلا يحمل ملامحها....فقط بنخاف

انا مش بقدم حلول

انا بس فكرت معاكو بصوت عالي

تقبلوا مروري

تحياتي

فوتكم بعافية

[shiko]

الحقيقة ...فراشتى الهائمة..اصابت ...كل ما تراودنى نفسى بالافصاح عنه

...اضافتى القلية الاتية ...تحصيل حاصل

رفض الفتاة ...ان تكون محطة انتظار لقطار ...لا يعلم لوصله ميقات الا الله ...

جعلها تخرج ...للعالم الاخر ...تكتسب مزيج جديد ومن نوع خاص من الخبرات المختلفة ...

ومالت كفة الميزان ...لتصبح الفتاة ...خبرة اكبر ...عقل ارجح ...طموحات اكثر ..."مالتى فانكشن"

بينما ...تراجعت الكفة الاخرى ...لتسقط سبب العنوسة على اسباب واهية تتعلق بالماديات وكانها ...تلك القشة التى تتعلق بها..

واصبح العالم بكفتى غير متوازيتين بالمرة ....واصبح من الصعوبة ان تجد الفتاة هذا الصرح الانسانى "على حد تعبير لماضة" الذى يتناسب مع مؤهلات ..ليست بهينة ..ولا اقصد هنا مؤهلات مادية او علمية ...ولكن اشير للخبرة ..والخلفية الثقافية

------------------------------------

على جنب كده عجبنى اوى اوى تعبير صرح انسانى ...بجد فى الجون

تم تعديل 21 مارس 2010 بواسطة shiko

[ابو محمود]

بما أن صوتكو علي وسمع الجيران وانا بصراحة مبسوط جدآ من البنات اللي صوتها الجميل ظ

اهر بوضوح

عندى عدة تساؤلات بخصوص الموضوع !!

فكرة الموضوع فى الاتجاهين ولد وبنت +مجتمع +دولة + ضغوط خارجية على الدولة كنظام

علشان ما أطولش عليكو . ممكن نرجع ورا شويه سنين ماقبل السبعينيات ايام مصر ما كانت بتأكل من عمل ايدها هل كانت هناك عنوسة ؟

العنوسة ليست للبنت بل للولد ايضآ

هل المجتمعات المتقدمة صناعيآ او فى درب التقدم الصناعى يوجد بها عنوسة ؟

هل العنوسة او الاقلاع عن الزواج تفيد المجتمع ام تضره ام هى من ناتج التقدم الفكرى للجنسين

ورغم كل هذة المجتمع المصري وأشدد يختلف عن غيرة من المجتمعات التى بجوارة بحكم طبيعتة الانفتاحية على الغرب من تقليد واستجلاب مظاهر من الخارج ربما لا تصلح معة الا بعد زمن من اتيانها لة

سؤال يجب على ان اضعة مع الموضوع هل اكرم للبنت بما انها الضلع المهم فى المجتمع (كزوجة وام للرجل ) ان تظل فى بيت ابيها خيرآ من ان تستعجل الزواج الغير مضمون حاليآ

للتغيير الواضح فى عقلية ونفسية الشباب فى هذة الأيام والزمن الحالى ؟؟؟

هل يقبل الشاب حاليآ ببنت متفتحة صاحبة تجارب وثقافة مع وجود تيار فى المجتمع يشهر بالمرأة ويجعلها سلعة وجسد فقط ؟

عايز صوتنا يعلا ويعلا

[sarmar]

اذا بتسمحولى بتعليق بسيط اولا الاستاذة لماضة اصابت فى الصميم كفكر جرىء وجميل ومقبول جدا

العنوسة هى وجهى عملة واحدة الوجهان هما السوالم والنسوة اى الولد والبنت ومايفعل اسباب تزايد نسبة العنوسة هى المعطيات الخارجية من المجتمع الى كل من طرفى العملة وبالتالى فان تصرفات الطرفان سواء سوالم او نون النسوة يعتمد فى المقام الاول على بيئة وثقافة ومستوى تعليمى ومادى

لاننكر اننا مقولبين تحت اسم عادات وتقاليد عفا عليها الزمن ولابد لنا من ان نخرج عن هذا القالب فى ظل سمو كريم من لدن تعليمات الرب الرحيم

اذا اتفق اولياء الامور لكلا الطرفين على تبسيط الاجراءات والطلبات سوف نتغلب على 10% من المشكلة اما باقى المشكلة فهى ترجع الى قديم الازل عن الموروث الثقافى فى عقل مذكر سالم عن نون النسوة لابد وان يتغير من جذورة ومهم جدا ان يتغير ايضا عند نون النسوة

فكلا الطرفين يعيش مع نفسة بعيدا عن الطرف الاخر وكانة فى حالة تحفز لكل شىء واولها المشاكل والتى تنمو الى الانفصال مما يدعو كلا من الطرفين فى عدم الاقبال على خوض غمار مثل هذة التجربة وبالتالى يؤدى هذا الاحساس لكلا الطرفين بتاجيل باب المسؤلية والقيود ولجان فض المنازعات الحدودية

[الترجمـان]

الزميل الفاضل محمود ..

شد انتباهي انك قمت بربط احد قرارات مؤتمر بكين الخاص بحقوق المرأة وبين مشكلة العنوسة ..,

ثم عقبت على ذلك بأن التزامنا بمثل هذه القرارات التي قامت بكل تأكيد على دراسات علمية بأنه تقليد اعمى ودعوى لمكافحة الزواج..,

فهل نطمح بأن توضح ذلك على ضوء انك تتحدث عن فئة عمرية تحت العشرين سنة ..؟؟

شكرا